كتب الكاتب الفاتح جبرا المتوفرة بمعرض الدوحة
|
|
 النصـيحة تجـدونها عند HAIDER ALZAIN له الف تحية ،،
|
في عالم سودانيز الملئ بالمتباينات السياسية والثقافية والفكرية تجد ان هناك كتابات تجبرك
علي إحترام صاحبها بغض النظر عن إتفاقك أو إختلافك مع الكاتب ،
وهناك كثير من البوستات تفتح لأهداف غير واضحة وغالباً ما تكون غير مفيدة ... فنتواري خلف كيبورداتنا تحاشياً من
أن يصيبك أذي لفظي يفقدك إحترامك أمام القراء والأعضاء معاً !!
إلا أن هناك زملاء يحملون علي عاتقهم قول النصيحة ولايبالون ماينالهم من سباب وتهاتر وما إلي ذلك من فاحش قول .
فلهم التحية والتجلة والقومة ليهم جميعاً لإجتهادهم ومثابرتهم علي قول الحق ولقدرتهم علي تحمل تبعات مواقفهم الواضحة ،
ومن هؤلاء الزميل HAIDER ALZAIN...
|
|
 
|
|
|
|
|
|
|
 Re: النصـيحة تجـدونها عند HAIDER ALZAIN له الف تحية ،، (Re: السيد المسلمي)
|
موقفه واضح وضوح الشمس ... وطوالي عاصر علي النصيحة .
Quote: يازول وهبة ملطشك ومسح بيك الواطة في بوستك الأول لامن طلبت سحبو ..
وتاني لسان ماعندك تسألوا من شئ ..
دحين وهبة دا ما بتقدر عليهو .. وكلك اتجاهات ريح ياتي من الرياح شرقاً وغرباً
شمالاً وجنوباً ..
اختاهو وعوس عواستك بس ..
او تعال اعتذر ليهو وانت صاغر على البهدلة البهدلت بيها نفسك اول مرة ومفتكر انه طول لسانك
بنجيك ..!!
ياخي تابعنا بوست الماسنجر تبعك واخدتها سيك في قبولك ولو كانت خمستاشر يدك برضو كان اخدتا سيك ..
ـــــــــ
عالم لا تستحي |
وهذا من هنا :Re: وهبة الى مالانهاية
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: osman righeem)
|
الحبيب عثمان رغيم ..
هاك كمان ذياده ولكل الحاحات والكاكات لووووووووووول،،
Quote: ...لا يا دكين .. ردك لا مؤلم ولا بيوثر على ولا بيعني شئ لا نه متعودة منك الثقالة والبياخة ..
ثم يا سيدي حتي لو لم نتداخل كما تقول فيمكنك حسباني كاحد الميم عين تبع وهبة ..
وقع يا سيدي ..!!
ـــــــــــ
في الآخر نحن هنا بنشوف ما رأيناه وحسب متابعة آخر بوست لك هنا ..
فوهبة ملطشك فعلاً .. ولم اتوقع منك ان تعود لتاخد نفس البراطيش كما هو متوقع بمستقبل البوست .. |
من نفس الرابط السابق ،
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: Tabaldina)
|
حيدر الزين دا زول عجيب (ودي من متابعة طويلة بالمناسبة)
أول حاجة بتلقاهو أول زول رادي على البوستات المميزة
يعني في بوستات من عنوانها ومن أول مداخلة ما بتتوقع انو تلقى زخم كبير
أها بتلقى حيدر الزين دا أول زول تلب فيهو!! حيدر دا شم ريحتو كيف ما تعرف
حيدر يا السيد المسلمي زول صادق وما بجامل..
ما عندو صاحبي وصاحبك واقيف معاك ولا ما اقيف
البتكتبو انت بس دا البهمو
عشان كدا انا بقول عليهو زول صادق وزول حكيم
___________
خلاص جابو أجلك يا حيدر الزين
قولو ما شاءالله
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: محمد يوسف الزين)
|
يا جماعة قبل ما ارد على أي زول لو مفترع البوست او المتداخلين الأكارم ..
مما استغرب له إني فتحت بوست قبل دقيقتين من الضحك المتواصل حول بوست يوميات خلوصة .. للاخ محمد يوسف زين ..
يآخي من امتع الكتابات التي من الممكن تقابلك ..
ورغم إشتراكي بمنتدي سودانييز هوم ( بإسم لن اقوله ) لكن لم اجد متعة لمثل كتابته هنا ..
بنصح الجميع انهم يقروا ما كتبه محمد يوسف بذاك البوست ..
ــــــــــــــــ
وما أوجب قفزي فوق الردود للتوضيح حتي لا يظن البعض من أصحاب الاهواء الخاصة بتصنيف الناس وتشليلهم
ومحاكمة ضمائرهم ووصفهم بال ( ميم عين ) إن كتابتي للبوست إنما جاءت علي خلفية قراءاتي لتعليق للاخ محمد يوسف زين هنا ..
فوالله كتبت ما كتبت وانا لم أقرأ اي شئ مكتوب هنا ولا ضغطت على أيقونة البوست لاني ببساطة لم ارها بل حافظ المنبر العام بالمفضلة على بوست ( يوميات خلوصة ) ..
وساعود لك الاخوة والأصدقاء الاحباء ممن عبر من هنا..
