كتب الكاتب الفاتح جبرا المتوفرة بمعرض الدوحة
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: sari_alail)
|
Quote: انا عرفت انك بتاعت دراسات استراتيجية |
تمام ....... والمشكلة وين!!!!!!!
Quote: و على ما أظن درستي الحكاية دي في جامعة الزعيم الأزهري ....... |
لانو التخصص دا في السودان كله مافي الا في جامعة الزعيم الازهري كلية العلوم السياسية والدراسات الاستراتيجية
Quote: و عميدكم على ما اظن الفريق م محمد عباس الأمين .... |
لالا......... عميدنا كان ابراهيم ميرغني وقبل شهرين جابوا ادم محمد احمد عبد الله اللواء (وليس فريق م) محمد العباس هو كان رئيس القسم
Quote: كدي ورينا ال outcome بتاع الزيارة حقتك لي ماليزيا .... و الواحد بيعتذر شديد انو ما قابلك خلال وجودك هنا .... لك كل الود .... |
زي الـoutcome بتاعتك؟؟؟؟؟؟؟؟؟؟؟؟؟؟؟؟؟؟
Quote: و الواحد بيعتذر شديد انو ما قابلك خلال وجودك هنا |
لا ولا يهمك الجايات اكتر من الرايحات
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: د.نجاة محمود)
|
Quote: ياخي! في ناس هنا لا تكويم ايديلوجي او تحيز نوعي او جنسي الذي قد يبرر التكويم ناس هنا بتابع الزفات وتكذب عن الاخرين وتعاديهم ساي كدا عشان يرضو علانة ولا فلانة ولا شلة امانة يا البورد مافيه عجايب..
الهنات الهنا وهناك دي ممكن تتخلص منها لما فكرتك وتصوراتك عن العالم تكون واضحة وما بتتغير على حسب المخاطب..
لو اسع شوفتا البوست الانا جبتو بتاع يلا لكوريا لا يختلف كثيرا عن بوست ميادة دا فليه اتهاجمت ميادة فيه؟ فكرة انه ميادة كوزة وايلامها وتتفيها بيديكم راحة نفسية انكم آذيتم الحكومة في ميادة ميادة دي ممكن تشوفها ذي اختك ولا ابنتك زولة جديرة بالمحبة والاحترام لما تعمم فكرة الاحترام والمحبة لكل الاخوات هنا حتفكر كم مرة قبل تعمل حفلة شواء لواحدة.. فقط مشكلتنا اتربينا تربية ما فيها تعميم حيث نحترم فقط من يلينا
واعيد واكرر تدخلي في هذا البوست ما دفاع عن ميادة( لانها قدها وقدود) بل دفاع عن حق ميادة في كتابة ما تريد لانه في دفاعي عن حقها في كتابة ما تريد بحافظ حقي في الكتابة فيما اريد اذا ما كان مؤذيا للاخر ويتعدى على حقوقه..
|
كدي يا دكتورة نجاة ختي الكورة في الأرض وقولي لي...هل تصورك للعالم واضحة الآن وما بتتغير؟
عشان ما يبقى الكلام تسجيل نقاط ساكت...وأنتي وأنا عندنا زمن طويل متابعين لبعض عبر هذا البورد...
أصدقك القول أنني لم أستفد منك حول موضوع البوست، رغم وجودك في ماليزيا لسنوات طوال، وعملك كأستاذة جامعية...
قد يكون لهذا أسباب كثيرة منها انك ربة منزل ومحدودة الحركة وعليه لم تسبر غوار معرفتك بالصورة الكاملة لماليزيا... أو اي أسباب أخرى...
لكن الشاهد في الأمر...وأرجو أن أكون مخطئاً...أنت في حالة دفاع "مُضر" في رأيي عن الأخت ميادة، التي أنبرت لموضوع ضخم شديد...ويثير حفيظة الكثيرين المنتظرين مصباح علاء الدين الحا ينقذ السودان...
