النداء الاخــير

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-11-2018, 10:34 PM الصفحة الرئيسية

مكتبة عبد العزيز خيري شلال(DKEEN)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-02-2009, 07:38 AM

نزار الحميدي
<aنزار الحميدي
تاريخ التسجيل: 24-08-2008
مجموع المشاركات: 65

للتواصل معنا

FaceBook
تويتر Twitter
YouTube


Re: النداء الاخـير (Re: انعام عبد الحفيظ)

    دكين - عزاز - عماد - مرتضي



    بالله البوست دا ما تغيبو منو


    البوست دا لازم يكون فوق .
                   |Articles |News |مقالات |بيانات

05-02-2009, 09:39 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: النداء الاخـير (Re: نزار الحميدي)

    Quote: لقد قسوت على دكينا قسوة ما بعدها قسوة,, فقد وضعت يدك على مكان الألم وموضع الجرح والشرخ!!!!

    بالعكس يا أيمن،
    تجاه دكين لم أفعل سوى ترديد مقولة ودالرضي ( لاتزيد بلبالي ولا تكون شكواي مويه في غربالِ)،
    دكين يا أيمن كلامي القلتو دا كلو شاربو شراب وهو رجل ذو إرادة ماسية يرفض مقولة شكسبيـــر
    بأن يهمس عندما يتحدث عن الحب وتخطى محطة أبوصلاح في رواية أخفي ريدتك مره وأجهرا منحازا
    إلى خط الجهر المستمر و مبدأ الشفافية بتاع قريبنا قيس بن الملوح (اللهم زدني ليلى حبا
    و بها كلَفاً ولا تُنسني ذكرها أبداً ) بس هو عملا في شكل نداء بمضمون تهديدي زعم أنه الأخييير،
    تخيَل ، يادوب حفر الساس وداير يسقف على كدا.
    ياأيمن دكين دا يمتلك مهارات فرديه عاليه في المناورات الجويه وشغل الأكروبات وأنا زول غشيم
    مرات مرات بحس إنوالبوست بتاعو دا تكتيك تحليق منخفض مع إطلاق بالونات حراريــة من خلالــها
    يكتشف مواقع المضادات الأرضيه وشبكات الرادار ليتبع ذلك بتحليــق شــاهق يتيح له تحديــد
    أهدافه بدقة لتبدأ الألعاب الناريه، بس أنا خايف عليهو من الباتريوت.
    وكلام الناس .
                   |Articles |News |مقالات |بيانات

05-02-2009, 10:35 AM

ibrahim kojan
<aibrahim kojan
تاريخ التسجيل: 29-03-2007
مجموع المشاركات: 1457

للتواصل معنا

FaceBook
تويتر Twitter
YouTube


Re: النداء الاخـير (Re: محمد المرتضى حامد)

    Quote: وأجهرا منحازا
    إلى خط الجهر المستمر و مبدأ الشفافية بتاع قريبنا قيس بن الملوح (اللهم زدني ليلى حبا
    و بها كلَفاً ولا تُنسني ذكرها أبداً )




    وتحدث بعيني رسام مجنون .. وقال قولا علي ذاكرته منحوت..

    قال (أظن أن بريقها قد خفت... بريقها خفت ..) فخفت ذلك اليوم علي ام اللغة من بهائه ومن عيني عماد التي تري ما لا نري ولله عليك الحمد يا خالق العباد

    الزي محمد المرتضي وعماد الزنديق..

    ود المرتضي نزلت ليك بنات السامبا وراقصات الاناكوندافي بوست خدر بتاع قسيم الريد راجيك يا ابو المجانين ..احم احم...
                   |Articles |News |مقالات |بيانات

06-02-2009, 09:36 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: النداء الاخـير (Re: ibrahim kojan)

    (أظن أن بريقها قد خفت... بريقها خفت ..)
    إنه مصير كل العناصر المُشِعَّة يا الخليل.



    _________

    مجرد تذكرة علمية من مشاهد بسيط لجرَّاح قدير.
                   |Articles |News |مقالات |بيانات

05-02-2009, 10:40 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: النداء الاخـير (Re: محمد المرتضى حامد)

    السلام أستاذنا ود المرتضى,,
    Quote: بالعكس يا أيمن،
    تجاه دكين لم أفعل سوى ترديد مقولة ودالرضي ( لاتزيد بلبالي ولا تكون شكواي مويه في غربالِ)،
    دكين يا أيمن كلامي القلتو دا كلو شاربو شراب وهو رجل ذو إرادة ماسية يرفض مقولة شكسبيـــر
    بأن يهمس عندما يتحدث عن الحب وتخطى محطة أبوصلاح في رواية أخفي ريدتك مره وأجهرا منحازا
    إلى خط الجهر المستمر و مبدأ الشفافية بتاع قريبنا قيس بن الملوح (اللهم زدني ليلى حبا
    و بها كلَفاً ولا تُنسني ذكرها أبداً ) بس هو عملا في شكل نداء بمضمون تهديدي زعم أنه الأخييير،
    تخيَل ، يادوب حفر الساس وداير يسقف على كدا.

    لهذ نحن نحب قلمك ويبدو واضحا أن بعضا من تكتيكات دكين الوغد لم تنطلى عليكم بحسب ما خبرتموه
    عنه مسبقا ولكن,,,
    Quote: ياأيمن دكين دا يمتلك مهارات فرديه عاليه في المناورات الجويه وشغل الأكروبات وأنا زول غشيم
    مرات مرات بحس إنوالبوست بتاعو دا تكتيك تحليق منخفض مع إطلاق بالونات حراريــة من خلالــها
    يكتشف مواقع المضادات الأرضيه وشبكات الرادار ليتبع ذلك بتحليــق شــاهق يتيح له تحديــد
    أهدافه بدقة لتبدأ الألعاب الناريه، بس أنا خايف عليهو من الباتريوت.
    وكلام الناس .

    يا مولانا مع كامل إحترامى لرأيك وتحليلك لكن دعنى أختلف معك قليلا,,,,,
    زولكم دا رقد القش المرة دى,,وراح ليهو الدرب فى الموية وهو عارف إنو
    مسّاك دربين ضهبان ضهبان ,,,الباتريوتس كما ذكرت إن مرقت ما بترجع لكن
    صاحبك دا جرى جرى الجن ولماإتلفت وجد لا أحد يطارده!!!!!وأيضا قد تشتم
    رائحة المكيدة فى هذا النداء لكنه بعض من خبث الرّطانة ولا يود صاحبنا
    إعلان الإنكسار والإستسلام للمصير المحتوم وهو لولا (الرجفى) لعرف أن مصيره
    جميل مثله,,

    زولك دا أدخلناه بالونة إختبار صغيرة الفيهو كلها جات مارقة,,,,
    شى عمى ألوان وشى طششان والنوع البجلى الكورة واقفة زاااااتو,,,
    تقول لى تكتيك!!!!!!

    تكتيك دا كان زمان وصاحبنا لم يبقى له من المؤونة والذخائر غير طلقات الصوت
    السامعنو بيضرب فيهن ديل,,ليطلقهن فى الهواء الطلق وبعدها أحسن تجى منو عديل
    كدا ويرفع راياتو البيضاء ويعلن إستسلامه غير المشروط البتة,,,



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">



    تحياتى وسلامى لأيمن الصغير,,,,

                   |Articles |News |مقالات |بيانات

06-02-2009, 01:54 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخـير (Re: أيمن الطيب)

    الاستاذ العزيز احمد الشايقي

    ازيك وازاي الرياض يا حبوب
    ماظنيت يوم انا ممكن احن لي الرياض
    بس تخيل بتحن..
    تحن لي طريق الملك فهد والملز وبر الديوان الملكي وسوق الخضار في عتيقة ..الجموس ونهارها الصاخب الصيخود..

    نجد وطريق الحجاز والجبال عند عرفة واطراف جدة ..
    ليكم وحشة ياشباب
    وكم سرتني ابياتك المنتقاة..

    سلامي ليك ولي الاخوان بطرفك وناس دلايل جت.
                   |Articles |News |مقالات |بيانات

06-02-2009, 03:24 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخـير (Re: انعام عبد الحفيظ)

    انعام

    كلمااتسعت الماساة بالغت العبارة..
                   |Articles |News |مقالات |بيانات

10-02-2009, 05:08 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: النداء الاخـير (Re: DKEEN)

    Quote: بالله البوست دا ما تغيبو منو

    نزار سلامات،
    يا ريت ، بس المعايش جبّاره،
    تسلم
                   |Articles |News |مقالات |بيانات

14-02-2009, 10:53 AM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: النداء الاخـير (Re: انعام عبد الحفيظ)

    تعال ياخ
    أرسم خوفك في قارعة اللون
    وأتمشي في زحام السكوت


    دكين ياأيها الذي
    سلام مربع
                   |Articles |News |مقالات |بيانات

14-02-2009, 10:53 AM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: النداء الاخـير (Re: انعام عبد الحفيظ)

    تعال ياخ
    أرسم خوفك في قارعة اللون
    وأتمشي في زحام السكوت


    دكين ياأيها الذي
    سلام مربع
                   |Articles |News |مقالات |بيانات

06-02-2009, 03:20 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخـير (Re: Gaafar Ismail)

    Quote: عليهن شرط الالتحاق بالعمل ( يتطلب الالتحاق بالعمل للمقيمين/ات أن يكون/تكون من مواليد الدوحة)

    عمل؟؟
    هههههههايكة عمل منو يا حببيب

    نحنا لانؤمن بعمل المراة..
    (المرة دي من بنبرا ولا ورا)..
    لامن تنتهي بينا الايام هنااااااك في دنقلا ممكن تشتغل في حقول القمح ونطوع الفولاذ ذاتو..
                   |Articles |News |مقالات |بيانات

05-02-2009, 11:01 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


النداؤ الاخير (Re: DKEEN)

    Quote: ابذل جهد معقول يادكين

    هكذا يقولها ود المرتضى بي بساطة "جهد معقول"

    انا من صابر من 1998 على هذا الانتظار ..
    انا من ترقب القدوم..
    راقب الاسواق وسعاها في الشوارع والمحطات وبيوت الاصدقاء والمغاني والبنات الساي..
    انا الذي حرق الحشاشة في هواها ..
    فلا هوىً اصبتُ ولاحشاشتي بردت..

    والذي خلقها ثم اخفاهايامرتضى انا ماقصرت تب ..
    ان المثال الذي تفتقده ليس موجودا يامحب..
    فلا تجعلني رهن مثال لن ياتي..
    اتحب ان ترى اخيك ضحية هذا المثال الغايب؟؟
    اتود ان تراني في ارزل العمر بلا انيس؟
    انما الدبار في الولف والايناس..
    خش من طرف ثم وانسها وتالف..واسعى فيهامن بعد ذلك بالمعروف وبالمودة ..

    صحي زي ماقتاانتا مافي اجمل من زولك لامن تلقاهو..
    بس ان زولك طاشي في برليون نسمة تناديها بي ياتو نداء..
    تلاقيها وين في دنيا في دنيا فيها ترليون شارع وزقاق..

    انا اخوكم دكين ولست نبيا..
    انما ارى في دايرة نصف قطرها مترين تلاتة ولايتنزل على وحي من سماء..
    فماتعملو مني ماسعيتم لان تكونوا..

    بعدين انتا يامرتضى قايني ارجل زول في الدنيا دي
    ارجل زول زمان اخدها ثم اولدها عيالا ثم استكان..

    اقعد انا اباري الكواريك الى متى؟؟
    الى متى يامرتضى؟؟


    اسمعوا ياخوانا هوي البوست ده انسو موضوعو خلاص..
    كل زول يبكي ليلاه في ليلتو براهو وبي طريقتو براهو..


