|
Re: أصدقاء الزمن الجميل! (Re: Mohammed Elhaj)
|
Quote: حسين ملاسي، أبو اللطف أين ذهبت اللطافة |
محمد الحاج يا عمك نساهم معاك من اسي مرحلة اللطافة انتهت بصدمة اكتشاف ان نسرين سوركتي طلعت هكر بدت مرحلة السخرية و نظام الود مسيخ و دي انتهت على يد الفنان المرضي بدت مرحلة البطة ودي شكلها ح تطوّل
| |
|
|
|
|
|
|
Re: أصدقاء الزمن الجميل! (Re: محمد البشرى الخضر)
|
Quote: مرحلة اللطافة انتهت بصدمة اكتشاف ان نسرين سوركتي طلعت هكر |
انت ما متابع كويس .... قبل كم يوم فارش رمله و بارك في الواطه و مريل سوركتاوى ... و يجعر:
النبي الرسول القطاعه اموت ليكى كان تقعدى
شخلعة العينة دى باااااايخه
ما أظن في مراحل , لكنها حالات و اقنعة تطلع حسب الحوجة
| |
|
|
|
|
|
|
Re: أصدقاء الزمن الجميل! (Re: esam gabralla)
|
جبر الله شكلنا حنديك جابتر تظبطو لينا يبدو انك متامل كويس في حالات واحالات ابو اللطف "سابقا"، يا محمد البشرى زحال ياخ، انا صمرقع دي دخلك الفوكابلري بتاعي اليومي زي الترتيب خخخخ
| |
|
|
|
|
|
|
Re: أصدقاء الزمن الجميل! (Re: Mohammed Elhaj)
|
Quote: خخخخخخخخخخ ضياع زمن الف |
ياها يا محمد الحاج مبارات أصناف فلاسي المفلس ده، مش تضيع الزمن وبس، بل تمحق العمر. ------- بس العاجبني إنو مورط في البوست ده ورطة صاح هسع لسان حلو بقول: يا ريتني لو ما فتحت البوست ده واتبشتنته البشتنة دي كلها. ولو قالو ليهو أدفع ممليون دولار ونودي ليك البوست ده الخور أو نطفشو ليك جاي جاي بدفعها، بس وين يا مان مع الشباب الصاح، الليلة صباحي البوست ده معلق في صنقورك ده. ---------------- صدقني يا كيكي من حسنات البوست ده إنو فلاسي المفلس ده حيرعوي وتاني حيفكر مليون مرة قبل ما يجي يتمسخر ليهو في زول --------------- ده كلو كوم، وانحطاط أفكارو وسوء سلوكو الظهر من البوست ده كوم براهو.
-------------- زنقو ولا كتلو
| |
|
|
|
|
|
|
Re: أصدقاء الزمن الجميل! (Re: نادر)
|
يـــا محمد الحاج أصابت عينك الصواب بين البوست الحقيقي المأرشف الما {جاب هَمو}! والبوست الحالي المفبرك {الجــــاب همو} !
وأرقدو عافية
| |
|
|
|
|
|
|
Re: أصدقاء الزمن الجميل! (Re: محمد الجزولي)
|
يا نادر و يا محمد من فوائد الهيصة دى انو عرفت انكم اخوان ... مفيدة في شنو ما عارف .....
الصايم : رملتك ما شغال بيها .. اصلك كابيها محل ما هفهفت تنورة
عند الغافل يا شفت ..... لو عليهو البوست تقوم فوقو حريقة
| |
|
|
|
|
|
|
Re: أصدقاء الزمن الجميل! (Re: esam gabralla)
|
يا جبر الله يا عمكـ الرملة بتاعتي خليها رملة ملاسي الجيت قلتها دي .. دقست فيها زي ما قلت ليكـ وخليت الشفت يضحكـ فيكـ ساي! التنورة دي بنشوف موضوعها بعدين كان بربنا هوّن
| |
|
|
|
|
|
|
Re: أصدقاء الزمن الجميل! (Re: نادر)
|
Quote: بس العاجبني إنو مورط في البوست ده ورطة صاح هسع لسان حلو بقول: يا ريتني لو ما فتحت البوست ده واتبشتنته البشتنة دي كلها. ولو قالو ليهو أدفع ممليون دولار ونودي ليك البوست ده الخور أو نطفشو ليك جاي جاي بدفعها، بس وين يا مان مع الشباب الصاح، الليلة صباحي البوست ده معلق في صنقورك ده. |
نادر يا عمكـ داير النجيضة ولا حاجة تانية ملاسي ممكن يدفع مليون دولار لبكري عشان يخلي البوست!
| |
|
|
|
|
|
|
Re: أصدقاء الزمن الجميل! (Re: نادر)
|
فلاسي المفلس لو قلت الروب بجلي ليك المنظر ده، وأفتح ليك قنوات تفاهم تحت تحت مع الشباب يزحو غادي. ولو خجلان تقولها علانية هنا، باصيها لي بي تحت في المسنجر، وأخوك بلبت بيها وما بيغدر بيك.
