الهامل ده بكون مدور المسنجر وبضحك فى المرابطين هنا ديل! ! ! شيقايا زول والله شايفك بقيت اساسى عديييييييييل كده الواحد قدر ما يجى يتاوق يلقاك مدور,,,,فراش بس فراش ما شاء الله فى كل البوستات مشارك ومدليا بدلوك,,,ياخ خف شوية والله بطقوك عين الرطانة الميتانين ديل,,,الله يديك العافية ,,,
ياخ شوقنا تيمس ما يشيلو,,,,
04-04-2008, 09:47 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
والرطانة عيونهم باردة ويسحرو لي شنو السماحة ولا .... ولا ...... ما ياهو التيمس وغارز في الطين الرطانة العز حارسهم
يا ود المنسى إنت كان ما جبت سيرة البحر ما بترتاح يازول شيقا ده لازم نبخرو ونحجبو(حجبوه من عينى) وزول مايرنو داك نقول ليهو الشغلة بقت فى زولنا زاتو دحين شوف لينا ليهو رتينزة وكان فى طريقة كمان معاها سمير تك تك (حماية كاملة)
__________________________ من معجم الرندوك فى اللهجة السودانية,, رتينزة: عروق وما شابه(ضد الرصاص وعلى ذلك قس) سمير تك تك (مصطلح للناس البربطو فى كراع الطيرة وضنب الكديسة)
04-04-2008, 11:06 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
إليكم جميعا,, كل من مر من هنا,,, وكل من سيمر لاحقا,,,,, وكل ألوان السودان,,وكل ألسنته رتانيته,,,,, وعرريبه,,,,
مصطفى السنى,,,صديقى العزيز,,,صوت يصعب وصفه فى زمان الجدب هذا,,,زمان حتى أصوات فنانوه أضحت وأصبحت تشكو القبح,,,وتترحم على ايام جميلة مضت ,,,كان الصوت النشاذ فيها,,,يُسكت صباح اليوم الثانى,,,,,مصطفى صوت جميل لا يشبه زماننا هذا ولكنه موجود وعلينا أن نسمع له,, صوت يحمل عبق الماضى وألق الموسيقى السودانية حينما تدخل عليها أفكار وألحان عالمية علمت بوجوده فى السودان وأتمنى أن يسمع صوته عاليا,,,,,
حتى نلتقى,,,
04-21-2008, 03:58 PM
محمد مختار جعفر محمد مختار جعفر
تاريخ التسجيل: 11-15-2005
مجموع المشاركات: 4927
قوم أزرع طيب وأحصد طيب لأن الطيب يلقى الطيب .. سلام وتحية للجميع .. الباشمهندس / أبوبكر .. لك التحية ثم التحية مرة أخرى .. كم أسعدتنى هذه الأغنية وهذا الأداء الجيد من فنانها .. ياراجل ياظريف كلمات جميلة ولحن شيق .. شكرا. . وتحيتى .. محمد مختار جعفر
04-04-2008, 10:50 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
أقرأ هذه الأيام بكثرة للشاعر الشريف الرضى ، وتالله إنه لشاعر متفرد ينسج الشعر بكل بساطة مختزلاً أجمل المعانى وحبيت اشارك ببعض شعره الجميل باشعار من فيض القلب قالها كشاعر يرى الدنيا بأعين الشعراء الذين يُدركون أسرار الوجود :
يا صاحب القلب الصحيح أما إشتفى {}{} ألم الجوى من قلبى المصدوع هيهـــات لا تتكلفــــن لى الهــــــوى {}{} فضَح التطبعُ شيمــة المطبوع كم قـد نصبت لك الحـبائل طامعــــاً {}{} فنجــوت بعد تعــرّض لوقـوع وتركـــتنى ظمـــآن أشــــرب غلّتى {}{} أسفــاً على ذلك اللمى الممنوع قـــلبى وطرفى منك هذا فى حمــى {}{} قـيظ وهــــــذا فى رياض ربيع كــتم ليلــــة جــــرّعته فى طـــولها{}{} غصص المــــلام ومؤلم التقريع أبكـــى ويبســـم والدجـــى ما بيننا {}{} حتى أضاء بثغره ودموعــــــــى تفلِـــــى أناملـــــه التراب تعــــــلّلاً {}{} وأناملــــى فى سنى المقـــــروع قمـــــرٌ إذا إستخجــــلته بعـــــــتابه {}{} لبس الغــــــروب ولم يعد لطلوع لو حيث يســــتمع الســـترار وقفتما {}{} لعجبتما من عِزّه وخضوعــــــــى أهـــون عليك إذا إمتلئت من الكرى {}{} أنــى أبيت بليلــــة الملســــــــــوع قــــد كنت أجزيك الصـــــدود بمثله {}{} لو أن قلبك كان بين ضلوعــــــــى
الشريف الرضى كان فى نزاع دائم بين عِز الجاه وذلّة القلب ، فالعز عنده يعيِّر بذل الفؤاد ، فالعقل عنده يقول بوجوب أن يكون الرجل من عبيد المجتمع ليسود المجتمع ، وقلبه يوجب أن يكون الرجل عند وحى الفطرة والإحساس ، وقد صدق فى التعبير عن هذه المعضلة النفسية فى قوله :
ولقد أطلت إلى سلوّك شقتى {}{} وجعلت هجرك والتجنّب زادى أهون بما حمّلتنيه من الضنى {}{} لو أن طيفك كان من عوَّادى لا يبعدن قلبــــى الذى خلفته {}{} وقفاً على الإتهام والإنجاد إن الذى غمر الرقاد وساده {}{} لم يدرِ كيف نبا علىّ وسادى لولا هواك لما ذللت وإنما {}{} عِزّى يُعيِّرنى بذلّ فؤادى
وبما أن الليل سها ومَلّت نجومه الإنتظار ... فلا بأس من أن نختم ببعض شعره الرقيق :
يا مقلقى قلقى عليك {}{} أظنه ذنبى إليكا أنت الشقيق فلو جنيت {}{} لما أخذت على يديكا أمسيت ثالث ناظرىّ {}{} فكيف أقذى ناظريكا وكفاك أنى لست أعقد {}{} خنصرى إلا عليكا
Quote: كم قـد نصبت لك الحـبائل طامعــــاً {}{} فنجــوت بعد تعــرّض لوقـوع وتركـــتنى ظمـــآن أشــــرب غلّتى {}{} أسفــاً على ذلك اللمى الممنوع قـــلبى وطرفى منك هذا فى حمــى {}{} قـيظ وهــــــذا فى رياض ربيع
أستاذنا ابوبكر,,,
الشريف الرضى قراءة جميلة امتعتنا بها آخر يومنا,, متعك الله بالعافية,,, ______________________ إنحناءة لخيارك الموفق..
