|
Re: تجار الملابس الداخلية في سوق سعد قشرة يحتجون علي ضعف المبيعات (Re: حمد عبد الغفار عمر)
|
Quote: أنا غايتو تجار سعد قشرة ديل ما بتضامن معاهم كلو كلو لأنو مرة واحد زعلني كنا واقفين جنبو جات واحد قالت عايزة حمالة صدر قال ليها مقاس كم ؟ شفت السفاهة حدها وين انشاء الله ما يبيعو ولا واحدة |
ياحمد المقاس مهم ياخي .. مقاس الرمان يختلف عن البرتكان وعن القرين وعن التبش وعن البطيخ ..
نحكي ليك نكتة على حس التبش والبتيخ ديل ..
واحدة وضعت توأم في المستشفى وجاء جدهم تاني يوم زائر ليهم وطبعا الاولاد كانوا في الحضانة اها الزولة كانت راقدة والمقاس الصدري من النوع التبشي الاقرب الى البتيخي .. الراجل الكبير نظره ضعيف جاء جنبها ومسك التبشتين الشبه البتيخ وقال ليها : ( ماشاء الله الاولاد كبرو يابتي )..
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: فايزودالقاضي)
|
Quote: نحكي ليك نكتة على حس التبش والبتيخ ديل ..
واحدة وضعت توأم في المستشفى وجاء جدهم تاني يوم زائر ليهم وطبعا الاولاد كانوا في الحضانة اها الزولة كانت راقدة والمقاس الصدري من النوع التبشي الاقرب الى البتيخي .. الراجل الكبير نظره ضعيف جاء جنبها ومسك التبشتين الشبه البتيخ وقال ليها : ( ماشاء الله الاولاد كبرو يابتي )..
|
كاااااااااااااااااااااااااااااااااك
أستاااااااااااااااااااذ والله :) ههههههههههههههههههههه
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: عبدالمجيد الكونت)
|
بكرى ده الانا عارفو عته انه عنده صلعه لكن حكاية عميان دى ما عرفتها الا فى البوست ده معقول بوست فيه ود القاضى وطارق جبريل وحبيب نورة وحمد عبد الغفار واخريات قاعد تلاته يوم؟ ياخى تلاته يوم غرقان فى البحر بطفح معقول يابكرى.. غايتو ياحبيب ده توفيق من عند الله او يمكن عشان قضية المساكين ديك ماتروح ساكت كما قال الشاعر: لما تروح عرق ( العجاب ) الشوم لباس فى فرقة يا حبيب نورة اهـ،،،
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: صديق الموج)
|
Quote: بكرى ده الانا عارفو عته انه عنده صلعه لكن حكاية عميان دى ما عرفتها الا فى البوست ده معقول بوست فيه ود القاضى وطارق جبريل وحبيب نورة وحمد عبد الغفار واخريات قاعد تلاته يوم؟ ياخى تلاته يوم غرقان فى البحر بطفح معقول يابكرى.. غايتو ياحبيب ده توفيق من عند الله او يمكن عشان قضية المساكين ديك ماتروح ساكت كما قال الشاعر: لما تروح عرق ( العجاب ) الشوم لباس فى فرقة يا حبيب نورة اهـ،،، |
يا موج قلت ليك دي قضية عادلة جداً عشان كده حق المساكين ديل ما بروح هدر
الله ينصر تجار سوق سعد قشرة
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: حبيب نورة)
|
بعيدا عن مضمون البوست
هي شهاده في حق الاستاذه والصديقه مها عبد الله والتي عرفتها منذ نعومة اظافري,مذ ان كنا صبيه نتسكع في حواري وازقة مدينة رفاعه ,, تلك المدينه التي علمتنا معني الوعي وغرست فينا قيم المحبه ودثرتنا باصول التسامح, وأرضعتنا من ثديها معاني الكبرياء والانفه والشموخ مها عبد الله لمن لا يعرفها من اسره فاضله تسد عين الشمس وتحاكي الجبال شموخا ً,نشأت علي قيم ومثل واخلاق وما زالت وستظل, وهي من انقي الذين قابلتهم في حياتي,واجملهم خلقه وُخلق واخلاق.
