|
Re: أسال سؤال محرج ... وورط اللي بعدك ...... (Re: فيصل نوبي)
|
Quote: عزاز شامى
سعدقشرة ولا سعدكين؟؟؟؟؟؟؟ |
سليكون،
معليش حأعزف نشاز بره rhythm البوست ...
حياتي الشخصية ما سؤال واجب في باب الاحتمالات للصف التاسع يحلوه 42 طالب وقت الفسحة
أي نعم انا عندي جنونة،
بس ما ممكن أطرح حياتي السخسية في مزاد في لعبة truth or dare ...
وعليه،
سعد قشرة معناها سعد قشرة!
فكرك غالبني أنا اكتب سعدكين؟؟؟؟؟؟
غايتو!
| |
|
|
|
|
|
|
Re: أسال سؤال محرج ... وورط اللي بعدك ...... (Re: فيصل نوبي)
|
سمعة هوووووووووس ساعدونا بالالفاظ ياخونا ما تشطحو شديد كده بلقيسو قالت كلام خطير
Quote: قبل فترة كنا بنتكلم انا وإسماعيل حميم في المسألة دي وقصة الذي عنده علم من الكتاب هل هو انسي ام جن ؟ خصوصا ان العلم الحديث اوجد إمكانية ان لا يكون ذلك سحر ، وذلك عن طريق تحويل المادة إلى طاقة والعكس حسب المعادلة المعروفة وطالما دا ممكن علميا وإذا تمكن الإنسان في يوم من الأيام من التحويل بين المادة والطاقة بسهولة حاتحصل حاجة مامتخيلة حاليا مثل انك ترسل بيتكم قدامك السودان خلال دقائق معدودة ولا كان نويت تمشي امريكا والسبب زي ماقالوا وبعد نحول المادة إلى طاقة ، يمكن ان نرسل الطاقة بسرعة الضوء على على شكل موجات إلى أي مكان نريد ثم نعود فنحولها إلى مادة .. |
و سألتني بتفكر في شنو ؟
يا ملكة بفكر احولكـ الي طاقة حاليا .. بس عشان أسوي بيها شنو دي خليها ساي
سؤال الي جميع من مر و سوف يمر من هنا ..
اذا كان عندكـ المقدرة علي تحويل المادة الي طاقة ح تعمل شنو ؟
| |
|
|
|
|
|
|
Re: أسال سؤال محرج ... وورط اللي بعدك ...... (Re: فيصل نوبي)
|
والله لو في زول قدر احقق كلامكم ده بلدنا حتبقى فووووووق لانو السودان ملان طاقات تخيل الطاقة الحتتولد من الطاقات الموجودة في بيوتنا كل بيت في السودان موجودة فيه زي اربعة طاقات اضربه في مليون بيت شوف عدد الطاقات العندنا ممكن تولد كم طاقة؟؟
| |
|
|
|
|
|
|
Re: أسال سؤال محرج ... وورط اللي بعدك ...... (Re: فيصل نوبي)
|
لا منورين بدون اي تحويلات
حاول استفيد دي من الفكرة في حاجات مادية ليها معنى
بيت .. عربية .. مدينة .. كدا يعني
مازال السؤال :
Quote: اذا كان عندكـ المقدرة علي تحويل المادة الي طاقة ح تعمل شنو ؟ |
يعني اذا اتحققت فكرة انو المادة تتحول لطاقة وترسل خلال موجات إلى أي مكان ثم تتحول إلى مادة مرة تانية وكلو في ظرف ثواني ..