مودتي للجميع
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: mutwakil toum)
|
| Quote: عيب سودانيس اون لاين الجد جد تلاقي ناس زي سيادة صاحب البوست ده وجد كتابة تناسب هواه ، و تعادي أعدائه أو تمجد أصحابه فيمجد صاحبها دون أدنى مراعاة لعقولنا.. |
mutwakil toum أبداً ياحبيب ... الموضوع ساهل جداً تمشي تعمل بحث بإسم حيدر الزين،،
- دا طبعا بإفتراض إنك مامتابع المنبر - .... وتعال قول رأيك تاني ،
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: الشامي الحبر عبدالوهاب)
|
للاسف يالسيد المسلمي اختصارك لمصداقية حيدر الزين في المداخلة الفتحت بيها البوست غير موفقة
لاتتوارى وراء رأي الاخرين ... حيدر قال ماعنده وليهو قناعاتو تجاه قوله ده
يظل دكين عندي من اصدق البشر في المنبر ده ... يخطئ ويصيب مثله مثل خلق الله ... رأي برضو
اختلافو مع احد الاخوان هنا اكثر من طبيعي .. كلنا نختلف مع بعضنا كل يوم
لكن ان اسوَق لشهادة شخص في اختلاف وقع بين نفرين دي ابدا ما شهامة
الافضل ان نسعى للتقريب بين الناس ... لا للتفريق بينهم
كامل احترامي لحيدر الزين
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: حيدر حسن ميرغني)
|
حيدر حسن ميرغني
سلام وتحايا طيبات ...
| Quote: للاسف يالسيد المسلمي اختصارك لمصداقية حيدر الزين في المداخلة الفتحت بيها البوست غير موفقة |
أقول ليك حاجة مواقف حيدر كلها واضحة ومافيها ضبابية ... وتاني حاجة انا من أول البوست ذكرت نوعية البوستات التي تحتاج لرأي
واضح وموقف مافيهو نص نص لذلك وصفته حسب متابعتي بالكتابات الشجاعة التي تستطيع تحمل تبعيات مواقفها ،،
| Quote: لاتتوارى وراء رأي الاخرين |
ياعمك مقبولة منك برضو لكن صدقني مافي حاجة عشان يتوارو منها زاتو،،
Quote: يظل دكين عندي من اصدق البشر في المنبر ده ... يخطئ ويصيب مثله مثل خلق الله ... رأي برضو
اختلافو مع احد الاخوان هنا اكثر من طبيعي .. كلنا نختلف مع بعضنا كل يوم
لكن ان اسوَق لشهادة شخص في اختلاف وقع بين نفرين دي ابدا ما شهامة
الافضل ان نسعى للتقريب بين الناس ... لا للتفريق بينهم |
أها دا خارج موضوع البوست ،
ــــــــــــــ
روق المنقة ياحبيب وخلي ظنك في الناس كويس .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: محمد يوسف الزين)
|
Quote: حيدر الزين دا زول عجيب (ودي من متابعة طويلة بالمناسبة)
أول حاجة بتلقاهو أول زول رادي على البوستات المميزة
يعني في بوستات من عنوانها ومن أول مداخلة ما بتتوقع انو تلقى زخم كبير
أها بتلقى حيدر الزين دا أول زول تلب فيهو!! حيدر دا شم ريحتو كيف ما تعرف |
والله يامحمد يوسف هذا ما دار بخاطري تحديداً ،،،
وبعدين بالجد كدة الزول دا التقول بشمها شم .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: haroon diyab)
|
سلامات يامسلمي
ومعليش ان كانت لغتي حادة شوية
لعلمك انا لم اتداخل في بوستات الاخوان دكين ووهبة لقناعتي بانهم قادرين على محاججة بعضهم البعض دون دفرة من الاخرين
قلت
| Quote: أها دا خارج موضوع البوست ، |
وانت اوردت مافي الاقتباس ادناه للتدليل على كلامك في حيدر
Quote: يازول وهبة ملطشك ومسح بيك الواطة في بوستك الأول لامن طلبت سحبو ..
وتاني لسان ماعندك تسألوا من شئ ..
دحين وهبة دا ما بتقدر عليهو .. وكلك اتجاهات ريح ياتي من الرياح شرقاً وغرباً
شمالاً وجنوباً ..
اختاهو وعوس عواستك بس ..
او تعال اعتذر ليهو وانت صاغر على البهدلة البهدلت بيها نفسك اول مرة ومفتكر انه طول لسانك
بنجيك ..!!
ياخي تابعنا بوست الماسنجر تبعك واخدتها سيك في قبولك ولو كانت خمستاشر يدك برضو كان اخدتا سيك ..
ـــــــــ
عالم لا تستحي |
وشوف كلامك "عالم لاتستحي"
والاكثر ايرادك للرابط
"وهذا من هنا" :Re: وهبة الى مالانهاية
...
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: haroon diyab)
|
المداخلة التي اوردتها نقلا من بوست وهبة هي دلالة على سوء نية الطرح زي ماقال ليك حيدر حسن..
لاتعني سوى ان وهبة بهمك امرو..
وانو انتا اصابك السرور حين اناب عنك حيدر عن شي ُجبنت من قوله اتقاء لشر حسبته فيني ..
تصور يامسلمي بغض النظر عن عدم احترامي لي حيدر الزين بس هو يظل واضحا اكثر منك وعندو الشجاعة لقول مايريد..
يامسلمي
اسلوبك في ايصال ماتريده عبر هذا الخيط دلالة على عجزك ..
خشيتك في انا تستطيع المجابهة..
فتمترست خلف مداخلة واهية لرجل لايدري مايقول..
انعكاس واضح لااحساسك تجاه مايهدد مظهرك الخارجي الهش..
احساسك الدايم بانك ممكن تفقد توازنك في طرحك تجاه رايك فيني..
استعضا عن ذلك بكلام حيدر الزين..وقتا احس اعملو درقتي...
صدقني لم يزدني رايك فيني ولا راي حيدر الزين ولا تشكير المتداخلين هنا شيئا..
لا صلابة ولا ضعفا..
الجوك هنا ديل ليسو من من تقلقني شهاداتهم ..وليسو من من يسعدني ان اختلف معهم..
عادي
اعلم بصورة واضحة انو البورد ده اغلبو عبارة عن طرور بسوق طرور اخر قدامو..
عالمين شغالة لواكة في الخلق وونسة صوالين ..
عالم لاتستحي ان تشكرك قدامك ثم تلوك اسمك حين تغيب عن ناظريهم..
ولو شئت انا لبذلت لك من الامثال مايعجز عنه استيعابك القاصر..
