|
|
|
 Re: مدنية الصحافة ... وكما نحبها (Re: Alsa7afa_30)
|
وصلتنا للتو ... هذه الرسالة من الأخ الكريم د. علي عبدالقادر
من فرنسا ... أليس فى هذا الإسفير نعمة ؟؟؟ كيف كان يمكن أن
نتواصل ونلتحق بركب الصحافة ونتوسل أحاسيسها ونعايش نبضها ...
لولا من جعلوا هذا ممكنا ... فالمجد للإنسان حين يبدع وحين يشترع
من العدم ما يجعل حياتنا أسهل ... وأمتع .
للأخ د. علي باقة من أزاهير الترحاب ومن لفائف الفرح ... فمرحبا به .
Quote: سلام
رغم طول المسافات و السنوات-18 سنة- ولكننا نتابع من على البعد أخبار مدينة الصحافة
يعجبني في المشاريع المرتبطة بالمدن و الأحياء، أن الرابط فيها هو المكان و ليس اللون أو القبيلة أو حتى القرية الأم وفي ذلك تعميق لمعاني الأخوة الإنسانية التي تسمو فوق كل الانتماءات الأخرى، وفي ذلك درء للفتنة القبلية و العرقية التي باضت وأفرخت في السنوات الأخيرة.
لكم جزيل الشكر
- سلام خاص عبركم للأخت إنعام حيمورة
د.على عبد القادر سيداحمد / باريس/ فرنسا- الصحافة شرق مربع 40 منزل 27
|
| |
 
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: د.على عبد القادر سيداحمد / باريس/ فرنسا- الصحافة شرق مربع 40 منزل 27
|
د. على عبدالقادر ..حبابك عشرة في بوست الصحافة
فرحت جدا لما قرات انك تسكن في مربع40 منزل 27
يعنى ولد حلتى لزم ..بس انت فى اول المربع وانا فى آخره ( منزل 195 )
ولكن يبدو ان مرافئ الغربة فرقتنا وباعدتنا ولم نلتق.
أحاول نحت ذاكرتى التى اصابها الوهن ..تذكرك وتذكر بيتكم وجيرانكم ورفاق دربك ..ولى ثقة بأننا التقينا من قبل
وتونسنا ..بس مشكلتى ان اولاد مربع 40 كلهم يعرفوني باسم ازهري عبدالسلام وليس عمر من خلال فريق العزيمة في سنوات السبعينات .
أتوقع حضور لاعب الهلال ا لسابق من عمان التاج محجوب وابن مربع 40 في زيارة للمغرب قريبا لعله يمسح الصدا عن ذاكرتى
واتذكرك اخى على
ولك مودتى
عمر عبدالسلام ( ازهري )
| |
|
|
|
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
الاخ الدكتور / علي عبد القادر سيد احمد
اهلا بيك ومنور بوست الصحافة ..
للذين لا يعرفون الاخ الدكتور على ,, فهو ابن الخال المرحوم عبد القادر سيد احمد بخيت .. والدتة المرحومة الخالة الروضة محي الدين بخيت الف رحمة تزل عليها ..
تلك المرأة العصامية وقد فتحت بوست قبل اشهر يحكي عن روعة الخالة ( من البوستات المأرشفة ) ..
لهذه الاسرة سيرة حياة عطرة أمتزج فيها الكفاح مع التوادد لبناء اسرة عرفت بالكرم والنقاء والواجب في الملمات فكانوا مثالا نادرا ...
سوف نرجع بوست الحاجة الروضة لتكرم من أبناء الصحافة ...
مودتي
| |
|
|
|
|
|
|
|
|
|
|
Re: مدنية الصحافة ... وكما نحبها (Re: غباشي)
|
قبل الأرشفة ... وووين إنتو ؟؟؟
أجمعوا ... أهلي وصحابي الصحافاب ,
فهنا جذع نتفرع منه ... وإليه نعود,
هنا كانت البدايات ... حتى ما كنا
لنصدق ... كل هذا الحضور ... وكل هذا
الألق الصحافاوي , هنا إلتقى عمر عبد
السلام بغباشي , والعجوز بعيدروس , وإنعام
بهيام , وعبدالدائم بمعاوية , وعلاء بالصحافة
تلاتين , وهاشم بعادل , وأنا بشكوكو , وأنتم
فى معية كلكم ... وبعضكم فى حرز بعض ... فكان
فى تباشير الفضاء إسمنا الإسفيري , وكنا الأفرحين ,
... هنا إبتدأنا ... وتواصلنا ... وعشمي دوام الإلفة
والمعزة ...
لأجلكم ... وصحافتكم الرائعة ... وأهلها الطيبين ...
يبقي هذا البوست حيا ... مديدا ... موثوق الرباط
بتاريخنا على الأرض ... وبتواصلنا الإسفيري المشرق .
فقط ... أرجو عونكم بتقديم شخص آخر يتولي أمر هذا
البوست للعام القادم ما وسع العمر ... لا نقصا فى حبي للصحافة
ولا فيكم ... لكنه النقل الموضوعي للخبرة وللمسئولية ,
كما هو الرغبة الأصيلة فى تناقل الرسالة من جيل إلى
آخر ... مع يقيني بعظمة الصحافة وبقدرة أجيالها الناهضة ,
ليس لتحمل مثل هذه المسئوليات الخفيفة ... إنما الجسام الصعاب .