    انا قد كفاني مابكيت..
                   |Articles |News |مقالات |بيانات

06-02-2009, 09:51 AM

ibrahim kojan
<aibrahim kojan
تاريخ التسجيل: 29-03-2007
مجموع المشاركات: 1457

للتواصل معنا

FaceBook
تويتر Twitter
YouTube


Re: النداؤ الاخير (Re: DKEEN)

    dakeen
    keep on moving

    you are not alone

    i am in the same boat

    our light will soon
    explode
                   |Articles |News |مقالات |بيانات

06-02-2009, 12:58 PM

ibrahim kojan
<aibrahim kojan
تاريخ التسجيل: 29-03-2007
مجموع المشاركات: 1457

للتواصل معنا

FaceBook
تويتر Twitter
YouTube


Re: النداؤ الاخير (Re: DKEEN)

    dakeen
    keep on moving

    you are not alone

    i am in the same boat

    our light will soon
    explode
                   |Articles |News |مقالات |بيانات

06-02-2009, 12:02 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


الشراكة الذكية! (Re: DKEEN)

    كتب الولد الكتاب
    وهو يقنع من الغنيمة بالأياب
    وب الثقاب
    عندما إنحدرت خياراته قائلآ
    :
    Quote: وبحسابات قلة الصبر عند البنات والرواشة التي دوما صاحبت خياراتهن فلم يعد يهمني ان كنتي طليقة احدهم..
    فصبركُـن قليلٌ وحنانكُـن غشامة .. وربما نفد الصبرَ منك في انتظارك الطويل لود الحلال .. وتغشتكِ غاشيةٌ من حنانٍ فطمست بصيرتكِ فتشابهَ الاحبابُ عندك....فوقعَ عليكِ غيري، فوطأ نصيباً من قسمتي..
    اها انا ماني زعلان من القصة دي لو حصلت..وقبلانبَها..
    بالعربي كده (مع انو الفوق ده اظنو عربي) ماعندي اشكالية لو هسي مطلقة وقاعدة فمن المؤكد انه تم الولوغ في ريقك بخطا دنيوي وشفقة بني ادمين..


    غايتو بما تواتر لنا من انباء
    ووصلنا من معلومات
    مقرؤوة مع كتابة تلك التي نفضت يدها
    من خيرآ فيك
    و مع شكوك تلك التي لاحظت مرقاتك الخلوية مع الأمثال
    ف
    احذرك من المطلقة
    لأنها ستطفق تقارن بينك
    وبين ما قد سلف
    وانا ما بقبل ليك الخسارة
    لما بيننا من ملح وملاح وتواطؤ
    وبعض التحرشات

    بتنفضح يا صاحب


    ثم
    إحتمال وخيار المطلقة سيجر معه
    بالضرورة
    والتداعي
    والإفتراض
    والحساب
    سيجر معه إحتمال إنها لم تتطلق بعد
    ولا غشاها موسم فك تسجيلات
    ومازالت ضمن المطايا
    فماذا انت فاعل بازاء تلك الحالة

    ماتقول لي الشراكة الذكية
    دي انا مكجنها في الصحافة
    وحكومة الشريكين
                   |Articles |News |مقالات |بيانات

09-02-2009, 07:10 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: الشراكة الذكية! (Re: أبو ساندرا)

    Quote: ثم
    إحتمال وخيار المطلقة سيجر معه
    بالضرورة
    والتداعي
    والإفتراض
    والحساب
    سيجر معه إحتمال إنها لم تتطلق بعد
    ولا غشاها موسم فك تسجيلات
    ومازالت ضمن المطايا
    فماذا انت فاعل بازاء تلك الحالة

    ماتقول لي الشراكة الذكية


    ياصاحبنا بركات..

    مؤخرا فعلا لقيت انو البت دي قد تكون متزوجة وغير مطلقة ..
    وقد لا تتطلق اصلا..

    القصة بصراحة استحمت والخيارات وسعت..


    اخوم يا صاحب لايؤؤمن بالشراكة الذكية بتاعتك دي..
    ولا امدن عيني إلى ما تمتع به غيري زينة الحياة الدنيا ..


    على مافيني من علات ووغدنة اتعلمتها منك بس الشي الوحيد المااخدتو منك تفكيرك فيما يخص الشراكة الذكية دي..




    بالمناسبة الخيارات قد تزيد وتصل بالاضافة الى البت الفتاة
    المطلقة وغير المطلقة والارملة ..والتي مات زوجها في حرب ضروس..

    يعني بصراحة اخير اعرس من طرف طالما خياراتي وسعت الدنيا ومن فيها..
                   |Articles |News |مقالات |بيانات

06-02-2009, 01:31 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


النداء الاخير (Re: DKEEN)

    عزوز

    انا رديت عليك في البوست قبل يتهكر..
    وكلامي اظنو وصلك وفات اضنيك بي غادي.. ومع ذلك كتبتي تاني نفس الموال..

    Quote:
    فاوست تطير عيشتو! و الصاحب تطير عيشتو ...المهم نخلي ليهم خشمهم ملح ملح من الشماتة، وننسى انو الناس دي عشمت فينا، ووثقت فينا، وورتنا الكان مستور في الحشا،
    بس طـــــــــــــــــــــــــــــــــــز كبيرة ....


    ياعزوز
    اهم شي كتبتو وراح في حق الهكر انو (انا مابساوم بي غلاوتك في بورد وعالم سايبر ساي)
    بس صعب تقتنعي..
    صعب كما صلاة الفجر..
                   |Articles |News |مقالات |بيانات

06-02-2009, 01:48 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


النداء الاخير (Re: DKEEN)

    بت قضيم

    ياخي حلاة اليوم الجابك بوستينا ده..
    Quote: واكورك فيك،، اديك بوكس في وشيك الشين ده
    هذه الأماني العذبة لن تتعدى كونها أماني،، هذا الحلم الجميل المنمنم ،،كطفل برئ،، يجري هنا ،، يلعب هنا ،، ينطط هنا،، اناظره بحنان،، وحزن عميق،، واتنهد،، وادعو له عسى أن لا تصدمك حياة يا ولدي،،يصدمك الشيطان إن شاء الله



    للاسف كلامك ده نجيض وصاح
    مجرد امنيات.. مافي شي اسمو الانتا دايرو في شي اسمو (انا التي اقنعك بماعندي)
                   |Articles |News |مقالات |بيانات

06-02-2009, 03:33 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخير (Re: DKEEN)

    قال حكيم السلطنة

    Quote: قَسَماً عَظَماً تتنازل قيراط من زولك القيراط دا يزيد كل ليله حتى يتعملق
    ويتفرع كالهايدرا ويغدو قارة من الأسى

    وبالغ في الوصف وصدق ماوصف..


    قارة من الاسى ولا جزيرة اكون فيها كـ روبنسون كروزو..
    وحيدا يلوك الصبر ويترصد قاربا لن ياتي..
                   |Articles |News |مقالات |بيانات

06-02-2009, 10:02 PM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    يا دكين،
    باكتب ليك بيد مبلولة ،
    كعادة جمعاتي هنا، مخضبة بالعجين و التركين و برعاية شريط عرس ما يحمل وجوهنا شاخت بعيداً عنا
    المرة دي حضرنا حنة ود اختي، تخيل ما عرفت زول؟
    امشي اجي أقول حسي بفرز لي وش ولا وشين، ولا حتى ملاية و لا توب
    كافي البلا غلبني !
    الصغار كبروا و شالوا ملامح المدينة و الهرتوم و الكبار لفتهم عجاجة غربة في وطن و بقوا نسخة من بعض
    و انا النسخة الأصلية دي ما بعرفها،
    يا حليلهم .. تاهو مني زي ما تاه منهم درب بيوت الطين و شالهم سيل السد ...
    فاعفي لي لو سقط حرف بيجاي ولا فقدت نقطة بيجاي ولا بيجاي...
    عجزنا يا دكين و بقينا متكين عل الحرف نوصل فهم كان بيصل براهو بدربو
    عاد الفهم فاقد ليهو زول الايامات دي، بس تقول شنو ...

    ايامنا مواسم كما هو حال الأرض يا صاحب
    صيف فخريف فشتاء ... فزهر و ربيع و الآن هناك فصل جديد طاغ: فصل الضرورة

    نمر بخريف يغسل أوراقنا عنا، يسقط عنا ما شاخ من شخوص و ذكريات و ألم ظننا اننا وارثيه
    خريف زي حمام الشتا، بااااااااااااااااااااااااااارد في أوله بس أخرتو دفا و نعس لذيذ
    انا وصلت النعس ده ... وعديت البرد و طقطقة الاسنان و لعن الموية و السخّان و مد كراع و تأخير التانية ولمس الموية بالنخرين ...
    دردلوب، وقعنا ما عاينا ورانا و اتلقينا السقط غير هيابين، هييييع و قربنا نعرض و سوط الموية يجلدنا جلد ...
    وبعاين حسي في الموية الجارية شايلة بعض مني ... وكل يوم الموية بتروق أكتر، أكتر، أكتر ...

    و بيدخلنا الشتا، بيلمنا في بعضنا لو كنا دفا،
    لو ما دفا، سبحان خالق قانون الشتا البعيد، نتنافر زي شرارة الحطب نرك مسافات من بعض
    ونترك أثر قدر النقطة (.) بس بحررررررق حرق!
    وبيعدي الشتا، كان في حضن كان في بطانية من شوك، بيعدينا، و بمرق بدربه تصحبه الغيوم

    وفي الربيع بينبت جلد جديد، و تتفتح مواسم زهر، و بترجع طيور ترك على اغصان شققها الشتا
    وفي أوان اكتمال الفرح بيدخلنا صيف، ياهو حلو بحلاوة summer love و الطيش و الرعونة السابقة للجرح الوشيك،
    الجرح مرادف كونك تكون غض، جذل، مآمن و متعشم في الدنيا خير ...
    بيسخنا في فرن يمرقنا منفوخين زي العيش نقرمش من برة و هشين من جوة، و الهشاشة هي نكهة الانسان يا دكين ...
    يااااااه يا حليل الزمن، شال أخضرنا و تركنا لينا اليباس، نتلفت نعاين تحتنا نخاف الحفر تجينا الضربة من السما الضمناها و اديناها الأمان ...

    و نرجع ندور، لخريف لشتا لربيع لصيف ... لغاية ما تدخل فصل الضرورة و تتحكم في الشمس الجواك ...

    وعليه، و عطفا على ما قد قلنا و ما قد كان ،

    وحاة غلاوة شاي المغرب و عيون بخيتة و ضحكات الحجة،
    وانت تعرف تماما معزة كل ما سبق ذكره،
    لا شككت يوم لا ساورني ظن
    في معزة وقرت في القلب
    بس بقينا في نوع العشم وكتين يموت ... والغصة تطعن فى الحلق ...


    بقيت حامض يا ود أمي وحموضتك فاتت الحد تب ...
    وقيل في الأثر الصاحب للصاحب 3 وانا عندي خمسة
    آخرهما: تحمل ما حمض من صاحبك و رد له الحموضة باحسن منها فيتعض ولا يتحامض مرة أخرى ..
    عاد حملنا حموضتك و اتحامضنا لمن ما عرفنا روحنا و ذوبنا الاسيد ...

    بس برضو شارين
    وما بنبيع ...
    ما لانو البيع صعب علينا و انت سيد العرفين انو اختك ما بتعاين وراها و بياعة وممكن تعمل اوكازيون و تبيع العشرة بقرش ...
    بس ما بنبيع لانو اشترينا بالغالي، و فاكرين روحنا بنعرف معادن الناس،
    فالنبي فيك ....
    خصمتك، ما تطلعني صفر كبير في الحتة دي، لانو شايلة معاي مواد و دايرة اتخرج من الهَلُمّة الهَمَلة دي و فاضل لي مادة (مدخل علم عرفة الناس) ...


    و تاني،
    أبقى طيب يا فردة و ابقى عشرة على روحك ...
                   |Articles |News |مقالات |بيانات

06-02-2009, 11:05 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    يعنى حسع السهرنى شنو وخلانى اقرأ {النداء الاخير} ده؟

    ده نداء للروح عشان تمشى السماء يادكين

    طيب حسع اعمل شنو؟
                   |Articles |News |مقالات |بيانات

07-02-2009, 00:05 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: النداء الاخــير (Re: Ishraga Mustafa)

    Quote: اسمعوا ياخوانا هوي البوست ده انسو موضوعو خلاص..
    كل زول يبكي ليلاه في ليلتو براهو وبي طريقتو براهو..