04-05-2008, 04:30 AM
abubakr abubakr
تاريخ التسجيل: 04-22-2002
مجموع المشاركات: 16044
--- مصطفي السني صوت جميل وقوي .... المشكلة هي الجديد الذي يضاف الي المخزون المتراكم من ابداعات الماضي .. كان الصوت الجميل في الماضي يجد الكلمة الجميلة واللحن الجميل وكان السودان جميلا والبشر فيه متجانسون يعيشون علي القليل الموجود ويكملو الباقي ابداعا والقا ...في الشتات يصيب الصوت الجميل الوجع
04-05-2008, 06:39 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
تعرفت عليه قبل أيام .. بواسطة الأستاذ الصحفي حسن ساتي .. وسمعته لأول مره في مناسبه في ذات اليوم ... صوت معبر ... اخذته منا المنافي ردحاً من السنوات - كعادتها مع اجمل مبدعينا - ... مصطفى السني ..
استاذي ابوبكر
Quote: مصطفي السني صوت جميل وقوي .... المشكلة هي الجديد الذي يضاف الي المخزون المتراكم من ابداعات الماضي .. كان الصوت الجميل في الماضي يجد الكلمة الجميلة واللحن الجميل وكان السودان جميلا والبشر فيه متجانسون يعيشون علي القليل الموجود ويكملو الباقي ابداعا والقا ...في الشتات يصيب الصوت الجميل الوجع
تسلم يا كبيير
04-05-2008, 09:22 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: أيمن الطيب تشكرات على قطار الشوق... كل ما أفتح البوست عشان أشارك أقعد أسمعها وأعيدها ما عملت أى حاجة
جاياكم
لما تجى ياالسمحة لازم تشكرى العرّاب وكان ما فهمت العرّاب يعنى شنو ,,,عراب يعنى (God Father) لأنّو قطار الشوق دا من طرفو يعنى سيك سيك معلق فيك وإحتمال تكونى حسيتى بنكهة شيقا فى الأغنية عشان كده جريتى فرامل اليد وكسرت إقامة
وين إنت يا زولة!!! يو آر ذا موست ويلكم,,,,,,
04-05-2008, 10:26 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
بعد كلامي ليك السمح سماحة سماح ده كلو ما رضاك وبقيت تعملي عمليات جراحية لكلامي اللذيذ وترمي اللحم بعيد وتجيبي العضام يلا تاني انا غير العضام ما بتلقي منى كلام تمام .
Quote: بالله يتفرجوا شوفوا البندراوي الفنجري ده برسم الكلام كيف للنواعم دحين هسع تاني المنسي ابو تماسيح وورائل بياكل معاهو عيش ؟ الله ينصر دينك ايموني ود الناظر واصل ونحن بس نشوف ونبص انت بتعمل كيف هيييييييييييع
يا الطيب ياخ المنسى دا حبيبنا والله,,, شايفو اليومين ديل مشخت لى,,شكلو كدا أسلحتك الفتاكة دى إشتغلت,,,, ما معانامقصات ياخ,,,ونحن ورا البنوّت تب ما بنتضارى,,,,, خالد دا كفاه البرد والصقيع والعذاب الهو فيهو,,,يبقو عليهو الأخوان كمان,,, هيييييييييييييييييع يا المنسى,,,أبوى دا بكاوى فيك ساكت ولقى فيك فرقة وشكلك كدا يااللخو أديتو آخرك وعرف وين مكان الوجع وإشتغل على هذا الأساس,,,, يا زول هوووووووووووى أرقد قفا وعافية ,,,عوجة من قبلنا ما بتجيك,, الطيب زول ضوء قبيلة وعشا ومقنع,,إلا بس كديس خلا ومسخوت ومسلط,,, والرتانة ديل لخبتو سلوكو بمؤامراتهم البريئة,,,لكن هو برضو حبيبنا,,
تحياتى,,,ونحبتى الخالصة,,,
________________________________________________________________ سلامى لبنى حليو المعاك وعلى الحلاوى دا قليهو نزل البروفايل,,الزول زولنا تب,,,
04-05-2008, 08:38 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
قيل أن عابداً بأشبيلية كان حسن الصوت ، كثير الإجتهاد ، سريع الدمعة ، دائم العبرة ، كثير الفكرة والتهجّد ، وقد سمعه البعض ينشد
ليلاً بصوت طيِّب غرد ، ودموعه تنحدر على خدّيه :
قطع الليل رجال {}{} ورجال وصلوه رقدوا فيه أُناسٌ {}{} وأُناسٌ سهروه لا يميلون إلى النوم {}{} ولا يستعذبوه فكأن النوم شئٌ {}{} لم يكونوا يعرفوه لبسوا ثوباً من الخدمة {} حتى خلعوه مع جلبابٍ من الحزن {} فما أن نزعوه
قال أحدهم معروف بإجابة الدعاء :
برئت من المنازل والقباب {}{} فلم يعسر على أحد حجابى فمنزلى الفضاء وسقف بيتى {}{} سماء الله أو قطع السحاب فأنت إذا أردت دخلت بيتى {}{} علىّ مسلِّماً من غير باب لأنى لم أجد مصراع بابٍ {}{} يكون من السماء إلى التراب ولا انشقّ الثرى عن عود نحتٍ {} أؤمل أن أشد به ثيابى ولا خفت الأباق على عبيدى {}{} ولا خفت الرهاص على دوابى ولا حاسبت يوماً قهرماناً {}{} فأخشى أن أغلّب فى الحساب ِ ففىّ ذارحة وبلاغ عيشٍ {}{} فدأب الدهر ذا أبداً ودأبى
وروى عن أبى الفرج بن على بن محمد بن الجوزى :
تملكوا وإحتكموا {}{} وصار قلبى لهمُ تصرّفوا فى ملكهم {}{} فلا يقال ظلموا إن وصلوا محبّهم {}{} أو قطعوا فهم همُ صبراً لما شاؤوا وإن {} ساء الذى قد حكموا قد أودعوا سرّ فؤادى {} حبّهم واستكتموا يا أرض سبعٍ خبِّرى {} وحدّثينى عنهمُ يا ليت شعرى إذا غدوا {} أأنجدوا أم اتهموا تبكيهم أرض منىً {}{} وتشتكيهم زمزمُ ما ضرّهم حين سروا {} لو وقفوا وسلّموا يشوقنى واديهم {}{} وضالهم والسلمُ
ونختم بقصة ليلى الأخيلية ، فقد كان ثوبة صاحب ليلى قد قال فيها :
ولو أن ليلة الأخيلية سلّمت {}{} علىَّ ودونى جندلٌ وصفائح لسلَّمتُ تسليم البشاشة أوزقى {} إليها صدّى من جانب القبر صائحُ ولو أن ليلى فى السماء لأصعدت {} بطرفى إلى ليلى العُيون اللوامحُ
سألها مرة الحجاج مرةً هل كان بينك وبين ثوبة ريبة قط ؟!
قالت : لا والذى أسأله صلاحك ، إلا أنه قال لى مرة قولاً ، ظننت أنه خنع لبعض شئ ، فقلت له شعراً:
وذى حاجة قلنا له لا تَبُحْ بها {}{} فليس إليها ما حييتُ سبيلُ
لنا صاحب لا ينبغى أن نخونه {}{} وأنت لأخرى فازع وحليلُ
قالت : فما كلَّمنى بعد ذلك بشئ حتى فرّق بينى وبينه الموت .
