|
كتب الكاتب الفاتح جبرا المتوفرة بمعرض الدوحة
|
|
 Re: النصـيحة تجـدونها عند HAIDER ALZAIN له الف تحية ،، (Re: العوض المسلمي)
|
العزيز المسلمي .. ولك مني كل التقدير ..
وما بيننا عذر يا حبيب عارف انه نيتك جميلة وليس هدفها ما خرج به البعض من انطباع ..
يبقي العيب في التوقيت وأتمني صادقاً انه ينفض السامـــر حتي لا تسوء علاقة اي فرد مع الاخر
بسبب لا يستحق ...
ـــــــ
يا وليد المبارك الزول دا فكوا ياخي اصلاً هو مُفلس وحتي شتائمه سوقية ولا ترقي للرد عليها ..
وبيحب يصنف الناس على هواه لانه دا اسلوبو المتبعو فاعتقوا لوجه الله من هنا ..
وبرضو بنلم فيهو زقاق تاني ..
| |
 
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: وليد محمد المبارك)
|
فهمت وجهة نظرك يا وليد .. وانا زي ما قلت سابقاً لا بعرفوا ولا بتهمني معرفتو ولا اظنها شرف ..
يبقي وقت يجي يصفك باي صفة قد يكون البلاط احمدي بينكم وتاخدها في إطار المناكفة بين الاصدقاء ..
اما وصفه لمن لا يعرفه ( بالميم عين ) فقط لإختلافهم في قراءة بوست افترعه صديق له هنا بعتقد انه لا يرقي حتي لمجرد النظر الي بروفايله لمعرفة من هو .. فكلامه السابق يضايق من كان باله سلبة ..
وتوقعت منه مجرد ابداء الخجل مما قاله ولكنه مضي كانما يا ارض ما عليك الا انا ..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: HAIDER ALZAIN)
|
Quote: عفوا اخوتي
انا السيد المسلمي دخلت خطا في يوزرنيم اخي العوض المسلمي
للاخ العوض ولكم العذر ,,
السيد المسلمي |
؟؟؟؟؟؟؟؟
هو في كلام زي ده؟
_____________________
غايتو البوست ده لو ما كان دخل فيهو حيدر حسن ميرغني
كان شكلو ماشي لي فجّة تانية خالص. ويا حيدر الزين يوم
شكرك ما يجي ياخوي، وخلّي بالك من نفسك في البورد ده
التحيّة لدكين الوغد وشوق كمّيات
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: HAIDER ALZAIN)
|
لالا يا ود الزين
نحن ما اصدقاء .. عشان الزول ده ما يجي يقول انا متسلبط فوقو .. انا معجب بيه ما اكتر ولا اقل ..
البلاط الاحمدي البيناتنا اديتو ليه انه بحكم اني معجب بيه ... لكن انتقده هناك في البوست السحبوه .. وقلت ليه الكلمة البين قوسين ديك ما مقبوله منك
هو ما قبل كلامي
ونتيجة الشي السواه داك .. هو في تدهور مريع ليه فتره .. ولو استمر كده .. بخسر كتير
عموما عندك مطلق الحرية في الرد عليه
انا زاتي قد ياتي حين .. وارد عليه بنفس المفردات
ما صعبة
لكن لحدي هسع
انا معجب بيه 
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: وليد محمد المبارك)
|
| Quote: الحبيب حيدر مقبولة منك والله ، |
يازول عوجة تب مافي
وبوست زي ده فايدتو كثيرة
صدقني عمري ما تداخلت في بوست بعدد مداخلات زي دي طوال عضويتي هنا
معزتي لدكين مابقدر اخفيها ولو اخطأ ابدا ما بعزروا
بس ده مامكان توجيه لوم ..
ووهبة ده ماشفت منو مايجعلني اعاديه
بالعكس .. اي بوست تضامن لرجوعه للمنبر تجدني فيه
وحيدر يعرف تقديري ليهو
عموما كله خير
مودتي
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: وليد محمد المبارك)
|
وليد
ياخي شايفك اتطورتا ووسعتا القوسين وبقت عندك خدمة نقل المداخلات القديمة في حق صحبك ود الصايم وكده..
ياخي بما تبقى لي عندك من معزة قتها فوق دي..
اها دحين عندي مداخلة في حق ود الصايم دي ادديتو فيها راي فيهو قبل فترة كده ما تحاول
تجيبا لي اخوك وتختها جنب مداخلة متوكل توم ديك..
وسلام كبير عبرك لي متوكل توم
وحيدر حسن..
وتقبل ودي بصدق بلا زعل او ضغينة..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: حيدر حسن ميرغني)
|
| Quote: غايتو البوست ده لو ما كان دخل فيهو حيدر حسن ميرغني |
حيدر حسن
قصد هشام واضح وليس فيه سوء نية
صدقني البوست ده لوما مداخلتك الكسرت بيها الاتجاه ..كان فعلا بقى زي ماقتا قبيل (طرور سايق طرور قدامو)
انا شخصيا لو ما لقيت وجهة نظرك ديك كنتا استكترتا روحي على بوست المسلمي..
في البورد ده للساف زي ماقال كمال سالم فيما معناه:
البصحى اول الصباح بحدد اتجاه الريح في بوست محدد
الناس عادة لاتقول مايجول بخاطرها لامن تلقى القصة استحمت والشلة غلبت وولغت ..
| |
|
|
|
|
|
|
|
|
 Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
يا سلام ياخ!
كان ما داير تخسر فيني زمن بتقرا كلام مكتوب لي مالكـ؟
بعدين ما محتاج لزمنكـ زاتو
بس أمرق من سيرتي يا حبيب!
شايفكـ مدخلني طوالي مواضيعكـ!
بعدين بطل تدخل الناس في حتات ضيقة
هسي نوبي دا غايتو في مكان ما سمح ليه؟
عشان أطلع نوبي من وسخ الأصحاب الزيكـ ديل
بمشي من دربي دا وأمسحو عشان تتهنى بيهو!
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: ريهان الريح الشاذلي)
|
والله يا ابوالسيد نفسي كان اجي اخت لي كلمتين حلوات لحيدر - والله ما مجامله ليك و لا ليهو - لكن لانو هو فعلا بستاهل : فاهم و عميق و فقري و بديك ليها في وشك و ما بجاملك فيما يراه حق و الامثله أكتر من أن تعد و تحصي لكن إستشهادك بمثال دكين و مشكلتو مع وهبه - و كل الناس عارفه علاقتك بوهبه - خلت الموضوع يبدو كانك بتطاعن في دكين - بغض النظر عن وجه نظر الناس المختلفه في دكين - أكتر مما بتشكر في حيدر و ده الختانا between the rock and the hard place زي ما الخواجه بقول . فلو سحبت البوست ده و فتحت واحد تاني بنفس العنوان و جبت أمثله تانيه ، أنا متأكد بحصل عشرميه صفحه لانو حيدر فعلا بستاهل الناس تتكلم عنو بكميه الحاجات السمحه الفيو دي .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: Amin Mohamed Suliman)
|
الخال أمين ... تصدق كنت منتظر تجي بدري شوية ...
| Quote: والله يا ابوالسيد نفسي كان اجي اخت لي كلمتين حلوات لحيدر - والله ما مجامله ليك و لا ليهو - لكن لانو هو فعلا بستاهل : فاهم و عميق و فقري و بديك ليها في وشك و ما بجاملك فيما يراه حق و الامثله أكتر من أن تعد و تحصي لكن إستشهادك بمثال دكين و مشكلتو مع وهبه - و كل الناس عارفه علاقتك بوهبه - خلت الموضوع يبدو كانك بتطاعن في دكين - بغض النظر عن وجه نظر الناس المختلفه في دكين - أكتر مما بتشكر في حيدر و ده الختانا between the rock and the hard place زي ما الخواجه بقول . فلو سحبت البوست ده و فتحت واحد تاني بنفس العنوان و جبت أمثله تانيه ، أنا متأكد بحصل عشرميه صفحه لانو حيدر فعلا بستاهل الناس تتكلم عنو بكميه الحاجات السمحه الفيو دي . |
عارف ياحبيب ...يبدو وكأنك دي جميله جداً وخلت كلامك يكون مهضوم ومقبول جداً جداً ...