    انا قد كفاني مابكيت..


    عليك الله ما تحرد لينا البوست اللذيذ دا يا دكين...
    خليهو طوالي فووووق لوجه الله...!
    أو كما قالت أحلام مستغانمي..

    أكبر لغزين في الحياة هما قطعاً الموت والحب...كلاهما ضربة قدر !!!
    لا أحد عاد من الموت ليخبرنا ماذا بعد الموت ....
    لكن الذين عادوا من (الحب الكبير ) ناجين أو مدمرين في أمكانهم ان يقصوا علينا عجائبه...
    ويصفوا لنا سحره وأهواله ...وأن ينبهونا الى مخاطره ومصائبه..
    ... لوجه الله ............ أو... لوجه الأدب !


                   |Articles |News |مقالات |بيانات

11-02-2009, 06:42 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: النداء الاخــير (Re: mamkouna)

    Quote: أكبر لغزين في الحياة هما قطعاً الموت والحب...كلاهما ضربة قدر !!!

    والإتنين ممكن يقعوا بقرار شخصي القدر منه براء يا ممكونه.
                   |Articles |News |مقالات |بيانات

07-02-2009, 06:51 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    Quote: وحاة غلاوة شاي المغرب و عيون بخيتة و ضحكات الحجة،
    وانت تعرف تماما معزة كل ما سبق ذكره،
    لا شككت يوم لا ساورني ظن
    في معزة وقرت في القلب

    Quote: وقيل في الأثر الصاحب للصاحب 3 وانا عندي خمسة
    آخرهما: تحمل ما حمض من صاحبك و رد له الحموضة باحسن منها فيتعض ولا يتحامض مرة أخرى ..


    لكن تقومي تقفلي السماعة في وشي ياخي؟؟

    انا شفايفي لسع بتتحرك وبرغي اقوم اسمع (كلك)؟؟
    والله انا لامن نسيت الكان ضارب منو ذاتو؟؟

    هسي يافردة غلاوتك في محلها وشاي مغربنا ضمن مغارب الشتاء معزز مكرم ..وبخيتة في اسمرا..والحاجة في عيونا..
    بس تاني (الكلك) دي اعفيني منها..

    Quote: بس برضو شارين
    وما بنبيع ...
    ما لانو البيع صعب علينا و انت سيد العرفين انو اختك ما بتعاين وراها و بياعة وممكن تعمل اوكازيون و تبيع العشرة بقرش ...
    بس ما بنبيع لانو اشترينا بالغالي، و فاكرين روحنا بنعرف معادن الناس،
    فالنبي فيك ....
    خصمتك، ما تطلعني صفر كبير في الحتة دي، لانو شايلة معاي مواد و دايرة اتخرج من الهَلُمّة الهَمَلة دي و فاضل لي مادة (مدخل علم عرفة الناس) ...
    نحنا بقى اصلا قصة نبيع ونشتري دي قتا ليكي ما بتجي في بالنا ولا بنراهن بيها ولا بنختها في بورد فيهو عاهات وعالمين مامعروف اخرها كيف وبنات ساي..

    معزتي دي ولا بنساومو بيها..
    واظنك عارفة.

    رجاءا لو مصرة على اي تاكيدات داخلة في خصوص هذه المعزات عندك المسنجر حقي.




    ولسه (الصاحب لي الصاحب تلاتة)..
    رقم تلاتة لسع منتظرنو :)
                   |Articles |News |مقالات |بيانات

07-02-2009, 07:45 AM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    يا دكين ..
    صباح الخير طال عمرك .. اشلونك الله يحيك ..
    ___
    و الله الدوحة دي جات علينا بالخسارة،
    قلنا تبقى زول و تنفتح على ثقافات بقيت لينا صفوي و ديرنا نقفل الخط بالمواعيد و نقدم طلب ..
    بالله قوم لف ...
    من متين يا دكين كنا بنقول لبعض (مع السلامة) (اقفلي انتي) (لا اقفل انت الأول) (لا لا لا اقفلي انت الأول) ؟؟؟
    ما ياهو درلووووب في حنان التاني بغض النظر التم كلامو منو ما دام في طرف داير يتفكفك و يلحق النهار أو الليل من أوله ..

    جاوبني بصراحة ...
    دكين ..... أنت جنيت؟
    راسك المقلوز ده اتحلج؟
    بعدين شابكني بورد عام و اسافير تقول انا قاعدة اكورك و افلق حجار
    حسي الفت الشمار بتاع قفلة السماعة هنا منو؟
    - اللي كانت بتحصل عادي زي الزبادي منك و مني و بنتكلم تاني زي الترتيب –
    تخيل ابوي ده لحدي ما مات ما في يوم قال لي مع السلامة ...
    شابكني زوزة زوزة و بتي و حبيبتي بس ما حصل يوم استنضفني و قال لي (مع السلامة)
    تفتكر انا ما اتربيت في الحتة دي؟
    يعني محتاجة إعادة رباية في النقطة دي تحديدا ؟
    امي طول الله في عمرها ما حصل يوم قالت لي مع السلامة،
    قدر ما شرقت و غربت و مشيت و جيت، ما حصل يوم يا كافي البلا قالت لي مع السلامة حوارنا كالآتي:
     ماما كيف يا فردة! مشتاقين ياخ!
     اهلا منو؟ اها .. زوزة انت كيف؟ بتصلي؟ خلاص... كويس كويس
    وتااااااااااااااااخ تقفل السماعة تمشي تحضر هارموني ولا مسلسل نور...
    و بافضل انا بتها حشاشة الجوف و بتفضل هي امي في نن العين ..
    مرات كمان بتختصرني و تجاوب أي حوار بـ (الحمدلله)...
    امي انا طقشتني عربية (الحمدلله) امي انا مسكوني في البولييس (الحمدلله) أمي انا ما جاية الرياض تاني (الحمدلله) أمي قروشي اتسرقت رسلو لي قروش (الحمدلله) و تاني تديني ليك تاااااخ بكل محبة و حنان ..
    يا ربي اقطعو معها لانها بتقفل في وشي؟
    حقو احسمها معاها علشان تآمن ...
    انا عندي كرامة و ما لازم امشي الدوحة علشان ابقى زولة عندها كرامة ..
    حاعمل لي كرامة هنا في الرياض و اعملها ليها ترخيص كمان ..
    شوف يا فردة، انت اصلا متسبب معاي،
    لانو انا اصلا قلت ليك (مع السلامة) عشرومية مرة انت مصر تتكلم وما تسمع
    انت غالبا متحسس من (مع السلامة) اكتر من القفلة المحتومة لان وكلامك كان هضربة ساي
    بعدين انت فعلا متسبب معاي ..
    لانو ضربت ليك تاني عملت نايم،
    و جيت هنا في البورد القاعد في السهلة ده و فكيت غبينتك معاي ...
    خلاصة الفهم و الهضربة انو طلعت ليك حساسية مؤخرا ...
    بس لما جيت قلت اني قفلت السماعة في وشك وما كان في بورد عام فيهو الغاشي و الماشي
    و لا انت فتك كعكة بسكر و انا حقي مر و حامض...
    خيار و فقوس في الفت ولا صفوية ذكورية و لا فهمك شنو يا فردة ؟
    ولا هي الثقة الطرأت عليك مؤخرا القالتها بت قضيم ..
    انت ورثت من ورانا ولا شنو يا صاحب؟
    بقيت ابن بارم ديلو تعمل الدايرو و انحنا نمشي على كيف ؟
    مرة نجاوب ندائك و مرة نستجيب لعدم ندائك و حسي كمان طالب نقفل البوست ...
    هو على كيفك؟

    دكين، بسألك تاني
    انت جنيت؟
    هضربت ولا طقتك شمس ولا قعدت كتير في الرطوبة ؟

    Quote: رجاءا لو مصرة على اي تاكيدات داخلة في خصوص هذه المعزات عندك المسنجر حقي.

    ده شنو حسي المكتوب فوق ده؟ مصرة .. تأكيدات ... الماسنجر حقي ..
    المعزات دي جمع معزة ماااء ماااء ولا جمع شنو؟
    حسي انا اختك مع اعز اتنين نفر في الدنيا امي و بخيتة تجي تقول لي (الماسنجر حقي)
    حنكشة دي يا مرسي؟ طب ارفع قوصتك من عيونك يا عشاي ..

    طيب هاك دي (رجاء لو داير تبقى صاحبي و اخوي عندك رقم الموبايل حقي)





    ___
    مقولة الصاحب للصاحب دي اديناك بنودها كاملة ما عدا ما لم تستوف انت له الشروط،
    قدر الله و ما شاء فعل ..
                   |Articles |News |مقالات |بيانات

07-02-2009, 09:09 AM

هيثم درار
<aهيثم درار
تاريخ التسجيل: 14-07-2008
مجموع المشاركات: 544

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    Quote: (رجاء لو داير تبقى صاحبي و اخوي عندك رقم الموبايل حقي)

    لو منتظراهو يتصل تكونى بتحلمى
    و صدقينى مس كول ما حيزيد منو( من خلى عادتو قلت سعادتو)، طبعآ للاسف من الدوحة ما بيقدر يعمل بليز كول مى
                   |Articles |News |مقالات |بيانات

07-02-2009, 02:13 PM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: النداء ما قبل الاخــير,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, (Re: هيثم درار)

    Quote: المسنجر حقي.
    وتسنيم الحايمة فيكم دى!!!!!!!

    غايتو كورتك فكّت يا صاحب,,,,وبقيت تشلّت.......

    كدى راجع نفسك!!!!!!!
                   |Articles |News |مقالات |بيانات

07-02-2009, 05:46 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: أيمن الطيب)

    كوجان

    لامن كنا شباب زيك كانت دي عزيمتنا..
    هسي ان ودرتو وسعيتو فتيش ساي..

    وهسي بقولا ليك طالما ده خيارك..(دونت قيف اب)

    قد تلقاها وقد لا.
    بس احسن تفتش وماتلقى ووتخش من طرف ولا ماتفتش وبعدين تقول اريت كان فتشتا..

    والتسوي تندم ولاما تسوي تندم.
    مثل من دار المسيرية.
                   |Articles |News |مقالات |بيانات

07-02-2009, 06:19 PM

سارة علي
<aسارة علي
تاريخ التسجيل: 08-07-2008
مجموع المشاركات: 4413

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    يا غياظ...

    رسلت ليك في الفيس بووك
                   |Articles |News |مقالات |بيانات

08-02-2009, 10:46 AM

بت قضيم
<aبت قضيم
تاريخ التسجيل: 05-07-2002
مجموع المشاركات: 2048

للتواصل معنا

FaceBook
تويتر Twitter
YouTube


Re: النداء الاخــير (Re: سارة علي)

    دكين
    مبروك اللطافة وشكراً للرد الأنيق.. الذوق لايق عليك انت بتودع واللا مالك!!!!

    عزاز
    عفيت منك يا حشاي

    محمد المرتضى حامد
    أسوأ حاجة أنتظر البوست يفتح نص ساعة في نت بطال وألقى حروفك مافي
    قول كمان ياخ
                   |Articles |News |مقالات |بيانات

08-02-2009, 01:26 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: النداء الاخــير (Re: بت قضيم)

    قالوها زمااان ورموها في جدنا سقراط لمن قال:
    النساء ثلاث ..إمرأة تحبها ..وإمرأة تحبك ..وإمرأة تتزوجها ..
    يعني يا حبوب بي الدارجي في بت في مكان ما انت مسكر فيها وهي ما شغالة بيك وانت بتكون جاري وراها لمممن كرعينك حفن ..وفي واحدة تانية بتكون مككككككسرة فيك وعينا طالعة وانت عامل غالي ورافع السعر ..وفي نهاية المطاف لا دي ولا دي حا تلم فيهم وحا تظهر ليك واحدة من مكان ما في زمان ما وجمممممبلغ تعرسا ..
    طبعا الكلام ده نظريات وكده لكن وكما نقول ايام كنا اولاد حلة ساي هو كما الجبادة مرة تصيب ومرة تخيب ..
    نحن الاولاد ديل غريبييين ياخ البت البتدينا في راسنا بنتكيييف ليها للكتااااش وفي ذهننا شئ من امرين :
    يا إما ياخدنا شموخ الرجال وعنفوان الشباب ونقوووم نسكها لا لاننا وقعنا في حبها بقدر ما يكون الغرض مقولة انا ماااف بت بتقدر علي وبعد ما ترميها في حبالك ممكن تقطع فيها كفين عاااادي وتقول ليها الله معاك ..
    يا إما بنقتنع انو دي فعلا الزولة القدرت علينا وعليه تستااااهل يجرو وراها لانها ما خفيييفة ولفيييفة زي فلانة وعلانة وفرتكانة ..

