|
|
|
 Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
عدنا لنواصل المحاكمة ولنسمع إفادات شهود الدفاع وإستجواب المتهمين ( مثني)
كان للدفاع شاهد واحد فقط جاء ليشهد في صالح المتهم الثاني (رفيق يونس) وتقدم بشهادة يفيد فيها ان المتهم الثاني لم يكن متواجدا في البلد لحظة وقوع جريمة النهب المسلح وان وجوده مع يونس في محل القبض عليها بقرية ود النيل كان مجرد صدفة .
هذا النوع من الدفاع يعرف لدى القانونيين بال defence of albi وكلمة albi لاتينية الاصل وتعني عدم وجود المتهم اصلا في منطقة الحادث وقت ارتكاب الجريمة - مثلا جريمة ارتكبت في سنار واتهم بها شخص قدر يثبت انه وقت ارتكابها كان في جوبا وافلح في اثبات ذلك فالنتيجة الحتمية هي البراءة.
هذا النوع من الدفوع يحتاج لمحامي متمكن لنسج خيوط دفاعه لانه اى ال Defence of albi يستطيع المحامي المحنك تفكيك شفراته
ولا يجوز للمتهم تقديم هذا النوع من الدفوع مع دفوع احتياطية اخرى مثل الدفاع عن النفس او الاستفزاز ولم يحدث ان قبلت المحكمة قبول هذا الدفع مع مجموعة دفوع اخرى الا في قضية العميد طبيب بكار التي راح ضحيتها ثلاثة من ابناء مدينة ود راوة قام الطبيب بكار بدلق جردل بنزين وولع النار في دكانهم فماتوا جميعا وكان ذلك تقريبا في بداية التمانينات من القرن الماضي .
| |
 
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: nazar hussien)
|
سعادة المسنوح المستشار
المستشار المسنوح........
لو قلنا نتابع بنكون قصرنا..
لكن بوست قهرنا وفترنا من القراية..
سرقت زمنا يا مسنوح..
تاني لو عندك عواليق زي دي قول لينا عووووك من البداية عشان نقرا شوية شوية..
هسي الجوعة وتأخير الصلاة وشنو كدا معارف كلها معلقات في رقبتك دي.. زي يوم نميري بتاع رمضان داك..
أعمل لغاويسك جوة المحكمة.. لكن لو جيت لاسماء قرانا والمسافات انقرع وما تلخبط..
ناخد لينا جمة قبل تردمنا بحشو جديد..
تحياتي
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: Abdlaziz Eisa)
|
Quote:
هذا النوع من الدفاع يعرف لدى القانونيين بال defence of albi وكلمة albi لاتينية
الاصل وتعني عدم وجود المتهم اصلا في منطقة الحادث وقت ارتكاب الجريمة - مثلا جريمة
ارتكبت في سنار واتهم بها شخص قدر يثبت انه وقت ارتكابها كان في جوبا وافلح في
اثبات ذلك فالنتيجة الحتمية هي البراءة.
هذا النوع من الدفوع يحتاج لمحامي متمكن لنسج خيوط دفاعه لانه اى ال Defence of albi
يستطيع المحامي المحنك تفكيك شفراته
|
أستاذي شيقوق
أشهد الله وخلقه بأنك متمكن
منتظرين وبمهلة كمان
سلامي وتحياتي ليك والجميع
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: Abdlaziz Eisa)
|
Quote: هيع....يونس الأصم....الرِّقيِّق خيت الشَلَّه
علي الحرام الزول دا أصلوا ما بكبر!
لاقيتوا قبل اسبوع في ميدان أبو جنزير....سلمت عليهو
علي الحرام الساعه النتلني آمِن سفيت التراب! الكرسااااااااااااابل.
قال لي إشتريت لي (فيزة) راعي وماشي سلطنة عمان!!
يا ود شيقوق شوف لك مصرف زي حق القذافي أدخل فيه. |
يا شيخ العرب ود شيقوق سلام
يا أخي إنت ما قريت كلام أخونا محمد فضل الله المكي أعلاه؟؟ يا زول أعمل تأشيرة بريطانيا سريع ... أحسن ليك قبل فوات الأوان ...
تحياتي
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: عبدالمجيد المقابل)
|
سلام يا أستاذنا ..
أتابع فصول هذه المحاكمة بنهم من يبتغي المزيد كلما زدت في سرد وقائعها فمنكم نتعلم و بإذنه تعالى نستفيد ..
