كتب الكاتب الفاتح جبرا المتوفرة بمعرض الدوحة
|
Re: إمتداد الصحافة ... وكما نحبه (Re: HAYDER GASIM)
|
أخونا العريس عبدالدائم سيد أحمد 1000 1000 مبروك الزواج وان شاء الله بيت مال وعيال والله يا عبد الدائم يطرشنا ما سمعنا وانت زاتك بالغت ما قلت لينا حاجه هنا علي الأقل كان هججنا في البوست علي العموم انت حبيبنا وفرحنا ليك شديد والله مبروك يا زول وربنا يهنيك وعقبالنا يا رب وتتفك بورتنا ونلقي بت الحلال
| |
|
|
|
|
|
|
Re: إمتداد الصحافة ... وكما نحبه (Re: Moawia Mohammed)
|
حبابكم ... أهلي وأصدقائي فى وريفنا الإسفيري المبين
عدت إليكم ... وكأني لم أفارقكم ... إذ إنتقلت لبضع
أسابيع من الفرع إلى الأصل ... وما أحلاه من أصل ...
وما أجمله من فصل ... سأتوفر لبعض الحكاوي عن صحافتنا
الشماء فى مقبل الأيام .
مع الود الشامخ
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الزعيم حيدر قاسم كل سنه وانت والاسرة الكريمة بخير وحمد لله علي السلامة أتمني أن تكون استمتعت بالاجازة ووجدت الجميع بخير ونحن في انتظار أخبار الصحافه والسودان عموما
طبعا البوست كان نائم في غيابك وأنا حاولت أعمل حاجه لكن الايد الواحده ما بتصفق ومن هنا أنا بشكي ليك الجميع هنا دون استثناء -وأنا منهم- علي التقصير في حق الصحافه وعايزك تقوم عليهم
حمد لله علي سلامتك ونحن في انتظار حكاويك عن الصحافه
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: 1000 1000 مبروك الزواج وان شاء الله بيت مال وعيال وعقبالنا يا رب وتتفك بورتنا ونلقي بت الحلال
|
مشكور كتير يا معاوية يا فردة وعقبال ليك ، والف الف من تتمناك انت بس اشر من عن سبعة لحدى الحزام والكان مشيت جبرة كمان بتلقى راقددددددات .
والف الف شكر للاخ العزيز علاء حيمورة وعقبال نجاح اولادك . وسفير النوايا الحسنة الاخ الغالى عادل جبارة .
Quote: ألـف مبروك للأخ عبد الدائم سيـد أحمد بمناسبة الزواج |
الصحافة 30 عقبال عندك يا ذوق يا فهم
Quote: مبروك عليكم زواج عبدالدائم لكن هو طلع زول شين وما عزمنا كان مشنا ليه من الرباط لي جدة سايرين
|
الحبيب طارق جبريل الف شكر ، ودا بدل ترسل تذاكر شهر العسل للكازا جده فيها شنو ؟؟
Quote: يافرحتنا الزعيم هايص فى البلاد وعبدالدائم عريس ووصلنا الصفحة السابعة
|
العزيز ازهرى عقبال افراحكم ونوصل كلنا للشافع السابع .
Quote: ما شاء الله شفنا الصور حلوة تقول العرس فى السودان |
الاخت انعام ، لكى الف شكر والصور بس ناقصاكم
Quote: افتقدناك وبشدة هنا ... محلك محفوظ ... فأسكب الحبر ما شئت
|
الله يبارك فيك يا حيدر والف حمدالله على السلامة يلا احكى لينا انت فى الاول وانا جاييييك والمعنويات طبعا" فى السماء
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
Quote: إمتحنا الشهادة الإبتدائية في عام 1990 م |
يا غباشي ... ما هذا { الصغر } الذي يجللك ... أحسست وكثيرا
من إخوتى { الكواشف } هنا ... بأن عمرك هذا { يحرجنا } ويجعلنا
نهرول نحو { المنضرة } لنقيس الزمن ونراعي فروقاته ... فأنعم بأيامك
ومستقبلك الطويل العريض الذي ينتظرك ... إذن فأنتم الشباب الذين سوف
يحرسون الصحافة ويضيفون إلى ألقها .
مرحب بيك غباشي فى منزلك ... واصل تذكاراتك الوضيئة ... وليت من ذكرت
يشاركونك الحكي ... كن نشيطا يا غباشي ... عشان ترفع البوست ده والذي
بدأت تصيبه إمارات الشيخوخة ... وجودك ها هنا إضافة جيدة سوف تفرح أخوانا
معاوية وعبد الدائم خاصة ... إذ لولاهم { لفطس } هذا البوست ... مع إنه
راقي بناسه ومستواه ومحتواه ... وربما يثير وجودك ها هنا أخونا عمر عبد
السلام ... { فغيرة الكورة ومناكفاتها وذكرياتها لا تخبأ } بس إمكن إتعقد
شوية من { عمرك ده } ... جبتو من وين يا شقي الحال .
هنيئا بورداب الصحافة لكم بهذا الفتى ... يله خشوا حييوه ... وشوفو
المشترك بينكم وبينه ... ويله ندور .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الاخ غباشى مرحب بيك يا الزاهى نضارك ... نور ليلنا بنوارك ذتنا بهجه يذيد مقدارك ... وعاد تتبارك ما تتشارك ****** قمر الحي شرفت ديارك ... اوعه تغيب من تانى حذارك ما تحرمنا من انوارك ... وما بنفارق نحن مدارك ذتنا بهجة يذيد مقدارك ... وعاد تتبارك ما تتشارك
فـــــــــــاول FOUL 1990 ؟
انتو الدفعة القدام قدامنا ؟؟ ولا مش كدا يا حيدر قاسم
وبعدين صورتك دى اتصورتها فى مربع 25 ولا شنو لانها بتشبة شوارعنا
معاوية والصحافة 30 شنو البرد دساكم انتو وين الناس فطرو فى سوق الناقة ورجعوا وانتو لسه تحت البطانية
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
ألف مرحب بالأخ غباشي بين أهله و أحبابه تحت شجرة الصحافة الوريفة... عبد الدائم سيد أحمد: أخوك الأيام دي في ربوع الصحافة بعد غياب دام أكثر من 9 أعوام..طبعا عارف المجاملات من أفراح و فاتحات و غيرها.. و الأيام دي طبعا موسم أعراس و كده.. لي عودة..
