|
|
 المـريخ والهـلال في الميزان .. بين خريبكـة وأم درمـان
|
يخوض المريـخ والهـلال مباريات الرد للتاهل لدور الثمانية
بطولة الكونفدرالية
نتائج الذهاب
المريخ ولوبوبو الكنغولي ( صفر/2 ) للفريق الكنغولي بالكنغو
الهلال وأوليمبك خريبكة التعادل ( صفر /صفر ) بام درمان
اليوم
يلعب الهلال الساعة السادسة والنصف بالمغرب
يلعب المريخ في تمام الساعة الثامنة بام درمان
ربنا يستر
|
|
 
|
|
|
|
|
|
|
 Re: المـريخ والهـلال في الميزان .. بين خريبكـة وأم درمـان (Re: ثابت محمد)
|
إنتهت مباراة الهلال وخريبكة ( 2/ 1 ) لصالح أوليمبك خريبكة المغربي
بذلك يودع الهلال البطولة
هاردلك الهلال والجايات اكتر من الرايحات
ده لو أصلاً في حاجة راحت من الهلال  
=====================================
ننتقل لمباراة المريخ ولوبوبو الكنغولي
الدقيقة ( 27 ) من الشوط الأول
ضربة جزاء لصالح المريخ
ينفذها اللاعب : فيصل العجب وهدف أول للمريخ
| |
|
|
|
|
|
|
|
|
|
Re: المـريخ والهـلال في الميزان .. بين خريبكـة وأم درمـان (Re: ثابت محمد)
|
رااكوبة الممتاز ده موضوعو منتهي
شايلنو من زماااااان لينا سبع نقاط
السنة دي بتحسم من الأسبوع الرابع
بس والله زعلت من المدرب محمد عمر
مفروض التغيير يكون عنتر مكان زولو ويرجع قلق يمين
يصبح الوسط عنتر والأمير وعلاء
غلطتو طلع صلاح الأمير وصلاح كان ممتاز
وبرضو لما دخل مهند مفروض يطلع زولو ويطلع قلق يمين
ويلعب بمهاجمين ميدو ومهند والعجب وراهم
بس تقول شنو ؟؟
نحن عناقلة سااكت بنقول كده
والله المريخ ده ما بنرضى ليهو .. الله كريم
| |
|
|
|
|
|
|
|
|
|
Re: المـريخ والهـلال خافي الميزان .. بين خريبكـة وأم درمـان (Re: ثابت محمد)
|
| Quote: الموجودين (بخربكوها) مع الجماعة ما تخاف |
راكوبة مستعجل مالك يااخوي... كنت عايز أشمت فيك لكني اثرت ان ابتعد عن الكورة من زمن و حزين لحال الكرة في عهد الديناصور الذي لم ينقرض ...اهو خربها وقعد علي تلها
بعدين ياخي اختشوا قروش الدولة كلها كبوها في ناديكم دا وبرضو بتطلعوا من الادوار الاولي وعلي ايدي فرق نكرة
اما عن الممتاز انا شخصيا بشوف انو مفروض الهلال ينسحب بعد الاستهداف العلي عينك ياتاجر ومافي حد قادر يوضع ليهو حد
واهي كلها في النهاية كرة قدم في الحضيض لانو السودان لن يتقدم ابدا بهذه الطريقة
ولك تحاياي ايضا
| |
|
|
|
|
|
|
|
|
|
Re: المـريخ والهـلال في الميزان .. بين خريبكـة وأم درمـان (Re: ثابت محمد)
|
Quote: بس والله زعلت من المدرب محمد عمر
مفروض التغيير يكون عنتر مكان زولو ويرجع قلق يمين
يصبح الوسط عنتر والأمير وعلاء
غلطتو طلع صلاح الأمير وصلاح كان ممتاز
وبرضو لما دخل مهند مفروض يطلع زولو ويطلع قلق يمين
ويلعب بمهاجمين ميدو ومهند والعجب وراهم |
"انجليزي ده يامرسي"
مش لامن يلعبوا ناس السودان كورة اولا
بعدين نشوف موضوع التغييرات والمدربين...
يلا بلا لمة.. احسن الطارو الاتنين بدل الفضايح
بالخمسات في الادوار المتقدمة..
| |
|
|
|
|
|
|
|
|
|
Re: المـريخ والهـلال في الميزان .. بين خريبكـة وأم درمـان (Re: ثابت محمد)
|
Quote: وسقط الهلال والمريخ في ميزان اليوم
لم يصمم أحدهما على إسعاد الشعب السوداني المريض بالكورة
سقطوا في الميزان واحد في خريبكة والتاني في أم درمان
وصحيح إتلم تعيس الحظ على الخيبان |
هم يادوب سقطو اليوم؟؟!!
