|
Re: عنـدمـا يصـبح القـائـد سـمسـار ، هيثـم مصطفـى مثـال !!!! (Re: حسين يوسف احمد)
|
الاخ حسن يوسف
مبروك للمريخ الفوز المستحق
نحن فى البيت 6 اخوان 3 هلالاب و3 مريخاب..
الزعل دا لزومو شنو..زول ما عجبو فريق يمشى يسجل فى اى فريق تانى حتى لو حرشوه او دفعو ليه قروش تحت تحت...يعنى شنو ما هى كرة..اصلو لو جينا للجد الجينات دى حقت كيزان حاليا المريخ تبع الكيزان والهلال تبع الكيزان..اها رايك شنو...بكرة كان مريخ او هلال لو لعب مباربات دولية..بغلبوه زى شراب الموية..والله المريخ ب هيثم طمبل وهيثم مصطفى ظاتو..خليوه يجى يلعب مع ثلوث او الطائف او الوفاق فرق اقاليم فى المملكة يغلبوهم صباح حتى لو شكلت الفريق من الفرقتين..ياخى بلد ما فيها سياسة ما فيها كرة.. تعرف انا كان كرهتى لاعب سعودى اسمه سامى الجابر..من غير اى سبب ما بحب الزول دا...يوم من الايام قابلت...اخوه الصغير..قال لى انا اخو سامى..انا عارفك ما بتحبو عشان انت نصراوى.. قلت ليه ولا النصر ذاتو بحبو...اها الولد بقى يحكى لى عن اخوه..ويعدد لى فى مناقبو وهو رب لاسرة تتكون من 7 اخوات وهو العائل الوحيد الذى ينفق..عليها تصور حتى نسابتو معتمدين على قونو ..0على ابو الحظ دا..اها سامى دا ما بدخل مبارة الا يجيب قون..حتى لو دخل والباقى دقيقة.اها من يومها وانا بشجع سامى...اها انت اسال عن هيثم دا واكيد ستجد فيه خصال تحبها.
اها ياخوى انت الوانك دى وفرها للكيزان..وخلى مزمل ابو القاسم ذلك الصحفى الذى يتمنى زول الهلال يمارس هذه الهواية... بتعرفو عبد المجيد عبد الرازق..زول مريخابى...لكنه قلم محايد..والله حبيت اروق دمك ساى..خلو الناس تسجل لاى فريق ..عشان يحلو اللعبة..وبعدين مافى هلال بلا مريخ..ومافى مريخ بلا هلال...والاتنين مو جايبين مريسة تامزينو..
بعدين حكايتكم شنو انتو وهشام هبانى بتشجعو فريق الكيزان ليه..كدى قولو لى جمال الوالى مش كوز..كدى اسالو تراجى...او راشد الحاج وعصام احمد.. خالص ودى لك ياهندى ياجميل...
|
|
|
|
|
|