|
|
 أتشرف بأن أكون بينكم .. يا اخوانى ..
|
أحبائى المحترمين ..
تحية طيبة.. طيبة أهل السودان وعطرة بعطر الصندل والصندلية ومزينة بزينة عروس بالقمر بوبه .. والزمام .. ونقش الحنة .. مغلفة بالقرمصيص فى ليلة دخلة ..
أخواتى وأخوانى .. كم كان سرورى بمشاركتكم .. وقبل الدخول فى أى تفاصيل ، أود أن أشد على أياد القائمين والمسئولين عن صفحات الانترنت والتى جعلتنى أفخر بهم وبكل من جادت قريحته بعمل جيد.. لأن المستوى الذى شاهدته واستمعت واستمتعت بموسيقاه "الخلفية " جعلتنى أقول ما شاء الله .. راجيا من الله ان يوفقكم على الدوام ..
أخوكم وأبوكم ..
سودانى عجوز
(مشترك جديد)
|
|
 
|
|
|
|
|
|
|
|
Re: أتشرف بأن أكون بينكم .. يا اخوانى .. (Re: banadieha)
|
ألأخ بناديها ..
أولا أشكركم جزيل الشكر على ترحيبكم الكريم .. هل تصدق 15 زول زاروا الموقع وانت الوحيد يا بناديها الذى وأنت الوحيد الذى عملت الواجب .. جزاك الله كل خير - وعشان كه أنا حنادى معاك لحد ما تجى ..ولا امكن قاعد فى ناديها اللى فى خرطوم ثلاته.
تصدق .. أول ما قريت رسالتك .. الجزء الأخير .. قريتها .. عماره دنقس .. هل تتذكر عماره دنقس وعبد الله جماع ؟؟
المهم .. كتر خيرك كثير .. والجايات أكثر من الرايحات ..
أخوك
عجوز
| |
|
|
|
|
|
|
|
|
|
Re: أتشرف بأن أكون بينكم .. يا اخوانى .. (Re: motaz)
|
صديقى وابنى ممعتز
صحيح أنا بره السودان .. لكن ما فى يوم يمر ولم أتذكر السودان وناس السودان وكرم أهل السودان .. وأدب أهل السودن .. تعرف يا معتز .. أنا تقريبا لفيت أغلب مناطق العالم - لكن مهما تلف وتدور ما ممكن تلاقى زى أهلنا.. عشان كده أنا زهجان .. وبمناسبة .. تلف وتدور .. وزهجان ..
زهجان .. زهجان من التعليم ال ب سيطان
الحصة ايه .. الحصة أعمال طين .. ده اليوم ال نكون فيه مرتاحين
يا فندى دا عاصى وديل لاعبين ..
زهجان .. زهجان من التعليم ال ب السيطان ..
الحصة ايه - من حضرة الناظر - سبعة فى سبعة بكم يا شاطر- مايرفع يده الا مخاطر
يديك كف لما تدور .. يجيب السوط ويبدا يفير .. زهجان زهجان من التعليم البسيطان.. ومع السلامة ..
| |
|
|
|
|
|
|
|
|
|
Re: أتشرف بأن أكون بينكم .. يا اخوانى .. (Re: Sudany Agouz)
|
عمو سوداني عجوز
لك التحية والود
وقالو الماعندو كبير يشتري ليهو كبير والحمدلله انك جيت في وقت مناسب لانو الجماعة الباقين ما عازين يعترفو انهم كبار مع انو حنا في ناس كبار وعاملين نايمين
احنا تنشرف انك تكون بينا وحبابك مليون والله يديك الصحة والعافية وطولة العمر يا عمو ولو ما شلتك البورد تلقى محل جوه عيونا واتفضل لجوه
| |
|
|
|
|
|
|
|
|
|
Re: أتشرف بأن أكون بينكم .. يا اخوانى .. (Re: BousH)
|
يافردة يا جولكين
معليش..مشاغل الدنيا سرقتني..ويطرشني كان سمعت كلامك الأمبارح إلا هسع الصباح دا..ياخوي نحنا ناس أمدر والخرطوم ثلاثة وعموم وإتنين كنا بنجي شاقينهم لمجمع شئون الرياضة عشان نشجع رائدات الهلال ضد بنات الأولمبي..وبعداك حدنا البي إن والشرقي لبضع سنوات..وبعدها راحت كل البلاد وبقت دنيانا إغتراب..إنت عجوز لكن نحنا بقينا ما في
| |
|
|
|
|
|
|
|
|
 Re: ياعجوز (Re: banadieha)
|
الف مرحب بيك وحبابك2000 نورته الشات ياحاج اتمنى لك اقامه سعيدة معنا ويالله انثر عبيرك الفواح وتدفق اريجا
بـــــــــوب
| |
|
|
|
|
|
|
|
|
|
Re: ياعجوز (Re: bob)
|
الأخ والصديق بوب
كفاية زوقك وترحابك .. وأنا كونه أكون فى وسطكم .. كأنكم أهلى فى هذه الغربة المجحفة فى حق الانسانية .. لكن ما باليد حيلة .. وعشان كده مجرد ما استلمت قبول الاشتراك من الاخ العزيز المشكور بكرى .. قمت بعمل الردود الفورية وكأننى جعان كلام مع الأهل .. على الرغم من أن الساعة الآن حوالى الثالثة صباحا ولم أشعر بأى رغبة فى النوم
مرة أخرى لك شكرى وتقديرى..