و لدى بعض الملاحظات التي أود إبدائها حال فراغكم من هذا السرد الشيق .. و آمل أن يكون ذلك سريعاً ما أمكن ..
| Quote: قضية العميد طبيب بكار التي راح ضحيتها ثلاثة من ابناء مدينة ود راوة قام الطبيب بكار بدلق جردل بنزين وولع النار في دكانهم فماتوا جميعا وكان ذلك تقريبا في بداية التمانينات من القرن الماضي |
شغفت بهذه القضية و تابعتها حتى قبل أن أدرس القانون .. و وقفت على دقيق تفاصيلها لاحقاً ..
و لأنها كانت قضية شغلت الناس و لا زال صداها يتردد فآمل منكم بعد الفراغ من هذا البوست أن نتناولها هنا بما من شأنه تعميم الفائدة و بإذن الله تعالى سأخصص لها بوستاً عقب الحج ..
تحياتي لكم أستاذنا و عبركم لأساتذتي الأفاضل / يحي عبد الكريم و الفاتح ميرغني و بقية الأساتذة و آمل أن يتحفونا بثر مشاركاتهم و فيوض خبراتهم ..
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: وليد عبد اللطيف)
|
ونحن ما زلنا مع يونس في سجن مدينة ود مدنى التي تبعد مسافة ساعتين ونصف من مدينة الدندر التي انتقلت بمكتبي للعمل بها كمحامي وموثق للعقود بعد فترة عمرها 12 سنة بمدينة السوكي التي كانت اول محطات العمل في مهنة المحاماة . سبقت تلك الفترة سنة للتدريب بمدينة كوستي في مكتب عبد المحمود الحاج صالح وزير العدل السابق وذلك بعد التخرج من الجامعة في العام 1983 م.
من اكثر القضايا السائدة في مناطقنا تلك هي قضايا القتل والنهب المسلح وقضايا السالف وقضايا احتكاكات الرعاة مع المزارعين بالاضافة الى مخالفات قانون حماية الحياة البرية وبالتحديد الصيد الجائر في حظيرة الدندر وتعدى الرعاة على مساحاتها . كانت اكثر من 70 % من القضايا التي ترد الى المكتب هي قضايا الدفاع عن العرب المتهمين بمخالفات قانون الحياة البرية تلك .
مضت ستة اشهر ويونس ما زال في انتظار تاييد حكم الاعدام .
طيب خلوني انجم شوية ونمشي نشوف السيناريوهات الجاية .
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
كنت اسكن بقريتي ( البردانة) وعادة احضر الى مكتبي في مدينة الدندر التي تبعد عن البردانة 10 كيلو مترات كل صباح بعربة لاندروفر استيشن - كلما يسمع الاهل صوت تسخين اللاندروفر مع الصباح بجوا جاريين لحجز مقاعدهم والسفر معي للمدينة .
وصلت المكتب ذات صباح فوجدت عربة لاندكروز ( ليلى علوي) امام المكتب - قطعت الشك بان هنالك قضية مانعة اهلها في انتظاري . نزل الاهل من اللاندروفر ونزلت انا و توجهت لمكتبي ولدى دخولي قابلتني السكرتيرة وقالت لي يا استاذ ( جوك ضيوف باقي لي من بعيد ربما تكون عندهم قضية محتاجين ليك) قلت ليها وين مشوا ؟ قالت لي مشوا لمكتب صاحبك عبد الله طه زين الدين . الاخ عبد الله طه زين الدين هذا كان يعمل سابقا مديرا لسجن سنجة وبعد التقاعد فتح مكتب لشراء محاصيل الذرة والسمسم مجاور لمكتبي . قلت للسكرتيرة أنسيهم وخليهم يكملوا ونستهم مع الاخ عبد الله وبعد شوية عبد الله بجيبهم لينا .
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
اخي صلاح دهب
ربنا يسهل ويجعله حجا مبرورا وسعيا مشكورا ولا تنسانا من صالح الدعوات
| Quote: و لأنها كانت قضية شغلت الناس و لا زال صداها يتردد فآمل منكم بعد الفراغ من هذا البوست أن نتناولها هنا بما من شأنه تعميم الفائدة و بإذن الله تعالى سأخصص لها بوستاً عقب الحج .. |
قضية بكار -اخى الحاج صلاح - كنت حريص على حضور جميع جلساتها عندما كنت طالبا بجامعة الخرطوم الى ان تم الحكم عليه بالاعدام شنقا حتى الموت .
ايضا قام نفر من الاخوة القانونيين بتقديم عرض مسرحي لها في نادي الجالية السودانية بسلطنة عمان وقد كلفت انا شخصيا لتمثيل دور المدي العام الاستاذ عمر المرضي . وقد تم تسجيلها في اشرطة فيديو ما زالت متداولة بين الناس هنا في مسقط .
