|
|
 حنّتو عند جيراننا! اخونا Hatim Yousif، وزميل البورد... عريساً
|
جيراننا زوج لطيف.. الزوجة زميلتي في العمل.. وجارتي الباب بي الباب... نوع الجارات البودي ليها صحن وتودي لي صحن في الغربة المحتاجه دعم معنوي زي ده.. ولو عملته شي لازم أرسّل ليها.. ولو عملت شي بتقسم لي وترسل لي... زوجها رجل بتاع واجب.. وبعرفه كويس.. اصدقاءه كالاخوان عنده....بعد زواجه استمر يواصلهم... ويشد من أزرهم...
الليله المغرب، سمعته الزغاريد عند جارتي... وبعدها بشوية اتصلت بي.. واحد من أصدقاء زوجها جاهم عشان يحننوه.. ويزفوه لزوجته المسافر ليها في السودان.... كان سألهم عننا انا ونادر، بالصدفة! قالوا ليهو هديل بابهم فاتح في بابنا...
وللحظة شعرت بالحزن عشان الغربة بتختصر كتير من فرحنا... لكن بعدها، شهرت بالكثير من الفرح لHatim Yousif بهؤلاء الاصدقاء الذين تجمعوا من اجل ان يباركوا له....
فهلا نكمل نحن بقية الفرح، ونبارك لزميلنا هنا!
ألف مبروك يا حاتم.. وان شاء الله بيت مال وعيال....
شكل المباركة يكون كالتالي... أي سيدة/آنسة تجي هنا تدينا زغروده... واي زول يجي هنا يبشر لينا.... قلنا عايزين نتم الفرح
وعقبال العايزين... والعايزات...
بالمناسبة السعيدة دي برضه بقول انه حاتم الباسورد بتاعه اتهكّر قبل يومين.. وبكري لحدي حسي ما رجعه ليه... 
|
|
 
|
|
|
|
|
|
|
|
Re: حنّتو عند جيراننا! اخونا Hatim Yousif، وزميل البورد... عريساً (Re: محمد عبد الماجد الصايم)
|
كنت باتكلم معاه لقيته فى الحلاق
زى الساعة اربعة كدة
المهم احكى لينا الحنة كانت كيف
ولو فى صور تكونى ابدعت يامريم بت
الحسين
تقريبا دلوقت العريس دة فى صالة
الترانزيت بمطار الدوحة (تلفونه مقفول)
متوجها لمطار الخرطوم وزى ما انتو عارفين
مطار الخرطوم بقى بيستقبل الطيارات بعد
الرابعة عصرا بسبب اعمال تمديد المدرج
المهم العرس يوم الخميس ان شاء الله
وربنا يتم على خير
وعقبال كل العزابة
و ح نعمل بوست تهنئة بعد يوم الخميس
وشكرا مريم بت الحسين
| |
|
|
|
|
|
|
|
|
|
Re: حنّتو عند جيراننا! اخونا Hatim Yousif، وزميل البورد... عريساً (Re: مريم بنت الحسين)
|
مبارك يا حاتم
ربنا يتم أفراحك على ألف خير
شكراً مريم على إشراكنا في لحظاتكم الجميلة
| Quote: شكل المباركة يكون كالتالي... أي سيدة/آنسة تجي هنا تدينا زغروده... واي زول يجي هنا يبشر لينا.... قلنا عايزين نتم الفرح |
طيب والعاوزين ( بطان )* كيف ؟؟؟
______________________
* البطان هو أن يجتمع أصحاب العريس ويخلعون قمصانهم ليقوم العريس بجلدهم بالسوط ( حتى تدمي ظهورهم ) . يكتفي هؤلاء المجلودون بنظرات الإستحسان من حسناوات الحفل بشجاعتهم أما إن وصل الحال لسماع زغاريدهن فخراً بشجاعتهم فسوف يكون هذا سبباً قوياً لطلبهم إعادة الجلد مرة أخرى .
| |
|
|
|
|
|
|
|
|
|
Re: حنّتو عند جيراننا! اخونا Hatim Yousif، وزميل البورد... عريساً (Re: مهيرة)
|
عبدالفتاح زوما... اولادي شنو يا عبدالفتاح، مالكم دايرين تكبرونا يا جماعة... محمود لحدي حسي عدد الكلمات البعرفها ما بتتم جمله فيها فعل وفاعل ومفعول به... هههههههه
مازن الجمّال... الله يبارك فيك يا رب.. وعلى شكر على واجب
د.مهيرة... زغردت الدكتورات ظاااااااااهره... الله يبارك فيك، وعقبال نفرح بأولادك يا رب
| |
|
|
|
|
|
|
|
|
|
Re: حنّتو عند جيراننا! اخونا Hatim Yousif، وزميل البورد... عريساً (Re: عاطف عمر)
|
احمد التجاني.. تدفع كم في الصور؟ حسي بنزلها.. ثواني بس...
فادية اليمني.. زغرودتك تشق الاضان... عفيت منك... شكرا ليك
استاذ عاطف... عاد انا ما بعرف البطان كمان هههههههههههه... اهل ابوي من الزيداب... وعندهم العادة دي لحدي حسي... مازن اخوي عنده نكته.. بقول يعني الواحد يتجلد عشان البت تزغرد ليه، ما يعزمها فنجان قهوة في حته حلوه وبس!
| |
|
|
|
|
|
|
| |
مريم بنت الحسين
سامى عتبانى
khaleel
حمد فتح الرحمن
jini
Alsa7afa_30
Sidgi mattar
Rashid Elhag
نيازي مصطفى
أميرة فاروق عبد العال
SHIBKA
هند محمد
محمد عبد الماجد الصايم
احمد التجانى احمد
فادية اليمني
عاطف عمر
مازن الجمّال
مهيرة
سيف بخيت موسي
نجوان
جعفر محي الدين
Abdlaziz Eisa
غادة عبدالعزيز خالد
Dalal Ezzaldin
النذير حجازي
عبداللطيف حسن علي
فيس بوك
تويتر
انستقرام
يوتيوب
بنتيريست