قال الحجاج : فما كان من بعد ذلك ؟
قالت : فلم يلبث أن قال لصاحب له : إذا أتيتَ الحاضر من بنى عباد فقل بأعلى صوتك :
عفا الله عنها هل أبيتنَّ ليلةً {}{} من الدهر لا يسرى إلينا خيالها ؟
قالت : فلما سمعت الصوت خرجت فقلتُ :
وعنه عفا ربِّى فأصلح حاله {}{} يعزُّ علينا حالة لا ينالها
Quote: يا الطيب ياخ المنسى دا حبيبنا والله,,, شايفو اليومين ديل مشخت لى,,شكلو كدا أسلحتك الفتاكة دى إشتغلت,,,, ما معانامقصات ياخ,,,ونحن ورا البنوّت تب ما بنتضارى,,,,, خالد دا كفاه البرد والصقيع والعذاب الهو فيهو,,,يبقو عليهو الأخوان كمان,,, هيييييييييييييييييع يا المنسى,,,أبوى دا بكاوى فيك ساكت ولقى فيك فرقة وشكلك كدا يااللخو أديتو آخرك وعرف وين مكان الوجع وإشتغل على هذا الأساس,,,,
دى المحرية فيك لكن بطمنك أسلحة شيقا دى صدقنى صواريخ ماشة فى اتجاهه وهو ما عارف
علا عاد لما يتخبت فوق رويسه بعرف ان الكان قايلها تباشير طلعت الله يعينه ساى
خالد ما أداه آخره ولا حاجة انا جبت اكتشافات خطيرة
خالد مخططاته ماشة مية المية بس خلى العرريب يحلم بإنجازات فكى مايرنو عشان يكون فى pleasure فى الموضوع
Quote: أكرر أسفى ,,,تغيير فى جدول الرحلات نتج عنه بعض التاخير
البركة فى الدوخة الجابتنى الواتة
ودأبوالقاسم:
تشكرات والله أسعدت صباحنا
شيقا:
Quote: الناس ديل يعجبوك في ال TAKE AWAY
خليك عدل كلام تحت السطور دا أصلك ما بتخليه؟
هيييييييييييييييع
04-06-2008, 08:57 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
عزيزنا ود المنسى ...سلامات اسمح لى بالاصالة عن نفسى ونيابة عن كل هذا العقد الفريد ان اشكرك على كلماتك الودودة والرقيقة عن كل المجموعة وفى الواقع نحن السعداء بما اكرمنا القدر بأن نتعرف على شخصك الكريم وهذة الروح الشفيفة والتى تحمل كل المعانى الانسانية الرفيعة وتعبر بصدق عن طبيعة النسيج الاجتماعى السودانى الاصيل والذى بقى صامدا وهو يتلقى الضرب تحت الحزام على مر العصور والسنين وهذا هو سر التدافع نحو هذا البوست باجزائة الثلاثة فالى الامام ونحن سائرون ومن اجل عيون سموحة ساهرون ومرابطون واسمح لى بأن اهديك اجمل ماقيل عن الصداقة:ـ
Good FRIENDS are hard to find, harder to leave, and impossible to forget
Some people make the world SPECIAL just by being in it
BEST FRIENDS are the siblings ِAllah didn't give us
TRUE FRIENDSHIP "NEVER" ENDS, Friends are FOREVER عمك كمال
Quote: اسمح لى بالاصالة عن نفسى ونيابة عن كل هذا العقد الفريد ان اشكرك على كلماتك الودودة والرقيقة عن كل المجموعة وفى الواقع نحن السعداء بما اكرمنا القدر بأن نتعرف على شخصك الكريم وهذة الروح الشفيفة والتى تحمل كل المعانى الانسانية الرفيعة وتعبر بصدق عن طبيعة النسيج الاجتماعى السودانى الاصيل والذى بقى صامدا وهو يتلقى الضرب تحت الحزام على مر العصور والسنين وهذا هو سر التدافع نحو هذا البوست باجزائة الثلاثة فالى الامام ونحن سائرون ومن اجل عيون سموحة ساهرون ومرابطون واسمح لى بأن اهديك اجمل ماقيل عن الصداقة:ـ
Good FRIENDS are hard to find, harder to leave, and impossible to forget
Some people make the world SPECIAL just by being in it
BEST FRIENDS are the siblings ِAllah didn't give us
TRUE FRIENDSHIP "NEVER" ENDS, Friends are FOREVER عمك كمال
على الطلاق الكلام ده مش كلام عمو كمال ده كلام فيصولي وحقو من اليوم يا عم كمال تنفض ايدك من فيصولي طالما بقى يلبسك كلام مو حقك بل عندك الحق تفتح فيهو بلاغ تزوير او انتحال شخصية .
يا منسي ما يغشوك الناس ديل عندهم الغاية تبرر الوسيلة ووسيلتهم دى اكان روحهم انسلت ما بحصلوها .
