ناسنا..

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 08:25 PM الصفحة الرئيسية

مكتبة الطيب مضوي شيقوق عبد الغني(الطيب شيقوق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-06-2008, 06:57 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان محمود)

    اخي محمد عثمان محمود


    الله يخليك يا عظيم

    والله يا ابا محمود غناء عثمان حسين فيهو سر غريب جدا فقد توطن في وجدان اي سوداني في الحضر والريف والبوادى و الغريب يا محمد إلتقاءالنخب الصفوية مع الاميين لدى ولههم باغاني عثمان حسين وانا شخصيا اعرف الكثيرين الذي لم يستطيعوا ادراك معاني الكلمات ولكن يسكرهم اللحن وينسحب هذا كله على اغاني ابراهيم عوض وغيره من عمالقة الفن السوداني.

    في تقديري ثمة ارث وجدانى متواصل داخل كل اسرة سودانية خلّفه غناء هذين العملاقين . فانا شخصيا لا انسى الجلسة الصباحية امام دكان عمى على شيقوق عندما كان الراديو بالاريال المعلق فوق بالقناية ونسمع من الصباح اغنية شجن او لا وحبك او من قساك للراحل ابراهيم عوض او زاد ويلي لابي داؤود او الابيض ضميرك والسنين للطيب عبد الله او بعد ايه لمحمد وردى . آآآآآآآآآآآآآه يا المرتضى من ذلك الزمن الجميل .

    (عدل بواسطة الطيب شيقوق on 10-06-2008, 11:02 AM)

                   |Articles |News |مقالات |بيانات

10-06-2008, 09:54 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    كـــــــــــــــــــــانت




    رحم الله الجميع
                   |Articles |News |مقالات |بيانات

11-06-2008, 10:45 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    رحم الله شهداء احترقوا حتى التفحم في لحظة الفرح بالوصول إلى أرض الوطن.
    اللهم ارحمهم واغفر لهم واسكنهم فردوسك الأعلى .
    إنا لله وإنا إليه راجعون.
    إنا لله وإنا إليه راجعون.
                   |Articles |News |مقالات |بيانات

16-06-2008, 08:31 PM

Moawia Mohammed
<aMoawia Mohammed
تاريخ التسجيل: 24-10-2006
مجموع المشاركات: 3675

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ازيكم يا ناسنا

    هاكم صورة واحد من ناسنا






    من اليسار :

    د. أحمد طراوه , معتصم قرشي و الهادي الضلالي بالجلابية و العمة
                   |Articles |News |مقالات |بيانات

16-06-2008, 10:11 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: Moawia Mohammed)

    الهادي


    Quote: د. أحمد طراوه , معتصم قرشي و الهادي الضلالي بالجلابية و العمة


    والله ديل هم الجيل الاخير من ناسنا
                   |Articles |News |مقالات |بيانات

17-06-2008, 08:36 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Moawia Mohammed)

    الهادي نصرالدين ، الذي اشتهر ب (الهادي الضلالي) هو أشهر شخصية أمدرمانية بل أشهر شخصية في العاصمة المثلثة
    خارج أطر و (مسببات) الشهرة العادية كالغناء وكرة القدم والمسرح وما شابهها ، هو الشخصية التي يعرفها الناس
    خارج وسائط الإعلام ، من قاطني حي ودنوباوي المعروف وهو من أطرف الشخصيات التي اشتهرت بسرعة البديهة والتعليق
    على الشخوص والأحداث بكلمات يحفظها أهل أمدرمان في أحيائها العريقة. هو أمدرماني متطرف ولايجامل أو يداهن في هذا
    الإتجاه. من غرائب الصدف أن شاركه في الحي علم في الملح والطرف هو (سَينَا) كمال عبدالجليل.
    الهادي لم يستحوذ على الشعبية العريضة والقبول الإجتماعي بسبب الطرف والمفارقات والسخرية التي لاتفارقه ، لكنه
    رجل نسَّابة يعرف كل بيوت أحياء أمدرمان القديمة (حين كان اسمها امدرمان) ويعرف ساكنيها وصلة القربى والرحم بين
    أهلها، لاتجد مناسبة فرح أو ترح أمدرمانية أصيلة إلا كان الهادي فيها، بل هو الذي يبلغ الكثيرين بهذه المناسبات
    حاضا الناس على القيام بالواجب ويقول ليك بتمتمة محببة للنفس (ههه الناس ديل لازم تصلهم يا محمد لأنو يا خوي
    اللوم بجي بالغفله).
    لن أردد هنا طُرف الهادي الشهيرة فكل من يعرف الهادي أو من سمع به يحفظها عن ظهر قلب.
    الله يديك العافيه حبيبنا الهادي.
                   |Articles |News |مقالات |بيانات