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: أبو الحسين و انت طيب و جعله الله عام خير على الأمة الإسلامية ... و زكريا (أبو الزيك ) وناس صلاح اب جيبين |
الحِبيِّب غباشي...
مساك الله بالخير والرضا يا اخوي...
زكريا أبو الزيك... دا جارنا مقابل لي بيتنا... نحن الناصية علي الميدان وهم في الصف المقابل لينا... أما صلاح أب جيبين دا... يا ربي تكون قاصد صلاح عبدو... جيران ناس زكريا... و. إبراهيم داوود؟؟؟
وبالمناسبة دي... يا صحافاب أمريكا... ويييييين أخبار يونس ويوسف أولاد عم جمعة... سلمو لنا عليهم... من سافرو مع أولاد المرحومة تاني ما عندي خبر عنهم....
كميات مودتي... يا غباشي .... أهديك والحِبان هذه الأغنية...
| |
|
|
|
|
|
|
Re: إمتداد الصحافة ... وكما نحبه (Re: أبو الحسين)
|
الأخ ابو الحسين السلام عليكم ورحمة الله وبركاته
اخوك هاشم احمد خلف الله من الصحافة مربع ( 15 ) لكن صورتي مدفونة في مربع ( 18 ) ولعبت في نجوم (18) ايام الأخوان عوض فقيري وابراهيم ابو عوة وعادل الشبح وعلي فكرة حجينا السنة دي سوا ولي منه حوالي ( 20 ) سنة كاملة وكذلك يحيي خليفة ومامون الطاهر وحاتم محمد صالح وعادل جمعة ومعتصم قرمة وميسرة حسب الله وكثير منهم ربما لا تسعفني الذاكرة لكني الأن متواجد في مدينة الرياض بالسعودية العربية وأعمل في ( وزارة الخارجية السعودية )
كل املي ان أحصل علي معلومات من الأخ عادل جمعة وأسرته وهم يقيمون في امريكا , امل من كل شخص يطلع علي هذا البوست ان يمدني باي معلومات وشكرا
أخوكم هاشم احمد خلف الله ( لسه عضو جديد لنج )
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أبو الحسين يا مرهف شكرا علي اللحن الجميل
Quote: يا ربي تكون قاصد صلاح عبدو... جيران ناس زكريا... و. إبراهيم داوود؟؟؟
|
و الله أنا ما عارف بالتحديد وين كان في 16 أو في 18 لكن كان زول جنو (بنق) تنس طاولة و كلن بيغلبنا كلنا بالدور عشان كدة المشاكل و الخرخرة لأنو كان بيستهتر بينا و يتريق علينا .. أها يا خربناها بشكلة أو طفقنا البيضة و مشينا .. برضو كان كابتن منتخب الشباب طبعا ناس أبو الزيك و الجماعة ديل ما عدا محمد إبراهيم (حبني) كانوا الدفعة القدامنا ... إبراهيم داوود ده و الله متزكرو رهاب .. رهاب
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأخ حيدر قاسم السلام عليكم ورحمة الله
بما اني عضو جديد لنج في سودانيز اون لاين الإ انو اسم امتداد الصحافة يعني لي الكثير جدا وكما هو معروف معظم سكان الصحافة هم من القوز والحلة الجديدة والسجانة والديم وهم بصراحة احلي ناس فسبحان الله ان يتم مزج كل هولا الناس في بوتقه واحدة اسممها الــصحافــــــــــــــــــة وانا واحد من الذين نرحوا من القوز وقد درست في مدرسة القوز (2) الأبتدائية وكان وقتها المدير هو الأستاذ كباشي العوض 0
مااردت قوله هو ان اهل الصحافة اينما ذهبوا تركوا بصماتهم وهذا يعود للتربية البسيطة من اهلنا الطيبين وسبحان الله لم يكونوا متعلمين ولكن احباء بسطاء بكل مافي الكلمة من معني واتمني من كل الآخوان حمل هذه الراية عالية خفاقة 0
اخوك هاشم أحمد خلف الله
| |
|
|
|
|
|
|
Re: إمتداد الصحافة ... وكما نحبه (Re: انعام حيمورة)
|
العزيزة الغالية إنعام حيمورة
تحياتي لك ولكل الأهل ومبروك حجة دكتور عماد وسبحان الله كنا سوا في حج هذا العام ربنا يتقبل منا انشاء الله 0
سمعت عنك الكثير من الأخ عادل جبارة وعلاء بخصوص نشاطك المتميز عندما كنا نعد العدة لتكريم الأستاذ/ عثمان حسين وذوالنون بشري وفيصل عبداللطيف , وكان من المفروض ان تكوني من الحاضرين انذاك ولكن ما كل ما يتمناه المرء يدركه وعموما إعتبري نفسك واحدة من المشاركين في ذاك الحفل 0 والبركة فيكم سمعت عندكم عزاء وانا اسف لاني حتي الان لم اعزي الاخ علاء 0
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: الأخ حيدر قاسم السلام عليكم ورحمة الله
بما اني عضو جديد لنج في سودانيز اون لاين الإ انو اسم امتداد الصحافة يعني لي الكثير جدا |
آلاف مراحب بيك أُستاذ هاشم بين أهلك وأحبابك أهل الصحافة...
مودتي...
أبو الحســــــــين...
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
رحم الله الفقيد ... وشمله بصفحه وسماحته ,
لأهله وزويه الصبر ... ولأسرة الصحافة
بهذا البورد حسن العزاء .
