|
Re: مبروك يا سارية (Re: Omayma Alfargony)
|
الغالية جداً أم سارية
مبرووووك للحبيب سارية وربنا يسعد أيامه وبالمال والبنين يارب
مازلت أذكره وأيام ماليزيا..
مبروك ياسارية من عمو عزيز خطاب
انا حا أكون في فيرجينيا يوم السبت القادم 19\9 ولمدة أسبوع أكيد حا نتقابل ونحضر القيدومه
وكمان نرجع لهولندا ونتقابل في بلجيكا ونسير لفرنسا..
سأتصل بكم بمجرد وصولي يوم السبت
ومبروك للأخ الصديق العزيز دكتور صلاح عوض الله والد ساريا ويارب تكون بيننا في كرنفال الفرح بساريا
كامل مودتي والتبريكات لآل شيخ الدين
عبدالعزيز خطاب
| |
|
|
|
|
|
|
Re: مبروك يا سارية (Re: عزيز)
|
Quote: غالية جداً أم سارية
مبرووووك للحبيب سارية وربنا يسعد أيامه وبالمال والبنين يارب
مازلت أذكره وأيام ماليزيا..
مبروك ياسارية من عمو عزيز خطاب
انا حا أكون في فيرجينيا يوم السبت القادم 19\9 ولمدة أسبوع أكيد حا نتقابل ونحضر القيدومه
وكمان نرجع لهولندا ونتقابل في بلجيكا ونسير لفرنسا..
سأتصل بكم بمجرد وصولي يوم السبت
ومبروك للأخ الصديق العزيز دكتور صلاح عوض الله والد ساريا ويارب تكون بيننا في كرنفال الفرح بساريا
كامل مودتي والتبريكات لآل شيخ الدين
عبدالعزيز خطاب |
العزيز عبد العزيز
ياريت نسمع منك السبت ده كان امس
اتصل ونتفاهم
ومرحبا بك فى بلاد اليانكى وان شا الله عندك مشاريع فنية كبيرة هنا
وكل الشرف لينا لو حضرت معاك وشكرا لتمنياتك الطيبة ...وصلاح عوض الله بسلم عليك
| |
|
|
|
|
|
|
Re: مبروك يا سارية (Re: Omayma Alfargony)
|
أميمة الفرجونى
الله يبارك فيك
وكونى بقيت حبوبة ..انا بقيت حبوبة من سالى بت مريم
تانى الجديد شنو حيكون ؟؟ مش بتك او ولدك الشفتيهم مولودين جداد وتشوفيهم والدين ؟؟ سوتها فينى سالى .....فى مريود
ويارب يسمع منك واشوف اولادهم كلهم
| |
|
|
|
|
|
|
Re: مبروك يا سارية (Re: ahmed khidir)
|
أنا كنت في حالة بيات سايبيري
مرة مرة كده بتاوق
وبقيف عند الحاجات الحلوة والناس الرائعين
تهانينا يا قريبتي تماضر
يعني الواحد ح يبقى خال وكده ... خال شنو؟؟ أقصد جد وكده!!!
ربنا يزيد أفراح آل الأستاذ شيخ الدين في الشتات العجيب ده!!!
لما قلتي ح ننزل عند ناس الصادق كأنه الصادق ده ساكن في أمبدة!!!
وزينة والله !!!
زينة عرس سارية ... وزينة بت الصادق
وتحيات نديات
| |
|
|
|
|
|
|
Re: مبروك يا سارية (Re: الجندرية)
|
سارية ود تماضر الف بوسة والف مبروك ليك يا ود الغالية تماضر دي عايزة ليها قلدة وبكية ودموع فرح مع اني زعلانة يعني ما خصيتني بالخبر بس عارفاك عشان ما اسبقك بالبوست بس عليك الله يا تماضر تكلمي البص يطوف بمسقط مالي دعوة انشالله ابقى بساط الريح ....