هل تصورك للعالم واضح الآن؟
ملاحظة مستمرة في أي نقاش معك...تحاولي جرجرة النقاش الى أماكن لا علاقة لها بالموضوع، كالتربية وأتربينا على شنو وما أدراكا... وبالطبع كل شخص بتربيته وبيئته وأسرته مُعجب...وهذا الكلام تحديداً، أنت أول من حا يعمل منو قيامة رابطة هنا...
أسع في زول جاب سيرة أُسر وتربية قبل مداخلتك أعلاه؟
ثم ثانياً...أنا أخاطب ميادة الأكاديمية...الباحثة "حسب ظني"...وليس ميادة ممثلة المؤتمر الوطني، وأميّز جيداً عند مخاطبتي حتى للكوزات من أخواتنا وأمهاتنا وحبوباتنا حتى...
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: الصادق عوض)
|
بالحيل يلا يا ميادة استعوضي في بوستك دا ربنا يديك بوست تاني سمح. وقد ثبتي حقك في الانبهار باي دولة تعجبك..ولك مطلق الحرية في التمني دون شرط او قيد..
انا شخصيا تاني في الحلة دي ما بجي...
احترامي لك يا ميادة ومودتي وخليك دائما رافعة راسك لانه انت شابة محترمة وتستحقين الاحترام..
اتمنى ليك وطن اجمل ورجال يفهمون حرية التعبير والتمني مكفولة لاي انسان مهما كان توجهه الفكري وخياراته.
حاكم البعض يريدها لا تسمع ولا ترى ولا تتكلم ولا لارهاب النساء واحراجهن
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: د.نجاة محمود)
|
Quote: بالحيل يلا يا ميادة استعوضي في بوستك دا ربنا يديك بوست تاني سمح. وقد ثبتي حقك في الانبهار باي دولة تعجبك..ولك مطلق الحرية في التمني دون شرط او قيد..
انا شخصيا تاني في الحلة دي ما بجي...
احترامي لك يا ميادة ومودتي وخليك دائما رافعة راسك لانه انت شابة محترمة وتستحقين الاحترام..
اتمنى ليك وطن اجمل ورجال يفهمون حرية التعبير والتمني مكفولة لاي انسان مهما كان توجهه الفكري وخياراته.
حاكم البعض يريدها لا تسمع ولا ترى ولا تتكلم ولا لارهاب النساء واحراجهن |
يا دكتوره ...... over دي أولاً مقصود بيها "up" البرفعوا بيها البوستات.... ما معناها الكلام إنتهى ...ولا سكتنا بيها ناس .... و حقوق الملكية بتاعت over دي بترجع لمحمد عادل " صاح يا ميادة؟؟ "
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: الصادق عوض)
|
Quote: وقد ثبتي حقك في الانبهار باي دولة تعجبك..ولك مطلق الحرية في التمني دون شرط او قيد.. |
يا دكتوره ...... مافي زول بحجر الانبهار والتمني علي أي زول الزوله دي قالت " التنمية والتحديث في ماليزيا .... هل يمكن ان يصبح كنموذج للتنمية والتحديث في السودان" قلنا ليها فيكي الخير ..كدي اقعدي شوية و خلي الانبهارا بتاعت أول أيمات دي تروح و بعد داك أدينا رأيك .... الاحترامات موجودة و محفوظة - غصباً عننا- و ما بتسقط بس كدا .... بس كمان استقصاد النساء دا بقى هسي زي الطاقيه بتاعت النمر البدقو بسببها القرد
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: الصادق عوض)
|
Quote: الزوله دي قالت " التنمية والتحديث في ماليزيا .... هل يمكن ان يصبح كنموذج للتنمية والتحديث في السودان" قلنا ليها فيكي الخير ..كدي اقعدي شوية و خلي الانبهارا بتاعت أول أيمات دي تروح و بعد داك أدينا رأيك ....