شكرا غباشي على الإفادة ... فنحن نتجمل بمعرفة
{ الواجب } ... وأدائه .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
يا زعيم ... يسعد صباحك ما وريتيني حاجة في موضوعي بتاع عمر طحنية ولكني بت أبصم بالعشرة أنه أخوك فإذا كان كذلك .. فيا محاسن الصدف وسلم لي عليهو شديد وقول ليهو (أحمد قش صاحب خالد بطاح و الرشيد عثمان) وتسلم يا زعيم
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
Quote: عذرا مرتين يا سعادة الزعيم اولاهما أنني أتصلت من دون سابق موعد و لك أن تلوم نفسي لهفتاالجارفة حال علمها إمكانية الإتصال |
أخي { الأصغر } غباشي ... مساء من عندنا ... فصباحاتكم البيض ,
الأصغر آنفه إستدلالة على تطابق رؤيتكم ... وإحتمال { عمر طحنية }
الآن صار جزما ... فهو شقيقي ... وأنت صديقه ... إذن فأنت أخي الأصغر .
لكن ... هل تعلم أنني لم أر فى حياتي هذا { العمر } يلعب كرة القدم ,
ناهيك عن أن يكون بالمواصفات التي ذكرت ... فقد تركته صغيرا فى عداد
الأطفال ... وجئت مؤخرا ... فرأيته ما يزال يعالج { إرتضاضات } تجربته
فى هولندا ... لحاقا بقطار التعليم الذي فاته ... طحانا للعيش حتى يصير
دقيقا ... وهذه من الفروض التاريخية لكل أولاد بيتنا ... تسواقا للعباد
بأمجاد ... وحيث تتراكب المهن حتى تستقيم الحياة ... إذن لم أره { لاعبا }
كما قلت ... فأتأسف على ضياع هذه الموهبة ... لقد شجعت المريخ وما أزال
وليس من بر غير الإنتماء ... وتلتهب مشاعري للمتميزين من اللاعبين ... فنصيح
بحياتهم ونحملهم على الأعناق ... فمابال { الظروف } تمنعني حتى مجرد أن
{ أتقرر } مع حقيقة كون شقيقي لاعب فنان ... إنها خطايا الغربة ...
لك التجلة ... غباشي
وأشكرك على المبادرة والإتصال التلفوني ... فما عرضت أرقامي على سحب
الإسفير ... إلا لألتقي الناس وأتعرفهم ... وأنعم بوصلهم ... فلم { التحسس }
حبيبي ... لك الود صافي كما نوايانا وضمائرنا ... ودمت .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: اخوك هاشم احمد خلف الله من الصحافة مربع ( 15 ) لكن صورتي مدفونة في مربع ( 18 ) ولعبت في نجوم (18) |
الحِبيِّب هاشم... يا اخوي إنت طلعت حقنا تَب...
وبعدين إنتو يا شباب ( 15) أصْلكم دكَّتنا بتاعت الحوش العلي الميدان ديك تشكي وتبكي من زحيحكم فوقها!!!
سكون مباشر في ( 18) ما عارف سر الكلام دا شنو؟؟؟!!!
Quote: ايام الأخوان عوض فقيري وابراهيم ابو عوة وعادل الشبح وعلي فكرة حجينا السنة دي سوا ولي منه حوالي ( 20 ) سنة كاملة وكذلك يحيي خليفة ومامون الطاهر وحاتم محمد صالح وعادل جمعة ومعتصم قرمة وميسرة حسب الله وكثير منهم ربما لا تسعفني الذاكرة لكني الأن متواجد في مدينة الرياض بالسعودية العربية وأعمل في ( وزارة الخارجية السعودية ) |
سبحاااااااان الله يا اخوي ديل أهلنا عديل... عادل الشبح دا أنا وهو إتربينا في بيت واحد... وهو إبن عمي... وإبن عم الفكي سيد أحمد (إمام زاوية 15)... وعادل جمعة عشرة طويلة معاهم وسبحان الله من وفاة المرحومة أُسرتهم الرحلت أمريكا تاني ما جات نسأل الله يكونوا بخير وعافية وكذلك أولاد عم جمعة يونس ويوسف...
وطبعاً أنا نزلت الصحافة إجازتي دي الصحافة في نفس حلاوتها ورونقها... ربنا يديم عليهم جميعاً نعمة الصحة والعافية...
بالله قُلت لي عادل الشبح السنة دي كان حاج؟؟؟ طيب ليش ما عِندو خبر... وحسن أخوه معاكم في الرياض طبعاً... وعادل الفكي اليومين دي في السودان إجازتو في نهايتها تاااااني راجع لي أمريكا...
كميات مودتي يا اخوي... وأبقى قريب ويا هلا ومرحبا بيك...
أخوك/ جمال أبريــــــدة... السعودية ـ الخُبر...