17-06-2008, 04:59 AM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4109

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    فبراير 1999

    حي الملازمين - ام درمان .. جلسة في فيحاء
    خميلة عزيزنا ، أنيسنا و سندنا و عمدة
    ناسنا نواحي الوطن العزيز : رضا محي الدين البرير

    .. جلسة ما منظور مثيلا .. شلنا فيها من الهادي
    الضلالي جرعة بديعة طويلة المفعول ، كانت عونا
    لنا في مشاوير الاغتراب و المهجر الطويل

    .. عفوك يا ود حامد ، نشيل صورة الهادي
    لبوست تاريخ الغناء لمواصلة الحكي الامدرماني
    عن سيرة ابراهيم عوض ، ود الحاوي ، و عبد الرحمن
    الريح

    و قال الهادي : ربنا ادى مصر الاهرامات ، و ادى الهند
    تاج محل .. وادى السودان ابراهيم عوض و ود الحاوي

                   |Articles |News |مقالات |بيانات

17-06-2008, 05:39 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: أحمد طراوه)

    طراوة الشوق ليك بحور

    تعال آآ عيسي هاك الليمونات ديل


    نزل التبري في السلمة البناتا عُدال
    ناير خدو مرسوم حاجبو ذي الدال
    الظبي البتوتل وفي المحاص قدّال
    خلت قلبي لاف ذي بكرة البدال


    التحايا
                   |Articles |News |مقالات |بيانات

17-06-2008, 06:09 AM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4109

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    عندي لكم يا ناس مسقط في قلبي
    مكانة ، اعز و اجمل من مكانة أحمدِ

    " مكانة إسبانيا في قلب لوركا " .. جيب لينا صورة
    لوركا يا ود حامد ..




    .. ود شيقوق : يا مالك مساحات الغي و العشق بسوح الدندر
    و شواطى خليج العرب .. اسمع حديث القمر
    بوبا في ليالي المهجر :

    .. قمر الشتاء حادف شعاعو علي الحيطان
    هياكل ذُل مصلوبة .. و انا تحت ضيو
    الاصفراني لسع بحلم بيك يا وطن النجوم
                   |Articles |News |مقالات |بيانات

18-06-2008, 03:15 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: أحمد طراوه)

    Quote: مكانة إسبانيا في قلب لوركا " .. جيب لينا صورة
    لوركا يا ود حامد ..


    أحمد زولي المتمم كيفي في زمن الوفاء وفي زمن الخذلان ايضا،
    فدريكو غارسيا لوركا إنسان من زمن الأسطورة الأندلسية ينشر شعرا غجريا وينثر تبرا يرسم
    ويموسق موسيقى تسكر زرياب وتنصب مصارعة للثيران والبطولة والثورة، يأخذك إلى حيث
    ( لاأمنيات تخيب ولا كائنات تمر) لتصبح قصائده تجسير لما بين أشبيلية وفيها يتوضأ
    ابن زيدون بحب ولاّدة بنت المستكفي إلى كتالونيا والحرب الإسبانيه كما أوردها بيكاسو
    في الجرنيكا لينتهي بقصائده عند الشهيد الليندي في سانتياقو شيلي عاشقا للوركا
    نفسه، ما غريبه يا أحمد أن يغتال لوركا من أسموا أنفسهم ثوارا ، ما أكثر الثوار
    الكذبة، وتغتال الليندي إدارة البيت الأسود وما يتبعها من شركات نصّبت بينوشيه
    وكيلا في سحق كل الورود واسس الجمال في عصر الدولار المقيت.