طلبك على العين والراس وربنا يعدل دربك لارض الحجاز
عميق ودي
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
رشا بت سوار الدهب
سلام والف مرحب بيك يا استاذة
Quote: بوست وسرد للقضية جميل ورائع بحق .
متابعة للبوست باستمتاع خالص . |
بوركت وربنا يهنيك بمزيد من الاستمتاع
Quote: اذا رجع بي الزمن حبة بس ( ما كتير ) كنتا حادرس قانون .
ولكن فات الآوان والنكتب علي جبينا الليلة بان . والحمدلله علي كل حال . |
ربنا يديك طول العمر - لا حاشاك فما زالت امامك الفرصة لدراسة القانون إن توفرت الارادة
إن كانت رغبتك للمعرفة فقط فالموضوع بسيط جدا لملمي ليك كتب قانون وإتلهميها قراية .
وإن كانت للإسترزاق فأوصيك بالبحث عن مصدر آخر بعيد عن مهنة النكد والتعب ويونس وكدا .
لك أطيب امنياتي
وكل عام وانت والسواراب بألف خير
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: mohmed khalail)
|
كعادة اهل الريف بتكون الدواويين امام المنازل ومنعزلة عن بيوت العوائل بحيشان خاصة بها . كان لدى ديوان متواضع في القرية بس مؤثث كويس لزوم استقبال الضيوف لا سيما المتقاضين البجوا مرات متلهمنّك من البنادر في اي لحظة من ساعات الليل . منزلي كان وما زال امام القرية .
وعادة ما يكون لكل مزارع عندنا هناك خلوة خاصة للعمال وغالبا تكون جوار الديوان نفسه .
من المهم الاشارة هنا ان اسرة شيقوق التي قد يمتد عدد افرادها الى 2000 نسمة تقيم في حي واحد اسمه فريق شيقوق . وزى ما قلت ليكم كنت يوميا بسافر للمكتب بمدينة الدندر على بعد 8 او 10 كيلو مترات من القرية .
وفي يوم من الايام و اثناء ما كان المساعد بسخن في اللاندروفر ، مع الصباح ، قلت امشي ادردش مع ابن عمنا ، الاستاذ بمدارس الاساس على بانقا شيقوق ، في بيته المجاور لديواني وعلى بعد 150 متر تقريبا .
مشيت لعلى بانقا شيقوق وكان ود بانقا وقتها في حوش خلوة عمّاله المجاورة لمنزله . سلمت عليه وأستاذ على رد لي التحية هاشا باشا ودخل بيتو عشان يكلم المرة تعمل لي كباية شربات وكدا . في اثناء تحرك على الى منزله دخلت انا خلوته و لقيت ليكم راجل متشوبح في عنقريب قد ( من الجلد يعني) ولابس عراقي دمورية وسروال طويل وحجبات في ضرعاته . مليت عيني فيهو كويس وهو ما شافني في تلك اللحظة لقيت ليكم الزول دا ياهو يونس زولي ذااااااااااااااااااااااااتو .
لم أبد أي دهشة او استغراب او عمل اى تعليق و طوالي انسحبت من الخلوة ومشيت ديواني وناديت ولدي قلت ليهو اجري يا ولد نادي لي عمك على بانقا داك قول ليهو ابوي عايزك ضروري جدا وقول ليهو لو عملت ليك شربات جيبا لي هنا .
فعلا على جاني بي شرباتو – وطوالي سألتو من الزول النائم في خلوتو دا منو ؟ على بانقا في الحقيقة ما بعرف يونس - قال لي ( يا سلام يا أستاذ الطيب دا جدي حسين شغال معاي في قطع العيش والسمسم ، جاني قبل اسبوع ، و من احسن العمال الاشتغلوا معاى لانو بمشي الشغل صلاة الصبح وبرجع من الشغل صلاة العشاء واصلا ما بمشى بوسط الحلّة بمشي باطراف الحلة ذهابا وإيابا لحدى يصلنا . بعدين جدي حسين دا قوى خلاص برفع جوال السمسم بيد واحدة على ظهر الحمار ، بس عندو حاجتين ما سمحات ن بهلوس في النوم كتير وعندو مخلاية خاتي فيها حاجات ما برضى حد يهبشا او يقول ليهو جواها شنو؟)
انا خلاص قطعت الشك دا يونسي ذاتو طوالي قلت لعلى بانقا يا اخوي دا ما جدك حسين ولا حاجة . انت مش سمعت زمان انا كنت ماسك قضية ضد عصابة فيها يونس ؟ قال لي آآآآآآآآآآآآي بالحيل سمعت وانت ذاتك كنت حكيت لي عنها .
