|
Re: الحركة الشعبية السودانية تعتبر محاولة سحب الحصانة من عرمان إرهابا قانونيا! (Re: وليد محمد المبارك)
|
Quote: والقوانين المسكلبين ليها دي موش مررت في البرلمان بوجودكم |
الأخ وليد
تحياتي
ياخي دي قوانين من زمن حفروا البحر أيام شيخهم داك بتتذكروا ... صح ...
بعدين عليك الله ده لو ما ارهاب يكون شنو ؟
الشرطه السودانيه بكل أقسامها تدور حولهم أشاعات كثيره عن فسادهم حتى أني أكاد اجزم أنه لا يوجد سوداني واحد يثق في الشرطه ولا في أى مؤسسه أخرى .
الجماعه ديل زعلانين من الزول ده ساي ! وحتي اتهاماتهم المستمره له بأنه قاتل طلعت فشوش , وكان زعلهم منه عشان حارب أهلوا الجلابه (على قول الطيب مصطفى) يكفيه شرف أنه كان على حق عندما دعم قضيه يراها عادله وأثبت الزمن أنها عادله و أثبتت نيفاشا أنها عادله ! ... الظلم الممنهج للجنوب وأهله.
الحركه الشعبيه عودتنا أن تكون وفيه لأعضائها فما بالك برجل في قامه ياسر عرمان , ستدافع عنه الحركه , وسيموت من يريدون تصفيه الرجل بغيظهم ...
مودتي
الأخ جني
تحياتي
أنت شخصيا ما عارف فساد الشرطه ؟
خليك من قياداتهم ناس العمارات الوقعت والما وقعت , وخليك من قياداتها المطلوبين للعداله الدوليه , العسكري النفر الماشي بين الناس ده أنت ما عارف فسادوا وأستغلاله للكاكي اللابسه وخاصه ناس النظام العام ديل ؟ ...
يا راجل الشرطه دي فسادها يعلم القاصي والداني , فما الذي يجعل حديث عرمان عن فساد الشرطه جريمه ؟ .
السودان كله عباره عن دوله فاسده خليك من الشرطه والحديث عن ذلك صراحه هو المطلوب وهو السبيل الوحيد لتداركه قبل السقوط الذي أصبح يرى بالعين .
وذلك ليس بالضروره أنه حديث من باب الشماته أو الأسائه بل هو حديث الصراحه المؤدي للاصلاح .
المشكله يا عزيزي جني أن هناك متنفذون يرون أنهم سودانيون أكثر من الأخرين ويتطاولون بالتشكيك في سودانيه الأخرين حين ينتقدون مسلكهم الذي في الغالب هو أس المشكله .
وهنا تكمن الامشكله
مودتي
|
|
|
|
|
|