|
|
 طارق ابو عبيدة (خدر) في ذمة بارعة إثر حادث مروري
|
تعرض مجروس مسرع غرب مدينة (هربنستا) الهولندية للجاغوار التي يقودها اخونا خدر وما فضلت فيه شي .. نفد صديقنا من نافذة المرسيدس في اخر لحظة ..
ضبحت بارعة كرامة لنجاة بعلها العزيز علينا وعليها ..
الان خدر ولقاء تحت رعاية الفضلى بارعة ..
الله يعينها عليهم ..البت وابوها ..
لو منها امرقها في الحلة الجديدة..
نقلا عن جريدة لانغيرنا المحلية ..
القصيدة مهداة للعزيز خدر لنجاته من الحادث
المجروس الذي عبر من هناك كسر جسرا فمال..
الجسرالذي انكسر فتح طاقة فخرمت منها جاغوار انجليزية الصنع موديل 98..
شاهد عيان راى المجروس والجسر والموديل والطاقة التي فتحت ..
شاهد عيان اخر راى جسما اسودا كدرويش في كرري يخرج من نافذة وحيدة..
قنينة الوسكي لدى سائق المجروس انسكبت على الاسفلت..
الاسفلت صار حنينا على الدرويش..
كسر الدرويش يده ..
حقة السعوط من داخل الجاغوار صرخت ( يابومروة)..
ردد السهل في مدينة (هربنستا) صدى المروة..
نظر طارق ابوعبيدة الى حطام الجاغوار فغنى..
لو ينفع المحذور مالي ومال هواه الضامر المخدور ..
(انتهى)
الان العشم في بارعة ..
سلمت يداك ابا لقاء ..
|
|
 
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: ناذر محمد الخليفة)
|
ناذر وفيصل ..ياخ انا والله ما قصدتا اي كمين ..
يعني معقولة بس يفترضو فيني حسن النية داك كلو؟؟
معقولة بس ..
هل ابدو طيبا لهذه الدرجة ؟؟
طيب خليني مني انا؟؟
كمال كيلا ده هسع غناهو ده غنى يصدروهو هدية ؟؟
تعرف الانسان لامن تكون طرشتو في لباسو كبيرة افق القبول عندو بكون لامحدود وبصدق كل مديح يأتيه..
| |
|
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: DKEEN)
|
ياشباب
انا ما بهظر وليس في الامر (باد جوك وباد بويز )وطارق بالجد خبططو عربية وكاسر يدو ..
والصورة اعلاه صورة يدو المكسورة ملفوفة في دمورية هولندية ..
الزول ده كان معاي في المنسجر هسع ..
مرتو بتخت ليهو حرف وبتو بتخت الحرف التاني وهو بعمل انتر ..
ربع ساعة عشان يقول لي ازيك..
ونص الساعة التانية شرح لي قصة الحادث..
لقاء كبرت وبقت حلوة وعيونا مكحلات وصوابعينا فيهن حنة ..
جبر الله كسر العزيز .. مافي ترمس في هربنستا؟؟
| |
|
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: DKEEN)
|
لمن شفت خدوري قبيل في الماسينجر ويده معقوفة ظنيت ان السبب حادث إنزلاق كحولي
وطلبت منه الإقلاع الفوري
أتاري القصة فيها مجروس
لولا لطف الله لضاع مني صاحب لم أستمتع به إلا قليلا
ولولا لطف الله لكان صديقي قد { طار كجنى الوزين } وقضى المساء برفقة النعام آدم يتمايلان طربآ والفينة بعد الأخرى يداعب النعام شاربه الكث إستحسانآ ويستزيد
وللبارع بعل بارعة نقول ألف حمدآ لله على السلامة وأكثر قدر مايقدر
| |
|
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: أبو ساندرا)
|
Quote: ؟he betan er sy drea
|
ابن ارحم شيوخ النيل
نحن يا انباب تود
الشياخة الوحيدة التي لم يظلم فيها الناس
وعرف اجدادنا حقوق الانسان قبل ان تخطر على فكر غيرهم
نحن يا منقة
في سنة ستة والمجاعة مدورة في العالم
رفض اجدادنا اغاثة الحيكومة
وقالو للحيكومة تعالو النديكم
كفاك والا ازيدك
| |
|
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: حمد فتح الرحمن)
|
سلامة ليك يا خدوري
وسلامة لقاء وأمها
وأعمل حساب المجروسات السواقينها شغالين بقبقة وتكويسات
مرة في أعياد مايو الجماعة جو باليل عملو ليهم صينية جديدة في بحري مقابل كوبري الحديد ومحطة بحري عملو فيها تماثيل شعار جماهير التحالف ..