لقد رأينا كيف تفتق النوار على ردهاتنا الإسفيرية , وكيف دلفنا
جميعا لنطاق الأريحية والصحبة دون حواجز عمرية ولا ثقافية ولا
سياسية ولا إجتماعية ولا مربعية ... ولا ولا ولا .
إذن ... سوف نستثمر حقلنا المعرفي لمزيد من الألق وهو يضيئ
صحافتنا القيافة أصلا وسوف نتداول مسئوليتنا هنا كما فى بيوتنا.
وختاما ... فالصحافة إسم ومعني , تاريخ وجغرافية , فن وإبداع ,
أصالة ومعاصرة , حمية ومحنة , معاطف وجياد , مرسل وأوتاد, وعد
وميعاد .
... فأبقوا عشرة .
مع مودتي
| |
|
|
|
|
|
|
|
|
 Re: مدنية الصحافة ... وكما نحبها (Re: HAYDER GASIM)
|
Quote: وختاما ... فالصحافة إسم ومعني , تاريخ وجغرافية , فن وإبداع ,
أصالة ومعاصرة , حمية ومحنة , معاطف وجياد , مرسل وأوتاد, وعد
وميعاد .
... فأبقوا عشرة .
مع مودتي |
هل هي خطبة الوداع يازعيم ..اعيد النظر
==============================
يابورداب الصحافة ياقيافة
قبل ان يغلق الباب وتهل صفحة جديدة للمنبر
مارايكم في خطبة الزعيم حيدر قاسم
هل نترك هذا الرجل الهمام يغادر دفة المركب التى قادها كل تلك الشهر الماضية بحنكة ودراية
0 فايت مروح وين ....لسه الوقت بدري 0
قولوا كلمتكم
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
انا ايضا" اعـتـرض وبشـــدة ...
ربما الفتور الذى صاحب البوست فى الفترة الاخيرة
يعود الى ترغب الكل للموقع الخاص لمدينة الصحافة
ولو لا هذا البوست لما كانت فكرة الموقع اصلا"
والقادم احلى واجمل يا زعيم
مع خالص الود
| |
|
|
|
|
|
|
|
|
|
Re: مدنية الصحافة ... وكما نحبها (Re: غباشي)
|
بعد غيبة ... آن لهذا البوست ... أن يترجل
فمرحا مجددا بكل نوار الصحافة ... حتى تدني
كل القطوف الجميلة ... والثمار اليانعة ...
... أي حتى تكتمل رسالتنا المجيدة .
مع مودتي
| |
|
|
|
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
Quote: فقط ... أرجو عونكم بتقديم شخص آخر يتولي أمر هذا
البوست للعام القادم ما وسع العمر ... لا نقصا فى حبي للصحافة
ولا فيكم ... لكنه النقل الموضوعي للخبرة وللمسئولية |
,
الزعيم حيدر قاسم
ومالك تريد أن تجعلني أشعر بوزر الغياب
أنا وبعض الأخوة ( المقصرين جداً ) نرفض
وبشدة تخليكم عن حمل الراية التي بدأت ثمارها
ترنو نحو تحقيق منبر خاص بالصحافة
واصل المسيرة يا رجل والشباب معك إن غبنا
قليلا ،،،
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: أنا وبعض الأخوة ( المقصرين جداً ) نرفض
وبشدة تخليكم عن حمل الراية التي بدأت ثمارها
ترنو نحو تحقيق منبر خاص بالصحافة
واصل المسيرة يا رجل والشباب معك إن غبنا
قليلا ،،،
|
الزعيم حيدر
عوافي
اسمع كلام اخوي الكاشف { عادل جبارة }
واصل المسيرة الشباب والعجائز من فريقنا كمان معاك 
| |
|
|
|
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
Quote: اهو انا كمان جيتك ياريس
وان شاء الله الصحافة دايما فوق وشكرا لي بكري الذي جعل هذا التلاقي الاسفيري ممكنا
عمر عثمان التوم |
وظفرا مبينا ... أيها الصحافاب ... الأحباب .
إنضم إلى قافلتكم الإسفيرية الأخ عمر عثمان التوم ,
من أولاد مربع 23 , ومن فوح الصحافة التاريخ ... بدءا
والعزم منتهي ... شاب أينع من ثمار الربيع وأنضر من زهراته
الطيبات , مشدود إلى خاصرة الصحافة بكل لوادن الصلات وغلاظها,
ولد فيها وترعرع , تمشي بين شوارعها وإنتمى إلى ركابها ... تعلم
فى مدارسها , لعب الكرة فى ميادينها وجالس صحابه على نواصي
الدكاكين وتحت أعمدة الكهرباء { وسواء أكانت مضيئة أم لا }
إنبثق من همومها ... وتداعي فى رسالتها النصوح ... لهذا فهو
مثلكم أعزائي ... يحمل هم الوطن والأسرة والصحافة والمستقبل
على كافة هذه الصعد ... شاب جميل ... سليل أسرة كريمة , رعى
حالها منذ أن كانت أبوين صادحين بالمحبة والطيبة والمسئولية,
هما عمي عثمان التوم وخالتي النعمة ... أطال الله عمرهما ومتعهما
بالصحة والعافية وراحة الضمير وهدؤ البال ... فقد أديا رسالة
عظمية وأنجبا للدنيا أولادا وبنات كأروع ما يكون ... ربنا يحفظهم
ويغطيهم من كل كل مكروه .
