روعة الجمري والغناء الشعبي المستصحب برقصة الرقبة ( عوم الوزين)

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-12-2018, 02:30 PM الصفحة الرئيسية

مكتبة الطيب مضوي شيقوق عبد الغني(الطيب شيقوق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
26-05-2008, 03:04 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


روعة الجمري والغناء الشعبي المستصحب برقصة الرقبة ( عوم الوزين)



    ما اروعك يا الجمري وانت تتميز بلونية غنائية فريدة
                   |Articles |News |مقالات |بيانات

26-05-2008, 03:09 PM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    مرق المال بالعلب
    هيييييييييييييييييييييع
    انا ابوك يالمافيشه
                   |Articles |News |مقالات |بيانات

26-05-2008, 03:14 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: ممدوح أبارو)

    ابارو

    Quote: مرق المال بالعلب
    هيييييييييييييييييييييع
    انا ابوك يالمافيشه


    الله يمسخك المسنوح ضحكتنى ونسيت اعمل كلامك ده عنوان للبوست - مفروض يكون عنوان البوست - مرق المال بالعلب .
                   |Articles |News |مقالات |بيانات

26-05-2008, 03:18 PM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


مرق المال بالعلب (Re: الطيب شيقوق)

    عدلناه ليك يا مسنوح كان يطمر فيك
    وكب وكب
                   |Articles |News |مقالات |بيانات

26-05-2008, 03:26 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: مرق المال بالعلب (Re: ممدوح أبارو)

    Quote: عدلناه ليك يا مسنوح كان يطمر فيك
    وكب وكب


    عملتها كيف يا بركة ؟
                   |Articles |News |مقالات |بيانات

26-05-2008, 03:45 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: مرق المال بالعلب (Re: الطيب شيقوق)
                   |Articles |News |مقالات |بيانات

26-05-2008, 03:53 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: مرق المال بالعلب (Re: الطيب شيقوق)