| |
|
|
|
|
|
|
Re: أصدقاء الزمن الجميل! (Re: نادر)
|
Quote: نادر يا عمكـ داير النجيضة ولا حاجة تانية ملاسي ممكن يدفع مليون دولار لبكري عشان يخلي البوست! |
ود الصايم يا عمكـ (النجايض) بتاعتك دي مظبوطة ظبطة صاح، بتنعشني في بوستات كده بقعد أضحك، بس صدقني المرة دي مجلية. النجيضة القلتها ليك فوق دي.
| |
|
|
|
|
|
|
Re: أصدقاء الزمن الجميل! (Re: Hussein Mallasi)
|
Quote: زي ما كنت خجلان تقولها علانية و باصيتها لي يومداك بتحت و ما غدرت بيك
|
فهمي تقيل شوية، أفصح أبن وضح جيب إشارة صورة برهان تية دليل أي إمارة.
-------------- ده يوم بعملو فيهو رايحين؟
| |
|
|
|
|
|
|
Re: أصدقاء الزمن الجميل! (Re: محمد الجزولي)
|
Quote: يا رواية خلي بالك .. حركات بوست طارق المكي هنا ما بتأكل عيش. |
شكرا ياحسين لاعترافك باني بقيف للحق ماعندي غير كدا
__________________ هسة برضو وريني جبت الصور من وين؟
| |
|
|
|
|
|
|
Re: أصدقاء الزمن الجميل! (Re: Rawia)
|
أها يا فلاسي المفلس انا بساعدك مدام ما عايز تجيب برهان تية العندك بسم الله نبدا
وبجيك برواقة خطوة خطوة عشان أفضح إدعاءاتك الخربة، وكذبك البيّن، وتلفيقك المفضوح، براك بتحفّر لي نفسك، والله زي ما قالوا الجماعة كورتك فكت يا فلاسي. كيكي تعال شوف صحبك ده حفر لي نفسو براااااهو، أمانة ما وقعت يا فلاسي المفلس.
| |
|
|
|
|
|
|
Re: أصدقاء الزمن الجميل! (Re: نادر)
|
هلا يا نادر.. وفلاسي يا زول اساسا ماعندو كورة زااتو عشان ما تفك وتربط.. وبذكرني زول قندف كده كان بلعب لينا في النص وهو ما عندو حاجة ويادوبك كده في المباراة بيلعب ليهو باص باصين كده سمحات ويعيش عليهم شهرين ونص ويكرهنا البلي وزاااتو.. ويشبكنا بالله تتذكرو باصي في مباراة كيت كيت.. حسع سحس ده وبعد الضربة العاتية الفي الانكل الانضربها في مباراة سركوتي فقصتو بقت بايظة لانو الماتش داك ازاح الستار عن كعكعة دفاعية شديدة مفاجئة... واصل يا نادر وفكك واضرب اللون
| |
|
|
|
|
|
|
Re: أصدقاء الزمن الجميل! (Re: نادر)
|
مقرف ياملاسى
بحق من اسواء مايمكن ان تصل اليه حالة مرضية متأزمة..
الآسويين ياملاسى ليسوا مدعاة للتندر ولايقلون عن اى شخص يمشى على الأرض ليسخر منهم ويقدمهم كمادة لضحك متغابى وغمز وهمز من يمشى عاريآ يتمايل متاضحكآ ,فمه مزبد ولسانه متدلى ..
مقرف
انت ياملاسى اسواء فراغ مشوه يمكن ان يحيق بهذا المكان, خربت على الواحد يومو..
روح ياشيخ روح
| |
|
|
|
|
|
|
Re: أصدقاء الزمن الجميل! (Re: محمد الجزولي)
|
تعرف يا محمد سحس ده من ادواته هنا كتل اللعب وبوستات زي دي بيحاول يعمل منها رايح والليلة ده لو لقي فرقة بركب ليهو بوست جديد في محاولة لتجفيف البوست ده.. لكن مع كل خشة للمنبر حيكون مننا في كلك ومكابسة لاضافة رد حتي الناس تشوف الاسقاط والاسفاف والارجاف الاسفيري وصل وين في المحل ده
| |
|
|
|
|
|
|
Re: أصدقاء الزمن الجميل! (Re: نادر)
|
عشان أكشف كذب وتضليل حسين فلاسي المفلس، وانتهاجو أساليب ملتوية لقتل خصومه معنوياً والنيل منهم، بطرق غير مشروعة، نجيب مثال من البوست ده زاتو. حاول فيهو فلاسي المفلس إنو يضربني معنوياً أمام زوار البوست، وكذب وافترى علي،أنا قلت لملاسي في البوست دا ذاتوQuote: فلاسي المفلس لو قلت الروب بجلي ليك المنظر ده، وأفتح ليك قنوات تفاهم تحت تحت مع الشباب يزحو غادي. ولو خجلان تقولها علانية هنا، باصيها لي بي تحت في المسنجر، وأخوك بلبت بيها وما بيغدر بيك.