| |
|
|
|
|
|
|
Re: مبروك يا سارية (Re: عشة بت فاطنة)
|
Quote: سارية ود تماضر الف بوسة والف مبروك ليك يا ود الغالية تماضر دي عايزة ليها قلدة وبكية ودموع فرح مع اني زعلانة يعني ما خصيتني بالخبر بس عارفاك عشان ما اسبقك بالبوست بس عليك الله يا تماضر تكلمي البص يطوف بمسقط مالي دعوة انشالله ابقى بساط الريح |
والله يا عشة انا قصرت فيك وما كلمتك ..الحقيقة ما كان فى كليم كتير ..الخطة جابوها لينا مدروسة حتوها لينا فى التربيزة
وكان السيرة ما جات مسقط "واليمن" ....تمشى وين تانى
حنشوف براق للسيرة يلف بينا على الحبايب ونقيف فى خشم بابهم بالدلوكة وننقز زيييين ونشيلهم ونمشى البلد التانية
يا عشة بت فاطنة ان شا الله تشوفى جديد عمرو وسارية ورانية ومدثر وتفرحى بيهم ونفرح بيهم معاك ...فى القريب العاجل ..وتسلمى لى على بيرق وعليهم شديد
وبنكون على اتصال
يا حليلك ويا حليل مقيلك
| |
|
|
|
|
|
|
Re: مبروك يا سارية (Re: Ibrahim Algrefwi)
|
Quote: والله مبروك يابن خالتي ، وعقبال الي بالي بالك ... بس كان بدري عليك . |
اللى بالك بالى ...كان جابو ليهو سيرة العرس ساكت ينط
ياربى ده من شنو ده؟؟
هههههههه
عقبالك يا جريفاوى
| |
|
|
|
|
|
|
Re: مبروك يا سارية (Re: الجندرية)
|
الجندرية بت امى
يسعد حالك ويباخت عليك حياتك ويباخت عليك ووليداتك وسيد بيتك
السيرة نلف عنقها وتجى بى صنعا
عندنا متلك منو؟؟
محبتى ومودتى
| |
|
|
|
|
|
|
Re: مبروك يا سارية (Re: عبد الباقي الجيلي)
|
عبد الباقى الجيلى
والله شكرا ليك ياخى على تعليقك الظريف والزينة حالك وفالك ان شا الله
وبركة فى السايبر
كل زول فينا مجدوع فى مكان براه العرس ده كلو سايبر
يتحيل لى حنسير اون لاين ونعمل داون لوود للعرس ...هههه شكرا
| |
|
|
|
|
|
|
Re: مبروك يا سارية (Re: Elawad)
|
Quote: بارك الله لهما و بارك عليهما و جمع بينها في خير. ألف مبروك يا تماضر و ربنا يتم على خير. |
اللهم آمين
ولك جميل الشكر يا عوض
| |
|
|
|
|
|
|
Re: مبروك يا سارية (Re: Elawad)
|
لم الحروف تصدق تبين قوة احساسنا الخفي بنهدي الفرح السعيد لـ تماضر وسارية والهم اختفي
ياخي 1000 مبروك ويبدو انو قدمي عليكم قدم خير تصدقي ربنا يسعدم واديهم لمن يكفيهم
تخريمة مالك يا طماضر يعني ما بتهنيني بـ انحشاري معاكم في الهوا دا ناس الرعيل الأول في المنبر كلهم ما قصرو معاي تب يقصر الملح في الملاح معقولة انتي تقصري
كل التحايا النواضر
| |
|
|
|
|
|
|
Re: مبروك يا سارية (Re: ابو جهينة)
|
Quote: مش كان تقدموا العرس شوية عشان نحضر .. مالنا نصيب ) |
العرس السنة الجاية
رتب امورك ..وحنتشرف نحن بوجودك يا ابو حهينة ولك الاحترام والمودة
| |
|
|
|
|
|
|
Re: مبروك يا سارية (Re: Raja)
|
Quote: ألــف ألــف مــــبـــروك لسارية عريسنا الزينة..
التبريكات موصولة ليك يا تمضًورة ولسيرين ويسرا وحمودي ولكل الحبايب..