|
أخونا الصادق ، سلام عليكم و رمضان كريم ياخي عليك الله كلامك ده لو ما حجر علي رأي صاحبه البوست يبقي اسمو شنو ؟ ياخي الزوله دي فتحت بوست عنوانو ( التنمية والتحديث في ماليزيا .... هل يمكن ان يصبح كنموذج للتنمية والتحديث في السودان) ، مفروض الناس تناقشها في كلامها ده ، جات ليها أيام و لا شهر ده ما عندو علاقه بسؤالها المعنونه بيهو بوستها ! ياخي مش ممكن تكون أسبابها قرتها في كتاب و لا في دراسه ، يعني ما شرط كلامها ده يكون من قعادها في ماليزيا ، و حتي لو قعدت فتره بسيطه ممكن تكون عندها ملاحظات و مشاهدات الناس الليها فتره ما منتبهه ليها . الشي التاني هي تساءلت ما قالت النموذج ده بينفع في السودان ولا لا . تساءلت عشان الناس تجي تقول رأيها في الموضوع ، لو إنت رايك إنو النموذج بتاع ماليزيا ما بينفع في السودان أدينا أسبابك عشان كلنا نستفيد ، لكن تقول ليها ياخي ده ما وقتو ، إنتي هسي منبهره لا أكتر ولا أقل فده ما ممكن يقرا إلا في سياق حجرك علي رأيها ! و تصوم و تفطر علي خير .
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: أمين محمد سليمان)
|
أخونا أمين محمد سليمان... عشان ما جبنا باقي البوست : اها هاك أقرا
Quote: *** ماليزيا والسودان .... قطرين... تجمع بينهم العديد من الخصائص... تتشابه بينهم العديد من العوامل ... ولكن الفرق يظل كبيييييير بين البلدين في مستوى التنمية والتحديث اللي وصلت ليه ماليزيا... *** ماليزيا مثل السودان ... تتميز بالتعدد العرقيي والاثني ..... ولكن نجحت الاولى في الوصول لصيغة توافقيه ترضي جميع الاطراف ... وبالتالي تمكنت في المضئ قدما للامام ... ونجحت في بناء نهضة وتنمية في عمر جيلين ويزيد قليلا.... *** بالرغم من انو مواردها الطبيعية قليلة جدا لا تكاد تصل لي عشر ما يتمتع به السودان.... لكنهم نجحوا في استغلال تلك الموارد القليلة ايما استغلال... عكسنا نحن السودانيين لدينا موارد كثيرة ... لكن لم نصل بعد لاستغلالها الاستغلال الامثل وساعين فقط في تطوير مركز الخرطوم...والدليل السودان دا كله فااااااضي لو طلعت بره ولاية الخرطوم في اتجاه الولايات المختلفة *** اهتم الماليزيين ببناء الفرد وتنشئته وتربيته من ناحية موارد بشرية ... اين السودان من هذا!!!!!!!! *** اعتمد الماليزييين على الموارد المالية المحلية في بناء الطرق والسدود وووو... بان تمنح انشاء طريق ما مثلا لشركة ما..تقوم هذه الشركة بعد انشاء المرفق المعين بجمع قيمته من المواطنين عبر نقاط عبور ... في شكل رسوم عبور ... مبلغ رمزي طبعا... وبعد ان تنتهي من جمع قيمة الانشاءات... يتم ايقاف جمع تلك المبالغ طبعا... وبكدا يكونوا بنوا وعمروا من مواردهم الزاتية ... بدون وجع راس وقروض وفوائد من مؤسسات مالية دولي...زز |
يعني الكلام جا من أيامها القعدتها هنا .... ما قلنا حاجة بس التقعد شوية و تشوف لو رأيها في البلد ممكن يتغير ...و أديناها أمثلة لأشياء هي ممكن ما تكون عارفاها ....و دايماً بقول للناس:لو عاوز تعرف ماليزيا كويس ..أمرق من العاصمة و شوف براك كيف في ماليزيين ما عندهم موية ولا كهربا، و بطلعوا أولادهم من المدارس عشان ما لاقين ياكلو و أشياء كثيرة .....