قلت ليهو طيب طيب طيب دا ياهو يونس ذاتو ، يا على اخوي ، وجاي قاصدني انا شخصيا - انت بس خليهو ما تشاغلو وخليهو يمشي للخلاء بتاعك عادي وانا ماشي ابلّغ الجهات الامنية . وانتوا ما تتخلعوا من مداهمة الشرطــــــة خليكم عاديين . على قال لي كويس امشي جيب الشرطة .
فاصل ونواصل
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
الأستاذ/ الطيب شيقوق...
السلام عليكم ورحمة الله وبركاته...
الحلقة الأخيرة نبهتني لمسألة إنو أنت ما أظن ذكرت عمُر يونس في بداية الحكاية
وطبعا أنا كنت متخيلو شاب وقوي..
بس هسع ود عمك وصف يونس بأنو "جد" بكسر الجيم..
وطبعا طوالي الواحد يفكر في واحد عمرو فوق الخمسين...
وبكده نراجع الصورة التخيلية ليونس.. وده لأنو أنت في الأول ما قلت العمر...لو انا متذكر كويس
أنا عشان كده بحب أقرأ الكتب أكثر من الأفلام... لأنو القصة المكتوبة
بتديك مجال أنك تشحذ مخيلتك وترسم شخوصها بمعرفتك بعكس الأفلام
بتفرض شكل الشخصية عليك.. لكن لازم الخطوط العريضة للشخصية
تكون محددة لا سيما العمر ولا شنو؟
سامحنا يا أستاذ... والحلقة الجاية تكون بعد الصلاة
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
صديقي الطيب..حبابك
و حباب ضيوفك جميعا..
و كلكم عيد مبارك..زايدين ماني ناقصين..
بالنسبة لسؤال اخونا عصام دهب..
اذكر حينما كنت سكرتير ثقافي لجمعية طلاب و طالبات كلية القانون بجامعة الخرطوم (1989).. ان كانت تلك القضية من ضمن فعاليات الأسبوع الثقافي للكلية..
و من الذين مثلوا فيها دور.. اخونا و زميلنا و صديقنا وليد ابكم (و هو عضو بهذا المنبر)..و ممثل الدفاع زميلنا و صديقنا الجميل عبد الحليم ضيف الله (و هو من اذكى و اظرف طلبة القانون الذين قابلتهم)..و كانت هناك مفارقة طريفة في تمثيل عبد الحليم للدفاع.. لأن محامي الدفاع في القضية الأصلية هو مولانا و استاذنا و استاذ الأجيال عبد المجيد امام..و عبد الحليم كان مؤتمر طلاب مستلقين..و هو الحزب الذي عرف بالمؤتمر الوطني و كان رئيسه استاذنا عبد المجيد امام..!!
و ايضا اذكر من اشرف على العمل منذ انطلاقته و حتى عرضه على المسرح.. استاذنا العلامة مولانا زكي عبد الرحمن..و كان وقتها قاضي المحكمة العليا في السودان..و المفارقة أن مولانا زكي هو احد قضاة المحكمة العليا الذين باشروا هذه المحاكمة..و هو الذي صاغ المذكرة التي نشرت في مجلة الأحكام القضائية ..!
القضية فيها جوانب قانونية مهمة للغاية..و اذكر احدى الزميلات جاتها ام هلاهلا..و قالت عبارة طريفة (وكت دفاع عبد المجيد امام ما اجدى..تاني نحن نقرا قانون لي شنو يعني..؟!!)..
ميزة هذه القضية أن حكم الإعدام فيها قام على بينة شاهد واحد فقط..!!
نتمنى أن يتم عرض هذه القضية في المنبر عشان الناس تستفيد منها..
و اتمنى أن يكون ابناءنا و بناتنا من اصدقائنا و صديقاتنا طلاب القانون متابعة خيط اخونا و استاذنا الطيب..لأنو جديد بنق..والناس ما ح تلقاهو في كتب القانون..
و من عبركم جميعا التحية لأستاذي و استاذ الأجيال دكتور زكي عبد الرحمن..
و نعتذر يا الطيب على التعريجة (نحن عندنا مشكلة وكت و زهايمر مبكر..كن سهينا تاني ما بنتذكر)..
و دمتم..
كبر
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
| Quote: لحدي الان المشهد عادي |
زول يقولوا ليه الزول الطالبت باعدامه هرب من السجن والمعلومات تقول انو جا الدندر
ويقول ليك لحدي هنا المشهد عادي.....عادي كيف يعني!!!!!
ارجو اعادة الاجزاء المحذوفة التي تصف ما حالكم حينها واي زيادة في عدد ضربات القلب ان حدثت..