خبر حلو في أيام حلوة مباركة.. ربي يديم عليهم السعد والهنا |
يحلى أيامك وتتبارك حياتك يا حبيبة
وعقبال المعاك والعندك والدايرة ليه
| |
|
|
|
|
|
|
Re: مبروك يا سارية (Re: هشام هباني)
|
هشام هبانى
قلت لى العرس فيه طبقات عمرية واثنية ؟؟
الاسمهم مستورة والدعكون والسرة يعوسوا الكسرة ويسوو المرارة والكمونية
وناس آمنة ورقية يمسكوا ملاح ام رقيقة والضلع
والاسمهم ست البنات واسما ا يمسكوهم المحشى والكفتة والبطاطس بالقيمة
وناس فوزية وسميرة سلطة الاسود والسلطة البيضا والحمرا
وناس انتصار وامانى ماسكات الكسترد ...وناس لينا ورنا يقدموا الكعك والخبيز والبيبسى
وناس سمية وابتسام يسووا الشاى؟؟
الله يجازيك يالممسوخ
وشكرا على الاغنية الحلوة وتمنياتك الطيبة ...عقبال نشوفك رئيس
| |
|
|
|
|
|
|
Re: مبروك يا سارية (Re: خدر)
|
خدورى
خال العريس
قلنا ليك ادى البت سيرلاك خليها تكبر قوام
ابيت
أها العريس جاى يعرس من جنبكم وما لقاء ...كده كويس؟؟
هههههههه يا مراحب
| |
|
|
|
|
|
|
Re: مبروك يا سارية (Re: Suad I. Ahmed)
|
ماضر العزيزة اشواق وسلام بالترناطة - تتذكري لما كنا في سلن فرانسيسكو في كرسماس سنة 1999 كان سارية مسئول من الميز في غيابك كانت ادارته درجة اولى - وهسع كمل باقي المسئولية لما قرر يعرس لروحه - اتمنى له السعادة ودوام الحب حيرتني حكاية فرنسا البعيدة من امريكا و لا بتلافوا بالفيس بوك؟ الف مبروك مجددا ماما سعاد
استاذتى الجميلة وصديقتى العزيزة والتى اناديها مجازا "ماما سعاد"
أحبك منذ ذلك اليوم وما زلت
تتذكرى خليت اولادى كلهم يكموك فى التلفون ...وكنت بشرح ليهم او بحاول اشرح ليهم قيمتك عشان لما يتكلموا معاك ينتبهوا لانهم بتكلموا مع منو؟؟
كان وقتا من قطعة الخلود ....ومازال اللقاء فى الجريدة هو احد الاشياء التى افخر بأننا قمنا به سويا
ما اجملك هنا ...هناك ....وفى كل الاماكن
| |
|
|
|
|
|
|
Re: سارية (Re: محمد صلاح)
|
محمد صلاح
مالو اسمك ده زى اسم اولادى كده؟؟؟
سارية صلاح
ومحمد ناصر
كلو عندنا
ههههههه
شكرا ليك كتير وفى افراحك ان شا الله
| |
|
|
|
|
|
|
Re: سارية (Re: Isa)
|
عيسى ...
والحلوة المنططة عيونها دى سارية اقصد سايرة ياتو بحر
هههههه حلاتا يا ناس ...... تعبيرك لذيذ
أم العـريس سـلام.. وسارية سـار البحـر (المتوسط).. ألف مبروك ليكي وللعرسان وربنا يتم على كل الخير..
| |
|
|
|
|
|
|
Re: سارية (Re: نهال كرار)
|
نهال كرا يا حليلك
والله مشتاقة ليك شوق "السحابة الراحلة"
والله يا حليلك وألف عقبالك
انا عرسك بجيهو لو كان فى الصين ...بس قولى عوووك
| |
|
|
|
|
|
|
Re: سارية (Re: Kostawi)
|
Quote: روووووك
لكن يا تماضر أنا ما فاهم أي حاجة
في شنو? |
كوستاوى
يوجد ولد مليح وهادىء الطبع ومرح ..يدعى سارية يدرس فى جامعة ما فى امريكا ويتأهب لنيل الدكتورة من تلك الجامعة ، قابل فتاة جميلة تدعى سمية قادمة من باريس ومن اصل مغربى اوان حضورها لنفس الجامعة وهى تحضر للماجستير فى اللغات
وعندما رأى جمالها وخفة دمها وذوقها الرفيع وطبعها الأصيل، أحبها حبا شديدا وعندما رأت هى ملامحه الوسيمة وطبعه الطيب الواثق وذكاءه اللماح وذوقه الرفيع أحبته حبا شديدا، فأتى بها الى منزل والدته وقدمها لها، واتصلت هى بوالدها وقدمته له، وطلب هو من والده أن يتقدم لخطبتها من والدها واتصلت امه بوالدتها وتعرفتا على بعضهما البعض وباركتا خطوهما، واتفق سارية وسمية على أن يأتى بأسرته الى أسرتها للتعارف واتمام الخطبة على أن يتزوجا العام القادم عندما يكمل دراسته بالجامعه وينال الدكتوراه، فطارت امه من الفرح وفتحت بوست ....
