|
Re: قهقهات عصام عيسى رجب (Re: زهير عثمان حمد)
|
Quote: أول ما يخطر لك قبل تصفّح الديوان، أن تتساءل: لماذا لا نعرف الكثير من الشعراء السودانيين منذ الفيتوري؟ تفتش في ذاكرتك عن أسماء فلا تجد ما يروقك، وتجد رجب فاتحة خير... |
بالجد سؤال " الناقدة نوال العلي " موهط . . . ! و بزداد فداحة لما نرددوا نحن . . . و نحن دي بتفتح باب ظن فينا (الغاوون) السودانيو ن البتبعوا الشعراء ! سمعوا بيهو ؟ و لا استفردت بالغواية (الغاوون) دار النشر اللبنانية براها ؟! هل المقولة الشهيرة : لبنان تطبع . . . مصر تعمل شنو كدا . . . و السودان يقرأ . هل مازالت مكنة شغالة ؟ دا البوهط الظن ذاتو !
محض غواية ساقتني ليلة اربعاء - لكنها ما عقاب شهر - اربعاء جداوية مقمرة امتدت لفجر خميس تالي . . . هو داب خميس لكن ؟ بالدغري كدا اقول ليكم فجر قاد آخر اشراق . او بالعربي قاد لليوم النحنا فيهو دا ذاتو ، و كان اشراق آخر يشاكل صباحات جدة الندية
ما عارف هي محض صدفة ؟ و لا الشغلة بميعاد يا استاذ /زهير عثمان حمد
امس اقام شاعرنا / عصام عيسى رجب ضحكات الشارع جهراً في مقام سرها . حيث كانت قراءات شعرية لنصوصها بفندق المحمل بجدة في جلسة محضورة و في ليلة ما منظور مثيلا
الجابني هنا
Quote: أول ما يخطر لك قبل تصفّح الديوان، أن تتساءل: لماذا لا نعرف الكثير من الشعراء السودانيين منذ الفيتوري؟ تفتش في ذاكرتك عن أسماء فلا تجد ما يروقك، وتجد رجب فاتحة خير... |
السؤال دا تعسفي و لا في مشكلة فينا ؟
تحياتي استاذ / زهير و اعذر دخولنا الزي السريحة دا بلا استئذان لك السلام و الاحترام و لمن يسمع او يقرأ
|
|
|
|
|
|