فضائية "هارموني" و علاقات الحب الفاشلة

مرحبا Guest
اخر زيارك لك: 05-07-2024, 10:40 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة ابوبكر سيد احمد(abubakr)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-08-2008, 02:04 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
فضائية "هارموني" و علاقات الحب الفاشلة

    هارموني فضائية يحاول صاحبها او اصحابها بان يجعلوها "مختلفة" عن الاخريات ولكن يبدو ان حسابات الجيوب والبنوك والتموييل لا تساعدهم فيضطرون ( حتي لا اتهم بانني متحامل) في ترديد مالديهم في فترات زمنية قريبة وليست وفق المعايير التي تكرر فيها الفضائيات الاخري برامجها لتحاطب شرائح اكبر من المشاهديين وفق فروقات الزمن في العالم ...
    في بداية بثها الترويجي كررت وبصورة مملة فيديو كلب لمغني ( االوصف هنا ليس دقيقا فقناة هارموني وزوول تاتيان باشخاص وموسيقي علي ان هذه الشخوص تغني وليس ذلك بالضرورة صحيحا).. ذاك المغني له قصة مع حبيبته زوجته وطفلتهما ولسبب ما يخص هارموني يحدث اختلاف او تاخذ الزوجة شنطتها وطفلتها وتذهب الي بيت اسرتها وهنا يغني الزوج متعطفا وووويذهب الي والد الزوجة ويعود بزوجته وطفلته ويادنيا ما دخلك شر ...تكرر هذا الفيديو كثيرا لدرجة انني حسبت ذلك توقيع Signature هارموني وموسيقاها المميزة .... ثم مؤخرا ظهر فيديو "الوردة الحمراء" وصاحبها الجالس علي درابزين بيت من البيوت وحبيبته التي تجلس في البلكونة وهو يجلس تحت البلكونة وحوار موبايلي ثم يجلسان في كرسيين من كراسي الفوتيل الكلاسيك المذهبة والتي لا احبها (وجهة نظر شخصية ) ثم تختفي الحبية ويبقي الكرسي الثاني من دونها ثم يجلس هو علي فوتيل حديث واضعا وجهه بين ركبتييه وبعدذلك نري الحبيبة ترتب ملابسها داخل شنطة وفي صورة مماثلة لخروج الزوجة وشنطتها وطفلتها في الفيديو الاول تخرج الحبيبة وهي تسحب الشنطه والحبيب (بعد ان بدل القميص اللبني الفاتح الي ازرق مارين بلو) ينطلق متاثرا وسط الاشجار حاملا وردة حمراء يرميها ارض ويعود الي كراسي الفوتيل ثم نراهما معا وهي تسحب الشنطة وهو يساعدها في ركوب سيارة جديدة لنج لاندكروز بيضاء وهي في مقعد القيادة بكامل مكياجها زعلانة وحبيبها يذهب ثقيل الخطي ...وخلاص ....

    عجيبة يعني ما في قصة حب فرايحية ...وبعديين من وين بتجيبو الجماعة البتصرو انهم مطربيين ....

    اين نجوان والزوول وممكونة والمرتضي وجني ومجاهد وووو وووووووووو انتو ما شايفيين الحاصل دة ؟؟؟ لا لاقين ننزل معاش ونلقي لينا راكوبة او مصطبة نترزع فيها ولا بلدا تلمنا واهو مضطريين بعد شغل عشرين ساعة نتكوي بالمصايب دي ....قال فيديو كلب ... كلاب حلتنا زمااااان بالليل كانت عندما ياتي مرفعيين من جهة كلي كومبو ( منطقة في قريتنا التي تحت الماء اسمها عمكة )
    تبتدي تتبادل عواء احسن من اية صوت في اية فيديو كلب في هارموني وزوول اليوميين دول ....

    ارحمونا ياعالم ....
                  

02-08-2008, 10:40 PM

نجوان
<aنجوان
تاريخ التسجيل: 04-01-2006
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    Quote: تبتدي تتبادل عواء احسن من اية صوت في اية فيديو كلب
    في هارموني وزوول اليوميين دول ....



    طوّلت شوية من الفضائيات بسبب المشغوليات يا باش
    ولم أفتقد أيا منها..
    أهناك مؤشر أبلغ من ذلك؟..

    نفسي أعرف من يضع تصور هذه الكليبات (ان كان لها تصوّر)..