بس لا اشاء ولست من من ُتبذل لهم المشيئة..
ووحاتك لوماحيدر حسن ده المني موقفو المنفرد هنا ده ..لما زدت عن مداخلتي في الاعلى..
يامسلمي
اتعلم من حيدر الزين ده انك تقول رايك في الاعوج طاخ طالما خطر خاطر فيك بانه اعوج..
امشي شوف نفس البوست بتاع وهبة الى مالانهاية حتلقى الخامة بتاعة دفن الغباين هناك..
الخامة البتشبهك والتي تخشى من ان تقول رايها حين يقتضى الراي الجهر به..
وتنتظر الى ان تاتي فرصة يتدثرون براي الاخرين..
عالم ليس اقل مايمكن ان يوصفو به هو "يخص"
ومرة تانية وتالتة ورابعة بقول ليك ولي اخوانك المبارين شكرتك ديل..
قول البتحس بيهو بلا مؤاربة ..في زول داير منك شي هنا؟
الكلام ده انا قتو في صحبك وهبة وماهماني زول..
حينها تقافز العولاق ضدي..
والان يقوله حيدر الزين فيني وهانت تقفز مرة اخرى ضدي ..
فاين حد العولقة عندك..
قالو الانسان المقهور يخجل من ذاته...
افلا تخجل؟؟
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
دكين..
لمان سيرتك كانت تجي بين الأخوان المشتركين وغيرهم -يعلم الله- لا أذكرك بغير ما تحب، ولا بسمح لي زول يجيب سيرتك أو سيرة زول علاقتي بيهو طيبَّة بغير ما يحب ويرضى، ولكن يا دكين كونّك تجي from no where وتشتمنا من طرف، ساكت كده، وإنت على موقف خطأ، وداير الناس تبلّع كلامك وتمشيهو، ده كلام على الأقل أنا لا بسويهو ولا بقبلو، وحتى عبدالوهاب الإنت مسكت فيهو ده، إنت أخطأت في حقو، أبداً وهبة ما هبشَّك، هبشتو في المنبر هنا ومشيت لاحقتو في الفيس بووك، ولو في زول واحد في الجووطة دي يستحق درع " يخسي" تكون إنت بلا منازع، وأنا القدامك ده كنت دافِن ليك الخير، ولو كان عندي فيك رأي غير ذلك كان جيتك ودشرتو ليك بدون حتى مناسبَّة، وأرجع لتاريخ تداخلي معاك من ما أنا جيت المنبر؛ ولكن now ما دافِن ليك لا خير ولا شر، ورأي الدُُرتّ أقولو وصلتو ليك في كل البوستات.. وكلامي الفوق في حق حيدر الزين لا علاقة له البته بما كتبه عنك، just FYI..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: Yassir Tayfour)
|
| Quote: تصور يامسلمي بغض النظر عن عدم احترامي لي حيدر الزين بس هو يظل واضحا اكثر منك وعندو الشجاعة لقول مايريد.. |
كلام فى محلو يادكين ,,
يامسلمى طالما عجبتك مداخلات حيدر الزين
الموجهه لدكين وإستمتعت بها وطربت لها
كان يمكنك أن تكون شجاعا مثل حيدر وتعنون
بوستك كالتالى ( النصيحه عجبنى وسر بالى ( معط ) حيدر الزين لدكين )
وكدا تكون ثبت رأيك الذى حاولت إبرازه بالوكاله .
دكين ماقاعد فى السهله ,, إذا الشغلانه بقت شلليات
فأنا من شلة دكين ومعى آخرون ,, أظنهم فى الطريق ,,
ويلا خلونا نقلب المنبر شلتى وشلتك .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: كمال سالم)
|
سلام ..
عزيزنا كمال سالم دكين قال :
| Quote: تصور يامسلمي بغض النظر عن عدم احترامي لي حيدر الزين بس هو يظل واضحا اكثر منك وعندو الشجاعة لقول مايريد.. |
وانت قلت تعليقاً على العبارة :
| Quote: كلام فى محلو يادكين ,, |
بغض النظر عما يحاول دكين تلوين عبارته اعلاه باستخدام المحسنات البديعية .. بتبقي ريحة عدم الاحترام لشخص لا يعرفه الا عبر الاثير الاسفيري دا فايحة منها .. ودا فقط اني قلت ليهو راي المحدد
في ثقالتو وبياختو .. إنك انت يا كمال سالم توافقو على عدم الاحترام ( وتغض النظر ) بيبقي مفروض اسالك هل عشان هو شلتك بتحترم من يحترمو وتًسُقط من يسقط في نظره ..؟!
بعدين اعرف يا كمال سالم ماعندي شلة بالبورد دا ووهبة والسيد المسلمي نفسه لاعرفه معرفة شخصية بل ولا اظن اننا تداخلنا مجرد مداخلة مع بعض هنا في عمري القصير بالبورد وأستغربت ان يفتح بوست معنون باسمي ولكن هو رأي احترمني فيه والكثير من الاخوة اعلاه بعضهم بالنسبة لي أضعه استاذ اقرا له واستفيد وبعضهم تقاطعت معه في العديد من البوستات واخذت كلامهم على محمل التقدير الذي اكنه لهم بظهر غيب والقلوب شواهد واشكر جميع من كتب عبارة لطيفة بحقي هنا لكن بيبقي مداخلتك يا كمال سالم وهي الموضحة تماما حسّ الشلليات هي ما استوقفتني صراحة ..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: كمال علي الزين)
|
الاخ كمال علي الزين ..
Quote: العزيز / حيدر
يبدو إنو البوست ده ورطة كبيرة ..