اها جيت و أديت الناس نقاط ...ليه عاوزين نقلد الوسط أو الأقل من الوسط وكت الأحسن موجود ؟
Quote: ماليزيا أحسن من السودان في حاجات كتيرة لكن : هل ماليزيا الأفضل في التعليم ؟ لا هل ماليزيا الأفضل في الصحه؟ لا هل ماليزيا الأفضل في المواصلات ؟ لا هل ماليزيا الأفضل في الأمن؟ لا هل ماليزيا الأفضل في الرياضه؟ لا هل ماليزيا الأفضل في الثقافه؟ لا هل ماليزيا الأفضل في الصناعه ؟ لا هل ماليزيا الأفضل في التنوع القبلي ؟ لا هل ماليزيا الأفضل في ألقضاء؟ لا هل ماليزيا الأفضل في العمران؟ لا
في كل نقطه مكتوبة فوق، ماليزيا توجه مشاكل و بعض من الفشل الذريع ..... |
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: AnwarKing)
|
عزيزي القارئ وعزيزتي القارئة... أعتذر لكم عن هذا العنوان (القُبة) التحتها فاضي.... فمن المؤسف جداً... أنو مثل هذا البوست سيتم إرشفته في المستقبل القريب...
ويأتي باحث "حقيقي" عن نماذج تنمية وتحديث مبذولة على أكبر موقع سوداني ومن ناس عاشوا وخبروا الأماكن التي هم فيها...ويجد أنو القبة تحتها فاضي...
عزيزي القارئ وعزيزتي القارئة، عزيزي الباحث مستقبلاً وعزيزتي الباحثة... أعتذر لكم من صميم فؤادي على هذا البؤس...
حيث أنبرت الدكتورة الفاضلة نجاة محمود في الدفاع "المُضر" عن مبتدرة البوست... والمدهش في الأمر أنو ميادة -مبتدرة البوست- أخذت دور Cheer Leader
وهكذا...كلما زيُفنا بطلاً...قلت حزناً على وطني...
____ في مقبل الأيام...أتمنى أن نسمع من الجميع تجاربهم الحياتية وبصورة مبسطة شديد... فكل معلومة Counts فقط أن نكون مقتنعين بما نفعل...أو على الأقل عارفين به!
أعتذر لكل من سببت له ضيق أو حرج في هذا البوست...وما يدفعني إلا المصلحة للمشاركة...
حيث أن عيني على مشاركة هنا...والعين الأخرى على مستقبل مظلم، نرسمه بأيدينا منذ الآن!
المهم...
___ حالة أخير منها الزول يبقى كوز!
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: أمين محمد سليمان)
|
عزيزي القارئ وعزيزتي القارئة... هناك حالمون في هذا البورد...أتمنى أن أكون منهم...لكن بكل أسف كلما ظنيت نفسي حالم...أجد من يقول: ياخي أنت جادي شديد...
كتب أخونا أمين محمد سليمان (سعادتو)
Quote: ياخي عليك الله كلامك ده لو ما حجر علي رأي صاحبه البوست يبقي اسمو شنو ؟ ياخي الزوله دي فتحت بوست عنوانو ( التنمية والتحديث في ماليزيا .... هل يمكن ان يصبح كنموذج للتنمية والتحديث في السودان) ، مفروض الناس تناقشها في كلامها ده ، جات ليها أيام و لا شهر ده ما عندو علاقه بسؤالها المعنونه بيهو بوستها ! ياخي مش ممكن تكون أسبابها قرتها في كتاب و لا في دراسه ، يعني ما شرط كلامها ده يكون من قعادها في ماليزيا ، و حتي لو قعدت فتره بسيطه ممكن تكون عندها ملاحظات و مشاهدات الناس الليها فتره ما منتبهه ليها . الشي التاني هي تساءلت ما قالت النموذج ده بينفع في السودان ولا لا . تساءلت عشان الناس تجي تقول رأيها في الموضوع ، لو إنت رايك إنو النموذج بتاع ماليزيا ما بينفع في السودان أدينا أسبابك عشان كلنا نستفيد ، لكن تقول ليها ياخي ده ما وقتو ، إنتي هسي منبهره لا أكتر ولا أقل فده ما ممكن يقرا إلا في سياق حجرك علي رأيها ! و تصوم و تفطر علي خير . |
العزيز أمين... أختنا ميادة، أستاذة جامعية (يعني تدرّس طلاباً الآن وأمام أعيننا)...نعشم كثيراً فيها، وليست عنقالية زي أخرين هنا...كما أنها ليست "مناضلة"، بل قاعدة في الضُل البارد وتناوش المناضلين، وقد تجد دعواها تلك هوى في نفوس الحاكمين***، وعليه يهمني شخصياً أن تكون كما ينبغي لها أن تكون، وقد يؤخذ عليك أنك لم تساهم في الأمر، "وقد طُرح للنقاش" في سودانيزأونلاين... وأنت تناقش صبري وتناكف أنور والخ...!