هييييييييييييع
04-06-2008, 09:18 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
أخى كمال نعود اليوم لسيرة شاعرنا العظيم جمّاع : رُوى عن الشاعر جمّاع أبياتاً إرتجلها فى ليلة تجَلّى فيها القمرُ وصفا سماؤها ... وطلب منه زملاؤه أن يقول شعراً فى هذا المنظر الذى أخذ بنفوسهم فقال :
برز الهلال متوجاً بالأنجم **** كالماس فى نظمٍ بظاهر معصمِ هل أنت حسناء جرى بعروقها *** ماء الوسامة والوضاءة كالدمِ أم أنت مخلوق وما لخيالنا ***** إدراكه يا بن السماء تكلمِ ثم ماذا ؟ أرادوا من زميلهم المزيد وحاولوا أن يستفزوه فتشككوا أو اصطنعوا الشك فى الصحة أن تلك الأبيات من وحى ساعتها ، وطلبوا منه أن يُبرهن على صدقه بأبيات أخرى فى نفس المعنى على أن يُغيِّر القافية والبحر إن أمكن . فما كان منه إلا أن قال بعد أن استفزّه تشككهم وألهب شاعريته ريبهم :
تَبَدَّى ابن السماء على **** السماء وسيماً فى قميصٍ من ضياء ِ تَبَدَّى كأنه دنفٌ يُقاسى **** جوى آلامه فوق الشقاءِ ويجتذب المؤمنين إليه حتى *** كأن الأرض شُدَّت للسماءِ
الأخ/ كمال ، هنالك تشابه كبير بين الشاعرين إدريس محمد جمّاع والتجانى يوسف بشير ، فقد نعى كلا الشاعرين نفسه قبل وفاتها ، فالتجانى يوسف بشير رثى نفسه وهو على فراش الموت يُحيى ويُناجى ويسأم ، وشاعرنا جمّاع على فراش الحياة يُلاحى ويحس ويألم ، فالشاعران متشابهان صبراً وعزيمة :
ما ردّ هذه السقام ولكن *** صبره الجم للضنى دَفّاق جَفَّ من عودة الندى فتعرّى *** وتنفّت من حوله الأوراق وذوى قلبه النضير وقد كان **** له فى زمانه تخفاق وأنا اليوم لا حِراك كأن قد **** شُدّ فى مكمن القوى أوثاق
ولقد استطاع التجانى أن يصوِّر حياته فى لوحات ملوّنة بألوان حزينة وفى أُطر داكنة تبعث العطف وتُوحى بالأسى وهو على فراش الموت وقد أكله الداء ، وبات يستنشق الهواء إقتساراً ، نفسٌ ضيِّق وصدر طاق وهو يُخاطب صديقه الشاعر محمود أنيس :
فالشاعران جمّاع والتجانى كانا يُحسان بدنو أجلهما ولكن التجانى قد تشبث به أظفار المنية ، أما جمّاع فشاكى السلاح ولكن القيد يحبسه عن النزال ، والوساوس تبعده عن الناس فقال جمّاع عن نفسه فى قصيدة ( من وراء القضبان ) : على الخطب المريع طويت صدرى **** وبُحْتُ فلم يفِد صمتى وذكرى وفى لُجج الأثيرِ يذوب صوتى ******* كساكب قطرةٍ فى لُج بحرِ دجَى ليلى وأيامى فصول ******* يؤلف نظمها مأساة عمرى أشاهد مصرعى حيناً وحيناً ***** تُخايلنى بها أشباح قبرى وفى الكون الفسيح رهين سجنٍ *** يلوحُ به الردى فى كل شبرِ وأحلام الخلاص تشِع آناً ***** ويطويها الردى فى كل سترِ حياةٌ لا حياة بها ولكن ****** بقية جذوةٍ وحُطام عمر خطوبٌ لو جهرتُ بها لضاقت *** بها صور البيانِ وضاق شعرى جهرتُ ببعضها فأضاف بثِّى **** بها ألماً إلى آلام غيرى كأننى أسمع الأجيال بعدى ***** وفى حنقٍ تُردد هول أمرى ******************************* يُقلبنى الفراش على عذابٍ **** يهزُ أساه كل ضمير حر تُطالعنى العيون ولا ترانى **** فشخصى غيَّرته سنين أسر يصم صليل هذا القيد سمعى **** وفى الأغلال وجدانى وفكرى وأين الأمن منى من حياتى **** فقد فنيت وما خطبى بسر وتسلبنى الكرى إلا لماماً ***** يدٌ من حيث لا أدرى وأدرى وفى جنبى إنسانٌ ... وروح ٌ *** وحبٌ للناس فى جنبى يسرى وقّاك الله شراً يا بلادى ***** سرت نيرانه لحصاد عمرى يُنازعنى الحياة وفى ضلوعى *** هوىً ضجت به خفقات صدرى وأيامى تساقط من حياتى **** كأوراقٍ ذوت والريحُ تذرِى تطامن دوحها وهوى مكباً **** وأجفل عنه تيار بنهرِ وهدم مؤنس الأعشاش فيه **** فلم تهزج له أنغام طيرِ ولست ترى حواليه ... رواء *** ولكن وحشة وذبول زهر يُغالب محنتى أمل مشعٌ ***** وتحيا فى دمى عزمات حر
عفواً لهذا الشجى المقتبس من ( كلمات دراسة نقدية عن الشاعر جمّاع للدكتور عبدالقادر الشيخ إدريس أبوهالة ).
04-06-2008, 09:15 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: على الطلاق الكلام ده مش كلام عمو كمال ده كلام فيصولي وحقو من اليوم يا عم كمال تنفض ايدك من فيصولي طالما بقى يلبسك كلام مو حقك بل عندك الحق تفتح فيهو بلاغ تزوير او انتحال شخصية .
إشمعنا ؟؟؟؟؟ يا شيقا ؟؟؟
04-07-2008, 09:36 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
هوووى هوووى ياود شيقوق..سلامات شكيتك لى ابيد قوية وبعدين انتة الحشرك بين البصلة وقشرتا شنو؟؟ انتة ماعارف انو روحنا واحدة وحتى حبنا واحد وعلى اى حال اللة اكبر عليك والقوات الهجين فى طريقها ليك شيل شيلتك!!!!!!
الى الشفيف ود ابو القاسم سلامات هاانت تحلق بنا مرة اخرى فى سموات الشجن والادب ساعود اليك بعد ما اجيب عكازى المضبب لانو اى مداخلة صاحبك حيقول دى حقت فيصل اقوم اديهو ليك فى المداغات!!!!
الى الرائع قمر بوبا سلامات انتة عارف رجعتنى كم سنة ..للسنة الكان فيها شيقا برمى فى الصاجات للتيمس عشان يطلعو من التغريزة ..شكرا لك عمكم كمال
04-07-2008, 11:51 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: هوووى هوووى ياود شيقوق..سلامات شكيتك لى ابيد قوية وبعدين انتة الحشرك بين البصلة وقشرتا شنو؟؟ انتة ماعارف انو روحنا واحدة وحتى حبنا واحد وعلى اى حال اللة اكبر عليك والقوات الهجين فى طريقها ليك شيل شيلتك!!!!!!
والله اكان ما تحشري ده هسع اكان درعت كلامك الشين ده في عمو كمال المسكين .
Quote: ساعود اليك بعد ما اجيب عكازى المضبب لانو اى مداخلة صاحبك حيقول دى حقت فيصل اقوم اديهو ليك فى المداغات!!!!
ضحكتني الله يجازي محنك اصلك ظاهر عليك من عيونك ديل بتاع دواس وعكايز مضببة كدي اسعلك عليك الرسول كنت بتشارك بعكازك في المظاهرات مع الطالبات ؟
Quote: الى الرائع قمر بوبا سلامات
غايتو البتدورو .........
04-07-2008, 06:27 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
حمامة السلام والحب والوئام سلمى صبحي الفاضلة .. وهل يذكر الصبح ولاتي تأتي الشمس بشروق جلي ... نعم لا ينفصل اللحاء عن الجذع أبدا .. فما ذكرناك إلا جاءت ذكرى الأديب الشاعر الدكتور حسن عباس صبحي عليه رحمة الله. من ذاك الجذع الراسخ إستمد اللحاء نضارته وخضرته البهية تعجب الناس .. والعرق دساس .. هبي حمامتنا وانثري الحب والوئام والكلمة الطيبة بيننا .. وهي ديدنك .. فلا تقعدي ولا تفتري طوافة وطبع الحمائم دوما هديلا ... لك تحياتي وموتي حمامة السلام سلمى الفاضلة
04-08-2008, 03:09 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
عندما انتقلوا لحلفا الجديدة كان بعض المارةالذين يركبون الجمال ينظرون في داخل البيوت، فاجتمع 15 من صفوة الحلفاويين في تكلم اللغة العربية وعزموا مقابلة عبود وحل مسألتهم، وعند وصولهم (الهرتوم) انتخب الـ 15 مفوها أحدهم للكلام بالنياية فدخل على عبود وابتدره قائلا (شوف يا ابود، انت يا تعلي الهيطة يا توطي الجمل)! عزاز
04-08-2008, 07:27 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: عندما انتقلوا لحلفا الجديدة كان بعض المارةالذين يركبون الجمال ينظرون في داخل البيوت، فاجتمع 15 من صفوة الحلفاويين في تكلم اللغة العربية وعزموا مقابلة عبود وحل مسألتهم، وعند وصولهم (الهرتوم) انتخب الـ 15 مفوها أحدهم للكلام بالنياية فدخل على عبود وابتدره قائلا (شوف يا ابود، انت يا تعلي الهيطة يا توطي الجمل)!