ههههههه فهمت حاجة ؟؟
| |
|
|
|
|
|
|
Re: سارية (Re: صديق الموج)
|
صديق الموج ، كل يوم تثبت لى أنك شندقاوى حتى النخاع
الله يديك العافية
نجيب ليك العرسان عمرة مخصوص ويابوردب السعودية معزومين عندنا حنة وسيرة ودخلة بى شعيريتا وسكسكانيتا وتقليتا عشان خاطر الناس السمحين الزى صديق الموج
تحياتى يا معتق
هشام خال العريس لزم
| |
|
|
|
|
|
|
Re: سارية (Re: Elmosley)
|
Quote: عقبال الجميع وعقبالك انت ده يا دكتور ما قلت شى لسة؟؟؟ نحن جاهزين ...وبقينا خبرة فى الافراح |
كويس جداً يا طماطم...كدي رسلي تفاصيل حفلة فرنسا دي عشان نجي نبارك و منها نشوف حكاية خبرتك في الأفراح دي...:) إنشاء الله تكون الحفلة في الويك اند..؟؟ ووبعدين عنوان الجامع في الجنوب الفرنسي عشان نحضر العقد وكدة....
| |
|
|
|
|
|
|
Re: سارية (Re: Abdelgadir Galal Ahmed)
|
Quote: [الى ان نصل الى جيل الشنادقة المطور ده.. تصلك مثل دعوة تماضر تلك تلوى عمتك وتلوى خشمك وتكوس بالبلود.. ياناس باريس فى عرس شنادقة هنا ولا حياة لمن تنادى ياناس نيس bonjour فى عرس شنادقة عيييك يا اهل الشانزلزيه bonswa any shanadga wedding there يخرب اخير ناس نيس اها شهرك يكمل ما تلقى رد لاتلقى شنادقة واخر شى تلقى ود حلال يوصلك للصادق فى بلجيكا والا يوديك لى رشا فى اسبانيا وتقوم رشا تقول ليك العرس خلص ده كان عرس بت تماضر وفى امريكا اها كده كويس يا تماضر؟؟؟ وين الكائن؟ ووين العشاء؟ ووين تنوم؟ ووين اللقمة؟ والشعيرية والسكسكانية والفطير وكبابى الشاى البطاقشن؟ ووين الوين؟؟ هسع انا بقرا ساعة لاعرفت الشى عشاء؟ لاعرفتو غداء؟ لاعرفتو وين؟ دحين يا تماضر اكتبى لينا كرت الله والرسول حق شنادقة زمان عشان نعرف مشهادنا والعاقبه عندكم فى المسرات،،، |
الله يجازي محنك يا الموج .. والله الحداثة ودرت علينا الشنادقة تب ويا تماضر شيتكن البتسوو فوقوا دا مو عرس شنادقة يا قول الموج يعني اسي السيرة تمرق عصر من سودانيز اون لاين لحدي وين نحن عايزين نعرف تفاصيل ما نروح زي اخونا الموج الشالو الموج لفريق الشانزليزية ...
| |
|
|
|
|
|
|
Re: سارية (Re: عشة بت فاطنة)
|
Quote: خدورى العروس بت جيرانكم فعلا فى جنوب فرنسا ، تجى يوم تلاته عشرة ؟؟ اتكلم مع الصادق نحن نازلين عندو |
تماضر جنوب فرنسا فوق راسنا.. نحن بنقول شمالنا .. أدينا أمارة .. نحن مكسرين فى أم العريس من زمن نبته حبيبتى ..
