حبيبنا العمدة، تحياتي وصباح الخيرات ياملك إنتا ياعمدة أخونا فى الآدمية دا عجباك صورتو وللا شنو؟! ياخي الراجل دا جرا واطي وقال الروب عديل كدا، لكن بيني وبينك ياعمدة والله صورتو دي
فيها حلاة كاركاتير
الغريبة ياعمدة جاء راجع ورد ردود باهتة أصابتني بالقهقهة، وتخيل كان أول رد ليهو لي قال إنو هو ماكوز؟؟؟؟؟؟؟؟؟؟ سجم خمشي هسا لو أخونا فى الآدمية دكتور نزاز محمد عثمان ماكوز، طيب الكوز منو؟
وتاني يا أخونا فى الآدمية دكتور نزار، عندما قلتُ لك بأنني أود التحاور الموضوعي معك، على الرغم من أنه تحاور غريب، أشبه بأساطير تحاور الشيخ مع الجان، وعدم إيماني بأن الحوار سيكون مثمراً، إلا أنني كنت صادقاً معك، ولا أدري ماداعني لذلك! أهو الفضول! أم إيماني بعدم ظلم أحد، ومن حق أي متهم أن يُحاكم محاكمة عادلة وإعطائه فرصة للدفاع عن نفسه قبل إصدار الحكم عليه (ياخي أبو لهب ربنا خلقو وعارفو إنو داخل النار، وبعد دا كلو رسل ليهو رسول). وعند أول مداخلة لي معك فى أحد بوستاتك العجيبة قد إستفزني إسلوبك فى الإستهزاء من رجلٍِ فى مقام وسن والدك، فماكان مني إلا أن أرد بضاعتك إليك بنفس إسلوبك. ولحدي هسا لا القزازة إنكسرت لا اللي فيها إنكشح، ممكن نبدأ حوار موضوعي آخر والإلتزام فيه بآدآب أو أدب (كما تفضل) الحوار، ولامانع لدي من الإعتذار الغير مشروط عن أي كلمة تراها تعوق التحاور معك، ويمكنك الإستعانة بصديق (ياحبذا لو كان هجو الأقرع، والله الزول دا إسمو بضحكني، ال تقول قاطعو من رأسو براهو) والله على ماأقول وكيل، ويلا فى إنتظار عودتك مجدداً فى قناة هباني ظااااطووووووو عشان نواصل الموضوع الزمااااااااااان ظااااااااااااااطو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
النذير حجازي
فيس بوك
تويتر
انستقرام
يوتيوب
بنتيريست