هل سمعت بهذا البوست؟ ديوان الزكاة السوداني في حوار خاص مع ديوان الزكاة المال... !! وبالصور كمان !!!
أم هل سمعت بهذه الحادثة؟
Quote:
كتب الطاهر ساتي في جريدة الصحافة
اليكم نهواك يابلد..واليك الحكاية..!!
** بدأت القصة هكذا ..جهة ما بوزارة الارشاد والأوقاف حدثت نفسها بأن للسودان بنايات شاهقة وأراضي شاسعة بالسعودية منذ عهد السلطان علي دينار ، هى عبارة عن أوقاف سودانية مفقودة يمكن استردادها بقليل جهد وكثير مال ..الوزارة والهيئة العامة للحج والعمرة صدقتا حديث النفس ، ثم حولتا مبلغا يساوى اثنين مليون ريال سعودي لمندوب الهيئة هناك ، ويعرف لاحقا بالمنسق ، واسمه خالد سليمان ، وذلك لاعادة تلك الأحلام الزاهية الي أرض الواقع السودانى ، واستلم المنسق المبلغ - على داير المليم - مع الوعد بتحقيق الأحلام الزاهية .. مضى عام وآخر وثالث ، فلم يستلم بناياتنا وأراضينا هناك وكذلك لم يعد أموالنا الي خزينة الشعب السوداني .. فتحركت نيابة الأموال العامة للسفر الى حيث مكان أحلامهم وأموالنا لتقصي الحقائق ، ولكن بقرار وزاري أوقفت وزارة الأوقاف سفر النيابة وجمدت مرحلة التحري بقرار اقرأ نصه لاحقا ..!! ** وبعد التجميد ، اجتمع مجلس ادارة الهيئة العامة للحج والعمرة بالمنسق لمناقشة الأمر الجلل ، وهم : التيجاني سعيد رئيسا ، هاشم عبد الله رحمة ، الطيب صالح بانقا ، حامد يوسف ، عوض حاج علي ، عبده جماع منصور ثم وكيل الوزارة .. اجتمع وناقش .. اليكم أهم نصوص النقاش ، كما جاء في المحضر الذي يجب أن تطلبه نيابة الأموال العامة وادارة الأمن الاقتصادي عاجلا غير آجل من الوزارة والهيئة .. فالنص كالآتي ....!! ** رئيس المجلس : الموضوع ده أي مراجع داخلي كان ممكن يعمل فيه تسويات ويحسمها داخليا ، ونحن كوزارة الشغلة دي ما بتشبهنا ياجماعة ..عوض حاج علي : على ضوء الاجراءات الادارية المنسق ده مدبس ، والشغلة كلها مخالفة في مخالفة ، عشان كدة نحاول نلملم الموضوع ده .. الطيب صالح بانقا : مع احترامنا الشديد للمجلس ، لو الشغلة دى المراجع العام ما اقتنع بيها ماعندها فايدة ، والفاكسات الكتيرة البتمشي السعودية ذاتها مافضيحة ياجماعة ؟ يا اخوانا الكلام ده عيب والله .. المنسق خالد : نحن سمعنا في أوقاف سودانية بالسعودية ، ولقينا عمارة في موقع ممتاز بمكة لكن عند الدفع سافر المالك ، وهناك فى حوش تانى اسمو حوش الفور وشهادة البحث تحت الاجراء ، وصرفنا في نسخ الاختام ، ومابقدر بجيب مستندات الصرف لانو المستلم القروش ما ممكن يدينى فاتورة ، والمراجع بيقول لازم تجيب فاتورة .. عوض حاج على : انت كان تتصل بالمدير او الوزير قبل ماتدفع القروش ، والمفروض ماتدفع قروش لافراد والدولة مابتسمح ليك بذلك ، موضوعك ده فيهو تجاوزات .. ثم ختم المجلس اجتماعه بتوصية مفادها : على المنسق تصفية هذه الفروقات وكتابة خطاب اعتذار .. !! ** هكذا ، بكل بساطة ، توصية بتصفية فروقات المال العام .. ومع ذلك ، عجز المنسق عن الوفاء باعادة الأوقاف السودانية ، الأحلام الزاهية ، وكذلك عجز عن اعادة المبلغ ..