يجازي محنك آ فيصل حرم ضحكت لحدى وقعت من السرير
04-08-2008, 08:38 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
وقديما قالت العررريب .. لايعرف الشوق الا من يكابدة...ولهذة فان لهذة
القصيدة(ضنين الوعد)مكانة خاصة فى القلب فتعال لنعش عبق المشاعر:ـ
عمـك كمــال يا ضنين الوعد أهديتك حبى من فؤاد يبعث الحب نديّا إن يكن حسنك مجهول المدى فخيال الشعر يرتاد الثريّا كلما اخفيته فى القلب تنبى عنه عيناك ولا يخفى عليّا أنا إن شئت فمن أعماق قلبى أرسل الألحان شلالا رويّا وأبث الليل أسرار الهوى وأصوغ الصبح ذوبا بابليّا لا تقل إنى بعيد فى الثرى فخيال الشعر يرتاد الثريّا كان بالأمس لقانا عابرا كان وهما.. كان رمزا عبقريا كان لولا أننى أبصرته وتبينت إرتعاشا فى يديّا بعض أحلامى التى أنسجها فى خيالى وأناجيها مليّا ومضة عشت على إشراقها فانقضت عجلى وما أصغت إليّ كلمة خبأتها فى خافقى وترفقت بها برا حفيا من دمى غذيتها حتى غدت ذات جرس يأسر الأذن شجيا وافترقنا وبعينىّ المنى قالها الدمع فما أبصرت شيئا إن تكن أنت جميلا فأنا شاعر يستنطق الصخر العصيا أو تكن انت بعيدا عن يدى فخيالى يدرك النائ القصيا
04-08-2008, 09:04 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
كانت محاولة خربشة على وريقة مهملة رغم ركاكة جمع حروفها إهديها لها..... وفي لحظة تجلي بلطف هواها وحبها تدافعت كلمات خلتها شعرا فقرأتها فوجدت انها لاتشبه الشعرَ هل يعقل ان تعجبها فهى محاولة فأرضيها وأقبليها مني وعلَ شيطان شعري ينهض من خموله يوما أشدوك شعرا
يا تُرى هل تراني هائماً أم يعتريني مايعتري النائما كيف لبعيد قد دنى وكان مقعده بين النجوم لوامعا نسترق خلسة منه الضياء ونبثها تهدي الخلق سبلا مقام الثريا في العُلا ومثلي سهر الليالي يتوق وينظرا امني النفس وهل يكفي النفس المنى واراه دوما في الأفق عالقا وأظل جاسيا إليه وعاكفَا عجبي كيف لدنيايا قد أتى يشدو يهيج روحي في الليالي مسهّرَا يهديني ألحان الربيع ولا عجب ملك بدر حروفه في العوالي منابرَا جرى مني مجرى الدم وأصبح له الفؤاد أسيراً وراعيا ألا ليت لا يطل صبح ليل ظل بين جنبات الفؤاد مدثرا أناجيه في همس وحنين مقبلا وأبث كل ماطوته الأساررا أشتاق إليه وهو روحي وماعلا وهل تشتاق الروح للروح فخبرا أحس في رعشة حديثة قمرا يسري بين الليالي منازلا فأسمع تعتعة تحاكي مشية جدي للنفور قد إستعد وإنبرا ما أحلى غفلة في حضن الحبيب سابحا أغفو ويظل هو للعيون مسهرا افيق فيدلي سابل ظلَ كاحلا ونعود نفقو معاً يهمسنا أول شعاع في الأفق حائرا
Quote: كانت محاولة خربشة على وريقة مهملة رغم ركاكة جمع حروفها إهديها لها..... وفي لحظة تجلي بلطف هواها وحبها تدافعت كلمات خلتها شعرا فقرأتها فوجدت انها لاتشبه الشعرَ هل يعقل ان تعجبها فهى محاولة فأرضيها وأقبليها مني وعلَ شيطان شعري ينهض من خموله يوما أشدوك شعرا
مع منو او مني انت يا سجم الرماد؟
04-08-2008, 09:43 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
لا ننسى في غمرة إنجنامتنا نذكر بالخير أختاً لنا كانت قبل لحظات بيننا جالسة تحت الشديرات نروي النفس والروح من حلو حديثها فراقتنا لوصل رحم لها في بطانتها العامرة ندعو لها بالغيب دعا أخوة لأخت لهم جمعتنا شديرات ظليلات يغطيها الله برحمته ويحفظها حتى تعود وعنقريبها الهبابي مسنود علي جذع الشدرة الام الكبيرة في انتظار عودتها .. الرائعة ست اللهج الطيب ريحانة البطانة وزهرة الحسن ودطلحة
04-08-2008, 09:53 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
وهل كان الأهم من هي ؟؟ قد ضماها العقل والفؤاد برا وبنى لها التروس والحصون أضلعا ولمَّ تريد كشف ما بذرناه في القلوب ونرعاهو بعيدا من الخلوق سرا ألا يكفيك يا شيقوق أن تكون للحرف معلقا
04-09-2008, 06:36 AM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
أكاد لا أصدق هل هي هذه إنجمامتنا التي كانت عامر ترتفع وتتخافض فيها الكلمة الطيبة أين انتم يا حبايب العميد أبوبكر سيدأحمد العقيد ودشيقوق السنجك أبي بكر سيدأحمد القمر وتكمل سماح قمر سبعتين حمامة السلام الصداحة القمر بوبا وعلينا بقيت تقيل أبوبكر أبوالقاسم ودمسقط العم كمال عطا الحبيب مازن الجمال الجميل محي الدين جبريل الممكونة وصابرا ود أبارو العزيز أيمن الطيب العروس انت فوق عديلك ماجدة عوض خوجلي وينكم العناقريب بنى فوقهن العنكبوت
أناشدكم العودة أحبابي نحي هذا المكان الذي جمعنا ولكم منكم وبقية الزوار أحلى تحياتي واشواقي لعودتكم
04-09-2008, 05:13 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: الى الرائع قمر بوبا سلامات انتة عارف رجعتنى كم سنة ..للسنة الكان فيها شيقا برمى فى الصاجات للتيمس عشان يطلعو من التغريزة ..شكرا لك عمكم كمال
عمنا الرائع كمال تسلم وتسلم زكرياتك الحلوة غنية العزيزة كان مقصود بيها شيقا لكن عمل منها رايح لانو اهتماماته اتبدلت...وبدل الغني البطري الأضان بقي زول فيس بوك وهسة وحلان هناك....ولو تاوقت بتلقاه وحلان
المنسي: والله ما بعدنا الا لظروف عمل وجري ومعايش....انجمامتك نحن فيها وزي ما انت قلت ليوم الفصل والدين
ونأسف للتاخير ابو أحمد وانشاء الله انت تكون بلغت العافية برضو
الاهداء بلسان شيقوق لجيل الفيس بوك قصيدة لحمّيد:
أنا انيقنت من تالاك لا آسف ولا محزون على العمر القضيتو معاك براي باقي الدرب بمشي وخطاي تعدم الهدّاي أكان السكّة حارت بيْ وأكان كرّت سموم الصيْ على نسم العشم جوّاي قوافل صبري ماب تضهب وأمان حاديها مو الدوباي خيول قبّال دا ماترّت ولا فرّت من الحوبات ولا حرّت ولا انشدت ولا صدّت سروجه بلاي وأعود من دربك الدردار على شعب اليقان مسنود وأحرس العرسة من تالاي وريح شجن الليالي السود صه .. صه يا الحشا المهرود وهبِّد غلبك الوقّاد قبل ما يرقدك هبّود عشتو معاهو ما هو أجواد زماني بلاهو يبقى يجود عيشكن يا قماري عليّ أنا القطّت تقي دنياي وعشِّكن أبني بي إيدي أنا البين الرياح جاي جاي شرطاً ما تقوقن لي قوقيي يبهلن عيني ويوقد في دواخلي أساي "منو العزَّ الحبيب ما لاك وقدَّس لي عيونو السود أكان سوِّيت غناك في عود كان خدّر ملا ال واطة وكان فوّح عبير وورود وما كان الزمن طاطا لا وقع انحزم واقود" شيشكن يا قميريات كم من قبلي خاب مسعا وما شقَّ الجيوب ودعا علي جور الحبيب بآيات ولا هتك القلوب ونعا مزارات القريب بأبيات ولا نوّح على الراحن قدر ما ظنَّ في الجايات مظان الخير وجرحو وِعا ونظر قدّام مضمِّد سكتو الموجعه .وكتّر خيرو يا أيام وكتّر خيرك إنتي معا ده ما أول صد ولا آخر ود وكم من صد ودادي رعا ويا زارع حياتي صدود عذابي معاك إنّي غمامة وإنت كركي لا محدود ونبت البينا كان لابد يضبلن ما يضبلن كيف وإنت لقيتو عز الصيف صهاديب الصعب صالا نتقت النسمة من تالا نتفت الغيم خريف وخريف حبست تسابو تحت القيف وقطع سرسار جداول الود وصنّه يباب ودابك جُد قبيل وين كت ؟ قبيلك كان يكفِّي رزاز بعد دا إن جيت أوديك وين بعد دا إن جيت وأنا اتيقنت بدري قبيل بعد فرّجت فيِّ الليل ونبّاه الدغش في العين وأنهكت الوداد بالصد وأشواقي الغبش بالبين حليلك كنت زولي أنا وملاذي الفي السمح والشين تموت آهاتي لما تبق متل جهر العديل والزين خطاي فوق دربك الدردار تشولت من متين ومتين مورقت البيوت بالود نورقت الحصاد كان صد وكان لابُد حليلي تصد نان تقعد تناجي الطيف بلا البيدودي في النيران وما من خلوة لامن ضيف مي كم من شتلة فوق القيف بتيبس وكم حراز في الساب يخدّر يوم بحيرو يصد أمش يعدل عليك الله طريقك لا غلب لا آه ولا نسمع مريكبك تاه وسط لجة زمن جهجاه وأنا الزي الشعوب مغلوب زمان السخرة والملاك أنا العبِّيت مخاليْ ريد وقلت لك يا الحبيِّب هاك أنا القبِّيت لويبي الإلفة ألقِّم في جدَيْ محياك أنا الباسمك ببيت محروس وبي رسمك بقيت مهووس أنا الصبّيت مطيرة شوق رويتك دمّي همِّي ألقاك ومن تعب القميحي الروس ومن نخل المودة البوص لقيت شدر الهوى النديان مجرد عود وناقرو السوس وما نوحّتَ قُت "يا ملاك حرام رحماك أنا البهواك" ولا حنّيت أزورك يوم أنا الطول الولِف ساساق جمعت أشلاي ولملم روحي من بين ريح زمن فرّاق وقت يا قلبي رغم الغلبِ لا انكسرت قليلة الوعد ولا اندفق وفا العشاق ولا ضاقت رحابة الكون ولا غمّاً نتح حرّاق بحب الناس مشيت مسكون أنا اليي دا وحبايبي يي ديل وشيلتي أماني شايلة شيل وفي إيدي عزاي عصا موساي فيا ضل الغنا المايل دريبي عديل أرم موزون على ناساً غبش بالحيل بتآكل من وشي الواطة وتشرب من بواقي السيل وتنطارش جراح الحال تحت موّال معطّر فأل يقطّر من عيون أطفال بتلفح من هجيره ضليل يجم جوّاها زي شبّال يرسِّي الخاطر المغبون يلولي بنسِّي جوع البال خلا الماعون .. تفتِّش في القميرة شليل شليله المافي تربى رجال وتمرق في الدروب آمال تعدل الميل .. وتركز لي رماح الويل وراء درق العشم في بكرة يا بكراها شان ماتكون ويا بكرانا قدر الكون بعد الخيل .. وأشد الحيل .. وأتكِّن فوق تقانت الليل شعاعات الغنا الميمون
04-09-2008, 05:36 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: المنسي: والله ما بعدنا الا لظروف عمل وجري ومعايش....انجمامتك نحن فيها وزي ما انت قلت ليوم الفصل والدين
ونأسف للتاخير ابو أحمد وانشاء الله انت تكون بلغت العافية برضو
بوبا الحبيب سلاااام تحية طيبة هداك عنقريبك مركوز على الشديرة ديك إتناولو وجيبو جاي علي نجدع لينا خشم خشمين فوق داب يجو الجماعة يا أخوي حت في إنشغالك تعال إنجم هي نحن سوينها فوق شنو في شان ننجم يا الحبيب والجابك يجيب س م ا ح كدي الداهي داك مابقدر يقراها ألا كان الباشمهندس يتصل بي هاتفياً يوقع المكتوب هنا شنو
تحياتي بوبا وألف سلااااام
04-09-2008, 05:46 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
ديل ناس الطيب ود الطيب قصدهم يحصل فراق بينا وقلوبن يسعدو ماتصدقي ما ينقل
عودي لنا يا فراشة وتنقلي بين زهراتك الجميلة الباشمهندس .. بوبا .. وأبوبكر ابوقاسم وسيداحمد وحتى العم الكمال مشتاق لطلتك الصباحية تبللين ارجلك من طل نداه .. عودي يا أحلى قصيد عودي لشديراتك يا سماح
كل منانا أن يكون المانع خير
04-09-2008, 08:10 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: دى مناظر فلم فكي مايرنو والفلم في الطريق هيييييييييييع قول تاني محل رهيفة تنقد- اها اتقدت هنا شوف فزعك
دي غزلية وين الرايقة يا فنية ناري الليلة يا الصلاح جميع يا أهل الله
العود حميد ومستطاب في مكالمة معها الآن قالت والحزن في عينها لفراق الحبايب عدا ..... العودة تاني وقريب ومابهم كلام ناس ديك ( الطيب وود الطيب ) وقلبي الهلالي أبوزيد
ومحل رهيفا التنقد هييييييييع أنا الشافو خلو
04-09-2008, 08:25 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
يا ود المنسى حبيبنا,,, الشوق بحور,, أولا عذرا للإختباء والإختفاء,,, عن نفسى أخوك زرتو عينة الأيام دى,, ترزى يوم الوقفة,,ما بلحقنى,, وقدر ما الواحد يجى حايم بى هنا,,يقول يسلم على الناس ويسجل حضور ويوقع فى الدفتر,,, يلقى الحلوين غايبين أو موجودين ومشغولين بمراقبة الحرابات المدورة هنا دى,,,ويلملم بقايا مزاجه و يتدردق بيها على مكان أهدأ قليلا !!بحثا عن روحه!! قد تستغرب كلامى هذا ولكن صرت لا أحتمل الأصوات العالية والمعارك التى فى غير معترك!!!,,والجيران هذه الأيام أصبحوا بالجد مزعجين,,,ومشاكلهم خرجت إلى الشارع وأصبحنا نتأذى من هذه الخلافات التى لا تعنينا ولكنها تؤذينا,,فنحن منهم وهم منا للأسف....
