الحب في المنبر

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-11-2018, 03:18 AM الصفحة الرئيسية

مكتبة محمد المرتضى حامد(محمد المرتضى حامد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
31-05-2007, 02:34 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الحب في المنبر (Re: Muna Khugali)

    جميل يا سيدتي

    أن نلتقي لوحدنا ان نتحدث عن حبنا عن إخلاصنا لبعضنا

    جميل سيدتي

    أن نتعاتب حينما يقصر كل طرف تجاه الآخر في الحب

    جميل يا سيدتي

    أن نفضفض عن مشاعرنا أن نغرق في بحر عواطفنا

    جميل يا سيدتي

    أن نتبادل إحساسنا بكل صدق و أمانه

    جميل يا سيدتي أن نبتسم سوياً أن تنفتح شفتان

    جميل يا حبيبتي

    أن نتراشق بكلمات الحب و الحنان

    جميل حبيبتي

    أن نتقارب بوجدانياتنا أن نلغي كل الحواجز و المسافات

    جميل يا حبيبتي

    أن نحكي عن معاناتنا في الحب آسف عن سعادتنا في الحب

    جميل يا حبيبتي

    أن نقف مع بعضنا في أوقات همومنا في أحزاننا

    جميل يا حبيبتي

    أن نتصارح أن نقول ما شئنا عن حبنا

    جميل يا حبيبتي

    أن نتلامس بأيدينا أن نتحسس حرارة أجسادنا

    جميل يا عزيزتي

    أن تمسحي دمعاتي عند لقائنا كي يبتسم من جديد

    جميل يا عزيزتي

    أن أمسح دمعاتك عند فراقنا كي أرسم أبتسامه على محياك

    جميل يا أغلى إنسانه في الوجود

    أن نذوب في بعضنا إلى الأبد

    فنحن جسدان في روح واحده

    فعواطفنا و مشاعرنا منتشرة في أرواحنا بنفس المعايير و القوة و الحب الدافىء يملاء جوانحنا

    حبيبتي يامن ملكتي على قلبي ووجداني أن تكوني شفافه كما أنا أن تبوحي بكل ما بداخلك من مكنونات دون خجل فأجمل ما في الحب هو البوح و الإفصاح

    و أسواء ما في الحب هو قتله بل إقتلاعه من جذوره بالصمت و الكتمان

    جميل إذن يا حبيبتي أن نلتقي

    (عدل بواسطة الطيب شيقوق on 03-06-2007, 09:26 AM)

                   |Articles |News |مقالات |بيانات

03-06-2007, 08:32 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: الطيب شيقوق)

    يا الطيب بعد الكتبتو فوق ده ما عندي غير أقول ليك (شيئ عجيب في غرامك)
    مودتي
                   |Articles |News |مقالات |بيانات

31-05-2007, 03:33 PM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    لا الصابر ولا الباكي
    غايتو حكايتي بين أمرين
    وراضي أتشاقى في ريدك
    وأعيش بدل العمر عمرين
    شوقي كتير وفرحي لرؤيتك
    أكتر وحالي أخير تخليه
    هو حال الحبَ بتشكر
    إذا اتشاغلت عن الناس
    يقولوا اتناسى واتنكر
    وإذا إتشاغلت عن الناس
    يقولوا اتناسى وإتنكر
    وإذا إتشاغلت عن جرحي
    يزيد في ضلوعي ويتوكر

    خيالك عندي يوماتي
    صباح خيري ومسا أفراحي
    أعد ميعادو باللحظات
    وسهري معاهو صباحي
    عيونك فوق عيوني تنوم
    وفوق آلامي ترتاحي
    وريدك من عواتي الريح
    ألمو وأضم علي جناحي
    منو العزاك زيي أنا
    ومنو المن قلبو غناك
    خلاك فرحة للحزنان
    وخلاك بسمة للشاكي
    وطار بيك فوق مكان ومكان
    وطاف بيك وين وداك
    يقابل بالمحنة جفاك
    ويشيل أشواقو ويرجاك

    الرحمة و المغفرة للشااعر حسن الزبير

    و سلاااااام لكل الاحباااااب.....
                   |Articles |News |مقالات |بيانات

02-06-2007, 07:08 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    عثمان موسى ،

    ماك طالبني حليفه ، لكن والله متابعة الأمور الدنيوية بتهد الحيل ولاشك لها أولوية
    على الأمور الإسفيرية ، الشلهته واللهاث والمحاحاه وملاعبة البيضة بالحجر والتأني بالضجر
    هلكتنا، جدول اليوم الينتهي في فراش من هموم أصبح مكلفا فأصبحنا نمشي بأيدينا لأن الأرجل
    ما عادت تصلح للوظيفة ذاتها ( وتسير رجلي وهي تخبط ... لا أعي فتسارع اليسرى فتركلها اليمين..
    وتثاقل اليمنى فتدفعها اليسار) ، غايتو ما فضل لينا إلا بضع مخزون من المحبة نرجو ألا يصبح
    مآله ككهرباء الخرطوم.
                   |Articles |News |مقالات |بيانات

02-06-2007, 10:34 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    منى خوجلي

    Quote: لمسه يدهم لمسة روح ساحره..ترتاح لها انفاسك المحروقه قبل ان يرتاح الجبين


    ديل يا منى ، زياده على كده ، ناس عيونم زي المايكروييف ، لما يعاينوا (فيك)

    بيسخِّنوا قلبك من جوه أولا ثم تتجه السخونه للخارج وبعدها انت و (ديسكفري) حالكم واحد

    الى خارج الغلاف الجوي والمدارات العجيبة ، نوع من الناس كده يا منى لما الواحد ينظر

    ليك عديل في عيونك تحس أنه يصحح كيمياء بدنك ويعيد الى خلاياك ترتيبها فتعود الى زمن

    الطفولة والإبتسامة البكر والخضرة والطبيعة المطمئنة ويضخ فيك طاقــــة كونية ما

    استشرف آفاقها أهـــــــل ( الريكي) والنيرفانا أو من سكن شواطئ اليقين.

    تتصوري يا منى ده كلو ممكن يحصل بس بكلمة طيبة بشهادة منشأ من القلب ونظرة حانية يغار

    منها الليزر الجافي.

    صدقيني الكلم الطيب الحاني بين البشر يضارع مفعول سحره عصا موسى وخاتم سليمان ، فلم لانصطفيه

    موجات لبثّنا بقوة مليار هيرتز؟

    الله يرحمك يا عثمان خالد : نظره بتذوِّب حجر وبسمة بتطوِّل عمر..

    يا حليلو
                   |Articles |News |مقالات |بيانات

03-06-2007, 08:47 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    هل تشفينا الأيادي الحنينه بلمستها لجباهنا المحمومه؟

    ام يشفينا شعورنا بملامسة ايادي من نحب فقط؟
    ان لامست جباهنا يد انسان يحبنا ولا نحبه..وكانت يده كلها حنان وحب وشفقه علينا..
    هل تشفينا تلك الملامسه النبيله اللطيفه؟
    هل نشعر بها كما نشعرها من الذي نحب فنشفي أيضا؟؟

    صباحكم ورد جميعا..
                   |Articles |News |مقالات |بيانات

03-06-2007, 04:28 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الحب في المنبر (Re: Muna Khugali)


    مرَّ الشاعر الأصمعي في البادية يوماً بحجر مكتوب عليه ابيات شعر.. كتب صاحبها

    يا معشر العُشاقَ خبّروا ******** إذا حلَّ عشقٌ بالفتى كيف يصنعُ

    فكتب له الأصمعي في ذاك الحجر

    يدارّي هواهُ ثم يكُتم سره ******** ويخشع في كل الإمور ويخضعُ


    فعاد الأصمعي في اليوم التالي فوجد مكتوب تحت البيت الذي كتبه هذا البيت

    وكيف يداري والهوى قاتل الفتى ******** وفي كل يوم قلبه يتقطعُ


    فكتب الأصمعي هذا البيت تحت بيت الفتى

    إذا لم يجد صبراً لكتمان سره ********* فليس له شئ سوى الموت ينفعُ

    قال الأصمعي فلما عدت في اليوم الذي بعد وجدت شاباً ملقى تحت ذلك الحجر ( ميت ) ومكتوب على ذلك الحجر بيتان

    سمعنا وأطعنا ثم متنا فبلغّوا ******** سلاماً إلي من كان بالوصلِ يقطعُ
    هنيئاً لأرباب النعيم نعيمهم ********* وللعاشق المسكين ما يتجرعُ

    رحم الله ذاك العاشق
    لك التحية محمد المرتضى



    (عدل بواسطة خالد علي محجوب المنسي on 03-06-2007, 08:03 PM)
    (عدل بواسطة خالد علي محجوب المنسي on 03-06-2007, 08:07 PM)

                   |Articles |News |مقالات |بيانات

04-06-2007, 10:01 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    Quote: غايتو حكايتي بين أمرين
    وراضي أتشاقى في ريدك
    وأعيش بدل العمر عمرين


    محمد عثمان،
    التقيت الراحل حسن الزبير عدة مرات ولا أغالي إن قلت لك أنه من أرق نسل آدم ولا يُدانَى
    في شفافيته وصدق مشاعره وجمال قلبه ، إنه رجل محب برتبة فينوس ، وقيس بن الملوح أحد تلاميذه
    ، يعرف الجمال ببصيرة لاتتوفر للكثيرين ويعبر عن مجموع مستقبلاته الشفيفة بكلام مهذب عذب رقيق
    يوازي جسده النحيل . لاشك أن الشعر الغنائي افتقده كثيرا وكذا أصحابه وتلاميذه الحزانى ومنهم أخي عاصم البنا ود. أحمد فرح شادول وآخرين. زول بيقول ( انت السماح لابسك وشاح) ده ما زول ساهل.
    الله يرحمك يا حسن الزبير العفيف النظيف .
    شكرا يا محمد
                   |Articles |News |مقالات |بيانات

03-06-2007, 05:54 PM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4124

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    ... يا سلام يا خالد ! جميلة بحق قصة ( قتيل الحجر ) هذه !! كنت اتابع مساجلة ود حامد و بت الاولياء اللُحق ، و شاقنى فرح بدخول بوست الحب مرحلة ( العلاج بلمسات من نحب و نعشق ) ! لكن قصة الاصمعي تنقل البوست جهارا نهارا الي مرحلة جديدة اخرى وهى مرحلة ( الموت حبا و عشقا) .. الاصمعى كان مفروض يوسع الخيارات امام الفتى و ينصحو بالبحث عن مداخل للحوار و عرض فيرامانو علي نهج ود الرضى : قصتى إن لم تعلمانى .. هاك شرحى و هاك فيرامانى ! او نهايتو الطفشان بالاودية ودا برضو خيار معقول ! لكن واضح برضو انو خيار روميت ( الموت حبا ) هو الخيار الاشد دراماتيكية .. لذا فهو الاجمل .. ! وقال عبيد عبد الرحمن : ماسليتِك وانتي كيف تسلى .. صِرت ميت و الدموع غُسلى ! و صدق العمري وهو من قال : يا الهواكم اذى في البداية .. النهاية كيف تبقى خير .. المجد لشهيد الحجر .. المجد لمن سبقوا .. ومن ينتظرون وما بدلوا تبديلا ...
                   |Articles |News |مقالات |بيانات

04-06-2007, 09:50 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: أحمد طراوه)

    والله يا طراوه انت ود حلال، اتذكرتك بعد مشاهدة برنامج في قناة فضائية كان فيها

    برنامج عن القلب وكان برنامجا شيقا بحق ، ملخص الموضوع يا بركه انوالجراحين ناس

    مجدي يعقوب ومن لف لفه من الخواجات قالوا اكتشفوا شبكة أعصاب خاصه بالقلب وحده

    وتعمل على تخزين الذكريات (محليا) وهي التي تشغِّل القلب بعد عمليات القلب المفتوح

    ( طبعا عمليات القلب المفتوح دي أنا كنت قايلا عمليات العشق المجروح وكده ونتائجها

    من نوع سالب فؤادي وما عليك وانا في جحيمي مشتاق اليك) ومن ذاكرته الخاصه يعرف

    القلب المنقول آخر حركه كان متوقفا فيها حتى لو كان في انتظارها في ركن المدرسه

    وكأني به كان يخفق ويقول (أموت ركن).

    المهم يا أحمد انو من لقاءات تمت مع من نقلت لهم قلوب غيرهم، وحسب البرنامج ،اتضح

    أن مزاجهم ومواهبهم حدث فيها تغيُّر يكاد يكون هو نفسه مزاج واهتمامات المتبرعين

    المرحومين وهواياتهم . والله يا أحمد الموضوع ده شاغلني شديد وهسه بفتش في النت

    للمزيد، طبعا الموضوع ده يمكن يذكِّرك فيلم Change of mind في سينما أمدرمان

    شاشه اسكوب أيام الثانوي العام ، زمن الأستراحه بيغني فيها حمد الريح بغنيلك

    واناديلك بقدر خيوط مناديلك ، طبعا قبل زمن التيشوز ، زمن تولِّع الأنوار وتاخد ليك

    كَحلَه في ناس اللوج ناس زاهي في خِدرو ما تألم . أها اتخيل يا طراوه لو قلبك

    ده راح فيها، لاقدّر الله ، وركَّّبو ليك قلب زولا سمح كده أو العكس ، ياخ دي قصة ، طبعا

    دون أن تعي تجد نفسك عايش قصة حب مع زول في جزر القمر وتعمل للحبيب الحالي مجنون .