من أشقاء عمر ... خالد وهاشم , ومن شقيقاته ... سلوى ونجلاء { صاحبة
ديوان الشعر الشهير ... منزلة الرمق } وأتوقف عن ذكر البقية درءا
{ للعين } ... لهم خالة إشتهرت { ببت التوم } ... وهي إمرأة تغطي
عين الشمس ... من شدة شخصيتها وحكمتها وأحاسيسها الأسرية والإجتماعية.
أسرة راضية ... مرضية ... تستحق تقديرنا وإعجابنا .
مرحب بيك يا عمر ... فأنت اليوم فى دارك ... خد راحتك ,
... ونسمع منك وعنك ألف خير .
مع مودتي
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: الرائع حيدر قاسم
تحياتى
اعتذر كتير للانقطاع عن اهل الصحافه والمنبر لسفرى لفتره
لدى الكثير الكثير لتقديمه بس اجيكم بى مهله
|
وده معتز الأمين { أخو طارق الأمين } شاب على قامة رفيعة من
الوفاء والأناقة ... هو { فردة } عمر عثمان التوم ... وكلامها
من طلائع شباب الصحافة وعنوان لجيلها الراهن حزما وعزما ومطمحا .
مرحب مجددا ... معتز ... وما في مشكلة ... فالناس هنا ينقطعون
لأسباب جد تستحق ... فبالمهلة ... لكن مع المسئولية كذلك , لأننا
هنا نقيم شأن الصحافة ونتداول فى أخبارها ونعمل لأجل خيرها ...
إذن فهنا رسالة جليلة تستحق الإنتباه والتقدير ... فأدينا من
وقتك الأقل ... لكن مع محاولة الإنتظام ما أمكن ... فهذا نداء
لك وكل الشباب للتقدم بثبات فى رفع راية الصحافة الإسفيرية ,
فنحن أعمامك العجائز ... تعبنا خلاص ... لكن برضو ما حا نخليكم
براكم وحا نقيف معاكم لامن تزهجوا مننا .
قلت أن لديك الكثير الذي ستقدمه إلينا ... فما أسعدنا بهذا
الخبر ... وما أحر إنتظارنا لما سوف تقدمون ... وده { الدرب }
القال عليهو أخونا عبد الدائم سيد أحمد وهو يمازح أخونا عمر
عثمان التوم ... فلك كل الفضاء .
مع مودتي
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
العزيز حيدر
تحيات ومحبات. للصحافة علينا دين يحتاج رده ان نعيش عمرنا من جديد لنوفي بعضا منه.هي حياتنا ونحن هي.
شكرا يا سيدي علي الاطراء والثناء وآمل ان اكون في مقام ما نعتني به من صفات .كل ما يمكن ان اقوله هو انني لو لم اولد في الصحافة لما كنت انا كما انا.
تحياتي للاولاد
| |
|
|
|
|
|
|
|
|
|
Re: مدنية الصحافة ... وكما نحبها (Re: غباشي)
|
Quote: الزعيم حيدر قاسم
ومالك تريد أن تجعلني أشعر بوزر الغياب
أنا وبعض الأخوة ( المقصرين جداً ) نرفض
وبشدة تخليكم عن حمل الراية التي بدأت ثمارها
ترنو نحو تحقيق منبر خاص بالصحافة
واصل المسيرة يا رجل والشباب معك إن غبنا
قليلا ،،، |
جميل أن نسمع منك { يا غالي } وإنت بالمناسبة
يا عادل من الناس اللي حا أرشحهم لتولي مسئولية
هذا البوست ... وحا نتفق على الزمن عشان خاطر
أخونا غباشي ... لأنك تملك حاسة إجتماعية نضرة ,
وتجربة حياتية ما سهلة وإنتماء ضالع للصحافة ,
وعاشرت المجالس والمجتمعات وأنابك من المعرفة
والسعة ما أحس بقيمته , حتى ولو لم تقيمه لذاتك ,
فخليك قريب ... خاصة وأنك من { الشباب } حلوة ده ,
وتملك البصيرة الإجتماعية والثقافية التي يمكن أن
تدير بها هذ البوست وبكل بساطة ... فأجهز .
بالمناسبة ... كيف أخبار الصحافة هذه الأيام ؟
مع مودتي
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
وعزيزي ... غباشي
عسا أحوالك طيبة
أخجلت تواضعي بعباراتك القوية الجزلة ,
ولا يسعني إلا أن أكون معكم وبكم ... منكم وإليكم,
ما كانت الصحافة بجمالك وروعتك , وما ظل الوفاء
والتقدير فى مرعيات عهودنا الأخوية والإنسانية الصدوق .
فالآن يجتاحني إحساس طيب مؤداه أننا صرنا فى مقام الأسرة
الواحدة وأننا نقيم أمرنا على هدي القيم السودانية وعلى
خواص الصحافة التاريخية ... فوجدت هنا أخوتي ولما بعدت
عن أسرتي ... وصارت الصحافة الإسفير في طعم الصحافة الواقع ,
وكل يوم نتجمل ونترقي إحساسا وصدقا ... ونتحرى اليوم الذي
نكون فيه كلنا ... غباشي .
مع مودتي
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
اخى الاصغر معتز
ود حلتنا والشارع الورانا .... ازيك ونورت الصحافة
بطلتك البهية ، رغم انى ارى شيئا" من طارق الامين بدأ على
محيك الزاهى ....