لكن ما اظن حاجة زي دي حصلت لزول يشوف القاتل وصل لحدي بيت جيرانو ويقول ليهم جيبو لي الشربات حقي
تشرب ......يا المسنوح
نحن مبطلين شغل العيد وانت في الشربات ....ا
| |
|
|
|
|
|
|
|
|
 Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: Mohammed Ahmed Saeed)
|
Quote: هذا النوع من الدفاع يعرف لدى القانونيين بال defence of albi وكلمة albi
لاتينية الاصل وتعني عدم وجود المتهم اصلا في منطقة الحادث وقت ارتكاب الجريمة |
الشي قرّبت تبقى البِل.
إتذكرت خالفين سيقانهم فوق السنكيت، وقلت الـdefence
ده كان فوق كُوم المهاري واللآ شنو؟؟؟
يا زول قربّت تودر علينا صلآة الصُبُح، ما تجي
تتابع أكان نقوم نشوف صايبنا.
السلآم ليك ولوليداتك والعيد يتبارك عليكم...
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
نزوكي
Quote: زول يقولوا ليه الزول الطالبت باعدامه هرب من السجن والمعلومات تقول انو جا الدندر
ويقول ليك لحدي هنا المشهد عادي.....عادي كيف يعني!!!!!
ارجو اعادة الاجزاء المحذوفة التي تصف ما حالكم حينها واي زيادة في عدد ضربات القلب ان حدثت..
لكن ما اظن حاجة زي دي حصلت لزول يشوف القاتل وصل لحدي بيت جيرانو ويقول ليهم جيبو لي الشربات حقي
تشرب ......يا المسنوح
نحن مبطلين شغل العيد وانت في الشربات ....ا |
خليك معانا عشان تعرفي الكلام دا لحدي هسه عادي
جاييكم للمنعطفات المذهلة
عايز اقول ليك حاجة لكن الجماعة قالوا لي ، لا في البوست دا ما تجيب حتى كلمة مسنوح - اصبري لي بلاقيك في البوستات التانية وبلحقك امات طه
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
| Quote: في اثناء تحرك على الى منزله دخلت انا خلوته و لقيت ليكم راجل متشوبح في عنقريب قد ( من الجلد يعني) ولابس عراقي دمورية وسروال طويل وحجبات في ضرعاته . مليت عيني فيهو كويس وهو ما شافني في تلك اللحظة لقيت ليكم الزول دا ياهو يونس زولي ذااااااااااااااااااااااااتو . |
غايتو الزول دا لو كان شافك يا شيخ العرب كان حيرنا فيك ... بس سلامة كبيرة والله ... يا أخي دا مجرم محترف ...
يعني بدل ما يهرب جاي يا خد تاره ....
متابعين بشغف شديد ...
تحياتي
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
عزيزي نوفل،
الإحترام الصادق لرأيك لكن مشاركة ناس القانون هنا في الأمور المتصلة بعملهم شبه مستحيلة،
لكنهم ربما يبدون الرأي في مسائل تغلب عليها صبغة العمومية لا أكثر.
| Quote: غايتو يا المسنوح الشحتفة دي التقول زارعنها في كيبوردك دا زراعة ..!! |
زي ما بيقولوا Look Who's Talking
إنت بالذات يا ناذر (الشحتفه) دي بتضقل بيها ضقِل..
شيقا .. سألتك بالله keep him on his toes
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
المقتولة ما بتسمع الصيحة - هكذا يقولون
حملة البحث عن قاتل الهلالي كانت بقيادة الرائد شرطة ابراهيم ..... رئيس مركز شرطة كركوج .
كانت حملة بمهارة شرطيّة عالية جدا . رواها لي ابراهيم قائدها شخصيا حيث قال لي:
بعد ان ذهبنا لمكان الحادث وجدنا المرحوم الهلالي ملقيا ميتا ملطخا بالدماء وهو في المقعد المخصص لسائق العربة ماركة استن التي كانت تحمل على متنها شحنة من الذرة ، علمنا من تحرياتنا ان المرحوم ترك عربته تايوتا بوكس وتحرك بالاوستن من قرية مجاورة الى مخازنه بقريته ابو تيقة وكان ذلك في او حوالي الساعة السابعة ص . لم نجد اثر معركة ولكن وجدنا العربة قد خرجت من مسارها الطبيعي مما يرجّح ان المرحوم حاول وقتئذ ان يصدم الجاني بالعربة غير ان الجاني استطاع ان يهرب منها ويصوّب بندقيته الكلاش تجاه راس المرحوم ويرديه قتيلا ثم نهب ما في جيبه وهرب لجهة غير معلومة .