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: حافظ انقابو)
|
Quote: يا سلام عليك يا فاروق الاخت مها عبدالله من أروع البوردابيات أحت بحق وحقيقة يتمناها كل عرفها وشهادتك هذه تزيدها احتراما وإخاء شكرا لك أخي
|
انقابو أعد شفت التتلح العلي اصلو ههههههههههههه
Quote: خروج: أتاري البتعملا معاي كل مرة دي عوارة اهل العوض ^_* |
كان ناس رفاعه اهل عوض ناس رهيد البردي ديل يكونو شنو,العوض زاااتو؟ههههههههههه
عشان بسطتك من مها دي خلاص خليناك يا شليق وصافيه لبن ههههههههههههه
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: حافظ انقابو)
|
المداخلة الجاية دي إنصرافية تماماً فااا أعملوا منها نايمين
مرَا فقُر كانت المطرة تناغم في البيوت الطينية الغبشاء .. والممسّحة بي دِلكة البعر المارق من بطن الزرايب التي لم تبِت مواشيها القوّي أبداً .. ولم تعدم إسم البرسيم ولو مقدار كُلّيقة .. سخلات الفِرقان الممطورة تنطط في زقاقات البصر وهي تردّد في إنبساط شبع و روي( ... أم) البايت القوي ! ومصارين السِّعِد واللوبيا لم تشتكي من لوّاية محل ولكنها بدأت تترّع من شدّة الشبع .. ولم تعد تتذكّر أيامات السجم والرماد التي كان فيها دونها ودون الضرع .. خٌرتاية من قائمة الممنوعات! الغيمة دقّت طناش من أنين البيوت الطينية .. التي ما عادت تحتمل عفصة كراع من شدّة ما تفجّخت سقوفها من لبعات المطر؛ ولكنها أصطنعت شوية رجالة .. وهي تلعن وتسب .. وتقول بينها وبين المِرق المعصور .. والخايف من تشتُّت الرصاص والقنا والحصير ... فيها شنو لو المطرة تغيِّر رأيها وتجي بعدين ؟ السباليق .. تخُم وتصُر من مثانة السما ... فيزنقها شوية إحتقان فتتبوّل علي الحيشان ! فتبادلها الملامة وتصُر وشيشا ... المكتّح بالدفاق المرا أم صُلُب دي حايمة هسة تقوم تقع تكسر كراعا!! تقع فوق هوِيّة ورقبتك ملويّة ! تطنطن (عجَبت) في زهج إتي بتقولي في شنو ؟ خُشِّي يخش فيك قندراني! يا راجل مالك بتنبح هسه؟ أنا دايرة أدخل طبق الكسرة .. التّكُل ده بصُب ! تمنت عجبت في هذه اللحظة لو أنها كانت (محمد صالح الحلفاوي) إذن لسبّت دين ..مكعّب لي حسبو أبو عيالا . ولكنها قالت أخير السكات .. تساهر بيها عقرب ولا يفتح حسبو خشمو ده طبق الكسرة كان مبلول .. فقد أنسرقت بضعة قطرات من المطر وغافلت الرقيطا التي كانت مفروشة في سقف التُكُل ..وحلّة المفروكة قد تحتاج لي كتحة ملح أيضاً حتي يعود إليها طعمها .. ولكنها لن تتلايق مرةً أخري فقد أفقدتها موية المطرة تماسكها.. عجَبت بمؤخرتها الجبّارة تحاول أن تبقي متوازنة وهي تحمل طبق الكسرة في رأسها وحلّة المفروكة في يدها اليسري . خرتت كمية من الزبالة وهي تحاول أن لا تتوحّل في الطين.. وفي نفس الوقت تخاف علي سفنجتها الجديدة نمرة حداشر ! مؤخرتها الجبّارة تشدّها إليها .. وهي تحاول أن تأمر صدرها المترهِّل بأن يوزن الشغلانة ولكن لعب الما قدرك بفِك سدرك ! وووردُلُب ... وووووب علي يا برير ود الحسين الظلط الما بِلين !! الله لا غزّا فيكي بركة .. الوليّة أم صُلباً ماكِن دي الليلة أدتنا الجوع في الزِّيفة دي! أظنّوا الخريف سكّينوا حمرا السنة دي ..كل يوم ضابح سحابة الشديرات المريوقة .. شبعت مرارة وشيّة ... و أتكرّعت فلقة المطرة ... بتجرح خاطر المحل ! بس جرح النشاف ... منوسِر وخالف الكي .. عجَبت في نص الطين ... جلابية حبوبة المشروطة .. كشفت عدم إهتمامها بإرتداء السراويل!!