كمال سالم رجل عاقل ومتزن ولايمكن أن يقصد التغدي عليك لمجرد نصرة صديق
لكن مداخلة الأخ المسلمي رقم (2) خرجت عن سياق الاحتفاء بك كرجل نحبه ونحترمه
إلا الغوص في صراع في بوست آخر أظنه أبتدأ في الفاس بوك (على قول غريبة) |
الاخ كمال لك الحق في أن تغير موقفك أو تغير وجهة نظرك أو تعيد حساباتك متي ماشئت ،،
ولكن أن تفسر نوايا الأخرين فهو ماجانبك فيه الصواب ،
هذا البوست ياعزيزي هو ليس ماذهبت إليه أخيراً وليس بورطة أو إستغلال لإسم زميل لتصفية حسابات أخري ..
Quote: وكمال إستفزه فخ الأخ المسلمي الذي أوقعنا فيه جميعاً..
فلا يتسق الإحتفاء برجل كريم مثلك ربطاً بإستعداء أخ كريم آخر هو (دكين)
فالخلافات هنا تظل (سوء تفاهم) وتنقشع بعد زوال الغضب ... |
وضحت في مداخلة سابقة إن ذكر الأخ دكين ماجاء إلا لضرب مثال عن موقف شجاع من زميل محترم ،
وكان ممكن أجيب أمثلة كتيره لمواقف مشابهه لكن وجدت في بوست دكين مثالاً واحداً فاكفاني عن الأمثلة الأخري .
لك وللزميل حيدر الزين كل الإحترام .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: كمال سالم)
|
Quote: يامسلمى طالما عجبتك مداخلات حيدر الزين
الموجهه لدكين وإستمتعت بها وطربت لها
كان يمكنك أن تكون شجاعا مثل حيدر وتعنون
بوستك كالتالى ( النصيحه عجبنى وسر بالى ( معط ) حيدر الزين لدكين )
وكدا تكون ثبت رأيك الذى حاولت إبرازه بالوكاله .
دكين ماقاعد فى السهله ,, إذا الشغلانه بقت شلليات
فأنا من شلة دكين ومعى آخرون ,, أظنهم فى الطريق ,,
ويلا خلونا نقلب المنبر شلتى وشلتك . |
الأخ كمال سالم تحياتي ..
اقول ليك حاجة أنا قلتها في البوست دا فوق وبرضو بعيدة تاني ...
هدف البوست دا الإشادة بمواقف زميل متواجد هنا وبكل إحترام ووضوح عبر عن رأيه ،
وبعدين الزميل دا مانكرة ... ولا أنا جبتو من عندي ... زول قاعد هنا ومتواجد في كل البوستات التي تتطلب رأي وموقف ونصيحة.
وأقول ليك حاجة تانية أنا مابدافع عن زول في شخصو عشان تقول لي شلليات وكلام من هذا القبيل ،
والبوست دا أنا وضحت فيهو إنو الزميل حيدر ليس له سابق معرفه بالأخ وهبة حتي يدافع عنه ... بل أعتقد أن وهبة في الأساس لايحتاج لمساعده .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
Quote: المداخلة التي اوردتها نقلا من بوست وهبة هي دلالة على سوء نية الطرح زي ماقال ليك حيدر حسن..
لاتعني سوى ان وهبة بهمك امرو.. |
مفروض تكون فهمت الحاصل يادكين !!
الأخ حيدر الزين لاتربطه أي علاقة بي عبدالوهاب علي الحاج لذا فما كتبه فهو من باب النصيحة ليس إلا ،،
ولاني متابع لكتاباته لم أستغرب عليه موقفه هذا ... لكنني قصدت من هذا البوست كيف يمكن أن تدافع عن ماتراهو صحيح من غير أي مؤثرات أخري .....
بمعني لو كانت المداخلة لياسر طيفور مثلاَ - ولعلمي بالعلاقة الحميمة بين ياسر ووهبة - لأعتبرت موقفه عبارة عن صاحبي وبقيف معاهو .....
أما وكانت المداخلة أعلاه صاحبها حيدر فإن الأمر هنا قد أختلف ،،
بعدين ياخ النوايا دي خليها لي ربها هو أعلم بها .
Quote: يامسلمي
اسلوبك في ايصال ماتريده عبر هذا الخيط دلالة على عجزك ..
خشيتك في انا تستطيع المجابهة..
فتمترست خلف مداخلة واهية لرجل لايدري مايقول..
انعكاس واضح لااحساسك تجاه مايهدد مظهرك الخارجي الهش..
احساسك الدايم بانك ممكن تفقد توازنك في طرحك تجاه رايك فيني..
استعضا عن ذلك بكلام حيدر الزين..وقتا احس اعملو درقتي... |
لغة جميلة جداً وكلام متناسق لكنه عبارة عن كلام خارم بارم ساكت !
البوست دا موضوعو مختلف عنك تماماً ،،
بوستيك بتاع وهبة ملا نهاية هو عندي كمثال فقط ... وفعلاً وصل الفهم لي كل المتابعين ،
يعني يامان القصة زي المثل البقول المجانين كتار لكن شقي الحال هو البقع في القيد .
الحديث هنا عن مواقف زميل له كل الإحترام وما جاء ذكرك إلا من باب المثال فقط .
Quote: قالو الانسان المقهور يخجل من ذاته...
افلا تخجل؟؟ |
كويس إنك ذكرت شرط عشان الواحد يخجل ،،
ويؤسفني أقول ليك لم ينطبق علي هذا الشرط .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
يا دكين :
ياخي وقت تحب تطول لسانك وتمارس هوايتك في الاساءة والبياخة خليك محترم لعقل القارئ ومحترم لشجاعتك نفسها وإنت تتكلم .. وكلامك زاتو خليهو موزون عشان يؤدي غرضه ..
فما ممكن إنسان يكون :
| Quote: فتمترست خلف مداخلة واهية لرجل لايدري مايقول.. |
وفي نفس اللحظة :
Quote: بغض النظر عن عدم احترامي لي حيدر الزين بس هو يظل واضحا اكثر منك وعندو الشجاعة لقول مايريد..
|
ثم :
Quote: احساسك الدايم بانك ممكن تفقد توازنك في طرحك تجاه رايك فيني..