وحقو الناس تتعلم منك كيف توظف اللغة لتوصيل الفهم بطريقة يقبلها المتلقي ،
شكراً ليك ياحبيب ....مع إنك جيت متأخر بعض حبتين .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: Amira Elsheikh)
|
Quote:
شكراً ليك ياحبيب ....مع إنك جيت متأخر بعض حبتين . |
أنا ما كنت جاي ذاتو يا أبو السيد ، و شرحت ليك ليه في المداخله .
المنبر ده غير النوايا السيئه و المشاكل البلا سبب ما فيهو شي ، و مرات كونك ما تتخذ اي موقف هو ذاتو موقف !
يا أبو السيد صدقني انت أعمق من البوست ده بكتيييييييير !
أرقد عافيه و أرجو إنو انشغالك بالبوست ده ما ينسيك تذكر بيناوي إنو مواعيد كرتونه وهبه بكره !
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: هشام آدم)
|
| Quote: البعض جاء هنا مدفوعاً بدين واجب السداد لحيدر الزين، فاغترف غرفة من هذا الشكران، والبعض الآخر رآها فرصة مناسبة لصلب دكين على صليب حيدر الزين، والبعض تداخل بحسن نية مفرطة، ولم يكن المقام على الإطلاق مقام "شكران" على أيّة حال. وليس حيدر الزين الذي ينتظر شكراً من أحد. |
هشام ادم انت جبت المختصر المفيد
غير كده انا ما شايف لى حاجة تانية،(وده رأى شخصى)
تسلم يا حبيب
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: هشام آدم)
|
حبيبنا هشام آدم .. صباحاتك
كدي قبل ما اجي اشوف تناقضاتي الوضعتها لي اتمني انك تمرق نفسك من دائرة العلماء بضمائر الناس
وعارفي اسرار القلوب وما تحكم بلهجة الواثق على السيد المسلمي :
| Quote: وإلزامه خطاً لا عِوج فيه، بعكس ما أراد له صاحبه، وكما لم ينتبه إلى الكثير من المتداخلين، وحتى المحتفى به صديقي حدير الزين. قد لا نعلم دواخل الآخرين بالضرورة، ولكن غرض البوست واضح كما قلتَ وكما قال دكين من قبل، |
فياخي لا انت نبي ولا أظن دكين يرتقي للعشر من مصافها ..
سيد النضمي قال كلامو وانا عذرتو رغم إمتعاضي مما سار اليه حال البوست ولكن وضعت علم مراده
الي علام الغيوب وإنت جيت ختيتها بصورة واثقة جداً وهذا مما استغرب له ممن كان في نفس مقامك ..!
| Quote: أمّا صديقي ودّ الزين، فأنا أجده قد دخل في تناقضات لا أحمدها له على الإطلاق، |
اها وتناقضي وين اني قلت ما بعرفو معرفة شخصية ؟!
فعلاً ما بعرف اسمه منو ولا حصل قريت ليهو بوست كامل كاتبو هو سوي بوست ماسنجر وهبة ..
وحدتو تجاه الناس واللغة العارية بل والبذيئة البيقولها احياناً وجهها لي انا ومجموعة متداخلة في احد البوستات دون سابق اي مداخلات او تقاطعات مسبقة .. وانا لم اتناقض بل قلتُ تحديداً ( قصدتُ ) ..
يبقي تناقضي وين هنا .. في اني قلت ما بعرفو فعلاً ما بعرفو ولا اسعى .. ما بعرف كتاباته ايوة لا اعرفهابل اعرف تحديداً ما يخص هذين البوستين الذكرتهم انا في كلامي واعتقدها كافية بالنسبة لي ..
| Quote: البعض جاء هنا مدفوعاً بدين واجب السداد لحيدر الزين، فاغترف غرفة من هذا الشكران، والبعض الآخر رآها فرصة مناسبة لصلب دكين على صليب حيدر الزين، والبعض تداخل بحسن نية مفرطة، ولم يكن المقام على الإطلاق مقام "شكران" على أيّة حال |
ودي هنا برضو بشوفك زي زولنا دكين بتتعاملوا مع الامــر باعتبار انه واجب وسد دين وصاحبي وشلتي ..
وبتبقي عندكم الكلمة محكومة بثمن مدفوع عاجلاً او على الكريدت نوت وهو الامر البيجيب اللواكة وإخراج الامور عن صياغها...
يبقي يا هشام لو كانت كل الناس بتقول حتي لصاحبها عيب عليك ودا غلط في المنبر دا بيبقي كانت الحوارات اكثر فائدة لكن حتي من يمتلك الشجاعة من الاصدقاء لتوجيه لوم او نقد صديقه لازم يؤطر للامر بمكسب شخصي يعود عليه هو او غمزة سنان في خاصرة آخر يفش به غبينة .. وإن استعصي ذلك فما اجمل ان يضع يد جميل كلمة بيضاء مداعبة غرور آخر يكسبها في يوم حاجة اسود .. ( وكلامي هنا على العموم بالمنبر وليس مقصود به ذات ) ..
مع مودتي التي تعلم
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: HAIDER ALZAIN)
|
جعلي كنّور السمح .. ودّ الزين
حبابك وصباحاتك برضو بيضا
إذا كنتَ ألجأت معرفة مراد البوست وغرضه إلى "علاّم الغيوب" فكيف يُمكنك التأكد يقيناً بأنه لا يقصد الإيقاع بدكين عبرك؟ هذا الموقف –يا صديقي- يجعلك –أيضاً- في مقام العارف بضمائر الناس من حيث أنه لا يقصد ما انتبه إليه البعض هنا. بالنسبة إليّ فالموضوع واضح لأنه لم يُكلّف نفسه على مدار صفحتين من هذا البوست أن يستشهد بنصائح أخرى لك في غير مشكلة دكين ووهبه، بل إنّ مبادرته بما أسماه "نصيحة" من مداخلتك الموجهّة لدكين تؤكّد أن غرضه من هذا البوست هو مجرّد الشماتة من دكين لا أكثر ولا أقل، سواء كان ذلك بدافع الانتصار لوهبه، أو التشفي من دكين لسبب لا أعلمه أنا شخصياً.
وأرى فيما أرى أنك وصاحبك متناقضين في كل ما تنزعان إليه في هذا الخيط، فهو يقول: | Quote: إلا أن هناك زملاء يحملون علي عاتقهم قول النصيحة ولايبالون ماينالهم من سباب وتهاتر وما إلي ذلك من فاحش قول . |
ودعنا فقط نُلقي نظرة سريعة على مداخلتك "النصيحة" التي استشهد بها في هذا المقام، لنرى من الأصل هل كانت فعلاً نصيحة تستحق الإشادة أم أنها مجرّد غرض ومرض كما يُقال: Quote: يازول وهبة ملطشك ومسح بيك الواطة في بوستك الأول لامن طلبت سحبو ..
وتاني لسان ماعندك تسألوا من شئ ..
دحين وهبة دا ما بتقدر عليهو .. وكلك اتجاهات ريح ياتي من الرياح شرقاً وغرباً
شمالاً وجنوباً ..
اختاهو وعوس عواستك بس ..
او تعال اعتذر ليهو وانت صاغر على البهدلة البهدلت بيها نفسك اول مرة ومفتكر انه طول لسانك
بنجيك ..!!
ياخي تابعنا بوست الماسنجر تبعك واخدتها سيك في قبولك ولو كانت خمستاشر يدك برضو كان اخدتا سيك ..
