|
دعواتكم لزميلنا المفكر د.الباقر العفيف بالشفاء العاجل
|
|
 Re: ناسنا.. (Re: محمد عثمان)
|
| Quote: ..و الجماعة مالهم اتلتخبتوا...؟؟؟ |
والله يا محمد اخوى عايز اقول ليك حاجة بس انت مع صورك تكبير وتصغير ولغيرك يا عزيزي ليلاه التي تبكيه بالدموع فان رغبت في رحمتي فلا تسالني عن اى ليلي تلك التي نبكيها
| |
 
|
|
|
|
|
|
|
|
Re: ناسنا.. (Re: الطيب شيقوق)
|
مولانا ابل ألير ظل شخصية محبوبة لكل أهل السودان على اختلاف السحن والألسن والديانات والثقافة،
رغم تسنمه المناصب الهامة فقد ظل هو أبل الحكيم المتواضع النزيه، لا يندلع الحريق في موقع
من سوداننا الحبيب إلا ارتدى مولانا ألير سترة رجل الإطفاء وكان أول المبادرين حتى لو احترقت أصابعه وكان الفرقاء دوما يعودون إليه ينهلون من علمه وحنكته وحكمته.
أبيل الوسيم من ناسنا، أطال الله في عمره ومتعنا بوجوده بيننا.
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
حكى لي الفنان بادي محمد الطيب انه في نهاية الستينات وعند زيارة أم كلثوم للسودان كان طريح المستشفى فأرسل إليه عبدالماجد ابوحسبو وزير الثقافة وطلب منه أن يغنى أغنية الكواكب احتفلوا بالقمر أمام كوكب الشرق .. فاستجاب بادي لذلك وأثناء أدائه للأغنية وعند وصوله للشطرة التي تقول ( الضمير تعب حالته في خطر ) صعدت إلى المسرح أم كلثوم ورددت معه هذا المقطع ... تعرف يا أستاذ عبدالمنعم ابوصلاح خائف أن ينكسر هذا الخصر نسبة لرقته ونحوله ولقد شكى الضمير نفسه من الصدر والأرداف وذلك في أغنية الدلال والغرام عيوني ....
الضمير قال لي خبروني ....الصدر والردف بروني
بالتقل كادوا يبتروني ...وديسه حاجبنى ما بتر ونى
لا يستطيع احد أن ينجد أو يسعف الضمير لان الأرداف والصدر ارتكبت جريمتها تحت ستار الشعر الكثيف ..
وهنا كاد العشاق أن يفقدوا قامة المحبوبه في أغنية عيني والمنام في معانده ...
بالدروع تهب ناري توقدا ... تمردغ النهود في عراقدا
قامته انطوت كدنا نفقدا ....جدله ايده من لينه تعقدا
تعرف عقد الأصبع أبدع فيها احد شعراء منطقة الحلاويين و الذي تغنى لهم بادي في بداياته حيث قال ...
جاني البلوم طالق بنانه الممجدو
من لينه يمسك لصباعه ويعقدو
أما في أغنية إن ورد بروايحك بسام لابوصلاح نفسه فالخصر قد اشرف على الموت ...
حكمه خصرك مائع ولزام .... حتى فردة عاجك تلبسه حزام
كيف ضميرك يجبر ما دام .... لان ورق واشرف على الإعدام
وأسف يا محمد المرتضى حولنا ليك بوستك إلى حقيبة ولكن الحمد لله الطيب شيقوق ما قرأ هذه المداخلات"
شكرا ود القرشي
عندما قال واحد من ناسهم
لي شلاخك وقفن شهود اثمر فرعك جوز النهود
رد عليه واحد من ناسنا
شوفتو الصدر ياربي الزمنا الصبر موية عيوننا منزله
شوفتو الخصر زي السويس رابط بحورو موصلا
| |
|
|
|
|
|
|
|
|
 Re: ناسنا.. (Re: محمد المرتضى حامد)
|
| Quote: هات يازمن جيب كل أحزانك تعال.. جيب الوجع المغربل |
الاخ ود المرتضي
تحياتي
وحاسي بحسسك
والقلوب شواهد
لكن ياخوي مغربلو مالك
ماتخليهو دراش وبيقشروا
وكده تاخد مناعه 
ياخي تبري من الوجع
وبمناسبة الوجع والالم دي جبتها ليك من منتدي الذكريات بكلية الطب زمان علها تخفف!!!
ياناس سلام..
وانا لازلت متوعكا ومواعيد الدواء جات..
وبعد ان اخذته في تمام الساعه الواحده وعشرين دقيقه دي مواعيدو كده ...مواعيد خواجات
نقرت علي زر الحضور لقيت طارق عبده موجود بينجر في شنو ما عارف.....
المهم رسلت ليهو كاسينجر عفوا ماسينجر....
ورجعت للحله فاذا بي افاجاء انه يسال عني...
ولو ما لقيتا من زي ديله ما كنت سوداني...
وناس الحاره ما اهلي....وتسلم لينا ياضوء القبيله..
دخلت لا جوه في البوستات ودقه سريعه استوقفني بوست للاخ هشام هباني...
عنوانه والله مشتاق للمة اهل زي دي ..والعز اهل ....
فاختلطت هذي بتلك وكان نتاجها هذا الكلام واهديه لكم جميعا ...
واخص به اكتر الاخوين طارق وهشام اللذين تسببا فيه وربنا يغفر لهم...
الاخ هشام
لك التحيه...
فعلا العز اهل ,,,
ومشتاقين كتير لارض الحنان...
وعز الاهل....
للجلسه ديك وقت العصير...
تحت النخيل
في القيفه جنب البحر...
والهمبريب ضاربنا تب...
والساقيه بهناك تدور...
والطنبور يقول...
ياناسي هوي العز اهل....
ناسا نضاف من جوه تب....
ماشالوا جواهم ضغينه....
قلوبم حنينه...
ويضمك الصدر الحنين..
ياوليدي ياجنا حشاي...
تعال اضمك جواي...
مانت ما ود قساي..
وانت ضوء القبيله...
اشتقنا ليك..
واشتقنا ياناس للزريبه..
ياوليدي هوي قوم..
قوم قوام....
قوم اسقي البهايم واحلبم..
وجيب اللبا...
وجيب اللبن...
نسوي شاي المغربيه...
دخل علينا ود الخزين...
داير شنو يا جناى...
رسلني ليكم ابوي الخزين...
وقال ليك ياعم حسين...