    غايتو في ناس كده حايغنوا ليهم مع ابراهيم عوض (قلبك حجر) رغم انو قلبهم في

    الواقع (حلاوه قطن).

    بمناسبة (حلاوه قطن) دي بالله ما تذوب في لِهاة كاليفورنيا وتحرمنا منك .
                   |Articles |News |مقالات |بيانات

05-06-2007, 04:05 AM

حسن الطيب يس
<aحسن الطيب يس
تاريخ التسجيل: 09-10-2005
مجموع المشاركات: 1312

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)


    أخونا محمد
    و الاخوان
    و الله المراد الواحد من جنبكم ما يزح
    لكن الله غالب و إنشاء الله نواصل المشوار معكم
    زمان و بالتحديد في السبعينيات و أول وظيفة
    كانت مدرس مدرسة وسطي و لكن المظهر العام لشخصي
    لم يتغيير نفس مظهري و أنا طالب
    يوم الوالد علية رحمة الله ناداني و قال لي بالحرف

    يا ولدي إذا عاوز تعيش عيشة سمحة و تتقدم لي قدام
    و لكون ليك مستقبل[B/] حب
    و كان صادق في قوله
    و انا اوصيكم بالحب أبقو عشرة عليه

    (عدل بواسطة حسن الطيب يس on 05-06-2007, 04:09 AM)

                   |Articles |News |مقالات |بيانات

05-06-2007, 04:48 AM

شادية الطيب

تاريخ التسجيل: 30-09-2005
مجموع المشاركات: 414

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    بوست جميل ورائع يدل على روعة كاتبه
    ويدلل على انهار الحب المتدفقة في قلوب الكثيرين هنا رغم روح العداء الصارخة ومظاهر الاختلاف البينة
                   |Articles |News |مقالات |بيانات

05-06-2007, 09:35 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: شادية الطيب)

    Quote: هل تشفينا الأيادي الحنينه بلمستها لجباهنا المحمومه؟
    ام يشفينا شعورنا بملامسة ايادي من نحب فقط؟
    ان لامست جباهنا يد انسان يحبنا ولا نحبه..وكانت يده كلها حنان وحب وشفقه علينا..
    هل تشفينا تلك الملامسه النبيله اللطيفه؟
    هل نشعر بها كما نشعرها من الذي نحب فنشفي أيضا؟؟


    والله يا منى أسئلتك مشروعه ومحرجه لإنسان مسكين زيي تعوزه القدرة على الشرح

    والتفسير مع شح مكشوف في قاموسي اللغوي لكن أنا عايز أقول ليك إنو حقو نتفق من البدايه انو

    الزول البنريدو ده لازم يكون بريدنا كشئ طبيعي وتلقائي وقصة ( الحب من طرف واحد ) دي يمكن

    موجوده في الطرف الأغر لكن ما عندنا هنا لأننا نشأنا أطفالا على سماع أغنية (ما بنمشي لناس

    ما بيجونا ...) بالتالي أي يد من تلك الأيادي المعنية التي تلامس حين الحمى جبهتك ( جبهة

    الصمود والتصدي) هي يد إنسان نحبه ويحبنا وما أظن يكون في إنسان بيحبنا ونحن ما بنحبو ، أما

    سؤالك عن مدى قدرة تلك الملامسة النبيلة اللطيفة على شفائنا فهذا أمر أثق فيه أكثر من

    المضادات الحيوية وكل منتجات أسترا زينيكا وأخواتها ، يمكنك وصفي بالشعوذة كخيار بديل زي

    ما بيقول طراوه ، لكنني أومن بمثل ( أسأل مجرب وما تسأل طبيب ) ، معليش يا أحمد ، أنسى

    المهنه في الحته دي ، وبحق يا منى اللمسة الشفوق مع الكلمة الطيبة والبسمة الحانية لايمكن أن

    تأتي إلا من إنسان (إنسان) غض النظر عن (التوجه الأيديولوجي العاطفي) لصاحب اليد على خلفية

    ( خذيني باليمين وانا راقد شمال) ، لكني أكون أكثر واقعية إن قلت لك أن هناك من يمسح على

    جباهنا وهو لايفعل سوى المجاملة و دي برضو مقبوله وهناك أيضا لمسة حنان من ناس جميلين لكن

    ما (إياهم) وهذه بنقول عليها نيران صديقه. لكن يا منى مافي زي لمسة الأم لأنها غير مشروطة وليس

    لها فاتورة آجلة الدفع من أي نوع.



    مناشدة:
    بالله يا زوار (بوست) محمد من كان منكم رائحا أو غادِ ألتمس أن توالوا البوست
    بالرعاية لاحتمال الغياب بسبب إعصار (جونو) الذي سيضرب سلطنة عمان اليوم
    ويستمر لأيام وقيل لنا أن (كاتارينا) بالنسبة له مجرد بروفه أو دافوري في أبوروف.

    وساده:

    ( وأنا الصاحي أرى في النور أشباح الظلام
    وغدت كأسي على راحي بقايا من حطـــــام)
                   |Articles |News |مقالات |بيانات

05-06-2007, 09:23 AM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)
                   |Articles |News |مقالات |بيانات

05-06-2007, 09:46 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    Quote: يا ولدي إذا عاوز تعيش عيشة سمحة و تتقدم لي قدام
    و يكون ليك مستقبل ..حِب.


    أها يا حسن شوف ابوك ده بريدك وبيعِزَّك قدر شنو؟ بس انشالله

    عملت بنصيحتو؟ رغم انو النصيحة دي ذات حدين لأنو يا تتقدَّم يا ..تتقدّم.
                   |Articles |News |مقالات |بيانات

06-06-2007, 02:50 AM

حسن الطيب يس
<aحسن الطيب يس
تاريخ التسجيل: 09-10-2005
مجموع المشاركات: 1312

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)


    الفنان محمد المرتضي
    متعك الله بالحب
    طبعا أخوك لقاها فرصة يجكس أقرب بت و كانت
    بني الجيران و فعلا بعد أيام شعرت الواحد العصرية
    يستحمي و يتريح و يقشر و الكرسي قدام الباب طبعا ده كله
    لزوم لفت الإنتباه
    قلت في نفسي الحاج ده كان خطير العارف ده كله
    مشيت سألته
    يا أبوي الوراك الحب بيغيير الزول منو؟
    حبي لي أمك
    إنتهي كلام الوالد
    الحب شعور وأحاسيس من كل أعضاء الجسمو تكون هذة الاحاسيس
    جزئية إذا لم يكن التوافق كاملا مع الطرف الاخر
    و إذا كان التوافق كاملا يتم برمجت أعضاء الجسم للطرفين
    علي نظام واحدز
    و جه مجرد إجتهاد

    (عدل بواسطة حسن الطيب يس on 06-06-2007, 02:53 AM)

                   |Articles |News |مقالات |بيانات

08-06-2007, 08:44 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: حسن الطيب يس)

                   |Articles |News |مقالات |بيانات

08-06-2007, 08:55 PM

رشا سالم
<aرشا سالم
تاريخ التسجيل: 24-08-2006
مجموع المشاركات: 2604

للتواصل معنا

FaceBook
تويتر Twitter
YouTube


Re: الحب في المنبر (Re: Muna Khugali)

    كل المودة والحب ليك يا محمد المرتضي..
                   |Articles |News |مقالات |بيانات

11-06-2007, 02:43 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: رشا سالم)

    لسه يا محمد المرتضي؟
    طيب طراوه وناس الحب الجميل الباقيين وينهم؟

                   |Articles |News |مقالات |بيانات

11-06-2007, 07:22 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: Muna Khugali)


    ( زينت الفتاة وأدخلت على زوجها المحتضر بوجه ضاحك باك فنظر اليها وتأمل
    ملامحها من خلال وشاح الدموع الذى كسى وجهها وقال

    __ أتت وحياض الموت بينى وبينها
    _ وجادت بوصل حين لا ينفع الوصل
    _ فلما رأتنى فى السياق تعطفت
    _ على وعندى عن تعطفها شغل

    ثم أسلم الروح .
                   |Articles |News |مقالات |بيانات

12-06-2007, 09:05 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)



    منى خوجلي،

    (شارع الحب) كان اسمه قبل أن يجن جنون (جونو)، هذا المنظر كان عند
    بداية الإعصار ولم يعد هذا الشارع في الخارطة لكن حتما سيعود ويعود
    العشاق.
                   |Articles |News |مقالات |بيانات

12-06-2007, 09:08 PM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 37790

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    welcome back

    i hope you and your family are well

    i will come back to this post later
    i just called to say hello to you and your honourable guests

    thanks mustafa
                   |Articles |News |مقالات |بيانات

15-06-2007, 06:13 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)



    اري النخلات فتيات عصف بهن وبشعورهن العشق ..فشاركهن النسيم فيه..
                   |Articles |News |مقالات |بيانات

13-06-2007, 03:32 AM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4124

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    ... تعرفي يا بت الاولياء اللُحق .. ( في وداعة الاولياء اللُحق دى من اغانى الشيخ العدار العاش في المهدية و اواخر العهد التركى ) الحصل لناس مسقط دا دخل علينا جوه الجوه و وصل ذات الحتة البزغرد فيها صوت الناي ! ظليت مع ابو اكرم علي هاتف الاثير فما وجدت منه إلا جميل القول و حكمة الحياة و مشاوير ذات الفرح اللى ما اظنو كان في الدنيا او كانت صِلة .. مكالمات منحنى فيها دِف الاخوة ونداوة اللحظات وهو الذى يعانى قسوة الوديان و عبث الطبيعة و جفوة البحر الهندي الكبير ! ولانى عارف معزتو عندك ، خلينى اسجل ليهو باسمك يا منى كلمات حدباى لسيد عبد العزيز يوم محنتو تلك :

    " .. قابل بى شجاعة تنوع الآلام .. و ابذل ما استطعت لهن كل كلام .. من مكنون قصيدك يجلو عنك ظلام .. و حرّك يبقى هيف و ماواك يبقى سلام .. عهدي بيك القديم كان ثغرك البسام .. تقتحم الامور لو كان وراها السام .. "

    ... تعرف يا محمد شارع الحب الممتد من شاطي القرم حتي نواحيكم في العُذيبة ، كان عندنا برضو زيو زمان في مجمع مدارس بحري الشعبية الخلف بيت احمد المرغنى ! وقيل ان البنات و الاولاد كانوا يكتبون علي كل حيطانه عبارة : شارع الحب يا احلي طريق .. عطفا علي تلك الاغنية الاثيرة ! و صدقنى الاعاصير وقوى الشر و الظلام ممكن تهدم شوارع الحب باشجارها و كافتيرياتا و اوكارا .. غير ان العشاق و المحبين ذات نفسهم ان بقيوا علي قيد الحياة فسرعان ما تنهض حركتهم و اشواقهم و شجونهم و غناهم من الرماد ! فهم مثل طائر الفينيق النارى .. و صدقت تلك الطالبة الجسورة التى وقفت امام كومر البوليس في مظاهرات شعبان 1973 و بعد اعتقال طلاب ثانوية تلودى بمدينة المهدية و هتفت قائلة : انا ما بسيبو صلاح .. لو عبوا ليا سلاح .. وياها بالضبط الحنينة السُكرة !
                   |Articles |News |مقالات |بيانات

13-06-2007, 09:03 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: أحمد طراوه)

    Quote: ... تعرف يا محمد شارع الحب الممتد من شاطي القرم حتي نواحيكم في العُذيبة ، كان عندنا برضو زيو زمان في مجمع مدارس بحري الشعبية الخلف بيت احمد المرغنى ! وقيل ان البنات و الاولاد كانوا يكتبون علي كل حيطانه عبارة : شارع الحب يا احلي طريق .. عطفا علي تلك الاغنية الاثيرة ! و صدقنى الاعاصير وقوى الشر و الظلام ممكن تهدم شوارع الحب باشجارها و كافتيرياتا و اوكارا .. غير ان العشاق و المحبين ذات نفسهم ان بقيوا علي قيد الحياة فسرعان ما تنهض حركتهم و اشواقهم و شجونهم و غناهم من الرماد ! فهم مثل طائر الفينيق النارى .. و صدقت تلك الطالبة الجسورة التى وقفت امام كومر البوليس في مظاهرات شعبان 1973 و بعد اعتقال طلاب ثانوية تلودى بمدينة المهدية و هتفت قائلة : انا ما بسيبو صلاح .. لو عبوا ليا سلاح .. وياها بالضبط الحنينة السُكرة !



