|
Re: باشمهندس بكري ابو بكر الشاعرة الجميلة تماضر الخنساء حمزه تدق بابك فأذن لها بالدخول (Re: عبدالله وداعه الامين)
|
سمحه عينيك الولوفه
دايماً تسالم فى صحابا
وديمه تتبسَّم محبه ياحلاتا وياحبابا
حلوه عينيك التقيه
رموشا بتصلى وتسبِّح
نايره زى وش الصحابه
حلوه عينيك الشفوقه
لما يعيَّن ليها زولا
ساجده لى رب الخلايق
ياالله دى الدعوات مُجابه
وحلوه عينيك البتسأل
فى عيونا الشوق جوابا
وحلوه عينيك الحنينه
زى كلام أمى وبخورا
ريحتو بين طيات تيابا
وسمحه عينيك البشاره
زول حيرجع لى بلادو
وفاسو حيجرتق ترابا
وسمحه عينيك الشقيه
طوالى تسرح فى المفاتن
شوقها مخلوط بى عتابا
مسكينه عينينا الحزينه
لما تفقد يوم عيونك
وإنتا تمعن فى غيابا
وجد بتوحشنا الشقاوه
وبرضو بوحشنا السؤال
وعيون بنتوسَّد رحابا
تماضر الخنساء حمزه
|
|
|
|
|
|