في ليلو داك جاء بتاع مجروس من جهة المنطقة الضناعية خبط ليك الصينية وكسر تماثيل شعار التحالف وكسر المجروس ونام في محلو
بتاع الحركة جاء الصباح بدري لقى ليك العسكري لسع نايم وعطور الشرشور تقول ياصباحي
"" شنو ياخينا" " أصحى ياجنابو؟! " الصينية دي بحالها ما شفتها؟؟
"" آآآخ ..؟ الصينية وينها؟؟""
"" الصينية الهرستها دي يا جنابو""
"" ياخي ! ياخي انتو ان بقيتو مجانين كل يوم خاتين ليكم صينية في محل""
"" دي أمبارح الصباح كانت هنا مافي""
| |
|
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: بدرالدين شنا)
|
الف حمدالله علي السلامه يا طارق...
يا جماعه حرام عليكم ..والله انا قلبي وقع ووقفت كم دقيقه قبال ادخل البوست ده..
انتو ما عارفين الواحد بقى يتخلع بدون سبب..خصوصا وانو فقدنا كمية من الاعزاء في فترة وجيزة جداً؟؟
لكن نعم..قدر اخف من قدر..والجاتك في ايدك سامحتك يا خدوري...بس طمنونا علي المجروس انشاءالله ما جاتو عوجه..
ربنا يحميكم من كل شر....قولوا اميين..!!!
| |
|
|
|
|
|
|
|
|
 Re: طارق ابو عبيدة (خدر) في ذمة بارعة إثر حادث مروري (Re: DKEEN)
|
الف الف سلامة ليد خدر ,ولسلامة صاحب اليد,وبقن عليك خروفين العيد والكرامة!
والحمد لله دكين مابكتب اخبار المجتمع,خلعتنااااا ياااااخ
والله لو ماحمد ترجم لي سايكلوجية كلمات المبدع دكين,يوم الجمعة السابقة اثر كباية شاي أحمر,كان علي الاقل كدا جاني انتفاخ في اوداج اللغلغ من الحزن.وهي الان اثر ضحك.وفرحة بالسلامة.
عندما اضع الاسكرين سيفر علي Pipes اتذكر أنابيب يكتبها دكين,تستطيع أن تخلق جوا من الانبساط والانقباض ,تتحرك بك في كل الاتجاهات,تخشاها اول وهلة,تحلق بك بعيدا ثم تهبط بك في مطار السلام.
سلمت وعشت يادكين
| |
|
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: DKEEN)
|
تعرف يا دكين ..
Quote: في بلاد لا ترمس فيها انكسرت يد صديقي..
في البلاد التي تمتلي ترمسا ينكسر الرجال ..
الترمس في البلاد والرجال كسور..
البلاد كسور والرجال ترامس ..
البلاد رجال والسلم نايلو في نايلو ..
|
لو كنت مسؤول عن جائزة نوبل للأداب كنت اديتك ليها بس عشان الخمسة سطور الفوق ديل 
صنفرة :
سلامتك يا خدر من كل شر وحافظ على يدك الفضلت عشان عزف العود
| |
|
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: DKEEN)
|
طارق ابو عبيدة (خدر) في ذمة بارعة
الاخ العزيز
دكين
غلبنى اخصم منك اى حاجه... خصمت من العنوان
قطع شك جاك الخبر... صادفك تتسكع مع وردتك وقرمصيصها...وووووو
وبالك "هنووك"
فكيتها فينا...والجاك ...جاك من الرحيق ..يامولانا
ألف مليون كفاره
لقاء,بارعه
خـدر ...
وسلامتكم ... سلامه
تحياتى
| |
|
|
|
|
|
|
|
|
|
Re: طارق ابو عبيدة (خدر) في ذمة بارعة إثر حادث مروري (Re: DKEEN)
|
DKEEN
you are too intelligent to be understood by us, the common people. this is why i read the title and the introduction of your post, and thought that you were kidding. just kidding. playing on
words. but i came later, and saw that it was real.
khidir and bar3a and liga'a
please accept my warm congratulations
khidir is a good man. this is why he escaped this horrible accident
and you are a good family. but take care. there is a lot of envy out there.
khidir you should wear 7ijab! not veil! but 7ijab to ward off evil spirits
| |
|
|
|
|
|
|
| |
فيصل نوبي
ناذر محمد الخليفة
Mohammed Elhaj
حمد فتح الرحمن
Soumeta
saadeldin abdelrahman
garjah
أبو ساندرا
سفيان بشير نابرى
عبدالرحمن عبدالله أبوشيبة
المسافر
خدر
بدرالدين شنا
تولوس
عمر ادريس محمد
HAMZA SULIMAN
Adil Osman
Marouf Sanad
الجندرية
إسماعيل وراق
معتصم الطاهر
jini
تيسير عووضة
walid taha
الملك
فضيلي جماع
محمد عبدالرحمن
fadlabi
فيس بوك
تويتر
انستقرام
يوتيوب
بنتيريست