أجمل تسجيل لهذه الأغنية الإستثنائية..

نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-11-2018, 10:19 AM الصفحة الرئيسية

مكتبة محمد المرتضى حامد(محمد المرتضى حامد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
30-10-2011, 02:18 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: كمال سالم)

    Quote: اشكرك ياعزيز على اللحن الندى ( فرتق صواميل الروح)

    يا ناظم ، الراحل الجميل كل أغانيه ب (تفرتق صواميل الروح) ، ومسألة (الفرتقه) دي هو
    متخصص فيها .. متفرغ ليها تماما ، زي ما قال أحد الفنانين الرائعين حين سألته المذيعة:
    هل لديك عمل آخر غير الغناء؟ فأجابها : أبدا .. أنا إتفرغت للناس. أها زيدان إتفرغ
    للناس في مهمة محددة عنوانها إعادة تنسيق الفوضى أو (الفرتقه) الخلاّقة.

    من لمسات حنانك خلاص تمينا دور
    أيام مرة خالية من طعم السرور
    كل ما غنى شادي دوبني الشعور
    واقول يا ريت حبيب لو في الطيف يزور
                   |Articles |News |مقالات |بيانات

30-10-2011, 03:30 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: نعمل ايه
    مع هذا المشروع الذى قال للنيل اسكن ولا تجرى يانيل الحياه بعد الساعه 11 مساء


    أب احمد ود المحرب،
    رحم الله العميري والخالدي وعثمان حسين وزيدان وقائمة طويلة من المبدعين الذين كل ما خبا
    شعاع أحدهم تمددت العتمة في الروح حتى نغدو ،إلى ظلام دامس لأنو يا خالد لايوجد إحلال ولاتوارث
    أجيال في كل مناحي حياتنا ، البيمشي مافي ليهو بديل، في كل شئ، ولولا نظرية الإستطراق وقانون
    الجاذبية النيلين كانوا رجعوا لتانا وفيكتوريا تقول لي الساعه 11 ؟
    المبدعون الأصائل لايعيشون في زمن الكوليرا وإن عاشوا بالكاد يتنفسون..
    الحمد لله أن صمدت كلمات ك ( قسما بحق عينيك يا سمير قلبي) ولم تلحقها يد الملالي
    ونجا الراحل من مصير كثيرين حين قال ( يا مصدر افراحي و يا وحيي والهامي ) ولم
    يوصم بالردة.
    كنا ، يا خالد ، ندندن (لو أحبك أنا العمر كلو برضو شاعر ما كفاني) وكنا سنطالب
    بزمن إضافي لإنجاز مشروعنا الحضاري ذاك،

    أها هسه العمر راح سلفقه ساااي..
                   |Articles |News |مقالات |بيانات

30-10-2011, 07:33 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: ياخي والله كنوز محبة دي أنا كان عندي ليها شريط.. المرحومة المبدعة ليلي المغربي بتلقي فيه شعر الأغنية دي.
    جاني واحد زيارة وسرق الشريط (إنت عارف طبعاً سرقة السودانيين للأقلام والأشرطة والولاعات ، وكيس الصعود)

    ومن ديك أنا ما لميت تاني في الشريط دا.
    فا بالله عليكم العندو طريقة للتسجيل دا ينزلوا لينا.. نزله الله


    نــــــــــــــــــــــداء

    محمد آدم الحسن أرسل النداء أعلاه الذي نرجو أن تمر عليه عيون المعني ولايعرف قدر الفقد إلا من كابده،
    راح ليك شريط يا محمد؟ أستطيع إدراك فداحة الخطب لفقد تلك الدرر،
    ياخ ضربت بيتي السيول منذ بضع سنوات ( الإعصار قونو) ولم تترك لي جهاز ولا شريط
    ولا سيدي ولا نُقُد زاتو ، كل مكتبتي وخطاباتي وإلبوماتي وكنوز محبه لن تتكرر..
    عمل لي زهايمر..
    إن شاء الله ربنا يجمعك بهذا الشريط يا محمد ولايوجد مستحيل.
    رحم الله ليلى المغربي وهيام وأسكنهام الجنة.

    مودتي.
                   |Articles |News |مقالات |بيانات

30-10-2011, 09:22 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: والله كنوز محبة زى ما بقولوا ناس الزار دى خيطى عدييل كده

    حكاني أخي الصديق الزاكي عبدالحميد أن أحد عباقرتنا (وأسكت عن ذكر الإسم) كان يزامله
    في العمل ، الزول دا ، ربنا يرحمو ، كان زي ما بيقول المثل لا بيعجبو العجب لا
    السلام في السخانه، ولم يسبق أن سمعه يمدح إنسانا غض النظر عن المجال وارتفاع سقف الموهبة
    وشهد الزاكي بعلو كعب صاحبنا في عالم الثقافة والمعرفة واللغات والنقد والشفافيه الجوه الجوه،
    قال لي ، والحديث ما زال للزاكي ، أن ذلك الزميل استمع مرة لكنوز محبة بصوت زيدان فكان تعليقه:
    والله يا الزاكي الغنيه دي صاح ، كلمات ولحن وأداء صاح ، وأظنه لم يثن على غيرها ربما
    حتى رحيله.. والجملة الأخيرة من عندياتي.
    تقولي لي (خيطك عدييل)؟ دي تميمة عُلِّقت على جيد الحسان والأطفال يا تيسير..
    حجاب في ضراع العاشقين من الرجال ال (هدَّهم طول الصراع)..
                   |Articles |News |مقالات |بيانات

30-10-2011, 09:40 PM

محمد النيل
<aمحمد النيل
تاريخ التسجيل: 08-10-2009
مجموع المشاركات: 5795

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: صدقني يا طارق بسأل نفسي هل بعد فراق زيدان لسه النيلين بيتلاقوا؟
    وهل هناك أصلا سودان؟؟؟
    أسئلة نبيلة
                   |Articles |News |مقالات |بيانات

31-10-2011, 07:03 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد النيل)

    Quote: الرحمة و المغفرة لهذا الانسان..
    و اهازيج شوق ابثها لك و لكل من سأل ،
    من قلب كلكلة الرؤوم.
    خالص محبتي..


    يا سعد..
    إنت ما برضك حبيبنا..
                   |Articles |News |مقالات |بيانات

02-11-2011, 07:43 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: كمال سالم)

    Quote: ياضنين الوعد نحن مازلنا منتظرين جيتك للدوحه ,,
    والله لو عملتها فى إجازة العيد تكون أوفيت ,, إتوكل وأعملها .

    الله يا كمال،
    ضنين الوعد دي ما ياها البترمي في الحوش في بيت ناس عمتك أم سُر،
    لمَّة الجمعه في بيت يوسف لما كان بيغنوا للبسافر تعود لمسالمتك سالم،
    ياهو جنس كلامك دا زاتو البيخلي الواحد يقفل النوت بوك ويمشي المطار هسه..
    أمير إبن سعادة اللواء عمر علي حسن وعضو المنبر كان عندو بوست قبل كم سنه بعنوان ضنين الوعد..
    كدي أمشي شوفو واسمع التسجيل الجابو يومها .. أمشي عليك الله عشان تعيِّد.

    يا سيدي جاييكم الدوحه كان الله مد في العمر وصاحبك محمد سني وعدني بعرض آخر للعرس..
    عرس الزين ، ما تقوم تفهمني غلط وتقول إبن خالتك أصبح مسياري التوجه..
                   |Articles |News |مقالات |بيانات

31-10-2011, 00:29 AM

محمد عبدالرحمن محمد
<aمحمد عبدالرحمن محمد
تاريخ التسجيل: 12-10-2010
مجموع المشاركات: 1556

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: قلت لي في محطة باص المدرسه؟
    يعني ما من الروضه؟
    اللَخَّرَك شنو يا محمد؟

    يمين آمرتضى ما اتأخرت
    بس دي رجفه ـ رَخترا ٧
    ما بين المدرسه والخلوه ـ قال روضه قال ـ كان دبيب نملً في نقىً يتهيل

    ـ
    كنوز زيدان الخلاها لينا تكفينا شر السؤال لامن سيد الِوداعة يشيلا


    شكراً مكرر يا المرتضى علي كل بوستاتك المهدئة
                   |Articles |News |مقالات |بيانات

31-10-2011, 07:37 AM

الزاكى عبد الحميد
<aالزاكى عبد الحميد
تاريخ التسجيل: 09-12-2005
مجموع المشاركات: 895

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد عبدالرحمن محمد)

    Quote: والجملة الأخيرة من عندياتي.


    ولم يجانبك الصواب-كعهدي بك دوماً- فيما ذهبت إليه
    يا صديقي..
    فالرجل رحمه الله قال بالحرف الواحد:
    ما ظنيت يا الزاكي أمدرمان تجيب زي دا تاني..
    وكان رحمه الله ينسب كل جميل في السودان لأمدرمان
    لسبب يعرفه..
                   |Articles |News |مقالات |بيانات

31-10-2011, 03:05 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الزاكى عبد الحميد)

    Quote: متفق معاك يامرتضى..اصلا دي البسمعا لي زيدان..


    بس شفتا من محل بديت بوستك ده.. يآسرني ذاك الليل..