    اما بنات حواء لعنة الله تغشاهن ففي ايديهن ذمام الامور :D
    والله نحن كضابييييين البنات ديل بيحركونا زييي قطع الشطرنج انا زعلانة منك قلبك يدق وتقفل معاك سنة ..يا هناي معليش انا مصالحك بنجي طايرين طيراااان :D

    عشان كده يا دكين صدقني القصة ما نداء ولاااا كوراك لانو ممكن تكورك من هنا لحدددي يوم القيامة العصر وربما وقتها وانت طاير في السما تقوم تشوفك وتكورك ليك دكييين دكيين انا هناية الناديتني ديييك تتزكر؟؟؟ :D
    القصة مزاجية وقبول بتجي ربااااها كده لا إحم ولا دستور وصدقني يوما ما في مكان ما وبدون ما تكورك وتنادي حا تلقا روحك همست همسة بس وظهرت ليك واحدة تانية ما كانت في الخاطر ولا في البال ..
                   |Articles |News |مقالات |بيانات

08-02-2009, 01:28 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: النداء الاخــير (Re: بت قضيم)

    السيرفر من شدة ما شاف كلامي صاح لمن رسلوا مرتين :)

    (عدل بواسطة عمر الفاروق on 08-02-2009, 01:33 PM)

                   |Articles |News |مقالات |بيانات

08-02-2009, 06:02 PM

بشير جبريل علي
<aبشير جبريل علي
تاريخ التسجيل: 02-08-2006
مجموع المشاركات: 785

للتواصل معنا

FaceBook
تويتر Twitter
YouTube


Re: النداء الاخــير (Re: عمر الفاروق)

    يا سر مكتوم في جوف أصداف .. فتشت عليك بقليب نزاف
    لا خبير يهدي لا دليل وصاف .. أنا ألفاك وين؟

    لا تيأس وإن غليك اليأس فأمض في طريقك وأنت يائس ..

    أبحث حتى يعجز البحث عن بحثك ويعلم البحث بأنك باحث ..
    أجعل من قوقل مثلك الأعلى .. إلى أن تلقى الرفيق الأعلى

    وأنا من جانبي أطممك إنك لن تجدها أبداً .. رغم إنها أقرب
    إليك بكثيييير من شارع حمد الكبير ..

    ونصيحتي ليك أكمل نصف دينك من طرف أو دينك كله.. في حالة عدم وجود
    النصف الأول ..

    وواصل بحثك وكفاحك إلى أن تكتشف أن البحث عنها أمتع من اللمة فيها
    وحينها يكون البحث هدف .. وكل النساء من طرف .. إلا تلك التي تبحث عنها ..
    ( حاجة مافيشة )

    دكين أخبارك ..
    __________________________________________________________
    بعدين يا وغد النكات دي ما ببلاش على الأقل بردو على المس كول ..

    ومثلك الفوق دا لمو عليك بكون من دار الرياضة مادار المسيرية
                   |Articles |News |مقالات |بيانات

10-02-2009, 07:09 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: بشير جبريل علي)

    ود جبريل

    سلامات ياراجل يابهجة..
    بركة البت الرايحة واهل بيتها رجعتك تكتب تاني..

    ناسف للتاخير..
    بس حرم في ناس فوق انا من شدة دوشتي مارديت عليهم بس ما اولى منك بالردود..
    على الاقل ماكلانهاانا وانتا كسرة وملاح في (خليفة)..
    كسرة وملاح وطرايف كردفانية مهببة..




    بعدين المثل مسيري شئتا ام ابيتا..
                   |Articles |News |مقالات |بيانات

09-02-2009, 07:37 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    المداخلة الإبتدت ب:
    Quote: يا دكين ..
    صباح الخير طال عمرك .. اشلونك الله يحيك ..


    وإنتهت ب :
    Quote: ___
    مقولة الصاحب للصاحب دي اديناك بنودها كاملة ما عدا ما لم تستوف انت له الشروط،
    قدر الله و ما شاء فعل ..


    ومابينهما

    ادب وأدبة بالجد

    أكان ينفع فيهو


    كتر الله من امثالك يا عزاز شامي
                   |Articles |News |مقالات |بيانات

09-02-2009, 09:59 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: النداء الاخــير (Re: أبو ساندرا)

    بت قضيم كيف حالك يا سِت،
    شكرا لاهتمامك ودعواتي ليك ومعاك ربنا يعلِّي مقامك ويسرِّع الإنترنت طرفك,
    كنت عايز أدي الموضوع دَفرَه لي قدام لأجل التوصل إلى رؤية مشتركة أو حتى (إتفاق إطاري)
    مع صاحبنا الفي الدوحه ، قصدي دكين مش (التانيين) ، لكن شايف دكين ختّاها لي عديل وقال
    قارة الأسى أحسن ليهو من جزيرة روبنسون كروزو ، و يلاَ قفِّلوا وقرِّضوا البوست على كده وخلاص
    شطّبنا بتاعت المطاعم ديك الكان بيقولوها لينا الجرسونات بدون ما يكلفوا نفسهم مجرد النظر
    لينا وهم بيغسلوا الطرابيز، ومن البدهيات يا العزيزة ما ممكن أكون كاثوليكي أكتر من بندكت ذاتو،
    فقلت أحسن أراقب من المنصه رغم تعاطفي المكشوف مع قضية دكين المصيرية وهي تمر بمنعطف خطير وظرف
    تاريخي دقيق فتريته زي ما بيقولوا في الراديو.
    وجهة نظري أبَنتُها لحبيبنا دكين وأوجزتها في مناشدتي إياه بذل جهد نضيف في سبيل الوصول إلى عتبات
    محبوبته المقدسة حتى لو كانت في بعقوبه أو تلعفر وألا يدَّخِر أي سعرات حرارية في هذا الإتجاه لأنو زي
    ما كانت حبّوبتي بتقول لي : يا ولدي مافي حلاوه بدون نار، ويتفرع على هذه المقولة أن إيكال أمورنا للقدر
    مدعاة للإسترخاء الأفيوني وتحريض صريح للخلايا النعسانه أصلا بأن تقوم تنوم .
    بالله يا بت قضيم الحياه القصيره دي قيمتا شنو لما الواحد يعيشا بدون الزول البريدو والمريود حي يرزق؟
    يعني لما تخصمي من العمر سنوات النوم وجهاز المغتربين ومتابعة مفاوضات الفصائل والحكومة بيفضل كم من
    العمر الأخضر؟ ما يتبقى من لحظات يا سيدتي هو الحياة الحقيقية ، اللحظات التي تلتقي فيها مع زولــك
    البتجيهو بانبساط شان يتمم كيفك وتحلِّق معاهو في مجرات أُخَر زي ما بيقولوا المسغفين وبعض اليساريين
    والمنظرين، ناس المرأة الوطن وعبارات من عيار بوح، وتماهي روح، وبلابل الدوح ونديم الراح ونديد الروح ،
    وياروح ما بعدك روح إلخ..
    قلت له لاتترك البنت المشعة لغيرك لأن غيابها ظلمة وغيابة جُب لا يغشاه السيّارة، تلك التي إن فارقتك
    تخليك قميص وبنطلون ساي ، بنت زي ما قال ديكارت (إنت في يا عشاي إذاً أنا موجود).
    كنا نبتغي من دكين أن يكون قدوة لغيره من الذين ينتظرون ويراقبون من الجيل اليلينا وأن يُبقِي على اللواء
    مرفوعا و يبقى عنوان للشباب كما قال سيف الدسوقي في رائعته المصير.
    والله الدنيا دي بدون اشتياق ونار حرَّاقه ماعندها معنى فقد خُلقنا في كبد وسنظل نكابد حتى النفس الأخير ،
    فلماذا لا نكابد في الخير المتمثل في البحث عنها في المجرات المجاورة فما أجمله من عسر وعنت ذلك اليلاقينا
    بسبب الحبيب، فالعشق كله خير محض حتى لو انتهى بالإنسان إلى اللحد ، قلت ليهو ساعدا بي جكَّه يا دكين
    وما تفطر على بصله لكن حسّيت من كلامو كأني بضللو وهو خلاس داير يعرس (من طرف )، حتى لو كان الطرف الأغر ،
    أها ،أسوي ليهو شنو؟
    بالله كلِّميهو,
    لَوِّميهو
    اللاهي،
    قولي ليهو.
    الحب دا شي طبيعي،
    إلهي.
                   |Articles |News |مقالات |بيانات

10-02-2009, 06:52 AM

نزار الحميدي
<aنزار الحميدي
تاريخ التسجيل: 24-08-2008
مجموع المشاركات: 65

للتواصل معنا

FaceBook
تويتر Twitter
YouTube


Re: النداء الاخــير (Re: محمد المرتضى حامد)

    والله يا مرتضي انت حكيم هذا الزمان .

    تحياتي .
                   |Articles |News |مقالات |بيانات

10-02-2009, 06:56 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14383

للتواصل معنا

FaceBook
تويتر Twitter
YouTube


Re: النداء الاخــير (Re: نزار الحميدي)

    Quote: بت قضيم كيف حالك يا سِت،
    شكرا لاهتمامك ودعواتي ليك ومعاك ربنا يعلِّي مقامك ويسرِّع الإنترنت طرفك,
    كنت عايز أدي الموضوع دَفرَه لي قدام لأجل التوصل إلى رؤية مشتركة أو حتى (إتفاق إطاري)
    مع صاحبنا الفي الدوحه ، قصدي دكين مش (التانيين) ، لكن شايف دكين ختّاها لي عديل وقال
    قارة الأسى أحسن ليهو من جزيرة روبنسون كروزو ، و يلاَ قفِّلوا وقرِّضوا البوست على كده وخلاص
    شطّبنا بتاعت المطاعم ديك الكان بيقولوها لينا الجرسونات بدون ما يكلفوا نفسهم مجرد النظر
    لينا وهم بيغسلوا الطرابيز، ومن البدهيات يا العزيزة ما ممكن أكون كاثوليكي أكتر من بندكت ذاتو،
    فقلت أحسن أراقب من المنصه رغم تعاطفي المكشوف مع قضية دكين المصيرية وهي تمر بمنعطف خطير وظرف
    تاريخي دقيق فتريته زي ما بيقولوا في الراديو.
    وجهة نظري أبَنتُها لحبيبنا دكين وأوجزتها في مناشدتي إياه بذل جهد نضيف في سبيل الوصول إلى عتبات
    محبوبته المقدسة حتى لو كانت في بعقوبه أو تلعفر وألا يدَّخِر أي سعرات حرارية في هذا الإتجاه لأنو زي
    ما كانت حبّوبتي بتقول لي : يا ولدي مافي حلاوه بدون نار، ويتفرع على هذه المقولة أن إيكال أمورنا للقدر
    مدعاة للإسترخاء الأفيوني وتحريض صريح للخلايا النعسانه أصلا بأن تقوم تنوم .
    بالله يا بت قضيم الحياه القصيره دي قيمتا شنو لما الواحد يعيشا بدون الزول البريدو والمريود حي يرزق؟
    يعني لما تخصمي من العمر سنوات النوم وجهاز المغتربين ومتابعة مفاوضات الفصائل والحكومة بيفضل كم من
    العمر الأخضر؟ ما يتبقى من لحظات يا سيدتي هو الحياة الحقيقية ، اللحظات التي تلتقي فيها مع زولــك
    البتجيهو بانبساط شان يتمم كيفك وتحلِّق معاهو في مجرات أُخَر زي ما بيقولوا المسغفين وبعض اليساريين
    والمنظرين، ناس المرأة الوطن وعبارات من عيار بوح، وتماهي روح، وبلابل الدوح ونديم الراح ونديد الروح ،
    وياروح ما بعدك روح إلخ..
    قلت له لاتترك البنت المشعة لغيرك لأن غيابها ظلمة وغيابة جُب لا يغشاه السيّارة، تلك التي إن فارقتك
    تخليك قميص وبنطلون ساي ، بنت زي ما قال ديكارت (إنت في يا عشاي إذاً أنا موجود).
    كنا نبتغي من دكين أن يكون قدوة لغيره من الذين ينتظرون ويراقبون من الجيل اليلينا وأن يُبقِي على اللواء
    مرفوعا و يبقى عنوان للشباب كما قال سيف الدسوقي في رائعته المصير.
    والله الدنيا دي بدون اشتياق ونار حرَّاقه ماعندها معنى فقد خُلقنا في كبد وسنظل نكابد حتى النفس الأخير ،
    فلماذا لا نكابد في الخير المتمثل في البحث عنها في المجرات المجاورة فما أجمله من عسر وعنت ذلك اليلاقينا
    بسبب الحبيب، فالعشق كله خير محض حتى لو انتهى بالإنسان إلى اللحد ، قلت ليهو ساعدا بي جكَّه يا دكين
    وما تفطر على بصله لكن حسّيت من كلامو كأني بضللو وهو خلاس داير يعرس (من طرف )، حتى لو كان الطرف الأغر ،
    أها ،أسوي ليهو شنو؟
    بالله كلِّميهو,
    لَوِّميهو
    اللاهي،
    قولي ليهو.
    الحب دا شي طبيعي،
    إلهي.



