|
Re: بورداب الخرطوم... الدعوة غداء (Re: طارق جبريل)
|
Quote: يا بكري الخير الفيك اتعرفت ان شاء الله عربيتك لديترها يقع مع التسخين |
الشي دا لديتر ولا سن عجوز؟
العربية في الواطة ما عندها مشكلة المشكلة في طيارتكم الما معروف تعمللاند وين دي؟ مطار الصالحة الجديد لسا ما انتهي العمل فيهو
| |
|
|
|
|
|
|
Re: بورداب الخرطوم... الدعوة غداء (Re: طارق جبريل)
|
Quote: يا ربي الضباحين الفي البلد كلهم تمسكهم انفلونزا الصراصير والجداد يمسكوا مرض السمير والكستر والجلي تطلع مدتهم منتهية عشان (طه القرشي) يشتغل تش ومعتصم دة جده الكبير يزعل ويحلف طلاق السماية دي ما تتم |
الف مبروك للاخ معتصم دفع الله بقدوم عمر وانشاء الله يتربي في عزكم
الاخت فادية اليمني (انتي من المسيكتاب؟)
شكرا للدعوة وننوي الحضور لكن انا خايف من دعوات ناس طارق جبريل دي
| |
|
|
|
|
|
|
Re: بورداب الخرطوم... الدعوة غداء (Re: SHIBKA)
|
شبكه : انتي تستاهلي طياره تقوم من هنا تجيبك مخصوص لاننا مشتاقين نشوفك عيان بيان. فاديه : انشاء الله ناس الطياره يجو بالسلامه بس ما عايزين نتعبهم الان ويتلتلو كفايه عليكم بعدين مشاريع الاحتفالات الراجيهم(ذبائح بالجمله) وعدد المودوعين بسيط ومختصر .
| |
|
|
|
|
|
|
Re: بورداب الخرطوم... الدعوة غداء (Re: طارق جبريل)
|
Quote: والله يا محاسن ما قصرتي تب
لكن بكري دة ان شاء الله هو وعربيتو يقعوا من الكبري ويكون ما بيعرف يعوم |
انا الان في العرضة يعني ما حا اقطع بحر ولا كبري يا مان
بعدين انا من الرواويس - بتعرف الرواويس؟؟
| |
|
|
|
|
|
|
Re: بورداب الخرطوم... الدعوة غداء (Re: صديق الموج)
|
Quote: شبكه بكون بلعوها الشايلين كروشهم وحايمين ديل هم بفرزوا ما ببلعوا ساكت.. لوووووووووووووووول،،،، |
ههههههههههههههههههههههههههه
ههههههههههههه
وعندها ضحك بكري الخير حتي بانت نواجزه الله يجازيك ويجازي محنك يا صديق الموج
| |
|
|
|
|
|
|
Re: بورداب الخرطوم... الدعوة غداء (Re: انعام حيمورة)
|
Quote: والان تم الاستعداد للذهاب الى الصالحة
فلقد قمت بطباعة صدر البوست حتى لا نتوه كدا وكدا
اها ودعتكم الله
نتلاقى في الضلع |
عارفة يا انعام والله دعوات طارق جبرين وصديق الموج دي خوفتني عديييييل
ربنا يستر
| |
|
|
|
|
|
|
Re: بورداب الخرطوم... الدعوة غداء (Re: انعام حيمورة)
|
Quote: والان تم الاستعداد للذهاب الى الصالحة
فلقد قمت بطباعة صدر البوست حتى لا نتوه كدا وكدا
اها ودعتكم الله
نتلاقى في الضلع |
عارفة يا انعام والله دعوات طارق جبرين وصديق الموج دي خوفتني عديييييل
ربنا يستر
| |
|
|
|
|
|
|
Re: بورداب الخرطوم... الدعوة غداء (Re: صديق الموج)
|
Quote: شبكه بكون بلعوها الشايلين كروشهم وحايمين ديل هم بفرزوا ما ببلعوا ساكت.. لوووووووووووووووول،،،، |
انت عارف ياصديق ابان كروش ديل تمشي ليهم زول زاتو يلاقيك يسلم عليك مافي ما تديهم ضهرك يقعوا في قندهار وما الى ذلك
| |
|
|
|
|
|
|
Re: بورداب الخرطوم... الدعوة غداء (Re: SHIBKA)
|
Quote: والان تم الاستعداد للذهاب الى الصالحة
فلقد قمت بطباعة صدر البوست حتى لا نتوه كدا وكدا |
عاد الليله يتوهكم اللا سها نام لا اكل الطعام. انتو بتوهو؟؟ والله كان تابعتو الحدى والريحة تصلوأ يا الجعانين الغليانين.. ماتقولى لى شول اشوانق معاكم؟ شايف ابراهيم بقال قرب يطلع معتصم ود خالته قال ساكن قريب،كان ماخجل كان داير يقول انا ساكن فى نفس بيت السماية. حاشية: شبكه بنتلاقى هناك يا بت القبائل وبنتلمه كان الله حيانا وحاتك دق شلوفه خلى سمايه كان ما نجيب ترباس لومينى،،،
| |
|
|
|
|
|
|
Re: بورداب الخرطوم... الدعوة غداء (Re: صديق الموج)
|
مليون مبروك يا ابو عمر ..