ألف مبروك وربنا يتمم على خير
| |
|
|
|
|
|
|
Re: سارية (Re: رأفت ميلاد)
|
مبرووووك ياتمادور
ربنا يتم على خير
وعقبالك يا صاحبتى
-------- عرس سارية مابقدر اجى اعفى لىّ لكن عرسك اعمل ليهو الوبكينق من حسع دى بس قولى متين
| |
|
|
|
|
|
|
Re: سارية (Re: Ishraga Mustafa)
|
اها ده ابراهبم ود احمد جبريل داير يكتب ليك لما الله يدبه باسورد:
اجى يايمه عرس وداختى اسمعه من ودالموج على العموم الف الف مبروك ولازم تعيدو لينا العرس ده فى السعوديه او فى السودان المهم يكون فى رزمه شنادقه لكم منى عاطر الود والمحبه
تحيات كل الاهل بالسعوديه وتحياتى ابراهيم احمد جبريل
ا
| |
|
|
|
|
|
|
Re: سارية (Re: صديق الموج)
|
كل التهانى والتبريكات للابن سارية عقبال العزابة ...... ـــــــــــــــــ التهانى موصولة للزميلة الغالية تماضر. هشام, عفاف, الصادق , الوافر,تبارك ورشا...... وعمـــــوم آل جبريل ...ـ
| |
|
|
|
|
|
|
Re: سارية (Re: سمندلاوى)
|
كل التهاني وبيت مال وعيال..
ومبروك ليكم يا تماضر.. بعد دا دخلت الي زمرة الحبوبات..
تقدمي برجلك اليمني وسمي باسم الله ...
وشوفو ليكم واحدة في فرنسا لتبارك
الف مبروك لكل الاسرة,,,,,,,,,
| |
|
|
|
|
|
|
Re: سارية (Re: Ehab Eltayeb)
|
ألف مبروك لسارية و لعلروستة و لأهل العروسين .. و بارك الله لهما و بارك عليهما و جمع بينهما في خير دائم .. و تهنئة خاصة لتماضر و هشام و تبارك المهم و كل الأفاضل و الفضليات في أسرة شيخ الدين .. تتباركوا ما تتشاركوا و تشوفوا جديد وليدات وليداتهم ..
| |
|
|
|
|
|
|
Re: سارية (Re: عصام دهب)
|
سلام يا تماضر ود خالتك سعاد عثمان همرور ايوب بشير ابوعاقلة اخو عبدالباقي وعم ريل جاري الحيطة بي الحيطة يغريك السلام ويبارك للعريس قال ليك خلي السيرة تغشانا بي هنا ضابح ليكم كنغارو احمر سيمييين
| |
|
|
|
|
|
|
Re: سارية (Re: Ehab Eltayeb)
|
أولا التبريكات والتهنئات للعروسين والاسرتين
ثانيا أنا في فرنسا لكني لا أعرف تفاصيل المناسبة من حيث الزمان والمكان وبيت العرس .. والعروس وأهل العروس وتاريخ العرس .. وكده
بعدين عنوان البوست لا يوحي بالمناسبة لذلك لم أدخله إلا اليوم .. من باب ولعي بفك الطلاسم!