حرم تجي مالليله كرامة بت فطين...
وجيب معاك اولاد بابكر...
واتلموا ناس الفريق..
بدون دعوات الكروت...
اتلموا في السهله قدام الراكوبه....
معموله من سعف النخيل..
وتسمع النضم السمح...
وتجيك زغاريد الفرح...
مالليله كرامة نوارة الفريق..
بت فطين الراسيه وعزيزه...
والدلوقه دقتا بت عديله..
وغنن البنوت كمان....
غنا حنه وضريره...
وغنوا لاولاد القبيله...
ووسط الداره....
قامن بنات العز للرقيص..
وعاد شوفو الرقيص الما خمج...
مارقيص زمن الخراب..
رقيصن عفيف ..
عفاف اهلنا المشو ...
وخلونا للشقي والعذاب....
وادن الشبال لاولاد القبيله..
ما هم رجال..
رجال رجال..
واقفين رجال..قاعدين رجال...
وحرم رجال
وهم اصل الرجوله.
يلاقوك بشاش وطيبه وحنان..
ووقت الحاره...
هوي ياوليد اقيف...
ديل راكزين عديل
اهلنا الغبش عيون حمر..
ماشايلين بنادق ولا كلاش...
بس عصايات مكان...بضم الميم
وماشين قدام...
مالي وراء..
مابهابو موت ...
لكن دايرنو تب..
ومابدورو الدنقير لي تحت..
رافعين الراس لي فوق دوام...
والبحني راسو..ما ضوء قبيله..
والله مشتاقين..كتير
والشوق مطر لارض الوطن...
لعز الاهل وعز القبيله...
اشتقنا ياولدي كمان..
لي ضل الضحي..
قاعدين في حوشا وسيع...
في عنقريبا سمح...
ومرقو متين...
وحبلو قوي,,,
فتلو حسن ود حسين...
والقهوه جات كمان..
واتعدل المذاج...
قلت بنها ام الحسن....بنها بضم الباء
وقام البخيت لجنو داك...
ما هو دوباي الفريق....
يدوبي لينا دوبايو السمح...
دوباي اهلي العزاز...
اهلي الحنان...
والماعندو عز يشرب من موية البحر
| |
|
|
|
|
|
|
|
|
|
Re: ناسنا.. (Re: Magdi Ahmed Elsheikh)
|
Quote: قلت بُنَّها ام الحسن...
وقام البخيت لجنو داك...
ما هو دوباي الفريق.... |
مش تحمد الله، يا مجدي البن ده لو كان دخل آيات التحريم مع الحاجات ديك كان ذنوبنا بقت أردب سمسم، التوبه، المشكله في التوبه
صعبه يا مجدي. الجبَنه سويها، وفي ناسا عُزاز لما يمِدُّوا ليك الفنجان لاتعرف تشربو لاتعرف تشهقو، أهو ناس يقولوا كافايين
وناس يقولو كافي البلا وناس الكلام يغلبم لكن الجميع يتفقون في (الرميه) ،
فنجان جبنه بي شمالو يسوى الدنيا بي هالو، ما داير أكتب عن (القلاّيه) ولا الشرقرق أو الجبنه وليفتا والصينية قال فناجينا
عساكر مُجنّده، أها العساكر ديل لما يبخروهم بالمستكه- يمكن من العين - والعصر يمسك بتلابيب المغرب في حضرة بعض الجيران الذين
يعد وجودهم هو العنصر المكمل للحظات التجلي التي تعيد حتى للجدر تألقها وبهائها، ما عندك غير تبكي.
يادوب عرفت حبوبه بتقصد شنو لما كانت تقول  يا حليلنا فيها الزايله دي)، بالله يا مجدي مافي واحده قرت ليك الفنجان وبعد تمعن وسكون
مشوب بالحذر قالت ليك: شقي ومجنون؟
القلاّيه يا ناسنا .
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
| Quote: هات يازمن جيب كل أحزانك تعال.. جيب الوجع المغربل. |
ود المرتضى...
الغريب فى زولكم بتاع حى العرب مصطفى عبد الرحيم
انو ما كتب غير اغنيتين..واحدة الاغنية دى
و التانية اغنية تذكار عزيز بتاعت ابراهيم عوض..
و برضو شوف كان شغال فى البوستة التى جمعت ناس مصطفى سند
و محمد يوسف موسى و محجوب سرااج و صلاااح مصطفى و ابرااهيم الرشيد
و شاعر العيون عبد الله النجيب و ايضا مبارك المغربى
و اخرين لا استحضر اسماءوهم الان....
ياربى البوستة دى سرها شنو...؟؟؟ كاان فيها كل هذه الكوكبة من المبدعين..؟؟
يا ريت لو دكتور طراوة ولا دكتور احمد القرشى طلوا علينا بهنا...
| |
|
|
|
|
|
|
|
|
|
Re: ناسنا.. (Re: محمد عثمان)
|
Quote: قمره تمطر خمره وحارسها الفضاح
لو تحيجنا محاسن الشمس للإيضاح
مابتحيجنا محاسن محيها الوضاح |
تعرفي يا نهى كثيرا ما ينتابني شعور أن المدهشات قد ولّى زمانها وأن (الخوارق ليست تعاد)، هسه بالله شوفي الكلام ده تاني في زول بيقدر يكتبو؟ كلام موجزعن مدى كفاية الإضاءة التي تكفل الرؤية وكفاءة الكرامات التي لاتعترف بقوانين الفيزياء ، فإذا كان آصف بن برخيا ، وهو من البشر ، أوتي علما من الكتاب مكَّنه من نقل عرش بلقيس قبل أن يرتد إلى نبينا سليمان طرفه فإنه من الممكن أن يكون محيا السمحة الوضاح يفوق ماترسله الشمس من حِزم ضوء غض النظر عن عدد النانومترات، القصه دي يا نهى يمكن تحديدها بجهاز يسمى (مقياس التألق) وفوق كل ذي علم عليم ولاشك أننا أوتينا القليل جدا من العلم، وبادي محمد الطيب في الغنيه دي بالذات المحتشده بالتألق وتأثيرات Ultra Violet يذهب في سماوات وتجمعات مجرات أخرى زي تجمع العذراء Virgo Cluster وينفصل عن العوالم المرئية بالعين المجرده كتجرد الناظر من أي سلاح في مواجهة بعضهن سوى سلاح الإيمان بقدرة الخالق.
