|
|
 Re: (شهاده لله) لمن لايعرفون سعاده الفريق اول صلاح قوش (Re: بدر الدين اسحاق احمد)
|
أوليس هذا هو نفس المسئول الذي هدد بقطع الأوصال، وأزبد وأرغى وسجّل لنفسه
مقعدا فخيما بجانب أبوساق وكل الذين أذّلوا شعبهم وخانوا الأمانة وسطوا
بليل على كل مقدرات الوطن؟
أتيته حقه في هذه:
قاطع الأوصالِ
بالخرطومِ مهلاً
ريثما يهوي بك الشعبُ
الى جُبِ المغارةْ!
إنْهضْ ولملم
جرحك الدامي وقُلْ:
يا ويلِه
الظالم مني
عندما أنهضُ
من خلفِ المغارة!
إنني الواهبُ
للثورةِ بارودَها،
إنني الزلزالُ
مشهودُ الجسارة!
قد أقيمُ الليلَ
في غسقِ الدجى
حاملا للفجرِ
آيات البشارةْ!
قد كرهتُ الجائر
الباغي الذي
أورثَ السودانَ
أهوالَ الخسارةْ!
قد كرهتُ الظالمَ
الباغي الذي
خالَنا كالصخرِ،
صمٌ كالحجارة!
إنني الشعب
البطولي الذي
نال من غردون
أنواطَ الجدارة!
*بعيد تصريح تقطيع الأوصال*
| |
 
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: عبدالأله زمراوي)
|
سلام يا السيد المسلمى Quote: الاخ رأفت ميلاد ،
الظاهر في مايبدو إنك نصبت نفسك حكم في هذا المنبر !
ومافضل ليك شي إلا تقول للناس أكتبو كذا وأتركو كذا !
وإدعاءك الأجوف دا بخلي إنفصام الشخصية ينطبق عليك تماماً ، |
بصراحة ضحكت من كلامك لأنى ما عندى وصاية ولا حكم على الناس بل ضد الأسلوب ده .. ولكن فوجئت بأنى أخاطب مسلمى تانى .. بعد مانطيت علىّ سلمى تالت ..
إنتو كم ياخ ..
كنت أعتقد بأنى أخاطب بالتحديد العوض المسلمى الذى أرهقنا ببوستات الوصايا .. ماذا يجب أن نكتب .. وماذا لا يليق .. فخاطبته عمداً بأسلوبه Quote: وعندي ليك مداخلات كتيرة بتدعم إنك منفصم شخصياً ،
وممكن أنزلها ليك هنا إذا حبيت ،
ــ
أكتب بعيداً عن وصف الناس بما هو فيك . |
أنزل ما تريد فأنا مسئول عن كل حرف كتبته ..
أنصحك وليست وصايا أن تترك صاحب الطرح يجاوب عن نفسه .. فهو رأى وليس قرابة ..
مدان بالإعتذار للأخ محمد المسلمى عن الأسلوب .. ولكن تظل الفكرة قائمة .. قوش لا يستحق ولا أى من ساند هذا النظام حتى لو لم تتلطخ يداه متل قوش
تحياتى
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: رأفت ميلاد)
|
كتب محمد مسلمي
Quote: الفريق الانسان صلاح عبدالله محمد صالح
النشاه من اسره مستوره الحال ووالده يعمل بالتجاره البسيطه ببورتسودان
يعيشون على الترابط والتكافل بين اسرته التى تتكون من خمسه ابناء تعاونو الكبير والصغير منهم الى ان اكملو دراستهم الجامعيه ومافوق
الجامعيه.
والدليل على نزاهتهم فبالرقم من الوظيفه العليا التى يتمتع بها سعاده الفريق اول الا انهم يعملون موظفين وكل على حسب شهادته وموهله
ولايملكون الشركات ولا القصور ولا المستشفيات ولا ولا ولا
(وما شهدنا الا بما علمنا وماكنا بالغيب لحافظين) |
انتو السودان دا كلوا بقا امنجية ولا شنوا...؟ شاهدت شنوا و قوش شنوا يا شيخ محمد مسلمي..!