عزيزى كيف اخبار شارعكم ، شارع .....
ولا بلاش اسأل لى اشرف عبدالمطلب من اسم الشارع
وتعال لي راجع ، ونحن فى الانتظار
خالص الود
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
عزيزى عبد الدائم
كيفك يارائع وكيف جعفر طول مننا
اما بخصوص الشبه الا يكون مبادىء الصلعه العندى
موضوع الشارع دا انتو ماناس عجائز يكون الاسم كان فى وزمنكم
على العموم حاولت اتصل بى اشرف الغول
تلفونو مقفول ح ابارى ليك الموضوع دا لمن اعرف اسم الشارع
محبتى
| |
|
|
|
|
|
|
|
|
|
Re: مدنية الصحافة ... وكما نحبها (Re: omar altom)
|
Quote: الزعيم حيدر
عوافي
اسمع كلام اخوي الكاشف { عادل جبارة }
واصل المسيرة الشباب والعجائز من فريقنا كمان معاك |
صديقي الجنرال عمر عبد السلام
وسلام مربع من أخوك ( الكاشف )
أكون سعيداً جداً عندما أجدك هنا تحديداً
وربما الإحساس بوجود ( واحد دفعة ) يشجعني
على ( الونسة ) !!
( الأولاد الصغار ) كتروا علينا .. ناس غباشي
وعمر عثمان التوم ومعتز الأمين ..
والله سعيد جدا بانضمام الأخ الأصغر عمر عثمان
فلازلت أذكره يافعاً يانعاً 00
من دواعي السرور كذلك الأستجابة الكريمة
من زعيمنا حيدر ورعايته المستمرة للحوش
ولي عودة ،،،،
| |
|
|
|
|
|
|
|
|
|
Re: مدنية الصحافة ... وكما نحبها (Re: عادل جبارة)
|
Quote: جميل أن نسمع منك { يا غالي } وإنت بالمناسبة
يا عادل من الناس اللي حا أرشحهم لتولي مسئولية
هذا البوست ... وحا نتفق على الزمن عشان خاطر
أخونا غباشي . |
أخي الزعيم حيدر قاسم
متعك الله بالصحة والعافية
إن صنفتني من فئة ( الشباب ) فذاك
من ( ذوقك ) فالشباب شباب الروح بالحماسة والهمة
وإن صنفني صديقي الجنرال من فئة ( العجائز )
فذاك أيضا من دواعي الفخر والأعتزاز .. فالعجائز
فيهم الحكمة والخبرة والروية 00
وبالمناسبة يازعيم 00 حتى محاولتك لأخذ إجازة ولو
قصيرة سيقابلها الجميع بالرفض وهذا قدرك ونصيبك
أن تكون قائدا وزعيما أما بخصوص ترشيحك لي فهذا
ليس مرفوضاً فقط بل يزيدني حرجاً وإحساساً بالتقصير !!
أخي حيدر
واصل وستجدنا هنا دائما بإذن الله ( أنا وأخوي الكاشف )
وبقية الشباب .. ً
| |
|
|
|
|
|
|
|
|
|
Re: مدنية الصحافة ... وكما نحبها (Re: غباشي)
|
يا سلام يا غباشي
ضاع الكلام وغابت المعاني
وسط هذا الزخم الأجتماعي
المترابط ،،
وعشان المشاعر الفياضة دي
ياريت ولدنا الشاب الصحافة 30
يجيب الأورغن ويعمل لينا حفلة بالمناسبة دي
طبعا يا شباب الولد الظاهر في الصورة
ده الدكتور حسام ( الصحافة 30 ) إختصاصي
علم الأحياء الدقيقة .. طبعاكلكم كنتوا فاكرينه
بتاع أورغن !!!
| |
|
|
|
|
|
|
|
|
|
Re: مدنية الصحافة ... وكما نحبها (Re: عادل جبارة)
|
Quote: ده الدكتور حسام ( الصحافة 30 ) إختصاصي
علم الأحياء الدقيقة |
أستاذنا العزيز عادل جبارة..
أنا لا دكتور ولا يحزنون..يادوب علوم أحياء دقيقة
يعني ما دكتور و متخصص أحياء دقيقة ...لكن فطيت الدكترة و مشيت على الأحياء الدقيقة طوالي... شفت كيف؟ 
دعواتك أنو ربنا يسهل لينا الدكتوراه..
Quote: طبعاكلكم كنتوا فاكرينه
بتاع أورغن !!! |
أما الكلام ده فهو فعلاً صحيـح
لكن عرفت كيف  ؟؟؟!
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: لا يسعني إلا ان اطلب منكم ان لا تبتعدوا عن هذا المكان الإسفيري الجميل فأنتم له اكسير حياة كل ما ارتوى منه تجددت خلاياه و امتد به العمر .....
تحياتي لا تنقطع
|
وهذا ... غباشي
يدعوكم بصدق يقطع نياط القلوب ,
أن تلتئموا هاهنا , فبعد إنتهاء
أي دوام أو دراسة أو أي مهمة حياتية
فلا بد للمرء أن يرجع إلى داره , فهذا
هو دارنا ... أتوخي عودة الجميع بعد
الساعة السادسة من مساء كل يوم , اللهم
إلا من يسد خدمة ليلية , فإن تلحون علي
فى الإستمرار في الإشراف على هذا البوست
{ الدار } فإنني أتخذ من الأمر مسؤولية
وكما الوالد , لهذا سأتفقد أبناء وبنات
داري كأول ما تكون المسئولية وعلى نحو
يومي ... لهذا فظهوركم من هنا ولو لبرهة
فإنه يعني حضوركم ويعفيني من هم الإنتظار
والسؤال , لأنه لا يمكن لي أن آوي إلي
فراشي ولا يمكن لعيني أن تغمض ما لم أطمئن
أن كل أبناء داري حاضرين وأن غائبهم فى أمان .