اختياراتك لكلام ناس زمان استثنائية وفي بالي إشارتك لأغنيتي ياسمير بنظرتك ويارشا يا كحيل لأبي صلاح وهذه الأغنيات في قاموسنا تسمى أغاني الليزر لأنها تتركز في المنطقة مابين الحاجب والجفن السفلي ( المفاعلات النووية)، وهذه المناطق يجب ألا يتعرض لها الإنسان بما يفوق الخمسه ريم في اليوم الواحد لكن الضرورات تبيح المحظورات.
تسلمي
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
Quote: تعرفي يا نهى كثيرا ما ينتابني شعور أن المدهشات قد ولّى زمانها وأن (الخوارق ليست تعاد)، هسه بالله شوفي الكلام ده تاني في زول بيقدر يكتبو؟ كلام موجزعن مدى كفاية الإضاءة التي تكفل الرؤية وكفاءة الكرامات التي لاتعترف بقوانين الفيزياء ، فإذا كان آصف بن برخيا ، وهو من البشر ، أوتي علما من الكتاب مكَّنه من نقل عرش بلقيس قبل أن يرتد إلى نبينا سليمان طرفه فإنه من الممكن أن يكون محيا السمحة الوضاح يفوق ماترسله الشمس من حِزم ضوء غض النظر عن عدد النانومترات، القصه دي يا نهى يمكن تحديدها بجهاز يسمى (مقياس التألق) وفوق كل ذي علم عليم ولاشك أننا أوتينا القليل جدا من العلم، وبادي محمد الطيب في الغنيه دي بالذات المحتشده بالتألق وتأثيرات Ultra Violet يذهب في سماوات وتجمعات مجرات أخرى زي تجمع العذراء Virgo Cluster وينفصل عن العوالم المرئية بالعين المجرده كتجرد الناظر من أي سلاح في مواجهة بعضهن سوى سلاح الإيمان بقدرة الخالق.
|
يعني الناس ديل حتي لمن يجيهم الوحي أوشيطان الشعر بجيهم بطريقة علمية مدروسة ...سبحان الله...
شوف لمن يقول ليك:
نور جمالها ..دهشنا معشر الفصاح
بين ناطق صامت وبين صامت صاح..
تصوير يكاد يلجم اللسان...
أقول ليك كلام .....صعب جدا تسبر أغوار الحقيبة لأنك كل ماتغوص للأعماق يجذبك الغموض أكثر وأكثر وماحاتصل لنتيجة...
Quote: اختياراتك لكلام ناس زمان استثنائية وفي بالي إشارتك لأغنيتي ياسمير بنظرتك ويارشا يا كحيل لأبي صلاح وهذه الأغنيات في قاموسنا تسمى أغاني الليزر لأنها تتركز في المنطقة مابين الحاجب والجفن السفلي ( المفاعلات النووية)، وهذه المناطق يجب ألا يتعرض لها الإنسان بما يفوق الخمسه ريم في اليوم الواحد لكن الضرورات تبيح المحظورات.
تسلمي |
هاهاهاها
تصدق أنا في اليوم الواحد بتعرض لأكثر من 10 ريم في اليوم..OVERDOSE أو TOXIC DOSE
وضايعة بين يارشا ياكحيل..وياسمير بنظرتك...وجسمي المنحول...وأطرد الأحلام ياجميل وأصحي..وأنا م صفاك مسحور....وأكثر بكتير
معناها قول علي يارحمن يارحيم...
| |
|
|
|
|
|
|
|
|
|
Re: ناسنا.. (Re: نهي محسن أبوراس)
|
| Quote: تصدق أنا في اليوم الواحد بتعرض لأكثر من 10 ريم في اليوم..OVERDOSE أو TOXIC DOSE |
مع ناس عبدالرحمن الريح وودالرضي وأبوصلاح؟ بصدق يا نهى.
| |
|
|
|
|
|
|
|
|
|
Re: ناسنا.. (Re: محمد عثمان)
|
| Quote: ياربى البوستة دى سرها شنو...؟؟؟ كاان فيها كل هذه الكوكبة من المبدعين..؟؟ |
يا محمد عثمان أخوي ،
أولا : حي العرب والمسالمه ديل حاجه تانيه خالص وموضوعم طويل جدا، لأنه الفريقين ديل قدما للسودان في مجال الأدب والشعر والغناء وكرة القدم ما لم ولن يقدمه أي إقليم بحاله في المليون ميل مربع.
من يصدق أن فريقين - وهما بالمناسبة فريق واحد يشقه شارع الشنقيطي - من يصدق أنهما أخرجا معظم عباقرة الشعر والمسرح والغناء والمريخ والهلال معا (فريق المسالمه سابقا)؟
ثانيا: موضوع البوسته دا كمان موضوع يطول الحديث عنه حين كان، ولازال، للبوستة أثر واضح في الأدب والفن والحياة الثقافية، لذا كان لابد أن يخرج من ذلك الوسط القابل للإشتعال وقودا يحرك حياتناالثقافية والفنية كل تلك العقود ، وجميل منك أن تورد تلك الكوكبة من المبدعين وقائمتهم تطول، ياخ ناس حي العرب والمسالمه كلهم ناسنا وانت عارف.
حد يشعر بالسعاده ويمشي يختار البعاد؟
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
أخى ودالمرتضى....
| Quote: حي العرب والمسالمه ديل حاجه تانيه خالص وموضوعم طويل جدا، لأنه الفريقين ديل قدما للسودان في مجال الأدب والشعر والغناء وكرة القدم ما لم ولن يقدمه أي إقليم بحاله في المليون ميل مربع. |
وعلى رأسهم الشاعر الملحن الفنان الذى جمع بين الحقيبة والفن الحديث...
عبدالرحمن الريح......
مارأيت فى الكون يا حبيبى أجمل منك
فى دلالك وتيهك وفى جهالة سنك
د/ القرشى
لو سمحت ....اتحفنا بنصها
وأخريات من هذا المبدع....
| |
|
|
|
|
|
|
|
|
|
Re: ناسنا.. (Re: Abdelhafiez Hassan)
|
ناسنا الأعزاء
إليكم قصة أمير شعراء حلمنتيش (نوح) ويول برينر ! التي وعدتكم بها :
غنى شباب لبنان من على مسرح خورطقت عام 1956م الأغنية المشهورة آنذاك للفنانة صباح "وصلتينا لنص البير" :
Quote: دخل عيونك حاكينا
لولا عيونك ما جينا
وصلتينا لنص البير
وقطعتي الحبل فينا |
ومجاراة لتلك الأغنية كتب (نوح) قصيدة يشنع فيها على حلاق المدرسة!:
Quote: يا حلاق عطفك بينا
دخل جيوبك ورينا
ريال ريال تحط في جيبك
وعملت المقلب فينا !