|
قام حاول يستغل الحتة دي عشان يقهرني معنوياً ويحاول يضلل الرأي العام بأني حصل رسلت ليهو مسنجر فيهو إنبراشة قام قال لي Quote: زي ما كنت خجلان تقولها علانية و باصيتها لي يومداك بتحت و ما غدرت بيك |
حاول فلاسي يصور أن هناك رسالة مني خجلت أكتبها علانية على الملا، ورسلتها ليهو في المسنجر ، وأنو هو ما غدر بي وطلعها استخدمها ضدي. والواقع أن الحصل كالتالي (بس عشان تعرفو سوء أخلاق الراجل ده، وعفنو وعفن دواخلو المظلمة) في البوست ده بيان .. قُبحٌ ما بعده قًُبح وبينما كنت في خضم الجدل مع مجموعة من الكيزان على رأسهم طبعاً بيان، جا داخل ملاسي وسأل سؤالو ده
أنا قمت رسلت ليهو مسنجر جاوبتو على سؤالو ده وقلت ليهو: يونس الأمين درسني لغة فرنسية في جامعة الخرطوم كلية الآداب، معركتي هنا ما معاك يا ملاسي. وكان هدفي طبعاً كتكتيك في البوست داك أعمل محاولة أحيّد بيها فلاسي ده لو أمكن، لأنو في البوست داك ما كان ناقص أساساً، وفعلاً قد كان، فلاسي كتل من البوست، وتاني غير جملتو دي ما جا قال شي. ودة المسنجر الوحيد بينا يا فلاسي المفلس، ولو كان بيضربني معنوياً أنت يا فاتية ما كان خليتو ليومنا ده بدون ما تضربني بيهو، لأنو نفسك الخربة دي مليانة غل وحقد على نادر ليه ما عارف؟ تقول وارث معاك الله يخيبك يا بطة. ودي أخلاقك الواطية البتشبه وسخك الكل يوم فارشو هنا يا فلاسي المفلس عايز تصور للناس إني راسلتك بالمسنجر لحاجة كنت خجلان منها، مع إنو الكلام الرسلتو ليك في المسنجر كان ممكن أكتبو في البوست نفسو ما فيهو شيء مشين بل على العكس كوني درست في جامعة الخرطوم ودرسني د. يونس الأمين دي حاجة بفخر بيها يا بليد وبتدفعني معنوياً في المعركة الاسفيرية ديك، بس دي ما أساليبي ولا بقحم الخاص في العام.
| |
|
|
|
|
|
|
Re: أصدقاء الزمن الجميل! (Re: نادر)
|
ويييييييي تو قو ملاسي
رغم اني عندي راي في ادراج صورة ثلاثي الابداع
الا ان تجريدتكم اتهزمت في دحر هذا البوست..
ملاسي في المقدمة رغم دخول كيكي الجضام..
بوست عجيب وغريب!
| |
|
|
|
|
|
|
Re: أصدقاء الزمن الجميل! (Re: محمد البشرى الخضر)
|
شئ غريب غريب والله اذا افترضنا انو ملاسي قاصد الشئ البتذكروا دة.. هل دة بيخليكم تشوتوا في الاساءات شمال ويمين للدرجة المخجلة دي يعني هسه خلااااص الناس البتعرفكم حيصفقوا ليكم ويقولوا شاطرين ياخ انتو بالاساءات البتقولوها دي بتضعوا نفسكم في درجة واحدة مع ملاسي علي حسب فهمكم ثم موقفكم حيكون شنو لو في رسالة تانية قاصد ملاسي يوصلها واسياد الحق فهموها.. ملاسي وباسلوبو حمال الاوجه دة في النهاية ما طلعت منو كلمة شينة تتمسك عليه.. اضف لي انو ملاسي دة نجضني قبل كدة كتير ولو كان لقيتو في لحظات الغضب قدام وشي كنتا دخلتا بيه النار..لكن البيوقفني من الرد الجارح اني متاكدة انو ملاسي اكبر مني ..ودي مشكلة البورد الواحد بينسي انو البتعامل معاه دة يمكن يكون قدر اخوه الكبير او عمو او ابوه.. الاساءة الشينة زي الطلقة لو مرقت تاني ما بترجع..والاخطر انها تكون متوجهه علي راسكم وتخطئ الهدف..
والي لقاء
| |
|
|
|
|
|
|
Re: أصدقاء الزمن الجميل! (Re: محمد البشرى الخضر)
|
ود الصايم يا عمكـ أمشي شوف بوست التعداد عمكـ فلاسي المفلس كان شغال فيهو كيف أمس، بيحاول يشتت الكورة بي هناك، عشان تعرف إنو البوست ده منجضو نجاض السنين.