ـــــــــ
عالم لا تستحي |
هل المداخلة أعلاها "نصيحة" بالفعل كما ادعى صاحب البوست؟ أم هي محاولة منك لردع دكين بطريقته الحادة التي يتبعها مع الجميع باعترافك؟ أم يُمكننا القول (فعلاً) بأنها "نصيحة حادة"؟ أعلم أن النصح لا يبدأ أبداً بجملة ساخرة مثل (وهبه ملطشك ومسح بيك الواطة) بصرف النظر إن كانت تلك هي الحقيقة أم لا، ولكن من يُريد النُصح لا يتبع هذا الأسلوب. قد نرى أنها مناصرة منك لوهبه (رغم أنك لا تعرفه كذلك) ولكن جُملتك التالية (دحين وهبة دا ما بتقدر عليهو) لا تصنيف لها –عندي على الأقل- إلا أنها مناصرة لم تكن أنت ملزماً بها على الإطلاق، لأنك –وبعظمة لسانك- قلت إن الأمر يخصهما لوحدهما، وأنك لا تعرف ما بينهما بالتحديد. وأستغرب –أصلاً- من نصيحة منتهية بجملة مثل: عالم لا تستحي
لهذا أقول أن ما رآه صاحب البوست نصيحة، لم تكن نصيحة على الإطلاق، بل كانت مداخلة حادة منك تجاه دكين وقعت منه موقعاً حسناً، فأفرد لها هذا البوست، ولهذا فإنني أقول بأن هذا البوست له أغراض أخرى، ولك الحق ألا ترى ذلك بالطبع، ولكن لا تستغرب أبداً من يقيني هذا فهو يقين مبني على شواهد، وليس كيقينك المبني على أمنياتك الطيّبة بأن يكون غرض صاحب البوست حسناً.
الأمر الثاني يا صديقي، أننا هنا (فيما عدا الذين يعرفون بعضهم البعض فعلياً) نعرف بعضنا من خلال كتاباتنا ليس أكثر، فعندما تقول (أنا لا أعلم دكين) فأنا أعرف أنك تقصد بالضرورة أنك لا تعرفه شخصياً، فهذه مسألة مفروغ منها، ولكنك تعرفه معرفة منبرية من خلال كتاباته والتي أكدّت بنفسك أنك تعرفها، بدليل أنك استنتجت من خلالها بذاءة أسلوبه، وحدّته في ردوده مع الآخرين. هذا الاستنتاج مبني على أمنيات طيّبة أم على "معرفة"؟
يبدو الأمر –بالنسبة إليّ- أن كتابات دكين الاستفزازية، استفزتك أنتَ شخصياً، وحاولت من خلال "نصيحتك" له بأن تُلجمه وتنتقم لغيظك الشخصي تجاهه. فلا يوجد مبرر واحد يجعلك تتداخل في بوست نزاعي لا تعرف أحد أطرافه، ولا تعرف الموضوع بتفاصيله، وتداخل فيه بحدّة أيضاً، إلا أن يكون الأمر كما قلتْ، ومن هنا يأتي التناقض الذي تحدثتُ عنه. والتناقض الآخر أنك تعيب على دكين لغته البذيئة وتلتزم حياله بلغة بذيئة أخرى. أفلا يُعدّ هذا تناقضاً في رأيك؟
السيئ في الأمر يا صديقي، بل والأكثر سوءاً أن "تكتفي" بمشاركتين لتبنيه عليه رأياً انطباعياً عن أحدهم، وهو الذي ينفي عنك صفة الحيادية والمصداقية في نصحك. فأنت تقول: | Quote: ما بعرف كتاباته ايوة لا اعرفهابل اعرف تحديداً ما يخص هذين البوستين الذكرتهم انا في كلامي واعتقدها كافية بالنسبة لي |
وأنا أقول: "لا يا حيدر الزين، ليس كافياً أبداً" ولا أعتقد أن هذه هي طريقة تقييم حيدر الزين الذي أعرفه للأمور. منذ متى ونحن نحكم على الناس بمشاركاتهم في موضوعات خلافية لها أبعاد نجهلها؟ منذ متى نحكم على الآخرين من ردود انفعالية؟
أما بالنسبة لسد الدين، فأنت تعلم جيّداً أن بعض المداخلات هنا جاءت فعلاً في هذا السياق. ولكنني لم ألجأ إلى تعميم هذا الأمر على كافة المتداخلين، بل قلت أن "البعض" جاء هنا:
1- مدفوعاً بدين واجب السداد
2- وآخرون رءوا البوست فرصة لجلد دكين
3- وآخرون تداخلوا بحسن نيّة
فلا تُحمّل كلامي ما لا يحتمله يا صديقي، وكن كما أعرف عنك دائماً، ولا تنجرف وراء مجد زائف يسوقه إليك أحدهم على بساط ملطخ بالقذارة، فهذا لا يُشرّفك وأنا أعلم تماماً من أنت، وما هو معدنك.
تحياتي وحبي الذي تعلم
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: هشام آدم)
|
العزيز هشام ادم .. سلام مرة اخري ..
بلقي نفسي من البداية بكرر كلامي انك برضو بتصر تضع نفسك العليم بنوايا والحكم على مافي ضمائرهم
بافتراضات تفترضها وشواهد تضعها ثم تقول لا هم قصدوا ذلك ..!
ياخي في فرق بين قصد الانسان ونيتو الاساسية وبين نتيجة الفعل العملوا والمحصلة فمما ممكن تقول
على انسان أخطاء وياتي معتذراً عن هذا الخطا ومبرر انه لا يقصد سوء الظن الذي تضعه فيه إنك لا قاصد..
كدة انت مش بترتقي مقام النبوة بل قد تصل للالوهية عديل ..
وراجع مداخلة السيد المسلمي الاعتذر لي شخصياً فيها وراجع كلامي معاهو بعدين تعال قول لي انا كحيدر بدعي معرفة الضمائر .. عندما اقول له اخطأت في إيراد اقتباسك لمداخلاتي ببوست واحد والله اعلم بما في القلوب فقد خرجت هنا من الإفتاء فيما لا اعلمه ووكلت به العليم .. وعندما ياتي المسلمي ويقول رداً على جميع المتداخلين انه لايقصد ما تبادر اليه الذهن فهنا ساكتفي عن محاكمته .. وأطالب بقفل النقاش بالبوست وعدم التداخل ولندعه نغرق .. طيب ! كدي الندخل في الضماااائر دي ذاااتها
بعد ان قُفل التداخل بالبوست وذهب لأسفل الصفحة وانت نفسك لم نري لك رأياً فيه على مدار صفحتيه الا بعد إعتذار المسلمي ماهو هدفك ونيتك لرفعه مرة أخري ..؟ هل يمكنني ان استشف أجندة خفية خلف هذا الأمر ؟!!
بالتاكيد يمكنني ان اصوغ كذا نظرية وادعمها بما يبرر من هنا ومن خارج البوست
ثم تقول يا هشام آدم :
Quote: لهذا أقول أن ما رآه صاحب البوست نصيحة، لم تكن نصيحة على الإطلاق، بل كانت مداخلة حادة منك تجاه دكين وقعت منه موقعاً حسناً، فأفرد لها هذا البوست، ولهذا فإنني أقول بأن هذا البوست له أغراض أخرى، ولك الحق ألا ترى ذلك بالطبع، ولكن لا تستغرب أبداً من يقيني هذا فهو يقين مبني على شواهد، وليس كيقينك المبني على أمنياتك الطيّبة بأن يكون غرض صاحب البوست حسناً.
|
انت يا هشام بتقرأ كلامك وبس وما بتشوف ردودي .. ياخي انا بتكلم عن تفويض الامر ولم اقل يقيناً او متيقناً بل انت من تتحدث عن اليقين والثقة فيما تعتقده ولا تملك عليه شواهد كما تقول الا بمحاولة النبش ومحاكمة الضمائر ولكني عكسك بترك الامر ثقة في كلمة اطلقها صاحبها هنا ولا احاكمه طالما لم أري ما يسوؤني منه شخصياً ..