والسماني حكايته فظيعة
حلق له وقال له دي تقليعة ! |
التقليعة المذكورة إشارة للممثل الأصلع يول برينر الحاصل على الأوسكار ذلك العام !؛ (شوفوا التجاوب بين خورطقت وبفرلي هيلز!)
والسماني هو الآن البروفسير محمد عثمان السماني العالم في مجال البيئة والخبير بمنظمة الأمم المتحدة للبيئة (يونيب) !
إلى جانب فيلم The King and I مثل يول برينر في عام 1956م أيضاً فيلم The Ten Commandments والذي شارك فيه الممثل الشهير شارلتون هيستون (توفي هذا الأسبوع) .
محبتي
عبد المنعم خليفة
| |
|
|
|
|
|
|
|
|
|
Re: ناسنا.. (Re: Abdul Monim Khaleefa)
|
عزيزنا عبدالحفيظ،
عبدالرحمن الريح إبن حي العرب الوفي لولم يكتب سوى لي في المسالمه غزال أو إنصاف (ياروحي) لكفته، هو من الشعراء الذين تغنى
بأشعارهم أهل الحقيبة من المطربين وحتى إبراهيم عوض إبن الحي المجيد ومن عاصره من جيله، من النادر أن تجد شاعرا يتميز بكل
الجماليات التي توفرت لعبدالرحمن فهو إضافة إلى شعره الذي لا يجارى ملحن قدير وهو الذي ساهم في إدخال الفنان الذري إبراهيم عوض
إلى وجدان المستمعين، ونظرة سريعة لأغنيات مثل، لي في المسالمه غزال، الشادن الكاتلني ريدو، غبت عن إنساني، الفريد في عصرك، أضيع
أنا، نجوم الليل اشهدي، وهذا قليل من كثير يكفي لتسيير (أعمال) مؤتمرالمغنين لقرن يأتي. بالله شوف العلم اللي في رأسه انفجار كيف
اختصرها بمصباح الظلام الربّنا معليهو زايد في الكمال نور الجمال جاليهو،
لي في المسالمه ( بقايا العمر وأوهامي).
عبدالرحمن الريح .. ناسنا.
يا حفيظ..
(إحترامي إليك من صميم قلبي غير ما أشعر).
أستعيرها لك من عبدالرحمن الريح.
| |
|
|
|
|
|
|
|
|
|
Re: ناسنا.. (Re: Ahmed al Qurashi)
|
| Quote: مرّه ته في دلالك ومرّه ارع محبك ..... ومرّه خليك جاير ومرّه خاف من ربك |
بالله يا أحمد شوف (ناسنا) وطيب النفس عندهم فالتيه والجور من طرف الحبيب مقبول عندهم فقط
يتمنون عليه الموازنة بين الأشياء وبالطبع وجود الريده علاج ناجع عندهم حتى للتيه والظلم
والحيف والجور واحتماله وقد قال أحد أهم ناسنا (مشاكلي بسيطه بالريده بتُحَل) ،
رحم الله أبوداؤود.
| |
|
|
|
|
|
|
|
|
|
Re: ناسنا.. (Re: محمد عثمان)
|
Quote: السمحة قالوا مرحله
و القوز علينا ظلم
الشال السيده و خلى حرم..
مريا رحلت الى بوست تستااهلى... |
بالله مريا دي مش بتستاهل ديوان شّعر وسكن براها؟
والله يا محمد عندي إحساس إنو الزوله دي بعرفا من زمان مش كده بالله؟
إنت كيف؟ ولا خليك .. حالك ظاهر،
الله يغتِّي عليك.
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
Quote: Quote: السمحة قالوا مرحله
و القوز علينا ظلم
الشال السيده و خلى حرم..
مريا رحلت الى بوست تستااهلى...
بالله مريا دي مش بتستاهل ديوان شّعر وسكن براها؟
والله يا محمد عندي إحساس إنو الزوله دي بعرفا من زمان مش كده بالله؟
إنت كيف؟ ولا خليك .. حالك ظاهر،
الله يغتِّي عليك. |
طبعا هي بتستاهل عشان كدا رحلتو من البوست دا لـ تستاهلي 
متااااااااابعة معاكم هنا وهنااااااك 
| |
|
|
|
|
|
|
|
|
|
Re: ناسنا.. (Re: انعام عبد الحفيظ)
|
يا إنعام،
عشان ما تختلط (الأمور) والتخصصات قلنا نرحِّل السمحه لبوست يخصها وحدها لأنو مريا عندها
قبيلة معجبين وقصائد وأغاني وذكريات ولواعج ولأنها نقطة التقاء لعدة إحداثيات فيها ضلع
صلاح وخط حمد وزوايا وأبعاد أضافتها الراحله ليلى المغربي التي منحتها بعدا تجديديا
بتقديمها القصيدة بصوتها ودا توثيق رأفت ميلاد حافظو.
شكرا لزياراتك لينا (هنا) و (هناك).
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
يا جنة خلاص إتلمينا...
و الأسرة إجتمعت في مودة..
نادينا أهلنا و أخوانا..
راجين أفراحك تمتد..
و خلاص أهو جينا يا جنة..
و خلاص أهو جينا يا جنة..
---
(( جنة الأطفال ))
(( جحا ))
(( بريقع ))
(( عزوز ))
(( أصحاب...أصحاب ))
من المؤكد أن...
الــجـــد شـعــبان=محمود بشير الصباغ(توجد صورة)...تعرف عليه...من أجمل و أروع (( ناسنا ))..
فقد شكٌل..بفضل عزيمته و موهبته و تفانيه في عمله..
تركيبة وجداننا و ضمائرنا بما زرعه فينا من جماليات..