بعد ذلك – والكلام لابراهيم قائد حملة البحث عن الجاني - امرت القوة التابعة لي مدعومة بقوة من مراكز الشرطة المجاوره بان يلبس اي واحد منهم ملابس فحّامة وعمّال جنقو ( يعني عراقي وسروال بشرط تكون ######انة ) واحضرنا عربة ماركة اوستن قديمة وكلمت السواق ان يتجه بنا جهة جبل كردوس حيث توجد قرية في هذا الجبل ولكنها صغيرة للتجمعات العمالية تتوفر فيها المريسة والبقنية والعسلية وايضا الحشيش وهي ايضا مكمنة للمجرمين احيانا .
عندما وصلنا القرية همس في اذني احد الجنود قائلا ( يا سعادتك قرية جبل كردوس دي يونس كان مصاحب ليهو واحدة فيها ، خلينا نمشي براااااااااااااحة لبيتها ونتشمشم يمكن نلقى العصابة هناك . واقول لك ، يا سعادتك ، انا داخلني شك الزول الكتل الهلالي دا يكون يونس ذاتو لاننا نحن شغالين هنا اكثر من عشرة سنين وبنعرف اسلوب يونس الاجرامي وهو ذات الاسلوب الذى قتل به الهلالي ) . كيف يكون يونس ؟ تساءل الرائد ابراهيم مندهشا ( نحن على يقين يونس تم القبض عليه بقرية البردانة وأعيد لسجن مدنى وهو الآن هناك في انتظار تأييد حكم الاعدام لكن برضو نتوكل نمشي نشوف بيت المرأة دي يمكن يكون الجاني ليهو علاقة بيونس وبنزل محلات منزلات يونس.
نواصل بعد لحظات
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: النذير حجازي)
|
اخي النذير
Quote: شكراً يا أبو الطب
وعليك الله أجدعنا بقصة تانية |
اصبر بس جاياك قصة مضوي اسد البطانة ،يا النذير ، والتي طالب بها الاخ خالد المحرب في هذا البوست
Quote: إن شاء الله تكونوا دفعتوا ليونس المزيف
تعويض عن هذا الخطأ |
كلام وجيه وفي محلو تماما بس انا ما تتبعت الاحداث بعد داك - فما عارف كيف افرج عن يونس المزيف؟ العرفتو انو رجل عقلو ما كويس ولا يستطيع المطالبة بأي حق .
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: عاطف مكاوى)
|
باااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااا
يخــــــــــــــــــــــــــــــة
العيد اتبارك عليك آآرماد...
أعفى مننا...
You really made my Eid vacation
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: Mahmoud Mustafa Mahmoud)
|
حودة
Quote: باااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااا
يخــــــــــــــــــــــــــــــة |
هنا بتكون اكلت ليك شطة ومصرانك ولع معاك
Quote: العيد اتبارك عليك آآرماد...
أعفى مننا... |
دنيا وآخرة
| Quote: You really made my Eid vacation |
هنا بتكون الشطة بردت وعادت اليك احلى الليالي
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: محمد ابراهيم قرض)
|
دكتور قرض
Quote: لكن هل قتل الهلالي لأنه فقط ينتسب لعائلتكم أم لسبب آخر ؟؟؟
يعني هل قتله بمثابة الأخذ بالثأر ؟؟ |
الهلالي يا دكتور لا علاقة له بعائلتنا - وقريتهم - ابو تيقة - تبعد مسافة 50 او 60 كيلو من قريتنا - المرحوم الهلالي كان تاجر شاب مشهور جدا بحكم انه من كبار تجار المحاصيل في كل المنطقة - اضف الى ذلك ان مساحة يونس التي كان يكثف فيها عملياته بالقرب من قرية المرحوم الهلالي .
وبالمناسبة في حادثة اغتيال الهلالي كان عدد المتهمين بقتله 2 فيهم يونس واغتيل وفيهم اخر قدم لمحاكمة وكنت انا ممثل الاتهام فيها متبرعا ايضا الى ان حكم عليه بالاعدام مع الصلب - مع مراعاة ان الشخص الذى حوكم بالاعدام هذا ليس نفس الشخص الكان في قفص الاتهام مع يونس ابان فترة محاكمته بكركوج . فالاخير حكم عليه بالاعدام مع الصلب ونفذ فيه حكم الاعدام على ما اعتقد .
| Quote: هل تم إجراء فحص ال DNA للمزعوم يونس ؟؟؟!!! |
ابدا الناس كلها بتعرف يونس شخصيا - اقصد المواطنين - فبعد اغتياله من قبل الشرطة عند مقاومته لهم نقل الجثمان لقرى اب تيقة واللكندي وكركوج وقد تأكد اهل (مصراته) بانه يونس دون الحاجة لاجراء فحص لل DNA
انت جنيت ؟ ال DNA ال .......