انا ثبتت من البداية هنا اني قصدتها حادة تجاه دكين وركزت على كلمة ( قصدتُ ) يعني انت ما جبت حاجة من عندك المسلمي حسب قرايتو قراها نصيحة .. قراها كلمة حق قلتها لدكين في وشو واني شفت انه وهبة ملطشو .. وتاني بعيدها فعلاً مسح بيهو الواطة في البوست السابق ( لاحظ انا بتكلم عن بوستين وانت بتجي تختذل كلامي الي مداخلتين ) انا بتكلم عن موضوع بوست الماسنجر وما تبعه من البوست الاُفتتح مؤخراً وانه مافي داعي يدخل نفسه في نفسه الموقف وانت بتقول تعلم ولا تعلم ما بينهما .. ياخي يا هشام وقت اقول ما بينهما فأنا اتكلم عن صراعات قديمة لا اعلمها قد تكون او لا تكون لكن كلامي في المداخلة الانت بتلونها لي دي بالخطوط كل كلامي مركز على بوست الماسنجر وما ناله دكين هناك من ملطشة سببها ضعف موقفه وسوء حكمه وما اتبعه من مداخلات واهية كانت تدل تماماً على ضعف حيلته وحنكته مقارنة بوهبة وهذا ما قلته انك لن تقدر عليه ولو كان سيتبع نفس الطريقة السابقة برضو تاني ما بيقدر عليه وتالت وسيسحب البوست كما سحب السابق وهو يجرجر اذيال الخيبة ..
تقول لي تعرفه من خلال كتاباته ..
يا سيدي وضحت ليك مرة وتاني بوضح ما عرفته من توجيهه لكلمات لي ضمن مجموعة تداخلت في بوست اول هذه واحدة وما تابعته في بوست الماسنجر الثانية وهذين يكفيني ان احكم عليه من اسلوبه فيهن فمن كان عفّ اللسان طيب الحديث والاسلوب لا يجزئ كلامه بفاحش القول في حين وطيبه في الآخر ونقول ان طيبه يغلب خبيثه اذن هو طيب .. دا هنا بيكون ميزان مايل نحكم بيهو وقت ما نريد لمن نريد ..
قلت لي اني استخدمت لغة بذيئة اخري ..؟؟
Quote: والتناقض الآخر أنك تعيب على دكين لغته البذيئة وتلتزم حياله بلغة بذيئة أخرى. أفلا يُعدّ هذا تناقضاً في رأيك؟
|
كويس جداً هنا ورغم انك مقتبس كلامي بأكمله اديني بذاءة كلامي الانا قلته فيهو دا ؟! ودا طلب شخصي عشان نعرف البذاءة المقصودة في كلامي تجاه دكين والحدة الانا بقول قلتها ليهو !!
Quote: السيئ في الأمر يا صديقي، بل والأكثر سوءاً أن "تكتفي" بمشاركتين لتبنيه عليه رأياً انطباعياً عن أحدهم، وهو الذي ينفي عنك صفة الحيادية والمصداقية في نصحك. فأنت تقول:
Quote: ما بعرف كتاباته ايوة لا اعرفهابل اعرف تحديداً ما يخص هذين البوستين الذكرتهم انا في كلامي واعتقدها كافية بالنسبة لي
|
لو ما مقتبس كلامي بقول بوستين وانت بتقول فيهو مشاركتين ما عارف كان قولتني شنو ..
Quote: فلا تُحمّل كلامي ما لا يحتمله يا صديقي، وكن كما أعرف عنك دائماً، ولا تنجرف وراء مجد زائف يسوقه إليك أحدهم على بساط ملطخ بالقذارة، فهذا لا يُشرّفك وأنا أعلم تماماً من أنت، وما هو معدنك.
|
مجد شنو وبساط شنو يا هشام يا اخوي ..
إنت من صُحك ؟!
ياخي مداخلتك الفوق دي كلها مقدرها ليك لكن ختمتها بصورة عجيبة وتذكرني ( اخيل طروادة ) وحروبه سعياً وراء المجد المخلد .. يا سيدي ما يُستخدم هذا المنبر الا لتبادل وتلاقح الافكار والاستفادة بما يجود به امثالك من المثقفين بجديد المعلومات ثم الترويح والونسة والفرفشة ومعرفة اجتماعية طيبة مع احدهم وغير ذلك يبقي مجرد دوائر كهربائية تفتح وتغلق لنجد احدهم اليوم هنا وغداً لا ندري من امره شئ ..
ولك تقديري
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: هشام آدم)
|
| Quote: بالنسبة إليّ فالموضوع واضح لأنه لم يُكلّف نفسه على مدار صفحتين من هذا البوست أن يستشهد بنصائح أخرى لك في غير مشكلة دكين ووهبه، بل إنّ مبادرته بما أسماه "نصيحة" من مداخلتك الموجهّة لدكين تؤكّد أن غرضه من هذا البوست هو مجرّد الشماتة من دكين لا أكثر ولا أقل، سواء كان ذلك بدافع الانتصار لوهبه، أو التشفي من دكين لسبب لا أعلمه أنا شخصياً. |
هشام أدم ..
من غير ما أخش معاك في نقاش عشان تقتنع بي الهدف ومقصود البوست الحقيقي ح أقوم أتجاوز النقطة دي تحديداً ... لعلمي
بأنو ما في شي في الوجود ممكن يقنع الأديب الأستاذ هشام أدم ،،
وحكاية البوست مشي صفحتين وما أستشهدت بي أي نصايح أخري .... فهنا يظهر لي إنك ماتابعت البوست دا من الأول ..
لأنو ياأستاذ البوست بعد مداخلة حيدر حسن ميرغني تحول الي إنساحابات عن المداخلات الفوق وإعتذارات لي دكين ..
فلو حاولت أستشهد بأي نصيحة أخري ... بعد مداخلة حيدر ميرغني ببقي كأني بحاول في حرق صورة زميل أنا بعتبرو مثال للزول الحقاني
الواضح غير المتملق ،
| Quote: لهذا أقول أن ما رآه صاحب البوست نصيحة، لم تكن نصيحة على الإطلاق، بل كانت مداخلة حادة منك تجاه دكين وقعت منه موقعاً حسناً، فأفرد لها هذا البوست، ولهذا فإنني أقول بأن هذا البوست له أغراض أخرى، ولك الحق ألا ترى ذلك بالطبع، ولكن لا تستغرب أبداً من يقيني هذا فهو يقين مبني على شواهد، وليس كيقينك المبني على أمنياتك الطيّبة بأن يكون غرض صاحب البوست حسناً. |
ياخ شواهد بتاعت شنو البتقنعك إنت !!؟
ــ
كل الإحترام .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: ريهان الريح الشاذلي)
|
البت ريهان
الأستاذه الفاضله ريهان
أولا ً آسفين للتداخل داخل نطاق إسمك
ثانياً مالو نفسك حار كده يا خ هونيها تهون
ثالثاٌ أنا عارفاك فيميل وحصل بيناتنا مداخله قبل كده بس حبيت أطلَّع دكين من الجو
الهو فيو وعلى حسب مداخلتو معاك انو لو طلع بمعرفتك بس من البوست دا فهو ما خسران
إفتكرتك فهمتى المزحه وما شفت كلامك الإ الآن لكن الظاهر كانت ثقليه شويه
على العموم أنا أسفه يا ستي وصدقيني حا أبعد عن محيطك تماماً
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: وجن)
|
| Quote: يازول وهبة ملطشك ومسح بيك الواطة في بوستك الأول لامن طلبت سحبو .. |
حيدر الزين
وكت بقيت اصلا زول بتتحرى الصدق وشايف روحك زول حجة وبيان..
من اي العلوم استقيت علمك باني طلبت سحب البوست؟؟
ام انو المسالة مجرد نكاية ومحاولة لنشر احساسي بالهزيمة حتى ولو بباطل كلامك ..
علما بانو قولك (طلبت) الصريحة الختيتا دي بتدي احساس للسادة القراء باني طلبتا سحبو ماي وليس اي تفسير اخر
واني يا هاتفتا يا رسلتا يا كورتا ياغنيت طالبا صحب البوست؟؟
فياخي هل اصنفك آفاق
ولا تجيب لي طلبي الافتريت فيهو على ده بصورة واضحة؟؟
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: HAIDER ALZAIN)
|
ودّ الزين يا حبيب
أنتَ تُكرر كلامك فعلاً، لأنك تُريدني أن أقتنع بما أنتَ مقتنع به، في حين أنني قلتُ لك منذ في المداخلة السابقة بأنه يحق لك ألا تقتنع بما أسوقه لك من تبريرات كانت هي دافعي في حُكمي على غرض صاحب البوست من بوسته. وأراك تُدافع عن صاحب البوست أكثر مما يُدافع هو عن نفسه.