له الرحمة و المغفرة بقدر ما غرس في نفوسنا من معارف و فضائل.
| |
|
|
|
|
|
|
|
|
|
Re: ناسنا.. (Re: mamkouna)
|
Quote: (( جنة الأطفال ))
(( جحا ))
(( بريقع ))
(( عزوز ))
(( أصحاب...أصحاب )) |
بابا فزارى...و كل الاناشيد الجميلة
| |
|
|
|
|
|
|
|
|
|
Re: ناسنا.. (Re: محمد عثمان)
|
تسابق على السودان الفتِي المستقل حديثا كوكبة من القادة والزعماء الذين كانوا يمسكون بزمام
العالم وقتها، بريطانيا والإتحاد السوفيتي قبل أن تمسك أمريكا برسن الكرة الأرضية، كان لنا ساسة
يستأهلون الإحترام وقادة لا هم لهم سوى الوطن تفانوا في خدمة السودان فاحترمهم العالم في زمن
كانوا هم من يضمد جراح الآخرين ( حلاّلين عُقَد) وبعد رحيلهم ورحيل الحكمة معهم أصبحنا نبحث عن من
يحل عقدنا البسيطة التي تشابكت وتعملقت فاستعصت علينا فصدق علينا قول اسماعين حسن
حليل الكان بيهدي الغير صبح محتار يكوس هدّاي ومن ناس الحكومة والحركات والفصائل والأحزاب ديل واأسفاي.
من الذين زاروا السودان في الستينات الملكة إليزابيث وهنا لقطة لها في مدينة الأبيض، من يصدق؟
لكن كل مدن السودان كانت وقتها بقدر من البهاء يراه الكفيف.
(بهذه المناسبة أحيي الأخت الأستاذة إلهام أحمد الوداعة (أم عزه وعمر) التي كانت طفلة يومها تضع باقة من الزهور على عنق الملكة إليزابيث أثناء استقبالها بمطار الخرطوم وقالت لي إلهام أنها لم تك وحدها بل بمعيتها الراحلة الدكتورة علم عباس التي فقدناها وهي في ريعان شبابها منذ سنوات قليلة – لها الرحمة – وكانت معها عديله صالح العبيد ونهى أحمد النقر فلهن التحية)، وربما لاننسى الفترة التي أعقبت تسلم جعفر النميري الحكم فانكب على السودان أساطين الإشتراكية من أمثال تيتو وشاوشيسكو وغيرهم فتأتينا (البصات في المدارس) وتقلنا إلى المطار ممسكين بأعلام دول أولئك الضيوف لنرحب بالقادة (المحبوبين) ونحيي الضيوف ، بإذن الله سيغفر لنا أفعالنا لأننا كنا أطفالا ، يعني الحشد الجبري ليس بدعة إنقاذية.
(الشكر لموقع بارالينك وأخي محمد عثمان محمود على الصورة)
| |
|
|
|
|
|
|
|
|
|
Re: ناسنا.. (Re: mamkouna)
|
من المؤكد يا ممكونه أن الجد شعبان من قادة (ناسنا)،
لا أدري إن كنت مصيبا في إحساسي بذلك الرجل، كنت أحس أنه من الصحابة وبوجهه المضئ ذاك كان
يبث في دواخلنا إحساسا بالنقاء والصدق والفضيلة وكل الصفات الجميلة ، كان يبث أُبوة من خلال
الشاشة الصغيرة فيلتقطها ويحسها ويتبناها حتى اليتامى.
هذا الوجه المنير الذي زيّنتِ به البوست يضيف طمأنينة واحتراما على زواره وعبقا من الماضي
مؤرخا الساعة العاشرة صباح الجمعة بتوقيت من كان اسمها أمدرمان،
رحم الله الجد شعبان والرائع جحا وكل الذين حفروا في أنسجتنا أسمائهم وصورهم وسقوا خضرتنا
فكانت بهية قبل أن نطأ القفر اليباب.
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
يا حبيب الأنفس ما بتوب من حبك ... وان صليتنى بنارك برضى برضى بحبك
مره ته فى دلالك ومره ارع محبك ... ومره خليك جاير ومره خاف من ربك
____
( انعل أبو السمك )
ود المرتضى شوف الكلام وكتين يترع عسل .
شوف كلام عمك عبدالرحمن الريح ده ..
عمك ده سنة 1938 كان محامى ولا شنو ؟
انا يا ود المرتضى لفيت الدنيا على كراع كلب
ما رأيت فى الكون زى ناسنا فى الجمال المكتمل ( ده شنو ده ) ؟
__
اخوانى والله حرام نكون خارج تلك البلاد .. اها نرجع حتى لو سفينا دقيق __
يا ود القرشى
اكرب الحزام ...
تحياتى
| |
|
|
|
|
|
|
|
|
|
Re: ناسنا.. (Re: Osman Musa)
|
ياعثمان موسى ، بالله أحمد القرشي دا قاعد على الهبشه ، نحن عايزنو في السودان دي
مافيها كلام لكن كمان ما تغني ليهو الزمان زمانك لأنو حايعملا زي حمام الشتا في غياب السخان ،
يمسك نفَسُو ويغمِّد ويدخل تحت الُدُش. ياريت لو ناسنا يرجعوا لكن هل سيعود الزمان؟
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
الحكاية سخنت شكلها عندى مشاركة محل مشت ماعارفها ......... زمان الاستاذ كان بكتب لى (اعد...see me) بالاحمر فى الكراس شايفها قدامى هسة
جايكم
| |
|
|
|
|
|
|
|
|
|
Re: ناسنا.. (Re: ASIM AL BANNA)
|
| Quote: الحكاية سخنت شكلها عندى مشاركة محل مشت ماعارفها ......... زمان الاستاذ كان بكتب لى (اعد...see me) بالاحمر فى الكراس شايفها قدامى هسة |
أب احمد،
أعِد،
بالله مدرسين زمان مش ناسنا بحق؟ هذا لايقلل من شأن مدرسي اليوم لكن القدامى بقوا في الذاكرة إلى الأبد
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
ود المرتضى الحبيب....
| Quote: ياريت لو ناسنا يرجعوا لكن هل سيعود الزمان؟ |
عايزنا نرجع زى زمان.........قول للزمان أرجع يا زمان
كوكب الشرق....أم كلثوم ...أجمل صوت وأبدع من تغنى واطربنا من (ناسنا)...