القري المحروقة في دارفور و الطيران الاسرائيلي الذي قصف حدود البلاد ورجع بسلام الي تل ابيب يعتبر أبلغ شهاده تعبر عن فشل صلاح قوش..
تحياتي..
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: بدر الدين اسحاق احمد)
|
Quote: انت عارف لو كان هذا هو المنطق فى كتابة السير الذاتيه
كان مكن الواحد يكتببوست شبيه لحقك ده، لمن لايعرفون ابوجهل،ويقول:
كان من اسرة ذات ارومة شقيقه عبد الله ولد افضل البشر
واخيه ابوطالب هو كافل الرسول (ص) وشقيقه العباس هو من ازر
الرسول الكريم،اما شقيقه حمزة فقد نصر الله به الدين
زوجة شقيقه عبد اله امنة بنت وهب رضى الله عنها
كانت كذا وكذا وهل تعلم ان ابن اخيه عليا كرم الله وجهه
كان شجاعا فى الحق وكان من الحفظة الثقاة وووووالخ...
وهكذا. الى ان تكرب ليك سيرة ذاتية بنت كلب للكلعون ابو جهل |
تصويب بسيط لا علاقة له بموضوع البوست
هذه سيرة أبي لهب عبد العزى بن عبد المطلب بن هاشم وليست سيرة أبي جهل عمرو بن هشام بن المغيرة
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: عبد الحكيم نصر)
|
الاخ المسلمى
السلام عليكم
كدى كويس جبت للراجل الهواشالوه من الامن
| Quote: سونا): اصدر السيد / رئيس الجمهورية المشير عمر حسن احمد البشير مرسوما جمهوريا بتعيين الفريق اول مهندس صلاح عبدالله محمد صالح مستشارا لرئيس الجمهورية. واصدر سيادتة مرسوما جمهوريا آخر بتعيين الفريق مهندس محمد عطا المولى عباس مديرا عاما لجهاز الامن والمخابرات الوطنى |
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: Elawad)
|
أتشهدون الله على الباطل لكي يكون حقاً؟
لك احترامي يا مسلمي و لكن احترم انت
عقولنا ! زي ما قالوا لك الشباب حدد لنا
موقفك أأنت تقصد أسرة صلاح قوش ؟ أم صلاحٌ؟
و قتها سوف تملك الحقائق أن رغبت؟ ولا اظن
ذلك لأنك إن قصد قوشا نقول لك انك قصدت أن
تخفي ضوء الشمس في وضح النهار. لنا عودة
بعد الأجابة.
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: ياسر هرون ابوالقاسم)
|
من المؤكد أن هذا البوست قد جانبه التوفيق
فلو كان صلاح قوش فوق الشبهات لما احتاج لمثل هذا البوست
ولو كان دون ذلك، كما تحدث قرائن الأحداث، فصاحب البوست في غنى عنه.
أذكر في بداية إنقلاب الإنقاذ جاءني صديق في مقام أخي الصغير
وقال أنه وجد فرصة للعمل في جهاز الأمن
وأراد رأيّ
فقلت له أن العمل في جهاز الأمن في ظل نظام دكتاتوري شمولي هو الظلم عينه
ومهما حاول الشخص أن يكون نقياً وتجنب أذية الغير، فمن المؤكد أنه سيقع في المحظور
لأن هدف الجهاز وطريقة إدارته وتبادل المعلومات بين القادة والمرؤوسين وأهدافها والتعليمات كلها تصب في مصلحة النظام وليس البلد أو المواطن، فما دام الكل ظالم فالجزء كذلك.
دارت الأيام
وفي ذات صباح تم اعتقالي من إدارة الكمبيوتر ببنك الخرطوم فرع الجمهورية
وبينما نحن في حالة إنتظار داخل أحد مبانى الجهاز - دخل صديقي، فرآني وصعق، ثم سلم علي وخرج وهو في حالة يرثى لها.
وعرفت بعد أن أطلق سراحي أنه قد تم سجنه وتجريده لأنه أصر على إيمانه بي ووقوفه إلى جانبي.