    لوركا؟ أنقل لك ما قاله عنه علي المك:

    (هو شاعر العصر المقدم ، أنه الاندلس وهو أسبانيا ، وهو النيلوفر ومصارعو الثيران
    والأزهار والفجعية ، قرطبة وغرناطة ، وأشبيليه مدن تتلألأ في الشمس وفي الظل ،
    والريح والدخان ، وهو الفلامنجو ، وشعر الطبيعة 00 ولهذا كرهه الفاشيون لأنه
    يقود الناس إلى مواطن الجمال ، وإلى الحقيقة ، ولم يسمحوا له بأكثر من
    ثمان وثلاثين سنة ، ولد عام 1898 ، ثم أعدموه في غرناطة
    في يوليو 1936 . وكانت تلك فاجعة الفواجع).
    شفت علي المك بينظِّم النَضَمي كيفن؟

    لوركا؟ يا أحمد سلامي أرسله وقد غاب الصحاب وأخفق الشعاع.




    ملحوظه: ناس مسقط ذاتم ما نزلت من لسانم. يا سيد المعزَّه.
                   |Articles |News |مقالات |بيانات

20-06-2008, 11:00 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)



    (الشخصية) أعلاه ، من أهم ناسنا، لأنها ارتبطت لنا ، مع "الرتينه" ، يا سلام على الرتينه بت سالم ، ارتبطت لنا بكل أيام الجمال في ربوع السودان المختلفة ، بقي "الفانوس"* في ذاكرتنا متصلا بكثير من الأحداث والذكريات. عرفه أهل العاصمة وعاد إلى الواجهة في (عصر) النميري بسبب الإنقطاع المتكرر، بل شبه المستدام ، للتيار الكهربائي ، وقصة انقطاع التيار الكهربائي في العاصمه وقتها كانت من مظاهر تحقيق حبيبنا نميري للعدل والمساواة وفقا لمفهوم العدل والمساواة عند بعض السودانيين ، بالطبع الآن نحتاج الفانوس أكثر من أي وقت مضى سيما أن (الجاز) متوفر أكثر من ذي قبل لأنو قصة توفُر الكهرباء دي أصبحت كالعنقاء والخِل الوفي ، وأمبارح واحد قال لي سد مروي ويوم القيامه ديل بنسمع بيهم مما ولدونا ولي هسه ما اتحققو.
    القيطان وجاز الغزاله في القزازه وماتكسر القزازه عند النضافه قبل المغارب، أما لو قام يبَقبِق فتلك البقبقة أسبابها كثيرة منها احتباس غاز في تنك الجاز ، وهنا لازم تطلِّع غطاء التنك لعملية التنفيث عن الزعل, ممكن رداءة نوعية الجاز تزيد البقبقه والقيطان الغلط (الشريط) له أثره بالذات القيطان الصيني الخفيف ، ونظافة الفوانيس عملية محببة إلى النفس وبالذات غسل الجزء الزجاجي بالماء والصابون لإزالة السكن العشوائي والمنظَّم ، وتنظيف الفوانيس غالبا ما يكون مسئولية شخص محدد في البيت ( وزير النور والإضاءه ، يعني شخص مستنير ، وعملية الإطفاء من مهام الظلاميين لكنهم كثيرا ما يتبادلون الأدوار، قال مستنير قال)، وبعد النظافة يكون الضوء حاجه مريحه تدعو للتأمل ، يا سلام. طبعا عملية الإطفاء تتم برفع الذراع الحديدي لرفع الزجاج ثم نفخه حنينه في اللهبه فالنومه العميقه.
    رأيت بعض السودانيين في الخارج يعلِّقون الفانوس في المنزل ، في الصالون تحديدا، من قبيل التحف (نظام فولكلور) أوربما تعبيرا عن الشوق للوطن ( نوستالجيا بالجاز) وكلو ما (نافع).