ولكم مودتي
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: لهذا فظهوركم من هنا ولو لبرهة
فإنه يعني حضوركم ويعفيني من هم الإنتظار
والسؤال , لأنه لا يمكن لي أن آوي إلي
فراشي ولا يمكن لعيني أن تغمض ما لم أطمئن
أن كل أبناء داري حاضرين وأن غائبهم فى أمان |
من أجل هذا كان من الصعب علينا أن نحتمل غيابك عنا و لو إلى حين
كلماتك في الأعلى تزيدنا تمسكا بك و تجعل من التخلى عنك ضربا من المستحيل
ما أحلى أن تحكي الكلمات عن نفسها و تتجلى المعاني في أبهى الصور
الأنسانية للتواصل و الترابط
معك من أجل وضع أفضل للصحافة أما بالنسبة للتنحي أعتقد انه لا عودة للحديث
فيه مرة أخرى .... 
تحياتي لكم فردا فردا ...
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
من دار الصحافةارسل ليك تهاني
يالبوست القيافة
ود قاسم حبابك
يا معاوية وصحابك
ديومة النضافة
ويا كرم الضيافة
عشقتك يا صحافة
هاشم وود جبارة
غباشي الشاب أمارة
حسام الطلّ شارة
عمر وعمر جدارة
وحجر الاسمك منارة
وبوابة الصحافة
أهل حيمورة نارة
ومعتز وأهل الحضارة
شكوكو من دون شك شطارة
وعشقتك يا صحافة
وبحبك يا لطافة
أخوكم وخالكم وعمكم /أحمد عوض(عجوز) م 24
شغلتني عنكم ايضا هموم الصحافة وشغل الرابطة
| |
|
|
|
|
|
|
|
|
|
Re: مدنية الصحافة ... وكما نحبها (Re: ahmed agooz)
|
| Quote: أخوكم وخالكم وعمكم /أحمد عوض(عجوز) م 24 |
ما أحلى هذا اليوم ....
و ما أحلاها من حركة بوست ...
أحمد عجوز شرفنا .... مشتاقين يا غالي
تمنيت حضورك و ان لم اصرح به علنا ولكنك لم تخيب ظني في المخيلة
نعم هكذا نحن أبناء الصحافة دائما تجدونا عندما تحتاجونا.......
الا ما عدمتكم في كل الأحوال يا من جعلتم من الغربة حلا في وطن اسفيري ... زينتموه بطلتكم البهية
| |
|
|
|
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
و بمناسبة هذه اللمة الجميلة نرجو من الجميع متابعة موضوع إنشاء موقع الصحافة الإلكتروني و المساهمة بالرؤى و التوجيهات و التعديلات أو حتى برفع البوست ... لأني أرى أن الخطى تتباطأ و الحماس يقل تدريجياً..
ودي و تقديري للجميع..
| |
|
|
|
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
اهل الصحافة الكرام جيتكم انا بعد طول غياب وإنشاء الله دائماً ملمومين علي الخير وفي الخير
وحبابكم عشرة .
بإلامس القريب إكتشفت شاعراً خجولاً الأ وهو حسام الدين صلاح ( صحافة 30 ) وقرات قصيدته الجميلة ولو لا
خوفي من الحرج لانزلتها لكم هنا ولكني اترجاهو هو شخصياً بإنزالها هنا .
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
يا سلام على أحلى لمة .....
يلا يا جماعة زكرونا أيام البوست بتاعت زمان
الربان حيدر قاسم شاهد على كل الأحداث
التحديات المنتظرة بين عمر عبد السلام و عادل جبارة
مع خلفية موسيقية منتقاه إما من معاوية محمد أو من أ.أ.د الصحافة 30
و صور جميلة من الإخوان حيمورة و كلام جميل من هاشم خلف الله و رومانسية عبد الدايم
مداعبات محمد البشرى و رزانة أبو عبيدة , الحجرابي عيدروس و أحمد عجوزو...و القائمةتطول
(بس ما تلومونا) .... يللا يا أحباب نعيد له سيرته الأولى
تسلموا يا أحلى بورداب
| |
|
|
|
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
معزتي للجميع
مرتاح أنا اليوم أكثر من سوابقه ,
لأن أسرة الصحافة الإسفيرية بدأت
تنتظم خطاها فى دارها ...
شكرا ... هشومي , غباشي , الصحافة
تلاتين ... ومن قبل { العجوز } الشاب
وهو يطرحنا شعرا ... ويجمعنا إخوة .
وتحياتنا لولدنا خالد محجوب فى الرقاع
الآسيوية البعيدة وهو ينثر الشذر والنضر
من تراثنا الغنائي السوداني , فهو صاحب
رسالة ونحن بفعله ... نتمجد .