عمر معتصم دفع الله .. اسم جميل ..
تعرفي يا فادية جاتني اكتر من 6 تلفونات اخرها من نعبم .. الووو .. مبروك الوليد .. عليك الله مش حاجة تخلع وانا ماجايب وما شفت البوست ده..
| |
|
|
|
|
|
|
Re: بورداب الخرطوم... الدعوة غداء (Re: طارق جبريل)
|
Quote: يا رب العدالة والمساواة يدخلوا الصالحة |
يا طارق ياخي في وفدين وصلوا هناك بقيادة علاء الدين حيمورة .. أنت أقعد صاقر لي ودالموج دا لما يفوتك المولد .. بعدين نحن عازمنك عمره بدون زوغة وحفلة حدها الصباح والوجبات ما تشتهي نفسك .. أها قصرنا معاك ..
يا بقال حبابك ألف بقينا جيران ..
بكري الخير الإخوة الأعداء ديل ما تشتغل بيهم ( الموج وطارق ) ..
يا انعام حيمورة وصلتوا ولا لسه ..
نادر عباس الله يبارك فيك يا حبيب ..
عمر صديق ربنا يسعدك في الدنيا والآخرة ..
يا محاسن ح تلقي ناس القلقالة بي هناك ..
صديق الموج بطل الحسادة ..
أنور الشيخ ياااه زمن يا حبيب والله مفتقدنك شديد عقبال ما نفرح بأولادك ..
شبكة الهكر دا قاعد يجي يكنس أي حاجة أنا ما عارف ما شاف الموج وطارق ديل مالم
يا شباب أنا قاعد أرد بعشوائية وبجيكم كلكم مافي زول يلومني ..
أبقوا طيبين ..
| |
|
|
|
|
|
|
Re: بورداب الخرطوم... الدعوة غداء (Re: طارق جبريل)
|
يا صديق وطارق ..
إتصل علي قبل شوية سمؤال بدرالدين وبقال وبكري الخير وقبلهم حيمورة أخوان علاء وانعام .. وأبشركم معاهم حميم وفادية ومحاسن ربنا يزيد ويبارك .. وكيه كده قالوا لي قول لطارق وصديق راحت عليكم يا حاسدين .. إن شاء الله المطرة تجكيم وتغرقكم في حتكم دي ..