| |
|
|
|
|
|
|
Re: إمتداد الصحافة ... وكما نحبه (Re: أبو الحسين)
|
اخي الحبيب جمال ابريدة ( ابو الحسين )
ذكرياتنا في الصحافة لا تعد ولا تحصي وهي ايام اشبه بإلاحلام والناس وقتها كانوا اسرة واحدة 0
علي فكرة عوض علي خالد وحرمه المصون بنت الفكي معانا في الرياض وانشاء الله اخر هذا الاسبوع سنكون في زيارتهم اما حسن الخليفة إتصلت عليه بعد ما جيت من الحج وكلمته عن الشبح وحلاقة الصلعة بعد الحج 0
تحياتي هاشم احمد خلف الله جوال 0564155973 تلفون عمل :- وزارة الخارجية السعودية (014055000 تحويلة 5657-5658)
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: مسحتني و سلمت على جارك ... على العموم أنا شايف في نضارات في الصورة عشان كدة حأعتبرك ما شفتني و حأسلم عليك انا ... و كل سنة و انت طيب
|
العزيز / غباشى تحية عطرة ياابن الصحافة معليش العتبة على النظر وعامل السن ماتآخذ عمك مرحب بيك وكل عام وانت بخير
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: معليش العتبة على النظر وعامل السن |
و لا يهمك يا عمنا .. أنا حبيت أداعبك ما أكتر لأنو الزعيم ... أشار ليك خصوصا ً من ناحية الكورة و الرابطة و المناكفات الكروية ... لما جاءت مداخلتك كنت أمني نفسي بنصيب فيها .. لكني وجدت الأخ أبو الحسين قد أستأسد بها ... فأردت مداعبتك لا أكثر .... لكني أعترف من زمان أنو رابطة الصحافة شرق أقوى فريقين هما العزيمة و اليونيتي و مصدر القوة نابع من إعتماد هذين الفريقين علي ابناء المربع الموهوبين لذلك كان التميز و جاءت القوة من بعد ذلك لكن مشجعي العزيمة أكثر هدوء من أنصار اليونيتي الشفوت و لي عودة للحديث عن أنصار اليونتي ... كما أحيي الفرجابي أحسن حارس مرمي في السابق و أفضل مدرب حراس و يديهو العافية و بخت العزيمة بيهو
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
ست الكل إنعام حيمورة أهلا بطلتك المشرقة و كنت ساقوم بمناداتك إذا ما تأخرت كما فعلت مع معاوية عندما تصادفنا في بوست آخر مع الحبيب ناذر و لكنه حتى الان لم يظهر .... بالمناسبة أول ما فتحت عينايً و سمعت أذنايً أسم حيمورة في بداية التسعينات ... حيث كنا في الإتحاد المحلي للسباحة فكان يدربنا سباح ماهر يدعى محجوب حيمورة (لست متأكد من الإسم) و لكن لطول المدة لم أسمع عنه مرة أخرى ... كما أعتقد أن أحد الحيموراب كان يدرس في على السيد الصحافة (فهل هو حاتم حيمورة ؟ ) .. لا أدري أذا كنت قد خلطت بين الأسماء أو لا ؟ أو أذا كنتم في الصحافة 21 على وجه التحديد شكرا على صورة الزعيم و لعلك قد علمتي و أحسستي مدي حبي وودي له فقد بات واضحا و ملموسا للكل .. فالزعيم أخاً قبل كل شئ .. فشكرا لك علي ... كما نتشرف بتزين الصفحة السابعة و التى وودت أن تولي لتفسح المجال لشيققتها الثامنة و لكنى الآن أصبحت متوجسا من مغادرتها و ذلك لكل ما فيها من ألق .... الزعيم .. لا اكذب ان قلت إشتقت إليك ؟ إنعام ما نحن إلا أوراقاً في غصن من فرع يبدا من أصلكم الضارب في باطن الأرض فالبوست من دونكم ناقص .... لذلك لا تحرمونا رؤياكم فنحن منكم و بكم و لا يمكننا أن نكون بدونكم فلكم الود و المحبة و الإحترام أهلي و حباني الأكارم .... سلام من القلب إلى القلب
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
Quote: إنعام ما نحن إلا أوراقاً في غصن من فرع يبدا من أصلكم الضارب في باطن الأرض فالبوست من دونكم ناقص |
أها يا إنعام ... ده كلام كبار ... من ناس صغار ... شفت الود ده لهلوبة كيف ... بعد
ده ما عندك طريقة يا اختى ... لازم تغشي البوست ده كل يوم ... حتى تثبتين الأصل والذي
تستحقين .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأخ هاشم أحمد خلف الله
تحياتي الحبلى بالمحبة
أضيف لترحيب الأخت إنعام ... وفى الشعر بيتا ,
فمرحب بك صديقا لطيفا ... يستشهد بالتاريخ والجغرافيا
والأسماء والأحياء ... فنحن عزيزي من هناك أصلا ... { بحر
أبيض إضافة للديم } وهكذا كانت الصحافة ... رحل معنا تاريخنا,
ونتشرف به ... ذكرت القوز ... وكنت هناك فى حور الشيخ { الشمباتي }
ولفة القوز ومحطة النيمة وعم علي والنجمي والشباك ودار النعيم وعم حسبو
والناظر سعدابي فى مدرسة بلدي القوز ... كمان ناس عطا وأحمد سيد أحمد ,
وعبده عثمان والحرم واللقيمات { الكبار } ... ده تاريخ لا أدري كم تستحصل
منه ... لكنها القوز ... عمادة عالية فى تاريخي .
نرحب بك عزيزي ما بنت ... فالبيت بيتكم ... ونعم الأخ .
بوست الصحافة مفتوح من كل أجنابه لنوطن فكرة ولنرعى خاصية
ولنفاعل المشاعر ... إتفضل لا جوة ... وليطب مقامك .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