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
فقد السودان هذه الأيام واحد من ناسنا المهمين والمنسيين انه الموسيقار بدر التهامي والذي أسهم كثيرا في مسيرة الغناء السوداني وشارك في تلحين الكثير من الاغانى .. له الرحمة والمغفرة
| |
|
|
|
|
|
|
|
|
|
Re: ناسنا.. (Re: Ahmed al Qurashi)
|
| Quote: فقد السودان هذه الأيام واحد من ناسنا المهمين والمنسيين انه الموسيقار بدر التهامي والذي أسهم كثيرا في مسيرة الغناء السوداني وشارك في تلحين الكثير من الاغانى .. له الرحمة والمغفرة |
له الرحمة والمغفرة... وإن لم تخنى الذاكرة فله مقطوعة
موسيقية على الكمان تسمى (الأدهمية) لها نكهة خاصة وتعلمنا
بها العزف على الكمان....
| |
|
|
|
|
|
|
|
|
|
Re: ناسنا.. (Re: Ahmed al Qurashi)
|
لبدر التهامي الرحمة والمغفرة،
الأدهمية يا حفيظ ربما كانت ، إلم تخني الذاكرة ، ألفها د. محمد آدم أدهم وارجو أن يصححني أهل الباع في هذا الإتجاه.
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
(زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع)
الله يرحم عمر الطيب الدوش
برضو زمان كنا بنشيل الورد وندِّي الورد حتى لو كان ذاك الذي يزرع في أحواض في كل مدرسه بلون البنفسج أو الأبيض
كان إلزاميا زرع الورود في المدارس وإعداد الحوض بتزيين حدوده بالطوب الأحمر بدفن نصفه بزاوية قدرها ياسمين درجه
فيظهر متراصا في شكل مثلثات تتكئ على بعضها بقدر عال من المحنَّه، كنا كذلك حتى في مناطق يعز فيها الماء.
هسه رحنا نتوجع
نعيش بالحسره نتأسف
على الماضي و أندريه رايدر..
يديك العافيه يا (ورد..ي)
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
| Quote: الأدهمية يا حفيظ ربما كانت ، إلم تخني الذاكرة ، ألفها د. محمد آدم أدهم |
فى الحقيقة لست متأكداً من مؤلفها...لأنها من أقدم المقطوعات الموسيقية....
ولكننى كنت أعتقد أن من يعزفها هو بدر التهامى.....
وكما ذكرت نرجو التصحيح من ذوى الإختصاص....
فنحن مجرد هواة و مستمعين......
| |
|
|
|
|
|
|
|
|
|
Re: ناسنا.. (Re: Abdelhafiez Hassan)
|
ميري موهابت ساداراهي ... جواراهيقي،
شامي كابور كان من القرب لقلوب الناس بمكان منذ أن أحب السمحه الكشميريه الغريبه وقال سابنا آي لاف يو وقالت ليهو (سوندار.. أنا
ذاتي ) ومعا غنّيا يا عيني وين تلقي المنام أحبابك جفوك... في دلهي.
بعض زملاء العمل من الهنود يندهشون من أن بعض السودانيين يحفظون أغنيات الأفلام عن ظهر قلب ويمكن لأي واحد من ناسنا أن يردد
أغنية كاملة من فيلم آشا باريخ الشهير (تسري منزل) أو الفيلم الأشهر الذي زلزل منطقة السوق من محلات ابوستولوس حاجغلو مرورا
بمكتبة الحرية وحتى مستشفى امدرمان عندما كانت الوطنية أو سينما أمدرمان تعرض جانوار، جانوار؟ لاحولا .. كان الشعب يقف على
قدميه وتنحبس الأنفاس عندما تتوتر العلاقات بين شامي كابور والبت الماخمج سبنا القلعه وجوهره وبلغ التوتر ذروته عندما قررت
السفر بالطائرة وبقيت ثوان وشامي كابور سوندار يريد اللحاق بالطائرة وخلااااص بلغت القلوب الحناجر والياس يدب في اللوج
وينتشر نحو البلكونه ويتدفق نحو الشعب فيصل شامي بدراجة نارية لشرطي مرور في الدقيقه 89 والثانيه 59 وتراه سبنا فتعود
من سلم الطائرة وينتصر الحب وتصفق الجماهير وترقص أمام الشاشه وتهتف (الحب عذاب في كسلا) ويصبح لقصب السكر والعنكوليب
مذاق مختلف ،
الغريبه التوتر دا بيتكرر مع تكرر مشاهدة نفس الفيلم لأنو الظروف ما معروفه واحتمال المخرج يغير رايو يوم. كان هناك عددا
من مدمني الأفلام الهندية من البسطاء هم في الواقع ملح السينما فكان بعضهم (يبشِّر) الجمهور بأن البطل حايصل في الموعد المناسب
رغم أن هذه البشارة ربما لاتجد استحسانا باعتبارها كشف لإمتحان الأعصاب ، هذا النوع من المشاهدين كان يغادر السينما راكبا
دراجته يترنم بميري موهابتي ممسكاالمقود بيسراه واضعا يمناه على صدره في موقع القلب تماما متبنيا ما مر به من مواقف ومتعاطفا
حتى التهور مع شامي كابور، ولايفيق صاحبنا من هذا الحال إلا بعد أن يدوس دون وعي منه على كلب نائم في منتصف الزقاق فيتكوم الجميع
في حفرة الغفله بزاويه حاده وهنا تضج بقية كلاب الحي العايش قصتنا.
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
ود المرتضى ....الله يديك العافية.....
ما عارف انت قاعد تنكت لينا فى الحاجات دى من وين؟؟؟
كل مرة تجى تحفر لينا حفرة مدفونة فى أعماق الذاكرة!!
والله بكلماتك دى رجعتنالأحلى أيام الطفولة والشباب ....
ذكريات منسية من أيام ( ناسنا ).....
والله التقول كنا قاعدين سوا أنا و إنت.......[/B]
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
| Quote: الوطنية أو سينما أمدرمان تعرض جانوار، جانوار؟ |
بس الفرق الوحيد ....أنا كنت بحضرا فى سينما
عروس الرمال....أو سينما كردفان .....
| |
|
|
|
|
|
|
|
|
|
Re: ناسنا.. (Re: Abdelhafiez Hassan)
|
سيد المدرسه الفاتحه على الشارع بناصية الوريد الأبهر،
هناك نفر يجبروك على احترامهم في أعلى سقف اختلافك معهم فكريا،
وبعد أن تمعن في الإختلاف وتبلغ سدرة منتهى يكون الخطو بعدها عين الإحتراق ، وكثيرا ما يخالجك أنك أقرب إليهم من حبل الوتين
إنسانيا وسودانيا،
محجوب شريف إنسان سكن في ذكرياتنا كما النيل في بلادنا، لايغيب عنها ، كان ومازال يتدفق في أغانينا وأمانينا،
مكان السجن مستشفى.
محجوب ناسنا، متعك مولاي بالعافية.