    ____

    * لعله من المعروف أن أهل الشَراب والخمر والقعدات ( وعندهم ام فتفت ) يطلقون لقب (فانوس) على الشخص الذي يعتمد على غيره في نصيبه من السَكَر، يعني ما بيشارك في الشيرينق ولا بجيب قزازتو معاهو ورفاق الشربه بيكونوا مكجننو mikachininno adeel kida، كلام قعدات وكده، وكان لِحِق وقطّع في الكلام ممكن يقولوا عليهو (فانوس ببقبق) ، مع اعتذاري للفانوس؟
                   |Articles |News |مقالات |بيانات

21-06-2008, 08:16 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: مع اعتذاري للفانوس؟


    والله حكي !!!!!!!

    هبيييييييييييييع
                   |Articles |News |مقالات |بيانات

21-06-2008, 04:13 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    تعرف يا مرتضى كان العرب فى بادية السودان يشبهون الفتاة الجميلة باللمبة تغنى الفنان عبدالرحمن عبدالله فى اغنيى شقيش...

    يا ضئ اللمبة ... خلونى نصنقر جنبه
    خلونى نصنقر جنبه ..او فى ضل البرنده

    واليك اخى مرتضى هذه الابيات هدية من العزيز حسين محمودعبدالرحيم وهو من المهتمين بهذا البوست ...

    اللمبه قزازه جديد
    عيد معراج عقب الويحيد
    خلقة الله الما تقليد
    شالت فكرى وخلتنى بليد

    والويحيد هو احد الشهور العربية عند السودانيين واظنه شهر صفر ( الويحيد والكرامه وتانى الكرامه وسايق ورجب وقصير ورمضان والفطر والفطرين والضحية والضحيتين )

    (عدل بواسطة Ahmed al Qurashi on 21-06-2008, 04:25 PM)

                   |Articles |News |مقالات |بيانات

21-06-2008, 08:19 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    عابرون في كلام عابر،
    محمود درويش
    ومعين بسيسو وسميح القاسم حديث لكل الفصول،
    ياسلام على ناسنا،
    يا سلام على (انصرفوا)
    ومن قال: كلما آخيت عاصمة ... رمتني بالحقيبة.

    لننصت


                   |Articles |News |مقالات |بيانات

21-06-2008, 09:29 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17306

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)



    محمود درويش
    اجمل ناسنا ( انصرفوا)
                   |Articles |News |مقالات |بيانات

22-06-2008, 07:54 AM

محمد عثمان

تاريخ التسجيل: 10-11-2006
مجموع المشاركات: 6485

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    Quote: تعرف يا مرتضى كان العرب فى بادية السودان يشبهون الفتاة الجميلة باللمبة تغنى الفنان عبدالرحمن عبدالله فى اغنيى شقيش...

    يا ضئ اللمبة ... خلونى نصنقر جنبه
    خلونى نصنقر جنبه ..او فى ضل البرنده

    واليك اخى مرتضى هذه الابيات هدية من العزيز حسين محمودعبدالرحيم وهو من المهتمين بهذا البوست ...

    اللمبه قزازه جديد
    عيد معراج عقب الويحيد
    خلقة الله الما تقليد
    شالت فكرى وخلتنى بليد

    والويحيد هو احد الشهور العربية عند السودانيين واظنه شهر صفر ( الويحيد والكرامه وتانى الكرامه وسايق ورجب وقصير ورمضان والفطر والفطرين والضحية والضحيتين )


    و برضو لو اللمبة قالت بق
    تبقى اللمبة دايره الدق...