------------------------ عنوان هذا البوست حتى الآن: التسوي بي إيدك يغلب أجاويدك
| |
|
|
|
|
|
|
Re: أصدقاء الزمن الجميل! (Re: د.نجاة محمود)
|
آسفة يا ملاسي لانزال الصورة دي
بس منطقيا.. يهندا ملاسي (ابو النضارات الفي النص دة) اصحابو حاضنينوا..لو عندو رأي في الحضن وما ينتج عنه من سوء فهم ما كان وقف ليهم عشتن يحضنو..ولا كان اتصور ليهم..ولا كان ختاها في موقع مشهور عشان تتشاف..ولا كان احتفظ بيها قبل فتح البوست دة عشان انا اجي انزلا.. وما معروف عن ملاسي الغباء... اتفهمتا؟؟ يعني ملاسي ما عندو رأي في الاحضان.. ثم انتو ياخ بتبشعو بي ناس محترمين .. ديل ناس مقدرين ليه بكتابتكم دي بتختوهم في حتة ضيقة زي دي؟؟
| |
|
|
|
|
|
|
Re: أصدقاء الزمن الجميل! (Re: د.نجاة محمود)
|
Quote: معايير الفوز و الخسارة الاستندتي عليها في حُكمك على فشل التجريدة هي شنو وبتطبيق نفس المعايير على (التجريدة) الشاركت في بوست مجدي النتيجة هناك كيف؟ |
ملاسي فتح البوست جاب اصحاب اصحاب هنود وجاب اصحابي الثلاثة ديل يلا قامو ناس فارو اندلقو. اعداء تقليدين لملاسي ذي كيكي وكيكي زول مرح وكتاب شديد وهو الخلا البوست دا يتقري جاك الزول الممل نادر دا فكا ليك دشليون بوست لا رابط ببنهم وما باداوا لاي نتيجة ولعجب زمانه وقلة عقلو جا قال انا كوزة في شرح ملاسي قال شنو..
خرمجة شديدة بعداك الجزولي متابع من بعيد بعيد وشاخط شخيط الموضوع عنده لا يخلو من طرافة..وشغال دردقة وهو زول نجيض ممكن يكتب اي زول لو عايز لكن نوعية نادر بتبوظ ليه استراتجيتو.. اها الذي نادر دا في بوستات الربيط بيكون ديك عدة لا غير.. الى الان البوست ماشي من بايخ الى ابيخ لانعدام السينس اوف هيومار حيث عادة التجريدات دي عشان تكون ممتعة للقراء لازم يكون فيها سينس اوف هيومار وخفة دم وذكاء والمعية.. دا الفرج بين هذا البوست وتجريدة مجدي.. بوستنا ممتع جدا لمرح الناس القادو التجريدة وخفة دمهم ومنطقهم العالي..
اسع دراب ذي دراب نادر ما بينشف مرح الدنيا كلو؟
تحول البوست الى بوست عضم..
نحنا بوستنا فيه غنا كمان (وش ضاحك)
| |
|
|
|
|
|
|
Re: أصدقاء الزمن الجميل! (Re: د.نجاة محمود)
|
Quote: ودي أخلاقك الواطية البتشبه وسخك الكل يوم فارشو |
تقدل على اقرب مراية وتقول الكلام دا للزول البتشوفو فيها الاسقاط هو مرضك الاساسي,,انسان مهزوز الشخصية ومريض لم يشتم ملاسي احد في حياته ولم يسف ولم يكتب كلام بذئ,, ويشهد لك انت البورد باتفه الكلام واحطه في حق الناس الناس تغيب وتجيب وانت تغيب وتعيب..
| |
|
|
|
|
|
|
Re: أصدقاء الزمن الجميل! (Re: محمد البشرى الخضر)
|
استمتعت بالبوست جدا
اولا بالصور والمداخلات الذكية من ملاسي وبالردود والتعقيب ود الجزولي وعصام جبر الله ومحمد الحاج وود البشري , يستطيعوا المحاورة والمجادلة والاقناع محمد الحاج و محمد البشرى والجزولي لديهم الامكانية للكتابة بذكاء وقد فعلوا في هذا البوست كيكي في هذا البوست لم يتوفق كثيرا فقد كان حضوره الي البوست واضح انه لاثبات موقف معلوم من حسين ملاسي ما كان به حاجة لدخول البوست نادر!! نادر الوحيد في هذا البوست كان اقل من المستوى , مداخلاته في هذا البوست كانت عبارة عن ( نبز وشتم) وكان فاقدا لاعصابه في حضور ملاسي كالعادة وقد اتضح جليا ان انه لا يستطيع السيطرة علي مشاعره فتنعكس الاية عليه حينما يريد النيل والتبشيع بملاسي فينال من نفسه بالشتائم التي يبزلها بلا سبب يعني لو جا راجع بعد كم يوم وقرأ مداخلاته سيفضل لحظتئذ سحبها جميعا