لم تكن تحفل برجلها التي ربما تحتاج لزيارة لمنزل (خضر البصير) ولكنها كانت تجهر بالثكلي من أجل طبق الكسرة وحلّة المفروكة التي مصمصت مياه الأمطار شلاليفا وتركتها بلا أخضر شفاه ! يا وليّة ما تقومي قامت قيامتك .. عليك الله هو أنا كان قادرة ما كان لحقت كسرتي وحلّتي دي! الشي ده ما بحميك المشي.. أنا عارفو يوم برميك!
المطرة مغزغزة كيعانا .. وتمصمص في شفاه شماتة .. والغيوم بتقول : بركة عجبني ليك! عجبت تحاول التملُّص من صُلبها الكبير .. وهو حالف ما يقوم من بطن الوراطــة وعمّك حسبو .. شتّت قصبوا .. وهو يكيل لعناته وشتائمه إليها فقُر ... عليكم الله شوفوا المسينيحة دي ! ضاقت المياه .. التي تتظاهر في الحوش ذرعاً بالحيطة أم كرش .. فلكزتها في بطنها .. وهي كانت تامّة للولادة .. فلم تصمد مقدار أصبعين .. ولم تمد قرعة رجاءها إلي مجري الطلق الصناعي .. أسفل فتحة الباب وووردُلُب ... مرا فقُر ... أصلوا اليوم دة أنا مسابروا من الصباح عمك حسبو .. ينبح ويردح في نص الحوش العريان بعد أن حلّت المياه المتظاهرة تِكَّة سرواله مرا فقُر ... أنستري يكشف حالك .. يا فقُر كانت الغيوم عديمة الشغلة هذا المساء .. فقررت أن تتمشط و تشغل نفسها قليلاً بالهطول ولكنها أسرفت في القطيعة مع البيوت الطينية الفترانة .. ولم تشعر بمرور الوقت وكذلك نسيت حلّة ملاحها والغريبة إنها ما حرقت .. لكن الحِلّة غرقت ! عجبت تجرجر في مؤخرتها الجبّارة إلي داخل الأوضة الكبيرة .. و المِرِق الكبير يتوجّع من شدّة التعب والموية التي عسّمت ضهره . أجيد ليكم بي البلل !عبارة شهيرة كانت ترددها حبوبة (عشة) كثيراً كلما جاء الخريف ونزل المطر ونط العجل . الخور الكبير أسرف في الشرب كثيراً وبدأ يقل أدبه علي شوارع الحلة المجاورة ويكيل السباب إلي عدد من البيوت الطينية التي تأدبت خوفاً من طولة لسان سيلهُ . هووووي يا ناس الحِلّة ينعل أبو أم أي زول !! أيي (.......) هنا ده يجي يفتح خشموا بطلِّع (....) مجبورة سكتت البيوت . جار الخور مجبور علي التَرَس ! عجبت تحاول النهوض وهي تُكفِّت بصدرها المترهِّل وش المطر ومؤخرتها الكبيرة تحاول إقناعها بالرجوع إلي الوراء . تخشي من طول لسان حسبو وهو يحاول أن يبني جداراً من القماش .. يحفظ به ما تبقّي من كرامة الحيطة الواقعة . المطرة تقول طالبة الواطـة مغسة تمشي وتجي علي كيف كيفها مرا فقُر .. عمك حسبو يكابد المطر والزِّيفة .. وهو يحاول أن يثبت القماش في الشِّعّب . والشُّعّب الهوائية لصدرهِ تشتعل غضباً من عجَبت وكأنها هي التي أمرت المطر بالهطول المرا أم صُلباً ماكِن دي .. مرا فقُر الله لا غزّ فيها بركة ! المطرة كيتاً علي عم حسبو . عايرة و أدوها صوط فنجطت .. ورفست حسبو في صنقورو وهو ينهق في غضب ويحاول ان يسرع قليلاً حتي يحتمي بالأوضة الكبيرة . وروروووووووك !! الترس كسر . ألحقونا الحِلّة غرقت ... حسبو يجدِّف بقوّة حتي يدخل إلي الأوضة الكبيرة ويهرب بنفسهِ من شلاليت المطر . عجبت تحاول أن تلوِي ذراع الجلابية العتيقة حتي تجفّف الماء والطين منها . ولكن تمنعها مؤخرتها الكبيرة من الوصول إلي بعض المناطق النائية