    سلاااام لود المرتضى...و ليكم كلكم
                   |Articles |News |مقالات |بيانات

22-06-2008, 10:39 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    Quote: اللمبه قزازه جديد
    عيد معراج عقب الويحيد
    خلقة الله الما تقليد
    شالت فكرى وخلتنى بليد


    يا قرشي ، أخونا حسين يبدو عليه أنه من البكايين برتبة موريتاني ، مثل حسين يُفتقد
    في بوست ك (الحب في المنبر) حيث جرت عمليات تغزل بين المسارح شاركت في فعالياتها
    كل قوى الإستنارة وجمعت بين العاشق الصريح وقلب الدفاع.
    تهانينا الحارة للحسين بن محمود بن عبدالرحيم على ترقيته لرتبة متغزل إنشال فكرو
    وخلوهو بليد ، أصلو نحن يا أحمد لو الواحد ما إتخبل بالريده ما بيكون من ناسنا.
    تسلم.
                   |Articles |News |مقالات |بيانات

22-06-2008, 07:45 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    كتر خير د/ أحمد القرشي .. البقى لينا سبب لدخول البوست الرائع كروعة صاحبه والمشاركة فيه بواحد من ناسنا نحنا ياود المرتضى ..
    الطيب مدثر وحديث الحب ....




    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

22-06-2008, 03:38 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Haitham Labib)

    شكرا يا الهيثم،
    الطيب مدثر أجاد في أغنية عبدالرحمن الريح التي غناها إبراهيم عبدالجليل ،
    أرجو أن يتحفنا ودالقرشي بالكلمات وهي لاشك في خزائنه.
    شكرا يا حامل المسك.
                   |Articles |News |مقالات |بيانات

23-06-2008, 11:20 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    أغنية أحاسيس أو حديث الحب هي من كلمات الشاعر عبدالرحمن الريح ولقد تغنى بها أولا إبراهيم عبدالجليل ثم إبراهيم إدريس ود المقرن ولقد اعجبنى كثيرا أداء الفنان الطيب مدثر لهذه الأغنية ....

    بى حبي فيك اصرّح.....والتصريح يكون بعض أحيان مجرّح
    حديث واحد يبكى ...وحديث واحــــــد يفرح
    **************
    حديث الحب ملوّن .....واحد منه ظاهر والآخر مدون
    في صفحة فؤادي ...... من الآمــال مــكـــون
    حبيب يوم سعدي يطلع
    بقربك منّى اســــمع
    أشوفك ولى يرجع .........عقلي الدوام مسرّح
    *********
    حديث الحب جواهر .......وباقات من أزاهر
    تغنى به الطبيعة ...... على لحن المزاهر
    تفهم منّه كلمه ........ بمعنى الحب تجاهر
    تسمع منه نغمه .........مع الأفلاك تساهر
    تعلّم كيف تهوى
    حبيب للحب يسوى
    بعيد عن كل دعوه ......كلامه وشكله مفرح
    ********
    كلام الناس دعوه .......خداع لا تسمعوه
    يحسدوك في حبيبك ..... ومنك يمنعوه
    إذا حاولت وده
    نحوك يبدى صدّه
    يخالك انت ضده
    يحب بعدك قريبك ........ ويتغير حــــبيبك
    يكون في الحب نصيبك ..... وحيد تمسى وتصبح
                   |Articles |News |مقالات |بيانات