    آخد تنهيده عميقه..وااقنع اصابعي بان تتخلي عن حالة عشقها المباغت وسرحانها فيه وارجع لكم لأكتب بهم..شكرا محمد وشكرا طراوه علي النخيل وشارع الحب..
                   |Articles |News |مقالات |بيانات

13-06-2007, 09:39 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: أحمد طراوه)

    يا رشا ، يا ... بت سالم ،

    الوفية ، كنت أوصيت الأحباب على حراسة هذه المساحة ورفدها بالنرجس والياسمين
    استقطابا لمواكب ( الريده) والجمال والعاشقين وتوجيه خط سير تلك المواكب
    كيما ينبض بمرورها أكبر عدد من القلوب الدفيئة وغير الدفيئة وتكتحل بالنظر
    اليها العيون التي في طرفها كافة مشاريع العشق التي أحيلت للصالح العام ،
    زورا كما يقال.
    لله درِّك فقد كفيتِني استجداء العون وطلب الغوث مع أخونا عاصم وهو يشدو
    يا رشا .. غيثني.
                   |Articles |News |مقالات |بيانات

13-06-2007, 10:02 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: أحمد طراوه)

    Quote: " ولانى عارف معزتو عندك ، خلينى اسجل ليهو باسمك يا منى كلمات حدباى لسيد عبد العزيز يوم محنتو تلك :

    .. قابل بى شجاعة تنوع الآلام .. و ابذل ما استطعت لهن كل كلام .. من مكنون قصيدك يجلو عنك ظلام .. و حرّك يبقى هيف و ماواك يبقى سلام .. عهدي بيك القديم كان ثغرك البسام .. تقتحم الامور لو كان وراها السام ..




    شكرا يا احمد علي كرمك الجميل..
                   |Articles |News |مقالات |بيانات

13-06-2007, 12:13 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Muna Khugali)

    شاديه الطيب،

    Quote: بوست جميل ورائع يدل على روعة كاتبه
    ويدلل على انهار الحب المتدفقة في قلوب الكثيرين هنا رغم روح العداء الصارخة ومظاهر الاختلاف البينة


    البوست ده ما عندو كاتب يا شاديه ، ده (تجمع) أرواح بدون وسيط ، يعني ما (تحضير) أرواح زي ما

    بيعملوا أخوان الصفا أو غيرهم ناس آرثر فيندلي . نحن بنحضر برانا ما بيحضِّرونا والحاضر يكلم

    الغائب.

    أها يا شادية بمجرد زيارتك هنا ودخولك المجال الجوي لهذا البوست و (إنعطانك) في مياهه الإقليمية

    أصبحت جسما أثيريا او روحا لاعلاقة لهما بماديات الأرض.

    مشعوذِ؟ برضو مقبوله، بس زي ما بيغني ود اللحو بنقول ليك (كل منانا وحياتك كتِّري من زياراتك).

    مودتي
                   |Articles |News |مقالات |بيانات

13-06-2007, 01:16 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    أهلا بكم وبالحب -

    ذلك الساحر الأنيق - الوحيد المسموح له بالدخول بلا استئذان ودونما عتاب !

    فما ان يحل باحدنا حتى يتبدل شقاءه فرحا - وهمومه سعادة وراحة .

    ولكننى لدى مأخذ بسيط : حين يحل بنا تزداد لحظات القلق والأنشغال !

    اذ يزداد عدد من تنشغل عليهم واحدا -

    يطرحهم جميعا بعيدا ويجلس قبالة مركز التفكير فى مخك وحده دون

    منافس !

    حين تسير فى الشوارع وأينما تواجدت _

    يلازمك كظلك وان كان بينك وبينه فراسخ وبحار كالقرين !

    ومن جمائله : ازدهار خانات الفرح بالقلب !

    فتزداد جمالا واشراقا - وان لم تك جميلا !

    فأحبتنا دائما أجمل الخلق - وألطفهم -

    واكثرهم اناقة ومعرفة وظرفا !

    لذلك تجد كل محب جميل ووسيم !

    وحين يداعب النوم مقلتيك تراه أمامك - يتمنى لك ليلة هانئة !

    و تصحو صبحا وانت مسرورا حين تطوف بالذهن أحرف اسمه !

    وتتأكد أن أحلام ليلتك الماضية لم تك من فراغ !

    فانت حقيقة فى حالة حب - وان محبوبك واقعا !


    وبأختصار : ( أنا أحب اذا أنا موجودة ) .

    ست البنات .
                   |Articles |News |مقالات |بيانات

14-06-2007, 08:54 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: ست البنات)

    مصطفى محمود،

    Quote: welcome back

    i hope you and your family are well

    i will come back to this post later
    i just called to say hello to you and your honourable guests

    thanks mustafa


    شكري يا عزيز على كلماتك التي تقلل من هول ما جرى،
    تعرف يا المصطفى كل ما يمكن أن يشريه المال لا يُُحزن عليه، لكن ما يفجعني حد الدوار
    أن أفقد كل الصور والخطابات وأشرطة وكتبا أهدانيها من ألَّفها، أقول لك صور الطفولة
    البهيّة والصبا الألِق والكهولة المهزومة ، ياخ عندي إحساس بأن تاريخي كله ولّى وعبر
    كمركب ريح زي ما بتغني الشاهقة فيروز.
    ننتظر عودتك إلى هنا بالجميل،
    مودتي
                   |Articles |News |مقالات |بيانات

14-06-2007, 09:54 AM

ضحيه ابراهيم
<aضحيه ابراهيم
تاريخ التسجيل: 28-12-2005
مجموع المشاركات: 2140

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)


    الاستاذ الراقى/ محمد المرتضى

    تحياتى ومودتى يارجل نسأل عن عوافيكم وعوافى الاسرة الكريمةنتمنى ان تكونوا بخير كم شفقنا وقلنقنا عليكم نتمنى ان جميع الاخوه بخير..

    تحيات الاخوه حسن وحسين على نمر بالدوحه..
                   |Articles |News |مقالات |بيانات

16-06-2007, 08:07 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: ست البنات)

    Quote: فأحبتنا دائما أجمل الخلق - وألطفهم -

    واكثرهم اناقة ومعرفة وظرفا !

    لذلك تجد كل محب جميل ووسيم !


    بالله مش كده يا ست البنات؟

    العقاد حسم الموضوع ده عن الزول الذي إذا ضاءت مطالعه

    فكل (سمائه) بدر وأفادنا بإشعار كتابي بالبريد المسجل مصحوب

    بعلم الوصول قائلا: خذوا دنياكم هذه فدنياواتنا كثر.

    ياست البنات ، بعد الكلام المن جوه الجوّه ده تجدينا من الناظرين

    في قارعة الأمل مذكرة توضيحية لقانون الهوى.

    نرجاك؟
                   |Articles |News |مقالات |بيانات

14-06-2007, 09:58 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14383

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    التحيـة لك يا صديقي,

    وأنت تواصـل نشـر المحبة في المنبر رغم الذي تعرضـت له من كوارث الطبيعـة

    دمت سمح النفس بسام العشيات الوفي



    أحمـد الشايقي
                   |Articles |News |مقالات |بيانات

14-06-2007, 08:56 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: أحمد الشايقي)

    Quote: __ أتت وحياض الموت بينى وبينها
    _ وجادت بوصل حين لا ينفع الوصل
    _ فلما رأتنى فى السياق تعطفت
    _ على وعندى عن تعطفها شغل

    ثم أسلم الروح .


    هؤلاء من شهداء الواجب يا عثمان موسى،
                   |Articles |News |مقالات |بيانات

15-06-2007, 01:30 PM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    عاد محمد المرتضى ليعتلى منبر الحب خطيبا مفوها كما عهدناه
    وعاد المحبون لمحرابه يلملمون أشتاتهم ، ومنهم من ظل معتكفا مافتىء يشدو لإستدعاء الربيع
    وعاد العشاق هنا فى مسقط لشارع الحب ، كعادتهم مساء كل خميس ، لم يثن إعصار جونو وشائجهم الصلبة
    فتعلمنا منهم أن الحب يقتله الجفاء ويحييه الوصل .... فهلا فعلتم معشر المحبين ؟
                   |Articles |News |مقالات |بيانات

16-06-2007, 09:22 AM

ياسر ميرغنى عبدالرحمن
<aياسر ميرغنى عبدالرحمن
تاريخ التسجيل: 25-10-2005
مجموع المشاركات: 529

للتواصل معنا

FaceBook
تويتر Twitter
YouTube


Re: الحب في المنبر (Re: سمية الحسن طلحة)

    ( الحب من طرف واحد )
                   |Articles |News |مقالات |بيانات

16-06-2007, 09:52 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: ياسر ميرغنى عبدالرحمن)

    Quote: ( الحب من طرف واحد )



    ده صعب شديد..ربنا يكون في عون من يعانيه..

    كيف يحب انسان انسان آخر ويستمر في حبه حتي دون أن يبادله نفس الحب؟
    كيف يستمر الحب دون احساس متبادل؟
    هل الحب من طرف واحد حقيقه؟
    ام حقيقه اصبحت وهم يسكن المحب؟

    في الحب..
    الفكره ..الأحساس تحتاج لمشاركه..
    الكلمه تحتاج لمن يسمعها ويعيها بنفس القدر من الوعي..
    الهمسه لمن يرددها معك بنفس الأحساس..
    الم يزول بالمفاسمه
    ارتياح في وجود من نحب واحساس مشترك يصبح فرح..
    نظره في العيون تفهمنا مايوده الآخر دون كلام..
    فان غبنا فانه الخوف الذي يجعلنا نسأل لما الغياب..وليس غيره
    وان ضللنا الطريق فالاطمئنان مازال موجودا..فنصفنا في الحب مازال موجود..
    وان زاد حزننا..فهو الملاذ وكل الايمان..
    حبيب يشاركك كل شيء وبدون حب متبادل ليست هناك مشاركه..
    يفهمك دون ان تشرح كثيرا أو تضطر للتبرير..
    تفاخر به الدنيا وتتكأ عليه فيتكئ عليك..

    و...........

    و...........

    سلام آل ياسر
                   |Articles |News |مقالات |بيانات

16-06-2007, 05:51 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Muna Khugali)

    ضحية ابراهيم،
    كيفك يا ودود،
    شكرا على المشاعر الطيبة يا أمير ، (جونو) ده ماعندنا معاهو مشكلة
    وسنخرج من آثاره أكثر قوة والذي يأتي من السماء لايجد عندنا غير
    القبول والتسليم. نحن نتجاوز ما حدث بتؤدة وثبات لكن في حاجات ما بترجع
    وحارقاني لكن بحاول أتنساها حتى أنساها.
    سلامي كتير لأحبابي حسن وحسين أولاد الناظر الماخمج عمنا علي نمر وكل أهلنا
    في دوحة الجميع وربنا يحفظكم جميعكم من كل مكروه.
                   |Articles |News |مقالات |بيانات

16-06-2007, 06:17 PM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 37790

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    نزار قباني >> وصايا إلى امرأة عاقلة

    وصايا إلى امرأة عاقلة


    أُوصيكِ بجنوني خيراً..

    فهو الذي يمنحُ نَهْدَكِ

    شَكْلَهُ الدائريّْ

    ويومَ، ينحسرُ نَهْرُ جُنُوني

    سيصبحُ نَهْدُكِ مُكعَّباً..

    مثلَ صندوق البَريدْ...

    2

    أوصيكِ بجُنوني خيراً..

    فهو الذي يغسلكِ

    بالماء.. والعُشْبِ.. والأزهارْ

    ويومَ أرْفَعُ عنكِ يَدَ جُنُوني

    ستتحوَّلينَ،

    إلى امرأةٍ من خَشَبْ...

    3

    أُوصيكِ بجنوني خيراً..

    فطالما أنا عُصَابيٌّ..

    ومكتئبٌ..

    ومُتَوتّرُ الأعصابْ

    فأنتِ جميلةٌ جداً..

    وحين تزولُ أعراضُ جنوني

    ستدخلينَ في الشَيخُوخَهْ....

    4

    أوصيكِ بجنوني خيراً..

    فهو رصيدُكِ الجَمَاليّْ

    وثروتُكِ الكُبرى

    ويومَ أسحبُ منكِ

    كفالةَ جُنوني..

    سيُشهِرُونَ إفْلاسَكِ..

    5

    أوصيكِ بجنوني خيراً..

    فهو التاجُ الذي به تحكمينَ العالمْ

    ويومَ تغيبُ شمسُ جُنُوني

    سيسقُطُ تاجُكِ

    ويُجرّدك الشعبُ من جميع سُلُطَاتِكْ..
                   |Articles |News |مقالات |بيانات

16-06-2007, 08:52 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Mustafa Mahmoud)

    العزيز أحمد الشايقي،

    الإعصار ده يا مولاي كان جاي يغني مع زيدان (باب الريده وانسدَ) لكنو لقانا

    من الأوفياء لإبن المسالمة فريد عصره أحمد الجابري ندندن (هات يا زمن جيب كل أحزانك

    تعال جيب المحن) وذهب عنا وهو ينشد ( جيت لقيت باب الغرام فاتح ..دخلت) فرحل عنا

    ونحن في أعلى قمة حب تعصمنا من الماء وبعد أن غاض الماء وقضى الأمر استوينا على

    (جودى) مشاعركم وحنانكم الذي ضمختم به هذا المنبر و كل وسائل الإتصال على شحِّها .

