|
|
|
 Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: الموج- ياسلالالالالالالالالالالالالام ياخ ايوه كده الواحد ياخد راحته
والله كمان لو ربنا وفقك وطلقتهم0000تكون احسن زول في الدنيا!!! |
رمضان كــــــــــــــــريمـ يا طارق, تصوم وتفطر على خير...
قال ليك واحد ماسك عُكازو وواقع في مرتو لبيّع شدددددديد,
جاء واحد فايت قال ليهو: يا زول المراة ما بيدقوها بالعُكاز,
بيدقوها بى رفيقتها. صاحبنا قالو: قلت شنو؟
المراة طوالي نطت قالت لراجلها: يا راجل دُق دقّك خليهو
ده راجل فارغ ساااااااااكت...
| |
 
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: دي مكنتك يا محمد عبد الله؟؟؟
رمضان كــــــــــــــــــــريمــ ... |
الله أكرم .. والله ما مكنة ولا حاجة دي الحقيقة لكن زي ما بقولوا حظي سمح 
------------------------------------------------------------------------------
 لكن النصيحة ليك يا الله في ناس عرسوا نسوان بي سببهن شافوا النجوم بالنهار ، بطيخة مقفولة يا عمك انت وحظك
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: محمد عبدالله مختار)
|
Quote: السلام عليكم اخي معاوية المدير ورمضان كريم
اتنين مساطيل عطال واحد فيهم حبيبتو خطبوها
جاتو حمي و حرارة شديدة خلاص في خشمو من الصدمة
صاحبو المسطول الثاني قاليهو
انت كنت بتحب واحدة
ولا بتحب معجون ابوصفقة |
رمضان كـــــــــــــــــر يمــ يا أبو صفقة...
واحد نخرتو كبيرة, خطب واحدة. قام قال ليها: طبعاً إنتِ عآرفة
أنا زول عُشرتي كويسة, وبستحمل الأذى.
قالت ليهو: ما عندي شك إنك بتتحمل الأذى وإنت شايل
النخرة الكبيرة دي عُمرك ده كُلو...
شُفتَ القطامة يا با بكر!!!
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
| Quote: لكن النصيحة ليك يا الله في ناس عرسوا نسوان بي سببهن شافوا النجوم بالنهار ، بطيخة مقفولة يا عمك انت وحظك |
روي أنّ رجل أتى رسول الله (ص), فقال: يا رسول الله إني أُريد أن أتزوج،
فادعُ الله أن يرزقني زوجة صالحة. فقال:(لو دعا لك جبريل وميكائيل وأنا
معهما ما تزوجت إلا المراة التي كتب الله لك، فإنه ينادي في السماء ألا
إنّ إمرأة فلان بن فلان فلانة بنت فلانة)...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: الكباشى البكرى)
|
Quote:
بوست يخلى الزول يعمل دخول !
إتنين مساطيل بتونسوا ..
الأول : قالوا حسن داير يعرس !
الثانى : يستاهل العفن! |
رمضان كـــــــــــــــــــــريمــ يا صلاح...
واحد جعلي سكاهو كلب عِكليت جداً, والجعلي رفع عصاتو في
الهواء وطلق كرعيهو للريح. مجموعة نسوان بيردن فوق البير شافن
الجعلي فاكي البيرق، واحدة قالت لرفاقتها: زغردن للجعلي، عشان
يقيف يكسر الكلب بعصاتو الرافعها في الهواء دي. النسوان فكّن زغروده
كبيييييرة، الجعلي راح لافي عليهن والكلب وراهو، لامن وصل جنبهن
لووووح عصاتو في الهواء، وقال ليهن: أبشرن والله أكان يجري لحولو
ما يلحقني...
شُفت الحسادة، دايرات يدخلن الجعلي في معركة لا إيدو، لا كراعو،
لكن طلع نجيض وتفتيحة...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: معاوية
ازيك ود امى
شايفه البوست من اولو
لكين قلت امكن الله يهديك
وكت ما هداك جيتك
انت قايل المطفشنا منكم شنو ؟
ماياهو جنس دا |
سلمى بت الشيخ...
رمضان كـــــــــــــــــــــــــريمــ ...
البِنيّة جات من المدرسة لجدها الشايقي تبكي.
قال لها: تعالي يا البنيوني، مالك بتتنخجي؟
قالت لو: يا جدي المدرسة قالت، البيشرب العرقي ربنا
بيوديهو النار، وإنتَ قاعد تشربو!
قال لها: هاااي مدرستك دي ماها خابرِي شي ساكت.