نزلي يا أم العريس معلومات كاملة وشيء من التفاصيل
أول علاقة لي بأسرتكم عندما اشتريت سي دي rasha let me be
ثم عرفت من راشد دياب قبل ما يتبرجز في السودان انكم في اسبانيا ويبدو أنني اشتريت كل السيديز الموجودة في fnac باريس ووزعتها على الاصدقاء من الفرنجة
مبروك تاني وكوني على اتصال إن كان في ذلك ما يفيد المناسبة السعيدة
| |
|
|
|
|
|
|
Re: سارية (Re: سالم أحمد سالم)
|
اوف اوف اوف
ما زال الليل طفلا
ولكن ام العريس نعست بصورة ما عادية
انتو ارقصو "اتنين اتنين" وانا بشيل توب الزراق ده وكورة الكركار دى وبمشى العنقريب الفى الحوش الورا جنب الحلل بتمشح وانوم
وبكره يحلها ألف حلال
صديق الموج والجندرية وعشة ميارك ...شايفاكم خامجين العرس ده وتاكلو صحنين صحنين واهل العريس ما كفوهم .....ههههههههه
للصباح
| |
|
|
|
|
|
|
Re: سارية (Re: Tumadir)
|
Quote: صديق الموج والجندرية وعشة ميارك ...شايفاكم خامجين العرس ده وتاكلو صحنين صحنين واهل العريس ما كفوهم .....ههههههههه |
تماضر بهتينا ساكت.. سته خرفن وتيس ماكفن سته خرفن وتيس انصفن.. اول كفوا الخواجات.. حتان ناس عشة بت فاطنة والجندرية حتى صديق الموج العفين ده ماقلت ليكن يابنات العشاء اب صحينات ده ما عشاء شنادقه باقى لى جينا غلت،،،،
| |
|
|
|
|
|
|
Re: سارية (Re: Rabab Elkarib)
|
تهانينا يا تماضر وألف مبروك لسارية ربنا يتم على خير
والتهنئة الحارة موصولة لأخوال العريس الأعزاء هشام وتبارك
| |
|
|
|
|
|
|
Re: سارية (Re: Hadeer Alzain)
|
Quote: صديق الموج والجندرية وعشة ميارك ...شايفاكم خامجين العرس ده وتاكلو صحنين صحنين واهل العريس ما كفوهم .....ههههههههه
|
هي دا ما بحلك كان تتمشحي ولا تدخني حسي نحن راجين حق البنات وصراحة كدا راجيين الفال الدلكة والخمرة والذي منو ما تخلي المغربيات ديل ياكلنن وامرقننا من قدح الصباح زريهن لمن عويناتن ازرزون ؟؟ ما لين ما بعرفن شديدات ولمن اشيلوا العروس اتمسكي بحق ولدنا في الشيلة ما يقولوا ليك نحن بنشيل العروس براها ما شفتيهم وقت اختو العروس في العنقريب وارفعوها فووووووق زي لمن نحن نشيل العريس علي الاكتاف شيلني واشيلك اذا عجبن !! وكان ما عجبن الوسعو العنقريب واشيلو ولدنا وحتي انتي اركبي فووووق معاههم ..اي دا ولدك البكر كان ما شالوك معاه تاني البشيللك منو ؟؟ بسوها لينا سابقة !! واقري للولد يا سين ويا عين يا عنية .. حسي كان عرستي ليه من بناتنا .. كانت المسائل دي كلها اتجاوزناها لكن نسوي شنو ؟؟ للغربة لا ينفع معاه نضر ولا قطع شطر !!
| |
|
|
|
|
|
|
Re: سارية (Re: عشة بت فاطنة)
|
عشة بت فاطنة ام العريس ساعدوها بالسكر ؟!! من تقاليد الزواج المغربي :
Quote: يتم إبلاغ أسرة العروس سرا عن طريق أحد المعارف المقربين بخبر قدوم أهل العريس لإتمام الخطبة، وهدية الخطبة يجب ألا تقل عن 64 كيلو جراماً من السكر القوالب.. وحتى الآن لا يعلم أحد سر هذا الرقم بالتحديد ! |
سكر القضارف راجيه سفر طويل !
| |
|
|
|
|
|
|
Re: سارية (Re: خالد العبيد)
|
Quote: هدية السكر هي أحد أهم الطقوس التقليدية التي يحرص عليها الكل، مهما أختلف المستوى المادي. وخلال اللقاء الأول بين العائلتين يتم تجاذب أطراف الحديث والاتفاق على تفصيلات الزواج، وذلك بعد أن يقوم أهل العروس بعمل التحريات اللازمة عن العريـس، وبعد أخذ موافقة كل الاخوة الذكور للعروس. وفي حالة رفض أحدهم يعود السكر إلى أهل العريس تعبيراً عن عدم الموافقة. وقد يرفض أهل العريس رجوع الهدية ويتركونها صدقة لله. |
| |
|
|
|
|
|
|
Re: سارية (Re: خالد العبيد)
|
ثم يأتي الاستعداد لإقامة حفل العرس، وتجهيز لباس العروس الذي لا يقل عن ثلاث أو أربع أطقم، وقد يصل إلى أربع عشرة للعروس ميسورة الحال. وتقوم على تزيين العروس امرأة تعرف بـ " النكافة ". ويتم حجز " النكافات قبل العرس بمدة طويلة؛ لكثرة الطلب في مواسم الزواج، ويراوح ما تتقاضاه "النكافة " نظير خدماتها بين 1000 و 2500 درهم.