    ما تخاف علينا يا أحمد إلا من أنفسنا الأمّارة بالسوء ومن ذنوبنا التي نسأل المولى أن

    يغسلها عنّا بابتلاءات الدنيا.

    محبتي يا مولانا.
                   |Articles |News |مقالات |بيانات

17-06-2007, 10:14 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    Quote: وعاد المحبون لمحرابه يلملمون أشتاتهم ، ومنهم من ظل معتكفا مافتىء يشدو لإستدعاء الربيع
    وعاد العشاق هنا فى مسقط لشارع الحب ، كعادتهم مساء كل خميس ، لم يثن إعصار جونو وشائجهم الصلبة
    فتعلمنا منهم أن الحب يقتله الجفاء ويحييه الوصل .... فهلا فعلتم معشر المحبين ؟


    صدقت يا سمية ،

    حقيقة النازلة التي حلّت بهذا البلد لم يكن بمقدور دولة من دول العالم الثالث أو غيره

    تجاوزها لولا أن العمانيين أظهروا مقدرة على التكاتف والتواد والتجرد جد نادرة ، لو لم

    يملأ قلوبهم الحب لوطنهم لبقوا شهورا ينتحبون و يندبون حظهم العاثر الذي رماهم في مسار

    (جونو) الفي العصر مرورو . لم يكتف أولئك المحبون بتقديم العون لبعضهم بل كانوا أول من قدم

    لنا العون منذ اليوم الأول للإعصار وحتى هذه اللحظة وبصدق تراه في عيونهم . يأتيك بعضهم لترحل

    الى منزله أنت ومن معك ، يمد أحدهم يده اليك بمبلغ مالي كبير يساعدك في تجاوز المحنة وتعتذر

    مع الشكر و يسلمك أحدهم مفتاح سيارة لتبقيها معك حتى ترضى وأناس ياتونك بالوجبات الجاهزة

    وبزاد يكفيك شهورا وعددا من (كراتين ) المياه تكفي قرية. يا سميه نحن نعرف معدن الناس في

    الشدائد وأحمد الله أن غيّض لنا أن نشارك هذا الشعب العماني العظيم أفراحه وأتراحه وأنت شاهدة على

    ما جرى ولو لم يكن أهل عمان بهذه الصفات النبيلة لربما كان مصيرنا ، نحن الضيوف ، كمصير من مر

    بهم (كاتارينا). الحب يفعل المعجزات يا سمية ، اللهم احفظ عمان وأهلها وهم أهلنا وعمِّر قلوبنا

    بالحب والتعاضد والتسامح.

    (عدل بواسطة محمد المرتضى حامد on 19-06-2007, 09:41 AM)

                   |Articles |News |مقالات |بيانات

18-06-2007, 01:23 PM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    Quote: سلام آل ياسر

    مرحبا ياهوى
    أحبك يامنى
    سمية زوج ياسر
    Quote: الحب يفعل المعجزات

    صدقت يامحمد
    أسأل الله أن يذيق عباده طعمه ويريهم فعله .
                   |Articles |News |مقالات |بيانات

17-06-2007, 11:26 AM

hameem
<ahameem
تاريخ التسجيل: 10-01-2005
مجموع المشاركات: 325

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    Quote: فأحبتنا دائما أجمل الخلق - وألطفهم -

    واكثرهم اناقة ومعرفة وظرفا !


    أو
    محمد المرتضى

    تغيبت كثيراً ولم آت لأقول عوضكم الله بخير العوض في حينها فمعذرة .. وعفواً .. والعفوُ لديكمُ مأمول
    ومثلك لا تزيده الابتلاءات إلا طيباً .
    وإن الله إذا أحب عبداً ابتلاه
    لك وللمرهفين والمرهفات من حجاج هذا البيت أصدق المودة
                   |Articles |News |مقالات |بيانات

17-06-2007, 11:36 AM

د.محمد حسن
<aد.محمد حسن
تاريخ التسجيل: 05-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    الاخ الكريم محمد المرتضى

    ولك من الحب اصفاه

    الف حمد الله على السلامة
                   |Articles |News |مقالات |بيانات

18-06-2007, 12:21 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: د.محمد حسن)

    الأخ الصديق ياسر ميرغني,

    Quote: ( الحب من طرف واحد )


    يا ياسر إنت خبير صيدلاني وضليع في التفاعلات الكيميائية وبرضو تصدق قصة (طرف واحد) دي ؟

    نعم ، الحب في بعض الحالات يخالف كثيرا قوانين الفيزياء وقصة المولِّد الكهربائي والمغنطيس

    ثنائي القطبية و ملف الحث induction coil لكن كمان ما للدرجه دي ، الحب من طرف واحد لايذكرني

    غير (عقوق الوالدين) مش حبوباتنا كاننن بقولن (قلبي على جناي انفطر وقلب جناي على حجر)؟

    وحتى هذه الحالة لاتصنف كحب أحادي القطبية لخصوصيتها أما إذا كنت قاصد ناس ( إنت لو داير بكاي

    ألف أهلا يا دموع) فهؤلاء حتما ليسوا في حالة حب ولكنهم من المتأثرين بالنظام العالمي الجديد

    بتاع بوش الأب الذي لامحالة الى زوال. يعني مثلا زمان يا العزيز كنا بنسمع هاشم ميرغني راحلنا

    الجميل بيقول ( ارتاح ياقليبي ارتاح.. ارتاح من النسانا وما طرانا وقصد أذانا وملانا جراح ...

    إنت ارتاح ... ) وكنا في حالة سغربة واندهاش للحالة دي لكن اتضح لاحقا انها مجرد تكتيك.

    صدقني يا ياسر الحب من طرف واحد ده خرافه كالعنقاء ، يا سيدي شبكة أعصابنا لا تخطئ أبدا ، زول

    ما بريدنا والله مستحيل نحس بيهو لدرجة الحب ، ياخ الحب ده كائن حي بينمو تدريجيا بين ( الأطراف

    المعنية) غض النظر عن تموضعها لكنه حتما يكون أسرع نموا بالتغذية الصحية والتطعيم ضد

    الكائنات الضارة عليها اللعنة والتحصين ضد الكوليرا والعواذل وبالتواصل بين الدولتين

    لمناقشة الأمور (ذات الإهتمام المشترك) وبعدها يصدر بيانا ختاميا يغني فيه كل طرف للآخر (يعني

    كيفن ما بريدك) كما أوردت الأسوشيتدبرس.


    نواصل يا عزيز
                   |Articles |News |مقالات |بيانات

18-06-2007, 09:47 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    منى خوجلي بالغتي في (آل ياسر) دي،

    شايف ياسر سخَّن قلمك بحكاية (من طرف واحد) دي وما أظنو حايكررا،

    يا منى الأرواح جنود مجندة وهي لاتضل سدرة منتهاها حتى لو سلكت طرقا

    ملتوية أو مسارات وعرة ومتعرجه في رحلتها نحو توأمها الذي يبقى منتظرا يغني مع

    الكاشف ( حبيب الروح إلامَ) ، بعض الفلاسفة يا منى يقول أنه طالما اتصفت الروح بالخلود

    فيجب أن يكون لها (ماض قبل الولادة وأن يكون لها مستقبل بعد الموت) وكثير من هؤلاء

    يرى بأن هذه الأرواح لاترتاح إلا بتوحدها مع ذات أخرى هائمة عشان كده ناس الحقيبه دايما

    بقولوا يا تومي هوووووى ... ليلى وليلى الله يا تومي الخ... بالذات ناس ميرغني

    المأمون وأحمد حسن جمعة كانوا بيأكدوا على حكاية التوأمة دي شديد، أها فقانون

    الثنائية ده مستمر ويتضاد مع سالفة ( من طرف واحد) ، تعرفي يا منى في كثير من حالات

    التنويم المغنطيسي الإسترجاعي عن الحيوات السابقة regression hypnosis وصف المُنَوَّمين

    أناسا بعينهم يرون فيهم منتهى راحتهم ووصفوهم بدقة وأكدوا أنهم في رحلة بحث دائم عن

    (صنو الروح) ذاك وتفريعا على هذا ماغوى وما ضلَّ القائل ( انت الذي أتعبتني وانت

    الذي فيك راحتي) يعني في زول كده يا منى ماترتاح في الدنيا الزائله دي إلا لما

    تلقاهو حتى لو لم يكن موجودا في الحياة الأرضية من أصلو و حتى قبل أن تعرفه ، يعني

    زول قاعد في خاطرك كده ، مش أبواللمين قال (عذابي معك بريدك قبل ما اعرفك)؟ وقال (

    قلبي عاشق ودربي خال من حبيب )؟ ده كلو بيأكد انو الطرف التاني موجود بس منتظر اللحظة

    التاريخية الحاسمة في حياة الأمة والشعب ليتحد مع توأمه لينهمر كورال العشق و (عش

    معاي الحب .. عيش معاي حناني).

    عطَّر الله ثراك يا صالح الضي.
                   |Articles |News |مقالات |بيانات

19-06-2007, 06:22 AM

ياسر ميرغنى عبدالرحمن
<aياسر ميرغنى عبدالرحمن
تاريخ التسجيل: 25-10-2005
مجموع المشاركات: 529

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    هل الحب من طرف واحد حقيقه؟
    نعم حقيقة
    احب كثيرين منكم ولا استطيع ان ابوح وكفى
    كفى المرء نبلا ان تعد معايبه
    اعترف
                   |Articles |News |مقالات |بيانات

19-06-2007, 09:25 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: ياسر ميرغنى عبدالرحمن)

    Quote: احب كثيرين منكم ولا استطيع ان ابوح وكفى


    أها يا ياسر ديل برضو بحبوك.
    وأهلنا بيقولوا (قلب المؤمن دليلو).
                   |Articles |News |مقالات |بيانات

20-06-2007, 10:04 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    هميم،

    ياخي أنا بس مزعلاني الصور الراحت والجوابات البقت محايه في الفيضان

    ، دي جوابات ما هينه ياهميم ، ياخ دي لما دابت في المويه (طرب "السيل لها" فتثنى)

    في ناس قالوا لي : الجاك في الريش ..بقشيش ، لكن الجوابات والصور دي ضربه في الجهاز

    العصبي المركزي ذاتو.

    هل نحن غير ذكريات؟
                   |Articles |News |مقالات |بيانات

21-06-2007, 00:14 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    رساله الي ياسر زوج سميه..

    كتب لها يقول..
    احضرت طعامي ووضعته امامي..
    نظرت له دون احساس..
    ولم استطع ان اتناوله!
    طعم الوحده سخيف..فارغ كالفضاء..
    كيف يمكن لكل هذه الحركه حولي ان تكون ساكنه سكون الموت في داخلي؟




    كتبت له سميه..