استعضا عن ذلك بكلام حيدر الزين
|
فيا دكين يا اخانا في الله الإنتصار للذات ما عيب .. ومحاولة تلوين النضمي باستدرار عواطف الاصدقاء والشلل - ما عيب حسب ما تظن انت واصدقاؤك - لكن برضو ياخوي مفروض يكون الانتصار بشرف .. احترام للذات مش لواكة الكلام ساااي من اجل الكتابة ..
يعني ما ممكن يا دكين تجي تكتب انك ما بتحرتم حيدر دا وهو زول اهبل لا يدري ما يقول وفي نفس اللحظة واضح وشجاع وممكن يُستعاض بكلامه عند من يفقد القدرة على موازنة الطرح ..
دي ممكن نسميها هنا .. سمك .. لبن .. تمر هندي .. من اجل قول اي حاجة تخرجنا من الورطة ..
مع تحياتي له بشوف وهبة شرف البوست ..
أبقي اعمل صاين ان على الميل عشان تسحب الشغلة قريب زي الفاتت ..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: HAIDER ALZAIN)
|
Quote:
mutwakil toum أبداً ياحبيب ... الموضوع ساهل جداً تمشي تعمل بحث بإسم حيدر الزين،،
- دا طبعا بإفتراض إنك مامتابع المنبر - .... وتعال قول رأيك تاني ، |
الأخ المسلمي:
موضوع البوست مو موضوع نصيحة،
الموضوع تار:
لو موضوعك دغرية الزول ده (حيدر الزين) كان تجيب نماذج لي صراحتو،
لكنك اخترت مقطع في تقديري (شرّاني) وجد صدى في جواك في الحتة المحكر فيها دكين جواك،
أو كان تقول حيدر بقول النصيحة أكتر من دكين،،
و تجيب نصائح الأخ حيدر ونصائح دكين الباهتة. و هلم أحكم:
يا سيدي: أنت عبرت بجسر حيدر لتعبر عن عدائك مع دكين، العداء السايبري أمر طبيعي فأحيانا نكجن ناس في البورد ده بدون سبب، أنا شخصياً يوترني مين كدة الصايم داك و أحس أن عروقه يجري فيها الدم الأسود المتجمد. و لكن لن أنتظر خلافه مع مين كده ما عارف لأكتب عن شجاعة مين كدة ما عارف!
المسلمي: إنت استغليت حيدر you used him
لو كان حيدر كما وصفته فالأجدى أن يتصدى لك أنت قبل إدارة معارك لا دخل له فيها.
:
متوكل توم
أدفايزر:
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: mutwakil toum)
|
Quote: يا سيدي: أنت عبرت بجسر حيدر لتعبر عن عدائك مع دكين، العداء السايبري أمر طبيعي فأحيانا نكجن ناس في البورد ده بدون سبب، أنا شخصياً يوترني مين كدة الصايم داك و أحس أن عروقه يجري فيها الدم الأسود المتجمد. و لكن لن أنتظر خلافه مع مين كده ما عارف لأكتب عن شجاعة مين كدة ما عارف!
المسلمي: إنت استغليت حيدر you used him
لو كان حيدر كما وصفته فالأجدى أن يتصدى لك أنت قبل إدارة معارك لا دخل له فيها. |
متوكل توم ..
وجهة نظرك كلها مبنية علي إفتراضات خطاء .... قول لي كيف ؟
ليس بيني وبين دكين أي عداء مسبق أو معرفة مسبقة أو ود مسبق ،،
ودا الإفتراض الذي بنيت عليهو كلامك ... وممكن تحقق من صحتو لو حبيت .
يبقي كلامك الفوق دا كلو قاعد في السهلة ساكت ،،
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: حمد فتح الرحمن)
|
| Quote: وضحت في مداخلة سابقة إن ذكر الأخ دكين ماجاء إلا لضرب مثال عن موقف شجاع من زميل محترم |
يامسلمي غايتو الا تكون بتفترض الغباء في الناس اللي ابدت رأيها في ايرادك للاقتباس ده
يعني مالقيت لحيدر الا المداخلة دي عشان تعزز بيها رأيك
حيدر عندو رأي كويس في حاجات كثيرة تنفع الناس
وبالتأكيد لن اتدخل في قناعاتك او اجبرك على دعم رأي معين
لكن طالما فتحت نقاش ... حاول تكون موضوعي في ردودك شوية
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: حيدر حسن ميرغني)
|
Quote: يامسلمي غايتو الا تكون بتفترض الغباء في الناس اللي ابدت رأيها في ايرادك للاقتباس ده
يعني مالقيت لحيدر الا المداخلة دي عشان تعزز بيها رأيك |
الحبيب حيدر حسن ميرغني ...
ماعارف إنت شادي الموضوع بي إتجاهات تانية ليه ؟؟
غباء شنو ياحبيب لاسمح الله !!
المداخلة الأنا جبتها بتخدم فكرة البوست من ناحيتين ....
الناحية الأولي إنو دكين معروف عنو الحدة في الردود وزول دواس وبشوت القدامو ..
الناحية التانية وهبة زاتو مو زول هين ومعروف عنو المكاجرة والجرجرة وممكن يجرجر معاك للربع الخالي  ,,
أها دخول حيدر الزين وشايل نصيحتو بين الإتنين ديل ممكن أجيب لي مثال أقوي منو !؟؟
ـــــ
ولك كل الإحترام .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: حمد فتح الرحمن)
|
Quote: كلامك ما صاح في حتت انك ما قاصد دكين لذاته و حيدر الزين لو كان قوال نصيحة بالجد كان اتفق مع كلام حيدر حسن و متوكل توم لانه دا الكلام النجيض و الما مغتغت .
|
ياحبيب حمد فتح الرحمن ....الكلام النجيض أسالني منو أنا وبوريك ليهو ،،
كلامي القلتو كلو صاح بس كمان ما لازم الزم الناس إنهم يصدقوهو ،،
ــــ
شكرا للمرور .