الجيلي زي الزول الواقف في الشارع ويكورك (اطلع لينا برة يا ملاسي لو راجل ) مع وجود دويتو في بعض الاحيان بينه ونادر
| |
|
|
|
|
|
|
Re: أصدقاء الزمن الجميل! (Re: اساسي)
|
لو سمحت يا نادر عندك صراع او شئ شخصي رجاءا ما تستخدمنا وسيلة فيه.. رجاءا ويا ريت لو تسحب المداخلة لانها يمكن تتفهم غلط ..زي فهم الصور رجاءا
| |
|
|
|
|
|
|
Re: أصدقاء الزمن الجميل! (Re: سارة علي)
|
هلا بالجميع والبوست ده بقي داير تاملات وشوية عمق اركلوجي وقرار سياسي عشان ممكن يطلع (الفرت ) بتاعتو.. وطبعا يا اساسي انا اعلاني من ملاسي واضح جدا ومعلن وفي اي عكة او اي كورنر اسفيري لاقيتو عامل كركبة وارجاف بشوت من طرف وبسوق الكورة طواالي بدون تردد..!! الموقف من ملاسي بالنسبة لي مبدئي وليس مناورات اسفيرية عشان اصفي بيها صرااع مع زول تاني اولوي حقيقة من اجل النصرة للذات فشان كده يا فردة انا مبسسسسوط ومتصالح والزومة بتاعتي ما متضايقة شديدة ..... - طبعا البوست ده الكيرف فيهو ومنحنيات الاراء ضروري وامر طبيعي تمر بمداخلات في مرحلة معينة منه باشياء تدفع الامر في اتجاهات تصب في صالح خطاب ملاسي وده امر مفهوم وطبيعي وغير مزعج كوننا في بكان مفتوح تتشابك فيه الاراء والامزجة والمواقف والتكتيكات الاسفيرية والقضايا المحتقنة هنا وهناك والمواقف المعلنة والغير معلنة من اصحاب الاراء التي اشكل محور النقاش هنا... لو عدنا للموضوع الاساسي للبوست وامر الصورة الحمالة اوجه.. ولو مشي البوست ده طويلا الاستقطاب سيكون حول (وجهي الصورة)... وكلا التيارات سياتي للدفاع عن الوجه الذي فهم به هذه الصورة وستغذي الاشياء بدوافع التصدي للنقاش والجدال والجنجال والكمائن الاسفيرية التي يعج بها هذا المكان...!! ..................................... هلا يا بيان والتجريدة دي يا دكتورة لسع ما نزلنا فيها ادوات الشغل الجد جد وشغالين مع ابو الما ده بنص كلتش ومسارقة مداخلات في زحمةحاجات كثيرة...ولكن يوم النقعد ليهو قرفصاء القصة حتكون غير علي قولة القطريين
تحياتي للجميع ود البشري وسارة علي وود الصايم الشهير بعمك والشايفو في البوست ده (بعالج وبوالج)... وتك كير يا عمك هوووي ورمضان كريم
| |
|
|
|
|
|
|
Re: أصدقاء الزمن الجميل! (Re: نادر)
|
Quote: لو سمحت يا نادر عندك صراع او شئ شخصي رجاءا ما تستخدمنا وسيلة فيه.. رجاءا ويا ريت لو تسحب المداخلة لانها يمكن تتفهم غلط ..زي فهم الصور رجاءا |
منو القاليك أنا قعد أسحب حاجة بعد ما أكتبها؟
| |
|
|
|
|
|
|
Re: أصدقاء الزمن الجميل! (Re: نادر)
|
Quote: عنوان البوست حتى الآن مع دخول العنصر النسائي: حملة ذات السبايب في نصرة ملاسي الغايب / أو الخايب في رواية أخرى |
الخيابة السايبرية ان ترسل للنساء تشتمهم بالماسنجر وقد فعلت ذلك لمنى خوجلي وان تتهجم على النساء بدون سبب وقد فعلت ذلك معي.. وان تبكى وتتمخط قالو لزوجتي (التي هي عضو هنا) وقالو لنسيبي (الذي هو عضو) وتشتم الناس في الدفاع عنهم بستائم بذيئة
وهذا لم يفعله ملاسي قط في حياته..