وعندما قابلني لاحقا قال لي: صدقت، آمنت أنه لا يمكنني أن أعمل في جهاز الأمن في ظل نظام لا يقوم على العدالة.
وأنت كذلك يا أخي، لا يمكنك أن تدافع عن شخص، ليس فقط يعمل في جهاز الأمن، لكن يدير جهاز الأمن، في ظل نظام ضحاياه في كل ذاوية من ذوايا الوطن.
وهناك قاعدة في الإدارة تقول "أن السلطة تُفَوَّض، لكن المسئولية لا تُفَوَّض" ومعناها أن كل ما حدث بإسم الجهاز من مظالم هو مسئولية صلاح قوش المباشرة، يسأل عنها يوم الحق. ويومها يا صديقي أنا وأنت سنحاسب عن كل كلمة كتبناها هنا، فخلينا نتحري الحقيقة من أفواه المظلمومين وليس من أصحاب السلطة والجاه والمنصب والإعلام، فإنك لن تجدها هناك أبداً ولو عبرت عبر كل بوابات التاريخ والمستقبل.
وصدقني السلطة لا تدوم لأحد سوى الواحد القهار.
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: محمد المسلمي)
|
Quote: الفريق الانسان صلاح عبدالله محمد صالح
النشاه من اسره مستوره الحال ووالده يعمل بالتجاره البسيطه ببورتسودان |
انته يا راجل مرتزق ولا شنو دي عمايل انسان ود اسرة مترابطه دي عمايل انسان ود اسرة متفككة ووالد قاسي وسادي حتى ياتي بصلاح قوش ده
1- مصطفي شريف – جامعة الخرطوم – 26 سنة
2- طه محمد – جامعة الخرطوم – 25 سنة
3- عبد المنعم محمد عيسي – جامعة الخرطوم – 23 - سنة
4- محمد احمد – جامعة امدرمان الاهلية – 27 سنة
مازال هولاء الطلاب والخرجين من ابناء دارفور رهن الاعتقال التعسفي بمعتقل دبك
من يوم 7/4 يعانون من سياط الجلادون
الرقيب حكمدار سجن دبك السياسي
ود الفكي
الرقيب امن معاوية سيد احمد
الرقيب كودر كوكو
تم ضرب هولاء المعتقلين اول امس لاكثر من ثلاثة ساعات متواصلة منذ الساعة 6 فجرا الى ال9 صباحا
طه محمد احمد طريح الفراش جراء نزيف بطني نتنيجة لركلة تلقها من احد الجلادين بمعتقل دبك وتابى ادارة المعتقل نقله الى المستشفى .
فلنضغط على النظام من اجل الافراج عنهم او تقديمهم لمحاكمة عادلة
| |
|
|
|
|
|
|
|
|
 Re: (شهاده لله) لمن لايعرفون سعاده الفريق اول صلاح قوش (Re: محمد المسلمي)
|
الاخ محمد المسلمي
كيفنك يا شيخ العرب
بغض النظر عمن هو صلاح قوش
اذ انني شخصيا لم اسمع به الا قبل حوالي شهرين في هذا المنبر
الا انه من حقك الادلاء برايك كاملا دون تخوف من تهديد او حجر رأي
المشكلة في هذا المنبر انو لن تستطيع ان ترضي كل الاطراف
يعني ممكن ادين صلاح قوش اليوم والناس ما تسبني او تشتمني
لكن بكره ارفض سب الدين وسب الله وسب الانبياء
ويجي صبري الشريف ومن لف لفه ويقولوا ماسك في دين الهوس والضلال
يعني انا فهمت في المنبر ده انت مستحيل ترضي كل الاطراف
عشان كده اكتب ياخوي الشيئ الذي تعتقده
دون خوف او مجاملة من اي طرف
فافضل لك ان تكون واضحا بدل ان تكون خائفا تفكر ما هو الذي يرضي الناس
طالما لا تسيئ شخص او اسرته او دينه اكتب ما يحلو لك
ولا تهتم بمحاولات حجر الرأي الطلعت موضة اليومين دي في المنبر
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: khalid abuahmed)
|
| Quote: طالما لا تسيئ شخص او اسرته او دينه اكتب ما يحلو لك |
ده يا أشرف كلام صاح ولمن لايعرفون سعاده الفريق اول صلاح قوش!