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: بدر الدين اسحاق احمد)
|
تاني سلام مربع لحيدر الزين
ومازلت استغرب لموقف السيد حيدر مرغني ومتوكل توم
من حق اي زول في المنبر دا يقتبس ما يشاء ويلصقه حيثما يريد المشكلة شنو يعني ؟ ما فاهم والله
وبعدين بوست المسلمي دا ما اهم بوست في الصفحة الاولى دي هناك 100 بوست وعشرات المواضيع اهم وافيد يمكنكم الذهاب وترك المسلمي وشأنه
عالم غريبة
___
وبرضو شكرا يا مسلمي
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: بدر الدين اسحاق احمد)
|
..
.
حيدر الزين .. تشهد له كتاباته
ان رضى البعض او ضرب الاخر رأسه فى حائط البورد
شخص واضح وصريح ولا يخاف فى الحق لومه لائم..
ويعلم كيف يتقبل ماتأتى به صراحته ورأيه ..
وهذه شهادة لله
اما
ما تورده هنا يا متوكل توم
| Quote: أنا شخصياً يوترني مين كدة الصايم داك و أحس أن عروقه يجري فيها الدم الأسود المتجمد. |
لا تنه عن خلق وتأتى مثله ..
رميت كلاماً بان السيد المسلمى لم يوفق
فى الاختيار او مثال غير مناسب و_قد_ يكون رأيك صائبا
فى جو يشوبه التوتر والخلاف
وجاء ودعمك بقية _ الشباب*_ والشباب انسب
وصف فى الوقت الحالى ...حتى نجد تعبير يتماشى لاحقا
فما ذكرته كمثال ان كنت جادا او مازحا هو تماما ما نصحت به المسلمى
فقد استغليت طريقة واسلوب المسلمى الخطأ لتعبر الى ود الصايم
اما كان يجدر ايضا ان لا تستغل اشياء الاخرين لتقول ما بدواخلك
وتوصل بأن ود الصايم فى نظرك دمه تقيل .. ولا انا غلطان !!؟
هذا هو ما يسمى التخفى اراء الاخرين ..
______
والشباب هما حنين ( حيدر حسن ميرغنى- وحمدفتح الرحمن )
و لهما مبرراتها بلاشكـ !!
دى عشان ما يجى واحد يقول لى منو الشباب ديل ..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: Tabaldina)
|
المواقف المتباينة في هذا البوست تحيرك فعلا
البوست من المداخلة التانية وضح انو الغرض منو هو تمجيد شخصية حيدر لانو اورد في حقي كلاما يعتبره صاحب البوست مريحا له ..
ببقى الراجح من المداخلات البعديها انها حتاخد طابع تصفية غبائن اكثر من انها تاكيد للوصف في حق حيدر..
والنماذج توالت تباعا ولعل مزمل خيري كان خير النماذج..
الحصيف الذي يبتغى وجه التشكير لي حيدر قد لايرى انو ده المكان المناسب لذلك لانو فكرة المسلمي في اتخاذ المدح زريعة للذم بقت واضحة ولايغباها إلا غشيم او صاحب حاجة..
فحيدر الزين يمكن ان ُتفرد له بوستات شكرة تملا المنبر ولاتتحرى المطاعنة بهذا الشكل الفاضح في المطاعنة..
وربما انا يكفيني انو المسلمي يشكر حيدر لاحس بالرضى عنما كتبت وعن مانقله المسلمي في دسم الشكرة الداسي فيها سمو ..
ومع انو احساسي بالرضى ده حاولت اقمعو كون الاحساس بالرضى الناتج من فعائل بني ادم بهذه الصفة التي لاتسر (اعني صفة الجبن والمواجهة المستترة) هو احساس ايضا لايسر..
ساقني الى ايراد هذه المقدمة انه ساءني (من سوء إن كانت تكتب هكذا) من هذا البوست واضح المعالم موقفان:
موقف اخونا هارون دياب وموقف اخونا كمال الزين ..
موقفهم من هذه التحايا والمحبات التي بذلوها هكذا والقياها على حيدر في بوست مسحوب سلفاً من تحتو بساط صدق الطرح..
ساءني كوني احسستُ ببعض الغبن والغرر تجاه علاقتي معاهم والتي احسبها طيبة..
ساءني انهم لم يتحروا شعوري في بوست اتجاهو كان واصح من البداية..
يعني ياخوان انا لاامنعكم من انكم تحيوا حيدر حيدر حيث ثقفتموه..
تحبوه هو والمسلمي ووهبة ذاتو ان شئتم وتبذلو لهم من مؤنة ودكم ماشئتم من مشاعر ..
بس ياخي الم تجدو مكانا اخر للشكرة غير ُمـذبحي هذا..
لاترون ان هذا الامر قدر يرمي حجرا في بحر ودي الساكن تجاهكم..
هل تروني اسي اليكم في قصد او في غير قصدِ؟!!
ام ان عسل تسامحي وودي المبذول تجاهكم قررتم لحسه حتى النهاية؟!!
ُحب حيدر في دروب هذا الخيط المسي المُبتدر بالشماتة فيني هو امر غير لطيف في حق معرفتنا..
ممكن ياخي تلقى ليك حتت تانية لي حيدر ده تشكرو فيها..
وحتت اخرى للمسلمي تشكرو فيها.. بل وحتت حتى لوهبة العجيب..
إعلان هذه الشكرة هكذا بكل سخاء في معرض نبذتى امر يجعلني اطلب الصدق في رايك فيني..
ولا أأمل ان يكون ردكم من شاكلة
"انا بحترمك وبحترم وهبة وبحترم المسلمي وماعارف الشيطان دخل بينكم "وعبارات ترمي بحقائق الحاجات في دروب الغيب والعجز عن التعبير..
دي عبارات هشة لاتعبر عن دواخل بني ادم طبيعي .. بني ادم مغيب حاجات جواهو ولايدرى اين نفسه من نظام الاشياء بالذات لامن يجي في معرض مناقرات تتضح الامور فيها جليةً ..