    ____
    بس كلهم ما بلحقوا كليب سمية حسن
    إبـــداع
                  

02-09-2008, 05:37 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: نجوان)

    اولا صباحنا اشطة (كما يقول قرايبنا المصاروة) نجوان وممكونة مرة واحدة...
    Quote: طوّلت شوية من الفضائيات بسبب المشغوليات يا باش

    غياب الونسة في الساعات البكون ما شغال فيها بتخلينا افتش الفضائيات الكثيرة ومر مرة اقول يمكن الجماعة دييل حالم اتحسن واهو بناخد الفي النصيب من البلاوي دي ؟؟؟انا بعد كليب سمية داك قلت ما ممكن يبدوعو ابداع متناه زيو تاني وبس جووني ناس زوول بكليب بنات ام لعاب البيرقصن (كرتون!!!) وهارموني بالعيال البحبو يوم ويطرشقو ايام وشايليين الشنط ودة طالعة ودي راجعة واول مرة اشوف زعلة بمكياج كامل يعني دميعة واحدة ما في .. جنس حال ....

    احسن حاجة انو شفناكم !!!!
                  

02-08-2008, 10:57 PM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)



    كيفك يا باش..و كيفك يا نجوان؟
    مشتاقين و الله.

    إنتو لسه يا جماعة بتشوفوا الكوارث دي..؟!!!

    أنا و الحمد لله شُفت الأول بس..
    التاني دا بشوفو بعد أتم كورس الآنتي- بايوتك!


                  

02-08-2008, 11:30 PM

نجوان
<aنجوان
تاريخ التسجيل: 04-01-2006
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: mamkouna)

    Quote: أنا و الحمد لله شُفت الأول بس..
    التاني دا بشوفو بعد أتم كورس الآنتي- بايوتك!
    ودي كبسولات ولا حقن يا ممكونة..
    ولا الإتنين؟



    ___
    أعتقد الفضائيات دي الآن تتطلب تطعيم عــديل كده..
                  

02-08-2008, 11:04 PM

Alsa7afa_30
<aAlsa7afa_30
تاريخ التسجيل: 02-06-2003
مجموع المشاركات: 6618

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    Quote: ثم مؤخرا ظهر فيديو "الوردة الحمراء"




    سلام أ.أبوبكر
    عساك بخير


    ناس هارموني كتروها و مسخوها أكتر من اللازم.. و بقيت أتخطاها عند تجوالي بين الفضائيات منذ فترة ..

    في البداية قلنا بث تجريبي ..
    بعد ما فتحو رسمي قلنا ما مشكلة الجماعة يادوب في البداية و القادم أكيد حيكون أحلى ..
    بس بعد كده اكتشفت عدم وجود استراتيجية معينة أو تخطيط برامجي واضح .. هو مافي برامج أساساً !




    أما" زول" فلا تحتاج لتعليق ..
                  

02-08-2008, 11:32 PM

نجوان
<aنجوان
تاريخ التسجيل: 04-01-2006
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: Alsa7afa_30)

    Quote: أما" زول" فلا تحتاج لتعليق ..
    إلا اذا كان تعليق .. من علقة..
    وما الى ذلك..
                  

02-08-2008, 11:46 PM

Alsa7afa_30
<aAlsa7afa_30
تاريخ التسجيل: 02-06-2003
مجموع المشاركات: 6618

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: نجوان)

    Quote: إلا اذا كان تعليق .. من علقة..
    وما الى ذلك..

    أو تعليق في مروحة و ما شابه ..
                  

02-09-2008, 05:44 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: Alsa7afa_30)

    Quote: ناس هارموني كتروها و مسخوها أكتر من اللازم.. و بقيت أتخطاها عند تجوالي بين الفضائيات منذ فترة ..


    يا حسام .. القناعة كنز لا يفني دي انا يادوبك عرفت قيمتا اها كنا قانعيين بحال وبلاوي الفضائية السودانية وجن التلات الجداد دييل Three musketeers وزودوها خالص واحدة اعلانات بس تقول السودان خلاص اتحرر من كل العقد والبلاوي وحكام اخر زمن والاتنين الباقيات وفيدويوهات وكليبات ووليدات وبنوت ماليهن صلة بالطرب ولا الغنا ومذيعات مبسوطات خالص من الحاصل وامس واحدة منهن بتوزع بزيانوس ( انا غايتو من زمن الاغريقي صاحب الاسم ما سمعت بالمشروب الا امس يعني قول 40 سنة )..بعدين في تجوالنا الفضائي بيعتروا لينا واهو الواحد يقع ما حدش سما عليه
                  

02-09-2008, 06:02 AM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    يا سلام علي الحب والهجر..
    الورده الحمرا دي والله غلبانه!
    يحبوها يقطوعها ويتصورا بيها..
    يختلفوا يقطعوها ويرموها!
    مسكينه في الحالتين ضايعه..
    طيب هي الورده دي بس وروني..ذنبها شن؟؟

    أما بالنسبه للمشاهد الأخري فنرجع عندما نشعر بها..
    وسيبك انت من هارموني..وركز في الحب والهجر

    صباح الفل والياسمين..
                  