والله يااخوي حيدر ذكرت لي ناس القوز وكاني الأن بينهم ووسطهم وعلي فكرة انا قابلت الأخ عبدالناصر ( ابو سحابة ) ود خالة علم الدين الهادي وحبيب وواسامة وطبعا هو مهندس كبير هنا في السعودية ولكن اخباره انقطعت عني 0 وكان لابد لنا من ذكر القوز واهل القوز وحوش الشيخ الشمباتي بتذكره تماما والأخوان العلوي وياسر وضمرة سراج ومبارك سراج , والمثل بيقول الماعندو قديم ما عندو جديد ونحن جديدنا الصحافة ( صحافة العظام من 7 لحدي الحزام وكمان قدام )
ربنا يجمعنا في ساعة خير وتحياتي للاخ بكري عبدالدائم أذا شاهدته في امريكا
المخلص هاشم احمد خلف الله
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
إنا لله و إنا اليه راجعون اللهم ارحمها بعدد من جاءوا إليها وتزاحموا علي بابها و إصطفوا أمامها كبارا و صغارا .. اللهم ارحمها بعدد السيارات التي سدت الطرق والمسارات المؤدية لها.... اللهم و ارحمها بعدد الخطاوي التي قصدتها من أقصى البقاع إلي أدناها .. و التعازي موصولة للأخ الصحافة 30
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأعزاء الصحافاب خالص العزاء لكم في فقيدة الصحافة الوالدة زينب الجمل
الأخ غباشي أولاً نرحب بك في دارك (إمتداد الصحافة) ونتمنى لك إقامة طيبة خالص العزاء لكم في زميلك ورفيقك عمرو محمد أحمد
Quote: في بداية التسعينات ... حيث كنا في الإتحاد المحلي للسباحة فكان يدربنا سباح ماهر يدعى محجوب حيمورة (لست متأكد من الإسم) و لكن لطول المدة لم أسمع عنه مرة أخرى ... كما أعتقد أن أحد الحيموراب كان يدرس في على السيد الصحافة (فهل هو حاتم حيمورة ؟ ) |
يا أخ غباشي وصلت تب فمحجوب حيمورة عمي أنا وخال إنعام حيمورة وهو ان في الإمارات أغلب أولاد حيمورة درسوا في الصحافة غرب ومنهم محجوب حيمورة ومحمد حيمورة وأحمد عمر حيمورة وحاتم حيمورة ورضا حيمورة .... إلخ(حاتم ورضا إخواني وأبناء خال إنعام)
الأخ هاشم أحمد خلف الله ألف مرحب بيك وشرفت ونورت ونرجو أن يطيب لك المقام
الصحافة 30 ألف حمد الله على سلامتك والصحافة نورت بالله أدينا خبرك وكيفية مقابلتك لنقوم بواجب الضيافة والاستقبال
| |
|
|
|
|
|
|
Re: إمتداد الصحافة ... وكما نحبه (Re: Ishraga Haimoura)
|
الصحافاب الأجلاء
هنيئا لنا بمقدم الشاب غباشي وهنيئا لنا بانضمام الصديق العزيز هاشم خلف الله وهكذا الصحافة معين لا ينضب ودماء تتجدد وإن غبنا عنها قليلا نجد الشباب بعنفوانهم يطرزون ثوبها الأنيق ويرتادون ميادينها وساحاتها ويتجولون في مدارسها ومربعاتها يبحثون عن الأصدقاء وينقبون عن الذكريات هكذا أنتم أوفياء .. ودمتم أوفياء
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
لاحول ولا قوة إلا بالله.. زينب الجمل؟؟ لم أسمع بهذا الخبر إلا الآن رغم تواجدي بالصحافة هذه الأيام.. رحمها الله رحمة واسعة و ألهم أهلها و ذويها و جيرانها الصبر الجميل... إنا لله و إنا إليه راجعون
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
اعزائي الصحافاب أولا أنا في أشد الأسف لغيابي عن ساحاتكم ولكم العتبي حتي ترضوا
ثانيا دعوني أترحم علي فقد الصحافه المهندس عمرو محمد أحمد والخاله زينب الجمل ربي تنزل عليهم شأبيب رحمتك وتحشرهم مع زمرة الصديقين والشهداء
يا أخواني والله قلبي يتقطع لي تلميذ درسته بالمرحلة الثانوية لمدة ثلاث سنوات وكان من أنجب الطلاب الذين مروا علي فقد كان عبقريا في مادة الرياضيات أسمه عمرو يسكن مربع 17 وله ابن خاله يدعي أمين وديدي يسكن مربع 31 وكان يسوق رقشه أثناء فترة دراسته ....ان شاء الله أكون غلطان يا جماعه عليكم الله نوروني لقد كان من أحب الطلاب الي نفسي انا لله وانا اليه راجعون
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: وكان من أنجب الطلاب الذين مروا علي فقد كان عبقريا في مادة الرياضيات أسمه عمرو يسكن مربع 17 |
الأخ معاوية يؤسفني أن أقول لك أنه المرحوم ... تقبله الله برحمته الواسعة ...... عفواً لا أستطيع أن أواصل فدمعي قد بلل خدَي .. .... أرجو أن تدعو له عقب كل صلاة ... سأعود بعد أن أتمالك نفسي
| |
|
|
|
|
|
|
Re: إمتداد الصحافة ... وكما نحبه (Re: عادل جبارة)
|
Quote: الصحافاب الأجلاء
هنيئا لنا بمقدم الشاب غباشي وهنيئا لنا بانضمام الصديق العزيز هاشم خلف الله وهكذا الصحافة معين لا ينضب ودماء تتجدد وإن غبنا عنها قليلا نجد الشباب بعنفوانهم يطرزون ثوبها الأنيق ويرتادون ميادينها وساحاتها ويتجولون في مدارسها ومربعاتها يبحثون عن الأصدقاء وينقبون عن الذكريات هكذا أنتم أوفياء .. ودمتم أوفياء |
| |
|
|
|
|
|
|
Re: إمتداد الصحافة ... وكما نحبه (Re: Alsa7afa_30)
|
وصلت بريدي الإلكتروني الرسالة التالية من الأخ هيثم أحمد الخضر ,
فمرحبا به فى صالون الصحافة للإستجمام والتبادل الإنساني .