والذي يحترم شخصا يجب ان يجد تبريرا مناسبا لهذا الاحترام ..حتى ولو كان مناسبا له فقط دون الاخرين..
واستصحبو في ردكم - لو حتردوا - مداخلة المسلمي التي اورد فيها الكوت..
ثم ارشدوني ماذا افعل في علاقتي معكم؟؟
وتقبلو دهشتي وسلامي
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
(*)
الأخ /دكين ..
معاك الحق تماماً وعداك العيب ..
ومدين ليك بإعتذار , (ربما لا تصدق)
أن من نبهني لأمر المداخلة هذه هو الأخ كمال سالم
لأنني وبصراحة وصدق لم أقرأها وهذا خطأ أيضاً ..
قرأت كلمات بحق أخ عزيز هو حيدر وأتيت مرحباً بها وبه
ولولا تنيه كمال لما أكتشفت هذا الفخ ولفاتني حتى أن أعود .. معتذراً
وهذا حقك ..
إتنين :
بعد أن نبهني كمال حاولت تعديل المداخلة رغم أنها لا تمسك مباشرة
وأعدتها كماهي حتى أبين للناس ما وقعنا فيه من فخ ..
ستجد تحتها عدل وهي لم تعدل ..
وأنبت نفسي كثيراً حتى أنني فكرت في فتح بوست إعتذار منفصل ..
لك عن الأمر برمته ..
ولك العتبى فقد أخطأنا بحقك ولا أنكر ..
______________________________-
أما عن راي فيك فكتبتو في البوست التاني
وكان عندي راي غيرو أنا بالذات مابدسو
ودي مشكلتي العاوز أتجاوزا ومأزمة حياتي زاتو
):
محبتي ..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: وليد محمد المبارك)
|
| Quote: .. بني ادم مغيب حاجات جواهو |
أخواني, وأهلي ... تحية لكم وإحترام...
ليس لدي أدنى شك أن الجميل المغيب في دواخلكم
تنوء بحمله إبل الصحارى, وأن الذي ورد في هذا
البوست لايمت لنفوسكم الخيرة الطيبة بشئ, إنما
هو رجس من عمل الشيطان أتى به ليزرع الفرقة,
والشتات بينكم, فأغسلوا درنه بنقاء نفوسكم
التي لا تعرف الدغائن دروبها, وتعالوا بجمال
نفوسكم الصافية أفردوا أجنحة المودة, والوئام, والأخوة,
والتصافي, والنحمل معنا كل هذه المعاني السامية
الجميلة ونلحق بركب المسلمي, ومحمد الأمين محمد,
وإنعام حيمورة...
لكم مني كامل المحبة, والتقدير, راجيا أن تستجيبوا
لجانب الخير الذي هو الأصل في دواخلكم...
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: HAIDER ALZAIN)
|
Quote: لكن حقيقة اقولها لك كما قال بعض الاخوة اعلاه ياريت لو رايك الايجابي دا كان جبت فيهو امثلة من بوستات متنوعة لو كان لي شرف قول كلمة الحق فهنا كان بوستك سبعد عن الشخصنة وانه موضح للنيل من شخصية بعينها واربأ بنفسي ان اكون سبب او موضوع للحط من قيمة احد ..
|
أحييك ..لأن المسلمي بهذا البوست الفتنة ..أوقع بينك وبين دكين أو كاد ..ورأيك الذي تفضلت به في بوست الأخ دكين ..وهبة ما لا نهاية[/B] ..قرأه دكين ..وأعتبره رأي وهذا من حقك وإنتهى ..لكن عندما إفترع المسلمي ..من هذا الراي بوست ..في ظاهره الإشادة بحقانية حيدر الزين في الطرح ..وفي باطنه النيل من الأخ: دكين ..يكون كمن أيقظ الفنتة وهي نائمة.. كان يمكن للمسلمي أن يفتح بوست يشيد فيه بكتابات الأخ حيدر وشجاعته في قول الحق ..دون ذكر أمثلة حتى ..ويشير إلى الأرشيف لمن أراد التأكد من ذلك ..وأيضا إذاً كان له رأي في الأخ دكين ..عليه أن يوجه بوست شجاع بإسم دكين ..كما فعلها دكين مع وهبة ..دون غتغتة ودسدسة ..
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: DKEEN)
|
السلام عليكم
توضيح موقف ...
أولاً أود أن أقول أني ليس لي سابق معرفة عميقة بأي من الاطراف التي تداخلت في هذا البوست..
وأنا موقن تماماً بأن هناك من هم مثلي دخلوا بحسن نية..لكتابة مداخلة ما تعبيراً عن زميل كتب اسمه في عنوان ورأوا أنه يستحق ..وأقول أنهم ساذجين كما سذاجتي أنا "البرلوم" لأنهم لم يحسبوها جيداً
وأنا موقن أنهم قد ركبتهم الدهشة كما ركبتني وأنا أقرأ مداخلة الزميل دكين هنا..وأنا من الذين تداخلوا حمداً للأخ حيدر الزين عنوان البوست...
Quote: الجوك هنا ديل ليسو من من تقلقني شهاداتهم ..وليسو من من يسعدني ان اختلف معهم..
عادي
اعلم بصورة واضحة انو البورد ده اغلبو عبارة عن طرور بسوق طرور اخر قدامو..
عالمين شغالة لواكة في الخلق وونسة صوالين ..
عالم لاتستحي ان تشكرك قدامك ثم تلوك اسمك حين تغيب عن ناظريهم.. |
نحن قوم "ونسة" و"قصة" مالنا و"المشاكل"
وحتى مداخلاتي أكتب معظمها تحت جهاز التكييف وأنا أرتدي سماعات تنساب معها إحدى أغنيات سيلين ديون أو ويتني أو ياني!!