وووين باقينا ... أنا داير أنوم , عليك
الله يا غباشي ... تاكي الباب ... أخوانك
وأخواتك جايين ... لاكين أنا مابقدر أساهر
وبعد ما إجو ... ياهو ترى العشا مغتغت في
المطبخ ... كان ياكلولم حاجة قبلما إنوموا
وتصبحوا على خير
| |
|
|
|
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
النفرة الثقافية لرابطة أبناء الصحافة بالرياض
غداً الجمعة الموافق 20 يوليو 2007 م بدار الرابطة
بحي منفوحة سيكون موعد انطلاقة الفعاليات للجنة الثقافية
الجديدة بقيادة المثقف الفنان علاء حيمورة ، وسيكون عنوان
الندوة – قراءات شعرية من ديوان صلاح الغول –
والدعوة موجهة لأبناء الصحافة بالرياض وكذلك
أعضاء سودانيز أون لاين وكافة المهتمين بالشأن الثقافي
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
| Quote: والدعوة موجهة لأبناء الصحافة بالرياض وكذلك أعضاء سودانيز أون لاين وكافة المهتمين بالشأن الثقافي |
أتمنى أن تكون الندوة موفقة ...... تحياتي استاذنا عادل و كل التوفيق للأخ علاء الدين ...
| |
|
|
|
|
|
|
|
|
|
Re: مدنية الصحافة ... وكما نحبها (Re: غباشي)
|
أخي غباشي
نتمنى كل التوفيق للأخوة في اللجنة الثقافية
الجديدة والسير على الدرب الذي رسمت ملامحه اللجنة
السابقة والتي كان الأخ والصديق علاء الدين أحد
صناع نجاحها 00
أيضاً شاعر الصحافة الجديد الصديق هاشم
سيكون حاضراً ومستجيباً لطلبات الأعضاء
المستمتعين بصعود نجمه وشاعريته
وسنوافيكم بأخبار مصورة تحكي روعة المشهد
فانتظرونا ....
| |
|
|
|
|
|
|
|
|
|
Re: مدنية الصحافة ... وكما نحبها (Re: عادل جبارة)
|
إخوتي
ما أقسى لحظات الفراق ..
عندما تحين تلك اللحظات .. تصعد الغصة
وتمتلئ المآقي بالدموع ..
لحظات لا أتمناها للأحبة
لأنني أعاني منها ما يقارب الأربع سنوات
وأدرك ما يعتمل في النفس حينها
سيودعنا مساء اليوم إبني العزيز أحمد هاشم خلف الله
مغادراً للسودان الوطن والأهل ومفارق للغربة 00
ياترى كيف يكون حالك اليوم أم أحمد .. قلبي يشفق عليك
لأنني أعرف ما يمثله أحمد بالنسبة لك .. أدعو الله أن يثبت
قلبك فسيكون أحمد في رعاية الله بين أهله أعمامه وعماته وخالاته
أتمنى لأبني أحمد هاشم كل التوفيق والنجاح وأن يسدد الله
خطاه ويحقق ما يصبو إليه من تفوق ونجاح ويفرح قلب والديه
كل التوفيق لك يا أحمد بإذن الله وقلوبنا معك
وفي رعاية الله ...
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
معقول يا غباشى ده الصحافة 30
والله كنت متخيلو اخضر وطويل وشعرو غزير
او بالاصح شبهو قريب من ناس محطة 7
لكين والله ( حلاتو ) هاهاها
اها يا شباب اليوم الخميس صفقة ورقيص
اتمنى انو اللمة تكون اجمل من لمتكم حقت امبارح
احتفالا" بالاعضاء الجدد مهند وعمر التوم ومعتز
وشايف احمد عجوز بقى ينظم الشعر كمان ( ديومة النضافة )
والله يا هاشم خلف الله لقيت ليك منافس
يا معتز شارعكم اسمو شارع الوسخانين
عارف ليه
فى اوئل التسعينات قامت المحلية بردم شارعكم ( الفاصل بين 25 و 22 )
بتراب ناعم رمادى اللون نسبة لقدوم الخريف ، ولكن تحول التراب بفضل مرور
العربات الى تحويل الشارع وساكنيه الى اشباح برموش رمادية طيلة العام
وليس اشرف الغول الا دليل على ذلك
| |
|
|
|
|
|
|
|
|
|
Re: مدنية الصحافة ... وكما نحبها (Re: عبد الدائم سيد أحمد)
|
| Quote: معقول يا غباشى ده الصحافة 30 والله كنت متخيلو اخضر وطويل وشعرو غزير |
الرومانسي الحالم ... أخونا عبد الدايم
لو كنت عاينت في يدينو كان عرفت فورا انو الصحافة 30
أنامل ذهبية تداعب الأحياء الدقيقة و تجنن الكي بورد (أورغن / كمبيوتر)... شفت كيف
| Quote: اشباح برموش رمادية طيلة العام |
ما عارف دايما في علاقة بين الناس و تراب الردميات ... في مناسبة أخرى و ايام ما
كانو شغالين في شارع جبرة ردميات حمراء قبل السفلتة و اظنها استمرت لزمن طويل ... وكان أحد اصدقائنا
بالجامعة يسكن في احد المربعات المطلة على شارع جبرة ... المهم بمرور الزمن و مع تراكم
الردميات تحول لون شعر صديقنا الي الأحمر