    وحشتني موت!
                   |Articles |News |مقالات |بيانات

21-06-2007, 00:59 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: Muna Khugali)


    التحية للفنان الكبير على ابراهيم

    له التحية مشارك أساسى فى بوست الحب فى المنبر
    الأستاذ على ابراهيم محب للشعر محب للجمال محب للفن.
    ( انشاءالله تعيش يا على ) _ اعلم انك تعانى . واعلم انك ( تلوك الصبر) لك التحية
                   |Articles |News |مقالات |بيانات

21-06-2007, 04:45 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    د. محمد حسن،
    أتمنى تكون مازلت معطون أو على الأقل مبلول في الأشعار والرسم،
    صدقني الإتنين مريحين جد ، لو بقيت ماشي الصيف ده سور الأزبكيه أو مكتبة مدبولي
    كلمني.
    ما تهتم كتير للأعاصير ، (غيب وتعال تلقانا نحن يا نا نحن لا غيرتنا ظروف ولا هزتنا)
    صروف. سنظل في ريدتنا سواء كنا جوار نهر (بَرَدَى) أو في نهر البارد.
                   |Articles |News |مقالات |بيانات

21-06-2007, 08:00 PM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4124

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    ... عاين وردة منى يا محمد ! و الالوان دلالات ! وفى الحب الالوان ليها سُنن و فروض ! هل اتاك جمال البمبى معطوف على الاخضر الزاهى ! فقد قال كجراى .. متجاوزا قبائل الشرق كلها لينضم لقبيلة العشق السودانى الكبيرة : قلبي اخضر ! وذلك في اغنية وردى اللي اسمها مافي داعي ! مدد يا معاوية ويا محمد عثمان ، بالله انتو وين ؟ ! و الحب عابر للقبائل و الطبقات و القوميات ! لذا فهو مدخل لسودان الوحدة والقيم الجديدة ! ولم ينجو شرحبيل احمد ( منسوب الفلاتة السودانين ) من طغيان رونق البمبي البديع وقد كان وقت ذاك يسعى جاهدا لتوطين الهارد روك بلونية هارى بلافونت في تراب الوطن العزيز ! فاطلق شعار البمبي في ستينات القرن الماضى لتمشى تحت راياته مواكب العُشاق الغُر الميامين : مِيل يمين .. مِيل شمال .. و دوِر .. دوِر يا الابس البمبى ! وصار المحبين دعما للتواصل و توسيع مواعين العمل العاطفى يسالون بعضهم البعض عن لونهم المفضل ! وقيل ان البنت السمهرية التفتيحة منسوبة الطبقة الوسطى ، قد ردت على الولد الطيب الولهان : لونى المفضل ياهو لون زينب ! فهرول الولد الغشيم الى جدته قائلا : يا حبوبة زينب انتى لونك المفضل شنو ؟ فردت عليه : لونى ياهو لون الراية الكان تحتها جدك يوم حرابة كررى ! و هكذا اتسعت محنة الوليد العاشق المخلص و طفق يسال العارفين بالتاريخ و حكاوى ذلك اليوم الذى عرف ب ( سد الفرقة و تسوية الصفوف ) .. !! و صدق الفنان الجبلابى محمد ميرغنى وهو يترنم بقول صلاح حاج سعيد الموشى و المقفى : ما قلنا ليك .. الحب طريق .. قاسى و صعيب من اولو .. !
                   |Articles |News |مقالات |بيانات

21-06-2007, 10:30 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: أحمد طراوه)


    أحمد طراوه العاشق الشفاف
    اكتب كما شئت ___ وكما قال الشاعر المحب . نزار قبانى
    ( اكتب كما شئت
    باسم الهوى والعدالة ،
    باسم النجوم التى لا نراها
    وباسم الزمان الذى عشت تحلم
    حتى تراه ...
    تحياتى
                   |Articles |News |مقالات |بيانات

22-06-2007, 10:14 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    Quote: اكتب كما شئت
    باسم الهوى والعدالة


    وبسم الحب أقدم ليك تحياتي

    يا عثمان ،

    ناس طراوه ديل مبدأ (تشفي الجروح والروح) عندهم حرفه وهوايه.
                   |Articles |News |مقالات |بيانات

21-06-2007, 10:41 PM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4124

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    ... دمت يا عثمان ! دمت مُحبا و مظفرا .. فقط اسندوا حبيبكم ود حامد ! اسندوه بابا" باب ، حتى يجف الشراب في حافة الكأسِ ! و تذكر .. هؤلاء قواريرهم لا تنطب فهى معباة بالمطلق ، و بينابيع الحنان السرمدي ..
                   |Articles |News |مقالات |بيانات

21-06-2007, 11:04 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: أحمد طراوه)



    طراوه..

    عندما يصفو المساء ويفرح الشوق..
                   |Articles |News |مقالات |بيانات

21-06-2007, 11:07 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: أحمد طراوه)


    ( مادام هاجرنى ... رسلى نسيمك
    كلام ياتى مثل الضوء
    الشاعر ده يا د / أحمد يرى كل ما لا نراه
    غزل سودانى اصيل مورق بالمحبة
    والشوق
    والأمنيات الطيبات .
    والامل فى العودة الى تلك الجنة المفقودة
    تحياتى
                   |Articles |News |مقالات |بيانات

22-06-2007, 03:40 AM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4124

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    ... بالضبط يامنى ! هو المساء عند شواطى المسيسبى مترامية الاطراف ! المساء الذى حرك زخم العواطف و الاشواق لدى حسن عوض ابوالعلا فقال : ولىّ المساء .. الواله المحزون في جوف الضباب .. وانا اُهيُُى زينتى و اعُدُ مفتخر الثياب ! آملا ُلقياك الحبيب .. يصدنى زهو الشباب .. محمد المرتضى كان كثيرا ما يتوكأ على قول ابو العلا : و وسادتى ، بللتُها بالدمع و الدمع السخين ! شوفو بالله جمال التكرار ! حقا الدموع انواع .. خفيف و تقيل ، زى النقرزان البرقصوه البنات .. سوى الخفيف و تقيل يا بت البلد ! بل عند النعام آدم فالدموع دم عديل : ابكى يا عيونى دمع الدم .. الزمان بعذابي حكم .. اشد اوتارى و اترنم .. و اجرو مع الخيال النم .. دليب شديد يا حفيدات مهيرة ! ! و قديما كان كرومة قد اطلق كلماته تلك : دمع المحاجر سال .. و التى صنفته ضمن جماعة الشيخ البكاى ! ورغم اهتمامي الشديد بحضارات الانهار الاربعة القديمة : السند ، و النهر الاصفر في الصين ، و حضارات المسيسبى ، و نهر النيل .. الا ان شواطى بحر ابوروف هى مهد كل الحكاوى و القصص بالنسبة لنا .. يشدو ندماء الشاطى و يشق صوتهم اثير البحر الي توتى و شمبات قائلين : بحثنا سألنا عليهو الطير .. و ما بنستحمل يوم بلا .. العندى انا ما بدى .. و بحر ابوروف انا بعدي !!

    ... عمر البنا يا عثمان ، هو اول من استخدم مفردة ( الإقليم الجغرافى ) في الغناء السودانى ! ففى ذات الاغنية بصوت اللحو ، يقول : يا اماني حياتى .. البيك نور إقليمك .. يتمنى البدرى يظفر ب لِيمك .. يا نعيم الدنيا ! اناشد احمد القرشى وعاصم البنا ان يحكى اى منهم قصة البنت الشكرية الجميلة اللتى طلبت من عمر البنا ان ينزل بحر ازرق و يجيب ليها عود (الكليت) الشايلو التيار ! وعود الكليت عزيز عند النساء في السودان ! بس مشكلتو الوحيدة انو بمشى وراه تمساح الكبلو !
                   |Articles |News |مقالات |بيانات

22-06-2007, 01:50 PM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    الجميل محمد المرتضى...الف حمدا لله بالسلاااامة
    الجميع هنا تحبااات عاطرات و سلااام ليكم
    و للمعااكم فى......قاعدين...

    هذا البوست هو ترياق البلسم..الذى يشفى جراحاتنا
    شكرا لكم و انتم تسكبون علينا كل هذا الرحيق
    الذى ينزل بردا و سلااااما على لهيبنا الدااخلى..
    و امسكوا على هذا البوست لا يضيع مع الارشفة...

    الاستاذ احمد طراوة جاب سيرة كجرااى
    و وقت سيرتك يجيبوها.....خلااص نحن بنتلبش..
    الشااعر الفذ عاش فترة طويلة بمدينة بورتسودان
    اتذكرها جيدا رغم فارق السن طبعا....

    ساعود اليكم اكثر منعة وقوه..لاكتب لكم عن كجرااى
    و عن امسيااات و زمن جميل و عن مافى دااعى و عن يخااصم يوم
    و يرجع يوم التى ابدع فيها ابراهيم حسين...

    مافي داااعي تقولي مااافي
    يالربيع في عطرو دافي
    لهفة الشوق
    في سلااامك
    في كلاااامك
    وسر غرااامك ماهو خافِ

    إرتعاااشاتااك بتحكي
    قصة أحلاااامك معااااي
    وكل خفقة في قلبي نغمة
    تحكي ليكي شوقي وهواااي
    إنت في بهجة شبابك
    وحبي ليك من غير نهاية
    مافي داااعي ..

    قلبي أخضر ولسة في ريعااان شبابو
    في حرااارة شوقو بيسطر كتابو
    شوفي كيف نشوااانا بتتراقص حروفو
    كل لحظة شوق بتتجدد ظروفو
    مافي داااعي ..

    عشنا في دنيا الصبااابة
    والسعااادة فتحنا بابها
    بهجت الدنيااا وشبااابها
    ابتساماااتك حبااابها









                   |Articles |News |مقالات |بيانات

22-06-2007, 03:11 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)


    أخى محمد عثمان
    والله فى داااعى ..
    وفى الف دواااعى
    انك تكتب عن كجراى قلب الشرق ارجو أن تكتب عنه شاعر الكلمات المترعة
    بالحب
    كلمات ( تنشاف ) فى الظلام.
    والله يا محمد عثمان
    نحنا فى الغربة دى (متوكين تب) بالحزن
    والوجع
    والخوف
    اتمنا أن لا تصادر الغربة أحلامنا( فترنا.
                   |Articles |News |مقالات |بيانات

22-06-2007, 08:47 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)



    عليك يا حب تحياتي
    عليك أوقفت غاياتي
    وأفراحي وملذاتي
    أحبك ...
    وانسى فيك ذاتي
                   |Articles |News |مقالات |بيانات

23-06-2007, 02:42 AM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4124

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    ... لله درك يا محمد عثمان ! جزيل شكرنا .. عندك لنا دائما ابتداءت الفرذق في مقاطع جرولِ .. حدثنا بالله عن كجراى حديث النعمان عن ماء السماء .. او كما روى مالكُ عن انسِ .. بوستك يا ود حامد متل خام برنت عالي الإغلاق .. بودينا لي دنيا الصبابة .. و السعادة الفاتحة بابا ..
                   |Articles |News |مقالات |بيانات

23-06-2007, 05:49 AM

د.محمد حسن
<aد.محمد حسن
تاريخ التسجيل: 05-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    عزيزي الشاه

    اجل النظر يا صاح

    كتبنا ليك كم قصيدة في بوستك ده تاكد ليك اني ما زلت معطونا بالشغلة دي

    اما الرسم فقد نقلت الموهبة الى ( صبا) كبري بناتي وامارسه معها ( تتميز بانمل رشيقة وخيال قوي ربنا يحفظها ويحفظ عيالك

    وهاك الكبسولة دي عند اللزوم

    ونفرش رمل السكة ورود وازاهر
    ونحلم انك يوم حتجينا
    ولما تغيب يا غالي بنسال
    ولو اتجاهلت اكيد ما بنزعل
    لانك مننا
    فينا
    وبيك تهل الفرحة علينا
    ولما تغيبي بتبقى اماني
    الكون رؤياك
    وبيك بتبقى النسمة حنينة
    ولما نحي
    وليك نسلم
    عشان جوانا يزغرد
    ومرة يغرد بي تحنانك
    جاي يداعب ضي عينينا
    وتبقى الدنيا حبور وسرور
    وبهجة تناغم في اماسينا
    وريدة زول من قلبه نقية
    ما طمعان
    الامودة
    ليها نمد الروح ونسلم فيها
    بايدينا
                   |Articles |News |مقالات |بيانات

29-06-2007, 09:26 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: د.محمد حسن)

    د. محمد حسن
    Quote: اجل النظر يا صاح


    أحمده حمدا كثيرا أنك سادر في الهوايات القديمة.
    ل (صبا) وأخواتها منى السلام ، ولأم صبا بعد التحايا وسام النيلين من
    الطبقة ( العليا) زي ما بيقول عادل مختار ولك سلام محمدالفاتح.
    مودتي يا حبيب.
                   |Articles |News |مقالات |بيانات

23-06-2007, 06:40 AM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    Quote: إرتعاااشاتااك بتحكي
    قصة أحلاااامك معااااي
    وكل خفقة في قلبي نغمة
    تحكي ليكي شوقي وهواااي
    إنت في بهجة شبابك
    وحبي ليك من غير نهاية
    مافي داااعي ..


    عليكم الله دا كلاااام نصاااح..؟؟؟

    الحبيب عثمان موسى
    و الجميل احمد طراااو..
    رااجع ليكم و معااى اشوااقى ما وحدى بس شوية كدا..

    و على ذكر اللون و الالواان كما ذكر طرااوة
    فى مدااخلته السااابقة كان لاسماعيل حسن منحنى
    اخر و هو يقول في اللون الأسمر ذوبت شبابي
    وعشقت الجنة وفي الجنة عذابي..
    و وااصل عشقه للون الاسمر فى الليلة يااا سمرا
    لونك بديع
    وطبعك وديع
    وخدك يفوق
    زهر الربيع
    و لم يصدق ود الامين
    فخرجت منه اسمر جميل فتاان فكاانت اغنية الموسم وقته..