عمك العجوز
| |
|
|
|
|
|
|
|
|
|
Re: أتشرف بأن أكون بينكم .. يا اخوانى .. (Re: BousH)
|
يا سيد بوش .. انت من حدانا ولا ايه !!
يا سيد بوش .. انت عارف حكاية بوش ..
قال الراوى .. و ما عايز أطول عليك .. انه السيد حسنى مبارك حضر لزيارة الرئيس بوش .. ووجد على كل الأبواب كلمة (بوش.. وعندما رجع الى مصر أصدر تعليماته بكتابة (مبارك) على كل ابواب المحلات .. وعندما سئل الريس عن السبب .. قال أشمعنى فى أمريكا .. كل باب مكتوب عليه بوش .. بوش.. وبالطبع يقصد PUSH ..
ها ها ها ..
أبوكم العجوز
| |
|
|
|
|
|
|
|
|
|
Re: يا عمنا ارحمنا (Re: Wad Aljaili)
|
يا ود الجيلانى ..
لماذا هذا التشاؤم .. اضحك للدنيا تضحك لك .. وزى ما قال الأستاذ نجيب الريحانى .. رحمة الله عليه .. " طظ فى الفلوس " عشان كده خذ الحكمة من العجائز .. الموت مع الجماعة عرس .. وانت شاب والحمد لله المستقبل قدامك طويل.. وطول روحك ..المهم المثابرة وعدم التوقف وفقد الأمل .. وانت لو تعرف حكايتى .. ما كنت تقول كلامك ده .. وزى ما بيقول المثل .. " الواحد لما يشوف بلوة غيره .. تهون بلوته ..
أضحك .. يالا يا ويا ود الجيلانى.. بالمناسبه .. أوع يكون اسمك صلاح ..
المهم ان شاء الله تكون فرفشت شويه..
عمك العجوز
| |
|
|
|
|
|
|
|
|
|
Re: أتشرف بأن أكون بينكم .. يا اخوانى .. (Re: nuba)
|
في البداية مرحب بيك ألف مرحب
وثانياً نقول ليك حللتم أهلا ونزلتم سهلا ومعليش لولا إنه الترحيب جاء متأخر كتير ما شوية مش عشان ما ذكرته لأخونا وحبيبنا بناديها لكن لظروف انشغال تانية
أخي مرحب بيك تاني، أكدت على أخي دي وضغطت عليها لأنه أختنا الحاجة دوما ، كلما أخاطبها بالأخت دوما تقول ليك مامتك دوما ، أرجع أقول ليها الأخت دوما لغاية ما آمنت .. عشان كده قصة عجوز دي ما بتنطلي علينا ومصرين نقول ليك الأخ/ عجوز
مرحب بيك مجددا مع أمنياتنا ليك بإقامة طيبة
| |
|
|
|
|
|
|
| |
Sudany Agouz
banadieha
motaz
BousH
EMU إيمو
bob
Wad Aljaili
، ننتظر لامن يعترف، لكن يا خوي أنحنا ما عجايز للدرجة دي، لو أنحنا عجايز ملكة بريطانيا الأم تبقي شنو
waleed500
SalahDirar
bamseka
فيس بوك
تويتر
انستقرام
يوتيوب
بنتيريست