مرة تانية حأعيد السؤال بتاعي ليك يا الحالم الرومانسي لماذا هذه التحور السريع حسب لون
التراب ؟هل لأننا (خلقنا من تراب)؟
| |
|
|
|
|
|
|
|
|
|
Re: مدنية الصحافة ... وكما نحبها (Re: غباشي)
|
الأخ عادل جبارة
تسلم حبيبي
غلبتني كلماتك عن أحمد هاشم ,
وهي تعبر عن أحاسيس أب مفضال
ولا يسعني إلا أن أتمناه التوفيق
والنجاح , ولا بد أن فى وجوده في
السودان سيتعلم الكثير كذلك وسوف
يضيف لشخصيته مكونات جديدة , وهي
ولا شك تجربة مهمة ... أتمناه التوفيق
مع مودتي
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
أخوي ... عبد الدائم ,
قلت لي داير { تكرب الخميس } ... والله عال ,
طيب حقو نقسم الأدوار , فيا الصحافة تلاتين
بالله نزل لينا مزازيك من بيب الكلاوي , ويا غباشي
حصل السوق وشوف اللحمة الضأني الما خمج ,
بالإضافة للعيش والسلطات وما تنسي الشطة
الخضرا , ويا عجوز أبقى سيد البيت وجهز
الديوان وما بطال لو نسمع ليك أغنية أغنيتين,
ويا الشباب الجداد... عمر التوم ومهند ومعتز
إنتو الليلة ضيوفنا وعلى شرفكم نعمر خميسنا هذا,
ويا العجائز { عمر عبد السلام وعادل جبارة وأخرين }
ما تنسوا تجوا من التمرين بي غادي , لأنو لو مشيتوا
بيتوكم حاتبقى المشية الياها, فالكبر يوهن الذاكر
والجسد ... علاء حميورة ... ولأنك فنان فأنت مسئول
عن إخراج هذه الجلسة وتوقيع ملامحها الجمالية ,
... طيب ياربي أنا اعمل شنو ... آه ... ول مع
العجائز .
واصل يا عبد الدائم ... النظام
مع مودتي
| |
|
|
|
|
|
|
|
|
|
Re: مدنية الصحافة ... وكما نحبها (Re: omar altom)
|
Quote: في زول عارف سر تسمية الصحافة بهذا الاسم؟ وعلاقة الموضوع بالصحافة الجريدة والصحفي الاستاذ عبد
الرحمن مخت ر و الاستاذ سيد احمد خليفة شنو؟؟ |
{برلومنا} ... العزيز جدا ... عمر التوم
وإنت قايل نحن بدينا من وين ... من ذات المبتدأ ,
فأصبحنا بفعله ... خبر ... كده راجع
خيط ... إمتداد الصحافة ... وكما نحبه { فى الإرشيف }
إنقضى الخميس { وما إتعشينا } ... ياربي ... حصل شنو ؟
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: العجائز { عمر عبد السلام وعادل جبارة وأخرين }
ما تنسوا تجوا من التمرين بي غادي , لأنو لو مشيتوا
بيتوكم حاتبقى المشية الياها |
نحن جايين ..وكمان { جاكيين }
وخلينا الشباب ورانا
وعاوزين ليهم دفرة
| |
|
|
|
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
جمعة مباركة للجميع
بمناسبة الجكة ياعمر عبد السلام اليوم عندنا في الرياض
مباراة هامة تجمع بين فريقي الصحافة ونجوم كرمة 00 وهناك
بوست فتحه خالنا حمزاوي رئيس فريق نجوم كرمه يتحدى فيه
فريق الصحافة وإنشاء الله أولادنا يكسبوا النتيجة ونرد لحمزاوي
والمباراة ستكون عصرا بينما المنتدى الشعري بدار رابطة الصحافة
سيكون بعد صلاة العشاء باذن الله 00 يعني الأنشطة الثقافية والرياضية
هنا على قدم وساق ماشاء الله 00
حان وقت صلاة الجمعة 00 الى اللقاء كل الأحبة
| |
|
|
|
|
|
|
|
|
|
Re: مدنية الصحافة ... وكما نحبها (Re: عادل جبارة)
|
Quote: جيرانا كيفنكم
جينا نشرب معاكم شاي الصباح |
شاي شنو ... نحن الأقلو عندنا ضبيحة
ماشايف المراح حايم فى محطة { سبعتنا}
فلترق دماء الأكباش الشكرية عنوانا لمعزة
لا تخبأ
شكرا طارق جبريل وكل ناس الإمتداد الأصفياء
إتفضلوا لا جوة ... البيت بيتكم
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
اعزائي الصحافاب
نهاراتكم سعيدة اينما كنتم
وتحية خااااااااااصة جدا للاخ الفنااااااااااااااان احمد عجوز(الصوفي المعذب)
وعبر هذه السانحة ارسل عاطر التحيا للمبدعين من ابناء الصحافة خاصة في مجالات كرة القدم والغناء والوسيقي وهم يرفعون اسم الصحافة عاليا في سماء بلادي وجعل اسمها لحنا فريدا يتغني به الركبان.
وسؤال الي الاخوة المتداخلون الي اين وصل مشروع الموقع الالكتروني؟؟؟
| |
|
|
|
|
|
|
|
|
|
Re: مدنية الصحافة ... وكما نحبها (Re: omar altom)
|
غباشي ... كده أده الشية ده سوطة ,
زي { المسكت } كده .