24-06-2008, 05:16 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    أحبه الجميع،
    شاهدته لأول مرة في حلقات كان يبثها التلفزيون يوميا في رمضان بعنوان (رمضانيات) وكانت
    تُبَث بعد الإفطار مباشرة وكانت تسعدنا كثيرا حين كان في الحياة ما يُسعِد ، بعدها شهدناه
    في المسرح القومي بأمدرمان في أكل عيش ومدير ليوم واحد وأخريات. شاركه الفذ عبدالوهاب
    الجعفري وعدد آخر من الموهوبين منهم ، إن أسعفتني الذاكرة الخؤون ، فتحي بركيه (السميح)
    ، كنا نضحك لكوميديا الموقف في شرخ الصبا الجميل ، ايام توتو كوره وسانتوس وشواطين وبسكويت
    كوكو أو ساتي وحلويات سعد وقزازة الحريه المشتهيينا لي يوم الليله.
    عاصر العم كرتوب وبت قضيم والعجب كل من محمود سراج (أبقبوره) وعثمان تورالجر وآخرين و( عشمانه)
    وأظن كان اسمه الفاتح. تلك ايام نديه بطعم النعناع أو الليمون البارد أو أم جِنقِر أو عصيدة
    دخن بلبن دافئ وعسل نحل في مساء من شتاءات التبون والمجلد في ضوء الفانوس.
    الفاضل سعيد ، بذات الهدوء رحل عنا وهو يبتسم في ثغر السودان.
    رحمك الله يامن اسعدت وكفيت ، يا ناسنا يا الفاضل السعيد بحق.


                   |Articles |News |مقالات |بيانات

24-06-2008, 06:23 PM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4109

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    .. يا هو ذات الفانوس الحرق القطية
    في 1965 نواحي الدايرة الجنوبية ام درمان

    .. و لا زال الفانوس (الضواي ) بيطارد قوى الشر
    و الضلام علي درب البرلمان ، و دولة القانون
    و الديمقراطية





    .. و قام الفاشى فرانكو المسكون بالغباء و الحقد
    اعدم لوركا ، و كرستوفر كودويل ، و محمود محمد
    طه ، و اكرم المليك و عبد الخالق محجوب و علي فضل احمد

    .. وقال الهادي الضلالي للمحقق الامني المُتنطع صغير السن و الذى
    اصر بان الهادي يمارس ضمن حركته الواسعة نشاطا سياسيا
    سريا لصالح كيان الانصار المِعارض :

    " شوف يا ولد ، انا عرس امك حضرتو .. و نوعي دا
    ما انصار حرابة و غابة ، نحنا انصار طبيخ و بطيخ "
    .. ولو عندكم قانون بحاكم ودينى المحكمة ! "

    .. و يظل الهادي رمزا فريدا خاصا و ذو نكهة للنضال
    و المقاومة الشعبية ..

    دام عليك الهنا و السرور يا ود حامد .. و شكرا على
    لوركا و الفانوس و في إنتظار صورة قطية اهلنا القمز
    و البرتا و الانقسنا و فراتيت بحر الغزال

                   |Articles |News |مقالات |بيانات

25-06-2008, 00:40 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: أحمد طراوه)