| |
|
|
|
|
|
|
Re: بورداب الخرطوم... الدعوة غداء (Re: صديق الموج)
|
Quote: يا معتصم الوصول للصالحية ساهل الكلام بعد ضرب الضلع وام رقيقة بس كتروا المستراحات غايتو والراجعين بي عرابتهم يشوفوا ليهم بامبرز |
Quote: طارق دحين ماك شاملك ريحة شى؟؟ فى ريحه ماها ياها،،، |
يا طارق الصالحة دي لي وراء كلها خلاء ساااي
إنتو بالهبوب التطيركم لي غادي .. كيه كده بس
| |
|
|
|
|
|
|
Re: بورداب الخرطوم... الدعوة غداء (Re: طارق جبريل)
|
Quote: غايتو يا ود الموج لو سمعتة ليك زول في الضيوف دقش الخلا كلمني نكلم ناس النظام العام عشان يفعلوا قانون ((خدش الحياء العام وتلويث البيئة)) |
طارق وحاتك قالوا الاباريق تتطاقش وشوهد بكرى الخير وهو يضم ساعديه الى بطنه لكن عشان شنو الاباريق ومسك البطن ماعارف انا مابغرق ذمتى الا اهل العقل يميزو،،،،
| |
|
|
|
|
|
|
Re: بورداب الخرطوم... الدعوة غداء (Re: SHIBKA)
|
أأأأححححح
عارفين أجمل حاجة في الدنيا شنو؟؟
انك تلاقي ناس عزاز عليك شديد فيس تو فيس وتقعد تتونس وتشمشر معاهم بالدقاق والغلاد
بتمسح كل همومك
بتغسل كل حاجة ما دايرا
بالجد ناس حلوين
الود علاء حيمورة - انعام حيمورة - محاسن - فادية اليمني - السمؤل - بقال - حميم - بيناوي - بكري الخير
اعتزر العوض المسلمي - عبد الوهاب علي الحاج - معتصم محمد صالح بسبب زحمة الطريق من بحري لامدرمان (ما بسبب دعوات الانفصاليين طارق جبرين وصديق الموج)
حفنا أهل معتصم دفع الله من كل جانب وصارو يتبارون في ضيافتنا واكرامنا فهي شيمهم وما مشحودين عليها هععععع
غايتو اي حاجة كانت سمحة
| |
|
|
|
|
|
|
Re: بورداب الخرطوم... الدعوة غداء (Re: طارق جبريل)
|
شبوكة ناس الخرطوم جوا من مغيرباً بدرى
بس تقولى شنو البطون متقلة عشان كده نوم تقيل شديد
بعدالوليمة الشبعاااااااااااااااانة دى
نبدأ من الاستقبال
تلفونات للوصف المكان ... وقد وصلنا بخير والصالحة طلعت قريبة يا ود جبريل
استقبلنا بحفاوة مبالغ فيها اصحاب الوجوه البشوشة كلا من عبدالله و بكرى وعمر دفع الله من الشارع وفى الباب فاطمة ومنيرة و رقية دفع الله (اعمام واخوال عمر سيد الاسم)وفى الداخل مودة و اهلها وصلناللمولود عمر اخيرا "ماشاء الله ما شاء الله ربنا يحفظه ويغطيه عسل بس. اها نجى للتانى
الاكل كان طاعم شديد ربنا يذيد ويبارك والصينية كانت عمرانة
والله كان ما الملامة كان صورنا ووصفنا بس خفنا يقولوا جحمانين
غيظة لود الموج و ود جبريل
ما كلمتك يا ود جبريل الحلو كان فيه (مديدة بلح) واتخيلى لى كده بالبركاوى الليلكم داك
وكما استقبلنا كما ودعنا
يا ابو عمر
اهلى ما قصروا تب (الكرم هولنا)
| |
|
|
|
|
|
|
Re: بورداب الخرطوم... الدعوة غداء (Re: طارق جبريل)
|
بكرى الخير : انت الخير والبركه وأن شاء الله دعوات طارق لعربيتك تكون بردا وسلاما. طارق : بعد اللي شوفناه أمبارح تاني ولحدى ما نتلاقي ونتمم مشرعنا بتاع التكريم اللي اقترحته عليك أنت وصديق . كلما تشوف بوست بتاع لمه لناس ديل أرفع اياديك بالدعاء الصالح ولاامنيات الجزله. ولا ايه رايك؟ يمكن انت ذاتك عما قريب تجي ترسي معانا هنا وتبقي جزء من الكوكبه دى. لكن صدقني لو دا حصل .....الله يمرقك من صديق والبقيه.
| |
|
|
|
|
|
|
|