العزيز طارق جبريل ... لكن ما بالغت ,
ده { أنضف خروف } أشوفو فى حياتي ,
عزال ... بشكل ... ولا يسعني إلا أن
أهديك أغنية { يابا هوي طبعك وأنا
كيف خلاصي معاك }
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: مباراة هامة تجمع بين فريقي الصحافة ونجوم كرمة 00 وهناك
بوست فتحه خالنا حمزاوي رئيس فريق نجوم كرمه يتحدى فيه
فريق الصحافة وإنشاء الله أولادنا يكسبوا النتيجة ونرد لحمزاوي |
الكاشف اخوي
عادل جبارة
كم النتيجة ؟
في سؤال : المبارة دي فيها ناس قدرنا..والله كلهم من ناس جيل غباشى وصحافة 30 وعبدالدائم وانت نازل ؟
| |
|
|
|
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
اولاً أهل الصحافة سلام , وسلام مربع كمان ودخول من أجل إعلا إسم الصحافة والناس القيافة
Quote: الكاشف اخوي
عادل جبارة
كم النتيجة ؟
في سؤال : المبارة دي فيها ناس قدرنا..والله كلهم من ناس جيل غباشى وصحافة 30 وعبدالدائم وانت نازل ؟ |
الحبيب عمر عبد السلام سلام ومشتاقين كتير والله , ياخي انت لسع مع اخبار الكورة دي , صاحبك ود جبارة
لا حضر الكورة ولا حاجة والنتيجة هزيمة الصحافة 2/ صفر من نجوم كرمة .
| |
|
|
|
|
|
|
|
|
|
Re: مدنية الصحافة ... وكما نحبها (Re: omar altom)
|
Quote: صاحبك ود جبارة
لا حضر الكورة ولا حاجة والنتيجة هزيمة الصحافة 2/ صفر من نجوم كرمة |
.
شفت يا جنرال ؟؟
أنا من البداية قلت ليهم يلتزموا
بسداد مستحقات عقدي
لو التزموا ما كان حصل الحصل
شفت دفعتك كيييف !!
| |
|
|
|
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: مرة تانية حأعيد السؤال بتاعي ليك يا الحالم الرومانسي لماذا هذه التحور السريع حسب لون
التراب ؟هل لأننا (خلقنا من تراب)؟ |
ياغباشى
اذكر زمان لما كنا فى الثانوى بمدرسة المقرن اول حاجة
بعملوها اولاد الكلاكلة وجبرة لما يجو المدرسة الصباح
يجرو على الماسورة يتشطفوا ويسرحوا شعرهم الاحمر
وفى الصحافة برضو زمان لما الواحد كرعينو يكونو مغبرات
يقولو ليك مالك ذى الجاي من سوق العشرة .
بعدين حلوة حكاية الحالم الرومانسى دى
عشان البوست بتاعكم ده مليان جكس الصحافة البهبل داك
يعنى يا اخوانا ما حرام عليكم تقعدو عزابة كده حتى اشراقة
وانعام حيمورة فتحو لينا ، شنو يا مهند ما تعزل ليك كم حاجة
كده من عندك ونحن مستعدين للتزكية.
الزعيم حيدر قاسم
ارجو نسخ بوست أمتداد الصحافة ... وكا نحبه نحن فى اول مشاركة
لك فى هذا البوست ، لكى يتمكن الجميع من متابعة البوست السابق
وربطه بالبوست الحالى .
وتشكرون ...
| |
|
|
|
|
|
|
|
|
|
Re: مدنية الصحافة ... وكما نحبها (Re: عبد الدائم سيد أحمد)
|
Quote: ياغباشى
اذكر زمان لما كنا فى الثانوى بمدرسة المقرن اول حاجة
بعملوها اولاد الكلاكلة وجبرة لما يجو المدرسة الصباح
يجرو على الماسورة يتشطفوا ويسرحوا شعرهم الاحمر
وفى الصحافة برضو زمان لما الواحد كرعينو يكونو مغبرات
يقولو ليك مالك ذى الجاي من سوق العشرة .
|
ضحكتني و الله يا عُــبَـــد
Quote: بعدين حلوة حكاية الحالم الرومانسى دى
عشان البوست بتاعكم ده مليان جكس الصحافة البهبل داك
يعنى يا اخوانا ما حرام عليكم تقعدو عزابة كده حتى اشراقة
وانعام حيمورة فتحو لينا ، شنو يا مهند ما تعزل ليك كم حاجة
كده من عندك ونحن مستعدين للتزكية. |
يعني انت عشان تكون حالم و رومانسي لا زم عينك تكون زايغة
بعدين خليك حذر ....
محتوى النص المقتبس من ردك به كلمة بالحجم العريض و أخرى أيضا بالحجم العريض
و تحته خط ....... هذه الكلمات و مجمل المحتوى قد تجر عليك عقوبات من مجلس الأمن
مالم تقم بسحبهاأو ان تتداركها ...............
هسع ما كان إخير ليك تكون حالم رومانسي ؟
تحياتي يا لذيذ (كمان قول ما لذيذ )
| |
|
|
|
|
|
|
|
| |
Alsa7afa_30
HAYDER GASIM
omer abdelsalam
علاء الدين حيموره
غباشي
ابوعبيدة حسن محمد
Abdelmuhsin Said
عبد الدائم سيد أحمد
هاشم أحمد خلف الله
omar altom
معتز الامين
طارق جبريل
Ishraga Haimoura
فيس بوك
تويتر
انستقرام
يوتيوب
بنتيريست