    القطيه يا طراوه من أهم ناسنا لأنني ما استمتعت بنوم مثل الذي كان في القطاطي، في السنين التي قضيتها في غرب السودان كانت القطيه تضاف أحيانا إلى بيوت الحجر ، وهي غالب بيوت الموظفين ، ولكننا لم نكن من محبي بيوت الحجر المسقوفه بالزنك ، تتذكر طيري يا قمريه ورِكِّي فوق الزنكي (ثاني أكسيد الخارصين)، ولم نكن نحب النملي وكنا نفرح كثيرا عندما نجد بيتا فيه قطيه لأنو القطيه يا عزيزي بارده في الصيف بحيث لاتحتاج معها حتى رش الرمله ، وهي دافئة في الشتاء ، ولايأتيها الإزعاج من سقفها أثناء المطر بالذات المطر الليلي المصحوب بالرعد الذي يخلع قلبك من بين الضلوع بعد البرق البيشلع بكل الألوان (ابو حرقوص) أبمطرتن ساريه ، البرق اللي كنا بعدما نشوفو بنسد الإضنين ونغمض العينين لأننا عارفين ماذا سيصيبنا بعده ، أها يا أحمد ، القطيه دي بيبنوها بأسلوب هندسي راق ، غالبا أهل القرية أو البلده أو الحي في عمل بلشفي ( نفره صغرى ) ، تحفر الحفر في الشكل الدائري وتخت الشِعَب وتظبط السقف في شكل القمع الكبير وترص القصب مدرجا وفي القمة تضع بيضة نعامه ، هسه في إحتمال يكون محلها دِش، وأحيانا توضع زجاجه مقلوبه ، ولو أن هذا لاينصح به لأنه في تمركز الشمس في السماء قد يؤدي تركيز الأشعة إلى حرارة ربما تفضي إلى حريق ( تتذكر العدسه في الشمش ايام الثانوي العام)، هكذا سمعنا ، القطيه الراقيه بيغطوا سقفها من جوّه بقماش دموريه أو قماش ساكوبيس فيصبح السقف من الداخل كقرطاس من ورق ابيض ( رطل سُكّر) يبدو رائعا كبلانتيريوم قبل تشغيله وأنت تحدق فيه مستلقيا على عنقريب كرّاب ما حلمت به IKEA وبقربك الراديو الفيلبس بالبطاريه من ماركة Berec ، وهذا القماش (بطانة السقف) يحول دون تساقط القش السغار و الحشرات و الهوام والأوهام من السقف إلى الفِراش، هذه القطاطي تكون أرضيتها رملة بيضاء من غير سوء ممكن تقعد فيها بجلابية بوبلين جديده وكأنك كنت قاعد في موكيت ، بس الرمله الدقاقه أجمل، تقعد فيها وتقوم تِتنَفَّض مَحَنَّه وتحِس بجنَّه لما العين تقابلك صدفه زي ما قال كابلي.
    مرات بيعملوا للقطيه إكستينشن خارجي راكوبه للونسه والشاي والشمار الحار والشمّام التمام زي البيعملوهو ناسكم في كاليفورنيا ، قاصد الإكستينشن ، ويسموهو conservatory ، شايف ناس الشقق في الجارقون بتاعم بيقولوا ليها سولاريوم ، يعني مطله على الشمس وكده. لكن العيب الوحيد للقطيه يا أحمد ، سرعة انتقال الحريق والكلام ، سر مافي ، يعني لوذررت في سمع الحبيبة شيئا يلذُ لها، كما قال العباسي ، باكر يشيلوا حِسَّك في سودانيزأونلاين.
    ودمجذوب ، عفوا ، ودشيقوق ، قال لي عندنا في البطانه لما الواحد يتزوج جديد لنج ، يعني من الورقه ، يعني كرت كرتونه ، يعني عدَّموهو التعريفه ، بيعملوا ليهو قطيه براهو ملحقه في بيت نسابتو وبيركِّبوا فيها قزازه خضراء فوق يراها الأعشى في الليل البهيم ، وسألته إن كانت الزجاجة توضع درءا للعين أو الحاجب أو كده فرد علي بحزم : يازول ، دي علامة ممنوع الإقتراب أو التصوير.
    كتيبة الهجانه.


                   |Articles |News |مقالات |بيانات

25-06-2008, 08:46 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    تسلم للمرتضى بحديثك الرائع والممتع حقا عن اعز الناس (القطية) وجاييك انا عشان اوريك بيضة النعام والقزازة دى مرات لما تكون غالية ومستحيلة بنخت في محلها قلب السعف الناصع البياض والشامخ عندما تتم تلبيستو في راس القطية حديثا والبنتكي عامل شكل Global من المطر وحر الشمس .

    جاييك لحبيبتي القطية وحبيبتي الكنجة وجاييك للقدلة ، في التلت الاخير من الليل ، بين القطية والكنجة بعد العريس هيييييييييييييع

    وجاييك بالكتير اصبر لى بس .
                   |Articles |News |مقالات |بيانات

25-06-2008, 12:24 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    الصريف يا الطيب الظريف،
    الصريف.
                   |Articles |News |مقالات |بيانات


[رد على الموضوع] صفحة 8 „‰ 8:   <<  1 2 3 4 5 6 7 8  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de