|
Re: ما رأيكم فى هذا الموضوع ... ؟؟؟ (Re: Sudany Agouz)
|
الأستاذة والشاعرة الكبيرة سوما ..
هكذا كان تعليقك يا سوما :
عمى العجوووووز ارنست والله مشتااااااااااقين كيف حالك يا رجل يا طيب الشوق محنة يعلم الله عارف يا عمو انا جيت داخلة بس عشان اسلم عليك وما عارفة الموضوع اصلا شنو ولما عرفتو جن واباليس طوااالى حا اكب الزوغة اصلى انا من جنس الحاجات دى خوااااااااافة وفى الشارع بخاف من الكتاحه البتقوم فجأة ديك ( عصار) بضم العين تلقى الهوا ملول فى شكل دوارنيه وخامى معاه اى ورقة ولا ورتابة قصب طايرة قدامه اها حبوبه زمان كانت بتقول لينا الجوه ده الشيطان بسم الله الرحمن الرحيم قولوا محمد معانا ما تغشانا انا بقولا ليك وبكون ارجف ومغمضة عينى عشان ما اشوف الشيطان حسب رواية الحبوبه مره شايلة شنطة المدرسة وجاريه مع صحباتى فى شوارع القضارف العجيبه فى الخريف .. واشوف ليك هواء ملول قدامى جارى اقوم اجرى اخلى صاحباتى واكورك بطول حسى محمد معانا ما تغشانا.. ومغمضة طبعا .. توووووووووشك اخش لى فى حاجة بتبيع التسالى والفول مسكينه فارشة حاجاتها قدامها.. وفجأة اسمع ليك النهرى والرطانة قلت خلاص الشيطان قبضنى وحات خوتك ما عارفة وصولونى البيت كيف.. والحاجه غرمت ناس البيت حق البضاعهااللفحتها انا وخلاها العصار عمى العجوز لقيتك ونسيت كل شىء حقيقى ليك وحشة وعليك الله ما تغيب مننا كده تانى تحياتى لك والاسرة وشكرا مطامير فرح بيك """"""
شكرا على تعليقك وسؤالك .. قد قمت بوضع مداخلتك أمامى حتى أستطيع اجترار المعانى السامية .. وأسلوبك الطريف الظريف .. أنت .. أنت يا سوما .. أبدا ما تغيرت .. خفة ظلك الدائمة هى هى .. لا ولن تتغير بمرور الزمن ..حتى فى سؤالك عنى .. له طريقة طريفة خاصة .. لا تتأتى الا من شاعرة فى قامتك .. و هامة مثل هامتك .. لكن .. كله كوم وقصة حاجة الفول اللى كانت فى القضارف دى كوم تانى .. ذكرتينى القضارف وناس القضارف .. هل تعرفى ان والدى رحمه الله كان ناظر مدرسة فى جنوب القضارف فى قرية اسمها القريشة.. كنت أنزل فى محطة القضارف وأركب اللوارى وطبعا فى كل مرة مسطح مع جوالات السمسم والعيش .. الخ .. كانت أيام .. يا سوما .. أيام وسنين جميلة لن تنسى ..
أما موضوع الجن فى الحلقة .. هو بمثابة فكاهة .. صدقينى ان شاهدتينه .. هو من قبيل الفكاهة ليس الا .. سوف تضحكى جنس ضحك ..
المهم .. ما تاخدينى فى دوكه .. بالمناسبة دوكه دى برضه جنب القضارف .. وين الديوان .. ديوانك الذى وعدتينى به ؟؟؟؟؟
المهم شكرا جزيلا يا سوما على سؤالك الرقيق ..
ودمت ..
عمك العجوز ..
أرنست
|
|
|
|
|
|
|
العنوان |
الكاتب |
Date |
ما رأيكم فى هذا الموضوع ... ؟؟؟ | Sudany Agouz | 11-21-07, 00:34 AM |
Re: ما رأيكم فى هذا الموضوع ... ؟؟؟ | AnwarKing | 11-21-07, 01:01 AM |
Re: ما رأيكم فى هذا الموضوع ... ؟؟؟ | HOPEFUL | 11-21-07, 03:18 AM |
Re: ما رأيكم فى هذا الموضوع ... ؟؟؟ | هشام هباني | 11-21-07, 03:31 AM |
Re: ما رأيكم فى هذا الموضوع ... ؟؟؟ | soma | 11-21-07, 05:11 AM |
Re: ما رأيكم فى هذا الموضوع ... ؟؟؟ | Mustafa Mahmoud | 11-21-07, 06:36 PM |
Re: ما رأيكم فى هذا الموضوع ... ؟؟؟ | Sudany Agouz | 11-21-07, 05:22 AM |
Re: ما رأيكم فى هذا الموضوع ... ؟؟؟ | Sudany Agouz | 11-21-07, 05:36 PM |
Re: ما رأيكم فى هذا الموضوع ... ؟؟؟ | عزيز عيسى | 11-21-07, 06:34 PM |
Re: ما رأيكم فى هذا الموضوع ... ؟؟؟ | Tragie Mustafa | 11-21-07, 06:40 PM |
Re: ما رأيكم فى هذا الموضوع ... ؟؟؟ | waleed dawash | 11-21-07, 07:40 PM |
Re: ما رأيكم فى هذا الموضوع ... ؟؟؟ | Sudany Agouz | 11-22-07, 01:58 AM |
Re: ما رأيكم فى هذا الموضوع ... ؟؟؟ | Sudany Agouz | 11-22-07, 06:42 PM |
Re: ما رأيكم فى هذا الموضوع ... ؟؟؟ | soma | 11-24-07, 05:44 AM |
Re: ما رأيكم فى هذا الموضوع ... ؟؟؟ | Sudany Agouz | 11-24-07, 01:18 AM |
Re: ما رأيكم فى هذا الموضوع ... ؟؟؟ | Sudany Agouz | 11-24-07, 11:01 PM |
Re: ما رأيكم فى هذا الموضوع ... ؟؟؟ | Sudany Agouz | 11-25-07, 10:54 PM |
Re: ما رأيكم فى هذا الموضوع ... ؟؟؟ | Kabar | 11-26-07, 06:59 AM |
Re: ما رأيكم فى هذا الموضوع ... ؟؟؟ | Sudany Agouz | 11-27-07, 05:55 AM |
Re: ما رأيكم فى هذا الموضوع ... ؟؟؟ | Sudany Agouz | 11-27-07, 07:47 PM |
Re: ما رأيكم فى هذا الموضوع ... ؟؟؟ | المسافر | 11-28-07, 05:57 AM |
Re: ما رأيكم فى هذا الموضوع ... ؟؟؟ | Sudany Agouz | 12-09-07, 03:49 AM |
|
|
|