فأصدر المدير العام للحج والعمرة قرارا بايقافه لأنه فشل في تحقيق الاحلام الزاهية لأنه فشل فى اعادة اموالنا ولانه لم يكتب خطاب اعتذار للمجلس ..ثم تحركت نيابة الاموال العامة ومعها لجنة تحقيق تجاه القضية وتأهبت للسفر ، ولكن اقرأ نص القرار الوزاري الصادر من وزارة الأوقاف ..« الاخوة رئيس وأعضاء مجلس ادارة الحج والعمرة .. السلام عليكم ورحمة الله .. الموضوع : توجيه ... نما الى علمى بان لمجلس الادارة لجنة مكلفة بالسفر الى السعودية لمراجعة اوضاع المنسقية ، وكذلك علمت ان لجنة اخرى فيها مندوب من نيابة المال العام ستسافر لنفس الغرض .. عليه أوجه بالأتي : يلغى سفر الوفدين ويستدعي المجلس المنسق المقيم بكامل مستنداته المتعلقة لتقوم اللجان بمراجعته هنا داخل البلاد .. ولا يخفى عليكم وجه المصلحة العامة فى ذلك .. وجزاكم الله خيرا .. د: ازهرى التيجانى وزير الارشاد والاوقاف ..3 ابريل 2008 ..»
** منذ ذاك التاريخ والي يومنا هذا ، لا تحققت أحلامهم الزاهية ولا عادت أموالنا الى خزائننا ..وصحيفة اقتصادية مجتهدة ، اسمها الوسط الاقتصادي ، سألت السفارة السودانية هناك قبل أسبوع ونيف عن حقيقة تلك الأوقاف ، فأجابت : هذه مجرد تراثيات ولا وجود لها على أرض الواقع ..اذن ضاعت أموالنا وأموال ضيوف الرحمن في محاولة امتلاك آبار علي وغيرها من الحكاوى الشعبية .. وهكذا انتهت الحكاية الموثقة بأحرف الحزن ، فسردتها بأحرف عشقك يا وطن .. انتهت ..ونأمل أن تبدأ في نيابة الأموال العامة وادارة الأمن الاقتصادي ، فالأمر يهم هذه وتلك ..لاهذا الأمر فحسب ، بل كل أمر هذا البلد الذي لم و لن ..« يرهقنا حبه » ...!!
http://www.alsahafa.sd/Raay_view.aspx?id=61676
|
المهم...أرجو أن تترك طيبتك هذه شوية وخليك حريص على المصلحة في إطار الصورة الكاملة!
تحياتي أنور
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: AnwarKing)
|
Quote: العزيز أمين... أختنا ميادة، أستاذة جامعية (يعني تدرّس طلاباً الآن وأمام أعيننا)...نعشم كثيراً فيها، وليست عنقالية زي أخرين هنا...كما أنها ليست "مناضلة"، بل قاعدة في الضُل البارد وتناوش المناضلين، وقد تجد دعواها تلك هوى في نفوس الحاكمين***، وعليه يهمني شخصياً أن تكون كما ينبغي لها أن تكون، وقد يؤخذ عليك أنك لم تساهم في الأمر، "وقد طُرح للنقاش" في سودانيزأونلاين... وأنت تناقش صبري وتناكف أنور والخ...!