أما البيعرفوه وبيعرفو تسلطه وعنفه اللفظي والجسدي وأياديه الملوثة بدماء طاهرة
بيشوفو كلام المسلمي ده إساءة بالغة في حقهم...
وممكن يكون عندهم حق لو رأوا أنت هذا البوست مدفوع القيمة
واحد جاي سالي قلمه وبيشكر في إبليس... وينبذ بازدراء في شعب ويصفه بالمرتزق
علشان قالو ليهو يا اللخو كلامك ده أعوج
زمان واحد كوز نبذه رباطي قام قال للرباطي (وهو خايف منو) يا زول مضمض خشمك بشوية موية
وأنا بنصح شيخ المسلمي إنه يمشي يتسوك ليهو بمعجون سجنال 2
ويراجع طريقته الداخل بيها الحوش ده... وأسلوبه في التعامل مع الآخر
الزول ده شكلو سره باتع... وزول باطن!
أتمنى عنوانه القادم يكون " لمن لايعرفون سعادة المشير البشير"
يلحقو لينا أمهات طه... ولا يشحنو للاهاي
أول مرة في حياتي أشوف ليا زول بيشكر في مدير مخابرات وهو حي!
قصدي الشاكر والمشكور...
______________
الله يكفينا شرهم!
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: khalid abuahmed)
|
حولاااااا يا قوم سودانيز يعنى الواحد ما يقول كلمة
تنطوا لى كلكم ؟؟ الراجل قال ::::
| Quote: (شهاده لله) لمن لايعرفون سعاده الفريق اول صلاح قوش |
الكلام دا موجه للناس الما بعرفوا سعادة الفريق !!
خلى اى زول عارفو جا ناطى !!
ـــــــــــــــــ
مافى نشر معرفة وتنوير معاكم ولا شنو ؟؟
تبت لله .. خلو الراجل مع ربو ..
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: Abdelmuhsin Said)
|
**
تبت يدا صلاح قوش هذا... ياتري كم من الامـوال و الفلل قد كسب في مـقابل فـشله في جهاز الامن..؟؟
***- ياتري هل بسط الامن في بلادنا الحبيبة مقابل هذة الاموال الضخمة التي كسبها من قوت الشعب السوداني..؟؟
الاجابه
كلا لم يستخدم هذة الاموال في بسط الامن بل أستخدم هذه الاموال في التجسس علي المواطنين وتعذيب السياسين الذين يعارضون النظام.
رجل يرتكب كل هذه الجرائم والتعذيب في حق بني جلدته لا يستحق المدح و الشكر يا أخ محمد مسلمي..!
**
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: محمد المسلمي)
|
سلامات با المسلمي
صلاح غوش حاول ان يبني جهاز مخابرات قوي
الخطا الذي ارتكبه صلاح غوش انه حاول يربط الجرح بدون نظافة
وتحول جهازه الى "غرغرينة".
حينما استلم صلاح غوش جهاز الامن كان يجب عليه ان يفتح تحقيق في بيوت الاشباح
ويرجع الحقوق المضيعة لافراد من هذا الشعب..
ويحاكم كل من عذب وانتهك اي مواطن سوداني حتى يعرف كل رجاله حدودهم
ولا يتكرر ما يفعله بلطجية الامنجية في المواطنين..
لو فعل ذلك لرفعنا له القبعات..
والان الكرة في ملعب محمد عطا هي اجراء تحقيق شامل كامل في بيوت الاشباح وتنظيف الجرح
بصورة بروفشنال ومحاكمة كل من انتهك الحقوق.ز
بكدا حيكون جهاز الامن السوداني هو جهاز مخابرات يعمل على حماية الوطن
مثله مثل اي جهاز مخابرات في اي دولة في العالم.. وسيجد الدعم من كل مواطن صالح
بيوت اشباح لازم يتحقق فيها بواسطة لجنة محايدة..ويعرف كل من مر بها
ودي برضو بتنظف المعارضة من كل من ادعى التعذيب ولم يحدث..