    و نبقى نحن هناااك مع الخدود الشاربة من لون الشفق عند المغارب
    ديل خدودك سيدي .. وسيد الناس .. يا سيد الحبايب
    ووووو
    لونك أبهى لون
    وكفاك العيون
    آه للإبتسامة
    كالنغم الحنون
    نظراتك لهيب
    وتثير الشجون


    و مااافى دااااعى......!!!!

                   |Articles |News |مقالات |بيانات

23-06-2007, 12:10 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    Quote: إرتعاااشاتااك بتحكي
    قصة أحلاااامك معااااي


    والله يامحمد صحي الكلام الفوق ده ما كلام نصاح،
    يا محمد كلمة (إرتعاشاتك) اللي عملت ليها ألف ألِف طالعه دي لما ارتعشت
    حروفا ذاتا كلمه ما هينه وهي من قاموس المفردات التى لاتشرح بل تُحَس فقط.
    وهي من الكلمات اللي مجرد قراءتها يُسري في جسدك موجة سريعة مركزها تحت الأذنين تتجه من الرقبه إلى الصدر لزوم الترجمه في منطقة العمليات ، شباب اليومين دي يسمي تلك المنطقه (حنانك) ، ثم تتجه تلك الموجه ب U turn إلى الظهر لتقوم بتعديل أي إنزلاق غضروفي أو أي حالة عدم إنتباه أو سهو ( والرعشة هنا تسمى انتفاضه ). لاحظ انو دي إرتعاشة واحده دعك عن عدد من الإرتعاشات . وبالطبع أبوصلاح كان عالما في جراحة الأعصاب ولم يك صعبا عليه متابعة ممرات تلك الأحاسيس حين قال : من هواك أنا جسمي دايما في ارتعاد ، والإرتعاد و الإرتعاش كلمتان تفيدا الحال التي يكون عليها زولنا ورغم تقاربهما في المعنى إلا أن ناس وأهل اللغة عندهم كلام تاني عن المصطلحات التي تستخدم لحركات أعضاء جسم الإنسان دون تحريكه لها كارتعاد الفريصة ونبض العرق وضربان الجرح وخفقان القلب واختلاج العين وارتعاش اليد الخ... . والغريبة كل تلك الحركات تلازم حالات الحب الجديد لنج بالذات أيام الثانوي العام ، مش كده يا طراوه؟ ياسلام على ( الوعي المبكر والعاطفه النبيله) ، نرجع للإرتعاش ، وطبعا ما أظنك ناسي صلاح بن البادية في أغنية وشوشني العبير حين يصل الى : يد الحرير ارتعشت ، إرتعشت بكيت من رعششششتهااااا ، بكيييييييييتُ .... تن تارا تن تارا تن تارا تان تارا تان تارا تان تان ، ووردي رجع لقصة الرعشة مره تانيه في قصة البت (هاله) وقال لمن شفتك شعرت الرعشه من راسي لي كرعي. من ثم فإن الإرتعاش يكون لليد ، زي قالب الجلي يعني ، أما الإرتعاد فيكون للفريصة وهي لحمة عند الكتف تضطرب عند الخوف كما يقول أهل اللغة وقال حسان بن ثابت:
    شك الفريصة بالمدرى ، فأنفذها ... طعن المبيطر إذ يشفى من العضد
    مقذوفة بدخيس النحض بازلها ... له صريف ، صريف القعو بالمسد

    والمعنى واضح .

    أغرب حاجه يا محمد إنو ناس المويه عندهم خبراء بيتحسسوا وجود أنابيب المياه تحت الأرض في منطقه ما بسلك في شكل 7 ويرتعش السلك في يدهم بشده عند وجود أنبوب ماء تحت الأرض ، برضو في واحد صاحبي كان لما يجي ماري ببيت بيعرف من خارج السور انو البيت ده فيهو بت سمحه ولاّ لا ، وده سببو المجال المغنطيسي لساكني البيت والقصه دي بيسموها ناس( الباز) وناس ( ناسا) Remote Sensor أو التحسس من البعد بواسطة الأقمار الإصطناعيه ، شوف بالله يا محمد ، زمان كنا بنراقب الأقمار هسّه الأقمار بقت تراقبنا.

    دنيا
                   |Articles |News |مقالات |بيانات

23-06-2007, 12:40 PM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    ود المرتضى....

    لكن ما محاااضرة فى التشريح الوجدااانى
    و زولك الشااعر الفلسطينى الذى كتب للفنان
    صلااح بن الباادية ليلة السبت طاار عبر الفضاء
    و لا ابولو فى السبعينااات:

    وجمعت باقات الزهور هنا
    ولكم .. بازهارى تزينتى
    القيتها بجوار مقعدنا الخالى
    حزينا اذ تخلفتى
    وبكى المساء الوردى
    وارتعشت كل النجوم .. عشية السبت

    وحملت .. اشواقى وعدت بها
    متلفحا بالليل .. والصمت

    و ارتعاااش النجوم دا يقولوا عليهو شنو..؟؟؟؟

    عاايتو انا داير محامى بعد كدا...!!!

    يديك العاافية...
                   |Articles |News |مقالات |بيانات

23-06-2007, 01:41 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)



    والله يا محمد المرتضى انا لما أدخل البوست ده
    بتكيف _ كلام الاخوان هنا كلام زى الورد. يا سلام
    تحياتى .
    اخيكم . عثمان عبدالرحيم موسى .
                   |Articles |News |مقالات |بيانات

24-06-2007, 09:52 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    محمد عثمان، يوم السبت ده الحاجه الوحيده الكويسه فيهو ليلة السبت نفسها.
    أغنية ليلة السبت دي ومعها (كلمة) لمحمد يوسف موسى كانتا من مقدسات
    صديق عزيز وظلتاعنده لزمن طويل كميثاق العمل الوطني عند الإشتراكيين العرب ،
    لكن يا محمد أغنية سال من شعرها الذهب دي عندها مكانه خاصه في القلب هي وشاعرها
    أبوآمنه رحمه الله.
    والله أبوآمنه ده يتحبّ في كل إتجاه.
                   |Articles |News |مقالات |بيانات

24-06-2007, 11:36 AM

د.محمد حسن
<aد.محمد حسن
تاريخ التسجيل: 05-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    واجما ماقيل في الانتظار والارتعاش
    ما تغني به ندي الصوت خليل اسماعيل

    وطالت وقفة الاشواق
    معاي جنب المكان زاتو
    انا ورعشة ظلال الليل
    وقلبي حزينة دقاتو
    فات ميعادنا فات روح
    وشال الليل حكاياته

    وجـــــــــــــــــــــــع
                   |Articles |News |مقالات |بيانات

25-06-2007, 00:22 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: د.محمد حسن)



    نتابع
                   |Articles |News |مقالات |بيانات

26-06-2007, 08:41 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: د.محمد حسن)

    اللهم ارحم كل الراحلين عن دار البوار هذه واسكنهم فردوسا عرضها السموات والأرض،
    اللهم أزل عن قلوبنا كل ما يعيبها واترعها بالحب والتسامح.
    العبوس غرّاره.
                   |Articles |News |مقالات |بيانات

26-06-2007, 12:50 PM

Sawsan Ahmed

تاريخ التسجيل: 29-11-2004
مجموع المشاركات: 0

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    الاستاذ محمد المرتضي!
    انشاءالله عافيه..
    شكرا ليك ولكل ضيوفك هنا..

    الصمت هو ابلغ تعبير ...

    لكن الناس دي محتحته حـب ..بختهم
                   |Articles |News |مقالات |بيانات

26-06-2007, 01:15 PM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: Sawsan Ahmed)

    Quote: محمد عثمان، يوم السبت ده الحاجه الوحيده الكويسه فيهو ليلة السبت نفسها.
    أغنية ليلة السبت دي ومعها (كلمة) لمحمد يوسف موسى كانتا من مقدسات
    صديق عزيز وظلتاعنده لزمن طويل كميثاق العمل الوطني عند الإشتراكيين العرب ،
    لكن يا محمد أغنية سال من شعرها الذهب دي عندها مكانه خاصه في القلب هي وشاعرها
    أبوآمنه رحمه الله.
    والله أبوآمنه ده يتحبّ في كل إتجاه


    ود المرتضى...

    غاايتو ما تذكرنا سبت المدرسة زمااان..!!!
    الحاااجة المحيرااانى ليه الشااعر اختار يوم السبت..؟؟؟
    شرة يوم السبت...حاااجة تحير..!
    ليلة السبت شااعرها فلسطينى و ليس محمد يوسف موسى
    انا شخصيا كنت حتى زمن قريب اعتقد ان من كتبها هو محمد
    يوسف موسى..حتى صححنى احد الاخوان...
    محمد موسى كتب الكثير من الاعماال الجميلة..للفنان
    ود الباادية...برواااقة كدا بنجيها راجعين
    و ايضا هناك يا صوتها لما سرى والفنان سيد خليفة
    و طبعا للاغنية قصة طويلة........بنرجع ليها برضو..!!
    عذبنى و زيد عذابك..و زى ما نسانى قلبك يمكن قلبى
    ينسى...وردى طبعا وايضا محمد يوسف موسى...
    معليش الظااهر سرحنا بعيدا مع محمد يوسف...

    طال انتظاار ليلة السبت..
    و قبل ميعاادنا بسااعتين
    و رجيتك فى انتظار عينيك كملت الصبر كلو
    و راح الميعااد و زمانى راح
    و اوعك تخلف الميعااد

    عليك الله شوف كم شااعر كتب الكلاام الفوق دا
    و كلها موااعيدو لقاءات...
    و المحيرنى الزول القال:
    اغالط نفسى فى اصرار و اقول يمكن انا الما جيت
    كلاااااااااااااااااام
    و بس...

    تخريمة:
    شكرا سوسن على انتشال البوست من الاعماااق
    لى يومين بفتش عليهو..

    شكرا كتير...
                   |Articles |News |مقالات |بيانات

26-06-2007, 03:25 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    Quote: يد الحرير ارتعشت ، إرتعشت بكيت من رعششششتهااااا ، بكيييييييييتُ .... تن تارا تن تارا تن تارا تان تارا تان تارا تان تان


    اقسم بالله انا بقرأ في المداخلة بتاعتك دى يا المرتضى وكنت زى الانسان المنبطح لعملية مساج ولما وصلت الحتة بتاعة يد الحرير ارتعشت وتن تار وتن تار وتن تار وقفت على طولى وانا في المكتب و بديت اعمل في حركات لا ارادية بعد شوية فتّحت وقلت استغفر الله .


    وحياتك يا المرتضى كب الحب كلوووووووووووووو في الهواء الاسفيري ده قبل اعصار باكستان ما يجينا .
                   |Articles |News |مقالات |بيانات

26-06-2007, 06:01 PM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4124

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    ... الي كل من يجمعون باقات الورود و يُعدون مفتخر الثياب في انتظار ليلة السبت .. كتب القصيدة شاعر اسمو ( محمد حسيب القاضى) ! لا ادرى ان كان فلسطينى او من الشوام عموما او من فلسطينيى غزة الذين عاشوا و تعلموا في مصر ! و واضح انو يوم الخميس و منذ عهد السودان التركى ، هو يوم (الحفلة و الرقيص ) .. اذ يقول الحردلو (محمد احمد ابوسن) : الزول السمح يوم الخميس واعدنا .. ومن ديم كسلا كان فتنا منو بِعدنا .. يا عبد الامين ما شفتو كيف واددنا .. ترا دا المنسينا العقاب و بلدنا ! وصدق من قال : خاصمت الكل علشان حِبانى ..
                   |Articles |News |مقالات |بيانات

26-06-2007, 08:55 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الحب في المنبر (Re: أحمد طراوه)

    لغاية الليل ما يطمئن في سكونه..


    مع حبي لكم جميعا..
                   |Articles |News |مقالات |بيانات

27-06-2007, 01:46 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: Muna Khugali)


    ( ضرب بموت الشاعر المحب مضاض المثل فى زمانه .
    قال رجل من أهل الطائف يقال له بهنان ، كان من أهل هزان بن سكسك :
    ____
    أموت اذا جد الفراق بيثرب
    . كما مات من حر الفراق مضاض
    فتى لم يخن لكن ردى الدهر خانه
    . تولى وللأيام فيه عضاض
    فباد ويحيى ذكره بعد موته
    . حديث على طول الزمان مفاض
    وخاض ببحر لم يكن منه مصدر
    . بعيد على الوراد ليس يخاض
    دعاه وقد قضى من الموت نحبه
    . بنات الثرى من دونهن رياض
    ___

    لقد مات مضاض وهو يشكو ظمأ المسامحة . وماتت فى أثره مى تشكو ظمأ
    الندم وكان أول الذين ماتوا عشقا فى الجاهلية .
    ( يا سلام ع .....
                   |Articles |News |مقالات |بيانات

28-06-2007, 01:14 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    Quote: شكرا ليك ولكل ضيوفك هنا..

    الصمت هو ابلغ تعبير ...


    ولك الشكر يا سوسن على التواصل ، كلمة التواصل دي تستخدم بتراكيب مختلفه وابن

    زيدون المحب حد الدله والوله يكثر من كلمة الوصل ويتباكى على زمانه مع بنت

    المستكفي في مناطق كاتالونيا وبرشلونه وعوض الكريم عبدالله سمعتو بقول حرموني من

    الوصال حرموني الحب الحلال ، على أية حال التواصل والوصل والوصال والصلة ، خصوصا صلة

    الأرحام والأحباب والمساكين شئ مقدس أدامه المولى بيننا.