|
يااخ انور اسمح لي اقول ليك كلامك غير صحيح ومعلومات غير دقيقة بالمرة من وين جبت اني ااستاذة جامعية وكمان جايب ليها تعريف (غايتو عدم الشغلة .............) بجيك لي باقي مداخلاتك بس اخلص بوست الصور بي هناك
تخريمة يا اخونا هووووووووووووووووي انا لا استاذة جامعية ولا شتين صحيح ماجستيري بامتياز الدرجة الاولي (3.79من 4.00) واستحق اكون استاذة في جامعتي لكن الله غالب ويانور كلامك دا يكون صحيح لو عندك لي واسطة من نافع علي نافع ولي فوق وقتها تجي تبشع بي هنا اني استاذة جامعية وعنقالية وغيره انا باحثة اكاديمية ....... والان بادية الدكتوراة يعني لا قلت اني استاذة ولا بحاضر في الجامعة انتو بتجيبوا المعلومات دي من وين (وش حيران) بجيك صادة
| |
|
|
|
|
|
|
Re: التنمية والتحديث في ماليزيا .... هل يمكن ان يصبح كنموذج للتنمية والتحديث في السودان!!!!!!!! (Re: mayada kamal)
|
الماجستيرة ميادة
رمضان كريم
قلت لأنور كنغ : Quote: صحيح ماجستيري بامتياز الدرجة الاولي (3.79من 4.00) |
ثم تكرمت متممة : Quote: انا باحثة اكاديمية ....... والان بادية الدكتوراة |
أتمني كما غيري ان نري في كتاباتك هذا المستوي المعرفي............. و إلا فلا تأتي بشهادتك و نتائجها لتستقوي بها في مواجهة ضعف طرحك و اسلوبه الذي يشكك بتلك النتائج الباهرة.
و لك مثل الشيخ فرح ود تكتوك الذي قال فيه: كلي يا كمي قبل فمي.
و لما كنت بجامعة النيلين(علي ما احسب) أذهبي و أسائلي د.التجاني مصطفي ( ان كان لا يزال بالجامعة ) عن لغة الشهادات ، بل عن تلك الشهادات التي تتحدث. تعرفي كلامك ده ذكرني مقولة احد اساتذتي بمدرستنا وادي سيدنا متفاخرا: من درس بهذه المدرسة فليس بحاجة لمواصلة تعليمه بجامعة أحدث منها وجودا ( مدرسة وادي سيدنا انشئت في الاربعينيات علي ما اظن). الفخر دوما للمؤسسة بحكم اصالتها و انجازاتها . ............................
اخي انور كنغ
رمضان كريم.
اعد النظر مرة اخري في ردي و قارنه وفق معطيات الردود الحديثة:
Quote:
تسلم يا زول. تصدق يا انور الكلام النزلتو ده ما عندو أي علاقة بقوقل ،فقط لأنني أدرس تنمية فهي من الابجديات ، و بعدين دي رؤية واحد الماني ولو نقلنا الكلام ده للدكتور : سمير أمين بتاع مدرسة التبعية لأنتقده بشدة لدواعي تتعلق بطبيعة رؤية مدرسة التبعية للتخلف و اسبابه. أما ميادة ، فهي نموذج للانقاذي المتأكدم ( متلبس الاكاديمية) الذي لا يقرأ و لا يناقش ولا يعرف ان المعرفة تراكمية ، و يقتصر كل معارفه علي الحصول علي درجة علمية(by hook or by crook) . و عندما يتم عصره يعرض شهاداته علي الملأ قائلا : تحدثي يا شهادة؟.
عزيزي انور أزمة ميادة و كل الاسلاميين موجود بكتاب إدوارد سعيد المعنون:Representations of the Intellectual و خاصة فصله الاخير :الآلهة التي تفشل دائما. و من قوله في ذات الفصل:ما يستوقفني كشئ ممتع أكثر هو كيفية الاحتفاظ بحيز في العقل ينفتح للشك و لجزء من السخرية الشكية. |
ملاحظة: آسف لعدم التنوين بسبب هذا الكيبورد الفرنسي الذي احاول تعريبه.
| |
|
|
|
|
|
|
|