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
Quote: سيد المدرسه الفاتحه على الشارع بناصية الوريد الأبهر،
هناك نفر يجبروك على احترامهم في أعلى سقف اختلافك معهم فكريا،
وبعد أن تمعن في الإختلاف وتبلغ سدرة منتهى يكون الخطو بعدها عين الإحتراق ، وكثيرا ما يخالجك أنك أقرب إليهم من حبل الوتين
إنسانيا وسودانيا،
محجوب شريف إنسان سكن في ذكرياتنا كما النيل في بلادنا، لايغيب عنها ، كان ومازال يتدفق في أغانينا وأمانينا،
مكان السجن مستشفى.
محجوب ناسنا، متعك مولاي بالعافية.
ود المرتضي ....
بعد السلام تسلم ....... |
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
عدد سبتمبر 1999 كان عن موريتانيا وناس نواكشوط.
العربي من ناسنا السمحين.
هذا الإنجاز الذي نحمده للأخوة في الكويت جرت سلسبيلا منذ تاسيسها في العام 1958 واشرف عليها د. احمد زكي وأحمد بهاء الدين
ضمن أسماء لم يخل منها بيت في السودان ، أعرف وطنك أيها العربي واستطلاعات كنا ننتظرها بفارغ الصبر، من أرخص الدوريات
العربية ثمنا وأثمنها مضمونا فقد كانت ، وما زالت، تدعمها وزارة الثقافة الكويتية وترفدها الأقلام الجميلة بكل رائع،
العربي الصغير نصيب منها ينتظره الأطفال بشغف والهدية أطلس أو صورة ضخمة كثيرا ما كانت تستند إلى جدار في القلب وحائط في غرفة.
| |
|
|
|
|
|
|
|
|
 Re: ناسنا.. (Re: محمد المرتضى حامد)
|
ود المرتضي تحياتي..
كنا في الابتدائيه او ما كان يسمي بالكتاب بضم الكاف سابقا وقت القرايه قرايه..
كانت مجلاتنا الحايطيه تعتمد علي صور ومواضيع مجلة العربي وجدران فصولنا ايضا..وغرفنا في البيوت..
ود المرتضي عندي ليك سعال ...
بصراحه كده شنطتك في الابتدائي او الكتاب كانت مصنوعه من شنو؟؟!!
| |
|
|
|
|
|
|
|
|
|
Re: ناسنا.. (Re: Magdi Ahmed Elsheikh)
|
| Quote: بصراحه كده شنطتك في الابتدائي او الكتاب كانت مصنوعه من شنو؟؟!! |
يا مجدي أنا قريت الأوليه في مدرسة التبون (جنب المجلد) وودعشانا(جنب تندلتي وقبل سليمه وأم كويكه والوساع) ومشيت بعد داك
ودالسيد شرق القضارف يعني كان ممكن تكون شنطتي فيرساتشي ولاّ بييركاردان؟ ما يهو قماش الدموريه بحماله وجيب واحد وبدون سوسته وبنغسلها يوم الجمعه ونكويها. ثم جئنا مدرسة (الهجره) في المسالمه وكان فيها أولاد الصفوه وكان لازم الشنطه تكون أرقى شويه ، يعني
من المشمع أو الجلد، وانتهت سالفة الجلابيه السمنيه واللبنيه بتاعات الدبلان وجئنا للبياض الناصع التترون لأنو المرحوم عبدالوهاب
نورالدائم كان لايرحم ولايجامل وعلى العكس، كونك إبن ناظر مدرسه المتوقع منك أعلى من غيرك في كل الإتجاهات، لكن وحشتني المحبره التي
تتخذ موقعها متخندقة في ثقب التربيزه أمامك، لما مشينا تالته بدأنا بالكتابة بالحبر، كنا نلوث الجلابية بالحبر عمدا ليعلم الكافة
أننا لم نعد شُفُّع وبلغنا الصف الثالث... مقدَرَه، وقلم الحبر لابد أن يتقدم في الجيب الأيسر (صدر المحافل) ياود يا سينيور. أما لما
مشينا الثانوي العام (الأهليه اللي جنب بيت أزهري) تجاوزنا حمل الشنط لأنو الشنطه كانت ستخفي الديكشنري الذي كنا نحرص على حمله في اليد في مكان يظهر لكل من تسول له نفسه استصغارنا. إنجليزي يا مجدي.
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
Quote: يا مجدي أنا قريت الأوليه في مدرسة التبون (جنب المجلد) وودعشانا(جنب تندلتي وقبل سليمه وأم كويكه والوساع) ومشيت بعد داك
ودالسيد شرق القضارف يعني كان ممكن تكون شنطتي فيرساتشي ولاّ بييركاردان؟ ما يهو قماش الدموريه بحماله وجيب واحد وبدون سوسته وبنغسلها يوم الجمعه ونكويها. ثم جئنا مدرسة (الهجره) في المسالمه وكان فيها أولاد الصفوه وكان لازم الشنطه تكون أرقى شويه ، يعني
من المشمع أو الجلد، وانتهت سالفة الجلابيه السمنيه واللبنيه بتاعات الدبلان وجئنا للبياض الناصع التترون لأنو المرحوم عبدالوهاب
نورالدائم كان لايرحم ولايجامل وعلى العكس، كونك إبن ناظر مدرسه المتوقع منك أعلى من غيرك في كل الإتجاهات، لكن وحشتني المحبره التي
تتخذ موقعها متخندقة في ثقب التربيزه أمامك، لما مشينا تالته بدأنا بالكتابة بالحبر، كنا نلوث الجلابية بالحبر عمدا ليعلم الكافة
أننا لم نعد شُفُّع وبلغنا الصف الثالث... مقدَرَه، وقلم الحبر لابد أن يتقدم في الجيب الأيسر (صدر المحافل) ياود يا سينيور. أما لما
مشينا الثانوي العام (الأهليه اللي جنب بيت أزهري) تجاوزنا حمل الشنط لأنو الشنطه كانت ستخفي الديكشنري الذي كنا نحرص على حمله في اليد في مكان يظهر لكل من تسول له نفسه استصغارنا. إنجليزي يا مجدي. |
يا اخي وكت عندك الكلام ده كلوووو مالك قاهمنا بكلام ناس البندر - عندى طلب واحد انا افتكر ناس البندر اخدوا نصيبهم من ناسنا وآن الاون لناسنا الما خمج ( طبعا كل منا عاجبو الصارو) .