لا أحد يُعير الآخر عقله ليُفكر به. الموضوع بالنسبة إليّ ليس كامناً في ضمير ولا في علم "علاّم الغيوب" الموضوع مجرّد مشاهدات ومتابعات كما قلتُ لك، ولك مطلق الحرية في أن ترى أنني لم أكن موفقاً في تحليل هذه المشاهدات أو القراءات، فكلنا يقرأ الأشياء بطريقة مختلفة.
ولأنك تُصر على الخوض فيما لا يستحق أجدك تتوغل في العناد والمكابرة لتلف حبل التناقضات حول عنقك في كل مداخلة، فبعد أن كنتَ تقول إن المسألة في ضمائر الناس ولا يعلمها إلا الله، وأنك أوكلت علمها ومعرفتها لعلاّم الغيوب؛ إلا أنّك تعود فتناقض كلامك عندما تقول: " فمما ممكن تقول على انسان أخطاء" وهو اعتراف منك بأن غرض هذا البوست لم يكن كما تزعم وكما يزعم صاحبه، وهو منافٍ لم اعترفتَ به من قبل عندما قلت: "فهنا كان بوستك سبعد عن الشخصنة وانه موضح للنيل من شخصية بعينها" فأنت معترف ضمنياً ومنذ البداية أنّ هذا البوست كان له غرض آخر خير الإشادة بمواقفك الناصحة. ورغم هذا العلم إلا أنك تُصر على المدافعة عن موقفه الذي مازال هو نفسه مُصراً عليه.
أما الكلام عن مقام النبوة والألوهية فهذا كلام يدعم ما أذهب إليه، فلست بإله حتى أعرف ما في القلوب والضمائر يا صديقي، ولستُ بنبي يُوحي إليّ بالغيب، ولكنني إنسان أعتمد في بناء مواقفي وآرائي على ما أراه وما يتيحه لي عقلي "المحدود" من فهم وبصيرة.
يُمكنك أن تستشف من مداخلتي أيّة أجندة يا صديقي، فهذا حق مكفول لك. بالتأكيد يُمكنك أن ترى أجندة خفية وراء مناصحة صديق لك، وأن تصوغ ما تشاء من نظريات بناء على ما تراه. ولكن اعلم أن لمداخلاتي السابقة غرضان أساسيان لا ثالث لهما: إثبات سوء نيّة صاحب البوست من ناحية، وتبرئة ساحتك ومحاولات تخليصك من استغلال قبيح كان من الممكن أن يُخصم من رصيدك.
وقلتها لك من قبل يا صديقي، أسلوب "التريقة" والسخرية و "صعلقة" المنبر يُمكن لأيّنا أن يستخدمها، ولكنها –أبداً- لا تعني أن مُستخدمها على حق. ربما تكون لاذعاً انت الآخر في عدواتك مع الآخر، واختلفتُ معك من قبل في بوست السيدح حول طريقتك وأسلوبك في إدارة صراعاتك، وأنا هنا أُكررها عليها مرّة أخرى: "أسلوبك الساخر واللاذع هذا قد يكون "للبعض" مضحكاً ومُسلياً وشافياً للصدور، ولكنه –صدقني- ليس أسلوباً جيداً ولا حسناً، لاسيما لشخص أعتبره صديقاً"
أنتَ –يا صديقي- تتكلّم عن "بوستين" وأنا أتكلم موقف Attitude واحد. لستُ هنا لأُحاكمك وأُحاكم أسلوبك فأنت لستَ قاصراً، ولستَ بحاجة إلى نُصحي، ولكنني هنا أتكلم عن موقف أخلاقي كامل. النصيحة لا تكون بهذه الطريقة، وإذا أخطأ المسلمي في قراءة مداخلاتك مع دكين وحمّلها على أنها نصيحة، فلا أقل من أن تكون أميناً مع نفسك وتعترف أنك لم تكن تقصد النصيحة بل الإساءة إلى شخصه عبر أسلوب السخرية والاستهزاء.
أمّا عن دكين ووهبه، فكما قلتُ لك من قبل: أنتَ لستَ طرفاً في الموضوع حتى تتدخل بحُكم ضد أو صالح أحدهما بصرف النظر عن الموضوع في تفصيلاته المخفية أو في شكله الظاهري. وحتى عندما تكتشف ضعف موقف أحدهما فلا يُمكنك أن تقول (لطشك ومسح بيك الواطة) ثم تُريدنا أن نُصفق لهذا الكلام على اعتبار أنها شجاعة ونصيحة!!
فيما يخص بذاءة كلامك، فقد وضعت خطوطاً على الجُمل التي لا تتناسب مع مقام النُصح، والتي قد تندرج تحت أيّ بند آخر غيرها: صعلكة منبر/سخرية/استهزاء/تطاول/بذاءة .... إلخ ولكنها ليست نصيحة على الإطلاق.
أعود فأكرر لك كلامك الذي وجّهته لدكين: "الانتصار للذات ليس عيباً، ولكن يجب أن يكون الانتصار بشرف" فإذا علمتَ أنك كنتُ أداة استغلها المُسلّمي ليضرب عبرك دكين، فكان الواجب ألا تفرح بمدح كهذا على الإطلاق، وكنتُ أتوقع أن يكون موقفك أكثر وضوحاً من هذا، لا أن تُحاول في كل مرّة أن توجد له التبريرات عبر إلجاء هذا الأمر للضمائر ومعرفة الله بما فيها.
أخيراً
أنا ذاهب إلى الأحساء اليوم .. وهديتك "عفنت" وهي معي
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: هشام آدم)
|
كدي قبال تمشي الاحساء خليني اخلص معاك الكلام هنا لانه برضك بتحاول تقول رايك - المن حقك تقتنع فيهو- لكن ما بالضرورة صحيح .. الاشكاية انك بتقولو وكانه هو الصحيح وما غيره خاطي .. وبتقفز فوق الكلام وتختذل كلامي ..
يا هشام انا متين بدافع عن صاحب البوست .. انا بدافع عن خصوصية ضميرو وقلبه الما من حقك انت تدخلها وتجي تقول قاصد .. وناوي .. ودا هدفه .. كلامي معاك انك تخت الاحتمالات كلها لكن لا تحكم قطعياً .. وانت في ما مضي بتقطع بعد وتفصل وتلبس .. بل آخرها بتجي تلبسني توب الباحث عن المجد والشهرة والفرح بمن قال لي شكراً .. ياخي دا كلام دا وتقول لي بعيد في كلامي ؟!!
ياخي صاحب البوست يبدو فاهمك تماماً في مداخلتو اعلاه الاختصر معاك الكلام في انه لايمكن اقناعك ولا شاهد يمكن وضعه لك لكن أنا بالي طوييل والليلة ما عندي موضوع ..
| Quote: ولأنك تُصر على الخوض فيما لا يستحق أجدك تتوغل في العناد والمكابرة لتلف حبل التناقضات حول عنقك في كل مداخلة، |
اها شوف البيكابر منو وبيفتل في الحبال بما يوافق هواه .
| Quote: فمما ممكن تقول على انسان أخطاء" وهو اعتراف منك بأن غرض هذا البوست لم يكن كما تزعم وكما يزعم صاحبه، |
ودا كلامي الانت مختزلوا ومحاول تطلع منه عصارة اعتراف
| Quote: ياخي في فرق بين قصد الانسان ونيتو الاساسية وبين نتيجة الفعل العملوا والمحصلة فمما ممكن تقول على انسان أخطاء وياتي معتذراً عن هذا الخطا ومبرر انه لا يقصد سوء الظن الذي تضعه فيه إنك لا قاصد.. |
هسع وينو الاعتراف بغرض البوست كما جاء بمخيلتك انت وبتقول لا في سوء قصد .. انا هنا قلت في سوء قصد والا حابي تقولني وبس ؟!