أقعدي أوقع لك الكلام عشان تمشي ترُصي ليها. قوليلا
جدي قالك: البيشرب عرقي (الجاو) ويمشي يهز فوق
النسوان في الحفلات، ده مكروه، والبيشرب عرقي (البركاوي)
ويتوسد عصاتو ينوم، أها عاد ده ما فيهو شي...
Quote: على النعمة فى رجال يسلو العافيةويقعدو محلها
وحات امى صحى
لكن الله غالب |
الظلم ظلمات يا سلمى، والنار دركات(من يفعل الخير لايعدم جوازيه لايذهب العرف بين الله والناس)
معذتي ليكِ قدر الجنّة...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: بس عليك الله يا معاوية البوست دها اعمل ليهو "باسورد" عشان ما يقرؤهو "الجماعة" ياخى عليك الله.
واحد "جرسة" |
والله يا صديق لو تبلعوا في بطنك يحصلوهوا،
أركز معانا وبطّل الجرسة. وعاين التِحِت دي
هرشوها كيف!!!
علّية بنت المهدي، قالوا أكانت مكسّرة في غلام إسمو طل،
قام عمك الرشيد حلف ما تنضم معاهو، أو تجيب سيرتو في
شِعرها، يوم عمك الرشيد جاء داخل عليها وهي بتقراء في
آخر سورة البقرة، قرات: فإن لم يصبها وابل، لقت الراجل
جنبها قالت: فللذي نهى عنه أمير المؤمنين...
أنفُخ يا صديق وأهرش يمكن تجيب فايدة
ونصيحتي ليك تبطل الجرسة...
واحد ما خايف ولا بيخاف...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: كنت ماشي كويس..
أها قمت تكسر في التلج.. |
يا عبد العزيز إنت شفته كسير تلج!!!
كدي تعال نوريك عمك الدارمي عمل شنو...
واحد جايب ليهو خِمارات من العراق، يا زول الجماعة ختفوليك
لون الهلال، والمريخ، ولون زينب، وكل الألوان الطالعة موضة،
بس اللون الأسود موضة قديمة أبنو تب. صاحبنا مشى للدارمي
لقاهو ليك عامل فيها كوز قاعد في خلوة وضارب طناش من
الجكس. قال ليهو: يا عمك تعال صرّف لينا البضاعة دي. عمك
الدارمي راح مكسر تلج ببيتين شِعِر قال:
قل للمليحة في الخمار الأسود ماذا فعلت بزاهدٍ متعبد
قد كان شمّر للصلاة إزاره حتى قعدت له بباب المسجد
بس تعال شوف الخبر إنطلق في البلد إنو عمّك الدارمي بطّل
الكوزنة وكيّس ليهو واحدة خمارها أسود، بس الجكس إنطلق
في الخمارات عدموها نفاخة النار. كان بعد يومين يلقو ليك
عمك الدارمي رجع المؤتمر الوطني...
شُفتَ عمك دعايتو خطيرة كيف! تقول لي دعاية البيبسي؟؟؟...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: محمد عبدالله مختار)
|
Quote: يا سبحان الله
ورمضان كريم.
تصور يا طارق جبريل وأنا بقرأ في البوست العجيب دا وبضحك وبقول في نفسي:
مقطوع الطاري دا جا من وين؟؟؟؟؟؟؟؟؟ |
رمضان كـــــــــــــــــريم يا حماد...
أسمع والله الشايقي ده تقعد تباري لي هوايلو ديل
يغتس حجرك...
المهم، عمك الشعبي قالوا، كان قاعد مع شريح القاضي.
يا زول كان جات واحدة داخلة عيونها وارمات من البكاء وتشيل
وتشكي من راجلها، ومن النخجي بس دايرة تطق عديييل كده.
أها عمك الشعبي ما حنين، قال لى شريح: يا زول المراة دي
خلي بالك الراجل ظالمها ظلم شديد.
شريح قال ليهو: عِرِفتَ كيفن إنو ظالمها؟
الشعبي قال ليهو: يا زول المراة دايرة تنفقع من النخجي
الحكاية ظاهرة من بكاها ده.
شريح ما مقرّم، قال ليهو: هوووووي يالشعبي أعمل حسابك،
أنّ إخوة يوسف جاءوا أباهم عِشاءً يبكون وهم له ظالمون...
شايف يا حماد، لو ما عمك شريح تفتيحة، والله كان ركّبت
الراجل الظلط في رقشة عدييييييل كده...
| |
|
|
|
|
|
|
| |
معاوية المدير
محمد عبدالله مختار
صلاح أبودية
Abdlaziz Eisa
سلمى الشيخ سلامة
سيف الدولة كامل
وجن
فيس بوك
تويتر
انستقرام
يوتيوب
بنتيريست