الحقيقة ستمنح هذا الوطن العافية..
ولك التحية وانت تكتب قناعاتك ولك ايضا مطلق الحرية..
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: Elbagir Osman)
|
الأخ محمد المسلمي،
وددت فقط ان أمد لك يد العون في تعضيد شهادتك في حق رجل البر والإحسان الفريق صلاح عبد الله محمد صالح (صلاح قوش). الاقتباس التالي يوضح كيف بنى الفريق قوش جهاز مخابرات مسؤول لحماية الوطن، وكيف كان بعيدا عن سياسة الإغتيالات وتقطيع الأوصال:
Quote: فلقد أجمعت العصابة امرها بعد أن خدعها رجل مخابرات مصري معروف و أوقعها في فخ التخطيط لإغتيال حسني مبارك في أديس أبابا . لقد وافق علي عثمان محمد طه على تنفيذ محاولة الإغتيال و معه د. نافع علي نافع و د. عوض الجاز و د. مطرف صديق و حسب الله ونصر الدين وقام علي عثمان بتخصيص خمسة ملايين دولار لتنفيذ العملية الفاشلة دون علم الرئيس أو الشيخ الترابي. وبعد فشل العملية تكونت لجنة للتحقيق شارك فيهابفعالية الشهيد علي البشير الذي كان يعلم بالتفاصيل.
و بعد ان رفعت التقارير و تأكد تورط المجموعة المذكورة أعلاه و تم إجراء تعديلات وزارية و تنقلات شملت المجموعة المتورطة و تم إتخاذ قرار نهائي بإبعاد كل من صلاح قوش وحسب الله ونصر الدين من الدخول إلى جهاز الأمن العام. ولكن عاد الثلاثة إلى جهاز الأمن العام بواسطة علي عثمان محمد طه و د. نافع علي نافع ليبدأون في سلسلة تصفيات جسدية لكل من يهدد أو يكشف أسرار محاولة إغتيال الرئيس حسني مبارك.
لقد خطط صلاح قوش فعلاً لا قولاً لتصفية ثلاثة عناصر من الضباط هم الطيب محمد عبد الرحيم و ضابط ثاني يدعى عصام و المهندس علي البشير الذي باشر التحقيق في الملف الخطير.
لقد أوعز صلاح قوش للضابط المرحوم الطيب محمد عبد الرحيم بضرورة إغتيال الضابط عصام بحجة أنه بدأ في تسريب معلومات عن محاولة الإغتيال . وإستجاب المرحوم الطيب محمد عبد الرحيم وقام بإغتيال عصام ببندقية كلاشينكوف ثم وجهت إليه تهمة القتل العمد. وبعد إعترافه بجريمة الإغتيال ظناً منه بأنه توجيه حركي تم تقديمه للمحاكمة التي حكمت عليه بالإعدام في سجن كوبر العمومي. ولم تفلح مجهودات منع إعدامه قبل كشف خيوط مؤامرة علي عثمان وصلاح قوش لتصفية هؤلاء. ثم جاء دور الشهيد علي البشير الذي كان على علم ايضاً بصفقات لتجارة السلاح التي تعود أرباحها مباشرة إلى صلاح قوش في دول غرب أفريقيا والتي كان الشهيد على علم بهذه التجارة وتورط صلاح قوش فيها. |
ربما تود أن تعرف يا المسلّمي مصدر الاقتباس أعلاه:
المصدر: جريدة آخر لحظة (مؤتمر الترابي)
التاريخ: 28 أبريل 2002
السياق: نشر (غسيلكم القذر) إبان الصراع الطاحن بين مؤتمري علي عثمان والترابي....أي الصراع بين لصوص وقتلة مؤتمري القصر والمنشية.
