|
Re: غايتو الدخلوا هجليج ديل الوسيعة دي حتبقي ليهم ضيقة خلاس .. (Re: Munir)
|
منير يا حبيب
كيف حالك يا خي
إنتا قلتا
Quote: غايتو ياود الباوقة رغم إن سكوت الجيش ده وإستغفاله غايظني ، إلاّ أني محسن الظن وأتوقع أنه شغال غمَّاتي كالعادة .. إحتمال ما عاوز يعمل شوشرة إعلامية وداير يبيد الناس ديل بعيداً عن الضوضاء لأنك عارفهم بتاعين كواريك وساعة يتعصروا تسمع الواي واي تجيب الطاشي ..
|
أها النديك النجيضة ومن زول دفعة وكان حاضر الهجوم الأول، جيش جنوب السودان لمن هجم المرة الاولى واحتل هجليج، الهجوم كان مفاجئ للجيش، الجيش انسحب ولملم اطرافه ورجع استعاد هجليج، معاك في!
أها الجماعة جو من الخرطوم وهاك يا تسفيه للجيش وكيف إنتو يا جيش الله قدركم وتخلو هجليج وتشردو منها، المهم صدرت الاوامر للجيش بإخلاء هجليج وتسليمها لقوة خاصة تابعة لجهاز الأمن لحماية هجليج، أها ناس (القوة الخاصة) ديل الشردوا المرة التانية لمن هجم جيش جنوب السودان.
هسه رجعوا تاني لي ناس الجيش عشان يستعيدو هجليج.
يا منير يا خوى البلد ملينة قوات مسلحة وكلو واحد داير يكبر كومو، ومرة يستعينو بقوات (جهاز الأمن) ومرة بالاحتياطي المركزي ومرة (بالجنجويد).
لكن المهم في الموضوع كلو أنا شايف إنو نوقع مع الجنوب اتفاق الحريات الاربعة ونتانزل عن هجليج زي ما اتنازلنا عن حلايب (وأهو كلو احتلال في احتلال)، وموضوع الفشقة دا ننساهو خالص.
العجيب في الموضوع إنو هجليج دي ارض سودانية وتم احتلالها من دولة أخرى ونفس الموضوع حصل بالنسبة لحلايب والفشقة، لكن شايف موضوع (هجليج) دا براهو البيمس السيادة والوطنية (تُقرأ القنزبية او النهبية).
ليه حكومة الإنقاذ الوطنى تفرط في الارض السودانية سواءاً حلايب أو الفشقة أو هجليج ولا نسمع بمحاسبة أحد.
فتناك بي عافية.
|
|
|
|
|
|
|
|
|