| |
|
|
|
|
|
|
Re: أصدقاء الزمن الجميل! (Re: نادر)
|
انت دا يا نادر
بصراحة انا ما عندي الرغبة ادخل معاك في جدل في الوقت دا
ان دخلت للتعقيب في هذا البوست مرة اخري سيكون علي متداخل اخر
| |
|
|
|
|
|
|
Re: أصدقاء الزمن الجميل! (Re: داليا حافظ)
|
Quote: انت دا يا نادر
بصراحة انا ما عندي الرغبة ادخل معاك في جدل في الوقت دا
ان دخلت للتعقيب في هذا البوست مرة اخري سيكون علي متداخل اخر |
من الأفضل والأقرب أن تقول مماحكات فأنت تتماحك ولا تجادل، فكرياً لا ترقى للجدل يا أساسي. خالص تحياتي
| |
|
|
|
|
|
|
Re: أصدقاء الزمن الجميل! (Re: وليد محمد المبارك)
|
Quote: التسوي بي يدك يغلب أجاويدك |
البوست دا مامحتاج أي متداخل عشان يكتب نهاية ملاسي ملاسي براهو قام بالواجب وزيادة
منزل الصور بتاعة الهنود ومقارنها بصورة محسن وأصحابه ليه؟ خفة دم؟ ظرف أكتر من اللازم؟ ذكاء وفهلوة؟ عاوز يفهمنا إنهم والهنود زي بعض؟
| |
|
|
|
|
|
|
Re: أصدقاء الزمن الجميل! (Re: Hussein Mallasi)
|
Quote: وكت داير أفهمك كدا .. فهمتيها بالطريقة الوسخة ديك ليه؟!! |
زول ذكي ولماح وفهلوي زيك كدا معقولة تفوت عليهو إنه في ناس مخها وسخ زي كدا لما يجيبوا ليهم مقارنة بين صورتين واحدة فيهم بتاعة ناس بيأكلوا بعض في خشومهم ....يقوموا يفهموا الفهم الوسخ داك
_______________ معليش مايقع الا الشاطر إنت قايلنا كلنا أذكيا ونفسنا نضيفة زيك كدا؟
| |
|
|
|
|
|
|
Re: أصدقاء الزمن الجميل! (Re: عبدالوهاب علي الحاج)
|
background دي حاجة في المنبر ده اسميها الباك قراوند وتاريخ الصراع الاسفيري.. وزي ما اخوانا الشيوعيين عندهم جدل التاريخ وديالتيك شنو كده ماعارف... فمكن احنا علي جنبة كده نعمل لينا نقة عن جدل التاريخ الاسفيري ونحاول نتفلقص وننظر ونقول انو جدل التاريخ الاسفيري متواصل في حراكه وما بنفصل في كل مسيرة جدله (ولد ده).. يعني ديمومة الصراع ما بين محسن وملاسي واخريين متواصلة بشكل شبه يومي وبتغذي حراك المنبر باشياء ونقة دائمة.. وفي داخل الديمومة دي (حلوة الديمومة دي) بكون في ملامح الصراع من غمت وكمت وارسال اشارات الغاغات والمقصات الاسفيرية الطويلة والقصيرة وهنا ممكن نخت سوال.. 1- هل قراية الصورة التي اتي بها ملاسي في وسط غابات صور الهنود (البلقمو بعض) رسالة يمكن تفهم في اطار ملامح هذه الديمومة .. 2-هل جبل العضو حسين ملاسي علي ارسال رسالات مودة وخطاب ايجابي تجاه محسن خالد طيلة تواجده الطويل وتواجدنا في هذا المنبر (لو في زول من العابرين او الذين سيعبروا فضروري بالله يدينا دفر ة.. (حوض دفرة).. وجود ملامح وتاريخ رساله ايجابية من ملسون يمكن ان يفك معضلة هذه النقة (مع علمي الاكيدبعدم وجودها وان وجدت بكرة لوجدنا لبن الطير في بقالات وسيوبر ماركتات الخرطوم... 4- وجود الاشارات السلبية وتوطن الاحتقان الدائم ورغبة التشفي ومحاولات النيل الدائمة من ملاسي من محسن هي الجزئية الذهبية التي ستوطن الايحاء الشين من هذه الصورة (وهي الرسالة الحقيقية التي خلفها ارسل ملاسي اشارته ذات الكم وجه)... ....................... لو عبر من هنا اخا عزيرا وثبت بطريقة منطقية وثوابت لا تمر من خلالها مياه الثقوب الاسفيرية وخنق الحقيقة واثيت عاليا بان الصورة وربطها بصورة ناس محسن بها اشارة ايجابية... سنرفع له القبعة عاليا وانا شخصيا سانزوي خلف الكراكير الاخري ونصفق معا لهذه المحطة التي ارسل فيها ملاسي اشارة ايجابية موثقة ومقنعة وممنطقة ومقر ومعترف بها من سعادته دون ان يتركها لاهواء المويدين ورغباتهم في توطين الاشياء...
وسنعود ان عاد شخصا من اطراف المدينة وافتي بنظرية (النوايا الحسنة) واقنع بها النقاش في هذا البوست العجيب وغريب ومدهش التفاصيل والمنحنيات والباصات الطويلة والقصيرة..