وتبتر جملتي القلتها يا هشام آدم والتحتها خط دي في صياغ كلامك :
Quote: وهو منافٍ لم اعترفتَ به من قبل عندما قلت: "فهنا كان بوستك سبعد عن الشخصنة وانه موضح للنيل من شخصية بعينها" فأنت معترف ضمنياً ومنذ البداية أنّ هذا البوست كان له غرض آخر خير الإشادة بمواقفك الناصحة. ورغم هذا العلم إلا أنك تُصر على المدافعة عن موقفه الذي مازال هو نفسه مُصراً عليه.
|
في حين أنا قلت هنا بالضبط موضحاً نفس ما اقوله لك اعلاه إن المثال الجابو المسلمي من بوست
دكين فقط لم يكن موفق وذهب باتجاه شخصنة البوست وهو ما قاله غيري واستشهدت بهم
وهذه جملتي باكملها أقراها :
Quote: لكن حقيقة اقولها لك كما قال بعض الاخوة اعلاه ياريت لو رايك الايجابي دا كان جبت فيهو امثلة من بوستات متنوعة لو كان لي شرف قول كلمة الحق فهنا كان بوستك سبعد عن الشخصنة وانه موضح للنيل من شخصية بعينها واربأ بنفسي ان اكون سبب او موضوع للحط من قيمة احد ..
|
فهل انا المصر على المدافعة عن المسلمي ام انت المصر على تقويلي وبتري كلماتي بما لم اصيغها ؟
| Quote: أما الكلام عن مقام النبوة والألوهية فهذا كلام يدعم ما أذهب إليه، فلست بإله حتى أعرف ما في القلوب والضمائر يا صديقي، ولستُ بنبي يُوحي إليّ بالغيب، ولكنني إنسان أعتمد في بناء مواقفي وآرائي على ما أراه وما يتيحه لي عقلي "المحدود" من فهم وبصيرة. |
لو كانت بمثل المثالين السابقين تتكون لديك المواقف ارجو صادقا يا صديقي ان تراجعها كلها
فبمثل هذا الابتسار المُخل دون تمحيصه لما يتوافر امامك من حقائق تكون مواقفك فيها غباش وتشوش ..
Quote: ولكن اعلم أن لمداخلاتي السابقة غرضان أساسيان لا ثالث لهما: إثبات سوء نيّة صاحب البوست من ناحية، وتبرئة ساحتك ومحاولات تخليصك من استغلال قبيح كان من الممكن أن يُخصم من رصيدك.
|
برضو يا هشام تقول لي انا ما بتداخل في النوايا والقلوب
يا خي كنت بكون سعيد ومتفق معاك زي ما وافقت كمال علي الزين و حيدر ميرغني ومتوكل توم بل ودكين ذات نفسو حينما قالوا ( قد يُفهم ) ولم يقولوا ان نيتك هي كذلك بالقطع الذي تقطعه انت هذا ..
أما تبرئة ساحتي من الاستغلال يا صديقي فما اظنك باقوالك السابقة تبرئها بل اراها بالعكس تجرمني وتضعني في موقف المستغل فعلاً بل والمتواطئ السعيد احياناً ..
Quote: أنتَ –يا صديقي- تتكلّم عن "بوستين" وأنا أتكلم موقف Attitude واحد. لستُ هنا لأُحاكمك وأُحاكم أسلوبك فأنت لستَ قاصراً، ولستَ بحاجة إلى نُصحي، ولكنني هنا أتكلم عن موقف أخلاقي كامل. النصيحة لا تكون بهذه الطريقة، وإذا أخطأ المسلمي في قراءة مداخلاتك مع دكين وحمّلها على أنها نصيحة، فلا أقل من أن تكون أميناً مع نفسك وتعترف أنك لم تكن تقصد النصيحة بل الإساءة إلى شخصه عبر أسلوب السخرية والاستهزاء.
|
لا انت تتكلم عن اني اتخذت الموقف بناء على رؤيتي لمشاركتين في حين انني اقول انه موقف متخذه بناء موضوع كامل وتابع للموضوع يعني لا انظر من ناحية فقط حتي تُشفق على في إني اضع نفسي في غير مكانها او قد تكون الرؤية مشوشة لدي بل كذا مرة قلتُ لك إني قاصد ما كتبته وعندما اقصد فعلاً اواترصده لا اظن ان من الحكمة ان اكون لا اعرف كل تبعاته او الجزيئة التي تليني وتخصني منه ..
| Quote: أمّا عن دكين ووهبه، فكما قلتُ لك من قبل: أنتَ لستَ طرفاً في الموضوع حتى تتدخل بحُكم ضد أو صالح أحدهما بصرف النظر عن الموضوع في تفصيلاته المخفية أو في شكله الظاهري. وحتى عندما تكتشف ضعف موقف أحدهما فلا يُمكنك أن تقول (لطشك ومسح بيك الواطة) ثم تُريدنا أن نُصفق لهذا الكلام على اعتبار أنها شجاعة ونصيحة!! |
شايفني فتحت بوست قلت يا جماعة تعالوا صفقوا لي .. هل الإرادة هنا فعل يتم من داخل الانسان ام تحكم عليه بما يكتبه ..!
إذا كان لديك شاهد هنا انني اردتُ ذلك وقلت هللوا وصفقوا لي يكون فعلاً شواهدك وادلتك لا يُعلي عليها اما إذا كنت تعتقد انه مما يسرني ذلك وهو ما سعيت اليه بقولي ما قلته لدكين فليس امامي سوي تسبيحك
بعدين ياخي وقت الواحد يبقي ملطشة وتتمسح بيهو الواطة وتجي تقول ليهو حصل عليك كدة وانت فعلاً طلعت عاجز حيلة وقدرة بتبقي شنو ؟ ماياها النصيحة وكلمة الحق زاااتها البيقولوها والمستعرين الناس فيها انه يقولوا للاعور اعور في عينو ؟ هسع يعني لو لقيت زول مهزوم في مجال صعلكة وطولة لسان هو الفتح ليها وبيها الباب وطول لسانو على الناس وجاء واحد بلعو ليهو والمقام مقام منابذة اجي اقول ليهو شنو ؟
والله وهبة دا هزمك فكرياً وقدر بشرح بنية الوعي الثقافية بتاعت ويفكك متلازمات مفاهيمك .. والكلام داك والا كيف يا هشام .. ما ياهو مقام الكلام وقت يكون من يومو كلام واقع في الارض انت بتشيلوا وترجعو الارض ودي معني اللغة زي ما بيقولوا لكل مقام مقال ..
Quote: فيما يخص بذاءة كلامك، فقد وضعت خطوطاً على الجُمل التي لا تتناسب مع مقام النُصح، والتي قد تندرج تحت أيّ بند آخر غيرها: صعلكة منبر/سخرية/استهزاء/تطاول/بذاءة .... إلخ ولكنها ليست نصيحة على الإطلاق.
|
لا يهشام برضو سوري وقت نقول بذاءة بتختلف عن التطاول بتختلف عن السخرية بتختلف عن الحدة واصلاً بذاءة الانت جايبها هنا دي ما بلقي ليها شبيه في البوست دا والبوست السابق الا كلام من امثال ( ميم عين ) .. دي البذاءة أما ملطشك او مسح بيك الواطة ياخي والله ناس النظام العام لو ختيتها في دعاية ما يسألوني عنها وتُبث زي الترتيب ...
| Quote: أعود فأكرر لك كلامك الذي وجّهته لدكين: "الانتصار للذات ليس عيباً، ولكن يجب أن يكون الانتصار بشرف" فإذا علمتَ أنك كنتُ أداة استغلها المُسلّمي ليضرب عبرك دكين، فكان الواجب ألا تفرح بمدح كهذا على الإطلاق، وكنتُ أتوقع أن يكون موقفك أكثر وضوحاً من هذا، لا أن تُحاول في كل مرّة أن توجد له التبريرات عبر إلجاء هذا الأمر للضمائر ومعرفة الله بما فيها |
كدي يا هشو بالله امشي اقرا ردي على المسلمي وتعال راجع جيبو هنا وبعدين نجي نشوف حتة علمت وما علمت وفرحت وهللت .. رغم اني علقت عليها اكثر من مرة لكن تاني بعيدها ليك ودا بعد نشوف قراءتك لردي على المسلمي ..