    عودة لكلماتك أود التعقيب بأن الصمت في حرم الجمال جمال لكن الجمال الذي غطى به

    الأحباب هذه المساحة يناديك : يا سوسن هل من مزيد.

    الذين يكتبون هنا بندى الياسمين يا سوسن ليسوا ضيوفي بل هم أصحاب هذه المساحة ، ما

    أن يسمعوا مترنما حاديا كان أو شادي ، عاشقا كان أو هاو ، رائحا كان أو غاد إلا أتوه

    من كل فج عميق ، بعضهم يواسي بعضا ونفر منهم يحمل شحنات عاليه من العشق لو لامست

    الهاي تنشن لاينز وأبراجها لانصهرت. و بعضهم جاء ليدعوا لي أن يصبح حالي كالذي تعلق

    بأستار الكعبة وسأل ربه أن يزيده عشقا في الحِنَينَه المغنيسيوم كما يغني نزار وكاظم

    زيديني عشقا زيديني. تعرفي قصة المغنسيوم دي عاجباني من زمن المدرسه وقبل مده لقيت

    واحد كاتب مقال يتمنى (المرأة المغنسيوم ) التي تشع وتتوهج من الداخل وعجبني

    التشبيه ، مش زي تلك التي تلعب دور تشالنجر أو ديسكفري ترفعها صواريخ الدفع من الأرض

    إلى مراق عاليات وعندما تصبح قاب قوسين أو أدنى من الغلاف الجوي تتخلى عن تلك

    الصواريخ فتسقط الأخيرة هذه في محيط الأسى أو الأطلنطي أو بحر الظلمات، طبعا دي قال

    فيها محمد يوسف موسى (بشعري رفعتك أسمى مكانه يا الجازيتني بكسر جناحي) ، أها يا

    سوسن الناس اللي بيكتبوا هنا ديل متصالحين مع دواخلهم أيا كانت مواقعهم وهم لم

    يأتوا بطلب من أحد لكن سمعوا مناغمتي وجو يفقدوني و يتبنوني وأنا سعيد بمجيئهم

    وسأظل أنادي في الباقين حي على الحب حي على التسامح حي على الجمال من الوريد الى

    الوريد ، وعلى قلوب العاشقين في الأقاليم مراعاة فروق النبض.
                   |Articles |News |مقالات |بيانات

28-06-2007, 01:45 PM

ibrahim fadlalla
<aibrahim fadlalla
تاريخ التسجيل: 09-06-2007
مجموع المشاركات: 2584

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    Quote: صدقوني إن عدد القصائد هنا لاتكفي لتنفس عاشق واحد كتمبس ، والكلمات الورود والتعابير الأزاهير أصبحت في السوق السوداء



    نعم..أيها الصديق الـ "ما بينهبش باليد"..محمد المرتضى حامدالأجواء في المنبر
    سوداوية إلى حد كبير..وممتلئة بمعارك وهمية ...وعرسان مختلفين لقضة واحدة
    أو لقضايا متعددة ..ما فرقت ..لكنها في الخلاصة..عرسة لا تقدم جديدا يغير في واقع
    حياتنا ..بقدر ما هي تعكر صفونا وتخرب أمزجتنا الصباحية الرايقة ...
    بدل ما الواحد يدخل المنبر بحثا عن كوتته الإيجابية ..ليبدأ بها يومه ...
    يلقى الكتاحة قايمة ..بين زعيط ومعيط ..

    شكرا لك ..وللمتداخلين ...على هذه الروح الحية ..المنعشة التي تعطر هذا
    الحوش...
    ..عن الحب ...والورود ..سيأتي كلام...لو مد في الأجل...وظل بابكم متركشاً..
    ودي وتقديري ...مزيج بمزاج ...
                   |Articles |News |مقالات |بيانات

28-06-2007, 08:31 PM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    Quote: ... الي كل من يجمعون باقات الورود و يُعدون مفتخر الثياب في انتظار ليلة السبت .. كتب القصيدة شاعر اسمو ( محمد حسيب القاضى) ! لا ادرى ان كان فلسطينى او من الشوام عموما او من فلسطينيى غزة الذين عاشوا و تعلموا في مصر ! و واضح انو يوم الخميس و منذ عهد السودان التركى ، هو يوم (الحفلة و الرقيص ) .. اذ يقول الحردلو (محمد احمد ابوسن) : الزول السمح يوم الخميس واعدنا .. ومن ديم كسلا كان فتنا منو بِعدنا .. يا عبد الامين ما شفتو كيف واددنا .. ترا دا المنسينا العقاب و بلدنا ! وصدق من قال : خاصمت الكل علشان حِبانى ..


    الجميل احمد طرااوة...

    والله ما قصرت تب
    و شكرا للمعلومة
    و لتحية و التقدير للشااعر محمد يوسف موسى..

    يديك العاافية...
                   |Articles |News |مقالات |بيانات

28-06-2007, 08:54 PM

Sawsan Ahmed

تاريخ التسجيل: 29-11-2004
مجموع المشاركات: 0

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    [تخريمة:
    شكرا سوسن على انتشال البوست من الاعماااق
    لى يومين بفتش عليهو..

    شكرا كتير...]


    الاخ محمد عثمان


    قادر تتخيل لمن تكون في ضيقه والفرج يفتح ليك باب اهو البوست ده بحسه مفتاح فرج!!!
    كل مايختفي برفعه لكن الله غالب الناس فيه ما بقدر علي حروفهم بنقراءها وبنزوق ممكن نحاول لكن المحاوله ذاتها صعبه عشان كده هو ذي البحر تمشي ليه وتونس في صمت وامكن تغني وامكن تشكي وتبكي وترجع خايف يشوفك زول وتبقي في السؤال مالك وتغلبك الاجابه.......

    لك التقدير
                   |Articles |News |مقالات |بيانات

29-06-2007, 04:48 PM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    Quote: الاخ محمد عثمان


    قادر تتخيل لمن تكون في ضيقه والفرج يفتح ليك باب اهو البوست ده بحسه مفتاح فرج!!!
    كل مايختفي برفعه لكن الله غالب الناس فيه ما بقدر علي حروفهم بنقراءها وبنزوق ممكن نحاول لكن المحاوله ذاتها صعبه عشان كده هو ذي البحر تمشي ليه وتونس في صمت وامكن تغني وامكن تشكي وتبكي وترجع خايف يشوفك زول وتبقي في السؤال مالك وتغلبك الاجابه.......

    لك التقدير


    سوسن...

    التسجيل هنا فى هذا البوست اتوماتيكيا...البيدخل هناااا لن يستطيع الخروج
    و يلا ابقى ماسكة لوحك...و البيت بيتك.. و الحب ديدن الجميع هناا
    فى هذا البوست الذى تمكن من فك شفرة ارتعاشناا
    اصبح لنا واحة نستظل بها من هجير حاااجااات كتيرة
    و اصبح الملاذ الامن الذى نهرب اليه حتى لا تصيبنا
    الشظاايا التى تنطلق من هنا و هنااك عشوائيا..!!!
    نذكر لو المرتضى و بقية الناس الحلوين الهناااا
    انهم كسروا لنا ا شفرة لغة الجان فاتاحوا لنا مداخل كنوز وادى عبقر ..
    وفتحوا لنا عوالم الليل..
    وكما قيل ان خاويت الليل فتح لك مغاليق صمته..

    لن نتركك تذهبين للبحر وحدك..و البحر ايضا لم يتركه الشعرا وحيدا
    و حدربى محمد سعيد فى راائعة محمد ميرغنى:
    ياا الناااااازلة ماشه على البحر.. سااعة الحلب
    سااعة الشمس ياادوب بتطلع....
    و الشعااع من بين فتيحاات الغصون
    رقرق على قش الدرب....

    و قبله جعل ابن الشرق بااازرعة البحر شااهدا على حااله
    و هو يحكى عن ايااام خلت:
    يا ربا البحر أشهدي
    هاهنا كان موعدي
    وهنا كان مقعدي
    أنا والنجم والمساء

    الراحل مصطفى سيد احمد ايضا كان له صولاات مع البحر عندما غنى:
    وفى البحر .. إنتظزنى .. أنتظرنى
    فى حفيف الأجنحة والمساءات الطيور النازحة
    حين تنهد المزارات و تسود سماء البارحة..
    إنتظرنى..إنتظرنى
    و ايضا اغنيته المشهورة عجاااج البحر:
    يراقصني عجاج البحر .. ترعد داخلي الأمطار
    يكلمني تراب الأرض .. تشدو قلبي الأوتار ..
    أغنيكم .. أغنيكم ..
    أغني جذوة النار التي فيكم ..

    و عتيق لم ينسى ليلته فى شاطئ النهر:
    ما بنسي ليلة كنا في شاطي النهر
    نتعاطي خمر الحب بكاسات الزهر
    والبدر مزق ظلمته و سفر ازدهر
    في النيل سطع بي نوره واتقطع بهر

    و ننتظر الجميل احمد طرااوة يتم لينا الباااقى...ان كان فى الكاس باااق..

    شفتى البحر كيف..؟؟؟
    على وزن اغنية فيروز.. شايف البحر...!!!

    يديك العااافية....
                   |Articles |News |مقالات |بيانات

29-06-2007, 09:32 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    Quote: الأجواء في المنبر
    سوداوية إلى حد كبير..وممتلئة بمعارك وهمية ...


    إبراهيم فضل الله..

    والله صدقت ، تعرف يا أبوخليل لو عرف أصحابنا أن الثابت الوحيد في هذه الدنيا هو

    التغيُّر ما تجرأ أحد على الشطط والفجور في الخصومة ، نظرة سريعة للتاريخ البشري تكفي

    كل ذي بصيرة أن يفكر مرتين قبل أن يتمترس في خندق ويطلق لسانه كخزنة الكلاشينكوف

    وكل همه أن يبيد من يتخندق في الجانب الآخر مع انو يا ابراهيم احتمال أن يصبح ذات

    الشخص منتميا للخندق الآخر أكبر من احتمال أن يبقى مع من يقاتل معهم اليوم خلف

    أكياس الرمل ويترك رفاق الأمس يتنادوا مصبحين يقلبون كفا على كف وينشدون مع الجابري

    هات يازمن جيب كل أحزانك تعال جيب المحن ، على الأقل هذا ما تعلمناه من التاريخ

    السياسي السوداني بالذات قديمه وحديثه . يا سيدي إن قلب المرء بين أصابع الرحمن

    يقلبه كيفما شاء ، لكننا مع هذا الحراك والتقلُّب وقانون التناقض لا نرجو سوى أن يبقى

    الإحترام بين الناس هو الإطار الكبير وان يبقى الأدب ديدن كل من يحمل فكرا أو يرفع

    راية يستقطب خلفها المساكين والبسطاء أمثالي لأن العامة ، وشخصي منهم ، لا يسمح

    لهم وجدانهم أن يلتفوا حول لواء يرفرف عليه شعار غير شعار الإنسانية بكل ماتحمل

    العبارة من معان أدناها احترام الإنسان للإنسان . ياخ نتمنى أن يصلح المولى أعمالنا

    وقلوبنا وأن ننأى بأنفسنا عن قبيح القول كمرحله أولى .

    يا الخليل لو أن كل سياسي طبّق ما ينادي به على نفسه لأصبح بلدنا يوتوبيا لم يحلم

    بها فلاسفة الحضارة الهيلينية ، جنة عدن ..بس . ياخ الكلام في السياسة ده زي المشي في

    بلدان الزراعة في (الدَرَت) لازم جلابيتك تتملي حسكنيت ونعلاتك (ضِريسَا) ، ووفقا لتجربتي

    المتواضعة وجدت مجادلة كثير من يصنفون أنفسهم ساسة كلقيط الباميه ( الضَرَّابَه) أو

    الكركديه ( الأنقارا) كما يسمى في كردفان ودارفور ، تنتهي من جمعها لكن يبقى في

    أصابعك ( رايش) يقلل منامك ، وفي النهايه قلنا نخلي الباميه والضرّابه والضِرابه

    ( ونبني آمال في الخيال للقمره والنومه العميقه ) تفاديا للسهر والأرق والليالي

    الكوالح المسهدات ونقول حياة الحب نسمِّيها السعاده بكل معانيها.


    Quote: ..عن الحب ...والورود ..سيأتي كلام...لو مد في الأجل...وظل بابكم متركشاً..
    ودي وتقديري ...مزيج بمزاج ...


