|
يا إدارة البورد..يا أنا ..يا ناس شرير وجيمس وأهل العوض في البورد دا
|
يا إدارة سـلام أكيد تكونوا لاحظتوا(ودي حاجه في ذمتكم) إني من ما دخلت البورد العامر دا..ماحصــل يوم إتكلمت في السياسه أو قلت البغله في الإبريق أو قلت الديك طلع فوق طربيزة العده ولا أي حاجه من الحاجات البتودي الواحد في ستين داهيه..وطبعا دا لعدة إعتبارات..منها إنو أنا راجل على قدر حالي ومابفهم في السياسه عشان إتكلم فيها..وكمان عندي وليدات داير أربيهم..عشان كدا ساكت لى كم سنه... مابتكلم..بس عندي مشكله واحده..في حاجات تانيه ما بفهم فيها زي الكلام المقنن في أمور الصحه والتعليم والنور والمويه لكن برضو بتكلم فيها ما عارف ليه؟؟؟يمكن شلاقة ترابلــه..أو يمكن عشان بخاف من الملاريا والمدارس الكنبها واطه والنور الغايب وفاتورته حاضره والمويه الرضينا بيها بي طينها وهي ما رضت بينا...عموما الجماعه ديل عرفوا نقطة الضعف دي وإستغلوها..وقرروا يتآمروا على...ليه؟؟ والله ماعارف..الظاهر عاوزين يأكدو نظرية المؤامره عشان بعض الناس مكضبنها..قبل كدا أهل العوض دا إتكلم عن الضرايب والزفارات وجرجرني كان عاوز يوديني في داهيه بس ربك ستر...وجيمس هسع جاب خبر الحريقه بتاعة محطة بري وأتاريه متفق مع الشرير يجرجروني عشان اتكلم..والشرير دا أصله من زمان مداقرني وجاري وراي..هسع لو تلاحظوا في بوست حريق بري..كل ما أقفل الموضوع يقوم ينكتوا معاي تاني وكل مره أنا اسخن زيــاده والحكايه دي نهايتها شنو الله أعلم وحمدوا في بطن الجماعه والجماعه ديــل..وعموما أنا بديكم يومين بس...يا ترفدوني من البورد دا..ويا كمان ترفدوا الجماعه ديل بعد ما تحققوا معاهم يمكن الشبكة تكون كبيره وفيها غيرهم...وللا كمان تكتبوهم تعهــــد ما يتحرشوا بي ويستفزوني تاني منتــدى النيــــل
|
|
|
|
|
|
|
العنوان |
الكاتب |
Date |
يا إدارة البورد..يا أنا ..يا ناس شرير وجيمس وأهل العوض في البورد دا | nile1 | 06-03-03, 07:55 PM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | james | 06-04-03, 06:45 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | nile1 | 06-04-03, 07:52 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | ghariba | 06-04-03, 07:32 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | nile1 | 06-04-03, 08:18 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | قرشـــو | 06-04-03, 08:30 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | nile1 | 06-04-03, 08:45 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | Ahlalawad | 06-04-03, 08:55 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | nile1 | 06-04-03, 09:11 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | ايهاب | 06-04-03, 09:28 AM |
Re: يا إدارة البورد..يا أنا ..يا ناس شرير وجيمس وأهل العوض في البورد دا | nile1 | 06-05-03, 08:36 AM |
|
|
|