| |
|
|
|
|
|
|
Re: أصدقاء الزمن الجميل! (Re: esam gabralla)
|
سلام سارة على و بيان صحيح انو كل كتابة ملاسي هنا لن تجد فيها كلمة واحدة "بذيئة" ده اذا افترضنا اننا متفقين على ما هى الكلمات البذيئة , لكن معظم كتابات ملاسي مسيئة و مذلة للناس , كلامى العاوز اقولو واضح فوق , لكن لتوضيح وجهة النظر حتى لا تختلط في الجوطة الحصلت دى كدى عشان ما نمشي في كلام نظرى و غلاط , زول يجيب صور هنود اصحاب في اوضاع مختلفة و هو عارف العقلية و النفسية البخاطبا (لاحظ في السودان لما الواحد يكون عاوز يقول ليك انك عبيط او مغفل او وهم بيقول ليك انتى هندى و لا شنو , او ده قايلنا هنود و لا شنو) و ردود الافعال الاولى كلها كما هو متوقع ضحك و سخرية من الصور ثم يتبعها بصورة شبيهة لثلاثة سودانيين في وضع مشابه . يعنى يكون قاصد يشكر صداقتهم دى ? يقول ليهم صداقتكم جميلة زى صداقة الهنود الجميلة ديك ? احتمال ... يكون زى ما قالت راوية نكون اغبياء و نفسنا وسخانة - رغم انى ما مشيت بعيد في التفسير اكثر من انها مسخرة . - معايير السودان المقلبنة دى , الناس تهيج و تجوط لو زول قال كلمة واحدة بذيئة حسب الراى العام و لا يهم في اى سياق اتقالت , لكن زى بذاءة و مسخرة و قلة ادب ملاسي دى تمر يوميا مرور الكرام , ليه ? لانها ما ظبطت في الديكشنارى المخزن في الراس ليهو مية سنة لا اتغير لا اتجدد. حساسية تجاه البشر الاخرين واقفة في محلها ليها مليون سنة, كلو مسموح بيهو عدا الكلمات اياها. - غير مسئ و غير بذئ انك تجيب صورة ناس لا سالوك لا شاغلوك و تختها بالطريقة الفاتت دى ? اذا اصلا غير متفقين في معنى الاساءة و المسخرة و قلة الادب .... - شنو التفسير او الرسالة الاخرى الايجابية الممكن تصل لاصحاب الصورة ? العنده خيال يجتهد و يفيدنا ..... بعدين ممكن تنزلو مليون صورة فيها ملاسي متحاضن مع ناس تانية , ده عادى جدا للناس العادية و طبيعية , السؤال مفروض يتوجه لملاسي ما دام انت زاتك بتتصور كده , ليه بتتمسخر على الناس التانية هنود و لا كنغوليين و لا سودانيين? سؤال اصلا مافي داعى ليهو لانو منطق المسخرة و الازراء و الاساءة الملاسي لا يابه له. اما قصة انتصر و فاز دى ده شغل ابتدائي و روضة , مبروك على ملاسي يفوز و يجي الاول دايما و اكيد في المسخرة و المطاعنة و الاساءة الزى دى لا يتفوق عليه احد , دكتوراه عديييل كده .
| |
|
|
|
|
|
|
Re: أصدقاء الزمن الجميل! (Re: نهال كرار)
|
سلاماتي ا عصام
يبقى كلامك دا تاويل خاص بيك نحنا ما ملزمين بيه
قبل كدا في زول هنا جاب صورة لي انا والاخ محمد جمعة في لقاء سوداينزاولاين في المتحف عشان يدلل اني في الامن. وقرب يقول انه الصورة دي في اجتماع مع صلاح غوش
المهم احضار صور الغير دون اذنهم واستخدامها استخدام ما جميل حاجة عامة هنا لانو اصلو ما اتعلمنا خصوصيات الناس ولا جزء من ثقافتنا ولانو جزء من ثقافتنا انه نتحيز فقط لمن نعرفهم ولا نرفض الشر على اطلاقه لنا ولغيرنا..
لماذا تجد ذات الشلة كل مرة في تأويل كل بوستات ملاسي الى ما يرونه وعندما لا يتفق الناس معهم تبدا الزمزغة واللف والدوران. لانه برضو في ثقافتنا الجمعية بنمشي في قطيع..
والى الان ثابتة على ان ملاسي لم يشتم احد ولا يستخدم لغة بذيئة بالمفهوم لقاموس محمد احمد
| |
|
|
|
|
|
|
Re: أصدقاء الزمن الجميل! (Re: نهال كرار)
|
أولاً : للناس الجاية شايلة عداءاتها، حيلتكم مكشوفة، وهي لا تنفصل عن تصرفات فلاسي المفلس في شيء، ذات العقلية التآمرية، خاصة حيلة أساسي في محاولة التحييد والتي نجحت لحد ما، بس ده ما بهمني في شيء ببساطة لأنو س. أونلاين ده ما همي في الدنيا دي، ولا كل علاقاتي الأنا حريص عليها، وتصوير واقع المقال الخاص بملاسي هنا على أنه بذاءة لن ينطلي إلا عليكم أنتم، عشان الناس الانتا محاول تحييدهم عشان تكشفني ديل ما بتقدر عليهم، ولا بتقدر على علاقتهم بي، وموقفهم من ملاسي ما موقف أول حساباتو نادر ولا آخرها، أنا عندي معاك تاريخ عداء اتجاه واحد من جانبك، ما بتفوت فرصة تضربني فيها ابداً غلا وتجي أو الناس، مع كده من جانبي ما واصلت في العداء ده ليك ونسيت الأمر، لكن طالما جيت تاني حنشوف ليها حسبة جديدة دي، بعدين البذاءة ومحاولات الضرب تحت الحزام بي أمور ما سوية، دي حقتك أنته، وعهدي معاك فيها من بوست الأزواج الفي المنبر والاتصالات الحصلت بينا هاتفياً، للذكرة كده الحتة دي، خش جحرك يااساسي ومن لف لفه تل تل تاح game over.