    كلامك ده ما بنساهو يا الخليل وربّنا يمد في أجَلَك وبابنا ما (متركش) لأنو نحن من

    الأصل ماعندنا باب ، يعني زي بيت الأمير نقدالله الفارس الأنصاري المعروف رحمه الله ،

    قالوا مرّه زاروهو ناس وهو كان مافي ، أها عرف إنو الضيوف ديل ما دخلوا لأنهم لقوا

    الباب مقفول فما كان منه إلا أن خلع الباب بقرار إداري نهائي نَفَذ من لحظة إعلانه

    وظل ساريا حتى هذه اللحظة .
                   |Articles |News |مقالات |بيانات

30-06-2007, 09:27 AM

ibrahim fadlalla
<aibrahim fadlalla
تاريخ التسجيل: 09-06-2007
مجموع المشاركات: 2584

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    لا فض فوك ... ودالمرتضى ...كلامك مليان بريحة الدعاش...وريحة
    أرضنا الطيبة....كلام أصيل ... ومليان وفي محلو ...بالظبط..
    ومن الليلة دي ..ما دام حوشكم ...مفتوح براية الكرم..والترحاب
    وبابكم ..زاتو ماعندو باب ...فج لي حتة صغيرونة بين صفوف
    ضيوفك الكرام ...شان أصنقر وأتربع ...واطرب الروح بالكلام البيطرب
    الأرواح ..ويزكي النفوس ...بعيدا عن ساس يسوس فهو " مسوس"....
    Quote: لا تهرول مع شدو الريح .. ودوي الطبل ..
    وزخم الأضواء .. باهرة..
    حسبك .. ما بإبطك ... رفقة
    و النظرة الثاقبة ..
    وطلاقة الهواء..
    وروعة السكون..
    وحسبك من الأرض .. مدى خطوك
    و شبرك حين تنام ..
    وزهو الدثار ..
    وطعم الطين ورائحة المطر ..


    مزيج بمزاج....
                   |Articles |News |مقالات |بيانات

01-07-2007, 03:54 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: ibrahim fadlalla)

    الشباب
    شنو ؟
    وين ؟
    سلامات
                   |Articles |News |مقالات |بيانات

01-07-2007, 02:31 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    نتابع
                   |Articles |News |مقالات |بيانات

02-07-2007, 08:34 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    http://د / أحمد طراوة ___ فى ندوة عن تاريخ الغناء فى السودان .

    عثمان موسى،
    أخونا أحمد ده لما يتكلم عن الغنا وتاريخو بيكون في الأصل بيتكلم عن تاريخ
    الحب والجمال ، كدى خليهو يقول ليك قصة الشاعر اللي جا ولقي المحبوبه نايمه
    قال فيها شنو ، ما تخلط بين حالة ناعس الأجفان والناعسات عَيوني ، أنا باتكلم عن
    السمحه وهي نايمه وفي مرحلة من النوم بيحصل frequent blinking للجفنين ناس طراوه
    ديل في الطب بيسمو الحاله دي ال Rabbit Eye Movement ونحن بنسميها حركات التحرر.
                   |Articles |News |مقالات |بيانات

04-07-2007, 10:42 AM

Sawsan Ahmed

تاريخ التسجيل: 29-11-2004
مجموع المشاركات: 0

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    Quote: الأجواء في المنبر
    سوداوية إلى حد كبير..وممتلئة بمعارك وهمية


    عشان كده نرفع البوست ده عشان يخفف الهجير يا مرتضي!

    الجمال والحب برغم الجرح والنزيف لانه ده الدواء
                   |Articles |News |مقالات |بيانات

04-07-2007, 11:18 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الحب في المنبر (Re: Sawsan Ahmed)

    هاكم الجن ده


    يكاد يصرعها لولا تشددها ... إذا تقوم إلى جاراتها الكسل

    إذا تلاعب قرناً ساعةً فترت ... و ارتج منها ذنوب المتن و الكفل

    صفر الوشاح و ملء الدرع بهكنةٌ ... إذا تأتى يكاد الخصر ينخزل

    نعم الضجيع غداة الدجن يصرعها ... للذة المرء لا جافٍ و لا تفل

    هركولةٌ ، فنقٌ ، درمٌ مرافقها ... كأن أخمصها بالشوك ينتعل

    إذا تقوم يضوع المسك أصورةً ... و الزنبق الورد من أردانها شمل

    ما روضةٌ من رياض الحزن معشبةٌ ... خضراء جاد عليها مسبلٌ هطل

    يضاحك الشمس منها كوكبٌ شرقٌ ... مؤزرٌ بعميم النبت مكتهل

    يوماً بأطيب منها نشر رائحةٍ ... و لا بأحسن منها إذ دنا الأصل

    علقتها عرضاً و علقت رجلاً ... غيري و علق أخرى غيرها الرجل

    و علقته فتاة ما يحاولها ... و من بني عمها ميت بها وهل

    و علقتني أخيرى ما تلائمني ... فاجتمع الحب ، حبٌ كله تبل

    فكلنا مغرمٌ يهذي بصاحبه ... ناءٍ و دانٍ و مخبولٌ و مختبل

    صدت هريرة عنا ما تكلمنا ... جهلاً بأم خليدٍ حبل من تصل

    أ أن رأت رجلاً أعشى أضر به ... ريب المنون و دهرٌ مفندٌ خبل

    قالت هريرة لما جئت طالبها ... ويلي عليك و ويلي منك يا رجل

    إما ترينا حفاةً لانعال لنا ... إنا كذلك ما نحفى و ننتعل

    و قد أخالس رب البيت غفلته ... و قد يحاذر مني ثم ما يئل

    وقد أقود الصبا يوماً فيتبعني ... وقد يصاحبني ذو الشرة الغزل

    وقد غدوت إلى الحانوت يتبعني ... شاوٍ مشلٌ شلولٌ شلشلٌ شول

    في فتيةٍ كسيوف الهند قد علموا ... أن هالكٌ كل من يحفى و ينتعل

    نازعتهم قضب الريحان متكئاً ... و قهوةً مزةً راووقها خضل

    لا يستفيقون منها و هي راهنةٌ ... إلا بهات و إن علوا و إن نهلوا

    يسعى بها ذو زجاجاتٍ له نطفٌ ... مقلصٌ أسفل السربال معتمل

    و مستجيبٍ تخال الصنج يسمعه ... إذا ترجع فيه القينة الفضل

    الساحبات ذيول الريط آونةً ... و الرافعات على أعجازها العجل

    من كل ذلك يومٌ قد لهوت به ... و في التجارب طول اللهو و الغزل

    و بلدةٍ مثل ظهر الترس موحشةٍ ... للجن بالليل في حافاتها زجل

    لا يتنمى لها بالقيظ يركبها ... إلا الذين لهم فيها أتوا مهل

    جاوزتها بطليحٍ جسرةٍ سرحٍ ... في مرفقيها ـ إذا استعرضتها ـ فتل

    بل هل ترى عارضاً قد بت أرمقه ... كأنما البرق في حافاته شعل

    له ردافٌ و جوزٌ مفأمٌ عملٌ ... منطقٌ بسجال الماء متصل

    لم يلهني اللهو عنه حين أرقبه ... و لا اللذاذة في كأس و لا شغل

    فقلت للشرب في درنا و قد ثملوا ... شيموا و كيف يشيم الشارب الثمل

    قالوا نمارٌ ، فبطن الخال جادهما ... فالعسجديةٌ فالأبلاء فالرجل

    فالسفح يجري فخنزيرٌ فبرقته ... حتى تدافع منه الربو فالحبل

    حتى تحمل منه الماء تكلفةً ... روض القطا فكثيب الغينة السهل

    يسقي دياراً لها قد أصبحت غرضاً ... زوراً تجانف عنها القود و الرسل

    أبلغ يزيد بني شيبان مألكةً ... أبا ثبيتٍ أما تنفك تأتكل

    ألست منتهياً عن نحت أثلتنا ... و لست ضائرها ما أطت الإبل

    كناطح صخرةً يوماً ليوهنها ... فلم يضرها و أوهن قرنه الوعل

    تغري بنا رهط مسعودٍ و إخوته ... يوم للقاء فتردي ثم تعتزل

    تلحم أبناء ذي الجدين إن غضبوا ... أرماحنا ثم تلقاهم و تعتزل

    لا تقعدن وقد أكلتها خطباً ... تعوذ من شرها يوماً و تبتهل

    سائل بني أسدٍ عنا فقد علموا ... أن سوف يأتيك من أبنائنا شكل

    و اسأل قشيراً و عبد الله كلهم ... و اسأل ربيعة عنا كيف نفتعل

    إنا نقاتلهم حتى نقتلهم ... عند اللقاء و إن جاروا و إن جهلوا

    قد كان في آل كهفٍ إن هم احتربوا ... و الجاشرية من يسعى و ينتضل

    لئن قتلتم عميداً لم يكن صدداً ... لنقتلن مثله منكم فنمتثل

    لئن منيت بنا عن غب معركةٍ ... لا تلفنا عن دماء القوم ننتقل

    لا تنتهون و لن ينهى ذوي شططٍ ... كالطعن يذهب فيه الزيت و الفتل

    حتى يظل عميد القوم مرتفقاً ... يدفع بالراح عنه نسوةٌ عجل

    أصابه هندوانٌي فأقصده ... أو ذابلٌ من رماح الخط معتدل

    كلا زعمتم بأنا لا نقاتلكم ... إنا لأمثالكم يا قومنا قتل

    نحن الفوارس يوم الحنو ضاحيةً ... جنبي فطيمة لا ميلٌ و لا عزل

    قالوا الطعان فقلنا تلك عادتنا ... أو تنزلون فإنا معشرٌ نزل


    الاعشى
                   |Articles |News |مقالات |بيانات

04-07-2007, 02:30 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: الطيب شيقوق)

    يا استاذ الطيب شيقوق سلام
    صدق القال
    اخد الحكمة من افواه المجانين
    تحياتى
                   |Articles |News |مقالات |بيانات

08-07-2007, 02:33 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)




    لا بد من أن ننقر باب
    حوش ناس ود المرتضى
    تحياتى
                   |Articles |News |مقالات |بيانات

14-07-2007, 02:48 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    _ يا حليف الخدرى ...........
                   |Articles |News |مقالات |بيانات

14-07-2007, 02:38 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    يا ناس
                   |Articles |News |مقالات |بيانات

14-07-2007, 06:21 PM

محمد عثمان

تاريخ التسجيل: 09-11-2006
مجموع المشاركات: 6489

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    Quote: يا ناس


    الحبيب عثماان...

    ناس ناسيانا...
                   |Articles |News |مقالات |بيانات

15-07-2007, 07:48 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الحب في المنبر (Re: محمد عثمان)

    Quote: عشان كده نرفع البوست ده عشان يخفف الهجير يا مرتضي!

    الجمال والحب برغم الجرح والنزيف لانه ده الدواء


    الشكر يا سوسن ممسكة باللواء ، لواء الحب ، وإن تكاثرت الرماح ولمعت السيوف.

    عثمان موسى ، خبير التنقيب عن النفائس والعناصر المشعه على حد سواء. لك مودتي يا العزيز.

    محمد عثمان ، صدقني مازالت (مِتلِي كم ضايعين) تتبعني أكثر من ظلي فالأخير يغيب في المغيب.
                   |Articles |News |مقالات |بيانات

15-07-2007, 08:08 AM

د.محمد حسن
<aد.محمد حسن
تاريخ التسجيل: 05-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: الحب في المنبر (Re: محمد المرتضى حامد)

    الشاه الغارق

    وانت تذكر لي افرادا من كوكبة عصابة الزمن النقي

    تذكرت قصة صديقنا المقروح والذي كان منوما بمستشفى الجامعة
    كان يعاني من القرحة ومن احدى حسناوات الجامعة الامريكية ، وكانت متنزة بعض شئ
    ونسبة لتفاقم القرحة قرر صديقنا ان يقلع نمرها
    وكانت هذه فرصة لاخونا عادل ان يتقرب ويركب ليها لوحة جمرك اسكندرية
    واتته الفرصة ونحن في طريقنا لزيارة المقروح بالمستشفى وكان في معيتنا زميلاتنا الصدوقات
    قابلتنا الحسناء وقد زاد اكتنازها
    وكانت تنتعل بنطالا بالزيت
    نظر اليها عادل وبعد السلام قال ليها
    والله سمنت يافلانة ردت عليه بسذاجة
    عرفتني كيف
    تنلجلج عادل وترجرج
    ثم قال لها

    ؛( جضومك كبروا)

    تحياتي للوالد الاستاذ حامد عبد الله والعقد الفريد
                   |Articles |News |مقالات |بيانات

15-07-2007, 10:50 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17387

للتواصل معنا

FaceBook
تويتر Twitter
YouTube


Re: الحب في المنبر (Re: د.محمد حسن)



    - مادام هاجرنى ... ارسلى نسيمك
    عليك الله يا محمد المرتضى الكلام ده كلام نصاح ؟
    اغنية تخلى الواحد عينيه ترقرق .
                   |Articles |News |مقالات |بيانات

16-07-2007, 03:08 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الحب في المنبر (Re: Osman Musa)

    Quote: إذا تقوم يضوع المسك أصورةً ... و الزنبق الورد من أردانها شمل


    هسع ده ما قال طابق البوخة القام نداهو يهتف عديل كده ، بس فاقد ليهو توضبة وتبربحة بجاى وبجاى عشان يستوى بس

                   |Articles |News |مقالات |بيانات


[رد على الموضوع] صفحة 4 „‰ 7:   <<  1 2 3 4 5 6 7  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de