بس انجم شوية واجيكم اوع تغيروا خارطة طريق ناسنا الجديدة دى .
| |
|
|
|
|
|
|
|
|
|
Re: ناسنا.. (Re: الطيب شيقوق)
|
| Quote: يا اخي وكت عندك الكلام ده كلوووو مالك قاهمنا بكلام ناس البندر - عندى طلب واحد انا افتكر ناس البندر اخدوا نصيبهم من ناسنا وآن الاون لناسنا الما خمج ( طبعا كل منا عاجبو الصارو) . |
يا الطيب ، ناس البندر ديل أصلا من وين؟ من مونمارتر؟ ما ياهم كلهم من الأقاليم والأطراف ،
جيب صحنك وتعال.
| |
|
|
|
|
|
|
|
|
|
Re: ناسنا.. (Re: محمد المرتضى حامد)
|
طيب اتشمروا وخلوا جنبكم كتاب العامية في السودان لعون الشريف قاسم لاننا مرات نحتاج لقديلة نمشى بيها هناااااااااااك لوجوه ما شافت البدرا ( بضم الباء)
هيييييييييييييع جاييكم
| |
|
|
|
|
|
|
|
|
|
Re: ناسنا.. (Re: الطيب شيقوق)
|
جديد
تعرف يا مرتضى من اجمل الافلام الهندية التى شاهدتها فيلم شولى بطولة دهرمندرا واميتاب باتشان وهيمامالين واظنه انتج سنة 1970 ولكننا شاهدناه فى سينما عروس الرمال سنة 1980 وهو الفيلم الذى قدم فيه دهرمندرا الممثل الجديد اميتاب باتشان (ابوطويلة) ... ولقد
ذكره الدكتور ابكر ادم اسماعيل ضمن احداث روايته الطريق الى المدن المستحيلة...ياجماعة جيبوا لينا صورة هيمامالين وزينات امان (بطلة فيلم شارليمار)...
| |
|
|
|
|
|
|
|
|
|
Re: ناسنا.. (Re: Magdi Ahmed Elsheikh)
|
الاخ الظريف مجدي
Quote: هيع امان الليله ماوقع راجل....
تعرف ياخوي...كدي اتعدل لاجي..
اه ياالطيب ادني بجاي عشان اقول ليك الكلام البصح...
شنطه الدمور دي وحات الله ما في احسن منها..نعلق مره في الكتف..
ومره في الرقبه وتدلل بكتبا بورا..
واها بعداك نمشي ونحاكي مشي فلان وفلانه..
وانا ياالطيب كنت ضعيف...
زي القشه ام روح...
اها ياخوي الواحد يدوعل روحو بالدمور المليان كتب ...
ونرشها ليك بالحبر ذي ماقال اخونا ودالناظر..
والعراقي والسروال برضو نلطع فيهو حبة حبر...
ده العلام ياخوي بنمشي المدرسه ونكتب بالحبر..
ومصروفنا تعريفه....
بتطراها...
واحد من شلتنا الوقت داك ابوهو اداهو فريني مصروف..
وهو ماشى للمدرسه وقع منو..مالقاهو
رجع للبيت جاب غربال وقعد يفتش ليهو ..
لمن لقاهو..
حصل المدرسه بعد الطابور..
الناظر جابو ومسكو اربعه..
وعشره جلدات... |
بالتاكيد مافي اختلاف في الاصول وانما في التفاصيل والتفاصيل - وحتى التباين في التفاصيل يعود لاسباب جغرافية او بيئية او مناخية او ثقافية . انا مثلا لما كنت في رابعة اولية كنت اكثر سعادة واكثر كبرياءا لما اجس ليك شنطتي بتاعة الدمورية والقاها ليك مليانة وكاشفة عن زواياها الاربعة
وفي نهاية اليوم الدراسي برجع البيت وبدرع ليك الشنطة دى في مسمار على الامينة - والامينة دى دقاقة قوية جدا تتوسط بيت الجالوص او الطوب عشان تسند المرق الذى يحمل بقية العرش .
هيييييييييييييييع
| |
|
|
|
|
|
|
|
|
 Re: ناسنا.. (Re: محمد المرتضى حامد)
|
Quote: قل للقوارير أن يرحمننا ولايثنيك عن قول الحق سهام رموشهن يا مجدي.
لاتستبدل قول الحق ببسمة لادن |
ود الناظر....
انت عارف سهام رموشهن جات من وين؟؟
رمو من رمي...
وشي she شن رمي,,,,
وهن للتاكيد اللفظي...
وتصاب في مقتل....
عبر القارات...
وتجي تقول يثنينك...
دي لوايه عديل....
ياود شيقوق انت وين...
زولك قرب يوديني الطائف....
ان العيون التي في طرفها حور..كتلونا عديل كده..
ولم تجيك سهام رموشهن...
والله مش يثنيني ده كسر ضهر عديل....
وقطع للحبل الشوكي....
وده بجيب الشلل والعذاب..
واخير منو الموت....
ودي مصدر كلمة مكسر.....
| |
|
|
|
|
|
|
|
|
|
Re: ناسنا.. (Re: محمد عثمان)
|
محمد عثمان
اقول ليك شنو يعني يا محمد اخوي جننتني؟ وانا براى مجنون لكن بيني وبينك الاغتيال عندو ادواتو وآلياتو . الكثيرون يوجدون ميتون في منازلهم دون معرفة سبب الوفاة كما ان التحرى مهما كانت فنونه وابداعاته ومهاراته لا يمكنش ان يكشف عن السبب .
عذبتني يا الحبيب ولا املك غير الصمت
لك منى عذاباتي
| |
|
|
|
|
|
|
|
|
 Re: ناسنا.. (Re: الطيب شيقوق)
|
Quote: وفي نهاية اليوم الدراسي برجع البيت وبدرع ليك الشنطة دى في مسمار على الامينة - والامينة دى دقاقة قوية جدا تتوسط بيت الجالوص او الطوب عشان تسند المرق الذى يحمل بقية العرش .
هيييييييييييييييع |
ياودشيقوق...
سلام..........
واها المشلعيب وين
| |
|
|
|
|
|
|
| |
الطيب شيقوق
محمد المرتضى حامد
MOHAMMED ELSHEIKH
Magdi Ahmed Elsheikh
نهي محسن أبوراس
Abdul Monim Khaleefa
Ahmed al Qurashi
انعام عبد الحفيظ
mamkouna
Osman Musa
فيس بوك
تويتر
انستقرام
يوتيوب
بنتيريست