Quote: العزيز أيمن الطيب
الله يعزّك يا عزيز,,,,,,,,,
Quote: ديل ناس الطيب ود الطيب قصدهم يحصل فراق بينا وقلوبن يسعدو ماتصدقي ما ينقل
سيرة البحر لكن برضو مقبولة منك وعذرك معاك يا اللخو,,, بالله إنت ما عارف السمحة وين,,,,,,والله إتلومت تب يا خالد,, ياخ الطيب ده كان كدا معاهو حق وألف حق,,,أنا العندى قلتو لكن إن بقى دا قولك وده رايك.............لسة عندك فرصة لرأب الصدع السويتو ده وما بنختلف,,,
السمحة سلامات والزول دا نجض تب دحين أبقى مارقة وما قلنا ليك كفاهو ما كفاهو العذاب الهو فيهو,,,... المنسى أخوى لابد يوم باكر يبقى أخير,,الإنجمامة أكيد عمرانة بالموجودين,,,
Quote: يا ود المنسى حبيبنا,,, الشوق بحور,, أولا عذرا للإختباء والإختفاء,,, عن نفسى أخوك زرتو عينة الأيام دى,, ترزى يوم الوقفة,,ما بلحقنى,, وقدر ما الواحد يجى حايم بى هنا,,يقول يسلم على الناس ويسجل حضور ويوقع فى الدفتر,,, يلقى الحلوين غايبين أو موجودين ومشغولين بمراقبة الحرابات المدورة هنا دى,,,ويلملم بقايا مزاجه و يتدردق بيها على مكان أهدأ قليلا !!بحثا عن روحه!! قد تستغرب كلامى هذا ولكن صرت لا أحتمل الأصوات العالية والمعارك التى فى غير معترك!!!,,والجيران هذه الأيام أصبحوا بالجد مزعجين,,,ومشاكلهم خرجت إلى الشارع وأصبحنا نتأذى من هذه الخلافات التى لا تعنينا ولكنها تؤذينا,,فنحن منهم وهم منا للأسف....
فداك الروح ياود الطيب اسم على مسمى اللوم بجي بالغفلات لكن يا أخوي موجعاني حبيبة المحنة المسويها مع المسلط الدقر كان لابد من نديك هبشا تعيد العقل لصوابه الزول بي غادي بقى زي ديك العذابة مطارد يومو كلو لكن مابي يقع واطة والله كان وقع سكاكينو بتكتر ويا الحلة جاك بلا
بالحاصل والإتحصل في الدفسيبا القايمة كان ملاذنا في إنجمامة بكلمة طيبة يا أيمن فهي الأصل ولابد من عودة الناس إليها وسوف نظل ننادي بها ونرفع صوتنا هيبة جبرة بيها ... كلمة طيبة وبي الحسنة تمعط شارب الأسد
أيمن لك مودتي وتحياتي هيا نزل عنقريبك وإنجم يا الحبيب
04-09-2008, 09:07 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
العم كمال عودتكم لدياركم تسر البال سماح تاج راسنا وفداها أرواحنا بس تجي وكان لي مقطوع الطاري بنختو في علبو ولا بنسوي لي القيد ( والقيد حرن ياعم كمال ) بتعرف القيد القيد حرن دي كانت رقصة للعروس زمان ...
نزل عنقريبك الهبابي هداك تحت اللبخا الصغيرة
تحياتي
04-09-2008, 09:00 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: سيرة البحر لكن برضو مقبولة منك وعذرك معاك يا اللخو,,, بالله إنت ما عارف السمحة وين,,,,,,والله إتلومت تب يا خالد,, ياخ الطيب ده كان كدا معاهو حق وألف حق,,,أنا العندى قلتو لكن إن بقى دا قولك وده رايك.............لسة عندك فرصة لرأب الصدع السويتو ده وما بنختلف
انت ود ناظر وسلمى بت ناظر وزولي راعي ساااااااى زي كده بس الفرق بيني وبينو انو واحد شليقان وانا هيييييييييييييع عارف لكل مقام مقال بمد كراعي قدر لحافي .
يطول عمرك يا ايمن لكن زولك في طريقه للزوال بس نحن بنقول اكرموا عزيز قوم زل ان كانت ثمة عز له وسط قومه .
04-09-2008, 09:13 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: كانت محاولة خربشة على وريقة مهملة رغم ركاكة جمع حروفها إهديها لها..... وفي لحظة تجلي بلطف هواها وحبها تدافعت كلمات خلتها شعرا فقرأتها فوجدت انها لاتشبه الشعرَ هل يعقل ان تعجبها فهى محاولة فأرضيها وأقبليها مني وعلَ شيطان شعري ينهض من خموله يوما أشدوك شعرا
Quote: المنسى أخوى لابد يوم باكر يبقى أخير,,الإنجمامة أكيد عمرانة بالموجودين,,,
المنسى سلامات .... كلامى الفوق دا وقع ليك تب اظنّو وما قتليك النسمة بتجى وشايلة أخبارا سعيدة ,,والغايب عذره معاه ويا ما كتير أنا وأبوى الطيب فى غيابا نشيل اللوم,,,,,ناس شايلم النوم وناس شايلين اللوم وناس تانيين شايلم حمار النوم بالله دى حاله دى
وأقول ليك حاجة إنت أصبر وشوف الشوتة الجاية دى قوية كيف!!!!!شيل الصبر يا رفيق,,, _____________________________________________________________________________________________ أبا بكر,,,شاعرنا المفوه والمرتقى بأذواقنا تخوم الثريا بجميل الشعر وعذب الكلام,,,سلامات وعوافى,,,
Quote: اللهاث تم اللهاث في بلد المليون وجع مربع هو ما حال بيننا ومن نحب نسأل الله العافيه ..............
