|
Re: رابطة ابناء النيل الأزرق بأمريكا تدعوكم لإجتماع هام غدا السبت 2009/11/ (Re: Mohamed Yassin Khalifa)
|
.. شوف يا كوستا انا عضو في الرابطة دي بالاصالة و الإنتماء و لازم تعمل لي تزكية سريعة
- سوق الكرمك لعبنا فيهو من زمن الجهل .. خاصة قدام دكان ابراهيم دوكة و الخواجة الإغريقي كوكارس - الوازا برطعنا فيها في منطقة الأنادي التحت جبل الرادوك بصحبة العم حسن إتنين و نحن اطفال يُفع - خور دول قطعناهو وصولا للبر الحبشي ، حيث قزآيين ضابط المجلس الاثيوبي - خور احمر لوارينا حتلت فيهو بالايام .. ونحن في طريق العودة لامدرمان آناء فصل الخريف - خور يابوس برضو قطعناهو و ركبنا التلفريك القديم بتاع الإنجليز ايام صراعم مع التليان - الكيلك، و بنزقة و شالي ما بين الكرمك و الرصيرص، كلها حافظنها قطية قطية - كوير نصطاد، جداد وادي نصطاد، دهب نلم و ننضف في فصل الخريف و نبيع لعم حمزة وعم ابوسن بتاعين تجمير الدهب .. و كمان نشاغل أجا الإنقسناوي و نفك البريق
* لا يزال دكان و بيت الوالد موجود في الكرمك عُهدة و امانة لدى الحركة الشعبية شوف لينا حل للموضوع دا يا كوستا قبال ما الوالدة ترفع قضية ضدنا و ضد الحركة الشعبية المجد للمابان، و الدوآلا، و القُمز، و الإنقسنا، و البرون .. المجد لشعوب السودان الاصيلة القديمة
|
|
|
|
|
|