Quote: (شهاده لله) لمن لايعرفون سعاده الفريق اول صلاح قوش
الفريق الانسان صلاح عبدالله محمد صالح
النشاه من اسره مستوره الحال ووالده يعمل بالتجاره البسيطه ببورتسودان
يعيشون على الترابط والتكافل بين اسرته التى تتكون من خمسه ابناء تعاونو الكبير والصغير منهم الى ان اكملو دراستهم الجامعيه ومافوق
الجامعيه.
والدليل على نزاهتهم فبالرقم من الوظيفه العليا التى يتمتع بها سعاده الفريق اول الا انهم يعملون موظفين وكل على حسب شهادته وموهله
ولايملكون الشركات ولا القصور ولا المستشفيات ولا ولا ولا |
بعدين يا المسلّمي لمن (يكلّفوك) بي (شغل) زي دا خليهم يكتبوا ليك الكلام المطلوب نشره. لأن الواضح من كلامك أعلاه هو ان علاقتك بالكتابة ضعيفة للغاية. وإذا ما بتقدر على مثل هذه (المهام) خليهم يدّوها لي زول غيرك ويكلّفوك بي شغل تاني لا علاقة له بالكتابة.
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: محمد المسلمي)
|
Quote: المدعو عادل علي
من انت حتي تنصب نفسك حكمآ في مااكتب فانت لاتعلم قدر الكتابه ولامعانيها وذلك واضح من ردك الذي كتبت
بعدين يا المسلّمي لمن (يكلّفوك) بي (شغل) زي دا خليهم يكتبوا ليك الكلام المطلوب نشره. لأن الواضح من كلامك أعلاه هو ان علاقتك بالكتابة ضعيفة للغاية. وإذا ما بتقدر على مثل هذه (المهام) خليهم يدّوها لي زول غيرك ويكلّفوك بي شغل تاني لا علاقة له بالكتابة.
وردك هذا زكرني الباقر عثمان الذي يسئ الي حكومه السودان واجهزتها المختلفه وهو يعمل لصالحهم بالله مش حاجه تحير
الباقر عثمان اجيب ليك اقتباسات من تعاونك مع الكيزان ام تكتفي بهذه الشهاده ايها المناضل |
أها ردك الأخير دا أكد لي تماماً انك رجل محدود.... كل الكلام الكتبته دا خارم بارم ساكت.
نصيحتي لك مرة أخرى: خلي الجماعة يشوفو ليك شغل ما فيهو كتابة ورد على الناس ونقاش وأخذ ورد.... هذه الأشياء كلها أكبر مما يبدو عليه حجم معرفتك المتواضعة وتفكيرك البسيط ومستوى كتابتك المتدنّي.
بعدين ليييييييييييييه ما علقت على الكلام المكتوب عن زولك العملت فيهو شهادة لله؟؟؟
شركاؤكم...لصوص وقتلة المنشية هم الذين كتبوا هذا الكلام........ تعرفونهم ويعرفونكم...يعرفون تفاصيل جرائمكم ومخازيكم وتعرفون تفاصيل جرائمهم ومخازيهم...يعرفون عوراتكم وفضائحكم وتعرفون عوراتهم وفضائحهم.
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: Adil Ali)
|
Quote: أها ردك الأخير دا أكد لي تماماً انك رجل محدود.... كل الكلام الكتبته دا خارم بارم ساكت.
نصيحتي لك مرة أخرى: خلي الجماعة يشوفو ليك شغل ما فيهو كتابة ورد على الناس ونقاش وأخذ ورد.... هذه الأشياء كلها أكبر مما يبدو عليه حجم معرفتك المتواضعة وتفكيرك البسيط ومستوى كتابتك المتدنّي.
بعدين ليييييييييييييه ما علقت على الكلام المكتوب عن زولك العملت فيهو شهادة لله؟؟؟
شركاؤكم...لصوص وقتلة المنشية هم الذين كتبوا هذا الكلام........ تعرفونهم ويعرفونكم...يعرفون تفاصيل جرائمكم ومخازيكم وتعرفون تفاصيل جرائمهم ومخازيهم...يعرفون عوراتكم وفضائحكم وتعرفون عوراتهم وفضائحهم. |
يخاطبني السفيه بكل قبح فاكره ان اكون له مجيبا
يزيد سفاهة وازيد حلما كعود زاده الاحراق طيبا
رحم الله امرئ عرف قدر نفسه .. وسيظل الفريق اول صلاح عبدالله علما من اعلام السودان متعه الله بالصحة والعافية ...
