كتب الكاتب الفاتح جبرا المتوفرة بمعرض الدوحة
|
Re: رايات الثقافه السودانيه فى قلب بروكسل جاليات-فلكلور -فن- ابداع( صور مدهشه ) (Re: Sidgi mattar)
|
تحياتى اخ صدقى مجهود جميل شديد والسودان وشعب السودان مليانين ابداع وحقيقى القمتو بيهو ده عمل لايقدر دايما العلاقه السويه والمتوزانه بتبدا من القاعدة للقمة ولانو التراث والثقافة والفنون هى مفتاح التعريف للشعوب الاخرى عن السودان وشعب السودان ده بيكون الطريق الصحيح لعلاقات متوزانه ومفتاح السودان للدول الغربية عن طريق الشعوب .. تسلم يارب وشكرا على اشراكنا فى الجمال ده وتحياتى لكل الشاركو فى هذا الجمال ....
| |
|
|
|
|
|
|
Re: رايات الثقافه السودانيه فى قلب بروكسل جاليات-فلكلور -فن- ابداع( صور مدهشه ) (Re: حمزه بابكر الكوبي)
|
الأستاذ صدقى مطار..
سلام وتحايا لهذا البوست الاحتفالى التوثيقي....
والتحيه خاصة للمجهود الجبار فى تصوير كل فعاليات الاحتفال ونقلنا جوا الى قلب الحدث....
وتحيه عميقه لكم وانتم تحاولون ان تخلقوا بعض السكينه فى نفوس عذبها الغربه وتحاولون نقل عبق الوطن الى خارج الحدود فى اطار سعينا المتواصل الى العالميه.......
وعجبت كثيرا لعدد من المظاهر التى استفزتنى لدخول هذا البوست بدلا عن تصفحه اعجابا بالماده المصوره فقط...وأحببت أن أشاركك تعجبي....
..جميلة هى هاجر كباشي وجميل ايقاعها السودانى الأصيل مع بعض الحداثه.... ولا تمتلك إلا أن تتمايل طربا لصوتها القوى .... لكن ما غريبه انو نفس خبازى المشروع الحضاري الاسلاموي الفاسد وممثلي حكومة الانقاذ والمؤتمر الوطنى...زبانية النظام من كرار التهامى والسفير وجوقة الكيزان الراقصه دى كلها يكونو فى قمة الهجيج والسكسكه مع هاجر كباشي فى حين ان نظامهم الذين يمثلونه... يحاكم لبنى بتهمة اللبس الفاضح؟؟ويجلد عشرات الفتيات يوميا بتهمة التجنى على الاداب العامه والشريعه؟؟ ياخى دى صور مقلوبه...... لا أحاول حجر حق أي انسان فى الفرحه والتعبير عنها بما يراه مناسبا وكيفما يتفق مع ثقافته ومعطيات الزمان والمكان...بل كيفما يتفق مع مزاجه....لكن بالمقابل....لا يمكن أن ابتلع حنظل النفاق والتناقض ولا يروقنى علقم الكذب والخداع ...
....وربما ..فى بروكسل تسقط الأقنعه...والأحجبه!!...
....ثم... ...قصة التراث ورقصة العروس دى دايما تهيج فى شجونا كنت أبلعها.... فما أن يأتى ذكر الثقافه السودانيه والتراث حتى تلوح فى الأفق دلوكه وجدله وحنه ودخان وكده.... وكأن ثقافتنا السودانيه كلها اختزلت فى تلك الجزئيات..... فالصراع المتفرد فى مسألة الهوية السودانيه...والقوميات باختلاف تاريخها...والإرث الحضارى الطويل من الكنداكات ومهيره بت عبود ونساء دارفور والنيل الأزرق كونهم عماد الانتاج وأساس الاقتصاد ونضالات المرأه السودانيه من اجل حقوقها المدنيه والدستوريه و...و....وطبعا لا ضير من اختلاف القوميات باختلاف اللوان والسحنات واللهجات والرقصات والموسيقي ومعانى الرقصات المختلفه.....ده كلو إرث....بس الناس دايما جاريه لرقصة العروس...... زاتها رقصة العروس بشكلها ده لا تراث لا شي...وليس كل ماهو عاده وتقليد فى السودان يستحق التمجيد والتطبيل والفخر بل مثلنا مثل كل الشعوب...لنا ما يميزنا...ومنه الصالح والآخر الطالح!!.....
...ثم.... مهرجان الثقافه السودانيه ببروكسل.... لم أري صور الكتب والكتاب الأدباء السودانيين ....والتشكيليين وألوانهم بمزيج الثقافات الرائع.... للثقافة أوجه عديده...مهرجان بتلك الضخامه والصرف المادى الواضح والفخامه التى لا تخفى أتوقع انو قدر يبرز جانب كبير من "ثقافتنا"!!!
...ثم... والقول كثير...ولى عوده
والى حينها...تقبل احترامى
| |
|
|
|
|
|
|
Re: رايات الثقافه السودانيه فى قلب بروكسل جاليات-فلكلور -فن- ابداع( صور مدهشه ) (Re: حمزه بابكر الكوبي)
|
كرم الضيافه السوداني في انتويرب .
عند وصول الوفد الي مدينة انتويرب (ANTWERPEN) (التي تعتبر المدينه الثانيه في بلجيكا من حيث الاهميه بعد بروكسل وتعتبر احد اهم المواني في اوربا الغربيه قاطبه ) في صبيحة يوم الاثنين 6 يوليو قام نفر كريم من افراد الجاليه السودانيه بتلك المدينه باستقبالهم وطافوا بهم علي المعالم السياحيه بالمدينه وبعدها توجهوا الي صالة الحفل واخذوا قسطا من الراحه وتناولوا وجبة الغداء وبعدها بدأوا في التجهيز للحفل . وقد شكر الوفد الجاليه بانتويرب للحفاوه والكرم الذي وجدوه من الاصاله السودانيه . وسوف تأتيكم صور المهرجان بانتويرب تباعا .
| |
|
|
|
|
|
|
| |