ساعود واحكي لكم ما تم تناقله حول هروب يونس من سجن مدنى - دى كمان قصة اخرى يا قرض
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: عبدالكريم الامين احمد)
|
الباشمهندس كيكي
Quote: ولكن اكثر حتة طمعت فيها وتمنيت ان اكون قاعد فيها لفترة من الزمان عشان اشفط وامتع نفسي بنبض الناس الغبش وعوالمهم الغميسة هي الحلة البقيلو فيها الجنقو وفيها مرايس ديك والتي تم قبض يونس في المرة الاولي فيها
وحتة زي دي اخووك لو قعد فيها خريف خريفين تاني مابتجيني عوووجة تببببببب |
الله يجازيك كتلتني بضحكة ياخ - كمان ما تقول فيها سماحة بقنية وأنشا عييييييييييييييك
كيكي ام العيال سوت ليك شربوت للضحية؟
| Quote: وبوست نوعي ومدنكل وملان ودسم دسامة الاكل في مسيد كركوج الذي اسال لعابي كثيرا وخاصة الشاي المنعنع |
-
هههههههههههههههها الله يخليك - باقي لي انت قريتو كلو بس فاتت عليك علامة(!) باقي لي جيت فيها سايرين سااااااااي
| Quote: وخشو لينا بالله في القضية بتاع الاجزخانة في الخرطوم والتي قرينا عنها في الجرائد بصورة عامة |
نعم نعم يا كيكي دي قضية شاشاتي الشهيرة الله يخليك - باقي لي انت كنت زمان زول جلسات في ميوز القضاة والمحامين ايام الزمن الجميل .
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
Quote: باقي لي انت قريتو كلو بس فاتت عليك علامة(!) باقي لي جيت فيها سايرين سااااااااي
|
تخيل يا شيقوق (شولة) في الحكي ده ما خليتها تشرد جاي ولاجاي..
يااخ لدرجة اني صحيت من الصباح امس بدرررررررري قلت احصل اندروبل ود شيقوق واتكامل سوق السوكي.. زي ما بسو القوم في نواحي البردانة لوووووووول
والحكي فيهو ورد فيهو ذكر مناطق كم طيب هم اهلها وكم جميلة ياااخ
وعلي اي حال اوسكار كبير يا الطيب وسعفة ذهبية
والبردانةwayeeeeeeeeee
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: عبدالكريم الامين احمد)
|
وردتي الرسالة الاتية من احد الاخوة قراء البوست من غير الاعضاء
Quote: كل سنة و أنت ومن تحب بألف صحة وعافية ونسأل الله العلى فى هذا اليوم العظيم أن يحقق كل أمانيك ويسعدك دنيا وآخرة
متاااااااااااااااااااااابع وبشغف قصة يونس و ذلك السرد الشيق ورائع يا سيدى ألف حمداً لله على سلامتك ويونس نال ما أقترفت يداه
وفقك الله فى عملك وتواصلك الجميل الراقى مع كل من عرفت ... بأريحية قل أن توجد فى زماننا هذا
أخوك / على عبدالله
كــــــــــــــــــــــوستى |
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: عبدالكريم الامين احمد)
|
في ختام البوست تحية للأستاذ شيبقوق ولكل من مر به منذ بدابيته وحتى لحظة أصبح طلق كما قال صاحبه المغورة طلقت وعليه أن يأتي ليشرح كلمة مغورة وكلمة طلق لأنه حتى ناس الدندر وكركوج وكل الجغرافيا المحيطة ما عادو يعرفون عنها شيئا
أما الأخ كيكي فنيابة عن أهل كركوج عامة وأهل المسيد خاصة أقول لك مرحباً وأدخل لا قدام فما زالت الموائد مشرعة والنفوس واسعة وما زال الضيف يأتي دوما ويأتي معه الخير الكثير أما كردوس أو أبقرة فيبدو أن أمنيتكم بالعيش فيها ربما تتأجل هذا العام فالموسم ليس على ما يرام وبالتالي فربما تأجل حضور الجنقو
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: عثمان كباشي)
|
كيكي
Quote: تخيل يا شيقوق (شولة) في الحكي ده ما خليتها تشرد جاي ولاجاي..