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: Faisal Elrasheed)
|
يا المسلّمي مُش قلت ليك إنت زول محدود القدرات وقليل المعرفة:
Quote: يخاطبني السفيه بكل قبح فاكره ان اكون له مجيبا
يزيد سفاهة وازيد حلما كعود زاده الاحراق طيبا |
الكلام الفوق دا كلام شاعر.
| Quote: رحم الله امرئ عرف قدر نفسه .. وسيظل الفريق اول صلاح عبدالله علما من اعلام السودان متعه الله بالصحة والعافية ... |
والفي الاقتباس أعلاه نفس الكلام القاعد تقول فيه من بداية البوست.
تحتاج لمذاكرة ودروس عصر وكورسات تقوية.
شد حيلك!
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: Adil Ali)
|
يقول المحبوب عبد السلام عن العصابة التي خططت لاغتيال الرئيس المصري حسني مبارك في أديس أبابا عام 1995م:
| Quote: أما المجموعة الأمنية بقيادة الدكتور نافع علي نافع فقد تجلى فيها المثل الأمدرماني البليغ (ملك الموت و قد زاره فجأة الموت). الدكتور المدير العام لم يعد نافعا لأيما اعباء ينتظر أقداره و معه حكومة الحركة الاسلامية بل و السودان كله تسونامي العقوبات الاول بتعبير قطبي المهدي – سبقه تسونامي التنقلات : الطبيب مطرف صديق مدير العمليات الخاصة إلى سفارة السودان بنيجيريا ، نائبه المهندس صلاح عبدالله قوش الى التصنيع الحربي، المهندس حسب الله عمر مدير المخابرات المضادة الى السفارة السودان بباريس ، نصرالدين محمد أحمد مدير معهد التدريب الى سفارة السودان بالقاهرة، كمال عبد اللطيف مدير ادارة الولايات الى سفارة السودان بنيروبي. |
| |
|
|
|
|
|
|
|
|
|
Re: (شهاده لله) لمن لايعرفون سعاده الفريق اول صلاح قوش (Re: hamid brgo)
|
الاخ المسلمي
بوستك ينطبق عليهو المثل الشهير (مشكار الراكوبة في الخريف)..
وبيني وبينك ياخ صلاح غووش ما بشكر ومشكارو صعب وقاسي بالحيل
كونه مارس اعنف الجرائم ضد الانسانية وضد ابناء بلده هو نظامه الانقاذي..
وبعيدا عن اسرته التي قد تكون اسرة مثلها ومثل كل الاسر السودانية فصلاح غووش واحد من العلامات الاجرامية الكبري في تاريخ هذا الشعب الانساني وسياتي اليوم الذي سيزاح عن كل هذه الجرائم
وارواح الضحايا والاوصال التي قطعها صلاح غوووش هي التي سترفرف في سماء الخرطوم لكي تنشر
العدل
الديمقراطية
والحرية
| |
|
|
|
|
|
|
| |
رأفت ميلاد
احمد محمد بشير
كمال عباس
Elbagir Osman
عزام حسن فرح
AnwarKing
محمد المسلمي
هشام عوض الكريم
عبد الحكيم نصر
أنور أدم
موسي عيسي
Elawad Eltayeb
عمار نجم الدين
ASHRAF MUSTAFA
khalid abuahmed
Mohamed Yassin Khalifa
دينا خالد
الصادق عوض
بشري الطيب
شمائل النور
Abdelmuhsin Said
Yassir Tayfour
محمد فرح
الطيب رحمه قريمان
HAIDER ALZAIN
Faisal Elrasheed
ياسر احمد محمود
عبدالكريم الامين احمد
فيس بوك
تويتر
انستقرام
يوتيوب
بنتيريست