ـــــــــــــ
يازول ما تقول لي تعفن وحركاتك دي تلهط الهدية وتقول سرقتها بُرة ..
أنا ناوي اشيلها يوم الخميس ..
وربنا يكتب السلامة يا حبيب
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
| Quote: اعذرني إن لم اتداخل مرة ثانية هنا |
أخى حيدر الزين
وددت من صميم قلبى عند فتح البوست الا تدخل هنا .. وودت ثانية عند أول مداخلة لك أن تكتفى بها والا تعود ثانية
أصدق نية المسلمى الصادقة فى أنه لم يفتح البوست مكايدة أو تصفية حساب فلا قدرة لى بمعرفة الدواخل .. ولكن ..
البصيرة التى أعتدتها فيك أخى حيدر كانت تقول منذ البداية أن هذا المكان والطريق شائك ومحفوف بالمخاطر
فلو كان الامر صافيا الم تسأل نفسك لماذا أنا وآخرين من محبيك لم نأتى لنوفيك حقك ومكانتك الكبيرة عندنا
وكم يحز ذلك فى نفوسنا أن نرى مكان لشكر حيدر الزين ولا نستطيع المشاركة ..لأنها كانت اما ستدخلنا فى مأزق
أو تدفعنا للتراجع كما فعل كمال الزين رغم صدق نواياه – ويظل – تجاهك عند كتابة رأيه الاول
وأن الحكمة هى أن ينأى العاقل بنفسه عنه حتى لا يخسر آخرين ولو كان ذلك عربونا لمعرفة محبة آخرين لك
وقد استبان الأخوان حيدر حسن ومتوكل ذلك .. ونبها لامكان التباس الأمر ورغم ذلك لا ادرى اين كانت بصيرتك التى اعلم
وألومك ثانية أنك عندما أعلنت عدم تداخلك مرة أخرى عدت بمداخلات أكثر مما قدمته قبل اعلان انسحابك
حتى أصبحت كمن يقود عربة واحلة فى الطين فيدوس البنزين أملا فى الخروج لكنه فى الحقيقة يوحل زيادة
هذا المكان لم يكن لك ان تدخله ابتداءا الا لتحية فاخرج حتى لا تبذل مزيدا من التبريرات التى ستكون خصما عليك وليس لك
السيد المسلمى
أصدق طيب نواياك لكنك أثقلث ظهر أخينا حيدر بهذه المحبة الثقيلة ولا أريد قول انه خسر منها أكثر مما كسب
لكما تحياتى واحترامى
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: على محمد على بشير)
|
الاعزاء ..
عادل عبد العاطي العطبراوي ممن لا يحتاج لتزكية بنفسي ويعلم ما اكنه له ..
صديقي المقدر والموضوعي المحترم سمير شيحخ ادريس ..
الاستاذ الفاضل علي محمد بشير ..
احترامي وتقديري ..
بالجد كلام مؤلم احسه بداخلي بعد مداخلاتكم المنبهه والواعية وموّعية لي .. ويا سمير قسماً
عندما قلت اني لا اريد العودة للبوست كنت صادق ولم انتويها لكني وجدتها فرصة للدرشة على هامشه مع صديقي هشام آدم بعد اصراره على رفعه والنظر للبحث بأشياء كثيرة مما قد نناقشه بالخاص لكن وقت ان فتحه هنا للكلام ولقيت فيهو ما لا يوافق واقع البوست او حكمه عليه حسب ما أراه انا احببت المناقشة معه وقد اطلع بمعلومة جديدة ..
لكن اطلاقا ليس الهدف العودة للبوست حتي اني استغربت من هشام رفعه له مرة أخري بعد أن غرق وقلت رجاءاً يا سادتي لا ترفعونه ..
نقاشي مع هشام اقول انني سوف ادعه لبوست آخر ليس لان الموضوع لا يستحق بل اعتقد لان الجو غير ملائم ..
اما انت يا دكين :
فحين تقول ( آفاق ) ولا افهمها بلغتي البسيطة هذه فمن حقي اعرف ماهو موقعها هل اقل من ( الميم عين ) ام اكثر رفعة في درجة تصنيفاتك ..!!
اما وقت قلت اضعها حيثما اشاء فلا اظن هناك مرتبة اقل من ( الميم عين ) الا لمن لم يفوته القطار ليمارس هوايته فيما قبل ان يكون (ميم عين) ويعجز .. واعتقد ان عمري تعدي هذه المرحلة فدعنا في تصنيفك الاول وهو ما لم تقل فيهو الان انت ماهو دليلك ..
اما ما اقوله حول تحويل سحب بوستك فما تعارف عليه العرف هنا حسب قوانين بكري المتبعة غن من يُحول بوسته لمكتبته فغالباص ما يكون بطلب من صاحبه ان اسحب البوست ويحوله بكري لمكتبته وهو ما شهدناهو في حالات كثيرة .. وعند الرجوع لبوستك المازوم نجده قابع في جنان مكتبتك والراجح هنا انك طلبت سحبه ولم يذهب للخور غن كان بفعل مزاجي من صاحب الموقع ..
وهذا ما ابني عليه كلامي ..
لم يحصل هذا منك ؟
اذاص لماذا لم تعترض حتي نفهم ان الحذف تم غصباً عن رغبتك ومبتغاك ؟؟
ويقولون السكوت علامة الرضا وانت سكتت حتي بانت نواجذك الان ...
واخيراً فيما اود قوله بهذا البوست اللغم العتبي لكل الاصدقاء والاساتذة والاحباء اللذين وجدوا انفسهم في موقف لا يحسدون عليه وكل المشاركين هنا ...
osman righeem
حمور زيادة
احمد محمد بشير
كمال علي الزين
ابتفةYassir Tayfour
ادريس خليفة علم الهدي
محمد عبد الماجد الصايم
صلاح أبودية
Tabaldina
الحبيب عابد..محمد يوسف الزين
HAIDER ALZAIN اللي هو انا زااتو
مزمل خيرى
العزيزة سارة كرودى
mutwakil toum
بدر الدين اسحاق احمد
ود محجوب
الكباشى البكرى
الشامي الحبر عبدالوهاب
صلاح ليون
حيدر حسن ميرغني
عزاز شامي
haroon diyab
كمال سالم
عبدالوهاب علي الحاج
حمد فتح الرحمن
ريهان الريح الشاذلي
omer osman
اساسي
وليد محمد المبارك
معاوية المدير
بشير جبريل علي
العزيز Shams eldin Alsanosi
فيصل نوبي
حذيفه ابراهيم الكباشي
وجن
استاذي ..Abdel Aati
الاستاذ على محمد على بشير
صديقي هشام آدم
ASHRAF MUSTAFA
حبيبنا Amin Mohamed Suliman
الصديق هيثم درار
والصديق الفاضل سمير شيخ ادريس
كلكم لكم العتبي سواء داخلتم مُقرظين او متعشمين خيراً .. حبي وعذري لكم وعميق آسفي ..
اما وبعد ،،،
فمن كان له شئ يحب ويود استفساره من داخل هذا البوست فالسايبر مفتوح امامه وليُقل وسنكون مجيبين له بعون الله وتوفيقه ..
اما هنا فقد قطعنا الرجل والكلكات ..
فمن كانت له حاجة فكلي آذان صاغية ..
وتقديري وعذري ليصل الجميع ،،،
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: Rawia)
|
الأخت راوية ... سلام
Quote: في غمرة الفرحة التي اصابت السيد المسلمي
انتشى ولم يرهق ذهنه ولو لثانية في عواقب ماكتب |
هناك من أنتشي وفرح وفتح البوستات عندما وصف دكين الزملاء بالميم عين !
| Quote: أتمنى أن يصبح البوست دا درس وعبرة |
الدروس والعبر كتيرة يا أختي راوية لكن مين يدري !؟،
تحياتي وإحترامي ... وشكراً علي المرور ،
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: سمير شيخ ادريس)
|
Quote: السيد المسلمى
أصدق طيب نواياك لكنك أثقلث ظهر أخينا حيدر بهذه المحبة الثقيلة ولا أريد قول انه خسر منها أكثر مما كسب
لكما تحياتى واحترامى |
الأخ سمير شيخ إدريس ..هذا هو حال المنبر ملي بالصراعات والشلليات وصاحبي وصاحبك ...