    دكين عشا البايتات ، والضيفان كمان، أنت أدرى بأن احتفائنا بجل أغنياتنا مرجِعه بشكل أساس
    إلى حالة شكلتها عناصر كثيرة على رأسها عنصري الزمان والمكان والذكريات - هسه إتلقى قلت لي
    يا ود يا نوستالجيك - لكن يا دكين هذا لايقدح في أننا نعجب لأغنيات أخرى في المرة الأولى لسماعها
    إذا ما توفر لها PIN CODE المرور من صمام الشريان التاجي والباسويرد البيفتح وجداننا -
    ياخ كلمة (وجدان) دي شاملة وخطيره بشكل !! من ثم يا عشا البايتا ت ، كل ما جاء به زيدان صادف
    فترة عبقرية في حياتنا حين كانت لنا حياة شلالية في منابعها وقبل أن يسير النهر إلى حتفه
    الينتهي في الملح الأجاج ويسمونه حياءا مصب ، زمن كنا لاشايلين هم لاعارفين بكرا الجايينا،
    حين كان كل شئ أخضر ، الناس والبيوت والقلب وشوارع المدارس ووشوشة ابتسامات البنات وحقائبهن
    الضاحكات مضمومة إلى الصدور طلبا للجوء السياسي. إنت قايل ريدتنا لزيدان جات من هيِّن؟
    هي شخصنة للزمكان ممعنة في صدقيتها وغياب الراحلين عن تلك الصورة الوجدانية يماثل إزالة
    ابتسامة الموناليزا من لوحتها المعلقة بين السماء والأرض في اللوفر، أترى سينادونها (الجيوكندا) إن فعلوا؟
    يا دكين ، ظللنا نحلم بأننا حتما نعود إلى هناك بكل مافي هناك من زيدان وأمدرمان وألحان
    وأجندة – يا وجعي - لم يبق منها إلا غبائن النفس ومسخرة الوعود..

    ليت السفائن لا تقاظي راكبيها من سفار
    أو ليت أن الأرض كالأفق العريض ، بلا بحار
    ما زلت أحسب يا نقود ، أعدكن و أستزيد ،
    ما زلت أنقض ، يا نقود ، بكن من مدد اغترابي
    ما زلت أوقد بالتماعتكن نافذتي و بابي
    في الضفة الأخرى هناك . فحدثيني يا نقود
    متى أعود ، متى أعود ؟


    (السيَّاب)
                   |Articles |News |مقالات |بيانات

31-10-2011, 08:45 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: والله يا ناس مسقط والخليج حالتكم تحنن، دخلت البوست لقيت رجال عجايز بيقولوا للزمان أرجع يا زمان قلت أكابركم ،،
    ولكن هيهات بس ناقصين صاحبي دالي الحبوب،، بعدين يا ود شيقوق وود المرتضى قولي أحبك تستبين كهولتي بتاعت أول أمس شكلها
    ما جابت دخل،،أها يا ود المرتضى وقع ليك كلامي

    يا سلام يا عفراء،
    بالله مش بالجد حالتنا تحنن وزي ما قال ودالرضي في هوى الخلخال ( ياحبيبي البي حنن اليابالي) ، بالله مش (هرمنا)
    حتى بمفهوم الجزيره ؟ بس ما قلنا للزمان (إرجِع) لأننا نؤمن بأن لاشئ يعود إلى حاله ، ولا نؤمن بما يرد في الدعايات
    إياها ، وشكرا ل (المكابره) وقد ابلغت رسالتك إلى الصاحب المشترك الشاب دالي الحبوب وقال ليك تاني ما تقولي
    إنتهينا ، نحن في عز الشباب كما تغنى أبناء حي العرب البررة سيف الدسوقي وإبراهيم عوض وودالحاوي..

    طبعا يا عفراء موضوع شيقوق داك ربما يكون – كما تقولين - ما جايب حقو لكن كلامك هناك برضو يعوزه السند ومبني
    على فرضيه خاطئة مضمونها أن من تقول للرجل أحبك (حا يمسكا ليها لامن تموت) وأنا قلت ليك غلطانه يا عفراء ،
    يجب أن تقولها ويجب أن يمسكها ليها لامن يموت أو تموت هي وإلا يبقى زول جاحد ساي.. أها سالفة (تستبين كهولتي
    وتزداد وسامتي) الغلط فيها شنو؟ يا عفراء الزول البيقول للتاني أنا بحبك وبحلف بك وانا ناري بيصادر منو مخازن
    أسلحتو كلها ويخليهو زي باب العزيزية.

    يا عفراء إتصلحي معانا بالله ، أنت تقولين أن ناس مسقط والخليج حالتم تحنن لأنهم بيحبوا لي هسه ، وهذا وصف حميد
    لكنه يعني - بمفهوم المخالفة عند الشافعية - أن الذين لايعيشون في المنطقة المعنية لايعرفون الحب ، وفي ظني أن
    هؤلاء يستحقون الشفقة والتعاطف و محتاجين رعاية خاصة وسيصف لهم ناس السايكاتري أغنية قصيرة الموجة من نوع
    نانا يا نانا ثم برجاك برجاك في محل يومداك يا ولد مع 5 ملجم غزل عند اللزوم ولا أوصيهم قط ب (كنوز محبه) لأنها
    أوفردوز بتلحقم أمات طه أوربما يمرون بها مرور الكرام باعتبارها لامعنى لها وكأنها تصريح والي أو وزير إتحادي .

    هسه سافرتي بينا من نجوم تلمع بعيد تسخر من السهران وحيد ومرقتينا في أم طرقاعراض ومول غير يا عفراء..
                   |Articles |News |مقالات |بيانات

01-11-2011, 06:12 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: فعلا تسجيل جميل

    رحم الله العندليب الاسمر


    وأنت تدرك يا شبلي أني عنيت الراحل وليس التقنيات التي توفرت للتسجيل
    وحين يكون الفنان قائدا موهوبا العازف الكعب زاتو بيبقى كويس فالنهر
    العظيم يبث حالة من الجزالة والنشاط في الروافد والفروع معا ، عشان كدا أي أوركسترا
    يغني فيها زيدان حتى لو كانت ملخبته بتنتظم تلقائيا فيما يشبه شعارات قادة التظاهر
    الموهبين أو التراتيل الكنسية وتجد الآلات الموسيقية في حالة غزل متبادل وتفاؤل لايخفى
    على أذن فالطبول ينتظمها العنفوان والحبور وتبقى الكمنجات في حالة زغردة بسقف السرور.
    هل سمعت حوار البيزجيتار مع بقية الأوركسترا في ( ما أصلو ريدا أصبح حياتي) الذي
    انتهى بقرار (أبقى راهب ليها واعبدا)!!

    قادر الله.
                   |Articles |News |مقالات |بيانات

01-11-2011, 10:26 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: اغنية نحلة

    لمن يتذوق الشهد يا دكتور،
    شوف الزول دا صادق مع نفسو قدر شنو،
    من بدري حاولت المدرسة الثانوية تخييره بين الفن وبين حصص علوم الدنيا
    لم يتردد كثيرا في أن يختار علم لاهوت من نوع خاص وعلاج ما لاتعالجه قلاكسو وأسترا زينيكا،
    ببساطة إختار النجـــــــــــــــاح..
    هسه يا محمد في كم سوداني أنجز رسالة دكتوراه قاعده في الدرج وشوف (كنوز محبه قاعده وين) !!
    كم مليون قلب شايل الزول دا وأغانيه .
    كنوز محبة وأخواتها ينضِّفوا الشوارع والأحياء والمدن .. عرفت الفرق وين؟
    كم من حامل لأعلى الدرجات العلمية من أرقى جامعات العالم لم يقدم للناس
    سوى الخراب والدمار والخيانة والفواجع والنحيب .. لكن زيدان ، ياكا شايف براك..
    النجاح خشوم بيوت يا بركه..
                   |Articles |News |مقالات |بيانات

01-11-2011, 02:18 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    و(الليل يبقى ليل) دي قطع شك لم تمر دون تأمل ..
    هذا ظني يا محمد ، لذا لم تحبس إعجابك وقلت آي لايك.
    الليل يبقى ليل - كما ذكرت أعلاه - شئ يشبه حال سيدنا يونس في بطن الحوت،
    الضُلمه الماخمج..
    لكن كلام زيدان زاتو قصيدة..

    شكرا أستاذ محمد زكريا،
                   |Articles |News |مقالات |بيانات

01-11-2011, 07:18 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: من بدري حاولت المدرسة الثانوية تخييره بين الفن وبين حصص علوم الدنيا
    لم يتردد كثيرا في أن يختار علم لاهوت من نوع خاص وعلاج ما لاتعالجه قلاكسو وأسترا زينيكا،
    ببساطة إختار النجـــــــــــــــاح..
    هسه يا محمد في كم سوداني أنجز رسالة دكتوراه قاعده في الدرج وشوف (كنوز محبه قاعده وين) !!
    كم مليون قلب شايل الزول دا وأغانيه .
    كنوز محبة وأخواتها ينضِّفوا الشوارع والأحياء والمدن .. عرفت الفرق وين؟
    كم من حامل لأعلى الدرجات العلمية من أرقى جامعات العالم لم يقدم للناس
    سوى الخراب والدمار والخيانة والفواجع والنحيب .. لكن زيدان ، ياكا شايف براك..
    النجاح خشوم بيوت يا بركه..


    والله النجاح خشم بيوت
                   |Articles |News |مقالات |بيانات

02-11-2011, 02:02 AM

عفاف أبو حريرة
<aعفاف أبو حريرة
تاريخ التسجيل: 28-12-2006
مجموع المشاركات: 1770

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الطيب شيقوق)

    Quote: وزيدان عارف الكلام دا كويس يا نصر ،
    يعرف أن هناك أناسا يمنحون الأشياء معناها،

    وانت يامولانا من هولا الناس تعرف تغوص
    في كبد الحياه
    وتطلع كل اوجاعنا
    كانك صياد من البحر تجيب كل النفايث
    ومن البر ممكن تصيد غزلان يقلبك تستمتع بيها ولا تبكي عليها

    الله يمتعك بالعافيه
    كن كما انت وحمض لينا كل صور الحياه الجميله الحولينا
    كتير مننا بقي لا بشوف
    ولا حتي بحس
                   |Articles |News |مقالات |بيانات

02-11-2011, 09:31 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: عفاف أبو حريرة)

    Quote: دي أهل وبس يا محمد المرتضي...

