|
Re: خشم.....خشمين (Re: Tagelsir Elmelik)
|
التاج إزيك؛؛ ياخي دي فرصة (أبراك) شوية وناخد خشم خشمين والتالت مـرّ،، و(براك) سويتا في نفسك؛؛ أول حاجة ما تجي سـيرة البري والبرايين إلا ويذكـر الحلاق وبتاع التكسي،، ديل مشكلتهم مافي أيتها طريقة في الدنيا تخارجك منهم ما دمت قد سلمت راسك ودقنك للحلاق،، والتكاسي قد ضمنك بمشوار كارب داخل عربيتو المن زمن النبي صبي ديك،، غايتو عندي قريبي أظنه الوحيد الذي نجح في إسكات بتاع التكسي لأنو عارف قصتو ح تكون بطالة مع مشـوار من الشعبي الخـرطوم إلى أرياف أم درمان النائية..والمفروض في يدخل يدخلوه غينس على طول: بدا الرجل كلامو بعد ما تحركوا: تتصور العربية دي ماشية بالبركة بس! فرد عليه صاحبي ببرودشديد: والله أحسن ليك من البنزين... سكت شوية ويبدو إنو مافهم الرد معناه شنو وربما افتكر إنو الراكب دا راسو ما نضيف.. بعد شوية قاليهو: تتصور سنة تمانية وسبعين اشتريت العربية دي ومعاه وحدة تانية زيها يعني الاتنين كانوا آخر موديل، واشتريت كمان البيت،، يوم الليلة ما عندي غير العربية دي والبيت.. فرد صاحبي مرة تانية وبدغالة مع سبق الإضمار: طيب ياخي ما تبيع دي والبيت عشان تشتري عربية آخر موديل تاني.. المسكين لم يزد على أن نظر إليه (شزرن)،، وإظنو إستعاذ بالله وحوقل وتمتم في سره: الله يعدي المشوار دا على خير.. أما قصتو مع الحلاق نخليها للبرية الجاية إلا كان لقيت ليك طريقة مع بكـري يقفل ليك البوست دا.. تحياتي..
|
|
|
|
|
|
|
العنوان |
الكاتب |
Date |
خشم.....خشمين | Tagelsir Elmelik | 02-17-08, 06:03 AM |
Re: خشم.....خشمين | دبس | 02-17-08, 06:33 AM |
Re: خشم.....خشمين | Tagelsir Elmelik | 02-17-08, 06:01 PM |
خَنجَرَة... | mamkouna | 02-17-08, 09:48 AM |
Re: خَنجَرَة... | Tagelsir Elmelik | 02-17-08, 09:18 PM |
Re: خشم.....خشمين | emad altaib | 02-17-08, 10:12 AM |
Re: خشم.....خشمين | Tagelsir Elmelik | 02-18-08, 04:40 PM |
Re: خشم.....خشمين | Isa | 02-17-08, 11:01 AM |
Re: خشم.....خشمين | Emad Abdulla | 02-17-08, 01:40 PM |
Re: خشم.....خشمين | mutwakil toum | 02-18-08, 07:42 AM |
Re: خشم.....خشمين | Tagelsir Elmelik | 02-18-08, 04:45 PM |
Re: خشم.....خشمين | abubakr | 02-18-08, 05:27 PM |
Re: خشم.....خشمين | Tagelsir Elmelik | 02-19-08, 04:17 AM |
Re: خشم.....خشمين | الجندرية | 02-19-08, 11:41 AM |
Re: خشم.....خشمين | Tagelsir Elmelik | 02-19-08, 07:12 PM |
Re: خشم.....خشمين | Emad Abdulla | 02-19-08, 08:13 PM |
Re: خشم.....خشمين | Tagelsir Elmelik | 02-19-08, 08:55 PM |
Re: خشم.....خشمين | الجندرية | 03-10-08, 05:22 PM |
Re: خشم.....خشمين | Emad Abdulla | 03-10-08, 08:02 PM |
Re: خشم.....خشمين | wd al geran | 03-10-08, 08:40 PM |
رد | Mohamed fageer | 02-21-08, 04:44 AM |
Re: خشم.....خشمين | الجندرية | 03-10-08, 10:26 PM |
|
|
|