فتكتفي بالتيمُّم بالحائط الأغبش الذي أكتسب لونهُ من نيران الكوانين التي تولع فيه لإعداد الشاي والمُلاح . حسبو يقترب من دخول الأوضة الكبيرة والمِرِق يكاد ان يقول الروب من ثقل ما يحمل ووووردُلُب !!! الله حي . أمانة ما وقع راجل ألحقيني يا عجبت ... أنا كِتلت ! يا مراااا !! وروروووووووك !!! ألحقوني يا ناس الحلة . عجبت بمؤخرتها الكبيرة تحاول أن تنهض وتستدعي أصحاب المروّة وفجأة . ينهض حسبو من النوم فيلتفت ليجد زوجته عجبت بسطونة بجواره في العنقريب الجرتق وهو يردد : أصبحنا بي الله .. عليكم الله شوفوا المرا النشفانة دي ! مرا كملانة من لحم الدنيا ... مرا فقُر !! عم حسبو يردح وينبح في نص الحوش المحاصر بالرمال والصحره تزحف ببطء نحو أرجاء المكان ... ماتت الأشجار هذه المرّة جالسة .... الخور الكبير الذي كان في يوم من الأيام مجري للسيل أصبح من ضمن الخطة السكانية لسكان حلّة (النشيفانة) وحسبو التعيبان ينظر لزوجتهِ المنهكة شذراً وهو يردد : أعوذ بالله ... مرا فقُر مرا كملانة من لحم الدنيا . الله لا بارك فيك يا القشّه أُم رُوح . مرا فقُر .. فقُر ... فقٌر ....!
فقُر ...!
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: حبيب نورة)
|
بعيدا عن مضمون البوست رسالة شكر وتقدير لكل من وقف معى بمحنتي بهذا البوست ( وش مسكين خالص خالص ) العزيز الصديق د. فاروق تسلم لطيب الكلام (وخفف الضغط علي العزيز أنقابو ) رهيد البردي هى جنة الله فى الأرض لولا ظلم الحكومات وسياساتها الغير رشيدة لأصبحت منتجعا سياحيا يُضاهي بقية مدن العالم المعروفه ..
بعدين لياقة ناس رفاعة ما شفتوها لسه
العزيزة هويدا شرف الدين شاكرة لك حسن ظنك الجميل العزيز الكونت الجميل ( كيتا فى ود القاضي ) عاوزيين يضموك للستة غصبا عنك عارفه عارفه يا كونت دا إسمو حقد السخفاء الطبقي
كما لا يفوتني أن أعلن تضامني الكامل مع تجار سعد قشرة والدعوات الصادقة بإزدهار السوق و ( إنتعاشه ) وزوال مرحلة الكساد قريبا والشكر لحبيب نورة إن جعل هذا ممكنا
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: حبيب نورة)
|
حبيب نورة صاحب القلم الأنيق لك التحية وكل المتداخلين
فى اكبر تجمع اللبورداب فى سوق الكلوتات
قلت اسجل حضور
توجد صورة
Quote: تجار الملابس الداخلية في سوق سعد قشرة يحتجون علي ضعف المبيعات [ 1 2 3 ] 224 5094 حبيب نورة 15-05-12, 02:28 AM بواسطة حبيب نورة |
فى نص الصورة 224 مداخلة
و 5094 مشاهدة
بما انك فى مصر فسر بعد جهد لكن ليس بالماء
| |
|
|
|
|
|
|
Re: تجار الملابس الداخلية في سوق سعد قشرة يحتجون علي ضعف المبيعات (Re: هويدا شرف الدين)
|
Quote: اللهم باعد بيننا وبين السفاهة والسخافة والصفاحة وهلمجرا |
اللهم آمين يا كريم اللهم عليك بكل سفيه وسفيق ######ــــــيف وصفيح اللهم باعد بين السفهاء والسخفاء كما باعدت بين المشرق والمغرب
اللهم أرفق بتجار سوق سعد قشرة وخفف عليهم ضيقهم وأفتح عليهم أبواب رزقك يا كريم
وختام دعوانا الحمد لله رب العالمين وصلي الله على سيدنا محمد خاتم النبيين
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|