ثانياً : البوست ده تصفية حسابات دي حاجة مفروغ منها، وكل بوستات ملاسي تصفية حسابات ومرض وغرض دي ولا بتغالطو فيها اتنين، فلاسي وهو ماشي في سكك حياتو اليومية بصفي حساباتو عادي ويتمسخر بمن يريد، ومناوشاتو لي ومطاعناتو للعاوز يتحقق منها موجودة في أرشيف المنبر يرجع ليها وبالمرة مدام هو ماشي الأرشيف، يشوف لينا ملاسي ده قبل كده كتب ليهو حاجة بدون ما يكون مستقصد بيها زول – طبعاً موضوع هكر سوركتي برة الحسبة دي خالص- ويجيبها لينا هنا
هذا السجال المقيت المتواصل هو من أطلق شرارته الأولى، آخر مساخرو البتشبهو الخربة زيو، كانت ولا زالت متوصلة في بوست بالجوار، يعني باختصار ملاسي هو من أدخل الكل في هذه المعمعة، وأنا ما جيتو هنا ولا دخلت بوست من بوستاتو عشان بتعجبني كتاباتو، بالتالي دخولي هنا هو رد فعل لمجموع أفعال ملاسي، للبشوف الخلاف ده خارج سياقو التاريخي بيني وبين فلاسي بقول ليهو عفواً ارجع الأرشيف، قراءتك خاطئة. عليه في ناس عندها مقدرة تضبط أعصابها وتتجاوز، وتدير خدها الثاني، بس أنا باخد حقي بيدي حالاً كامل مكمل، أنا بسميها حرارة قلب، وللبسميها قلة أدب يجيب لي كلمة واحدة فاحشة ومؤذية وغير سوية أو حتى إيحاء بدر مني في هذا المكان منذ 2002م، تختلف الأساليب والحيل، لكن أنا واااااااااضح، الكلمات الاتقالت في حق ملاسي بتشبهو وبتشبه مستواهو وفكرو وأفقو المشوه. أساسي : (يلا أمشي دور في الأرشيف وتعال ياها حركاتك).
نواصل
| |
|
|
|
|
|
|
Re: أصدقاء الزمن الجميل! (Re: نادر)
|
تحياتى يابيان والتحايا عبرك لسارة على وللجميع,
أعتقد ان رسالة ملاسى من عرض صور مجموعة من الآسويين بتلك الطريقة قد وصلت, ولسنا بصدد تشريح معنى البذاءة , بقدرما نحن بصدد الفكرة القبيحة خلف التهكم والتضاحك على اناس يتساوون منا فى الحقوق على هذه الأرض..
يابيان وسارة لكى يستمر هذا النقاش او اى نقاش قادم ارجو شاكرآ التخصيص فى الخطاب وتوجيهه بالاسم , يعنى تفرزوا لاى زول عيشتو براهو, إذا كان من نقد فليوجه لعصام بالاسم او الجيلى بالاسم او كيكى..الخ اى فرد منا يناقش حول فكرته, ليس من احد هنا تتم محاسبته على ماخطه الآخر ولايُجمع الناس فى ضمائر على شاكلة (انتم), حتى يتمكن كل منا من الرد على مايخصه..
وطاب يومكم
| |
|
|
|
|
|
|
Re: أصدقاء الزمن الجميل! (Re: نادر)
|
من اقوال نادر لسيدة من افضل السيدات هنا واكثرهن احتراما وودا
Quote: منى خوجلي والله حالتك بقت مستعصية ... بقيت بتساءل سر العداء الشديد منك لي ده شنو ما لقيت لي إجابة.. حايمة بي وصلاتي البورد ده كلو كأني إرتكبت في حقك أمراً جلل، وهمتي الناس دي كلها إني أسأت الأدب في حقك وده ما حاصل .. أنا كلامي ليك في المسنجر أو في العلن ليس به ما يشين ... العالم المعاك دي ما عندها موضوع ... غايتو الله يعينك ويقدّرك على البتسوي فيهو ده ... شكلو زمنك فائض ومدفق .. يا أختي من يتدخل فيما لا يعنيه يسمع ما لا يرضيه أنا لم أسيء إليك ولا أرضى أن يساء لأمرأة ،، وبالله طلعيني من مخك ما تبقي عيطة كده ياخي ... أمشي البوست الشايلاهو وحايمة ده حتلقيني الليلة كتبت ليك آآآآآآآآآآٍسف كبيرة أوووف دي شبك وين دي ؟؟؟ |
غير البوست الكتابو لي داك الجابو براهو
وغير شتائمه لملاسي في البوست دا وغيرها برضو زول مؤدب خداع النفس دا يقعو بيه وين؟
| |
|
|
|
|
|
|
Re: أصدقاء الزمن الجميل! (Re: نادر)
|
Quote: والله حسين لو فتح بوست فيه نقطة بتجوا شايلين العكاكيز زاتها
بكرة النقطة زاتها تتحور وتبقى كلام تاني كتييير :) |
مية المية كلامك دا
Quote: رمضان كريم وتصوموا تفطروا على خير جميعا |
جمعا يا حبيبة..
| |
|
|
|
|
|
|
|