كتب الكاتب الفاتح جبرا المتوفرة بمعرض الدوحة
|
Re: نسبة مرتفعة من هورمون الذكورة عند العداءة كاستر كاستير سمينيا ! BBC (Re: محمد الطيب يوسف)
|
اتفضل اقرا يا جني التعليق كتبه اخونا هشام عباس. http://kermaonline.com/vb/showthread.php?t=12328 *** نحنا السودانيين بطبعنا رايحة لينا فرحة ... عايزين نفرح والسلام .. كفاية غم المودر بيفتش خشم البقرة ونحنا ودرنا الفرحة زمان عشان كدة بنفتش حتى فى خشم البقرة.. ابوبكر خميس كاكى اسم سودانى رنان ... اسم يقدم لنا الابتسامة فى زمن تهدينا فيها الحكومة الدماء ابوبكر كاكى عداء يعدو فى كل حلبات العاب القوى ومع كل خطوة يخطوها تخفق قلوب ملايين من شعب وطنى الصابر .... ابو بكر خميس كاكى يقدم كل يوم نصرا جديدا وذهبا جديدا ووجها مشرقا للسودان ورغم ذلك ابوبكر كاكى لا يجد لقمة تسد رمقه ويسافر لتمثيل السودان بالشحتة والكواسة ... رغم كل هذا رفض ابوبكر كاكى مبلغ 2 مليون دولار من دولة عربية اظنها قطر لكى ينال جنسيتها ويقوم بتمثيلها ..
رفض كاكى رغم الشح والجوع والظلم ان يبيع وطنه الذى يسرقه مجموعة من الذين لا يقدمون لهذا الوطن سوى العار ... احببنا ابو بكر خميس كاكى ونتحلق حول التلفاز مشجعين فى كل منافسة يشارك فيها ... يا جماعة انا والله ما كنت عايز اكتب عن كاكى لكن عشان بيستحق الكلام طلع غصبا عنى ...
المهم الاسبوع الماضى تابعنا بطولة العالم لالعاب القوى المقامة فى العاصمة الالمانية برلين .. كنا فرحانين بكاكى وكل الكاميرات مركزة على ولدنا وهاك يا كلام مرة بالانجليزى ومرة بالعربى ومرة بالالمانى .. غايتو راسنا كبر .. لكن للاسف ابوبكر كاكى سقط فى بداية السباق .. كاكى يقول ان العداء البولندى تعمد اسقاطه واللجنة الدولية تقول ان كاكى اسقط نفسه بنفسه .. يعنى الجماعة عايزين يقولوا ولدنا جعان ما قادر يجرى .. اهى نظرية مؤامرة والسلام ..
انا قاعد ابحلق فى التلفزيون ما مصدق انو كاكى خذلنا المذيع قال ننتقل لسباق السيدات .. بينى وبينكم البنات ديل فيهن شك .... انا من زمان بقول كدة بالله الواحدة لما تجرى تقول رابطة ماكينة كلب ... يعنى عادى واحدة من البنات ديك تفوت عربية من نوع جياد بالجكة ..
بعدين العضلات .. والله خليل ابراهيم لو جابت واحدة من ديك معاه كان استلم الخرطوم فى ربع ساعة بدل ما يجيب لينا كوم الجعانين ديلك ... انا غايتو من زمان كنت شاكى فى البنات ديل لكن كنت بسكت واحترم نفسى لما اشوف الاشكال الانثوية ....
المهم قلت احضر السباق بتاع النسوان ما دام كاكى طار ... البنات وقفن صف والمسدس ضرب ... فجأة طلعت واحدة من بين النسوان تقول فكوها بى نبلة ... نبلة شنو دى تقول راكبة صاروخ .. والله اول ما الكاميرا قربت منها انا حلفت انو دى ما بنت ولا حاجة .. والله حمزاوى جنبها ماريا شارابوفا ..
بعيد عن السامعين مافيها اى حاجة من حاجات البنات .. العضلات اللى فى صدرها والله مافى فى اتخن كمسارى فى طريق بورتسودان .. عندها عضلات فى ايدها لو ادت حمزاوى بونية يجينا الخرطوم فى تلات دقايق ... اول مرة اشوف بنت كراعها كلو شعر ... دى شنو دى المذيع قال دى عداءة جنوب افريقية اسمها (ثمانيا )وعمرها 18 سنة ... 18 سنة ؟؟؟؟ بالله
المهم الولية دى حققت رقم قياسى عجيب لا حصل ولا حيحصل .. يا اخى دى بعدما وصلت خط النهاية وقعدت وارتاحت وخلاص عايزة تطلع تمشى باقى النسوان وصلوا الخط ... قال كاكى قال المهم تانى يوم كلامى طلع صاح .. اللجنة الدولية نفسها طلعت بيان وقالت نحنا شاكين فى جنس الولية دى .. الولية حلفت قالت لا انا مرأة ما راجل .. وقالت تعالوا شوفوا نشوف شنو يا ابن الكلب
عملوا لجنة قالوا يشوفوا الولية دى جنسها شنو ... المشكلة بقت يشوفها رجال ولة حريم ؟؟؟؟ الحكاية ما مضمونة المهم شافوها وما طلعوا باى نتيجة ... لا عرفوها مرة ولا عرفوه راجل الناس احتارت زيادة .. اخيرا قالوا نعمل ليها فحص هرمونات .... مصيبة لو طلعت الهرمونات كمان تعادل ... الحمد لله ما طلعت تعادل يا جماعة ..
صحيفة الديلى تلغراف البريطانية اعلنت فى صدر صفحتها صباح اليوم نتيجة فحص الهرمونات .. النتيجة طلعت 3|صفر تتخيل لصالح منو يا حماعة ؟؟؟ الهرمون الذكرى اعلى من المعدل الطبيعى ثلاث مرات ... ابن الكلب طلع راجل يا جماعة ... انا الغايظنى انو الكلب دة كان قاعد المدة دى كلها مع البنيات المساكين ديلك ... على قول عادل امام سكانة معاهن (داخلة مارقة _واكلة شاربة _ لابسة قالعة ) .. شفت الحكاية كيف يا حمزاوى نحن بنفتش فى خشم البقرة .. والراجل جاى يفتش بين النسوان ..
اللهم انى صائم **
|
|
|
|
|
|
|
|
|