Quote: الصحافة. . عيوننا إليك ترحل كل يوم
فرحت أيما فرح وانأ أطالع هذا البوست عن اعز بقعة على قلوبنا مدينة الصحافة ولقد اندهشت جداً لضعف المشاركة في هذا البوست والذي لا يشبه أهل الصحافة وشبابها الذي يتميز بقوة أواصر الصداقة والروح الاجتماعية والمشاركة بفاعلية في كل الأنشطة والمنتديات خارج وداخل الوطن. لماذا الصحافة متميزة عندنا عن باقي بقاع الدنيا ؟ الصحافة مدينة التوسط والاعتدال(اجتماعي – اقتصادي – سياسي ) تكونت من نسيج يمثل كل السودان بمختلف مناطقه وقبائله هذا بالإضافة إلى أن الغالبية من سكانها عبارة عن مجموعة من الموظفين والعمال بالقطاع العام نزحوا جميعاً من منطقة الخرطوم وسط حالياً (الديوم –السجانة – الحلة الجديدة) حيث كانوا من الطبقة المتوسطة التي انقرضت منذ نهايات العهد المايوي. وانأ افخر إنني من مواليد الصحافة بعكس كل الذين كتبوا في هذا البوست (ولد صغير ) وتربيت في جوها المفعم بالمشاركة الاجتماعية وفيه الجار اقرب من الأخ والأخت والحِلة قيمة كبيرة لها التزامات وواجبات لا يعلى عليها. كما إن بها تنوع بشري وثقافي يمثل كل فسيفساء المليون ميل مربع ساهم في صنع مزاج توحدت فيه لغة المدينة وتراحم وإلفة أهل الريف وتعزز هذا الجو بالتعليم والثقافة المتمثلة في أن الغالب من أهلنا كانوا من الموظفين والمهنيين .مما ميزنا بنسيج اجتماعي فريد لم تحوجه سنين الإنقاذ للرتق ولم ينجح الزمن في صنع أي فجوات فيه أو صدوع تستعصي على الرأب . وفي هذا المقام يحق لنا أن نفخر بأننا من المدينة التي هزم فيها أمير الظلام حسن الترابي أليست نعمة من نعم الله على أهل هذه البقعة (الدائرة 27 أ ) أن خصهم بهذا الشرف. ولعل من اشراقات هذا الحدث أن مدينة الصحافة نجحت في توحيد الأحزاب السودانية على قلب رجل واحد حتى تسنى لها إسقاط هذا الطاغية حيث جمعت مدينة الصحافة بين القوى التقليدية (الاتحادي – الأمة) والقوى الحديثة (الشيوعي- البعث) في حلف تواضعت فيه هذه القوي على مرشح الحزب الاتحادي حسن شبو المحامي وغلبت مصلحة الوطن والمواطن في مشهد تاريخي لا أظن أن الزمن يجود بمثله علي مسرحنا السياسي الحالي. ولا تزال هذه المدينة صامدة فحتى الآن تخرج نساءها وأطفالها ليعتصمون أمام الجرافات التي تريد أن تستولي على ميادينها وساحاتها وتحويلها لمباني تجارية لمصلحة الوالي وتجار الإنقاذ ويبيت الشباب في مناوبات لحراسة هذه الميادين فأي مدينة هي وأي أناس أهلها. الصحافة مدينة حاضرة بقوة في واقع الوطن ولأبنائها إسهامات ومشاركات فاعلة في مجتمعه، فقد ظلت هذه المدينة في طليعة أحياء العاصمة من حيث مساهمة أبناءها في إثراء الحياة الاجتماعية والرياضية والثقافية فقدمت الكثير من الشعراء والفنانين والرياضيين بمختلف الأندية هذا بالإضافة للصحافيين وأساتذة الجامعات لعل ذكر بعضهم يحملنا وزر جهلنا للكثير منهم وذلك لان العدد كبير لن تتسع له هذه السطور. والشئ الذي دعاني إلى الكتابة في هذا البوست هو أن هنالك شخصيات كان لها دور كبير في مجتمع هذه المدينة أقفلهم المتداخلون ولم يأتوا على ذكرهم حيث لا يخفى على الجميع أن جميع المؤسسات الخدمية من مستشفى ومراكز صحية ومدارس وأندية اجتماعية في هذه المدينة شيدت بجهد شعبي من أبناء هذه المدينة الشرفاء الذين لم يبخلوا بجهدهم ووقتهم ومالهم في خدمة مجتمعهم. والذي لم يتم بجهد وتبرعات أهل الصحافة لم يتوانوا في بذل الجهود للاتصال بأهل الخير داخل وخارج الوطن والمؤسسات الوطنية والمغتربين من ابناء ها البررة حتى صار في كل مربع نادي ومدارس وفريق كرة يشرف أهل كل مربع على توفير احتياجات هذه المؤسسات بجهد أبنائه وهؤلاء الناس لهم علينا حق شكرهم وتبيين فضلهم للناس وتذكير الجيل الجديد الذي ولد وسط هذه المكتسبات بأنها وجدت بجهد وعرق هؤلاء الشرفاء. هذه بالإضافة إلى نقل صورة حية عن الحياة الاجتماعية المثالية في هذه المدينة وحاجتنا إلى تذكرها واجترارها لتكون عونا لنا في غربتنا ولأنها مرحلة زاهية من حياتنا أصبحت كقارورة عطر من ذكريات نفتحها كل صباح ومساء لنشم أريجها فتعود لنا الحياة . لذا أدعو جميع المتداخلين أن يكتبوا عن تلك الشخصيات وعن تلك التجارب الإنسانية والأحداث عن شخصية في شارعكم أو مربعكم أسهمت في شأن عام اوخاص حتى ولو كان الجمعية الخيرية للمربع عن ظرفاء الحلة أو عن لاعب ا و مشجع مشهور في الرابطة عن فنان،أو شاعر أو تشكيلي وعن تجارب جماعية لشباب الصحافة مثالاً :تجارب روابط الصحافة بالجامعات . وسأحاول أن اكتب إذا سمحتم لي في مرات قادمة عن ما مذكرته سابقاً خصوصا منطقتي الصحافة وسط وشرق حيث بحكم نشأتي أظن أنني اعرف عنهما الكثير حيث إنني من سكان الصحافة وسط مربع 33 وقضيت فترات كبيرة من حياتي بمنزل جدي بالصحافة شرق مربع 38 وأرجو من الإخوة والأخوات إثراء هذا البوست بما يتلاءم وعظمة الصحافة وفتح باب المشاركة أمام الجميع والتحية أسوقها لكل أهل الصحافة وفوووووووووووق إلى الأبد أخوكم هيثم احمد الخضر أبو ظبي