    إذا لم يكن هذا هـو الشعر

    فما الشعر إذن ؟؟؟؟


    أحمد الشايقي
                   |Articles |News |مقالات |بيانات

10-02-2009, 09:02 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: أحمد الشايقي)

    اخوي يا محمد
    صعب جدا نصل لي رؤية اطارية مشتركة فيما يتعلق بي حبيبة غايبة..
    مرتكزاتنا ما واحد,,وشتان مابينك وبيني
    انتا زول بتتكلم من مقام المطمئن المجرب اياً كانت نوع التجربة..اضف الى ذلك بتتكلم من مكان المرتاح الرايق الـ....والمنتج.
    لذلك بتكون مستصحب في رؤيتك اولا الطمانينية الناتجة عن استيفاء جميع حوائجك من اكل، شراب، نوم، ومانحو ذلك....
    يعني بني ادم مطمئن.
    ثانيا بتكون مستصحب في رؤيتك العايز (تلقى روحك فيني فيها دي)
    بتكون مستصحب تجربة سنين وافرة سواء على مستوى الحبيبة او على مستوى الزوجة من ناحية
    او على مستوى الخبرات الناتجة من شتى وسائل المعرفة من ناحية تانية(روايات عن محبات عظيمة- نصوص عن حب عظيم ظل متقدا لسنين طويلة- شعر منظوم عن من ظل يبحث عنها حتى ابيضت عيناه من الحزن ومقاربات اخرى).
    يعني بتكون ماسك معيار الدهب القالوهو لينا زمان في سنة اولى قانون في المقايسة بتاعتك دي.
    مقايس الرجل المطمئن الرايق الشارب النايم الماكل الـنـ... المرتاح..
    عشان كده لازم تجي بعيدة عن حال الزول الزيي..وطبعا ما محتاج اشرح ليك فحالي لايخفى عليك ..
    قارة الاسى القتها دي اكيد فيها متر مربع سمح ..
    تخير مترا جميلا ثم تعهده بالعناية والسقاية والرفادة..على الاقل لو مافيهو ذاتو بتقدر تمرق منو ثمار جميلة بتلقى في ضالتك وممكن تغرس فيها عزايمك الجميلة.. وتلوذ بهم عند احتدام الحياة..
    بس وحشة ربنسون دي اقع بيها وين؟؟

    قال احمد عبد العال ربنا يرحمو قدر ما كتب وقدر ماخط ورسم
    قال: (انها زينب عماد العزايم عند الملمات الكبيرة)
    ده اجلّ وصف وصفت به إمراة لاقاني خلال ال 34 سنة المنصرمة ..عماد عزايم في ملمات.
    اها الوصف ده بقابل عندي فكرتك بتاعة المغنسيوم..
    وين نلقى زينب دي؟؟
    بعدين ياخي قضيتي دي انا ماعايز ابقى فيها زي المثال الذي يُحتذى به..
    يعني انا اكون عاشق هذا العصر واموت بي هذا البحث النبيل..
    طــز يامان ..كل الناس الهنا ديل عرسو منهم من عرس من طرف ومنهم من ظن ان الخير فيما اختار ..واتحدى واحد فيهم كان لقى ضالته!!
    خلاص بقت علي انا الحالقاها؟؟
    هي اصلا ما اتلقت موش لانها رايحة في (مكان ما) زي ما انا قتا فوق وانا قي قمة شجوي وشجوني..هي ما اتلقت يا محمد لانها "نوت اكزست"( نوت اكزست دي عاجبا ليها زول هنا)
    ماف..
    لاتوجد..انفاليد بت..
    غير مخلوقة..
    يامحمد خذها مني وانا اخوك "مافي زول بلقى ضالتو لانو الضالة دي دالة في الخيال.."
    ده اسمو الــ نداء الاخير.. مجرد زيطة في زمبريطة هذا العالم الذي لم اصله في مرمى النظر القريب..
    الشاشة الانتا شايفني منها دي يطل منها الان ما اقلا من =/17,000 بت سمحة ، ناهدة، مكحلة، رقيقة الحشا.. وترتدي نضارات ساينتفك..
    انا لا اقصدهم بهذا النداء لانهم قطعا ليسو البت الرايحة لي..
    ولكني اشهدهم على اني دقيت نقارتي اكتر مما يفعله المسيرية حين الدواس..
    Quote: مناشدتي إياه بذل جهد نضيف في سبيل الوصول إلى عتبات

    قبيلك كانت جهد معقول هسي بقت نضيف يامحمد؟؟..للضمان كده ياحبيب كلاها انا بذلته ..نضيف واكتر من معقول وازيدك من الشعر بيت مابذلته من جهد شمل ضمن ماشمل باكستانيات وبقايا تراكوة من جهات شندى ودناقلة بيور ودناقلة مهجنات مع جعليين وجعليين مهجنيين مع حبوش وفلاليح من دنقلا وفلاليح دناقلة تربو في شمبات.. وصوماليات بيور تربن في زنزبار.. وشوايقة ساي.. وشوايقة مهجنين في سواحل بورسودان مع ارتريات ..وارتريات صافيات كأن خدودهن الزجاج والبلور ..ارترية والله لو شفتها لرايت كرومزوم ُنبلها في عرق وشيها ماشي يقدل زي فرع اللبلاب ..
    انا يامحمد مافكيت اخرى هنا ساي
    عشان يجي فرتكان يقول لي ده كلام ساي وحركات اولاد حلة زي ما بقول الـ (دهل كول) عمر الفاروق ومافكيت هذا الاخر عشان تجي عزوز تفتح لي موضوع ماعندو علاقة بي هذا الاخر..
    كما ومافكيتو عشان الناس تقرا وتستمتع وتجي تقول لي (ياسلام يادكين بركة الماعرستا لانو لوكنتا سويتا ما كان قرينا الكلام السمح ده) ياخي بلاي ده هسي كلام يتقال لي زول مازؤم؟
    وانا مالي ياخي ومال استمتاعكم..
    عماد عبد الله قال لي انا مبسوط وبحبك..اها انا اعرس عماد عبد الله ده ولا كيف؟؟
    قدم لي شنو في محنتي دي(بكسر الميم وفتح النون)؟؟
    ياخي حتى صحبتو السمحة القتها ليهو جات زي الماسوت شي وختت شتلة محنتا في شباك ايامي وما اشتغلت بي الشغلة..
    انا يامحمد سطها زين ..شرقتا وغربتا..
    سكيت شغلتي دي في العذراوات.. وفي حبيبات سابقات لناس سابقين... وفي فتوات صغار ومطلقات كبار.. وقيل ارامل ..ياخي مافضل لي إلا النسوان اللواتي في حياتهن نغائص زوجية..
    ودي حرم لولا قول الله تعالى(لا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِنْهُمْ وَلَا تَحْزَنْ عَلَيْهِمْ وَاخْفِضْ جَنَاحَكَ لِلْمُؤْمِنِينَ)
    لحزنت على ما فاتني منهم الى احضان الرجال حزناً شديداً..
    وتجي تقول لي جهد نضيف وجهد معقول؟؟
    اصلو انا عايز اعرس اميرة ويلز؟؟

    Quote: قلت له لاتترك البنت المشعة لغيرك

    غيري ما اخدها لانو هو الاولى والاحق وانما انفرد بها لانو لما فيها...
    لانو طلع قريبا او لانو كان ود جيرانم او لانو لاقاها في شرق النيل واناقريت الخرطوم او ...الخ
    وانتا عارف يامحمد انو انا لسع ما قام لي جناحين وماعندي عيون معلقة في قمر صناعي ..
    ودعوتي شملت حتى اللواتي خرجن من عصمة الرجال..يعني برضو ما مقصر ومادي حبل قسمتى..
    Quote: كنا نبتغي من دكين أن يكون قدوة لغيره من الذين ينتظرون ويراقبون من الجيل اليلينا وأن يُبقِي على اللواء

    لواء؟؟
    الكلام ده انا ناقشتو فوق.. وكان ليكم ..انا لستُ فالانتاين هذا الزمان.

    بت قضيم شنو وبتيخ شنو؟؟
    بت قضيم دي اسالا قدامك هسي قول ليها دكين ده زمان ما قال ليك شوفي لي عروس انتي قفلتي المسنجر في وشة..
    بعدين انتو شنو قصة القفل في وشي دي..وش ده ولا باب حمام؟؟
                   |Articles |News |مقالات |بيانات

10-02-2009, 09:27 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: النداء الاخــير (Re: أحمد الشايقي)

    غايتو يا المرتضى اذا دكين دا ابى نصيحتك دي، أنا ما بفوتا قيد انملة. و يا انتي يا اغرق!
                   |Articles |News |مقالات |بيانات

10-02-2009, 09:29 AM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    دقيقة يا فردتي اول من امس دايرة اركن الاغنية دي هنا ...