كان يمكنني ببساطة أعزائي أن أقع لشدة سذاجتي في نفس خطأ الأخ السيد المسلمي الفادح بأن أورد أمثلة نالت أعجابي في كتابة حيدر الزين..تعزيزاً لما كتبته عن أنه صادق وحكيم وأنه من نوعية من يقول ما في قلبه بدون مواربة ، مثلاً أن أقول أنه أدار بوست مع صبري الشريف عن موضوع ملئ بالألغام باحترافية يحسد عليها ، وأقول أنه في بوست للزميل هشام آدم خالف هشام آدم وخالفني في نفس الوقت برغم اختلافي الشديد مع هشام آدم وبنفس الحماس في نقطتين كلاهما اتضح صحتهما ، ثم في بوست للزميل عمار نجم الدين وقف معه حول خبر أورده ثم ما لبث أن اختلف معه حينما داخله شك في الرواية وأصبح في صف واحد مع من يختلف معهم أصلاً ولكن إلى حين فقط..والامثلة كثيرة لذلك قلت بين قوسين في مشاركتي (من متابعة طويلة) ، ولكن هل إذا كنت قد أوردت أي أمثلة هل كنت سأكون في صدام مع الزميل عمار نجم الدين أو هشام آدم أو أي أحد كتبت اسمه..
على كل حال وتوضيحاً أكثر لموقف أحد المشاركين "الطرور" وهو أنا..
* ليس لي سابق معرفة سابقة بأي من الاطراف.
* السيد المسلمي بوسته موفق عن حيدر الزين ولكن أخطأ في مثاله.
* كانت هناك حسن نية من ناحيتي لدرجة السذاجة.
* لا يعنيني ولا يعني أكثرنا هنا حروب لا ناقة لهم فيها ولا جمل.
* حيدر الزين زول بستاهل.
أخيراً لو حدث أن قرأ الاستاذ دكين هذه المداخلة فإني أقول له أني أحد الأعضاء الجدد الذين طالما أعجبوا بكتابات شخصكم الكريم وكل معرفتي به هو مكتبته الغنية بالمعادن الثمينة والكتابة الجميلة. فتقبل تحياتي.
_______________________________
حيدر الزين لو مررت من هنا..
هل تعرف أني تفاجأت أيما مفاجأة بالامس بعد كتابة مداخلتي بأنك كتبت بوست منفصل عن أحد بوستاتي الأخيرة ، والله لم أره إلا بعد تحيتي لك هنا (ولا أقول شهادة) فدوننا ما تكتب أنت فقط.
دمتم
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: محمد يوسف الزين)
|
| Quote: السيد المسلمي فتح بوست والله اعلم بما في القلوب فأقول له شكري واحترامي لك وربنا يخلينا عند حسن ظنك لكن حقيقة اقولها لك كما قال بعض الاخوة اعلاه ياريت لو رايك الايجابي دا كان جبت فيهو امثلة من بوستات متنوعة لو كان لي شرف قول كلمة الحق فهنا كان بوستك سبعد عن الشخصنة وانه موضح للنيل من شخصية بعينها واربأ بنفسي ان اكون سبب او موضوع للحط من قيمة احد .. |
العزيز حيدر الزين
لقد كسبت رهاني فيك بالمقتبس أعلاه
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: Tabaldina)
|
| Quote: السيد المسلمي فتح بوست والله اعلم بما في القلوب فأقول له شكري واحترامي لك وربنا يخلينا عند حسن ظنك لكن حقيقة اقولها لك كما قال بعض الاخوة اعلاه ياريت لو رايك الايجابي دا كان جبت فيهو امثلة من بوستات متنوعة لو كان لي شرف قول كلمة الحق فهنا كان بوستك سبعد عن الشخصنة وانه موضح للنيل من شخصية بعينها واربأ بنفسي ان اكون سبب او موضوع للحط من قيمة احد |
بارك الله فيك
هذا مارميت له من اول مداخلة
واستعصى على المسلمى فهمه
لا الخلاف بين الاخوان وهبة ودكين كان شغلي الشاغل
ولا مصداقية حيدر كانت موضع تساؤلي
| |
|
|
|
|
|
|
|
|
|
Re: النصـيحة تجـدونها عند HAIDER ALZAIN له الف تحية ،، (Re: محمد يوسف الزين)
|
الشكر موصول للذين تفهمو الامر من زاويةالوضوح التي لاتحتاج الى كثير عناء
بما فيهم حيدر الزين نفسو
ولا الوموا واسعدني انو ختا فيني راي واضح مريح..
الاخوان كمال سالم ومتوكل توم اهديهم صراحتي في زمان القيح هذا..
كمال الزين
شكرا على الاعتذار الكبير وهذا الوضوح ..
ربما تحاملت قليلا في ماذكرت ..بس لانو عشمي في وضوحك كان قدر ايضاحك..
وشكرا على العيزومة السمحة المرقت من بين يدي لا ايدي لا كراعي..
البت ريهان
Quote: كل كتابات الزميل حيدر الزين القريتها احترمها وتعجبني الا مداخلاته في بوست الزميل دكين لم احترمها ولم تعجبني..
وله خالص الاحترام ول دكين مثلها .. |
لو مرقتا بيك انتي بس انا ماخسران..
| |
|
|
|
|
|
|
| |
osman righeem
حمور زيادة
HAIDER ALZAIN
احمد محمد بشير
كمال علي الزين
Yassir Tayfour
ادريس خليفة علم الهدي
محمد عبد الماجد الصايم
صلاح أبودية
محمد يوسف الزين
مزمل خيرى
بدر الدين اسحاق احمد
ود محجوب
الشامي الحبر عبدالوهاب
صلاح ليون
حيدر حسن ميرغني
haroon diyab
كمال سالم
عبدالوهاب علي الحاج
حمد فتح الرحمن
ريهان الريح الشاذلي
omer osman
معاوية المدير
بشير جبريل علي
Shams eldin Alsanosi
فيصل نوبي
حذيفه ابراهيم الكباشي
فيس بوك
تويتر
انستقرام
يوتيوب
بنتيريست