| |
|
|
|
|
|
|
Re: سارية (Re: خالد العبيد)
|
ويتم تزيين العروس في حشد نسائي على النحو التالي: أول ما تصل مجموعة النساء العاملات في مهنة "النكافة" إلى منزل العرس يقمن بعملية "التعشاق" وهي ذكر اسم النبي صلى الله علية وسلم بصوت عال... ثم يتوجهن إلى غرفة العروس، فيلبسنها اللباس الأول.
| |
|
|
|
|
|
|
Re: سارية (Re: خالد العبيد)
|
Quote: تصل مجموعة النساء العاملات في مهنة "النكافة" إلى منزل العرس يقمن بعملية "التعشاق" |
عشة بت فاطنة وانت صاحبة ام العريس لازم تعشقي من مسقط لي باريس !
| |
|
|
|
|
|
|
Re: سارية (Re: خالد العبيد)
|
ياسلام بيت عامر بالفرح والتهاني مستمره باقات انيقه ملونة
باقات ورود زاهرة جمع الشباب بينا ماصابنا الا الشوق سهامه جات فينا
الف مبروك لسارية ولعروسته والف مبروك لتماضر
| |
|
|
|
|
|
|
Re: سارية (Re: مطر قادم)
|
نحن يا خالد العبيد ...
.. حنجيب لى ولدنا العربية البتتنقز القالا "خالد كودى" .... ونخت فيها الكانغرو بتاع "أيوب بشير" ...
وما مافيش حد احسن من حد ...
________________
لاكين والله المغاربة هجيجم شديد خلاس .... نودى ليهم الحت بتاع امدرمان داك ... نشوفهم بسووا شنو؟
والشكر لهدير الزين وسمندلاوى الإتذكروا انو انا خال العريس معاهم هنا فى البورد ... وللجميع حتى لو ما دايرين معاى .... أشكر كل من فرح لفرح ابننا ... وأضاء الله أيامكم ولياليكم بالأفراح والليالى الملاح .... والعاقبة عندكم فى المسرات .....
... المهم ...
| |
|
|
|
|
|
|
Re: سارية (Re: khaleel)
|
الف الف مبروك يا تماضر ان شاء الله ربنا يسعد سارية ويحقق كل احلامه ويسعد قلبك بهم يا رب العالمين
_________
إنتو زغاريت الأسفير بتكون كيف؟ -وجه باسم-
| |
|
|
|
|
|
|
Re: سارية (Re: غادة عبدالعزيز خالد)
|
غادة.. كل عام وانت بخير..
Quote: إنتو زغاريت الأسفير بتكون كيف؟ |
بتكون كدة يا غادة...
بالمناسبة ياخ بي مناسبة العيد دي اعزميني يوم في العيد في نييورك..فيرجينا دي كرهتا وبطني طمتا منها..
| |
|
|
|
|
|
|
Re: سارية (Re: الملك)
|
سلامات وعوافي يا طماطم.. الف مبروك وربي يسعدو ويخدر ايامو.. وعاد يا بت امي سائل الله يجعلا خطوة خير وبركة.. ويشملا بي رضاه ونعيمو.. امين يا رب العالمين.. تخريمة:- يعني الواحد مشتاق ليك ليهو سنتين كدة.. لما لقيناك.. لقينا وليدنا داير يعرس .. يعني لو عملنا نايمين سنتين تاني واشتقنا ليك .. نجي نلقاك "حبوبة" طماطم .. عاد يهنيك ويديك يا "حبوبة" .. مليون مبروك مليون مليون مبروك..
| |
|
|
|
|
|
|
Re: سارية (Re: Tumadir)
|
ألف مبروك يا تماضر وربنا يسعدهم وتشوفي جديدن والتهاني موصولة لكل أفراد الأسرة الكريمة
| |
|
|
|
|
|
|
Re: سارية (Re: Tumadir)
|
مليون مبارك يا سارية و أم سارية و العروس و كل الأسرة... كل عام و أنت بخير يا تماضر و عيدك بخيت و سعيد إن شاء الله...
محبتي للحلفاء الأربعة..
| |
|
|
|
|
|
|
|