بالله لو عايز الناس كلها تتفق معاك إلا تفتح بوست .. لي تعزية أو فلان يحتفل بعيد ميلاده ،،
ذهب الأمر خارج إطاره كثيرا ... وأقول ليك كلام حمدت الله إني ما جبت أي إقتباس تاني للأخ حيدر !!
عشان أنا قلت في أول مداخلة إنو البوستات البدخل فيها حيدر الزين وبقول رأيو فيها ما بوستات ونسة !!
بوستات تحتاج لشجاعة وشكيمة وقدرة علي تحمل اي كلام غير مهذب ،،
وجبت الإقتباس بتاع بوست دكين ... وزي ماإنت شايف لسة المولد حقو ما إنفضه ،،،
وبرضو أنا بقول إنو الحمدلله المانزلت أي إقتباسات تانية ,,
... أتفق معاك في إني فعلاً أثقلت علي حيدر من غير قصد لكن تأكد إنو الزول البقول النصيحة أصلو ما بخسر ،،
أهو جاء هنا وقال لي النصيحة ورايو في البوست وأكيد كسب إحترام الزملاء والقراء معاً .
لك التحية والإحترام ,
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: السيد المسلمي)
|
الأخ حيدر....
كلام هشام آدم...أقرأة مرتين وأنسي للحظة إنة موجة لك....ستجدة المنطق علي سطور...نصيحة خالصة قدمها لك فخزها....فأنت تكسب إن قبلتها...ولا أظنك بالمكابر....
لم تذدك مداخلتك مع دكين أي رصيد بل إنتقصت منك...وأنا علي يقين بأنك ما كنت كاتبها لو عادت عقارب الساعة للوراء...
لك و لدكين الود والإحترام....
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: Haitham Elsiddiq)
|
Quote: اما ما اقوله حول تحويل سحب بوستك فما تعارف عليه العرف هنا حسب قوانين بكري المتبعة غن من يُحول بوسته لمكتبته فغالباص ما يكون بطلب من صاحبه ان اسحب البوست ويحوله بكري لمكتبته وهو ما شهدناهو في حالات كثيرة .. وعند الرجوع لبوستك المازوم نجده قابع في جنان مكتبتك والراجح هنا انك طلبت سحبه ولم يذهب للخور غن كان بفعل مزاجي من صاحب الموقع ..
وهذا ما ابني عليه كلامي .. |
ياسيد حيدر
ده هسي حنكك لمعجبينك ؟؟
ماتعارف عليه الناس؟؟..
العرف ليس مصدرا للتجريم..
ياسيد حيدر ماتعارف عليه العرف ايضا انو البوستات التي تصل الى المكتبات تجد طلب ارسالها الى المكتبات في (بوستات للمكتبة)..
حجتك دي جربانة ولاتصلح لشحص اولاه المحب ناس
هشام ادم وسمير شيخ ادريس وركب الميامين الذين توالو يستهجنون عجلتك في مقام الشر..
لم يحصل هذا منك ؟
اذاص لماذا لم تعترض حتي نفهم ان الحذف تم غصباً عن رغبتك ومبتغاك ؟؟
ويقولون السكوت علامة الرضا وانت سكتت حتي بانت نواجذك الان ...
ياخي افرض ما عايز اعترض
او قنعان من خيرا في بكري
اوعارف بكري ف السودان وانو العولاق لن يتركو له جانبا..
او افرض ياخي بكري ذاتو عجبتوالشتيمة في وهبة وقام وداهو مكتبتي..
هل ترى ان في اي من تلك الاسباب سببا وجيها لتتقول علي بما لايدع مجالا للشك وتقولني كطلام ماقتو؟؟
هل ده مستوى رجاحة عقلك في الترجيح؟؟
ياحيدر بعد فشلك في التبرير لطلبي الاول
اسوق اليك طلبي الثاني
هل تعتقد المثل هذه الظنون غير الحصيفة يحترمالناس كتاباتك هنا ويكيلون لك اللوم غير مصدقين؟؟
ـــــــــــــــــــــــــــــــــــــ
اها النبشرك بي الصدق ووحاة الغالية ..مع انك ما مجبر على تصديق غلظة هذا القسم
انا ابدا ماطلبتا نقل البوست ده لي مكتبتي ..
وماعارف هل فعلا هو مجود في مكتبتي ام لا...
وما حامشي اشوفو هسي ذاتو لاني نعسان..
وصمتي ليس مبررا لك لكي تاتي بشي على وجه الترجيح وتقول علا ملا ( من الراجح)
يكفيني اني عرفتا انو ممكن يتسحب وحفظتة بره في سطع دين جهازي..
ومع ذلك ياحيدر
احترمتا ردك لي طلبي الاول ده- مع انو احترامي ليهو قد لايعني عندك شيئا- وهوشي جميل
فاجبني عن طلبي الثاني اعلاه اكن من الشاكرين ..
فقط ابتعد عن ظلمة الظنون والتاؤيل ..وقصة الراجح بتاعتك دي..
حصلت مسبات وجزم اتطايرت ونبذ اتشات ورجال اغتيبو فما تجي تقول لي الراجح..
دمتا رايق
انا تادبت معاك لانو هشام معرفتك..وليس لاني اعتقد انك محترم في شخصك
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
| Quote: لكن المؤسف فيه إنو إتغير إتجاهو وبقي نظام تظامن ومجاملة |
اهو ده رد المسلمي بعد كل هذ المداخلات التي رايتها من من يحسنون فيك الظن..
وبعد ماخلاتك انتا ذاتك..
زول فرحان بي انو بوستو بتاع شكرتك عمل صفحتين..
فبالله ياحيدر وبحق الصدق فيك وبحق حسن ظن الذين تحبهم وذكرت اسمائهم- في صبر- فردا فردا ..اولئك الذين ظنو فيك الخير
ده هسي تفكير بني ادم سوي تفخر بان يكون لك طبالاً
ده طلبي الثالث..
وعشمي فيك ترد وبصدق..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
دكين ..
Quote: فبالله ياحيدر وبحق الصدق فيك وبحق حسن ظن الذين تحبهم وذكرت اسمائهم- في صبر- فردا فردا ..اولئك الذين ظنو فيك الخير
|
فبالله عليك يادكين أرجع شوف إنت كنت بتخاطب الزميل حيدر كيف في أول البوست ، وبقيت تخاطبو هسي كيف
أقول ليك حاجة إنت هنا قلت الرووووب عدييييل ،
فمداخلت الفوق دي كلها ممكن تدرج تحت بند ، واي واي ، .
| Quote: ده هسي تفكير بني ادم سوي تفخر بان يكون لك طبالاً |
وبالله عليك أرحم نفسك وعاين لي الواطة دي الإنت ماشي فيها ، وبطل تعاين للناس من زاوية منكسرة ،
وبعدين ياخ أنا طبال لي حيدر الزين عديل كدة ودا فهمي ، إنت مشكلتك وين هنا تحديداً؟
بعد البوست ما إتقفل برغبة الأخ حيدر ممكن تقلبو أي حاجة ، وأنا بتمو معاك لي الأخر ،
والله وهبة ماغلطان عليك لو عملك أرجوز وضحك عليك أمة محمد ،
يلا شوف لينا موضوع سريع ،
| |
|
|
|
|
|
|
| |
محمد عبد الماجد الصايم
وجن
العوض المسلمي
محمد يوسف الزين
HAIDER ALZAIN
Abdel Aati
على محمد على بشير
وليد محمد المبارك
حيدر حسن ميرغني
هشام آدم
ASHRAF MUSTAFA
ريهان الريح الشاذلي
Amin Mohamed Suliman
هيثم درار
سمير شيخ ادريس
Rawia
فيس بوك
تويتر
انستقرام
يوتيوب
بنتيريست