    ياعازة الفراق بي طال
    وسال سيل الدمع هطال
    طريت برق الفويطر الشال
    وساح دمعي البكب وشال
    كمل صبري ومنامي انشال
    لبس من ناري عمه وشال
    ارض امالي في امحال
    ومن الهم بقيت في اوحال
    وبعدك عزه ساء الحال
    منامي وصبري اضحي محال

    حليل الناسا وناس
    طريت ام در حليل ناسا
    وكيف انساها واتناسا
    ومفتون بي ظبي ناسا
    ولع جوفي جمري الحي
    وما بتطفيه ووووووووب واحييييييي
    فيا زينة ربوع الحي لي دياركم يعود الحي


    ____
    يا اخوانا ساعودنا بالتقنية
    و جيبوها لي بصوت ود البادية علشان انطرب و ارمي شبال
    و أكمل ما بدئنا في اضابير البحث
                   |Articles |News |مقالات |بيانات

10-02-2009, 10:00 AM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    Quote: وين نلقى زينب دي؟؟


    قاعدة بس انتا احول ساكت
                   |Articles |News |مقالات |بيانات

10-02-2009, 10:33 AM

بت قضيم
<aبت قضيم
تاريخ التسجيل: 05-07-2002
مجموع المشاركات: 2048

للتواصل معنا

FaceBook
تويتر Twitter
YouTube


Re: النداء الاخــير (Re: حمد فتح الرحمن)

    اسفة دكين إذ انا مستمتعة أيما استمتاع بوجعك ده ، ببوستك هذا الأنت عايز تقفلوا وما اظن تقفلوا انا بشتريه منك كان داير شرط حضورك الدائم فيه
    وفي واحد حكيم كان ببيع باسطة في عربية ناس زمان ديك عارفها؟!
    قال لو اتنين قفلوا ليك اي حاجة في وشك يبقى العيب ما فيهم العيب في وشك
    والله ورسوله أعلم

    محمد بجد جد
    الريدة عندي شئ عقلي خيالي،، احساس لا يوصف ولو وصف فيصبح شئ عادي لا روح فيه
    الريدة عندي امل لو تحقق بطلت نشوته
    الريدة بالنسبة لي حالة عقلية تستطيع ان تعيشها بكامل وعيك والاحلى لا وعيك
    انا اختلف معك تماماً فالحياة عمل والريدة خيال جميل
    الحياة التزام،، كد وجهد وحسابات وواحد زايد واحد يساوي اتنين
    الريدة أمل لا يخضع لحسابات عقلية ولا التزام (اللهم لا تلمني فيما املك)

    اجمل الأشياء في الحياة يا محمد بالنسبة لي، واجمل الأيام تلك التي لم تأت بعد
    فلو اتت تلك الأيام انتفت حلاوتها وبالتالي الأفضل ان لا تأتي
    لا بأس لو أن الريدة امل والامل يمنحنا الرغبة في الحياة!!
    ذي مسألة النار والجنة
    حالة عقلية نخافها أو نحبها فننتظرها أو نتجنبها ولا تتحقق إلا عند الموت فلو تحققت يعني اننا متنا
    ؟؟؟
    وبعدين انا جعانة وهذه عندي حالة طوارئ ممكن اغير بعدها اي كلام قلته واسوي روحي ذي ما انا قلته فما تستغرب بكرة اكتب شنو
    ثم الكي بورد بطارياته خلصت وكتبت الكلمتين ديل في ساعة
    في داعي اتفلسف واشتري كي بورد وايرلس ؟؟!
    بجيك صادة
                   |Articles |News |مقالات |بيانات

11-02-2009, 07:03 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: حمد فتح الرحمن)

    ابو زينب

    بتك دي لو ختت عمو هيثم درار بتمرق عماد عزايم في يوم ملمات..
    بس وين مع قرابتك المهببة دي..

    بي جاي هيثم درار وبي هناك حكيم وماعارف عصام زبير وعبد الناصر
    غايتو عييييييك ..بتك دي لو بقت كوكب واحد من ابناء هؤلاء الاشرار وطاتا صبحت الامريكية دي..
                   |Articles |News |مقالات |بيانات

10-02-2009, 11:43 AM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    Quote: قال لو اتنين قفلوا ليك اي حاجة في وشك يبقى العيب ما فيهم العيب في وشك
    شححححححححححح

    يا سلام ياخ !!!

    اديتني شعور الفرحة المصاحب لشرب الموية الباردة لما تجي داخل من برة في احد ايام شهر اربعة و الشمس لاصقة ليك في قورتك و في فرن شايلو في كتفك بيبخ ليك في وشيك .. وفجأة تلاقي زير بااارد ياخدك بالحضن و يديك موية بكوز استانلس ستيل مبخر ...

    على سيرة الوشوش، يا دكين لا تعيب اصدقائك و العيب في وشك أ وبالأحرى ما يقبع في قاعه من الجهة الخلفية و بذلك أقصد المخ أو المخيخ أو كما قالت مدرسة العلوم في زمن مضى سريعا ...

    ما علينا،

    أنا باختلف معاكم يا اخوانا .. ورسمت دائرة بيد واحدة و ختمتها باشارة نحو رأسها مستفسرة: انتو طايوقكم ده ماف؟

    ما سمعت لي ناس بتحب التشحتف زيننا احنا السودانين، بيقعدوا في ضل الضحى يرسموا ليكم محبات و هيامات و هنابيك حب و غرام وشعر ما عندهم ليهو رقبة و أول ما تجيبهم في المحك تلاقيهم أول الذائبين في موية الدميرة ... حسي انت يا دكين اللي بعرفو احلف بغلاوة مق القهوة أب وردة بمبي انو انت لا حاولت لا سجم رمادك و اقصى ما فعلت هو التفكير فيها وإلباسها كل ما رأيت من بناء حواء و اعجبك وانت نفسك دنية و بالعجبك ما شوية .. يعني بنت ريدك دي تكون طويلة قصيرة سمينة ضعيفة خضرا حلبية عيونها كبار صغار وشعرها طويل قصير ... زولة مشخبطة ساي بركة الما لقيتها زاتو الحبيبة البعاتي دي ...

    المشكلة ما في عدم جية من رغبنا بقدر رجوعنا عن ما اقسمنا بأغلظ الايمان ان نفعل لو تبسم القدر و مال و حن و جا ... حركات منكم ساي ... علشان ما تقوم تعمل القلت حتعملو لما تلاقي ريدتك تقوم تقول انو اللي حصلت علية ما ياهو تقوم تسقط البند الملزم بالهيام و تجو تملو لينا البندويث ده هرطقات و يكثر ترديد (في الليلة ديك) ولو امعنا النظر قليلا لوجدنا انو ليلة داك ديك كانت ممكن ما تحصل لو حبيبة داك ما باعت حنانو لانو خاف و دايرها تبقى سعيدة حتى لو مع غيرو و لو عرستو كان ما سمعنا بالليلة ديك ولا ازدهرت تجارة العرقي في الشوارع الخلفية ... الكلام ده ليست له علاقة مباشرة بالموضوع قيد النجر ولكني دايرة اقوله من باب اللهم ني قد بلغت اللهم فاشهد ..

    جني و جن التباكي و حركات شحاتين السيدة زينب دي، حياتك دي ملكك و قراراتك ترسم بعضا من حاضرك ومقبل أيامك ... التشكي و التبكي و وووب احي دي ما بتحلك من انك تعيش حياتك زي ما داير ... ما لاقاني زول بيشكي من قلة حب أو حظ وامسى محبوبا أو حظيظا لانو ببساطة الشكية بتجيب الكج و الزمن احب ما عليهو يردمك عوراض علشان الشواكيش تاكتر وتلاقي الناس مضّايرة من بعض في الأعراس لانو عرسو توافيق تباديل و لقو روحهم في صقيعة الوحدة و أرضا يباب من المحب و صادق الشعور ... ويجي شاعر يبكي: اغالب دمعي و اتصبر و اقول يا الله صبرني ..على فراقك يا أغلى الناس ..سواد حظي الملازمني ..

    عاد الحظ ما ظالمنو انتو!

    هي واحدة من الاثنين ...

    يا الحب ده زي ما قالت بتنا بت قضيم، و مجرد حالة عقلية وبالتالي الدوشة دي فوق كم؟ قوم اشعر ليك بشيء عليهو القيمة ... انك زول سمح مثلا؟

    يا اما الحكاية دي قسمة و نصيب و بكده نرجع لهرطقتك السابقة ديك و الفلكبة دي اعتراض منك على القسمة ودي حركة ما حلوة منك و حقو تراجع نفسك تاني ...

    يا دكين،
    الوصيّف بتاع حالات صفاك تفترض انو البت دي جات الدنيا جملغ (حقوق الملكية الفكرية لعمر الفاروق) كايسة دكين و مبرمجة سلفا تحبك زي انت عايز و بالتالي انت لاغي ليها حقها في الاختيار .. انت داير تلاقيها فجأة تقوموا تحبو بعض؟ كده؟ بالساهل؟ ما داير تسعى و تبذل جهد في بنى حوائط و فتح نفاجات و تعريش الثقة؟ ياها كلمة مولانا المرتضى .. حفرت اساس و داير تعرش .... المشكلة حافر اساس في جرف السيل ...

    الحب يا اخوانا بحسب ما حبينا و عرفنا و خبرنا، لا قانون له لا يحزنون،
    بيجي و بمشي بأمر من لدنه مقلب القلوب ...و آخر دعائنا انه اللهم يا مثبت القلوب ثبت قلبي على حبه و شوقه لا احيد عنهما ما حييت ...


    وقتين الله يرضى عليك و يرمي في قلبك كلمة/أمر (حب)
    اقع البحر لغاية ما تصل منتهى الريد و اضرب برجلك القاع تطلع طافي على وش الموية يا شالتك موجة جديدة يا ناداك البحر نفسه تاني ...

    قوم جمبلغ .. اقع تاني ...
                   |Articles |News |مقالات |بيانات

10-02-2009, 12:19 PM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    Quote:
    انا يامحمد مافكيت اخرى هنا ساي
    عشان يجي فرتكان يقول لي ده كلام ساي وحركات اولاد حلة زي ما بقول الـ (دهل كول) عمر الفاروق ومافكيت هذا الاخر عشان تجي عزوز تفتح لي موضوع ماعندو علاقة بي هذا الاخر..
    كما ومافكيتو عشان الناس تقرا وتستمتع وتجي تقول لي (ياسلام يادكين بركة الماعرستا لانو لوكنتا سويتا ما كان قرينا الكلام السمح ده) ياخي بلاي ده هسي كلام يتقال لي زول مازؤم؟
    وانا مالي ياخي ومال استمتاعكم..
    عماد عبد الله قال لي انا مبسوط وبحبك..اها انا اعرس عماد عبد الله ده ولا كيف؟؟
    قدم لي شنو في محنتي دي(بكسر الميم وفتح النون)؟؟
    ياخي حتى صحبتو السمحة القتها ليهو جات زي الماسوت شي وختت شتلة محنتا في شباك ايامي وما اشتغلت بي الشغلة..
    انا يامحمد سطها زين ..شرقتا وغربتا..
    سكيت شغلتي دي في العذراوات.. وفي حبيبات سابقات لناس سابقين... وفي فتوات صغار ومطلقات كبار.. وقيل ارامل ..ياخي مافضل لي إلا النسوان اللواتي في حياتهن نغائص زوجية..
    ودي حرم لولا قول الله تعالى(لا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِنْهُمْ وَلَا تَحْزَنْ عَلَيْهِمْ وَاخْفِضْ جَنَاحَكَ لِلْمُؤْمِنِينَ)
    لحزنت على ما فاتني منهم الى احضان الرجال حزناً شديداً..
    وتجي تقول لي جهد نضيف وجهد معقول؟؟
    اصلو انا عايز اعرس اميرة ويلز؟؟


    يا دكين,,,كازانوفا(*)
    يا صاحبى تدفقت كما لم تفعل من قبل,,
    فقط سؤالى لك وأنت فى عمق وعز محنتك ومأساتك المصطنعة هذه!!!
    Quote: قبيلك كانت جهد معقول هسي بقت نضيف يامحمد؟؟..للضمان كده ياحبيب كلاها انا بذلته ..نضيف واكتر من معقول وازيدك من الشعر بيت مابذلته من جهد شمل ضمن ماشمل باكستانيات وبقايا تراكوة من جهات شندى ودناقلة بيور ودناقلة مهجنات مع جعليين وجعليين مهجنيين مع حبوش وفلاليح من دنقلا وفلاليح دناقلة تربو في شمبات.. وصوماليات بيور تربن في زنزبار.. وشوايقة ساي.. وشوايقة مهجنين في سواحل بورسودان مع ارتريات ..وارتريات صافيات كأن خدودهن الزجاج والبلور ..ارترية والله لو شفتها لرايت كرومزوم ُنبلها في عرق وشيها ماشي يقدل زي فرع اللبلاب ..
    جهودك ديل يا اللخو!!!!
    من أى نوع كنّ يا حبيب,,,
    وجيت مارق منهن كيت وكواريكك
    تجيب الرايحة الأبت تجيك دى!!!