|
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أهلي و حباني ... إزيكم معليش .. والله الزنقة بدت و الواحد بقى وقته كلو في الجامعة .. لكن طوالي متابعكم ... بس أعزروني لو إتأخرت في الرد الزعيم .. مشتاقين و الله ... إشراقة حيمورة سعدت بإنعام فذدتيني سعادة بطلتك المشرقة .. أسأل الله ان يسعدكما بقدر ما أسعدتموني عادل جبارة مــشـــكــــــــــــــــــــــــــــــــــــــــــــــور هيثم الخضر أهلا يا جارنا ... و منتظرين تكلمنا عن 38 و 33 .. وأنا طبعا بالإضافة لشباب 38 بعرف جزء كبير من أولا 33 .. بس إنت أديني راس الخيط و أنا بتم ليك البكرة كلها الصحافة 30 بمناسبة مو سم الحفلات ... قبل يومين كان جنبكم عرس ... (كتلت) الحفلة و للا ... لا كل الشباب بدون فرز منورين و ربنا يحفظكم
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الف مرحب بحاج / هاشم ونورت دارك نحن ناس 25 قصاد بيتكم عديل اولاد اعمامى ناس محمد ونورالدين وبدر وعصام سعيد ( مربع 18 )
اشراقة حيمورة صورتك دى فى سوق الناقة هــت على وزن بيتزاهت
معاوية مشيت وين مبارى الثنائيات ؟
غباشى اكلت علينا الجو عديل كدا انت ذاكرتك لسه حية اتحفنا بالمزيد اما بخصوص الصورة بتاعتك انا جبرة الاسكان ما شفتها مع انها قريبة مننا ، عارف زمان لما اطلع من البيت رجلى تلقائيا" بتلف على زلط الصحافة رغم طول المشوار وحرارة الشمس وكانو فى شي رايح لي .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الحبان أواصل معكم ما كنت قد بدأته في إفتتاحية مشاركاتي و قد توقفت في المدرسة الإبتدائية ... في الإبتدائي ما كان عندنا زول معين جاري الدفعة يعني بيجي الأول طوالي لكن .. كل مرة بتلقى واحد عمل انقلاب و جرا الجماعة و في المعمعة دي كلها انا كنت وسط الجماعة مع الخائضين يعني ما شميت الأول لكن مرة أقرب و مرة ابعد و كلو جوة العشرة الأوائل و ماكانت عندي امنية الوقت داك غيراني اطلع الأول .. المهم حكاية الأول كانت محصورة بين عماد شريف , طارق نيجيري ,محمد صلاح , عمار طه ,معتصم محجوب (الله يرحمه) و بتذكر كانت المنافسة شديدة و حامية جدا خصوصا في سنة سادسة و التركيز كان شديد جداَ و البحيت و النكيت للامتحانات و حلولها و الشامل و... ومنافسات بين الجمعيات و كدي .. طبعا انا ما كنت رئيس جمعية لاني في سنة خامسة جيت التاسع في الفترة التانية ( بعد ما كنت التالت في الفترة الأولى) و الجمعيات كانو ستة عشان كدة بقيت نائب رئيس الجمعية اللي كان رفيق الدرب مصطفى محمود ... قضينا أيام جميلة جداَ و طبعا لا اخفي عليكم اني كنت الرئيس الفعلي للجمعية لأنو مصطفى كان بيلاوز من العتاولة الكانو معانا عشان كدة كان بيفوت ليهم كتير و ما كان قادر يسيطر عليهم أيضا من الطرائف كان معانا واحد اسمو عصمت و ساكن في حلتنا عصمت ده كان سمين و حجمه ما شاء الله .. فكان المرحوم معتصم محجوب و هشام قبال ملقبنو بعصمت أمريكا .. المهم كل مرة نكون راجعين من المزاكرة بالليل تبدا الإرهابات من جانب عصمت خصوصا لما نحصل ميدان الزمالك و يبدا في الخنق و التجريس و الوعيد لو الحركة دي تاني كرروها المهم بعد تحانيس نفكهم منو .. أول ما يبعدو يكوركو ليهو أمريكا و تاني يو م نفس الفلم و هكذا يعني كل مرة بنكون دايرين لينا على الأقل ساعة عشان نرجع البيت برضو كان معانا واحد اسمو خالد قاسم من أولاد 42 (حاليا استاذ انجليزي) .. جاقرا معانا سنة سادسة وبعد داك واصل معانا للثانوي .. كان سواق شديد في العجلات و بتاع ايقاع رقم واحد كان بيجي المزاكرة بعجلتو وبيجي لابس خوزة بتاعت ناس المواتر و برضو بعد نهاية المزاكرة و احنا راجعين بيجي ما شي ورانا و هو سايق بسرعة و طبعا فاكي يدينو و شغال بيهم ايقاع في الخوزة اللابسها في راسو (إتخيلتوا معاي المنظر ده؟ ) الكلام ده و احنا في الإبتدائي أذكر من أذكى طلاب الدفعة في الوقت داك عماد شريف طمبل المرحوم/معتصم محجوب عمار طه طارق محمد حماد .................... ونواصـــــل
| |
|
|
|
|
|
|
Re: إمتداد الصحافة ... وكما نحبه (Re: محمد البشرى الخضر)
|
الأخ محمد البشرى
مرحب بيك ها هنا ... فحلويات سعد معناها أنك صحافابي ,
لهذا نعتمدك عضوا أصيلا فى أسرة الصحافة الإسفيرية , أخذ
راحتك وأنكت الذاكرة ... فنحن هنا للتواصل .
غباشي سيتولى الإجابة على سؤالك أعلاه , وبعدها أمشي
جيب عفشك من محل ما قاعد الآن ... فغرفتنا الإسفيرية
هذه فى عرض السموات والأرض ... وفى طول سلامة أهل الصحافة
الفرعاء .