02-09-2008, 08:11 AM

منى على الحسن

تاريخ التسجيل: 12-27-2007
مجموع المشاركات: 623

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    العزيز ابويكر ....سلامات

    والله رسالتك دي بجد من زول موجوع شااديد لكن رغم ذلك مصر يشاهد الوباء ده

    كل ما ازوركم القاك فاتح ليك مغصه وقاعد قداما

    غايتو هارموني دي شفتها في البث التجريبي

    ما عندهم غير اغنيتين ومدحتين لزول واحد

    والاغنيتين فيهم شاكوش ما عندهم غير الحزن

    وبعدها نرجع للمدحتين وهكذا دواليك ... مع فواصل لي بنات سمحات بهمسو بي كلام ( هارموني قريبة من

    العين قربية من القلب )

    لكن قامت ضاعت مننا ضيعتا سنوية عشان عندها حساسية من القنوات دي

    قالت اخير نعاين الافلام بلا قنوات سودانية بلا لما

    انت يا باشمهندس عشان ما تمرض اخير ليك تتابعنا فك شوط القنوات السودانية دي

    وخليك معنا في تو وفور وأكشن وون

    ده كلو كوم كونهم يشيلوا مننا ضريبة مشاهدة قناة فضائية كوم

    الله خلقني ما سمعت بي ناس اهلهم يمغصومهم ويفضحوهم مع الخلق البره وكمان يشيلوا

    قروش شفته يا باشمهندس الوجع والمغصة دي !!!!!!
                  

02-09-2008, 09:01 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    Quote: وخليك معنا في تو وفور وأكشن وون


    يامني دييل بتاعيين سامية ومها ورشاء وضياء .. انا ما عندي صبر وبال علي افلام ومسلسلات طويلة اها الواحد عايز يسمعلو اغنية سودانية ويقوم يبتلي بزووول وهارمووني والشرووق ..لكن زووول وهارمووني عندهم ناس مصريين انهم بغنو وجنس بهدلة للغنا القديم الحافظت عليهو اجيال واجيال ( انا ما عارف الزووول والمرتضي والقرشي ساكتيين ليه ؟؟؟؟)....لازم الواحد يعمل جمعية نفع عام للحفاظ علي الاغاني دي من الطفيليين والطفيليات الكترو وملعون ابو الاورغ والكاروكي .. يعني الواحد راسمالو بس اورغ ويادنيا انا بغني ..لازم اي واحد يجي داخل الاستوديو وجاري الاورغ يطردوه.....
                  

02-09-2008, 09:37 AM

haroon diyab
<aharoon diyab
تاريخ التسجيل: 06-20-2007
مجموع المشاركات: 23215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    استاذ / ابو بكر
    صباح الخير

    بس علي الاقل هارموني حتي الان بتجيب فنان بهدوم.....لكن الفضائية السموها باسمنا (زول) دي وحاتك بعد الساعة عشرة تبث بنظام ( اغنية بهدوم والتانية ابو من غير هدوم ....!)
    شفت جنس المحن دي .
    كتب صحافة 30
    Quote: أو تعليق في مروحة و ما شابه ..

    او تعليق ملابس في بلكونة .....لكن هي الملابس زاته وينه .
    اللهم اكفنا شر المحن ....ماظهر منها ومابطن .

    يديك العافية
    هارون دياب
                  

02-09-2008, 09:41 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    Quote: بس علي الاقل هارموني حتي الان بتجيب فنان بهدوم.....لكن الفضائية السموها باسمنا (زول) دي وحاتك بعد الساعة عشرة تبث بنظام ( اغنية بهدوم والتانية ابو من غير هدوم ....!)
    شفت جنس المحن دي .


    يا قريبي.. جنس بخل ؟؟ لا اوركسترا ولا صوت ولالحن وكمان ماكو هدوم .... دي اقتصاديات الفضائيات السودانية الجديدة...
                  

02-09-2008, 10:14 AM

مازن الجمّال
<aمازن الجمّال
تاريخ التسجيل: 02-08-2008
مجموع المشاركات: 797

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    العزيز ابو بكر

    وده كلو كوم ولا في فيديو بتاع تلاتة اولاد كده من قراية اساميم اتضح لي
    انو في اتنين منهم اخوان والتالت غايتو اتحشر في نصهم .. الاغنية اتخيل لي اسمها
    يا ست الدلال .. عليك الله يا ابو بكر كدي احضر الفيديو ده وقول لي رايك .
                  

02-09-2008, 10:19 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: مازن الجمّال)

    Quote: عليك الله يا ابو بكر كدي احضر الفيديو ده وقول لي رايك .