    يا اللخو,,,

    أنا ما زلت مصرا,,,
    أن زوايا الرؤى عندك قد تتغير ولو قليلا,,,,
    إذا رفهت عن نفسك,,,,,,,,,,ولو قليلا أيضا,,,
    وأفكارك المضطربة وهضربتك تحتاج ذاك الترفيه,,,

    وتناقض أقوالك أصبح يرجح كفة إتهامك,,
    جايط جوطة لا حصلت لا بتحصل,,,

    داقى ليك إعلان قدر دا,,,,

    لاقينى كان جاب حاجة,,,,
    غير بنات أفكارك,,,





    وركّّب ترانسفورمر جديد القديم شكلو ضرب,,,
    وأقرأ الروشتة الكتبتا ليك دكتورة عزاز دى كوييييييييييييس!!!
    إحتمال الحال يتحرك معاك شوية,,,,






    (*) واحد

    (عدل بواسطة أيمن الطيب on 10-02-2009, 12:30 PM)

                   |Articles |News |مقالات |بيانات

10-02-2009, 04:32 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14383

للتواصل معنا

FaceBook
تويتر Twitter
YouTube


Re: النداء الاخــير (Re: أيمن الطيب)

    Quote:
    وازيدك من الشعر بيت مابذلته من جهد شمل ضمن ماشمل باكستانيات وبقايا تراكوة من جهات شندى ودناقلة بيور ودناقلة مهجنات مع جعليين وجعليين مهجنيين مع حبوش وفلاليح من دنقلا وفلاليح دناقلة تربو في شمبات.. وصوماليات بيور تربن في زنزبار.. وشوايقة ساي.. وشوايقة مهجنين في سواحل بورسودان مع ارتريات ..وارتريات صافيات كأن خدودهن الزجاج والبلور ..ارترية والله لو شفتها لرايت كرومزوم ُنبلها في عرق وشيها ماشي يقدل زي فرع اللبلاب ..


    دي مجهودات امرئ القيس زاتوا ما بذلها,

    تلقى مرادك يا دكين أخوي ,

    ولما تلقاهو أجي وأجيب معاي محسن خالد ندوبي ليكا هنا, ونسوي لك البنينة يا بنينة هوي

    واصـل مفحماً محاوريك



    أحمد الشايقي
                   |Articles |News |مقالات |بيانات

10-02-2009, 07:26 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: النداء الاخــير (Re: أحمد الشايقي)

    عزاز ال شامي :
    كيفك خيتي علك طيبة ..
    Quote: قوم جمبلغ اقع تاني

    دي حقوق الملكية بتاعتا حقتك انتي انا جمبلغ بتاعتي الاولى بس :)
                   |Articles |News |مقالات |بيانات

11-02-2009, 07:38 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: النداء الاخــير (Re: عمر الفاروق)

    ود الشايقى سلامات,,
    Quote: دي مجهودات امرئ القيس زاتوا ما بذلها,
    حلوة يا شايقى وملعوبة,,,
    Quote: واصـل مفحماً محاوريك
    يا حبيب صاحبك دا أحسن يشوف ليهو واحدة
    من طرف ولا من نص ولا من الآخر ويفحما,,,

    البسوى فيهو دا ما بحلو من مواجهة الواقع,,,,


    ياخ البحصل ليهو هنا أخير منو الدقّّّّ!!!
                   |Articles |News |مقالات |بيانات

11-02-2009, 09:26 AM

أيزابيلا
<aأيزابيلا
تاريخ التسجيل: 26-11-2004
مجموع المشاركات: 2385

للتواصل معنا

FaceBook
تويتر Twitter
YouTube


Re: النداء الاخــير (Re: أيمن الطيب)

    Quote: خذها مني وانا اخوك "مافي زول بلقى ضالتو لانو الضالة دي دالة في الخيال.."



    مية مية يادكين
                   |Articles |News |مقالات |بيانات

11-02-2009, 11:33 AM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: النداء الاخــير (Re: أيزابيلا)

    سيد البيت،
    ضيوفه الكرام،
    أسياد الشى ذاااتوو،،

    يا جماعة يعز على البوست دة جاية ماشة فيه،
    و أرجع أعاين ليه تانى،،،

    و أقول لالا لأ،
    خليه بكرة،،،

    الشى دة داير ليه قعدة بمزززاج،،


    و قدر ما أنتظرته يجى،
    (المزاج طبعا..)

    قعد يتعزز على!!!



    أها تنصحونى أجى من الاخر،
    و لا لازم إبدا من الاول،
    وواحدة واحدة،،،

    أتعايش مع كل السبقونى....

    و أشوف الشافوه،،
    و اضوق الضاقوه،
    .........
                   |Articles |News |مقالات |بيانات

11-02-2009, 01:15 PM

احمد التجانى احمد
<aاحمد التجانى احمد
تاريخ التسجيل: 11-11-2006
مجموع المشاركات: 3147

للتواصل معنا

FaceBook
تويتر Twitter
YouTube


Re: النداء الاخــير (Re: Hala Hassan)

    أها تنصحونى أجى من الاخر،
    و لا لازم إبدا من الاول،
    وواحدة واحدة،،،

    هالة حسن
    يقترح ان تبداى من مكتبة دكين
    لو فاتتك بوستاته القديمة
                   |Articles |News |مقالات |بيانات

11-02-2009, 07:36 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: أيزابيلا)

    شذى
    داير اعلق على سماحتك دي
    بس زمان كنتا بخاف امجد يجي ناطي لي في رقبتي
    هسي بقيتي انتي ذاتك تنطي في الرقبة..





    نفسي القى معاكي شي مشترك غير الونسة البتجر المشاكل دي ..
    بس مابفهم في الطب غير وجع القلب..
                   |Articles |News |مقالات |بيانات

11-02-2009, 07:25 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: أحمد الشايقي)

    احمد الشايقي
    ياخي عرسًا بلمك انتا والجعلي ده في دلوكة واحدة لهو من دواعي سروري
    بس وينا الرايحة البتلمكم وتلمني دي
                   |Articles |News |مقالات |بيانات

11-02-2009, 07:19 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: أيمن الطيب)

    ايمن الطيب
    اتحداك تلقى زول من فردك - غيري- سكا درب العايزو قدر ماسكيت..

    نص الناس الهنا ديل كان مناهم يلقو الكايسنو بس ما لقو..
    نصهم روشتة عواز دي كان وصفتم بس كانت الزوجة الجديدة دخلت اللحم الحي وانتشرت في باقي الجسم

    سمبك وركب..
    ونفس السمبك راجيني ..بس اخوك هسي بوسع محل ركوب السمبك..
    مين عارف يمكن قبل البوست يصل الصفحة التالتة تطله هالة التحت دي صاحبة النصيب..
                   |Articles |News |مقالات |بيانات

11-02-2009, 08:21 PM

كمال سالم
<aكمال سالم
تاريخ التسجيل: 13-02-2008
مجموع المشاركات: 4785

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)



    إنت يادكين بقيت كضاب ولاشنو ؟؟؟
    قبل إسبوع ماجيتنى مهرول وقلت لى وجدتها وجدتها ,,
    هسه الزوله دى لو متابعه المنبر ده تقول عليك شنو ؟؟





    ولا أقول ليك : سيبك منها ,, وواصل فى هذا النداء ,, هسى بالله
    لو مانداءك الاخير ده , زى السهل الممتنع والممتع بتاع عزاز شامى
    ومحمد المرتضى ده كنا حنقراهو وين ؟ ,, إنشاء الله ويابركة جاه النبى
    ماتلقاها .
                   |Articles |News |مقالات |بيانات

14-02-2009, 10:42 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: كمال سالم)

    كمال سالم العزيز

    ياخي الموضوع ده سر ..
    اقضى حاجتك بالكتمان يمكن تفلح ويمكن تمرق ندمان..




    تخيل بقيت كل مااتذكر عيونا اتكلم براي..
                   |Articles |News |مقالات |بيانات

11-02-2009, 08:42 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    عزوز
    يعلم الله اشتقتا ليك..ياخي ماتعمل نعمل (مانيوال بولسي) لي ونستنا عبر التلفون ونحترم هذا المانيوال ..
                   |Articles |News |مقالات |بيانات

12-02-2009, 00:11 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14383

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)



    Quote: حلوة يا شايقى وملعوبة,,,

    Quote: واصـل مفحماً محاوريك

    يا حبيب صاحبك دا أحسن يشوف ليهو واحدة
    من طرف ولا من نص ولا من الآخر ويفحما,,,

    البسوى فيهو دا ما بحلو من مواجهة الواقع,,,,


    ياخ البحصل ليهو هنا أخير منو الدقّّّّ!!!


    تعرف يا أيمن

    في ناس كتير عرسوا وما اتشتحفوا زي دكين دا,

    بعرسوا وبيلدوا وبموتوا كمان ومافي زول بسمع بيهم ولا في زول بيستفيد من تجاربهــم

    ياخي روميو نفسه لو ما اتشحتف زي دكين دا ما كان سمعت بروميو ولا بجوليت كمان,

    جوليت دي ممكن تكون واحدة زي أي واحدة تلقاها واقفة في مواصلات الصحافة ولا راكبة النيسان ماشية الابيض ولا في بمبة لوري وحلان في دلتا القاش,

    الالهام الحقيقي والابداع في الشحتفة دي , شوف الولد دكين دا مشحتف ليك البورد والبوردات المجاورة دي كيف, والناس مخلية أوكامبو وأوباما والمامبو وكنا برضو مخليين غزة وأنفاقها لمصيرهم ومتابعين شحتفة دكين وغزواته الامرئ قيسية وناس مولانا مرتضى يسكبوا عصارة ما اعتصروه من سنين

    أنا قلت فوق إنه كلام مولانا مرتضى دا هو الشعر بعينه بس تعرف كلام دكين وعزاز وبت قضيم دا يكون شنو ؟

    لو قلت ليك لاستحل رجال مسلمون دمي ...

    ليك التحية يا عظيم

    أحمد الشايقي
                   |Articles |News |مقالات |بيانات

12-02-2009, 07:50 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: النداء الاخــير (Re: أحمد الشايقي)

    الشايقى يا عزيز,,,
    Quote: في ناس كتير عرسوا وما اتشتحفوا زي دكين دا,
    ياخ دكين دا فاقد الإتجاه والبوصلة الداخلية وحار بيهو الدليل
    وفاض بيهو الشجن وأشاء أُخر,,,
    Quote: ياخي روميو نفسه لو ما اتشحتف زي دكين دا ما كان سمعت بروميو ولا بجوليت كمان,
    روميو وإمرئ القيس وعنترة وجميل ديل كلهم ناس كانت أهدافهم واضحة ومرئية وظاهرة للعيان أما صاحبنا فلاهدف واضح ومحدد لديه,,
    أي حبيبى ود الشايقى صاحبك دا حائط المبكى المسويهو دا فىىىىىىىىىى شنو,,, ألله ورسوله أعلم!!!!وما زلت عند ظنّى أن الأمر لا
    يخلو من مكيدة ما Smoewhere أو بعض دردرة,,,
    Quote: الالهام الحقيقي والابداع في الشحتفة دي , شوف الولد دكين دا مشحتف ليك البورد والبوردات المجاورة دي كيف, والناس مخلية أوكامبو وأوباما والمامبو وكنا برضو مخليين غزة وأنفاقها لمصيرهم ومتابعين شحتفة دكين وغزواته الامرئ قيسية وناس مولانا مرتضى يسكبوا عصارة ما اعتصروه من سنين
    وجاء صاحبنا قائلا أن الجميع جاء يعزّى نفسه!!!
    وطالب بإغلاق البوست بالضبّة والمفتاح!!!!!تخيل!!!أوكان يود أن يأتينا بهرطقاته وأضعاث أحلام يقظته المرهقة ويوجع لينا عيونا ويودنا لو نُمّر مرور طيور!!!!,,,بما قال وكتب نناقشه فبدأ يطلق الشلاليت يمينا ويسارا,,,,فقط أنظر لردوده الأخيرات تجده قد بدأت قواه تخور وإعترف ضمنا أن كان غلبك سّدها وسع قدّها نظرية موضوعة نصب عينيه الآن!!!والخوف أن يكون هذا هو مثل مرحلته المقبلة وأقولها له الآن إن كان كذلك !!!! خُمّ وصُرّ يا دوبك الخايفو يحصل,,حصل!!!ولن تجدى محاولات توسيع تلك الأماكن الضيقة,,
    Quote: أنا قلت فوق إنه كلام مولانا مرتضى دا هو الشعر بعينه بس تعرف كلام دكين وعزاز وبت قضيم دا يكون شنو ؟