يااخ لدرجة اني صحيت من الصباح امس بدرررررررري قلت احصل اندروبل ود شيقوق واتكامل سوق السوكي.. زي ما بسو القوم في نواحي البردانة لوووووووول |
ياخ انت وحاة الله مسنوح نامن غلط
Quote: والحكي فيهو ورد فيهو ذكر مناطق كم طيب هم اهلها وكم جميلة ياااخ
وعلي اي حال اوسكار كبير يا الطيب وسعفة ذهبية
والبردانةwayeeeeeeeeee |
تسلم يا باشمهندس وانت ذاتك wayeeeeeeeeeeeeeeeeeeeeeeeeeee كمان
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
الاخ عثمان ود الكباشي
| Quote: في ختام البوست تحية للأستاذ شيبقوق ولكل من مر به منذ بدابيته وحتى لحظة أصبح طلق كما قال صاحبه المغورة طلقت وعليه أن يأتي ليشرح كلمة مغورة وكلمة طلق لأنه حتى ناس الدندر وكركوج وكل الجغرافيا المحيطة ما عادو يعرفون عنها شيئا |
كتر خيرك يا عثمان قريبي - المغورة هي المحل المزروعة عشريف وتبش وبامية في طرف البيوت ايام الخريف - فلما المغورة تنتج وصاحبها يحصدها بفضل كشاب او بواقي من الانتاج مهملة - فلما سيدها خلاص يحصد ثمرتها بطلقها للغاشي والماشي يجي يدخل ساى ولو ببقراتو كمان . وطلقت يعني صارت سايبة يا عثمان - باقي لي انت عمرك صغير .
عميق ودي
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: جعفر محي الدين)
|
| Quote: أما الأخ كيكي فنيابة عن أهل كركوج عامة وأهل المسيد خاصة أقول لك مرحباً وأدخل لا قدام فما زالت الموائد مشرعة والنفوس واسعة وما زال الضيف يأتي دوما ويأتي معه الخير الكثير أما كردوس أو أبقرة فيبدو أن أمنيتكم بالعيش فيها ربما تتأجل هذا العام فالموسم ليس على ما يرام وبالتالي فربما تأجل حضور الجنقو |
تحياتي يا عثمان
وحباب اهل كرجوج اهل الكرم والجود
وزرتها ثلاثة مرات هذه المنطقة برفقة ابنكم امين جبال والمهندس عوض حامد في ايامات شغلنا في الكناف
مرة لمناسبة زواج في منزل قريبنا الراحل ابراهيم الحاج الذي ارتبط بتلك المنطقة لسنين طويلة وعمل فيها كمفتش للزراعة حتي رحيله عن هذه الدنيا..
ولكن توصيف الطيب للاكل بتاع المسيد توصيف مدنكل ووضب الحكاية لدرجة مدهشة...
---
وكردوس دي عثمان وصفوها لينا شوية
والجنقو دربهم مثل درب الموية فحتما انهم عائدون الي كردوس
| |
|
|
|
|
|
|
|
|
|
Re: هذه أخطر قضية جنائية مثلت فيها الاتهام - فيها (تعقّب المحامي لقتل (Re: الطيب شيقوق)
|
الأستاذ الطيب سقوق
كل عام وأنت بالف خير وعافية
تابعت هذا السرد الباذخ، فقرة فقرة، جملة جملة، حرف حرف، شدتني العبارة الفارهة والبناء القصصى الفخم، وسيكتمل هذا النص كرواية مكتملة التكنيك لو طرزتها بنبذة عن هذا الانسان الخرافي يونس، عن ظروف حياته، تجول فكرة الهمبتة لديه من معاني الشجاعة والبطولة الى سادية مقيتة.
ورد في أولى حلقات قصة يونس اسم المحامي فرح تيركه، وهو بالمناسبة زميل دراسة لي في المملكة المغربية، ذهبنا اليها مغا أول مرة في نهاية العام 1977م التحقت أنا بكلية الآداب بجامعة فاس والتحق هو بكلية الحقوق بجامعة محمد الخامس بالرباط، ومنذ أفترقنا في مستهل الثمانينات لم ألتقيه بعد ذلك. التحية له
سيف الدين عيسى مختار
| |
|
|
|
|
|
|
| |
الطيب شيقوق
Abdlaziz Eisa
سيف بخيت موسي
Mohammed Haroun
سيف الدولة كامل
وليد عبد اللطيف
عبدالمجيد المقابل
عصام دهب
mamkouna
Mohammed Ahmed Saeed
جعفر محي الدين
Rasha Swaraldahab
حاتم محمد حاج المهدي
nazar hussien
mohmed khalail
النذير حجازي
محجوب البيلي
Kamal Karrar
Kabar
Nazik Eltayeb
معاوية المدير
Mahmoud Mustafa Mahmoud
قلقو
ناذر محمد الخليفة
عماد الشبلي
محمد المرتضى حامد
Nader Abu Kadouk
عاطف مكاوى
عبدالكريم الامين احمد
بريمة محمد
سيف الدين عيسى مختار
فيس بوك
تويتر
انستقرام
يوتيوب
بنتيريست