| |
|
|
|
|
|
|
Re: أسال سؤال محرج ... وورط اللي بعدك ...... (Re: ملكة سبأ)
|
Quote: لا منورين بدون اي تحويلات
حاول استفيد دي من الفكرة في حاجات مادية ليها معنى
بيت .. عربية .. مدينة .. كدا يعني
مازال السؤال :
Quote: اذا كان عندكـ المقدرة علي تحويل المادة الي طاقة ح تعمل شنو ؟ |
يعني اذا اتحققت فكرة انو المادة تتحول لطاقة وترسل خلال موجات إلى أي مكان ثم تتحول إلى مادة مرة تانية وكلو في ظرف ثواني .. |
الكبكبة ليكـ شنو و عاملاهن اتنين بدل واحدة .. بنية أركزي
أحولكـ لي طاقة و بعد داكـ نتفاهم سمح
| |
|
|
|
|
|
|
Re: أسال سؤال محرج ... وورط اللي بعدك ...... (Re: فيصل نوبي)
|
محمدالسنى دفع الله ظااااااااااااااااطو
Quote: محمد سني ياهي محمد السني لانو ا ـ ل قمرية لاتنطق بالنهار ولو كتبتها او ما كتبتها المعنى واحد فاهم حاجة ولا محتاج لي سيليكون عشان اكبر ليك كلامي بالناسبة الأيام دي السليكون ظهر فيني بشكل واضح أعمل شنو ؟؟ |
شنو ياعمنا الجاب طارى السيليكون شنو هنا ؟؟؟
تحياتى ليك يا مبدع وشكرا لمدنى الجابت امثالك
| |
|
|
|
|
|
|
Re: أسال سؤال محرج ... وورط اللي بعدك ...... (Re: فيصل نوبي)
|
Quote: عمر الفاروق تكون لاقيت عوزاز لكن ما عارف انكـ لاقيتها ؟ |
تعرف يا نوبي انا البوردابيات ديل عندي زي طائر العنقاء حاجة كده من الخرافة طيلة حياتي المنبرية دي ما لاقيت بوردابية حقيقية وكلهم عندي عبارة عن إسم وكيبورد .. يعني أسة لو لاقتني واحدة إسمها الرضية ولابسة شبط كعب عالي ذهبي وتوب اخخخخخدر وشايلة شنطة بيضا وعاملة رقاش في وشها وقالت لي انا عزاز حا أصدق
عزاز إنتي عندك توب أخدر؟
| |
|
|
|
|
|
|
Re: أسال سؤال محرج ... وورط اللي بعدك ...... (Re: عمر الفاروق)
|
ود الفاروق نفس الشعور ده بينتابني لما اشوف اسم عبدالمنعم سليمان .. ما عارف ليه هسي سلمي دي بيكون توبها لونه شنو ؟ طُمطُم دي أصلا أشكـ في أنها زول واحد لانها وقن ما تعمل مداخلة تلقاها قاعدة بالتالي بيكون عندها تياب خُدُر
عبد المنعم انت عندك قميص أخددددددددددر ياخ انسي دينا دي و أشبكـ في اي واحد/ة تاني من المنبر بقت تزهج عديل كده كرهتها و كرهتنا ياخ
| |
|
|
|
|
|
|
Re: أسال سؤال محرج ... وورط اللي بعدك ...... (Re: عمر الفاروق)
|
Quote: يعني أسة لو لاقتني واحدة إسمها الرضية ولابسة شبط كعب عالي ذهبي وتوب اخخخخخدر وشايلة شنطة بيضا وعاملة رقاش في وشها وقالت لي انا عزاز حا أصدق |
تصدق تواااااالي و تسألها من الأولاد و راجلها اللي في المعاش
وكان تلاقينا يا عمر ما بخرب ليك رصة مستحيلاتك! و حيفضل ليك شنو تاني؟ إلا تحج بعد ده!
| |
|
|
|
|
|
|
Re: أسال سؤال محرج ... وورط اللي بعدك ...... (Re: فيصل نوبي)
|
salma subhi
Quote: قلت أرد عليك قبل ما أمشي بوستي........انت زعلان ليه كدة ؟؟؟ |
اقول الكلمة ماتاهت خلاص فى الظلمة واعاتب الليل ده ماليلك طويل ياسلمى
لما نوبى فتح البوست قال من دون زعليعنى الزعل مرفوع والعتب مرفوض ..
انا عاجباتنى قصصك بتاعات الخفيفات ديل .... والله يكتر مطاعم البيتزا والبيبسى الحجم العائلى ..
انتى الصورة الجديدة دى البت الخفيفة دى طايرة وين بجناحيها؟
| |
|
|
|
|
|
|
Re: أسال سؤال محرج ... وورط اللي بعدك ...... (Re: فيصل نوبي)
|
انتي جااادة جيتي هنا ؟ عرستي كم واحد لي هسي ؟ والدة من كم واحد منهم ؟ ضيعتي قروشكـ في كم شيلة ؟
انت ما قلت سؤال واحد هسه في ذمتك ديل كلهن سؤال واحد؟
ما جادة تلاتة وعلي الطلاق بالتلاتة والدة من واحد بس ما ضيعت قرش احمر واحد
اها وانت بتحب؟ بتحب من بلدكم ولا من بره البلد؟
ايمان
| |
|
|
|
|
|
|
Re: أسال سؤال محرج ... وورط اللي بعدك ...... (Re: إيمان صالح)
|
Quote: عاد يا الملكة ومحمد عثمان محمد طه محل ما اقبل الاقيكم قدامي اطير وين انا؟
|
already the princes is engaged and me married and our culture only one no chance for other sorry, next time I fetch 4u?
ok dont wory
Ur account How much?
| |
|
|
|
|
|
|
|