    عزاز هى ملكة تفنيط وتمحّيص إدعاءآت الدكن صاحبى من واقع قراءتها وقربها وفهمها للشخصية الدكينية وهى تناقش ما يقول وهو يرد على أفكارها,,, دكين فنان ومبدع صحيح لكن جرستو وبكاهو هناهو عبارة عن تفكير بصوت عالى وهى ميزة فى دكين أى المقدرة على التفكير بصوت عال وطرح ما يدور برأسه الخمجان على الملأ دون حتى التفكير فيه وتلك يا صاحبى شجاعة لأنك قدتجلد بأفكارك غير المرتبة تلك,,,ياخ الزول دا ما قاعد يحب,,,الراجل دا تعبااااااااااااااااااااان وداير يعرس لكن ملاوز يعنى زى المشتهى الآيسكريم وخايف اللوز كدا القصة ما حب ولا هيام,,,حسب رؤيته فقد ظن أن السن قد طعن ولزاما عليه أن يجد من يشاركه ما يمكن أن يُقتسم عنده ويولدها صبيانا وصبايا!! لم يقل أنه يود أن يكتب فيها شعرا ويقضى العمر متبتلا فى محراب عشقها!!!!ياهؤلاء مابالكم كيف تحكمون!!!!!! وكمان جابت ليها غزوات وصولات وجولات!!!فى ظنّى أن كلها إسفيرية وأثيرية أو فلنقل معظمها!!!!وفشلها واضح للعيان ولا حوجة لمناقشة الأدلّة,,,

    مولانا ابو أيمن(ود المرتضى) حاول أن يضعه فى الطريق الصحيح لكن صاحبك العامل راسو زى كربريتر الأتوس دا عامل حميل وأبى أن يأخذالحكمة من أصحابها ,,,نشوف آخرو شنو إن كان يملك واحدا!!
    هنافى هذاالبوست الملغوم,,, الروعة كادت أن تكتمل بما كٌتب فيه,,, إمتاع حتى الإشباع ,,,وأخوك لإمر فى نفسه يضحك ملء شدقيه كلمافتحته ووجدت أن الخناق قد ضاق حول رقبة أبولسان طويل,,,

    يا شايقى يا صاحبى التدوير وإعادة التدوير صنعة أتقنها البعض هنا!!!!! والبعض بكل الطيبة والنقاء يضع نفسه تحت مكائن الطحن والعفص,,,والمحصلة دائما جيدة فمن بعض الأشياء ليست ذات القيمة يمكن إنتاج ما يمكن أن يكون ذو قيمة ونفع!!!!!

    وصاحبك دا أنا فترت من تدويرو(*)

    ولك ولصاحبك (التعبان دا) أعظم التحايا وكل الإحترام,,
                   |Articles |News |مقالات |بيانات

12-02-2009, 10:41 AM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    Quote: عزوز
    يعلم الله اشتقتا ليك..ياخي ماتعمل نعمل (مانيوال بولسي) لي ونستنا عبر التلفون ونحترم هذا المانيوال ..


    يا سلام .. يا سلام ..

    بكل أريحية كده زي البيحشي ليهو في ساندوتش جبنة و تاكي على التلاجة
    بيقول لي تعالي نعمل مانيوال بوليسي ...

    كلام زول مطمئن ... يرفل في الأمان ...
    ضامن العيش و الجبنة و الكفتيرة جنبو بتقول (صييييييييييييييي)
    انت مالي يدك من اتصالي المحتوم و بقت على المانيوال...

    لا بالله؟!

    خلاص يعني ؟ نعرش "سوء التفاهم" ده على كده؟
    و اقدل فرحانة انو غفرت لي
    "قفلتي السماعة المست غرورك و فرقتنا يا فردة ...
    خلاص كفرت عنها
    بتسهدي و نحيبي و مداخلاتي.."
    و ننسى حموضتك القبيل و اشرب سفن اب ،
    و نقفل دفتر حسابات الاتصالات الي ما لقت رد إلا من بنية ما بتعرفك لا بتعرفني
    تقول لي الرقم ده ما تدقي فيهو تاني و لملمي ونستك عليك و شتتي و اقطعي وشيك ...
    و المعزات ديلاك (مااااء مااااء) رجعن تاني من مرقة الصباح في الحلة
    و عرفن درب بيوتهن و الضل البعرفهن؟
    يعني بقيت رضيان تسامح يا عشاي؟

    لا بالله؟

    النبي؟

    بالجد؟

    مرحى .. مرحى ..

    استجابت السماء لابتهالي ...


    دقيقة ماشة اصلي ركعتين شكر و اجي اتم المداخلة دي ..



    ....



    ....



    .....




    صلينا ...



    ودانت الجباه شكرا و حمدا للمكرمة الشلالية ...





    اها ..

    قلتي لي مانيوال يا عشاي؟؟
                   |Articles |News |مقالات |بيانات

12-02-2009, 01:30 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    عزوز
    بلاي ردك ده هسي موش اخير منو قفلة التلفون في الوش؟؟
    خليتي شنو تاني ماقتي مانيوال شنو معاكي انتي..انتي حقو يعملو ليكي رسيفر بدل موبايلي الكحيان ده..










    بعدين انا البضرب يا متاهة انتي
    من متين انتي قاعدة تضربي؟؟
                   |Articles |News |مقالات |بيانات

12-02-2009, 03:37 PM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    مساهمة مني في ايجاد بنتك الطاشة في هيلمانة

    اضع ايميلك تحت تصرف الأقدار عل و عسى ان تجدك ضالتك علشان تآمن

    [email protected]


    وارجو ان يكون تصرفي هذا في ميزان حسناتي ...



    ____


    أووووووعك تضرب لي تقول لي امسحي الهباب ده
    لاني ما حامسحو إلا يدقوا صيوانك
    و ليلة حنتك اخت ليك الضريرة بيدي في قورتك الكبيرة دي
                   |Articles |News |مقالات |بيانات

12-02-2009, 04:07 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    عزوز
    لووووووووولوز

    مكااااسب ..جابت ليها خت مسنجرات وكده..
    طيب يافردة عندك من هسي ولحدي تلاتة ساعات مسحتي الهباب ده خير وبركة ما مسحتي برضو خير وبركة..

    وعلى الباغي تدور الدواير
    بس برضو مشتاقين
                   |Articles |News |مقالات |بيانات

12-02-2009, 05:02 PM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    )............................................> أقلب الصفحة

    (عدل بواسطة أيمن الطيب on 15-02-2009, 08:30 AM)

                   |Articles |News |مقالات |بيانات

12-02-2009, 09:55 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: أيمن الطيب)

    انشالله محدش حوش..

    [email protected]
    الفت بي قروش يا عزوز..

    برضو مشتاقين
                   |Articles |News |مقالات |بيانات

13-02-2009, 06:26 AM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    عزيز ..!!

    ده شنو ده؟

    جنيت؟

    داير تهد لي عشي البنيتو قشة قشة ولا شنو؟

    شيل البتاع ده لانو البورد ملغم ...

    انا ايميلك افصحت عنو و ابنت بسبب نداء الروح الأخير ...

    واني لك من الناصحين، فك الارتباط الثنائي علشان الخير يعرف طريقك

    حسي انا ذنبي شنو البنات يرسلو لي عتب و كلام حامض علشانك انت؟

    ما باقدر اقول ليك حاديك كذا ساعة (وإلا) لانو انت ما بتتهدد واللي اتبلبل ما بيخاف العوم

    ابقى شاااااطر و شيل الهباب ده علشان لو شفتو وشك في يوم اسلم عليك
                   |Articles |News |مقالات |بيانات

13-02-2009, 09:06 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: عزاز شامي)

    Quote: سيد البيت،
    ضيوفه الكرام،
    أسياد الشى ذاااتوو،،

    يا جماعة يعز على البوست دة جاية ماشة فيه،
    و أرجع أعاين ليه تانى،،،

    و أقول لالا لأ،
    خليه بكرة،،،

    الشى دة داير ليه قعدة بمزززاج،،


    و قدر ما أنتظرته يجى،
    (المزاج طبعا..)

    قعد يتعزز على!!!



    أها تنصحونى أجى من الاخر،
    و لا لازم إبدا من الاول،
    وواحدة واحدة،،،

    أتعايش مع كل السبقونى....

    و أشوف الشافوه،،
    و اضوق الضاقوه،


    حبابك
    ياخي اعتبري البوست بوستك
    بعدين البوست ده اصلا موجه لي البنيات..
    غير متزوجات ومتزوجات ومطلقات وارامل
    نداء عام يعني..
    كل زول يجي خاشي هنا يشوف هل الامانة دي حقتو ولا لا
    كان حقتو يبذل فيها الربنا قاسمو ليهو
    وكن مرقت ماحقتو
    يتركها فهي امانة
    والله تعالي يقول.. وادو الامانات الى اهلها..
    فانتي قومي اديها لي اهلها لو حسيتي بانو اهلها قريين منك..
                   |Articles |News |مقالات |بيانات

14-02-2009, 11:19 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14383

للتواصل معنا

FaceBook
تويتر Twitter
YouTube


Re: النداء الاخــير (Re: DKEEN)

    الاخ أيمن الطيب

    شفت كيف البوست دا فتح حوارات جانبية وخلانا نتعرف

    أكبر نجاح للشاب دكين إنه خلا الناس دي تحلل وتحلل ويصلوا فيهو لمذاهب شتى ومدارس شتى ومظان شتى واتجاهات فهم شتى

    زي ما انت شايف إنه ولد فاقد البوصلة وزي ما مولانا المرتضى شايف إنه دكين دا ما بذل مجهود كافي لتحديد بؤرة التفكير العاطفي أنا شايف إنه زول متفرد في حبه وإنه يبحث عن أنثى فريدة تستحق الحب الفريد الذي يحلم به دكين في تخلقاته المرحلية كلها,

    واكبر دليل على كدا الجدية الواضحة لدرجة الفداحة والمفردة الخارقة (المخترقة) لحجب اللاواضح في مفرداتنا التي تتلبس بالحياء فلا تنتهى إلا بالنقل المخادع لحقائق مواقف الناس.

    الحوار دا يا أيمن ربما كان محبوباً لي شخصيا لسبب آخر هو إنه أنا وزملاء كثر هنا عجزنا عن إدارته بنفس هذه الاختراقية لأزمنة طويلة

    وهانحن نجد أنفسنا فيه وعبره ونتوسل لعباراته أن تنقل عنا ولو بعد حين

    ليك التحية يا عظيم


    أحمد الشايقي
                   |Articles |News |مقالات |بيانات

18-02-2009, 05:19 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: النداء الاخــير (Re: أحمد الشايقي)

    ود الشايقى يا عزيز,,,

    الأكيد هنا أننى قد تشرفت بمعرفتك وإلى أن أجد ما يناسب جميل كلماتك أرجو
    ألا نسمح لهذا النداء بالتدحرج إلى الخلف فمشكلة حبيبنا دكين حسب علمى ما
    زالت قائمة,, والرايحة ما جات,,,

    تحياتى,,

    أين أنت أيها التيتل!!!!
                   |Articles |News |مقالات |بيانات

18-02-2009, 10:05 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14383

للتواصل معنا

FaceBook
تويتر Twitter
YouTube


Re: النداء الاخــير (Re: أيمن الطيب)

    شكرا يا أيمن

    ونواصـل اللقاءات الطيبة في هذه الســوح مع الأماجد


    أحمد الشايقي
                   |Articles |News |مقالات |بيانات

18-02-2009, 02:34 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: النداء الاخــير (Re: أحمد الشايقي)

    الاعزاء زوار هذا البوست..

    نسال الله ان يتغمد فقيد السودان الاستاذ الطيب صالح بوافر رحمته..


    وتعزية خاصة للاخ المحامي الجليل الاستاذ محمد المرتضى والاخ المحامي الجليل الاستاذ الشايقي
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de