|
Re: عزومة مراكبية يا مني خوجلي (Re: yasir Abdelgadir)
|
Quote: وتيب
ماهدي عزومة المراكبية ذاتها
السنة دي الظاهر انشغلت بالاولاد
الله لينا اناو اية
مايهمك يا اية
كل سنة البوستات قبل شهر تتطاقش
كل سنةوانتي طيبة ليك علي عزومةمدنكلة |
شوفت حبوبة مني بقت كيف؟؟ عيد ميلاد بتها الوحيده ما احتفلت بيه.. قمت بس الصباح بوستها وقلت ليها كل سنة وانت كيبة.. وبعدين استهبلت شويه وقلت ليها عازماك بره.. واخترت مطعم للعزومه وانا اعلم علم اليقين انها ما هاتقدر تمشي..
تمشي كيف ويوسف عمره 3 شهور ومعتبرها بقرته التي ترضعه طوال اليوم؟؟ حبيبتي حننتني والله..
قالت لي بأدبها ورقتها ومسكنتها ديك.. شكرا ياماما علي العزومه..لكن ما بقدر علشان يوسف بيرضع.. وذاتو لازم أخلص كتابة الاساينمنت بتاعتي!
يا حليل العيد ميلادات والاحتفالات! انا قبل عيد ميلادي بتلاته شهور بيجيني اكتئاب.. بس بمثل علي نفسي.. في الاعياد وفي عيد ميلادي بكتب كروت لنفسي وارسلها علي عنواني تصلني يوم العيد.. اها..بخت الكرت قدامي واصله آيه بتكون محضرة ليها كيك وخلاص..
لكن آيه مرات بتخرب لي مزاجي دون ما تقصد.. بعد الاحتفال البسيط تسألني..
أها مشاريعك شنو للمستقبل؟؟
مستقبل شنو ومستقبل منو؟!!!! تعال يا ياسين ولدي أدني موية من الزير!
عامل عزومتك المدنكلة المستهبله دي.. أسه ليك اربع سنين عازمني!
|
|
|
|
|
|
|
العنوان |
الكاتب |
Date |
عزومة مراكبية يا مني خوجلي | yasir Abdelgadir | 07-16-09, 01:41 AM |
Re: عزومة مراكبية يا مني خوجلي | Muna Khugali | 07-16-09, 10:20 AM |
Re: عزومة مراكبية يا مني خوجلي | yasir Abdelgadir | 07-16-09, 05:05 PM |
Re: عزومة مراكبية يا مني خوجلي | Muna Khugali | 07-16-09, 09:25 PM |
Re: عزومة مراكبية يا مني خوجلي | yasir Abdelgadir | 07-16-09, 09:40 PM |
Re: عزومة مراكبية يا مني خوجلي | Muna Khugali | 07-16-09, 11:09 PM |
Re: عزومة مراكبية يا مني خوجلي | yasir Abdelgadir | 07-17-09, 00:46 AM |
Re: عزومة مراكبية يا مني خوجلي | Muna Khugali | 07-18-09, 08:46 PM |
Re: عزومة مراكبية يا مني خوجلي | yasir Abdelgadir | 07-19-09, 04:14 AM |
Re: عزومة مراكبية يا مني خوجلي | Muna Khugali | 07-19-09, 03:14 PM |
Re: عزومة مراكبية يا مني خوجلي | yasir Abdelgadir | 07-19-09, 05:25 PM |
|
|
|