    دي فيها كل الحنين والحنان...معبأة في كل
    كلمة وجملة موسيقية بداخلها...

    نِزار،
    عارفك سيد وجعه في المقيم في الشرايين ،
    زيدان كان جسما أثيريا وروحا معطَّرة ومعطِّرة،
    مُريح للنفس ، راحة تماثل إحساسك عندما تبذل لمن يحتاجك،
    بتعرف فضل الزاد؟ دا ياهو الكان بيعمل فيهو زيدان بس في
    ماعون بلون وعبق الياسمين ..
    ما حدث أن تلك الروح انعتقت من إسار الجسد الفاني
    المُعَد ليناسب الحياة الأرضية فقط كما قال ابن سيرين ،
    ذهب الجسد بعد أن ترك لنا حضنا دفيئا وأغان بمثابة
    ممرات آمنة نعبر بها حين يشتد القصف والإرعاد..

    أهو هسه بكتب ليك عن زيدان يا نزار وتساقط رذاذ المطر في مسقط،
    شايف إنحياز الجمال المكشوف للجمال؟
                   |Articles |News |مقالات |بيانات

02-11-2011, 01:31 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: بوست الكلينكس

    والله يا ريِّس رغيم جميل ذكرتنا زمن الدموع بتتشاف (خلف الرموش مكبوته بحسره وضياع)؟
    عارف يا أبا رغيم، لم تعد الأشياء كما كانت مع الفيسبوك والموبايل والإسكايب،
    الرموش أصبحت - كما الإبتسامة - صناعية ولاتوجد خلفها دموع ..
    حتى الأطفال نضبت غددهم الدمعية..

    يعني يا مولاي نتأسى ونحزن وننوح ونبكي بالتيمم
    ..
                   |Articles |News |مقالات |بيانات

02-11-2011, 03:21 PM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    رحم الله زيدان ..

    تحياتي أ. محمد المرتضى ..

    و كل عام و الجميع بخير ..

    .
    .
                   |Articles |News |مقالات |بيانات

02-11-2011, 11:39 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: Alsa7afa_30)

    يا مولانا، الصحافة هذا واحد من ناسنا و ما أتى به الا الشديد القوي
    بالله ضاعف ليهو الجرعة :)
                   |Articles |News |مقالات |بيانات

03-11-2011, 08:22 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: saadeldin abdelrahman)

    Quote: Quote: صدقني يا طارق بسأل نفسي هل بعد فراق زيدان لسه النيلين بيتلاقوا؟

    وهل هناك أصلا سودان؟؟؟
    أسئلة نبيلة

    السودان المكان هو السودان الإنسان يا النيل، الإنسان هو الذي يمنح المكان ألقه وأثره في النفس،
    زمان يا محمد ، لامن كنا شباب ، كنا نمر ببيوت عادية في المبنى لكنها سامقة في المعنى حتى تحس – رغم أنها
    بعض من الفريق – لكأنها في السماك الأعلى ، أها زي البيوت دي بتكون مسكونه بناس جميلين، بيوت نيِّرة وناسا
    ما بقدر أقول ليك ما يصدر منهم من إشعاع حميد بيساوي كم ملي ريم في الثانية،
    تتصور حتى لو كانت الجدر مصنوعة من الطين حاتقول : بالله شوف الرخام الإيطالي دا صقيل كيف وقيافه،
    بيوت يتوارى قصر باكنجهام أمام بهائها خجلا.
    أنسيت قول الشاعر وما حب الديار شغفن قلبي ولكن حب من سكن الديارا.

    زيدان ونفر كريم من الماضي والحاضر هم من جعل المكان عبقريا حتى غدا النيل في دواخلنا
    رديفا للكوثر وأمدرمان وغيرها هي (عدن) التي ورد ذكرها في القرآن وسفر التكوين وكان النيل
    أحد أنهرها . فيا محمد تساؤلي منبعه أن زيدان كان يستفز العشاق ويحرض دواخلهم للتلاقي
    وقد وصلك المعنى فمكان زيدان للنيلين يماثل مكان ناظم الغزالي لدجلة والفرات..

    عمر رحلتنا كان ايام
    وكل فرح قصد دارنا
    رحل بطيف من الأحلام
    ونحن هنا الأمل غابت
    نجومه الحلوه في الأوهام

                   |Articles |News |مقالات |بيانات

03-11-2011, 08:57 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10205

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    يا مولانا...

    كنت بتابع في حفل تأبينه بالعباسية
    واستوقفتني كلمة وزير الثقافة السموأل خلف الله عن زيدان
    وبكيت وما هماني شيء...

    وقررررربت ابقي مؤتمر وطني...لأن وزير ثقافته قد شهد لزيدان



    هل رأيتم الرجال والنساء والأطفال يبكون...كما بكوا زيدان
                   |Articles |News |مقالات |بيانات

04-11-2011, 05:13 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: nazar hussien)

    Quote: هل رأيتم الرجال والنساء والأطفال يبكون...كما بكوا زيدان

    ربما هناك سوابق حدثت أثناء غيابنا عن أرض الوطن جسدا..
    لكن قلة هم الذين بكى عليهم الشعب بكل شرائحه وفئاته العمرية يا نزار..
    وفقا لذاكرتي منذ رحيل عبدالناصر لم يحدث ذلك..
                   |Articles |News |مقالات |بيانات

03-11-2011, 09:03 AM

الرشيد شلال
<aالرشيد شلال
تاريخ التسجيل: 27-11-2006
مجموع المشاركات: 378

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    لك التحية سيدى ود مرتضى
    كان زيدان ابراهيم رمزا للتواضع والبساطة والشفافية والجمال كان يمتلك روحا تدثرت بالنقاء والسماحة والحب لن يجود الزمان بمثله قريبا فالتفرد نادر وتكراره صعبا ليس لنا الا ماترك من خلود لحن وكلمات واداء حملها بصوته الدافئ له الرحمة والمغفرة سائلين الله ان يسكنه فسيح جناته - انا لله وانا اليه راجعون - صدق الله العظيم - سيدى ود مرتضى لك شلالا من الشكر وانت تبحر بنا عبر بحارا من الحب والشفافية والجمال ( زيدان) لاتتوقف اخى الحبيب ، لقد افتقدك الجميع وافتقدنا مثل هذه السياحة
    مودتى وشلالا من الشكر

    (عدل بواسطة الرشيد شلال on 03-11-2011, 09:04 AM)

                   |Articles |News |مقالات |بيانات

03-11-2011, 11:33 AM

محمد ابراهيم قرض

تاريخ التسجيل: 29-11-2004
مجموع المشاركات: 1871

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    ناظم ابراهيم ...
    يا أعز عزيز ...
    زيدان دوما يبدع حينما يغني لإبراهيم عوض ..
    .
    محمد المرتضى ...

    أتى على جيلنا حين من الدهر كان يطلق فيه
    العنان لشعر رأسه (خنفس) ، ويتعمد أن يستطيل
    بنطاله من الأسفل (شارلستون) .. والفنانين من
    جيلنا ليسوا بإستثناء في ذلك وكأنهم يوثقون لتلكم الظاهرة ...
    للموضة سلطان غريب وعجيب يا مرتضى
    لكن مادخل ذاك بذلك ؟؟ باين خرفنا يا مرتضى !!
                   |Articles |News |مقالات |بيانات

05-11-2011, 09:43 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد ابراهيم قرض)
                   |Articles |News |مقالات |بيانات

04-11-2011, 10:17 AM

محمد الكامل عبد الحليم
<aمحمد الكامل عبد الحليم
تاريخ التسجيل: 04-11-2009
مجموع المشاركات: 1966

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    تحية الي سعادة المستشار والمتداخلين...من ظل المطر ياتي رحيل الطيور الي مكامن الدفء والرزاز...يرحل زيدان حاملا غيثارته وكل اشجانه واحزانه لكنه يترك لنا( كنوز محبة)...نصطاد بها عصافير الاشواق وتمتلئ سلالنا ببريق الدهشة والام الرحيل وصوت خافت من بعيد...(الحنان الفي قلوبنا اصله نابع من عيونك)...هل تبقي شيء من الدن؟ هل عادت الشوارع ماطرة بالحانك يا زيدان..ام غشاها موج فوقه امواج من الدمع وصرير رياح ياتي من بعيد حاملا التذكار....


    انت ما اهديتها لينا...كيف تضيع احلي ما اهديت يا غالي...كيف...

    الي صديقي ..منور في عليائه..حيث كان يطيب لنا العزف والغناء...في حضور شاعر الاغنية استاذنا بشير عبد الماجد...
                   |Articles |News |مقالات |بيانات

05-11-2011, 04:21 PM

عبدالله الشقليني
<aعبدالله الشقليني
تاريخ التسجيل: 01-03-2005
مجموع المشاركات: 12096

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    سيدي لا اعرف كيف أشكرك ...
    فقد أسعدتني فوق ما كنتُ أحسب
    ألف شكر لكَ
                   |Articles |News |مقالات |بيانات

16-11-2011, 11:58 AM

tayseer alnworani
<atayseer alnworani
تاريخ التسجيل: 30-07-2007
مجموع المشاركات: 1500

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    ود المرتضى
    كل سنة وانت طيب يا صديقى
    وتعود الايام وامانينيا محققة ما ظهر منها وما بطن


    زعلالالالالالالالالالالالالالالالانة شديييييييييييييييييد


    لكن خيره فى غيره
                   |Articles |News |مقالات |بيانات

17-11-2011, 11:39 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: tayseer alnworani)

    Quote: زعلالالالالالالالالالالالالالالالانة شديييييييييييييييييد


    لكن خيره فى غيره

    جملة يوليوس قيصر لبروتس التي ذهبت مثلا ( Et tu, Brute) يا تيسير.. .
    يا تيسير..
    تسلمي وجاييك..
                   |Articles |News |مقالات |بيانات

03-11-2011, 10:20 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد عبدالرحمن محمد)

    Quote: كنوز زيدان الخلاها لينا تكفينا شر السؤال لامن سيد الِوداعة يشيلا

    صوامع غلال الروح والإحتياطي الإستراتيجي للجمال.
                   |Articles |News |مقالات |بيانات

03-11-2011, 06:57 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: صوامع غلال الروح والإحتياطي الإستراتيجي للجمال.


    وجع
                   |Articles |News |مقالات |بيانات

03-11-2011, 08:23 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الطيب شيقوق)

    تسلمي يا أم احمد،

    هو نفسه كان لسان حال الكثيرين منا ، كأنه كان يقرأ ما يلوب في الخاطر فينتقي من القصيد
    ما يغنينا عن روايات بحالها ثم يدفق عليه ألحانه ويقدمه لنا بصوت لايأتيه الباطل من بين
    نبراته ولا من مستوياته علوا وانخفاضا، نعم يعبِّر عنا بالضبط ، قلت ليك الزول دا يا عفاف
    كان عندو إسكانر للصدور لاتخطئ نتائجه..
    يا سيدتي زيدان رفيق الجميع ، وصاحب الناس ديل كلهم ، قعد معاهم في غرفهم ومكتباتهم وهم
    يستذكرون دروسهم ، كتب رسائل عشقهم وهو رقم مستدام في وسائل مواصلاتهم وتفاصيل قراهم
    ولواعجهم ومدنهم ورفيق ليلهم يناجيهم فيأتيه صداهم :
    يا ليل البعد ما بتتعب أنا تعبت أقيف نرتاح كفاي وكفاك ..

    تعِب زيدان ورحل وتركنا لليل موحش ما بجبر الخاطر
                   |Articles |News |مقالات |بيانات

04-11-2011, 10:03 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: رحم الله زيدان ..


    صحافة - 30 ، نسأل الله أن يتقبل الدعاء، وهذا الرجل الصالح زيدان إبراهيم يذكرني بما جاء في
    الأثر أن النفوس جُبِلت على حب من أحسن إليها، وبُغض من أساء إليها ، وزيدان أحسن إلينا فأحببناه ،
    بالله يا حسام سمعت زول عندو رأي غير كدا؟ ياخ الذين لم يجيزوا صوته في بداياته غنى ليهم بالي مشغول
    وبين وبينك والأيام لامن آمنوا ، وعندما غنى ماهو عارف قدمو المفارق أحسوا بأسى الدنيا كلها في أدائه،
    شرح ليهم بغنائه الحاصل شنو، فأجازوهو وأخطروا NASA رسميا بميلاد مركبة فضاء جديدة في 1963 ،
    قريبات دي شفت السودانيين في حالة صدمه وجزع ورفض لخبر رحيل مثلما حدث في حالة زيدان؟ كل واحد/ة كان سيد
    الفراش وسيد وجعة ، كلنا كان ينتظر أن يعزيه المعزون في فقده ، ياخ (إذا أحب الله عبدا حبب الناس فيه)
    عشان كدا كتيرين بعد رحيله ذرفوا مخزونهم من الدموع وأرسلوا برقياتهم المعزية للنفس وقالوا أنهم في
    أعلى درجات الجزع لكنهم لايقولوا إلا ما يرضي الله ، كأني بالمحبين اجتمعوا وأصدروا إعلانا كان ختامه :

    من لمسات حنانك خلاص تمينا دور
    أيام مرة خالية من طعم السرور
    كل ما غنى شادي دوبنا الشعور.

    وأمنية شخصيـة يا زيدان يا ريت لو في الطـيــف تزور
                   |Articles |News |مقالات |بيانات

04-11-2011, 12:44 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    أحب كده زاتو!
                   |Articles |News |مقالات |بيانات

04-11-2011, 06:29 PM

الفاتح ميرغني
<aالفاتح ميرغني
تاريخ التسجيل: 01-03-2007
مجموع المشاركات: 7488

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: saadeldin abdelrahman)

    Quote: صديقي الفاتح ميرغني قال لي كان أهم لينا من البترول..
    كل سنة وأنت طيب يا محمد المرتضى
    أ خونا عبدالكريم كيكي كان بقول في بوستات كده محتاجة لروح قدس عشان تخشها، ووحي عشان تكتب فيها!
    تابعت البوست ده وغلبني كلو كلو أكتب حاجة عن زيدان.زيدان ما كان بغني زيدان كان بغرد، وكان كلامو غير، على حد تعبيرك. زيدان كا ن لمن يقول " لو أحبك انا عمري كلو " تطمئن القلوب الرواجف. .!
    زيدان كان متخصص في فتح إنسداد الشرايين والأوعية الدموية عشان الدم ينساب باريحية من الاذين الايسر،وعشان كلمة " بحبك" تطلع " دويتو" من وجدان جميل بثينة وإبن الزريح.زيدان كان بيعمل ده كلو من غير جراحة أو مبضع، عشان كده فرحة الشعب السوداني بيهو كانت أكبر من الفرحة بإكتشاف البترول. البترول ممكن يكون نقمة لكن زيدان نغمة، نغمة من مزمار آل داؤود. البترول ممكن الناس تستوردو لكن زيدان ده يجيبو من وين؟
    زيدان كان "عجيب في معانيه إذا ادركت معناه"!
    محبتي
                   |Articles |News |مقالات |بيانات

04-11-2011, 07:52 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الفاتح ميرغني)

    Quote: البترول ممكن الناس تستوردو لكن زيدان ده يجيبو من وين؟
                   |Articles |News |مقالات |بيانات

04-11-2011, 08:33 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الطيب شيقوق)

    (باب الريده إنسدَ)..
    وعشان أوضح ليك خطورة الكلام القالو التجاني حاج موسى دا على الصحة يا شلال لازم أقول ليك
    إنو مصطلح الريده دا عندنا نحن السودانيين إختراع حقنا برانا ، شئ خالص وخال من الشوائب
    وعنده معنى دقيق وشامل وخاص فيه صدق وعاطفه من عيار يقاس بالقلب بس ، عندي دايمن شعور
    يا رشيد إنو الريده دي قاعده بين الفؤاد والحجاب الحاجز مع شعاع ماري بالرقبه تجاه أسفل الأذنين ،
    والريده يا مولاي لامن تغيب عن الزول بيبقى قاعد في السَهَله ساي ، أها لامن باب الريده ينسد
    معناتو الفؤاد أصبح مجرد طلمبة ضخ وفَلتَره لاغير، يؤدي وظائف ميكانيكية محضة ، وعِوضا عن
    ترميمه في حضن وعيادة الحبيب ممكن توديهو أي ورشه في المنطقه الصناعيه للجلخ ولحام
    الستالين والسمكره عند ناس كمال بُنقُز .. يعني القلب المابريد دا باختصار أخير عدمو،
    هسه مع ناسك المتصوفة مش بتقولوا للمداومين ممن يتوفروا على الصالحين والأولياء مريدين؟
    شوف بالله الكلمة دي بتشرح فسيولوجيا علاقات الجمال كيف؟
    أها يا شلال ، لامن باب الريدا ينسد البايباس زاتو لابينفع لا بسوي شئ..
    بس ترجا سيد الوداعه يشيل وديعتو..
                   |Articles |News |مقالات |بيانات

05-11-2011, 09:50 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: ناظم ابراهيم ...
    يا أعز عزيز ...
    زيدان دوما يبدع حينما يغني لإبراهيم عوض ..


    د. قرض سلامات يا عزيز دنيانا،
    في إحدى المداخلات في الصفحة الأولى عرضت لموضوع تغني زيدان
    لبعض الفنانين ، ولاشك عندي أنه تغنى بها إعجابا كإنسان
    ولحظت أنه معجب بكثير من أغاني إبراهيم عوض الأسطوري
    وعثمان الشفيع وآخرين من زملائه ، وكثيرا ما كان يدخلني
    في حيرة المفاضلة (يا ربي هسي الأحلى ياتو "نسخة") لكنه
    لم يكن مقلدا فخاتم زيدان على النسخة مسجل في قلوبنا
    قبل ال WIPO زاتا.

    Quote: للموضة سلطان غريب وعجيب يا مرتضى
    لكن مادخل ذاك بذلك ؟؟ باين خرفنا يا مرتضى !!

    الموضه هي طبيعة التجدد والتجديد يا دكتور لكن لامن يقوم
    واحد نجم تحبه الجماهير بصورة لاكابح معها فما يرتديه
    سيصبح ساريا ونافذا من تاريخ نشره في الجريدة الرسمية
    للمعجبين وبأثر فوري ، ليست الملابس وحسب بل أسلوب تصفيف
    الشعر والكلمات ولغة الجسد كمان . قلت ليك زيدان بالآفرو
    والشارلستون وحركة اليدين كان كمن ينثر الحَب على الطيور والحُب
    علينا ويرش ماءا على الزهور ، كلها أصبحت موضه..
    ياخي في طقاطيقه الصغيرة الظريفة زاتا كان ملهما .. لامن
    غنى يا حاجه دُقِّي لينا كاروشا أصيب السودان كله بالأرتكاريا..
    وبعثت وزارة الصحة في طلب المزيد من ال Antihistamine
                   |Articles |News |مقالات |بيانات

05-11-2011, 02:57 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: من ظل المطر ياتي رحيل الطيور الي مكامن الدفء والرزاز...يرحل زيدان حاملا غيثارته وكل اشجانه واحزانه لكنه يترك لنا( كنوز محبة)...نصطاد بها عصافير الاشواق وتمتلئ سلالنا ببريق الدهشة والام الرحيل وصوت خافت من بعيد...(الحنان الفي قلوبنا اصله نابع من عيونك)...هل تبقي شيء من الدن؟ هل عادت الشوارع ماطرة بالحانك يا زيدان..ام غشاها موج فوقه امواج من الدمع وصرير رياح ياتي من بعيد حاملا التذكار....


    انت ما اهديتها لينا...كيف تضيع احلي ما اهديت يا غالي...كيف...

    الي صديقي ..منور في عليائه..حيث كان يطيب لنا العزف والغناء...في حضور شاعر الاغنية استاذنا بشير عبد الماجد...

    الكلام الأخير دا يا محمدالكامل جد مؤثر..
    عندما يجمعني مكان أو حدث أو شخص أو أي شئ ما بعزيز ويرحل هذا الأخير تصبح
    لتلك (الأشياء) قيمة ومعنى مختلف . كنوز محبه التي جمعتك بالراحل (مُنَوَّر)
    ستبقى فيك بعضا من دعاء مستجاب بإذن الله.. هي المحبة يا محمد تعلو على
    كل كنز في الدنيا ، شوف زي ترنمك بها مع الراحل وشاعرها والتفاصيل
    الصغيرة ، أليست عندك (الآن) أعز من أي كنز؟
    شوف الحياة دي قصيره كيف..
    بسرعه السمحين يمروا كالبرق الخاطف ويرحلوا..
    رحم الله منور وزيدان وكل من أهدانا ريده ولو لحظات في حياته..
    محبتي..
    كل سنه وانت طيب..
                   |Articles |News |مقالات |بيانات

05-11-2011, 08:27 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: زيدان كان "عجيب في معانيه إذا ادركت معناه"!


    لا أغالي ولا أعُد نفسي منحازا لحي ولدت فيه إذا قلت لك أنه حي كوادي عبقر،
    شوف يا الفاتح ، حي العرب والمسالمه تقريبا 4 كيلومتر مربع يفصل بينهما
    شارع الشنقيطي (ش دنقلا سابقا) من حي السوق جنوبا إلى مقابر البكري شمالا،
    المنطقه دي أخطر منطقة في تاريخ السودان الحديث لأنو في عالم الرياضه
    تأسس فيهاالمريخ والهلال،أما الشعراء والأدباء والمسرحيين والمطربين
    فالقائمه تطول ولو قلت أحسبهم هنا سأقضي عطلة العيد في الكيبورد .
    زيدان رغم أنه سكن حي العباسية لكن حي العرب كان كعبة الفن وهو الذي
    دفع به إلى عالم الفن بمعناه العريض مذ كان طالبا في مدرسة حي العرب
    الوسطى والتي انتقل منها إلى الأهلية الثانوية بأمدرمان كما علمت ،
    لذا تجد أن عماليق الحي كانوا من مقربيه فهم يعرفون أنه (عجيب في معانيه)
    وموهبته وروحه التي تتماهى مع كيانه.
    بالطبع كانت هناك كوكبة من الموهوبين شاركت في دعم موهبة زيدان الأصيلة
    موسيقيا ومنهم أحمد زاهر وودالحاوي وعمر الشاعر ومن الشعراء عوض أحمد خليفه
    والتجاني حاج موسى ، وهؤلاء، ومعهم مجموعة أخرى عاصرتهم أو سبقتهم ،
    كانوا يمثلون مجلس إدارة الدهشة والإبداع وأخرجوا فنانين لن يتكرروا ،
    وفي وسط هؤلاء العماليق يطلع أبو الزوز الخطير المثير .
    صدقني يا الفاتح ، رغم أن البلاتيني إبرهيم عوض تغنى لصديقه الطاهر إبراهيم
    بأغنية (يا خاين) لكنني أحببتها عند زيدان الذي تحلو في حنجرته وتأخذ معنى
    مختلفا لدرجة إنو هسه لو داير تثني علي قول لي :
    (يا خاين)..
                   |Articles |News |مقالات |بيانات

05-11-2011, 11:40 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: أسعدتني فوق ما كنتُ أحسب
    ألف شكر لكَ

    أستاذي الشقليني،
    الناس القالوا كلامهم هنا ديل - وأنت منهم أيها الأديب - هم الذين
    أسعدوني بكلام عن إنسان أراه الأمين العام لهيئة الفرح والتفاؤل
    في كل كلمة شدا بها ،
    هسه يا شقليني لامن أتذكر الراحل المقيم يقول (عدت يا عيدي بدون زهور)
    أحس بالحزن في ثيابي وطاولتي وألم يكاد يذيب هذه الشاشة التي
    أخاطبك من خلالها..
    أول مره ، يا عبدالله ، يمر علينا عيد وزيدان ليس بيننا.
    فعلا : وين سمرنا وين البدور ..

    غابوا عني..
                   |Articles |News |مقالات |بيانات

09-11-2011, 07:30 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    نضال ترثى زيدان ابراهيم


    Quote: (لاهماك عذابنا ) وراك
    ولاك (أول حبيب) ترحل..
    تسوق(دنيا المحبه)قفاك
    فيا ال(وسط الزهور )طليت.. وعافية روحنا جاتنا حداك
    ويا(حبة فرح )مرقت ..
    تعزي علي البكا الأفاك
    خباري وها الوطن شاهد ..
    (بنادي عليك)وبترجاك
    تجينا (كنوز محبه) وريد ..
    (فراش القاش)يغني معاك
    ¤ ¤ ¤ ¤ ¤
    (أكون فرحان) وكل الكون يصفق لوتطل في يوم...
    بقول(لوهانت الأيام) ..
    كفت وش النهار النوم
    (بقيت ظالم) نسيت الناس ... بلاقيك والسماح بالكوم
    بقول لك(داوي ناري) تعال ... وشل العبره في الحلقوم
    تعال تاتي القصيده نقوم ..
    ¤ ¤ ¤ ¤ ¤
    (جميلا ماسألنا)برا ...
    يقيم في الذات ويتمدد
    بنينا معاهو (قصر الشوق) ...
    أقمنا علي المآسي الحد
    رحل (في الليله ديك) ... فنان ...
    وراو حيل الأغاني برد
    سكن فوق القلوب مرتاح ...
    أحبك (لو احبك) جد،،
    ¤ ¤ ¤ ¤ ¤
    (قلبك ليه تبدل)يعني..
    ماقاوم أذاهو رعاك؟
    صبح (ريدك حياة) الشوف .. وأبصرت الكتابه عماك
    خلاس يا(الزاهي لونك )حن ...خلاس ارحم قلب مضناك،،


    رووووووووووعة والله
                   |Articles |News |مقالات |بيانات

09-11-2011, 11:22 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الطيب شيقوق)

    يا الطيب (نضال) القاصدا دي منو؟
    على أية حال لوكنت قاصد نضال الحاج فهي ربما
    الشاعرة الواعدة الوحيدة التي إذا حضرت في
    الشاشة لا ألتفت حتى تنتهي من نثر رذاذها المعطر..
    نضال الحاج موهوبه،


    قلت ليك موهوبه..
                   |Articles |News |مقالات |بيانات

09-11-2011, 01:39 PM

الزاكى عبد الحميد
<aالزاكى عبد الحميد
تاريخ التسجيل: 09-12-2005
مجموع المشاركات: 895

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    مرتضى كل سنة وانت طيب وجعل الله أيامك كلها
    سعيدة ومزدانة بالجمال الذي تحب..
    الاستمتاع بهذا الطرب الجميل في هذه اللحظات
    التي يداعب فيها الرذاذ أجواء المدينة
    هو جمال لا يوصف..
    فالشكر لك من قبل ومن بعد..
                   |Articles |News |مقالات |بيانات

10-11-2011, 12:54 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الزاكى عبد الحميد)

    شكرا يا الباهي ..
    كل سنه وانت طيب ..
    الرذاذ والمطر يعيدا توازن كيمياء الإنسان (الإنسان ) وكذا زيدان،
    ياخ التركة التي خلفها دي تفك أي حصار يضربه الزمن على الأنفس ..
    راجيها تعطف وتحن للندا..
    ذخائر وعساكر..
                   |Articles |News |مقالات |بيانات

10-11-2011, 01:37 PM

سفيان بشير نابرى
<aسفيان بشير نابرى
تاريخ التسجيل: 01-09-2004
مجموع المشاركات: 9335

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    أتابع بامتنان يفوق الحد كل حروفكم هنا يا مرتضى
    لكن أنا فقير من الحروف يا صاحبي في وسط هذا الغياب
    لم اذهب لسرادق العزاء لكني اتلصص صوته في نعي المريدين
    و ارجع بيّ من محبته ما يعجز الوصف عنه .



    اجمل ما قراته عن زيدان بقلم الكاتب و القاص (عادل القصاص)
    Quote: (دمعنة)

    هذا النّص عبارة عن اعادة انتاج كتابية لبعض وقائع وردت خلال حوارات، للدقة ونسات لي مع الصديق يوسف درع عن علاقته بزيدان ابراهيم. كان يوسف درع، المعروف أحيانا ب "يوسف القصيّر" أو "يوسف الصغيّر"، يعمل سبّاكا في السودان، ويمارس الغناء في نطاق جدّ محدود. عقب قدومه الى أستراليا، واصل امتهان السّباكة في مدينة ملبورن. كما عرف أيضا بمساهماته الغنائية في عدد من مناسبات الجالية السودانية في المدينة، أحيانا في غيرها من المدن الأسترالية. له منّي، لأجل زيدان، دمعة ودندنة.
    عادل القصّاص

    سنّار، المبتدأ
    بعد أن لفظت مؤخرتي مقاعد الدراسة باحدى مدارس سنّارالابتدائية، عملت "صبي محل" لدى صائغ مشهور بسوق سنّار. كان معلّمي الصائغ – الى جانب براعته في مهنته – حاذقا في العشق أيضا. وعلي الرغم من أنّ الحظّ بخل عليّ برؤية عشيقتة، الّا أنّني كنت أتعرّف على حضورها من خلال البهاء الفريد الذي كان يجلو وجهه اذ تعانق أذنيه، عبرالسمّاعة السوداء السميكة لهاتف المحل، صوت العشيقة. ياطالما شاركت معلّمي في حبّ تلك الحبيبة لا لشئ الّا لأنّ الصائغ كثيرا ما كان يهيئ وجدانه، بنوع خاص من الوضوء، يتمثّل في تشغيل شريط كاسيت لزيدان ابراهيم قبل المهامسة الهاتفية معها. ثمّ ما تلبث عقيرة زيدان أن تتحوّل الي خلفية رقراقة وخافتة قليلا أثناء المهامسة، فالى نسائم، عطور وأضواء راقصة بعدها.

    كان من اللافت كذلك أن معلّمي الصائغ كثيرا ما أفسح السماعة لأذنيّ حبيبته كي تتمرّغا في صوت زيدان دونما اشراف من فمه أو مزاحمة من أذنيه.
    لقد كان معلّمي عاشقا حاذقا، كما كان صائغا بارعا.

    ألآن أفكّر في أنّه ما كان من الممكن أن يصير هكذا – في الحقلين – بغيرما معونة جليلة من أغاني زيدان.

    الشّقلة، خبر أوّل
    خلال احدى سنوات النصف الثاني من ثمانينيات القرن الفائت، ذهبت لزيارة أقرباء لي في الشّقلة، التي كانت وقتها ضمن الأحياء التي يطلق عليها مصطلح "السكن العشوائي". أمّونة، احدى قريباتي هناك، كانت ملمّة بأعجابي بزيدان ابراهيم. فأرادت أن تعطّر حفاوتها بزيارتي بمفاجأة – وقد كان لها ذلك:

    - يوسف، انت عارف انّو زيدان ابراهيم حيجي يسكن جنبنا هنا؟
    - زيدان منو؟!
    - زيدان ابرهيم
    - تقصدي زيدان ابراهيم الفنان؟
    - أيوه زيدان ابراهيم الفنان
    - ويسكن وين؟
    - في البيت الجنبنا ده...يعني حيكون جارنا طوّالي
    - انت خرّفتي ولا شنو يا أمونة؟ شنو البخلّي زيدان بجلالة قدرو يخلّي العباسية ويجي جنبكم بيجاي؟
    - انت ما عارف انّو بيتو بتاع العباسية بيت ايجار..وصاحب البيت رافع فيهو قضية عشان يطلّعو؟
    - أيوه عارف...لكن حتى لو طلع من البيت داك، شنو البخليهو يجي هنا؟
    - ومالها "هنا"؟
    - لا، العفو يا أمّونة...بس يعني الحتّة دي ما مخططة وما فيها مواسير مويه اتوصّلت وما فيها خدمات أساسية تانية كتيرة...يعني هسّه انتي ذاتك يا أمّونة كان لقيتي سكن في المايقوما أو الحاج يوسف المخططة ديك وبي مواسيرها – مع انها ناشفة من عدم الموية – مش أحسن ليك من "الحتة أم حجّا للصهريج دي"؟...ده شي، والشي التاني أنا البتقولي ده زاتو ماداخل لي في راسي وبفتكرو اشاعة ساكت أو في واحد تاني اسمو زيدان، أو زيدان ابرهيم تاني، باني البيت ده وحيجي يسكن فيهو...يعني مافي زول تاني اسمو زيدان ابرهيم الّا زيدان ابراهيم؟
    - زيدان تاني شنو يا يوسف؟ يا هو زيدان ابراهيم الواحد ده... وأنا شفتو، وكمان قابلتو، أكتر من مرة لمّن كان بيجي يتفقّد بيتو ده! وكان مكضّبني أمشي أسأل محمد زيدان!
    - محمّد منو؟
    - محمّد زيدان، الزول الهسّه ساكن في بيت زيدان
    - وده ولدو كمان؟
    - ياخي ولدو شنو؟ دا واحد معجب بي زيدان ومقعّدو حارس ليهو البيت لحدّي ما يرحل
    - واسمو محمّد زيدان... والله صدفة عجيبة!
    - ولا صدفة ولاحاجة...نحنا ناس الحلة السمّيناه محمّد زيدان عشان ساكن في بيت زيدان...وكمان ما كنا عارفين اسم أبوه...وبيني بينك، ما كنا محتاجين نعرف ليهو اسم أبو...وحتى لو كنا عارفين أبوه، برضو حنقوليهو محمد زيدان
    - والله تمام...كان كده حأمشي أزوره بعد شوّيتين...وأخش بيت زيدان للدنيا والزمان!

    وبالطبع لم انتظر حتّى تمضي الشوّيتين ولا حتى شويّة واحدة. كان بيتا ذا مساحة واسعة (قلّصت فيما بعد، عقب مجئ التخطيط العمراني للمنطقة) وقد شيّدت جدرانه بالطوب الأحمر، بينما عرشت غرفه بالزنك، غير أن فتحات نوافذه كانت خالية من النوافذ وقد غطّت بقطع من الخيش. تلقّفني محمّد زيدان بحرارة. وبعد أن غمرني بآيات الترحيب، لم يستطع التحكّم في شغفه باسماعي بعضا من أدآته العنيدة لأغاني زيدان بالاضافة الى محاولاته المستميتة في العزف على العود. وفيما تواترت زياراتي اليه بعد ذلك – آملا طبعا في مصادفة تجمعني بزيدان – تحوّلت زياراتي الى بيت أمّونة الى شبه غشوات.

    للاعراب
    فيما كان الصادق المهدي مهموما بالتنقيب عن رفاة عمّه الهادي ونقلها الى ما ينبغي أن يكون محلّا لرد الاعتبار، كان الأمر القضائي المحتوم باخلاء منزل العباسيّة ينهش روح زيدان ابراهيم.

    الشّقلة، خبر ثان
    في المرة الوحيدة التي حاولت أن أحضّ قدميّ على شئ من الديموقراطية، بالذهاب الى بيت أمّونة أوّلا، هتفت الأخيرة في وجهي بوجه مفعم بالبشارة:

    - زيدان رحل يايوسف...جاب أمّو، أمّ الحسين، وجاب عفشو وجا!

    وبعد دقائق، بعثت أمّونة بابنها الى صالون زيدان حاملا اليّ طاقيّتي، حلقة من المفاتيح ونظّارتي الشمسية، كما لفت انتباهي الي مزقة في كم قميصي تسبّب فيها نتوء في الباب الخارجي لبيت أمّونة.

    الشّقلة، خبر ثالث
    خلال زيارة تالية اليه، سألني زيدان:

    - انت شغّال شنو يايوسف؟
    - سبّاك
    - ياسلام! انت كان كدا ما وقعت لي في جرح!...تعرف، الخرطوش الأسود التخين بتاع ماسورة الحوش مقطوع أو ما موصّل كويس...ولمّا المويه تجي بالليل بنصبح نلقى الواطة كلها مبلولة...تقدر تعمل ليهو حاجة؟
    - أيوه، طبعا ياأستاذ..ده خرطوش البوليسين..تصليحو ما صعب

    وبعد أن عدّلت وأعدت احكام توصيلة خرطوش البوليسين، قلت لزيدان:

    - بالمناسبة أنا عندي هواية الغنا ياأستاذ..وناوي استمر فيها..ممكن تنصحني بي حاجة تنفعني في المجال ده؟
    - الغنا احساس يايوسف

    لم يزد على ذلك أية جملة اضافية. أزعم أنّ تأمّلي المستمر في مقولته تلك أعانني كثيرا، ليس في تطوير علاقتي بالغناء فحسب، وانّما بأشياء أو ممارسات أخرى كقيادة السيارة، الطعام، ومهنة السّباكة التي ما أزال منخرطا فيها.

    للاعراب
    كان باب بيته بالشّقلة مفتوحا دائما. لم يكن يغلق الباب الخارجي ليلا حتى يتيح لعدد غير قليل من جيرانه، وغير جيرانه كذلك، ممن لم تكن شبكة المواسيرقد وصلتهم بعد، من المجيئ لأخذ مؤونتهم من الماء، الذي لم يكن يسري في مواسير بيت زيدان الّا ليلا.

    ملبورن، خبر رابع
    قبيل ستة أو سبعة شهور من وفاته، قالت لي أمّونة عبر الهاتف:

    - زيدان قال لي: (أمّونة، انت وين قريبكم السبّاك، "يوسف الصغيّر" داك؟..لي سنين ودنين ما شفتو)
    - قلت ليهو (يوسف ليهو زمن في استراليا)
    -قال لي: (عليك الله أدّيني تلفونوه عشان أتصّل بيهو)

    ملبورن، خبر خامس
    في هاتف تال، علمت من أمّونة بأن زيدان سافر الى القاهرة، برفقة عبدالله الكردفاني، للعلاج. طلبت اليها أن تجيئني برقم هاتف له أو للكردفاني أو لأي مرافق آخر له في القاهرة لأنني أردت الاطمئنان على صحته كما كنت أرغب في أن ارسل اليه مبلغا متواضعا من المال. قبل أن تتمكّن أمّونة من الحصول على مثل ذلك الرقم، علمت بأنّ زيدان قد فارق "دنيا المحبّة" من وسائل الاعلام. فهاتفت أمّونة. وكان من بين أسئلتي الأخيرة لها:

    - انت هسّه وين ياأمّونة؟
    - في بيت البكا طبعا..البكا ما بكانا يايوسف.

    للاعراب
    أؤمن بأنّ العدّ التنازلي لحياة زيدان بدأ لحظة أن أرغم على انتزاع جسده من العبّاسية.



    المصدر :-
    http://sudaneseonline.com/forum/viewtopic.php?t...66c883bbf506fd4eecfd

    ربنا يجعل سيرة زيدان على كل لسان .
                   |Articles |News |مقالات |بيانات

10-11-2011, 04:01 PM

Hadeer Alzain
<aHadeer Alzain
تاريخ التسجيل: 13-07-2008
مجموع المشاركات: 3452

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية! .. (Re: سفيان بشير نابرى)

    Quote: أتابع بامتنان يفوق الحد كل حروفكم هنا يا مرتضى
    لكن أنا فقير من الحروف يا صاحبي

    والله يا مولانا أنا زي أخوي ود نابري دا .. فقيرة وعدمانة من الحروف
    والكلمة أمام هذا الوفاء والإحتفاء الجميل برجل يستحق الإحتفاء
    وأمام هذا الجمال الباذخ، كما وكنا نتابع بإمتنان أيضآ..!

    ثم يا الله !
    ما زال حزني ثاقب على رحيلك الكبير يا مايكل جاكسو(نا)

    ما عندي غير أقول ليك
    شكرآ يا مولانا يا كنوز محبة على كنوز محبة!

    كنوز محـبة
    كلمات بشير عبد الماجد
    ألحان بشير عباس

    لما تشتاق للمشاعر
    تملأ دنياك بي عبيرا
    لما تشتاق للعواطف
    تنسجم تلبس حريرا

    أبقي أسأل عن قلوبنا
    تلقي فيها كنوز محبة
    تلقي فيها بحور حنان
    و تلقي فيها الشوق يغرد
    و تلقي فيها الريدة فاردا
    جناحا تشتاق للربيع

    و يا ربيع آهـ يا ربيع

    لما تقسو عليك ليالي الوحدة
    والليل يبقي ليل
    و النجوم تلمع بعيد
    تسخر من السهران وحيد
    برضو أسأل عن قلوبنا
    تلقي فيها كنوز محبة
    تلقي فيها بحور حنان
    و تلقي فيها الشوق يغرد
    تلقي فيها الريدة فاردة
    جناحا تشتاق للربيع

    إنت ما برضك حبيبنا
    والحنان الفي قلوبنا
    أصلوا ما نابع من عيونا
    والمحبة الفيها لو ما إنت
    ما كانت محبة
    كل أشواقنا ومشاعرنا
    وأحساسينا النبيلة
    إنت ما أهديتا لينا
    ليه تضيع أحلى ما أهديت ياغالي


    _
                   |Articles |News |مقالات |بيانات

10-11-2011, 04:29 PM

Hadeer Alzain
<aHadeer Alzain
تاريخ التسجيل: 13-07-2008
مجموع المشاركات: 3452

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية! .. (Re: Hadeer Alzain)



    لو سمحت لي يا مولانا بوضع بعض من صور راحلنا زيدان أثناء التعافي بالقاهرة
    وبعض من صور الرحيل المر (للذكرى والتاريخ) ..!

    شكرآ لك



    زيدان ابراهيم .. دنيا المحبة






    _
                   |Articles |News |مقالات |بيانات

10-11-2011, 04:43 PM

Hadeer Alzain
<aHadeer Alzain
تاريخ التسجيل: 13-07-2008
مجموع المشاركات: 3452

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية! .. (Re: Hadeer Alzain)

    الراحل زيدان ابراهيم - السودانيون يودعون محبوبهم





    _
                   |Articles |News |مقالات |بيانات

10-11-2011, 06:24 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية! .. (Re: Hadeer Alzain)

    Quote: قلت ليك موهوبه..


    وش كيف لكن؟ حاسي معاها نهيرة وحمرة عين
                   |Articles |News |مقالات |بيانات

11-11-2011, 06:16 AM

محمد حيدر
<aمحمد حيدر
تاريخ التسجيل: 17-10-2003
مجموع المشاركات: 1063

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية! .. (Re: الطيب شيقوق)

    الاعزاء

    Zaidan-1.jpg Hosting at Sudaneseonline.com


    Zaidan-2A.jpg Hosting at Sudaneseonline.com
                   |Articles |News |مقالات |بيانات

11-11-2011, 07:13 AM

محمد حيدر
<aمحمد حيدر
تاريخ التسجيل: 17-10-2003
مجموع المشاركات: 1063

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية! .. (Re: محمد حيدر)

    الاعزاء

    إنسان إستثنائي
    يقدم فرح خرافي



    رحمك الله أبوالزوز
                   |Articles |News |مقالات |بيانات

11-11-2011, 06:38 PM

هند محمد
<aهند محمد
تاريخ التسجيل: 30-05-2007
مجموع المشاركات: 4300

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية! .. (Re: محمد حيدر)
                   |Articles |News |مقالات |بيانات

18-11-2011, 04:29 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية! .. (Re: Hadeer Alzain)

    شكرا يا هدير على رفدك المساحة بالصور والفيديو..
    بالطبع هناك أشياء تحتاج مني وقتا طويلا لاستيعابها..
                   |Articles |News |مقالات |بيانات

12-11-2011, 09:50 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: سفيان بشير نابرى)

    Quote: - انت هسّه وين ياأمّونة؟
    - في بيت البكا طبعا..البكا ما بكانا يايوسف.

    يا سلام على أمونه يا سفيان ..
    يا سلام على عادل..
    يا سلام على زيدان ..
    وعليك يا سفيان ..
                   |Articles |News |مقالات |بيانات

13-11-2011, 11:13 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: والله يا مولانا أنا زي أخوي ود نابري دا .. فقيرة وعدمانة من الحروف
    والكلمة أمام هذا الوفاء والإحتفاء الجميل برجل يستحق الإحتفاء
    وأمام هذا الجمال الباذخ، كما وكنا نتابع بإمتنان أيضآ..!

    ثم يا الله !
    ما زال حزني ثاقب على رحيلك الكبير يا مايكل جاكسو(نا)

    ما عندي غير أقول ليك
    شكرآ يا مولانا يا كنوز محبة على كنـوز محبة!


    هدير..
    رفيقة القراءات المضادة للنوم والكتب المناوئة للأرفف،
    كنت من أوائل الوجوه التي قفزت إلى وجهي يوم الرحيل ،
    ما انتظرت مرورك بهذه المساحة لتكتبي عن زيدان لعلمي أنك
    تحتاجين ألف عام تجئ لاستيعاب أن الأرض التي ستعودين إليها
    لم يعد صاحب (كنـوز محبة) على ظهرها.. وأنت ممن رسم لوحة عودتهم الجواهري ب:

    شَمَمْتُ تُرْبَكِ أَسْتافُ الصِّبا مَرِحاً

    والشَّمْلُ مُؤْتَلِفاً، والعِقْدُ مُؤْتَلِقا

    وسِرْتُ قَصْدَكِ لا كالمُشْتَهي بَلَداً

    لكنْ كَمَنْ يَتَشَهّى وَجْهَ مَن عَشِقا


    حاشاك فقر الكلمات يا بت الزين... لكن ما يحتشد في الفؤاد أثقل من أن
    ترفعه الأقلام أو تطيقه أرصفة التعبير..
    مشية زيدان خلَّفت في القلب ما تنوء به الجبال فتركناه للزمن وفعل الذاريات..
    حاشاك قصور المفردة والعبارة وأنت الهدير لكنه الصمت بعدة لغات كما يقولون..
                   |Articles |News |مقالات |بيانات

14-11-2011, 09:34 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: ربنا يجعل سيرة زيدان على كل لسان .

    وبذكره يستحيل الإنسان إنسانا..
    كان هذا دعاء هدير يا محمد حيدر ..
    في هذه اللحظات أتابع في قناة جديدة تسمى أمدرمان حلقة بعنوان (أولاد زيدان)
    رغم وجود التجاني وعمر الشاعر وآخرين حاولوا تقليده إلا أن غيابه تسبب في فشل
    التقليد نفسه..
    التقليد الذي كان ممكنا نوعا ما في حضوره ..
    أقول ليك زي شنو يعني ..
    زي لامن تكوني بترسم في بورتريه لزول قاعد قدامك ويقوم يمشي ..
    تاني ترسم من خيالك ..
    وزي ما بيغني عزيزنا الطيب مدثر ( الأصل ما بِبقَى صورة)..
    والعكس برضو صحيح يا محمد..
                   |Articles |News |مقالات |بيانات

15-11-2011, 11:16 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: سفيان بشير نابرى)

    Quote: لم اذهب لسرادق العزاء لكني اتلصص صوته في نعي المريدين
    و ارجع بيّ من محبته ما يعجز الوصف عنه .

    سفيان
                   |Articles |News |مقالات |بيانات

16-11-2011, 00:28 AM

محمد حيدر
<aمحمد حيدر
تاريخ التسجيل: 17-10-2003
مجموع المشاركات: 1063

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    الاعزاء

    مولانا محمد المرتضي أحمد
    إقترح بعض الإخوه في بوست حفل تأبين الراحل المقيم زيدان إبراهيم بنيويورك أن يلبس الإخوه الموسيقيين المشاركين
    تي شيرت بصوره المغفور له الراحل المقيم زيدان إبراهيم أثناء التأبين كنوع من التخليد لذكراه الحلوه و عطره
    و بعض الاخوه إقترح هذه الصوره الفائقه الجمال
    sudansudansudansudansudansudansudansudansudansudansudansudan-1.JPG Hosting at Sudaneseonline.com

    و عشان
    Quote:
    شرفنا الراحل بإحياء حفل (حنة) شقيقي الرشيد منذ عامين بدارنا المتواضع وهذه الصورة بكاميرا العبد لمولاه.. يعني
    عندي فيها حق ملكية فكريه وما يجاوره وحذاري (تخمِشا) أصلو إيدك very light


    نقترح موافقتك علي هذا الاقتراح و لك كامل حقوق الملكيه
                   |Articles |News |مقالات |بيانات

16-11-2011, 08:50 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد حيدر)

    Quote: نقترح موافقتك علي هذا الاقتراح و لك كامل حقوق الملكيه

    شكرا أستاذ محمد حيدر،
    بالطبع لامانع لدي في استخدام الصورة فقط إحفظوا حق موقعكم (سودانيزأونلاين) ..
    زيدان أضاء حياتنا بكل جميل وصورته تبعث السكينة وقيم أخرى أين نشرت..
    لك الود وبلغ عني كل المؤبنين والقائمين على الحفل بنيويورك ..
    إحتفائكم بزيدان في الأرض الجديدة يؤكد على أنه ما زال هناك وفاء في الدنيا..

    في الفؤاد ترعاك العناية..
                   |Articles |News |مقالات |بيانات

16-11-2011, 10:33 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: انت مابرضك حبيبنايازيدان
    والحنان الفي قلوبنا أصلو نابع من عيونك
    والمحبة لو فيها لو ما انت ماكانت محبة
    كل اشواقنا ومشاعرنا واحاسيسنا النبيلة
    انت ما اهديتا لينا
    كيف نضيع أحلى ما أهديت ياغالي ؟



    شكرا لمساحة الجمال برغم الشجن

    يا هند ،
    إحدى الأخوا ت كانت تحكي بحزن ، بل بأسى أصدق ما يكون ، عن الوضع العام للأغنية السودانية بعد زيدان
    وقالت لي : والله الزول دا مشى وشال معاهو الفن والفنانين كلهم، قلت لها – متحفظا على غلوائها وتطرفها
    في التعبير – ثمة بعض الرائعين مازالوا بيننا ، أمد الله في أعمارهم ، قالت لي أنها كانت تتعامل مع
    أغنيات زيدان كفرض العين وماعداه فرض كفاية إن لم يكن دون ذلك والأسباب الأساس في هذا الإحساس متعددة
    من ضمنها (نوعية) الكلمات وتفرد الموسيقى وشئ خفي في صوت زيدان وشخص زيدان الذي فرد جناحيه وجمع
    تحتهما كل الفئات العمرية والمستويات الثقافية والإجتماعية والسياسية والإثنيات بصورة غير مسبوقة..
    الناس كلها بتريدو ومنحازه ليهو بصورة مكشوفة.. وهذه ظاهرة بحت نادرة في مجتمعنا السوداني لأنو رغم
    ما نبديه من حفاوة بمبدعينا لكن برضو مرات بنكجن ولو السالب من سلوكيات أولئك المبدعين ، بس زيدان
    استثناء ، أي حاجه بقولا أو بيعملا بتعجبنا وهذا حال عين الرضا . والله كلام أختنا دا مقنع بالنسبة لي
    لكن برضو زيدان فيهو سحر عصي على التفسير..
    حاجه ما عارفا جايه من وين بالضبط..
    يا هند سمعتي ليك بي زول يتراد على بياض؟
                   |Articles |News |مقالات |بيانات

17-11-2011, 07:30 AM

Manal Awad Khugali
<aManal Awad Khugali
تاريخ التسجيل: 03-05-2006
مجموع المشاركات: 407

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: الأصل ما بِبقَى صورة




    سلام كتيييير يا مولانا
                   |Articles |News |مقالات |بيانات

17-11-2011, 08:54 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: Manal Awad Khugali)

    Quote: يا هند سمعتي ليك بي زول يتراد على بياض؟


    ياخ قول تبارك الله

    انا ذاتي بقول تبارك الله ليك انت آآآآآآآآآآ اللخو
                   |Articles |News |مقالات |بيانات

18-11-2011, 00:45 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الطيب شيقوق)

    Quote: Quote: الأصل ما بِبقَى صورة

    نهائي يا منال..

    نهائي..
                   |Articles |News |مقالات |بيانات

20-11-2011, 03:23 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: الطيب شيقوق)

    Quote: Quote: يا هند سمعتي ليك بي زول يتراد على بياض؟



    Quote: ياخ قول تبارك الله

    شيقوق كل سنه وانت طيب،
    فاتني اللقاء الذي هاتفتني لأجله،
    عارف يا الطيب .. في السودان لو بقيت حاوي ما ممكن تسوي نص الدايرو،
    عموما أسعفني بعض الأصدقاء بدرر مجرد مشاهدتها والإستماع إليها تحتاج عمرا جديدا،
    يا حليلنا فيها الفانية ، مافيش طلبات تمديد ..
    سمعت ( ياسلام على ريدي الخلاّك بقيت سيدي) ؟
    برضو تتصدق؟

    رحم الله زيدان وبرضو معك أقول:
    تبارك الله..
                   |Articles |News |مقالات |بيانات

18-11-2011, 05:49 PM

هند محمد
<aهند محمد
تاريخ التسجيل: 30-05-2007
مجموع المشاركات: 4300

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)
                   |Articles |News |مقالات |بيانات

19-11-2011, 00:12 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: هند محمد)

    هيثم لبيب ..
    خطير..
    كنت أظن أنني أعرف كل ما غنى زيدان ..
    أهو مجرد إدعاء من شخص ما شايف عوجة ذاكرته..
    إلتقيت عضو المنبر هيثم لبيب وود المهدي برفقة د. أحمد القرشي ..
    أسمعني هذا المرجع أغنية بعنوان (صافينا) وأخرى بعنوان (مشاعر) غناهما زيدان - بحسب كلام زيدان نفسه - في
    بداية مشواره الفني ومن التسجيل كان صوت زيدان جد مختلف ..
    شوف يا هيثم ، هنالك بعض الجرائم التي تتصل بأمن الدولة يشكل عدم التبليغ عنها في حد ذاته جريمة..

    أهو حذرتك..
                   |Articles |News |مقالات |بيانات

28-11-2011, 01:36 PM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)

    Quote: هيثم لبيب ..
    خطير..
    كنت أظن أنني أعرف كل ما غنى زيدان ..
    أهو مجرد إدعاء من شخص ما شايف عوجة ذاكرته..
    إلتقيت عضو المنبر هيثم لبيب وود المهدي برفقة د. أحمد القرشي ..
    أسمعني هذا المرجع أغنية بعنوان (صافينا) وأخرى بعنوان (مشاعر) غناهما زيدان - بحسب كلام زيدان نفسه - في
    بداية مشواره الفني ومن التسجيل كان صوت زيدان جد مختلف ..
    شوف يا هيثم ، هنالك بعض الجرائم التي تتصل بأمن الدولة يشكل عدم التبليغ عنها في حد ذاته جريمة..

    أهو حذرتك..


    يا أستاذنا والله البوست ده بفتش ليهو من جاتني ورقة الحضور والتبليغ من الدكتور أحمد ولكن ...
    مع ناس السودان الداك وقع وكسر مخروقتو ... وداك أصابعينو واجعاهو .... والنت الفاصل غايتو حالة تخليك تقول فاصل ونواصل ..
    أها أنشاء الله بنزله ليكم تباعاُ بهنا .
    ولك وللأخوة المتداخلين العذر على التأخير ..
    شرطة .. ما فاصلة ..
    لكن البلاغ حقك ده بخلي أوكامبو يتدخل ... بالغت فوقه يا أستاذنا .. من هسه أنت المحامي بتاعي ومن غير أتعاب أكان عجبك ..
                   |Articles |News |مقالات |بيانات

28-11-2011, 07:21 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: Haitham Labib)

    Quote: مع ناس السودان الداك وقع وكسر مخروقتو ... وداك أصابعينو واجعاهو ....
    والنت الفاصل غايتو حالة تخليك تقول فاصل ونواصل ..
    أها أنشاء الله بنزله ليكم تباعاُ بهنا .
    ولك وللأخوة المتداخلين العذر على التأخير ..
    شرطة .. ما فاصلة ..

    زولك ما جا لسه يا هيثم مع إني إشتريت المخزن واحد تيرا بايت،
    ياخ والله حرام كل تلك الدرر تكون قاعده والناس تتشابا للهوا وتجيها
    كتاتيح سواق الركشا جقلب وحرامي الهبوب تلب..
    أنتظر تنزيل الأغنيتين..
    الباقي علي ..

    بالمناسبه، لو انتظرت ريثما تتوقف المخروقات عن التِكِسِّر والدافنه ياك الماجاي تاني..

    أهو كلَّمتك..
                   |Articles |News |مقالات |بيانات

29-11-2011, 06:17 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أجمل تسجيل لهذه الأغنية الإستثنائية.. (Re: محمد المرتضى حامد)
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de