    حاااضر .. بس انا عندي ضغط وسكري ؟؟ بعدين انت المسعول
                  

02-09-2008, 10:29 AM

مازن الجمّال
<aمازن الجمّال
تاريخ التسجيل: 02-08-2008
مجموع المشاركات: 797

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    لا كان كدي ما تحضرو .. لانو نسبة 90% من الناس الشافوه راقدين في عنبر الحالات الخطيرة
                  

02-09-2008, 12:37 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: مازن الجمّال)

    Quote: كلاب حلتنا زمااااان بالليل كانت عندما ياتي مرفعيين من جهة كلي كومبو ( منطقة في قريتنا التي تحت الماء اسمها عمكة )
    تبتدي تتبادل عواء احسن من اية صوت في اية فيديو كلب في هارموني وزوول اليوميين دول ....


    طيب طالما اندكم حاجات زى دى مالكم بتفتروا علينا يا رتانة ؟
                  

02-09-2008, 12:43 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: الطيب شيقوق)

    Quote: طيب طالما اندكم حاجات زى دى مالكم بتفتروا علينا يا رتانة
    ؟

    نفسك في حت حتي مع المرافعيين
                  

02-09-2008, 12:51 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    Quote: نفسك في حت حتي مع المرافعيين


    يا زول والله الحت اكان امبارح وناس الكاميرات جاريين للتصوير وكانوا بيضحكوا قالوا حالفين يرسلوا الصور للرطاني
                  

02-09-2008, 01:19 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: الطيب شيقوق)

    Quote: يا زول والله الحت اكان امبارح وناس الكاميرات جاريين للتصوير وكانوا بيضحكوا قالوا حالفين يرسلوا الصور للرطاني


    انت عملتها علنا ؟؟؟؟
                  

02-09-2008, 12:50 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: الطيب شيقوق)

    رتــانــه
    ماتقدرش تغمض عينيك
    انتوا البوديكم تعاينوا شنو ؟
    تــســـتــاهــلـــو !!!
                  

02-09-2008, 01:20 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: محمد سنى دفع الله)

    Quote: انتوا البوديكم تعاينوا شنو ؟
    تــســـتــاهــلـــو !!!


    مش فلوسنا ؟؟؟
                  

02-09-2008, 12:48 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    Quote: لكن قامت ضاعت مننا ضيعتا سنوية عشان عندها حساسية من القنوات دي

    قالت اخير نعاين الافلام بلا قنوات سودانية بلا لما

    انت يا باشمهندس عشان ما تمرض اخير ليك تتابعنا فك شوط القنوات السودانية دي



    يا ابوبكر .. انت بتحب تعذب روحك ليه ؟؟!! ...

    القنوات السودانية دي كلها مفروض تصنف من الاسباب الاساسية لارتفاع ضغط الدم والسكري وزيادة ضربات القلب والغرغرينا كمان ...

    منى كل يوم تشيل الريموت وتتكلم معاهو .. اي والله بتتكلم مع الريموت واسمعها بتطنطن .." عليك الله يا قناة السودان ما تشمتي فيني سناء " ..

    تجيبها . وانا ابتسامة الشماتة توصل لغاية ضروس العقل عندي ...

    قالوا لي ادفعي واشتركي في النيل الازرق .. قلت ليهم انا مجنونة ؟؟!! في زول في الدنيا يشتري سبب وجع قلبو ؟؟!! ...

    غايتو الله يخلي لينا ( الامبيسيهات) من واحد لغاية اربعة .. قال تلفزيون السودان قال !!! .. فكونا بلا لمة ....




    ــــــــــــــــــــــــــ
    نجوان وممكونة ... ليكم وحشة ...
                  

02-09-2008, 01:24 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    Quote: يا ابوبكر .. انت بتحب تعذب روحك ليه ؟؟!! ...


    ما زي الملاريا في الخرتوم ما اهو الناس برضو بتمشي الخرتوم
                  

02-10-2008, 06:09 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضائية "هارموني" و علاقات الحب الفاشلة (Re: abubakr)

    Quote: وده كلو كوم ولا في فيديو بتاع تلاتة اولاد كده من قراية اساميم اتضح لي


    انت متاكد!! يا مازن انهم ثلاث فقط.. في فريق "بلي" لابسيين تي شيرت ابيض وكيكرز بس هم اربعة ...دييل عينة براهم ...
    وواحد طويللابس زي مزظفيين البنوك كرفتتو رفيعة وطويلة وهو طويل بس مبسوط من روحو جنس انبساط لكن سجم الغنا...
    يا ناس "زوول" الله يوريني فيكم يوم ...
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de