أبقى داخل ... وغدا نحتفي بك .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأخ حيدر شكرا على الترحيب أنا كنت صحافابي جدا كنت دي لأننا رحلنا أركويت لكن لا زلت مرتبط بالصحافة و جدا دي لأني من شدة ما كنت صحافابي كنت السكرتير الثقافي لرابطة الصحافة بجامعة الخرطوم دورة 93-94 عفشي ما كتير شنطتي دارعة في ضهري و جاييكم عساكم تقبلونا (رغم أركويت دي)
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأخ هاشم نصر الدين حقار ود حلتنا و يفصل بين بيتنا و بيتهم ثلاث بيوت إلا انني لم التقيه شخصيا و لكني أعرف اخوانه كمال و ناجي .... و كانت له نشاطات ملموسة في الصحافة من حيث تكريم المتفوقين و الفرق الرياضية ... وخصوصا فريق حلتنا ... ترهاقا ...(ماذا ألم بهذا الرجل الباش صاحب الإبتسامة التي لاتفارقه؟) أسأل الله ان يشفيه من علته و أن يعود معافيا كما كان .... اللهم رب الناس اذهب الباس واشف انت الشافي لا شفاء الأ شفائك شفاء لا يغادر سقما .... اللهم آمين ... اللهم آمين ... اللهم آمين الأخ هاشم .. هذا الأمر يهمني فإذا سمحت عبر المسنجر
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
الأخ غباشي
تحياتي
الأخ نصرالدين حقار أخ وزميل دراسة سابقة في مدرسة حلويات سعد ومحسوبك من الرعيل الأول وقد درسنا ( 3 ) سنوات بالظهر في مدرسة الخرطوم جنوب ( 2 ) وقد عانينا كثير بسبب المواعيد ولكن بفضل الله ثم إجتهاد المعلمين أنذاك واذكر علي سبيل المثال الأستاذ/ عبدالقادر0
اخونا نصر الدين حقار مريض و لا نعلم مرضه تماما ولكن ونسبة لنشاط هذا الرجل الخلوق والمبتسم دائما وصاحب النكتة السريعة وخفة الظل 000 افتقدناه في دار الرابطة علما بانه يسجل حضور يوميا ويضفي علي الجو نوع من المحبة والمودة والتحدي 00 مازلنا نرفع إيدينا عالية لرب العباد ان يعجل له بالشفاء علي وجه السرعة حتي نراه بيننا ضاحكا مستبشرا اللهم عجل له بالشفاء اللهم عجل له بالشفاء آمين يارب العالمين 0
| |
|
|
|
|
|
|
Re: إمتداد الصحافة ... وكما نحبه (Re: هاشم أحمد خلف الله)
|
الأخ عبدالدائم
تحياتي الحارة
لك الشكر علي التهنئية بالحج وربنا يقدرنا علي التواصل وذكريات الصحافة مربع 18 لا تنتهي وخاصة فريق نجوم 18 تحياتي لكل الآخوان عصام وبدرالدين ومحمد ونور الدين وحتي معتصم قرمة وقاسم اخوه والآولآد حسب الله ميسرة ومحمد وجمال وعاطف 000
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: ندعوكم ان تدعوا معنا الله ان يشفي اخونا نصرالدين حقار العضو الفعال في رابطة ابناء الصحافة بالرياض |
الأخ/ هاشم أحمد خلف الله نجدد الترحيب بك في بيت الصحافة الجميل ودعواتنا بشفاء أخونا / نصر الدين حقار .. وربنا يكتب سلامته الشكر موصول الى أخونا النشط / غباشى ، للإهتمامه بتفعيل البوست ومتابعة كل شاردة واوردة تنشر فيه تمنايتنا لشباب البوست بالتوفيق والنجاح -- عمر عبدالسلام من شيوخ البوست
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
غباشي الجنرال عمر عبد السلام خلاص أطلق علينا لقب الشيوخ يعني بالله كل ما نكسل أدونا دفرة شوية ؟؟
والله أتابعكم يوميا وأنا شخصيا كأنما أتفقدكم وأنظر ماذا فعلتم ببيتكم الكبير وعندما أجدكم أطمإن وأكتفي !! الشكر لك يا غباشي على المجهود الرائع الذي تقوم به والتحية عبرك لشيخنا الكبير وزعيم الحوش حيدر قاسم ودمت ،،،
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
التهانى الحارة للاخ علاء حيمورة بالمولود الجديد ويتربى فى عزك يا ابو ياسر
وتمنياتنا بالشفاء العاجل للاخ نصرالدين حقار ونتمنى له بلوغ الصحة والعافية التامة .
عم عمر عبدالسلام
يعنى لو عايز تجى لحدى 25 برجليك عاوز زمن قدر شنو
غباشى ساعد عمك عمر دا شوية والكزو بالكيبورد واديهو دفرة بالماوس
الزعيم يوم باين ، ويومين نايم احكى لينا شوية عن 23 ولا ما لعبت الدافورى فى ميدان المشترى القديم ؟
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: ساعد عمك عمر دا شوية والكزو بالكيبورد واديهو دفرة بالماوس |
يا عبد الدايم عمر عبد السلام من فرسان البوست لكن طبعا بيحب يتواضع ... عشان كدة لازم نسمع منو هو و يحكي لينا عن العزيمة والترسانة و لييه الميدان بتاعهم واحد ؟ برضو في رايك يا عمنا رتب لينا الفرق حسب الأقوى ... الزمالك (م38) .. العزيمة (م40) ... ترهاقا(م41) ... اليونيتي (م36) ... الترسانة(م37) ... النيل (م42)
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: يعنى لو عايز تجى لحدى 25 برجليك عاوز زمن قدر شنو
غباشى ساعد عمك عمر دا شوية والكزو بالكيبورد واديهو دفرة بالماوس
|
ياشباب عمك عمر ماابراه داير ليهو دفرة ولكزة حصلوا عمكم عادل جبارة .. باين دفرة ماوس ، ولكزة كيبورد ماكافية انا بقطع المسافة حاليا من مربع 40 بالصحافة شرق الى مربع 25 في ساعة ونصف بس عمكم عادل جبارة محتاج لى استراحة وقدرها 5 ساعات في مربع 33 .. يعنى الله يعلم كم تستغرق رحلة وصوله بين المربعين !
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
أهلي الصحافاب وصلتني هذه الرسالة عبر البريد الالكتروني من أخونا أبو أحمد في الأمارات وهي محوله للأخوين غباشي و عمر عبد السلام للرد عليها
Quote: عزيزي معاوية تحياتي وكثير سلامي-
اعذرني وانأ أراسلك من غير سابق معرفة لكن عنوانك هو الوحيد الذي من خلاله يمكن أن تصل هذه الرسالة –
وانأ أتصفح موقعكم الشيق هذا وذلك فيما يختص بمدينة الصحافة –
فقد ذكر الأخ غباشى الصحافة شرق والكرة بها لكن لم يذكر اقوي فريق وهو الزمالك صاحب الدار وكذلك الحريف عماد التلب
والأ ايه رايك يا أزهري عبد السلام الخلوق
عمومأ وفقكم الله يامعشر الأدب
أبو احمد
الامارات-
|
للأمانه البولد والأندرلاين من عندي
| |
|
|
|
|
|
|
|