أتذكر أني كنت مريخابي لما كانت الكورة في السودان بتطلع في الروح..و لكن غير متابع في الوقت الحالي..
شاهدت جزء من مباراة هلال مريخ على درع الانقاذ..يا كافي البلا لا لعب ولا لياقة ولا أي حاجة!!
اللاعبين يتوقعوا في الميدان كأنهم ضاربين بـوش و جايين الاستاد!!!
قلت في نفسي ديل كبار الكرة السودانية؟؟!!
ديل الفريق القومي؟؟!!
و الشئ الغريب انو الجمهور بطبل ليهم و يصرخ بصورة جنونية بعد تمريرات أعتقد أنها أكثر من عادية!!
على الكورة السلام..
| |
|
|
|
|
|
|
|
|
|
Re: المـريخ والهـلال في الميزان .. بين خريبكـة وأم درمـان (Re: ثابت محمد)
|
.
| Quote: غايتوا (يالأمل عطبره) جاك بلا،،، |
* ازيك يا راكووووووووووووووبة .. وينك يا زول ..
رغم الحسرة على خروج الهلال ( الأفضل في الأداء ) والدبرسة الحاصلة ، الا انو جملتك دي خلتني اضحك براي زي المجنون ... بليغة جدا وبتختصر كميات من التحليل والتبريرات .. مستوانا كده ..خلينا نتدافس في المحلي ده ...
* بس صراحة .. وبدون تعصب الهلال بقى ما يشبه الفرق السودانية التانية ، المدرب البرازيلي ده خلق فريق كبير ناقصو حاجة واحدة بس ..انو اللاعبين يعرفوا الحاجة دي وما يلعبوا بالروح الانهزامية البيلعبو بيها دي ... خريبكة اليوم كان تعبان جدا والهلال تقريبا كان مسيطر على المباراة كلها بدون فعالية ..بسهولة شديدة لو توافرت ثقة الفوز عند شبابنا كنا انتصرنا عليهم .. لكن تقول شنو بس ..
* ربما السفير السوداني بالمغرب هو السوداني الوحيد الذي حضر المباراة من المقيمين في المغرب ... الصحف المغربية حتى صباح الخميس كانت تتحدث عن حل الاتحاد العام لكرة القدم في السودان وما قد يستتبع ذلك من انسحاب محتمل للهلال من المنافسة .. ما عارف جابو الكلام ده من وين ..فجأة مساء الأمس عرفنا بأن الهلال قد وصل مساء الخميس وتوجه مباشرة من كازابلانكا لمدينة خريبكة( تبعد عن الرباط حوالي اربع ساعات بالقطار ) ..ونظرا لعدم وجود تنسيق مسبق ، وفشل مساعي اللحظة الأخيرة ..كان ان اضطررنا لمتابعة المقابلة عبر التلفاز .. وكان ما كان من أمر الاحباط ..
يا سيدي ..الجايات اكتر من الرايحات .. نتمنى للفريقين حظا أوفر في المنافسات المقبلة ..
أخونا ثابت ..
مليون مرة قلنا ليك ( الهلال ) دائما بيقدموهو على المريخ ..لأنو ( الزعيم)
تحياتي ..
.
| |
|
|
|
|
|
|
|
|
|
Re: المـريخ والهـلال في الميزان .. بين خريبكـة وأم درمـان (Re: hatim ibrahim)
|
حاتم الشارد
تحياتي
| Quote: الهلال بقى ما يشبه الفرق السودانية التانية |
فعلاً ما بشبه الثانية، ولا يمكن أن يشبه الفريق الأول كمان!
وقالو أي مغربي يلاقيك ود. طارق يرفع كفوا ملوحاً بالخمسة (إياها)، وإنتحالك لجنسيات (سيكافا) و(القرن الأفريقي) ما بحلك،
وحده أبوالهل القادر على تحويل جنسيات محبيه إلى أي شيء، ولا ما (خريبكة)
وردد معاي
خربكوها المغاربة ، وشلعوها الكنغوليين
تخريمة:-
الله لا كسبك يا أمير دامر!
| |
|
|
|
|
|
|
| |
ثابت محمد
Rakoba
ALGARADABI
ودرملية
Walid Safwat
Muhib
Alsa7afa_30
فيس بوك
تويتر
انستقرام
يوتيوب
بنتيريست