حاجة فيك - هاشم صديق حاجة فيك تقطع نفس خيل القصائد تشده أجراس المعابد توهتني تعبتني وجننتني..وجنت حرف الكلام وبرضو ادتني السلام حاجة في شرف المدائن وفي غرف كل السفائن وجوة في عمق المناجم والعيون حاجة زي ما تكون محلق في العواصف..فجأة تهبط في السكون حاجة زي نقر الاصابع لما ترتاح للموسيقى حاجة زي اخبار تناغم من جريدة حاجة زي وتر المواني لما يصدح لي سفينة حاجة فيك لا بتبتدي..لا بتنتهي..خلتني أرجع للقلم وأتحدى بالحروف الألم واضحك مع الزمن العريض وانسف متاريس الطريق واعرف متين ابقى المطر وافهم متين اصبح حريق حاجة فيك
========= منقولة من احد بوستات البورد ولا أذكر أسم البوست ولا صاحبه..فعفوا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة