أحدث صور من شوارع العاصمة..

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-12-2018, 01:37 PM الصفحة الرئيسية

مكتبة محمد المرتضى حامد(محمد المرتضى حامد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-02-2012, 08:59 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    وقت ما لقيناك فيزيكالي قلنا نهبشك اسفيريا

    إت وين يا العشاء؟
                   |Articles |News |مقالات |بيانات

10-02-2012, 11:49 AM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4134

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: الطيب شيقوق)

    .. مُرشحنا لرئاسة مواكب الجمال و حُسن الصنيع !

    (شوارعك) إبداع و دهشة .. شوارعك واسعة الحيلة .. شوارعك بانوراما الساعة الخامسة و العشرين
    شوارعك اقوي و اكبر

    .. الحاجة المهمة الطلعنا بيها من علم الإجتماع الماركسي :
    إنو مجتمع السودان و شارع السودان ، و مولد السودان الفيهو شيخ ميطي ،
    ورق الطريقة الاحمدية الوقع في يد سرور، و موسى ود نفاش، و الفاضل شوربة، و ابوطالب، و طالبني كم .. و عرائس الطيب سيد مكي،
    هو دائما مجتمع و شارع اقوى من دولة ناس زعيط و معيط
    اقوى من دولة الرباطين الجدد الشالوا في لفة الجيلي دولارات و بترول مجوك و أشوينق و دينق و يوسف فتاكي

    تصور : قبل اسبوع عصام صالح، و الشيخ قريب الله قاموا من كندا قومة ود اب شريعة ( الطالب نور البُقع) .. و صلوا
    محمد الفاتح في ولاية بنسلفانيا .. و عرجوا على بيت عرس في ولاية فيرجينيا .. لقوا زولك كوستاوي برص في كراسي الحفلة
    ما اضيق هذا العالم .. ضيق لم يخطر على بال كولومبس و دي جاما

    قول للهادي الضلالي : الشوف ما شوف العين .. الشوف شوف القلوب ( جيب لينا الصور)

    مرغني على الامين و آخرين منهم مدني الرضي، و هاشم الخاتم، و ود الصاحب، و محرز، و مامون الخير الشفيع،
    و عبد الرحمن سامبو، و السر ود عمك خليفة:
    لكم جميعا سلام و تقدير و عاطر الذكريات

                   |Articles |News |مقالات |بيانات

10-02-2012, 08:41 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: أحمد طراوه)

    Quote: أها عاد الله يحيب النوم بعد كدي...

    النايمينلها شنو زاتو..


    صدقت يا محمود،
    كثيرا ما سألت نفسي ذات السؤال ، النايمينلها شنو؟
    كان الجسم نام الروح بتنوم؟
    عارف يا البيك نور إقليمك ، كل منا اختار منفاه فتلقفتنا المطارات
    والموانئ وأحيانا صحاري سيناء والعتمور ، والكثير منا – رغم مرور السنين –
    لم يجد وطنا بديلا فنكتشف كل صباح أنا نخادع أنفسنا وندفن رؤوسنا في الرمال.
    لم تُنسِنا أوراق الدول الأجنبية شيئا من وطن لم نسكن فيه وسكن فينا فوجدنا
    أنفسنا بعد كل هذي السنين نهفو إلى رقعة محددة في أطلس الجغرافيا نبني عليها
    وفيها الأحلام والأوهام وما تبقى من سراب النعيم .. ودا زاتو البيخلي زول
    زيَّك يا محمود يساسك ويهاتي ليرسل دواءا لمريض في السودان ربما لم تره في حياتك.
    نفط الخليج وبهرج أوروبا ونورث أمريكا وحميمية السودان خلقت في الكثيرين منا
    تنازعا ثلاثي الإبادة ، زي نوايات السيجا كل يوم في حفره وكل واحد منا تهفو
    روحه أن تكون حفرته الأخيرة هناك.
    بالاختصار لا خلصت حكاوينا لا لقينا البداوينا..

    أها النوم المشتهي طعمو يجي كيف يا محمود..

    -
    سؤال برئ براءة الرئيس من الرقيص : الخميس 3:11 صباحا المقعدك في سودانيز شنو..

    غايتو يا إنت يا بكري يا اللتنين يوم الغيامه الله بحاسبكم .
                   |Articles |News |مقالات |بيانات

11-02-2012, 01:55 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19195

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    الأخ محمد المرتضى يقولون أن دينا خالد هى فاكهة هذا المنبر
    ولا يدرون من أين تأتى الفاكهه ياخ إنت تلك الفاكهه ولننزل
    ديناخالد للكريم كرمله, ياخ الصور دون تعليق تقول الكثير المثير
    الخطر أما التعليق فلا تعليق مبالغه ياخ الله يخليك ويخلى قلبك
    الذهب النفيس وروحك الجميلة الوثابه فمن لا يرى فيك ذلك
    فقد ختم الله على قلبه وعقله غشاوه ولا تبتئس يا صديق أمانينا لك
    بعطله مفرحه بالأهل ودافعه لتوثيق غرائب الأحوال والمواقف
    والحارات ياخ لو فى أمدرمان زر الصالح الهادى نصرالدين بودنوباوى
    وأرخ عنه فهو فاكهة من عينة لا عين رأت ولا أذن سمعت وبلغه السلام
    تحايانا لك أمتعتنا متعك الله بموفور الصحه والرزق الحلال وحب الناس.
    وعود بينا يا ليل الفرح......................




    منصور
                   |Articles |News |مقالات |بيانات

11-02-2012, 11:03 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: munswor almophtah)

    Quote: وعلى الذين فاتتهم متعة مشاهدة فيديو ناظم ابراهيم مراعاة المشاهده هنا ..

    هاشم صديق شاهد على (العصر) يا محمد المشرف في زمن الفريد في عصرو،
    القصيدة يا العزيز بتشبه أي واحد من جيلنا ، يمين الله قصيدة منفستو مفصل علينا قميص عامر،
    تفتحت أعيننا على وعود اليسار فغنينا في حكاياتنا مايو باعتبارها الخلاص ورحنا ننهل من كل
    مطبوعات الروس الصقيلة و (بناء الصين) وتصاوير جامعات ألمانيا الشرقية التقول لهارفارد قومي
    وأنا أقعد مكانك ، وقصص الشهيد جيفارا الذي لم ينحرف عن شعار ( لا للسلطة ولا للجاه ) ، كلماته
    تطربنا بمستوى أبوعبيده حسن وشوفوا لي حلل، بل إننا نرفض مجرد التفكير بحبيبة لاتكون بمواصفات
    أليدا مارش بشعر يتوهط على الأزبلايط كأرفع ماتكون الرُتب العسكرية، كنت قايلها المقصودة بقائد
    الأسطول برواية بادي رضي الله عنه، شايف كيف ، أما الثنائي الوطني فلا يقل طعما عن عصيدة الدخن
    باللبن والعسل في ليالي النهود ، باردة كانت أم دفيئة ..( بالطبع أعني العصيدة) ..
    كنا نحلم بأن تكون الصديقة الرفيقة كادرا وسيطا من حسان الساندونيستا، زحمنا الجُدُر بحرية
    اشتراكية وحدة وسحقا سحقا للرجعية ، لم يكن يبكينا مع الكبار سوى السماني أحمد عالم وحكاوي
    الخؤولة عن مارتن لوثر وعوض عمر وجمال عبدالناصر ، هسه كل شئ يبكِّي ،
    تبكي بس ..
    عارف يا محمد ، في (حاجات) لامن كنت سغير كنت أراها في مخيلة الطفولة الفسيحة،
    بسبب الإعلام ورواة الحديث حولنا ، أراها حيوانات مفترسة تشبه شمبانزي جنينة الحيوانات
    وأولاد عمو لَزَم وهم الحرامي والرجعية وإسرائيل ..
    يا حليل الحرامي البتلب يشيل شوية جنيهات وملايات مشروره و (يكسح)، لو رأيته
    الآن لحسبته أشواريا راي .
    يا حليل الرجعية التي مات وزراء حُسبوا عليها وهم لم يدفعوا إيجار البيت المتواضع،
    ويا حليل مايو زاتا ويا حليلنا وحليلك كرقم من الراحو لدار أهل بدون أهل.

    ودالمشرف ، بحق المولى لاتزيد بلبالي ..

    (عدل بواسطة محمد المرتضى حامد on 11-02-2012, 11:11 AM)
    (عدل بواسطة محمد المرتضى حامد on 11-02-2012, 11:21 AM)

                   |Articles |News |مقالات |بيانات

12-02-2012, 10:35 AM

Mirghani Ali AlAmin
<aMirghani Ali AlAmin
تاريخ التسجيل: 02-05-2002
مجموع المشاركات: 246

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: أحمد طراوه)

    يا دكتور أحمد طراوة ياخي والله شعرة جلدي غزت أو ######ت .
    يا الله ما هذا الجمال والسحر والسهل الممتنع ، ذكر الأماكن ، ذكر الشخصيات ، الهادي الضلالي ، وطالبني كم ، والفاضل شوربة ، وما تنسى عابدين أنهبش .........وكل ما يعتلج في النفس مع كل تلك الذكريات.
    ما هذه الروعة ، أماكن شخصيات مرسومة في الخاطر ، شكلت الوجدان. ياخي أنت فلتة في الروعة وفلته في الكورة وروعة الشخصية.

    وما شاء الله متذكر ناس دفعتي العزاز ناس مدني الرضي وود الصاحب وهاشم الخاتم
    ومحرز ( عبد اللطيف علي عبد اللطيف ) وعبد الرحمن سامبو، ومامون الخير قدامنا بدفعة أو دفعتين والسر ود عمك الخليفة دا كان عجيز مدقدق من الزمن داك ، ومحرز آخر مرة شفته في السفارة السودانية بأبوظبي
    قبل كم وعشرين سنة على الأقل ومن بعدها انقطعت أخباره.

    الله يديك العافية ولا أدري كيف يمكن أن يجمع الزمان مرة أخرى كل هذه الشخصيات والأماكن والأحداث ، ياليت الزمان يعود.

    خليتكم بعافية.
                   |Articles |News |مقالات |بيانات

18-02-2012, 09:02 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: الطيب شيقوق)

    Quote: إت وين يا العشاء؟

    صاج السمك..
    وكان ما مصدقنا أسأل السمكه الراقده فوق زيتنا..
    يمين يا شيقا ودالمنجي عمر عزمني ومعاي سعدالدين وعرفت إنو واحد ترك أمريكا
    والتاني حتل تاركا اليابان ليه..
    عندهم شطه بيقدموها ومعاها طفاية حريق ..
                   |Articles |News |مقالات |بيانات

11-02-2012, 12:23 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: الطيب شيقوق)

    Quote: يا ريت لو كانت عندك الكاميرا دي ايام كنت محامي في مدينة السوكي عشان تصور جمال المتقاضين والمتقاضيات !! وهي مربوطة بحبال العاشميق في عمود الكهرباء القدام البيت .

    شيقا ،

    تاني ما تهوِّب بي جاي،


    قال مزيج البردانه قال..
                   |Articles |News |مقالات |بيانات

11-02-2012, 05:07 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: تاني ما تهوِّب بي جاي،


    ياخ خليني في بوستيك دا زي العضم المغزوز جوة الحواشة عشان يكف العين

    ات ما خايف يلفخوك بعين ولا محجّب ؟
                   |Articles |News |مقالات |بيانات

11-02-2012, 10:15 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: الطيب شيقوق)







    لغةٍ.. ثرثرةٍ.. وأمورٍ لا تَعرِفُها
    إلا الخَمْرَةُ؛ بَعدَ الكأسِ الأول تَهْتَمُ بِأَمْرِكَ
    تُدّفِئ ُ ساقيكَ البارِدَتينْ
    ولا تَعْرِفُ أينَ تَعَرَّفتَ عليها أيُّ زَمانْ
    يَهْذي رأسُكَ بينَ يَديكَ
    شيءٍ يوجعُ مثلَ طنينِ الصَمّتْ
    يشارِكُكَ الصمتُ كذلِكَ بالهذيان...
    وَتُحَدِّقُ في كُلِّ قَناني العُمرِ لَقَدْ فَرَغَتْ؟!
    والنادِلُ أَطْفَأَ ضَوْءَ الحَانَةِ عِدَّةَ مَراتٍ لِتُغادِرَ
    كَمْ أَنْتَ تُحِبُ الخَمْرَةَ.... وَاللُّغَةَ العَرَبِيَّةَ...... وَالدُنيا
    لِتُوَازِنَ بَينَ العِشْقِ وَبَينَ الرُمْانْ
    هاذي الكأسُ وَأترُكُ حانَتِكَ المَسحورَةَ ..يا نادِلُ
    لا تَغضَبْ... فالعاشِقُ نَشّوَانْ
    إمْلأها حَتى تَتَفايَضَ فَوْقَ الخَشَبِ البُّنِّيِ
    فَما أدراكَ لمِاذا هَذي اللوحةُ .. للخَمْرِ...
    وَتِلّكَ لِصُنْعِ النَعْشِ.. وأُخْرى للإعلانْ.....
    أملأها عَلَنا يَا مولايَ
    فَما أخرُجُ مِنْ حانَتِكَ الكُبرى إلا مُنتشئً سَكْرَانْ
    أصغَرُ شيءٍ يُسْكُرُني في الخَلْقِ فَكَيّفَ الإنسانْ؟
    سُبحانَكَ كُلُّ الأشّيَاءُ رَضيتُ سِوى الذُّلْ
    وَأنْ يُوضَعَ قَلبِيَ في قَفَصٍ في بَيْتِ السُلطانْ
    وَقَنِعْتُ يَكونُ نَصيبي في الدُنيا.. كَنَصيبِ الطيرْ
    ولكنْ سُبحانَكَ حتى الطيرُ لها أوطانْ
    وتَعوْدُ إليها....وأنا ما زِلّتُ أَطير...
    فهذا الوَّطَنُ المُّمّتَدُ مِنَ البَحْرِ إلى البَحْر
    سُجُوْنٌ مُتَلاصِقَة..
    سَجانٌ يُمْسِكُ سَجان..


    من (الحانة القديمة) لمظفر النواب
                   |Articles |News |مقالات |بيانات

12-02-2012, 06:18 AM

الرشيد شلال
<aالرشيد شلال
تاريخ التسجيل: 27-11-2006
مجموع المشاركات: 378

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    سلام سيدى ود مرتضى

    بوست مميز ويكفى ان صوره شارحة للكثير المثير

    استمتعت بصور المولد النبوى الشريف فلقد ارجعت الينا كثيرا من الروحانيات والاحتفالات المميزة فى السودان

    اما بقية الصور فلقد فلقد سببت ضيقا وحزنا عميقا للتدهور والذى اشعر بأن الناس فى السودان لاتحس به


    ياترى اين الدولة من كل ذلك اليس هناك من يحرك ساكنا بموضوع النظافة وتهيئة الشارع بشكل حضارى

    على الاقل يكون تطبيقا للمشروع الحضارى


    سيدى ود مرتضى - لقد تغير السودان كثيرا وفقد كثيرا من ذلك الجمال والالق والدفء

    وحاولت استرجع عشرات الاعوام كمقارنة مرارا وتكرارا لم اجد غير اننا فى تدهور مستمر ( الصحة - التعليم - النفس الانسانية )

    لااعرف تطورا ياترى التطور هو الاتصالات والبنايات العالية ؟

    ياترى التطور هو الخطاب السياسى المعادى ؟

    - ياترى التطور هو موت من لايملك ؟

    ياترى التطور هو الخطاب الاسلامى والذى خدم البعض وغطى الشارع بذلك الحزن المتجدد ؟

    دمت اخى بألف خير
                   |Articles |News |مقالات |بيانات

15-02-2012, 10:57 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: الرشيد شلال)

    (زفوك كالطير يشدو في ترنمه
    أنت الهديل على الأكتاف لو نظروا
    زفوك لحنا يسري في قوافينا
    أنت القصيد إذا غنى له وتر
    يا لهف نفسي إذا زفوك في كفن
    والناس حولك في أحداقهم مطر)

    - إغتراب -
    اللهم ارحم مجدي واجعله من أهل الجنة
    اللهم ارحم موتانا واجمعنا بهم في مستقر رحمتك
    إنا لله وإنا إليه راجعون
                   |Articles |News |مقالات |بيانات

16-02-2012, 08:17 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    توخيا للدقة والأمانة ، وكي لا يغتم القارئ ويبتئس ويحزن ،
    وحتى لا نبخس الناس إنجازاتهم أود توضيح حقيقة أن صور اللوحات المعدنية
    المجاورة لمدخل كوبري أمدرمان ومحاذية لمتنزه المقرن العائلي أعلاه ، كانت
    في عام 2011 وقد قامت الجهات المعنية بتحديثها وإعادة طلائها كما في الصورة
    أدناه والتي يعود تاريخها لهذا الشهر .



    والمكتوب على هذه اللافتات عن اللغو والتبسم لايهم القائمين على
    أمرنا في شئ لأنهم يعملون بما يكتبون إنما المقصود بها نحن الذين
    في حالة صرصره مستمره ل (الوَش) وألفاظنا المجغمسه ال (عينه)،
    النصائح دي لينا نحن بَرَانا البنعرف مستوانا يا ناس ..

    بَرَانا..
                   |Articles |News |مقالات |بيانات

16-02-2012, 12:03 PM

rummana
<arummana
تاريخ التسجيل: 04-02-2002
مجموع المشاركات: 3537

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: لكن طالما الناس ديل هسه من معارفك فالمعلومات اللي ممكن يكون قالوها ليك عني غلط على بياض وخليها سر لأني في المنبر دا متقمص شخصية تانية وكنت عايزأكتب ليك في مسنجر بكري الزي حلاوه قطن (الفي الخشيم تنماص) بس خايف ما أعبِّر كويس وبرضو خايف تقوم في أقرب زعله مني تشيل حسي بيهو في العام وتبقى (دقسة) العمر كما تقول قيادات السودان في خطاباتها

    مولانا سلامات
    الجرسة شنو!!؟
                   |Articles |News |مقالات |بيانات

16-02-2012, 01:56 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: rummana)

    Quote:
    هل سمعت بالمرابطين؟
    ورد في تاريخ حوض النيل أن جذورهم وأصولهم تعود إلى شارع الدكاتره..قِدَّام البكاسي


    هل بلغك أن شوارع المستشفى محروسة محمية؟
    ببنكنوت و صرافاتٍ و امجاد كورية
    و مرضى صابرين على البلاء بكرة و عشية!
    ده غير الممرضة الفلبينية
    و معدات الفحوص الأجنبية
    و حراس الأمن ، ياخ في فضيل في حارس أمن كان (بيكرش) أحد اقرباء المرضى دفعا من الباب
    و بيقول ليهو : يا زول ماشي وين؟ هنا بخش العيان و الزول الشايل قروش، انت عندك قروش؟
    بالله خارجنا كدا ولا كدا!
    فتخارجنا و خالتي تتوكأ علي و تهش بي علامات الاستفهام و التعجب المهومة فوق رأسي.
    ------
    دولة المرابطين النشأة و الازدهار
                   |Articles |News |مقالات |بيانات

16-02-2012, 09:47 PM

Kostawi
<aKostawi
تاريخ التسجيل: 04-02-2002
مجموع المشاركات: 37335

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

                   |Articles |News |مقالات |بيانات

17-02-2012, 09:54 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: Kostawi)

    Quote: ياخي مافيش حد قرأ في الأهلية أم درمان عاطل عن الموهبة

    عزيزي ميرغني،
    وددت لو كانت ثمة قائمة بمشاهير المدرسة الأهلية الثانوية العامة ، حينها
    ستجد أن الكثيرين ممن أثروا وأثَّروا في حياة السودان كانوا من خريجيها وهي
    مع (الأميرية) و(بيت المال) تشكل الضلع الثالث لأشهر المدارس الثانوية العامة بأمدرمان
    إلا أن الأهلية - ودون انحياز مكشوف - كانت منجم الموهوبين من الأمدرمانيين
    في كل حقل ، كانوا ب (يجضِّموا) الكورة والمسرح والشعر والقرايه والغنا زي الماحصل
    شي قبل أن تدخل إلى قواميسنا الدولارات وكيبس وريبس وسان فرانسيس وسان سواها ،
    الأهلية تتميز أيضا على رصيفاتها بالموقع الخطير والمساحة والسماحة ..
    حي السور وسجنوني داخل قصور قالوا عيان يلاك نزور..
    يا سلام على الأهلية جارة الأزهري وعبدالله خليل والمدرسة الهندية.
    ميري موهابتي ياخ..
    ..
                   |Articles |News |مقالات |بيانات

17-02-2012, 01:25 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: لعناية الأخت أسماء..

    ممكونه سلامات،
    كثيرا ما نلقي باللائمة - كما هي العادة - على المدربين وطاقم التحكيم
    في حالات الفشل الرياضي الذي ظل يلازمنا منذ سبعينيات القرن المنصرم ،
    قبل سنوات قليلة ، وبعد هزيمة ماحقة تلقاها الهلال من مازيمبي في زريبة العيش،
    كتب أحد الهلالاب على سيارة أمجاد الحكم فاشل ولم يكتب (التحكيم) وحيث أن
    صاجب الأمجاد لم يشكِّل كلمة (الحكم) فقد تم اعتقاله رغم أن فشل اللنغاز
    لايحتاج تشكيلا، كما كان الحال في طرفة من وزع منشورا (فاضي) أيام نميري ..

    تمنيت لو أنك التقطت صورة سائق الركشة الكاتب (نفسي أقطع الكوبري) أو الذي
    كتب ( الرسول بِتجونا؟)..



    IMG00535-20111119-1742.jpg Hosting at Sudaneseonline.com


    يا سايق ركشة توابل روحي معاك إتلطفيبا

    -
                   |Articles |News |مقالات |بيانات

17-02-2012, 10:03 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: ولا تبتئس يا صديق أمانينا لك
    بعطله مفرحه بالأهل ودافعه لتوثيق غرائب الأحوال والمواقف
    والحارات


    المنصور مفتاح الأدب سلام،
    نعم ، رغم شقائي سعدت بأيامي هناك، ووثقت بعض غرائب الأحوال،
    أليس من (غرائب الأحوال) المشهد التالي:
    وأنت قادم من كوبري أمدرمان الخرطوم الجديد متجها شرقا إلى الخرطوم تمر بسيارات شرطة
    توجه مدافعها ناحية الغرب – ربما تحسبا لغزوة القونقليز هذه المرة ، 22 سنه والمظاهر
    المسلحة لاتفارق العاصمة ، ثم تمر من ناحية اليمين على منحنى يؤدي إلى نفق (بمعنى هلك)
    وتواصل مسيرك في (هاي واي) فترتقي الجسر الحائز على أوسكار القبح في أفريقيا ( فلاي أوفر
    جوار استاد الخرطوم ) ثم فجأة يدخل الهاي واي في سوق ميدان جاكسون فتجد النساء يعزين
    بعضهن وآخر يعرض عليك قنينة ماء وكلينكس وآخر يبيع الموز في (درداقة) وجواره بائع يدردق
    البرتقال في حنانك صائحا: بعض الرحيق أنا والكتاحة أنت ، وعلى اليمين واليسار والخلف
    والأمام بشر في حالة ذهول يعبرون بين جانبي الطريق وأبواق الحافلات وصيحات الباعة الجائلين
    وصافرة شرطي مرور بقميص أبيض أزرق أصفر زي شفق المغارب.
    عموما ، لا أستغرب هذا المنظر في بلد لم ينعم الله على مسئوليه بأدنى درجات الذوق فأصبحوا
    لايفرقون بين ما يجب أن يكون في طريق سريع وما يمكن أن يتموضع في الأسواق الشعبية ،
    الحكومة انتهزت وجود الموقف القبيح وأقامت دكاكينا ونيسانا وأكشاكا وآذارا وكوشات وآيارا
    على جانبي الطريق كي تحصل على الملايين كإيجار من كل دكان فرسمت أقبح منظر يمكن أن يمر
    بمقلتي بشر.
    الغريبه المسئولين ديل بيسافروا كتير وشافوا كتير – بالذات كوالالامبور حيث يمتلك كل منهم عددا
    من اللامبورات هناك كما سمعنا وشفنا وضقنا شقاك يا أيام- لكن رغم ذلك لم يفتح الله عليهم بنقل
    القليل مما رأوا.. هم بينقلوا ، لكن في إتجاه واحد ،
    يا منصور بس نقول الله يرحم الطيب صالح..

    DSC04342.JPG Hosting at Sudaneseonline.com


    أندريه برايتون وسورياليه بالملوخيه
                   |Articles |News |مقالات |بيانات

19-02-2012, 07:32 PM

rummana
<arummana
تاريخ التسجيل: 04-02-2002
مجموع المشاركات: 3537

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    أعيشها معاك
    لو تعرف دموع البهجة والافراح
    أعيشها معاك
    وأتأسف على الماضي اللي ولي وراح
    على الفرقة الزمانها طويل
    على الصبر اللي عشناه
    مع طول الألم والليل..
    زمان كنا بنشيل الود وندي الود
    وفي عينينا كان يكبر حنانا زاد وفات الحد
    زمان ما عشنا في غربة ولا قاسينا نتوحد
    وهسع رحنا نتوجع
    نعيش بالحسرة نتأسف على الماضي اللي ما برجع
    ....
    وهكذا ترجل الفارس وتداعى الهرم
    الذي أنشد للوطن فألهب المشاعر
    وغنى لعزة فهيج الشجون
    وغرد للحب فسكن الوجدان

    رحم الله العبقري الذي أطربنا واشجانا وأفرحنا وأبكانا .. واجتمع السودان على حبه نوبة وعربانا
    ولا أبكي عليه اليوم فما زرعه في القلوب رصيد ألف عام من الفرح الغامر
    وما أسعدني أن حضرت حلفه الأخير ليلة رأس السنة ولو من خلال شاشة التلفزيون
    وانتشيت وانتشيت وانتشيت حتى غرقت في النشوة
    حتى أني كتبت "للبذورة" رسائل في الفجرية أتحسر على عدم حضورهم الحفل معي..!
    اللهم أرحمه رحمة حدها كرمك وأغفر له واسكنه الجنة
    أعتذر يا مولانا.. أعرف أن موضوع البوست مختلف لكني وجدت الصفحة الأولى كلها متسربلة بالحزن على وردينا فاخترت الاحتماء بهذا البوست
    تحياتي لك ولزوار البوست
                   |Articles |News |مقالات |بيانات

19-02-2012, 10:00 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    طراوه الليله الغرام حرَّك علي دولابو،

    كيفك صاحبي المتمم كيفي،
    إحمد الله إنو بيتكم وبعض الجيران وعلايل ابروف ما زالوا عايشين وبنصف خير على خلفية
    النفس الطالع ونازل ( ممكن تقول بنص مكنه) لا أدري ماذا دهى فتيح والخور إلا أن
    المزالق كثرت كمصائبنا التي أصبحت كالهايدرا وبلاوينا اللبلابية الجينات..
    سوق الشجره؟ تعيش إنت..تتذكر الحيشان الأبوابا - زي بيت الأمير نقدالله - ما كان بتنقفل؟
    هسه ما بتنفتح.. كلو كلو .. طلعنا كلنا وخليناها نلتمس الصيد الثمين وعدنا بعد رحيل
    العمر دون صيد أو وطن وقلنا أننا ظللنا على طهرنا ، بس زي سانتياغو العجوز بتاع البحر
    في رواية هيمنجواي ، بعد صيام طويل يظفر بصيد العمر الذي أكلته أسماك القرش في
    الطريق إلى الشاطئ حينها زعم - برضا كذوب - أنه عِوضا عن السمكة الضخمة عاد بالمجد ،
    يلا .. خليهو يتعشى مجد ، قال جئنا بالمجد .. يا ود يا قلوري يا خطير ، رضينا من
    الغنيمة بالإياب كما قال الحريف مروان حامد الرشيد.. بس عند الإياب لم نجد الإياب
    عشان كدا ما عارف (رضينا) دي لزوما شنو !!

    الهادي الضلالي بخير بس إتزنق شويه ، الشوارع بقت ضيقه زي أفق الفرطوا في الأرض
    والمال والعرض ، ضيق زي أخلاق ناس كتار هناك رؤساء ومرؤوسين ، ضيق في كل شئ
    عدا الذمة ، الأهل يفشوا غبينتم في بعض وعينم في مزارع الغبينه ومخبز المآسي..
    ما عارف يظبطوا البوصلة والدركسون متين !! يمكن لامن يقرضوا chet .
    خلي بالك من محمد الفاتح ومن نفسك وهاتف نصرالدين ، بلاد اليانكي دي تفعل بنا
    ما فعل الحوت بذي النون ، الفرق يا أحمد إنو الحوت لفظ يونس وربنا أنبت ليهو
    يقطين ، إنتو ما بتنطرشوا وقرعنا ما نافع.
    كنت حاضرا بقوة وأنا أستمع لرمضان زايد في ( ليتني زهر) وبلغ سيل طربي الذبى و
    السبلوقه حين غنى يا بنات بحري قالوا بتحبو يلا حبونا..

    أبو الزفت ..
                   |Articles |News |مقالات |بيانات

20-02-2012, 03:29 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    ورد في قوقل - رضي القراء عنه - أن (الزُّبَى) جمع زُبْيَة ، وهي حُفْرة تُحْفَر للأسد
    إذا أرادوا صَيْده وأصلُها الرابية لا يَعْلُوها الماء فإذا بلغها السيلُ كان جارفا مُجْحفاً .
    والمثل يضرب لما جاوز الحد).
    هذا التصحيح للخطأ الإملائي في المداخلة أعلاه منقول لأني بكجن bakachin تعديل المشاركة الذي
    تصبح معه كباب السيارة المسمكر بطريقة غير حرفيه وشينه .
    الله يطراكم بالخير يا ناس كمال بنقز ومحمد بشير جباره وصلاح مرايه، كانت مصانع البينز في شتوجارت
    تغار من إتقانهم فنهم ، كان لامن يجيبوا ليهم سياره مصدومه بيعملوا ليها جلسات علاج نفسي
    وبعدين السمكره والبوهية.. هسه بعد السمكره باب العربيه تقول الشارع المسمى عبيد ختم، الذي
    قال عنه أبوصلاح :
    وبي "رُقَعَك" اليايات بالصدير لاعبين ...... من "الأمان" ما معاي ولا سته من ستين.

    شئ عجيب في نظامك..
                   |Articles |News |مقالات |بيانات

20-02-2012, 11:28 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    في الزمن الأخضر كان (الكوافير) يقوم بتصفيف شعر العروس وكانت تظهر بشكل جميل
    مع وزيراتها الولائيات منهن والإتحاديات واللائي يحرصن على التواجد بقربها لأجل الكاميرات وأشياء أخرى
    مبنية على مقولة (جاور السعيد تسعد) if any.
    كانت الأمور بسيطة وجميلة وبمكونات وخبرة محلية ، زي تدريب مازدا وجِبنة الدويم والجردقة
    والحرجل وما يتوفر في عطارة التيمان ، وكانت للمكونات المحلية نتائج حميدة بدون
    سايد إفكتس . محلات التجميل الآن تنتشر في كل حي وميت وكثير من لافتاتها تُصيب العصب البصري بالضمور ،
    قيل لي أن تلك المحلات عالية التكلفة وترهق العريس الذي يتبنى النهج الحاتمي في ساعات
    اللهفة والريد والعذاب . الإشكالية التي تتردد على ألسنة من يهمهم الأمر تتركز في أن النتائج
    في معظم الأحوال سالبة وعكسية، مواد كيماوية ضارة بالكلى والجلد وعناصر أخرى مسرطنة ،
    معظم العاملين والعاملات في هذا المجال لم يتخصصوا في مجال التجميل باعتباره فنا قائما بذاته ،
    بعض عمال البناء دخلوا هذه المهنة في ظل كساد أعمال التشييد والمقاولات ، وكثيرات ممن لهن معرفة
    بالطبخ إتجهن لذلك الحقل ويتبدى ذلك جليا في أن الزبونه بعد قضاء ساعات طوال في بعض محلات التجميل
    تتحور إلى (فِجلة) ، ومع الحنة تبقى حالتا تحنن .

    بصراحة لا أدري الأسس التي يتم بموجبها الترخيص لتلك المحال التي يبيع معظمها الوهم والألم والتشويه
    الإنقلابي لجمال بناتنا السودانيات خاصة العرائس والما مصدقني يشوف القناة التلفزيونية البتجيب
    لقطات من الأعراس .. سترى بعض الوجوه تعتبر الماتروشكا بالنسبه ليها قمر 14 بذاتا ..

    -
    واحد قريبنا تعاقد مع مقاول لبناء منزله وبعد شهور لاحظ وجود عيوب جوهرية في البناء فاصطحب مهندسا
    معماريا لزيارة الموقع حيث التقيا المقاول في الموقع ، ولاحظ قريبنا ما يشي بمعرفة بين المهندس
    والمقاول من (شكل) السلام ، بعدها همس المهندس في أذن قريبنا :
    - ياخ إنت متأكد دا المقاول بتاعك؟
    - نعم، ليه؟
    - ياخ الزول دا كان شغال كوفير جمب السوق الجديد ..
    وأردف ، عموما ما تخاف ، حايطلِّع ليك بيتك آخر تسريحه..


    sudansudansudansudansudan229.jpg Hosting at Sudaneseonline.com


    (تجميل العاصمة)
                   |Articles |News |مقالات |بيانات

20-02-2012, 09:51 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: بقية الصور فلقد سببت ضيقا وحزنا عميقا للتدهور والذى اشعر بأن الناس فى السودان لاتحس به

    ياترى اين الدولة من كل ذلك اليس هناك من يحرك ساكنا بموضوع النظافة وتهيئة الشارع بشكل حضارى

    على الاقل يكون تطبيقا للمشروع الحضارى


    شيخي العارف بالله الرشيد شلال،
    الناس في السودان حاسين بالتدهور بس ما زي الناس البره، أما سؤالك أين الدوله فالرد عليه
    متوفر في الصور، وما خفي كان أفدح، يا رشيد في السودان أي شئ ممكن وأي شئ مستحيل وما تسألني ،
    إنه مسرح العبث بكل ما يعني ذلك من استحالة فهم المضمون وغياب الحوار وغربة الممثلين نتيجة
    آلام فادحة وفواجع أبولستك ، فالناظر إلى كل هذا لايقفز إلى ذهنه سوى مسرحية بيكيت الأشهر
    Waiting for Godot والجميع في لغط دائري مشروخ من أبيي إلى حلفا ، بِجي ؟ مالو ما جا ،
    ما قال بجي وهكذا.. البلد طلعنا منها وفيها حركة واحده وعندها صينية ، هسه الناس كلها بقت
    بتاعت حركات ، كنا بنشوف غسل الهدوم وغسل العِدة ، هسه أضافوا ليها غسيل الكلى وغسيل الأموال
    وغسيل المخ بتايد وكلوركس ماركة هي لله .

    عموما يا مولاي أرقد لي بالخيره لأني كفرت بقارئات الفناجين والبخت ، بس كان شفتني الطير
    يأكل من رأسي أعمل نايم.. ولو لقيت كتابي فيهو دهنسه أو جغمسه جيب جماعة يومتا اكتبوا لي
    حجاب من الخربنا خراب..
    مشروع حضاري ؟.. بالله .. لا مشروع سندس..
    دا علينا نحن؟
    جمهورية ثانية؟
    هو عمرنا دا أردب سمسم؟

    لا ياخ..


    والله يا مولاي حقو أهدي ليك أغنية يا روحي هاجري وفتِّشي ..

    كدا لوجه الله ..
                   |Articles |News |مقالات |بيانات

20-02-2012, 10:35 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)
                   |Articles |News |مقالات |بيانات

21-02-2012, 07:01 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    Quote: مولانا سلامات
    الجرسة شنو!!؟

    rummana
    تعلمين أن حديثي لأخي ميرغني كان مزحا لكن سقوط رموز كانت في السماك الأعلى كان فاجعا،
    رغم أننا مررنا كثيرا بإشارات من عيار الفيتوري (الغافل من ظن الأشياء هي الأشياء)
    ولافتات حِكَم عربية - بوهية شركة- ك ( سوء الظن من حسن الفطن) وحلفنا ونذرنا ، لكن الثابت كان بيت مظفر:
    كلنا قد تاب يوما ثم ألفى نفسه قد تاب عما تاب..
    نسوي شنو!!
    الحمد لله على كل حال..
                   |Articles |News |مقالات |بيانات

21-02-2012, 01:08 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    خداري ما بخليييييي أنا وين يا اللصفر لونو قرعي.
    تمر بعمارات مطلية بلون أخضر في جانب وفي الجانب الآخر أصفر وفي الثالث الموج الأزرق
    في عيني يناديني نحو الأعمق ولوهلة تحس أنك أمام تكعيبية مخلوطة بالصودا أو كولاج بالباميا
    المفروكه والكِسره . ربما اعتقد صاحب البناء – وفقا لسغافته - أنه يبعث الحبور والبهجة
    في نفوس الناظرين ، لكن دا كلللللو كوم والكوم والعمارات الحمرا والبرتقالية كوم تاني ،
    أنا لا أتحدث عن فريغ المريخ والقلعة الحمراء بل عن بنايات في أكبر شوارع الخرطوم
    باللون اللحمر واللصفر والبرتقالي والخوف يا غالي تقشِّر طوالي.. نعم ، مازال هناك من يعتقد
    أن العجوه المعطونه في عسل هي سقف الطعم الحلو لامِن صوتك يروح.
    ما لا أشك فيه أنك لو جيت ماري بهناك في صيف يونيو الساعه 12 ظهرا ستتصل بالدفاع المدني
    وتطلب فرقة مطافي ، الشارع كلو ملهلب حتى لو ارتديت نظارة شمس لا ملجأ من الشرر في القرنية
    تووووش أما الدخاخين فممكن تجيبا براك.

    من البدهيات أن كل زول بمزاجو ورؤيته للأشياء النابعة من ثقافته والحرية مبدأ وو وكلام المسغفين
    داك إلخ .. لكن ذلك يجب أن ينحصر في داخل بيتك أو مكتبك ، من ثم بمجرد ما الحاجات تطلع للشارع
    وتؤذي العامة هنا يتدخل القانون ،عشان كدا في بعض الدول لايسمح لمن يشيد بناءا أن يختار ما يراه
    مناسبا من لون الطلاء الخارجي حفاظا على التجانس العام والنأي بالمدينة أن تصبح سوق خدار كبير يتوفر
    فيه الفلفل اللخدر والباذنجان والطماطم والشمار ، سلطات البلدية في الدول المحترمة لها تشريعات صارمة
    في هذا الإتجاه حفاظا على الذوق العام وعيون دافع الضرائب من إنفصال الشبكية.



    والضد بالضد يبين



    شارع رئيس في مسقط - المسألة ليست إمكانيات ، بل ذوق وقوانين ولوائح تنفذ بصرامة
                   |Articles |News |مقالات |بيانات

21-02-2012, 02:21 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31156

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    أخونا سعدالدين بعملوها كدا ياخ

    تحياتي


                   |Articles |News |مقالات |بيانات

21-02-2012, 03:10 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: ABUHUSSEIN)

    أبوالحسين سلامات ياخ
    شكرا على الدعم التقني، حركاتكم دي صعبة بالايباد ياخ،
    حتى اسأل مولانا ده بالله :)

    تسلم
                   |Articles |News |مقالات |بيانات

21-02-2012, 08:06 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    Quote: وهكذا ترجل الفارس وتداعى الهرم
    الذي أنشد للوطن فألهب المشاعر
    وغنى لعزة فهيج الشجون
    وغرد للحب فسكن الوجدان

    رحم الله العبقري الذي أطربنا واشجانا وأفرحنا وأبكانا .. واجتمع السودان على حبه نوبة وعربانا
    ولا أبكي عليه اليوم فما زرعه في القلوب رصيد ألف عام من الفرح الغامر
    وما أسعدني أن حضرت حلفه الأخير ليلة رأس السنة ولو من خلال شاشة التلفزيون
    وانتشيت وانتشيت وانتشيت حتى غرقت في النشوة
    حتى أني كتبت "للبذورة" رسائل في الفجرية أتحسر على عدم حضورهم الحفل معي..!
    اللهم أرحمه رحمة حدها كرمك وأغفر له واسكنه الجنة
    أعتذر يا مولانا.. أعرف أن موضوع البوست مختلف لكني وجدت الصفحة الأولى كلها متسربلة بالحزن
    على وردينا فاخترت الاحتماء بهذا البوست
    تحياتي لك ولزوار البوست


    يا رمانه،

    لم أكتب قط عن وردي وليس في خاطري أنه رحل ومتعت روحي ب (خلِّي من حضنك ضراايا) هذا المساء،
    أول مطرب إستمعت له كان وردي وأول أغنيتين لامستا أذني كانتا( لوبهمسه) و (خاف من الله)
    والسبب في ذلك حب والدي - أطال الله عمره - وانحيازه الظاهر لوردي.
    وردي قااااعد معانا.

    أشكرك أنك هنا ويشرف هذا المساحة أن تكون ملجأ ويسعدني أن تُحَس هكذا.
    لا ضرورة للإعتذار بمقولة أن ( موضوع البوست مختلف) ، على العكس ، إنعتاق روح
    وردي من إسار جسده لآفاق أرحب وما تبعه من حزن تسونامي الأثر ضرب الكثيرين
    ومواراة عملاق الثرى يمثل صورة حديثة من عاصمة أصبحت في الآونة الأخيرة مرتعا
    للفجيعة تعربد فيها جيوش الوجل ما شاءت وتعسكر في طرقاتها ألوية الأحزان
    فيتوهط فينا حداد مستدام ..

    لك ود معروف.
                   |Articles |News |مقالات |بيانات

22-02-2012, 06:33 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    نمستي يا كريشنا ( يمكنك الإستغناء عن "ياء" كريشنا)

    ني هاو يا زهاو زيانج

    حتما ستتغير لغة الدعايات بعد تبخر النفط الجاب رام و ماو..

    لأول مره أعرف معنى (طَلَّعتوا زيتنا) ..

    يمكنك إضافة ( وقطعتوا خيطنا) ..

    يلا بعد دا كلموا العالم زي حبوبه.



    حارم وصلي مالك ؟
                   |Articles |News |مقالات |بيانات

22-02-2012, 06:55 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)


    تعبان أنا يا مولانا ياخي
    والله تعبان
    راحت مني دروب وكلام
    رغم كمية الكلام الإتقال لكن دي ياها البفتش ليها
    واتوكأ عليها باقي العمر :
    Quote: وليس في خاطري أنه رحل
                   |Articles |News |مقالات |بيانات

22-02-2012, 01:59 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: عمران حسن صالح)

    -
    29838_392624012116_586982116_4611318_4837834_n.jpg Hosting at Sudaneseonline.com

    مبالغه يا كوستاوي،
    دا (قلاَّب) ترابي ؟
    وبالمره كدا يا نصر قول لي ، الحرفين ديل يكون قاصد بيهم شنو؟
    أو منو؟
                   |Articles |News |مقالات |بيانات

23-02-2012, 04:59 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    يا سعدالدين،
    فيديو أم ضفاير وأم براقع ذكرني بأيام الشباب،
    كان يغمرنا شعور بأننا ممكن ننضف البلد بكنس الشوارع والمفسدين
    نفتح المجاري مع العصاري ورقشة الورد البراري
    نبدأ وننفذ ويومين تلاته وتبدا الأعذار في الطفو متبوعة بالتصنيف السياسي..
    شوف تاريخ إنزال الفيديو ثم اسأل :
    أين هن الآن..
    لاشك في زمرة المحبَطين ينشدن أبيات ود الرضي:

    لامني فيك الوالي واللي ما بيسوى وكل من يأوى لي
    لست أعبأ بزخرف الأقوال برضي في التبريح والبُكا المتوالي
                   |Articles |News |مقالات |بيانات

23-02-2012, 08:09 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    مشكلة تانية في الايباد يا مولانا و ابا الحسين، اني ما قدرت افتح الفيديو في صفحة اليوتيوب
    حيث يمكن مطالعة معلومات الفيديو و تاريخه، ربما المشكلة في تعاملي مع الايباد..
    المهم لم ار هذا الفيديو الا من (شباكهن) الأخضر، اخبرني احدهم انهن بنات المجلس البريطاني
    و لا علم لي متى قمن بهذه الحملة تحديدا، اذ أنني ابحث عن أمل، غريق يبحث عن قشة يا خلة
    فا شنو ؟ خليكم حلوين و امنحوني سرابا، طيفا عابرا ، جلابية بيضاء اي حاجة!
    منذ وصولي و أنا اطالع (مركز نفايات) قبالة بيتنا (قطع الشارع) و بين بيتي اقربائي الاثنين
    حتى ظننتُ أنها (كوشة متعارف عليها) تزورها عربة النفايات، فألقيت فيها ذات يوم حمولتين
    و لم يخالجني ادنى شك أنهما ينتميان لتلك البقعة، حتى حضرت حوارا لأحد اقربائي هؤلاء
    يشكو : ياخ أنا قلت للبت دي ما تكب ######هم هنا، قالت لي بكب ، بقت علي أنا؟ الناس
    كلهم بيكبوا، قلت ليها يكبك لوري يا بت! كان شفتك تاني بكبك انتي زاتك معاهو!
    الواحد يقعد يوصف بيتو بالشارع الفيهو الكوشة؟!
    فما كان مني و قريبي الآخر الا أن اتفقنا على ازالة ذلك الأذى في اليوم التالي،
    و قد كانت حملة ثنائية فقط لم يكن ثالثنا فيها الا خالق الخلق،
    و كلمات التشجيع : الله يعين! الله يديكم العافية ، ما شاء الله يا شباب!
    بعد يوم طويل قضينا على ذلك القبح و نحن نتفاكر في كيف نحافظ على مكتسبنا و جهدنا هذا،
    قريبي : ياخ والله بكرة تلقى ليك كم كيس أسود لمن تتكيف !
    : يا عمك بعد ننتهي.. القصة دي لازم نراقبها، اي زول يجيب كيس نمشي نشتتوا ليهو قدام بابو!
    خاتمة:
    نظفنا المكب و فرشناهو رملة حمراء و راقبه قريبي فلم يأت كيس أسود أو أصفر حتى هذه اللحظة!
    خاتمة ثانية:
    وجدت بالأمس أحد شتلاتنا بالشارع مقطوعة من منتصفها، حيث ازال الفاعل الجزء الذي فيه الاوراق الخضراء،
    ضاع الأمل و احترت في خوفي الدفين!
     
                   |Articles |News |مقالات |بيانات

24-02-2012, 10:10 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    رغم أن المشروع الحضاري فشل في الشارع والبيت والمسرح كما تغنى أبوعركي
    إلا أن من إيجابياته فشله في كبح (النخجي) والتعبير عنه بمختلف الوسائل.


    DSC04737.JPG Hosting at Sudaneseonline.com

    صدقت يا أخا العرب ، وأيم الله إنها لخسارة تضاهي خسارة الإثنين الأسود في وول ستريت.

    -
                   |Articles |News |مقالات |بيانات

24-02-2012, 01:47 PM

mustafa bashar

تاريخ التسجيل: 16-10-2007
مجموع المشاركات: 1029

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    خسارة ريد!!
                   |Articles |News |مقالات |بيانات

24-02-2012, 08:59 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: mustafa bashar)

    Quote: الواحد يقعد يوصف بيتو بالشارع الفيهو الكوشة؟!

    بطريقتك دي يا سعد حاتوصف بيوت الشعب السوداني كلو..
    Quote: وجدت بالأمس أحد شتلاتنا بالشارع مقطوعة من منتصفها، حيث ازال الفاعل الجزء الذي فيه الاوراق الخضراء،
    ضاع الأمل و احترت في خوفي الدفين!

    الفاعل يا سعد قطع شك غنمايه ..
    و تفاديا لغضبة الجندر ، برضو ممكن يكون تيس..
    غنم وتيوس الزمن دا يا سعد بياكلو أي حاجه ،
    صديقنا اللمين المبارك مره قال لي في ذات رمضان أجَّلوا الأكل إلى ما بعد صلاة المغرب
    وأثناء الصلاة جاءت غنمايه وأزالت (الطبق) ولم تستثن حتى البيض ..

    ياخ ديل خطرين..
                   |Articles |News |مقالات |بيانات

24-02-2012, 09:27 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    قلبك طيب يا مولانا..
    غنماية؟
    هو فضل لينا فيها غنم؟ اللهم الا ما نراه بالقرب من النيل
    و بعض بهائم مضروب عليها سياج ( ذلك الدرابزين الاضافي بالشارع)
    لم ار يا مولانا مذ جئت، غنماية أو تيس و لا بايو و لا هِترو زاتو حايمة في شوارع الحلة،
    سمعت تحت تحت قالوا بقن شخصيات هامة VIP و خُطِفن من الشارع بسيارات هوندا و لانسر و كوريلات،
    عربات صالون يا مولانا، تطرف في الشارع و ترفع هذه الشخصيات الى زرائب مجهولة
    و يتصرفوا فيها بيعا أو قعدات، المهم damage was done
    And your goat is gone
    Forever ever
    لهذا السبب لم نسّيج الشتلات بناءا عنى ما جمعناه من ملاحظات حول اختفاء هذه الشخصيات البارزة،
    لهذا عندما اقترح علي أحد الاصحاب فكرة التسييج هذه، اخبرته بأننا كنا زمان بنسيج من الغنم،
    هسة نسييج من البشر؟ اتاريهن غنم زمان ديل كانن راقيات خلاص ، مش VIP؟
                   |Articles |News |مقالات |بيانات

24-02-2012, 11:04 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    قصص الغنم والتيوس كتيره يا أبو السعود ،
    في أحد أيام الطلب كنا في زيارة صديق لنا يسكن أحد أحياء بحري العريقة ،
    ( كان معنا عضو المنبر د. محمد حسن ) وكان منزل صديقنا غير بعيد عن أحد الأحياء
    التي اشتهرت بصناعة المشروبات الملهِمة والتي كانت مخلفاتها ك (المُشُك) تُلقى في كوشه كبيره ،
    و(المشك) لمن لايعرفه من أعضاء التويتر هو ال Residual of Mareesa processing ، وكان بيت
    صديقنا يستضيف قطيعا لا بأس به من الأغنام برئاسة ظاهرية لتيس واحد، المهم إنو صديقنا حكى
    بأن القطيع كان يعود يوميا في تمام الساعة الثامنة مساء بعد أن يكون قد التهم ما يكفي من
    مخلفات سوق الخدار المجاور وربما بعض أكياس النايلون مما أثر في طعم اللبن بحيث أصبحت الجُمادة
    عصية على القطع فغيروا إتجاه المرعى نحو حي كوشة المشك ، وفي أول ايام تغيير ال route الذي صادف
    اليوم السابق لزيارتنا ، هبرت الأغنام كوشة المشك فتأخرت في العودة حتى وصلت الساعة العاشرة ليلا
    وعند وصولها باب المنزل بعد لأي كانت تنظر إلى الباب ثم تتراجع للخلف ثم تتقدم وتشاور بعضها وخطوه اتنين
    مستحيل وهكذا ، المهم في النهاية إتوكلوا ودخلوا وعندما علم والد صديقنا، وهو إمام مسجد الحي،
    بالقصة قرر في اليوم التالي بيع كل القطيع ، فسألت صديقنا عن السبب فقال لي أبوي شرب اللبن بالليل صلاة
    الصبح فاتتو وكاد أن يقيم على الغنمايات وتيسهن الحد.

    والله يا سعد، نبهتني لحقيقة أني لأول مره افتقدت الغنم المطلوقه في شوارع العاصمة،
    بالله أصبحن مهددات بالخطف؟

    في أحد أحياء أمدرمان كان أحد العزابه العاطلين المدمنين للكحول يترك الباب مواربا وما أن تدخل
    غنمايه أو عتود وإلا انتهى مصيره إلى حلَه كاربه في دقائق معدودة ، إحدى عجوزات الحي كانت تتابع
    غنمايتها من بعيد ولما دخلت مثلث برمودا (منزل صاحبنا) أسرعت خلفها ووجدت صاحبنا يضع السكين على
    رقبة الغنماية فصاحت به : دا شنو يا (....) داير تقيِّل بغنمايتي؟ فأجابها : أبدن ، بس كنت بهدِّدا ساي.

    يا حليلم.
                   |Articles |News |مقالات |بيانات

25-02-2012, 08:36 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: ( ذلك الدرابزين الاضافي بالشارع)

    عااااادي ..
    الصوره أدناه ( لم ألتقطها وهي مبذولة في الشبكه العنكبوتية) تؤكد مقولتك يا سعد،
    يكون عندك بيت مساحته 500 متر مربع تقوم تعمل شبه مصطبه وبعد شهرين تزرع فيها أشجار حِنه
    أثناء إستماعك لأغنية (شايلين المحنَّه) وتهديها للوالي وناس همَّنا نبني جنه ، وماهي
    إلا أيام وتجيب السيخ والهندوس وتقوم بتسوير المصطبه الشعبيه كإعلان للكافه أنك تحوز
    الأرض بوضع الغنم وهو مبدأ قانوني سوداني محض لا علاقة له بال Reclamation حتى لو كنت
    تجاور المجلس البلدي جدا أو وزارة الأراضي ، على أية حال يمكنك زيادة مساحة بيتك
    حتى 50% مِلِح ساكت لا رسوم لا فرق تحسين لا ضرائب ولا صداع الشئون الهندسية ، أما إذا كنت
    من المقربين فروح وريحان وشارع ظلط خاص يصل من الشارع الرئيس وحتى غرفة نومك الماليزية
    أو الإيطاليه ، حسب اليورو أو العمله المتوفره في البيت ، وكمان شارع ظلط لمنزل أهل الزوجة
    الثالثة عشان ما يغنوا ليك يا الحرموني منك ، وكي لايتسخ اللاندي كروزر بمياه الأمطار في رحلاته
    المكوكية بين بيت المسؤول والحنَّانه وبيت أهلها ،

    أريتو نسيب السرور


    190054158.jpg Hosting at Sudaneseonline.com


    ما تشتغل بالعمود دا كتير
    إنت لي ميل وانا ليك اميل عشان نميل سوا في الغسيل
    حب 1000 فولت
                   |Articles |News |مقالات |بيانات

25-02-2012, 12:55 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote:
    قصص الغنم والتيوس كتيره يا أبو السعود ،
    في أحد أيام الطلب كنا في زيارة صديق لنا يسكن أحد أحياء بحري العريقة ،
    ( كان معنا عضو المنبر د. محمد حسن ) وكان منزل صديقنا غير بعيد عن أحد الأحياء
    التي اشتهرت بصناعة المشروبات الملهِمة والتي كانت مخلفاتها ك (المُشُك) تُلقى في كوشه كبيره ،
    و(المشك) لمن لايعرفه من أعضاء التويتر هو ال Residual of Mareesa processing ، وكان بيت
    صديقنا يستضيف قطيعا لا بأس به من الأغنام برئاسة ظاهرية لتيس واحد، المهم إنو صديقنا حكى
    بأن القطيع كان يعود يوميا في تمام الساعة الثامنة مساء بعد أن يكون قد التهم ما يكفي من
    مخلفات سوق الخدار المجاور وربما بعض أكياس النايلون مما أثر في طعم اللبن بحيث أصبحت الجُمادة
    عصية على القطع فغيروا إتجاه المرعى نحو حي كوشة المشك ، وفي أول ايام تغيير ال route الذي صادف
    اليوم السابق لزيارتنا ، هبرت الأغنام كوشة المشك فتأخرت في العودة حتى وصلت الساعة العاشرة ليلا
    وعند وصولها باب المنزل بعد لأي كانت تنظر إلى الباب ثم تتراجع للخلف ثم تتقدم وتشاور بعضها وخطوه اتنين
    مستحيل وهكذا ، المهم في النهاية إتوكلوا ودخلوا وعندما علم والد صديقنا، وهو إمام مسجد الحي،
    بالقصة قرر في اليوم التالي بيع كل القطيع ، فسألت صديقنا عن السبب فقال لي أبوي شرب اللبن بالليل صلاة
    الصبح فاتتو وكاد أن يقيم على الغنمايات وتيسهن الحد.


    انتزعت مني ابتسامة وسط هذا الحزن
                   |Articles |News |مقالات |بيانات

25-02-2012, 02:16 PM

tayseer alnworani
<atayseer alnworani
تاريخ التسجيل: 30-07-2007
مجموع المشاركات: 1500

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: Ahmed al Qurashi)

    عموما ، لا أستغرب هذا المنظر في بلد لم ينعم الله على مسئوليه بأدنى درجات الذوق فأصبحوا
    لايفرقون بين ما يجب أن يكون في طريق سريع وما يمكن أن يتموضع في الأسواق الشعبية ،
    الحكومة انتهزت وجود الموقف القبيح وأقامت دكاكينا ونيسانا وأكشاكا وآذارا وكوشات وآيارا
    على جانبي الطريق كي تحصل على الملايين كإيجار من كل دكان فرسمت أقبح منظر يمكن أن يمر
    بمقلتي بشر.
    الغريبه المسئولين ديل بيسافروا كتير وشافوا كتير – بالذات كوالالامبور حيث يمتلك كل منهم عددا
    من اللامبورات هناك كما سمعنا وشفنا وضقنا شقاك يا أيام- لكن رغم ذلك لم يفتح الله عليهم بنقل
    القليل مما رأوا.. هم بينقلوا ، لكن في إتجاه واحد ،
    يا منصور بس نقول الله يرحم الطيب صالح..


    أنت جميل يا خى تنتزع منا الفرح وسط الاحزان

    اتمنى دوما تكون بيناتنا

    يا ود المرتضى
                   |Articles |News |مقالات |بيانات

25-02-2012, 08:55 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: tayseer alnworani)

    Quote: بالله أصبحن مهددات بالخطف؟

    غايتو حسب ما شايف، قلة قليلة تجوس على شاطئ النيل الأبيض في مناطق متفرقة
    لكن كملوهن عديل من شوارع الحلال و الفرقان، و أنا هنا احكي عن الكلاكلة التي كان غرام اهلها
    في سعاية البهائم من اغنام و دجاج و حمام و صيد الاسماك و زراعة شاطئ النيل،
    و للامانة هناك من باع بهائمه، لكن ليس هذا هو السبب في اختفاء الاغنام من الشوارع بالتأكيد،
    يكونوا خشوا البرلمان و لا مجلس الوزراء ؟
    ياخ حتى الكلاب اضحت نادرة، بس موقفهم في دوري الانقراض حاليا أحسن من رصفائهم البهائم
    مرة مرة بظهروا في الشوارع بيعملوا حركة حركتين، مع انو بتحس بيهم قلبهم مقطوع و ما شادين حيلهم زي أول،
    زمان كان في شوارع ملغية عديل من GBS طفولتنا، شارع ناس عمك فلان و خالتك فلانة ..
    بيكونوا هسة أخوانا الآسيويين خففوا عنهم الضغط شوية.
    البركة في الحمام اللي بيشرح النفس و تحس بقلبك طاير معاهو :)
    عليك الله كوشة المشك دي بي وين؟
                   |Articles |News |مقالات |بيانات

26-02-2012, 05:59 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    Quote: تعبان أنا يا مولانا ياخي
    والله تعبان
    راحت مني دروب وكلام
    رغم كمية الكلام الإتقال لكن دي ياها البفتش ليها
    واتوكأ عليها باقي العمر :
    Quote:
    Quote: وليس في خاطري أنه رحل


    يا عمران ، كثر تقدمونا في الطريق لكنهم لم يرحلوا عنا..
    الفيديو الفريد الذي أتيت به يطول الحديث عنه وسأعود إليه لو حييت..
    أشكرك على الإختيار يا عمران
                   |Articles |News |مقالات |بيانات

26-02-2012, 09:16 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    Quote: ياخ حتى الكلاب اضحت نادرة،


    ياخ البترول - الكان - تسبب في تغيير مظاهر عدة في الشارع السوداني،
    عاش الرئيس هو جينتاو..
    لكن برضو يا سعد الحمير كِترت.. مش ملاحظ كده؟
    بس بعد حادثة ذبح الحمار وشحن اللحمه في عربه بيك أب أصاب الحمير
    جَزَع حقيقي وأصبحت تمشي بحذر حتى في رأد الضحى ،
    قالوا بعضها ركَّب مرايات جنب تفاديا للغدر من الخلف..
    تخيل تضرب أقاشي لحم حمير ..


    تاني المصافحة رفس ساااكت ..
                   |Articles |News |مقالات |بيانات

26-02-2012, 09:51 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    صاادفني الحبيب و بي رفسة سااالمتو،
    اليوم رأيت عجبا،
    في تلك الشوارع بين البلدية والجمهورية، مجموعة من الناس جاريين و هم يحاصرون
    أحد( الحيشان) يتبادلون المواقع و هم يتصايحون، جاء بيجاي، لا ما جاء
    و أحدهم يطوف بموتر، ظننت أنههم يفرضون حصارا على أحد الحيوانات!
    فإذا بي افاجأ بأنهم يطاردون (احدهم)
    المهم زولك غلّبهم غلبة شديدة خلاص
    و لما ُحصر و نحن نستفهم يا ربي الزول ده جنيتو شنو؟
    قبضوه داخل الحوش و بدأ احد المطارِدين في توجيه الصفعات و اللكمات
    لطريدهم هذا و نحن نصيح من السور بالخارج : يا زول لا! ما تضربوا!
    و ذاك يكيل له و يصرخ فيه : جاري مالك؟ بس وريني الخلاك تجري شنو؟
    قلنا ليهو: جاري من زي البتعملوا فوقو ده!
    و بعد أن اشبعه ضربا و الناس تصرخ من بره و الجوه يحجزوا
    فهمنا أن الرجل قدم مستند مشكوك في صحته( ربما كان مزورا)
    لا اعلم الجهة التي قدم اليها المستند لكنها كانت بداية سيئة لليوم دون شك!
    ----
    حسب جريدة حكايات عدد اليوم : ظهرت سلالات من البعوض(تقرّض) الناموسيات!
    تاني الناموسية الا بي سلك يا مولانا!
     
                   |Articles |News |مقالات |بيانات

27-02-2012, 10:39 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    تيسير،
    سماحة الزمن السمح،
    نعم يا غاليه، لا أدري كيف لايرون ما نرى ويحسون ما نحس،
    منذ التسعينيات ندفع رسوم وصول ومغادرة لو تم تجميعها لبنينا مطارا يضاهي مطار شيفول بتاع ناس خدر،
    لكن نسوي شنو؟ مطارنا ، غض النظر عن شكله ، هو المكان الذي لا يرغب أي سوداني دخوله ،
    مبنى يضخ في شرايينك إحساس بالغربة والمنفى والحزن المُصَفَّى وألم مغربل لأنك ستغادر السودان
    الجميل ولو إلى حين،
    في أثناء العطلة يصيبك الضيق والغضب وأحاسيس سالبة تجاه بعض البشر في الشارع والمكاتب وغيرها
    وتجاه حكومة حازت على شهادة الإيزو في الفشل المكَبرَت دون منافس وبرضو تعدنا بجمهورية تانيه على
    النسق الفرنسي حتى نصل الخامسة بديجولية عنوانها عذِّبني وتفنن، لكن عندما تصلين إلى صالة المغادرة
    بمطار الخرطوم تحسين بإنو قلبك إنقلع. تهربي من مودعيك لأنه كما قال محمود درويش أخشى المطارات التي
    يودعني فيها أحد وتلك التي لايستقبلني فيها أحد ، بطبعنا نكره هندسة الرحيل ، هذا إحساس طبيعي
    ينتاب كل سوداني ، فما يجري من بعض المقعمسين في السودان لا يمكن أن يجعل من مغادرتك البلد
    أمرا مستساغا بأي حال ، لأن السودان ليس حكومة عابرة بل هو كل ما يتقمصك من روح وما تملكين من
    تاريخ ووجدان وبرمجيات وجدان وتطبيقات تتجدد .
    صالة المغادرة ، رغم التحسن الذي طرأ عليها والطيبة البادية على كثير من العاملين فيها إلا أنها
    لاعلاقة لها بالعالمية ولا ننتظر غيرها في القريب العاجل لأن ما سمعته عن المطار المرتقب في العاصمة
    الوطنية محبط للغاية.
    قلت ليك محبط للغاية..
    (منيت نفسي آمالا يماطلني بها زماني ) حتى نوارى الثرى.

    DSC05584.JPG Hosting at Sudaneseonline.com


    ولا أتوق لحال لا تلائمها حالى ..... ولا منزل اللذات يلهينى
    ولست أرضى من الدنيا وإن عظمت إلا الذى بجميل الذكر يرضينى

                   |Articles |News |مقالات |بيانات

27-02-2012, 03:14 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    Quote: عليك الله كوشة المشك دي بي وين؟

    قويه ..
    في المسنجر..
                   |Articles |News |مقالات |بيانات

27-02-2012, 09:55 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: قبضوه داخل الحوش و بدأ احد المطارِدين في توجيه الصفعات و اللكمات
    لطريدهم هذا و نحن نصيح من السور بالخارج : يا زول لا! ما تضربوا!
    و ذاك يكيل له و يصرخ فيه : جاري مالك؟ بس وريني الخلاك تجري شنو؟

    تصدق يا سعد أثناء قراءتي كلامك أعلاه كنت أعتقد أنك تتحدث عن مغترب في داخل جهاز المغتربين؟
    هسه أنا منهك لكن سأروي لك لاحقا قصتي التي تتكرر كل عام عدة مرات في قلعة فرانكشتاين.
    أصبر لي..

    إنا لله وإنا إليه راجعون..



    لاحول ولا قوة إلا بالله.


    اللهم يا حنان يا منان يا مجيب الدعاء استجب لدعائي ..


    أنت وحدك تعلم طبيعة ونوع دعائي ورجائي..



    آمين ..
                   |Articles |News |مقالات |بيانات

28-02-2012, 00:02 AM

tayseer alnworani
<atayseer alnworani
تاريخ التسجيل: 30-07-2007
مجموع المشاركات: 1500

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    (منيت نفسي آمالا يماطلني بها زماني ) حتى نوارى الثرى


    ده زاتو الغنا ليه وردى
    خوفى منك
    لمتين تتنازع بلدنا الاحباطات

    ود المرتضى يا مصدر الحنين والمودة
    دمت بخير يا صديق الزمن لجميل
                   |Articles |News |مقالات |بيانات

28-02-2012, 01:25 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: tayseer alnworani)

    أها يا سعد،
    كنت أود الكتابة عن جهاز شئون السودانيين العاملين بالخارج، يعني جهازنا ، لكن غيرُت رأيي
    وراجعت نفسي وقلت ولو لمرة واحدة أقول الحق وأسير على منوال المغني الصاعد صاحب أغنية
    ( يا أب بطناً غريقه قول لي الحقيقه) ، ف قلت أقول الحقيقه سيما أن ثمة مودة غائبة مع عضو
    المنبر الذي يرأس الجهاز الحبيب اللي نحن كلنا بنحبو حد الوله ، فالحمد لله علاقتي بالجهاز
    رائعة ومثالية ، أزوره دوريا وربما ثلاث مرات في العام وفي كل مرة أجد كافة العاملين هناك
    في كابيناتهم والصف عادي منتظم ويمكنك بسهولة الحصول على إستمارة التأشيرة وبسهولة تحصل
    على مستخرج الكومبيوتر الخاص بالضريبة والزكاة وفي نفس الشباك تدفع الضرائب والزكاة وأشياء
    أخرى وتدفع رسوم التأشيرة ، وأيضا تقوم بذات الحركات ثلاثة مرات في نفس العام على سبيل التنفل
    ولتكحل مآقيك بموظفين وموظفات تعلو الإبتسامة وجوههم ، برضو مافي حاجه إسمها الجماعه ديل في
    صلاة الضهر أو التراويح أو الفطور أو الشبكه طاشه ، وما بتقيف أمام موظفه لمدة ساعه في الصف
    وعندما تصل عتباتها المقدسة تقول لك بكل بساطه : خلاص شطَّبنا ، بتاعت مطاعم سوق أمدرمان آخر
    الليل، أو ياخ دا شباك وكالات ( زي رويتر أو الأسوشييتدبرس).. ولن تجد ناس الواسطه بي جوَّه
    بيشتغلوا لآخرين حاجاتم وهم في بيوتهم أو في سوليتير وإنت رغم العواصف برضو واقف..

    جهاز شئون العاملين بالخارج يرعى شئوني كلها، فإذا أحرز إبني درجة فوق التسعينات من مدرسه
    أجنبية جد جد ما بيخصموا منو 10% عشا ن يخُش جامعته الوطنية البيدفع أبوهو ضرائب لتستمر
    كجامعة ، وإذا عايز أرض أشتريها بعملة الكفار وبسعر غريب وإذا عايز أسافر (تسني ) تأشيرتي
    لازم من مباني الجهاز الخمسه نجوم وليس من المطار النص نجمه كبقية السودانيين ، والجهاز زاتو
    بيمنحنا شرف دفع قروش للدولة الفتية وبالتالي المشاركه في تنمية البلاد مما جميعو كما هو
    وااااضح ، بلد المليون ميل مربع سابقا وسفر المسؤولين والمسؤولات بالفيرست كلاص لماليزيا
    وأصقاع الأرض لمهام الخير والتدرب تمهيدا للجمهورية الثانية وشراء السلاح لحمايتنا من الغزوات
    والحركات ، وشراء المركب الرئاسية الزينه بت اللزينا العايمه كالوزينه ويحفظك مولاك ..

    بالله يا سعد تتذكر صاج السمك وتنسى صاج البشر؟
                   |Articles |News |مقالات |بيانات

28-02-2012, 02:06 PM

طه داوود
<aطه داوود
تاريخ التسجيل: 29-04-2010
مجموع المشاركات: 317

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote:
    أحدث المشافي الخاصة .. رويال كير..
    لا أعرف تكلفة العلاج فيه لكن أتمنى أن يكون خصص أسرة مجانية
    للمحتاجين


    أمنية جميلـة،، بس المشكلة إنو المحتاجين بالملايين. حتى لو خصص كل الأسرة للمحتاجين ما حتكفي. خصوصا إنو تكلفة العلاج حتكون كبيرة، والجواب يكفيك عنوانه (رويــال كيــر).
                   |Articles |News |مقالات |بيانات

28-02-2012, 03:39 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: طه داوود)

    Quote: خوفى منك

    يا تيسيرنا ، الواحد بِقا ما عارف يخاف - بعد الله - من منو و(يخلِّي) منو.
                   |Articles |News |مقالات |بيانات

28-02-2012, 11:19 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: حسب جريدة حكايات عدد اليوم : ظهرت سلالات من البعوض(تقرّض) الناموسيات!
    تاني الناموسية الا بي سلك يا مولانا!


    زمان يا سعد قالوا أطوار الحشرة هي بيضه يرقه شرنقه حشره كامله ، أها بعوضنا أطواره
    زرديه كماشه مفك إبره شفطه بالهنا والشفا، ياخ بعوضنا دراكولا بالنسبه ليهو مضيفه جويه،
    عارف يا سعد، زي ما شايف في السودان بعد تعمل تغطيه للعزاءات وكم فاتحه لدرجة إنك تصل
    السرير آخر اليوم نجييييض تنهمد وتنوم ويديك مرفوعه للسماء من اثر الفاتحات ، فما بتحس
    بالقريص بتاع البعوض لكن المؤلم هو الطنين، طبعن العايشين هناك عندهم إتفاقية مع البعوض
    والطرفين بيتقاسموا السلطه والثروه لكن بمجرد ما يجي طرف تالت البعوض بيعمل بيهو حفله.

    ياخ المابجيب البعوض شنو؟ المواسير ساربه ، المياه راكده ، السايفونات ضاربه ، والزهور
    صاحيه وانت نايم وعمال الصحه والبلديه ديل آخر مره شفناهم في زمن بادي أبوشلوخ والككر
    والطاقيه أم قرينات، لازم بعوض مدرع زي دا يقرض الناموسيه والنملي زاتو..هسه مش في غنية
    بنات بيقولوا قرض الناس قرض آآآي ؟ دا ما الأنوفليس XXXL تيربو إنت قايل شنو ..

    صاحبك ملاسي جاني وقام البعوض من نوع كاتيوشا واستينغر إحتفل بيهو أونلاين وقال ليهو:
    يلا ، تأمل. .
                   |Articles |News |مقالات |بيانات

29-02-2012, 06:53 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote: أمنية جميلـة،، بس المشكلة إنو المحتاجين بالملايين. حتى لو خصص كل الأسرة للمحتاجين ما حتكفي.
    خصوصا إنو تكلفة العلاج حتكون كبيرة، والجواب يكفيك عنوانه (رويــال كيــر).

    يا طه مالو ياخ، إن شالله سرير واحد بس ، ياخ إن شالله كراع عنقريب، شئ لصالح
    البروليتاريا خير من لا شئ كما جاء في طوق النعامه. بعدين يا العزيز اللسبتاليه دي
    تحديدا فيها البركه لأنو افتتحا إمامنا شخصيا ومن ثم فمجرد دخولها يرد العافيه
    ولو شافا المرضان يطيب ، زادت جمال ونضار وطيب يا حبيب.
                   |Articles |News |مقالات |بيانات

29-02-2012, 09:00 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: محمد المرتضى حامد)

    Quote:
    قال ليهو:
    يلا ، تأمل. .

    هههههه، ياخ سلاح الطيران ده مش يدعو للتأمل!
    ده يفتح ابواب التفكر و المفاصلة و المحاصصة،
    بالذات في حالة (الحب) من طرف تالت!
    تكون قاعد مع الناس و هم في أمان الله ، لا يتحكحكون و لا يتبرمون
    و أنت شغال طاااااخ ، صرااااااج!
    يا أخوانا سلاح الجو ده ما شرفكم؟
    : ابدا والله!
    تحس أنك مستهدف من قوى الظلام و السحر الغامض!
    بقيت أستحي والله، و أنا اتلقى الغارات و لسان الحال
    و هل أنا الا من غزية إن غوت غويت وإن حكّت غزية كَرَشتُ!
    أكتب حاليا و أنا مستلقٍ تحت ظل نخيل بلادنا من أمامي و خلفي، جلسة ما منظور مثيلا،
    لا ينَغصها الا سيد الوردية (الضبان) و افتقادنا لعنكوليب عمنا شيقا و عدم رؤياكم الغالية،
    بعدين حمد و الديبة حرفاء شديد، يحاوروك جوة جلابيتك زاااتا!
    يقلعوا كورتك و يزلقوها ليك و يقيسوك و يدسوها منك لما تغني ظلموووه...
                   |Articles |News |مقالات |بيانات

01-03-2012, 10:28 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أحدث صور من شوارع العاصمة.. (Re: saadeldin abdelrahman)

    Quote: تكون قاعد مع الناس و هم في أمان الله ، لا يتحكحكون و لا يتبرمون
    و أنت شغال طاااااخ ، صرااااااج!

    صدقت ، ومش من البعوض بس بل من كل ما يستدعي التِحِكحِك والتَبَرُّم،
    قصه عجيبه مش؟
    لكن أنا متفائل يا سعد..
    متفائل بانقراض البعوض حتى بدون تبرُّم وحكحكه وانكراشه..
    على الأقل بسبب جفاف مصدر الغذاء الرئيسي ..

    العروق حِسَت تب..
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de