|
|
 Re: بورداب الدوحة .. دعوة للتفاكر (Re: عزام حسن فرح)
|
والله يا زعيم الدهماء برضو زعيم الرجرجه حصلت ليهو نفس الحكايه
مشيت لى بيت نادوس حوالى الساعه 8:50 وبعد بتاع البوابه شال منى البطاقه الشخصيه خوف
اجادل ولا اعوق نادوس ...المهم اديتو البطاقه وصف لى الفيلا وانا خابره جيته ميه مره
اها (مدبره البيت) فتحت لى الباب وكانها سودانيه قالت لى نادوس مافى علا تتفضل وتقعد
وفتحت لى باب الصالون لقيت ليك حاجات كتيره مختوته فى الطاوله ..ففتحتها واكلت منها
ما طاب لى فلافل ولحمه ...وفول ...............وبعدها لقيت تحليه اخدت لى منها موزه ..
قلت للمدبره قولى لى نادوس عمر جا هنا وما لقاك واتعشى ومشى ....قلت يمكن ده بروتكول
الصفوه قلت فى الاول بيكونو جو الصفوه وبد الدين والكاشخين بعدهم جو الافنديه والباشكاتب
ثم الدهماء واخر العقد الرجرجه .......................
اها مشيت قلت (المدبره) علها ما تعرف اسمى بعدين اروح شمار فى مرقه .عاينت للمكتبه
سرقت لى كتاب قلت لو غالطونى اقول جيت وسرقت كتاب كمان ..........................
اها طلعت العربيه بره لقيت قلم جريت ورقه كتبت فيها حضرت ولم اجدكم واضفت
وسرقت كتاب ووضعت شرطا لارجاع الكتاب ان يعرف صاحب المكتبه اسم الكتاب اللى سرقتو ...
اها يا زعيم الدهماء قصرته معاهم ..................................................
على صاحب الدار اتصل مرتين على واتصلت عليهو مرتين وكان تلفونو مشغول وما رجع لى تانى
اها بيكون الان بيحصى فى المكتبه عشان يعرف المسروق منو شنو ..........................
اكان قصرته يا عزام قول لى ........................................................
المهم نؤمن على كل ما طلع به البورداب من توصيات ونحن رهن الاشاره ...................
دحين باشمهندس امين جا الاجتماع ولا لا ..............................................
الليله فى اجتماع بورداب المريخ ونحن معهم قلبا وقالبا وهم منتصرين ان شا الله 1/0
سجل سجل يا هارون كاس الدورى للمريخ...
| |
 
|
|
|
|
|
|
|
|
Re: بورداب الدوحة .. دعوة للتفاكر (Re: عمر سعد)
|
عمر سعد
Quote: اها مشيت قلت (المدبره) علها ما تعرف اسمى بعدين اروح شمار فى مرقه .عاينت للمكتبه
سرقت لى كتاب قلت لو غالطونى اقول جيت وسرقت كتاب كمان .......................... |
صحي < رجرجه > قُلت لي شِلت كِتاب بَيِنه ... والأكِل الأكلتو ده ما كِفاية إنك جيت ... وبعدين
وقعت في دفتر الحضور ... طبعًا ما خطر ليك في بالك الحاجة دي ... في الدَول المُتقدِم على
قول محمد السُني دفه الله بِكون في دفتر نان الصفوة يقِيِدو أُسمومم فوقو وسطرين تلاته جِنِس
< ما أروعهُ مِن مساء جميل لِنلتقي > ... يعني سويت بيت نادوس مِتِل مطعم ميرغني جيت أكلت
مرقت ... أها تاني أكان حدثوك بِشيتًا أضحك علي
| |
|
|
|
|
|
|
|
|
|
Re: بورداب الدوحة .. دعوة للتفاكر (Re: عزام حسن فرح)
|
Quote: صحي < رجرجه > قُلت لي شِلت كِتاب بَيِنه ... والأكِل الأكلتو ده ما كِفاية إنك جيت ... وبعدين
وقعت في دفتر الحضور ... طبعًا ما خطر ليك في بالك الحاجة دي ... في الدَول المُتقدِم على
قول محمد السُني دفه الله بِكون في دفتر نان الصفوة يقِيِدو أُسمومم فوقو وسطرين تلاته جِنِس
< ما أروعهُ مِن مساء جميل لِنلتقي > ... يعني سويت بيت نادوس مِتِل مطعم ميرغني جيت أكلت
مرقت ... أها تاني أكان حدثوك بِشيتًا أضحك علي |
الاكل شنو هى طعميايه واحده //وقطعه لحمه واحده// وموزايه //يعنى ما بتعرفن كان شلته ولا لا
الا يكون عادى عدد اللحم والطعميات ....................................................
اها انا سالت المدبره (ما لقيت فى البيت قلم تب)
وتالتا ما فى كان دفتر للرجرجه عشان اكتب فيهو .....
وحاتك كتبت فى ضهر ورقه رسميه من مستشفى حمد كنت دايره للاستعمال الشخصى علا فضلت اكتب فيها
وحاتك الحكايه بايظه من كباره على كان كنت لقيت فحمه كنت كتبت بيها فى الباب...........
يوم عمك البشير جا البيت فى عيد ما بتذكرو المهم فى 98 او97 ما بتذكر وانحنا الليل كلو تعبانين
بنجير فى البيت اها عمك جا الصباح وانحنا كان عندنا بكى مشينا عمك جاء وما لقى حاجه المهم
جرى ليهو فحمه وكتب كل سنه وانتو طيبين وعيد سعيد ..حضرنا ولم نجدكم ......
التوقيع العميد عمر حسن احمد البشير //العقيد بكرى حسن صالح// المقدم يوسف عبد الفتاح ..
جينا راجعين البيت المغسه شقتنى //مشيت لعمى الحاج قلت ليهو عاد جنس الخرمجه دى
البصلحه منو انحنا اليوم كلو نضاير ده يجى فى فد لحظه خربه لينا ياخ لو ضرب تلفون كنا
حا نغالطو انو ما جا فى داعى للشخبطه دى عمى يضحك قال لى بكلمو .....................
من اليوم داك مافى زول شخبط لينا فى الحيطه ......بس علا كنت داير اتسدى حقى فى نادوس
تقول لى شنو ...........................
لازم نعمل يوم للرجرجه والدهماء ونرتب ونخلى الصفوه والحلاقين فى يوم براهم .
| |
|
|
|
|
|
|
|
|
 Re: بورداب الدوحة .. دعوة للتفاكر (Re: عمر سعد)
|
عمر سعد....و الله افتقدناك....وحضرنا الكورة فى بيت رقم صفر (معتصم عبدالحليم) و رجعنا تانى بيت عبد الجليل وعقدنا أجتماع كانت الصراحة والود ملتقاه....
و صورت ليك الناس كلهم....لكن سوف افتح موضوع براهو....بخت الصور و انتوأ ليكم التعليق.
ودى واحدة....الاستاذ فيصل الزبير و الاستاذ عبد الجليل....ونقاش هادئ قبل بداية الاجتماع:
| |
|
|
|
|
|
|
| |
عمر سعد
عزام حسن فرح
Siddig A. Omer
فيس بوك
تويتر
انستقرام
يوتيوب
بنتيريست