يا صاحبى اللهاث أصبح ديدننا ولكن الحق يقال,,لهاث البلد الحلومر داك ,,,مالو متيل,,,الله يديك العافية وكل أهلنا الطيبين الكادحين فى بلد يظن أهلها أن المعاناة هى أصل الأشياء وملح الحياة,,,فالقاعدة أصبحت أن تلهث وتلهث حتى تخور قواك وإلا... نسأل الله دوام الصحة ووافر الخير... __________________________________________________________________________________________________
Quote: انت ود ناظر وسلمى بت ناظر وزولي راعي ساااااااى زي كده بس الفرق بيني وبينو انو واحد شليقان وانا هيييييييييييييع عارف لكل مقام مقال بمد كراعي قدر لحافي . يطول عمرك يا ايمن لكن زولك في طريقه للزوال بس نحن بنقول اكرموا عزيز قوم زل ان كانت ثمة عز له وسط قومه .
ابوى يا الطيب,,, المنسى كان عتر بلقانا حداه,,,ولومو لينا لوم ريده والريده فى قلوبنا وألله علاما,,,وذل واحد بجى حايم جنبو مافى,,,وعزيز وغالى,, وجوه حناياه سكن الشوق للسمح والسمحين,,وكل أملو يشوف الناس ملمومة فى ساعة خير ولمة ناس عزاز وناس أهل إن بقو رطانة ولا عجم ولا تجم ولا عرريبا,, ______________________________________________________________________________________________________________ يا سماااااااااااااح,,, يا زولة ما تعملى كدا تانى,,,شفقت الناس,,وإنشاء الله المانع خير,,أسباب إحتفاظ اللمة والإنجمامة بتوازنها وإتزانها يعتمد فى كثير من الأحيان على وجود بعض العناصر الأساسية أنت أحدها,,,كونى بخير ... _______________________________________________________________________________________________________________ سلمى صبحى...أنت فى كل الأحوال فاضلة يا أختنا,,ونما إلى علمنا جريان شيطان شعر فى دمك,,فدعيه يقول شيئا هنا يا صاحبة,, وأنت أيضا عنصر فعال وأساسى آخر إضافة للعناصر الأخرى الموجودة والبنيات التى نشأ عليها هذا الجمال,,لا تغيبى عناوكيف كيف ما عارف إفترضت فيك أخت صغيرة لكن إذا كان الحال غير ذلك فأنت أيضا كبيرة فى عيوننا ,, ______________________________________________________________________________________________________________ كلام سر الطيب أب المنسى دا كان دايرين نشدها ليهو سأااااااى لى ألله سيدنا دا إت ما خليت لينا فرقة,,,إنشاء الله يوم نشدها ليهو ما يجى وما بجى
Quote: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها
ياخ زول مرق منو كلام زى دا,,,ده تانى البلقى فيهو فرقة منو!! ______________________________________________________________ القمر بوبا سلامات يا قمرنا قتلى غزوة بدر,,,ياخ دى مافى زول بلحقك فيها,,, على كل يا يا عزيز,,,الشخيت الطويل داك قصرناه ولسة واقفين وراه
المنسي ابو بكر سنجوكي ابو بكر قسومي فيصولي سلومي سموحي
الحاسدين والملخومين والمسلطين والممسوخين والقتيتين يعني شنو سموحي جات تنوموا بيها براااااااكم ما تكلموني
ايموني
Quote: يا سماااااااااااااح,,, يا زولة ما تعملى كدا تانى,,,شفقت الناس,,وإنشاء الله المانع خير,,أسباب إحتفاظ اللمة والإنجمامة بتوازنها وإتزانها يعتمد فى كثير من الأحيان على وجود بعض العناصر الأساسية أنت أحدها,,,كونى بخير
ايوة ده الشغل خليك كده ارمي ليها قدام المسنوحة والممسوخة
04-10-2008, 11:52 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: الحاسدين والملخومين والمسلطين والممسوخين والقتيتين يعني شنو سموحي جات تنوموا بيها براااااااكم ما تكلموني
دا يسموه شنو أسه دا,,, تانى ليك علي ,,أول ما تظهر كدا نكلم المنسى يشغل المسنجر وكان ما نفع تلفون عدييييييييل كدا,, والله نحن ما عرفنا المسنوح ومسلط وممسوخ إنت ولا سماح غايتو للضمان كدا واحد فيكم
الطيب انا ماشى الخرطوم ما داير حاجه من هناك,,كان الدندر زاتا مافى مشكلة أخوك راكب الزلط,,,غريبة بس كان عجبك جهز اللسته يا زول وأى واحد من الناس الهنا ديل أنا جاهز...
المنسى,,,شندى ما بالتحدى ما بعيدى,,,أطلب بس
04-10-2008, 12:13 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: الطيب انا ماشى الخرطوم ما داير حاجه من هناك,,كان الدندر زاتا مافى مشكلة أخوك راكب الزلط,,,غريبة بس كان عجبك جهز اللسته يا زول وأى واحد من الناس الهنا ديل أنا جاهز...
ايموني يطول عمرك وصية واحدة بس
امشى براااااااااااحة فتش عن سماح دى شوفها لي سمحة ولا زاحمانا ساى - وكان لقيتها ما سمحة تعمل لى رسالة بس على الموبايل وقول لي (وهم وهم وهم ) تاني خلي الباقي انا .
04-10-2008, 03:12 PM
بكرى الخليفة الكتيابى بكرى الخليفة الكتيابى
تاريخ التسجيل: 03-03-2008
مجموع المشاركات: 284
هل تصدق عينايا ما ترى بكري الخليفة يا سلاااااام والله مشتاقين شديد يا بكري يا ودالخليفة تصدق الصورة خلعتني انا كنت ضعيف كدي كان شفتا اخوك بقة زي الدولاب بس بي ضلفة واحدة والله أيام يا زمان تسلم يا بكري وتسلم زيارتك الحلوة دي وخليك معانا تحت الشديرات نتونس وانت من أهل الطيبة والجمال
تخريمة الأخواة والاخوات ناس الإنجمامة بكري اخوانا هذا طيبة تمشي على قدمين ما تفكو فرشو لي العنقريب القريب دا في نصكم وانتن يا البنيات البتخجل تمشي في العنقريب داك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
salma subhi
خالد علي محجوب المنسي
أيمن الطيب
!
!
محمد مختار جعفر
أبوبكر أبوالقاسم
abubakr
أبي بكر سيد احمد
sama7
ممدوح أبارو
GamarBoBa
فيصل محمد خليل
بكرى الخليفة الكتيابى
فيس بوك
تويتر
انستقرام
يوتيوب
بنتيريست