    كتب الاستاذ عبد الرحمن يوسف عن الغناء الشعبي قائلا :-

    شهدت أغنية الطنبور تطورا وانتشارا واسعا بين المناطق والقبائل السودانية في الآونة الأخيرة دون غيرها من الآلات، حيث قامت كل قبيلة بتطويرها وتطويعها بما يلائم ذوقها ومذاقها ووجدانها، ورغم ان الأغنية السودانية بشكل عام تعتمد إيقاعاتها على السلم الخماسي لكن ذلك لم يمنع من تعدد الآلات الموسيقية تبعا لكثرة وتنوع القبائل حيث توجد الآلات الإفريقية بجانب الآلات النوبية والعربية، غير أن آلة الطنبور تعد القاسم المشترك مع بقية الآلات وبين القبائل.
    في البداية استخدمها أهالي النوبة ثم انتقلت إلى قبيلة الشايقية في شمال السودان ومن الشمال إلى الجنوب وحازت شهرة واسعة وقامت قبيلة الشايقية بتطويرها وظهر على أنغامها العديد من الفنانين السودانيين المتميزين أمثال النعام آدم وصديق أحمد وعثمان اليمني والأخير أدخل فن الرميات مع الطنبور وفن الرميات يعني الموال الشعبي، ولمعرفة الكثير حول الطنبور وانتشاره بالسودان وفن الرميات ومسيرة الغناء السوداني التقت مجلة الجزيرة الفنان السوداني عثمان اليمني وخرجت منه بالحصيلة التالية.
    حول تميز قبائل الشايقية بشمال السودان بهذه اللونية من الغناء قال اليمني: آلة الطنبور من اقدم الآلات الموسيقية التي عرفها السودان وقد انتقلت من النوبة إلى الشمال السوداني فهي آلة نوبية بالأساس واتقن العزف عليها أبناء قبائل المحس بشمال السودان، فمنذ قديم الزمان حيث لم تكن توجد وسيلة مواصلات إلا القوارب الشراعية كانوا يجوبون القرى على متنها ويحملون عليها السلع كمحل تجاري متنقل وكانوا يتغنون بالطنبور ففي أيام الفيضان (الدميرة) عندما يشق المركب النيل يأتي صوت يشبه صوت آلة الطنبور يصل للجميع بوضوح فتم صنعها وكان أهالي القرى يجلسون على الشواطئ لسماع انغام هذه الآلة ثم انتقلت إلى بلاد الشايقية وبدأوا بصناعة الطنبور بالعصب والقصب وقاموا بتطويره فيما بعد وأصبحوا رواده لأنهم غنوا عليه بأشعار عربية.
    الأصوات النوبية
    أما قبائل المحس والدناقلة فهم يتغنون باللغة النوبية فانتشر غناء الطنبور في كل أنحاء السودان على أصوات الشايقية لإتقانهم اللغة العربية ومع ذلك فان أجمل الأصوات بالغناء على الطنبور النوبيون لأن أصواتهم بها رقه تتلاءم مع صوت الطنبور وأكثرهم شهرة الفنان محمد وردي لقدرته الفنية المعروفة، وللأسف الآن النوبيون تركوا الغناء على آلة الطنبور وتحولوا للغناء على الآلات الحديثة من جيتار وأورج عكس الشايقية اهتموا بالطنبور وما زالوا متمسكين بالغناء على انغامه وانتشر الغناء بايقاع (الدليب) المميز للشايقية فهذا الايقاع هو الذي وحد ألحان واصوات الطنابير حيث كانت البداية لكل طنبور تون لوحده دون مصاحبة الشعر والغناء له ثم جاءت مرحلة الاغاني التراثية ثم ادخل الطنبور في الاذاعة السودانية على يد كل من عطا وادريس ابراهيم وثم النعام آدم الذي وضع المسار الاساسي لاغنية الطنبور.
    تفردت بالرميات
    وعن ارتباطه بالطنبور أضاف الفنان عثمان اليمني كنت وما زالت مغرما بآلة الطنبور وقدمت عليه بعض الأغاني وكنت في ذلك الوقت اغني في الإذاعة على عكس معظم الفنانين الآخرين كانوا معروفين في الحفلات والأعراس اكثر وعندما بدأت الغناء كان النعام آدم معروفا جدا وفي اوج شهرته لصوته الجميل ولانه كان كفيفا فتعاطف معه الجمهور اكثر وكان يكتب له الشعر الشاعر حسن الدابي وآخرون، وفي عام 1962 وجد النعام آدم وضعية كبيرة ولذا قمت بابتكار الرميات الموال فعن طريقها اقوم بتحضير ذهن المستمع ثم بعدها اغني وبذلك خلقت لي وضعية متميزة، كما انني اضفت اغاني الحقيبة السوداء على انغام الطنبور وهذا أعطاني تفردا واضحا، كما انني اغني ايضا بمصاحبة الآلات الحديثة مثل الاورج والجيتار ومن الرميات التي أتغنى بها كلمات للشاعر صحي الدين محمد سعيد فهو يوصف فتاة جميلة بقوله:
    ===============================
    نقر حس الدليب للحلة شقه
    وبدأ الطنبور حنين بالحيل دقه
    وظهر نور الرتاين هاج وبق
    وزغاريد الفرح من جوه طقه
    وجاءت السمحة دي زادوها صفقة
    ===============================
    أشعار خاصة بالطنبور
    وحول خصوصية الأشعار التي يتناولها فن الطنبور قال اليمني:
    هناك شعراء طنبور من منطقة الشايقية منهم حسن الدابي وإبراهيم أبنعوف ومحمد سعيد دفع الله وعبد الله محمد خير والسرعثمان الطيب والشاعر السوداني الكبير الحاردلو وقد غنيت له قصيدة (تقول لي شنوه وتقول لي منوه) وهذه القصيدة ذهب بها للأستاذ وردي أولا وقد حولها وردي إلي وقال للحاردلو سوف يغنيها عثمان اليمني أفضل وبالفعل قمت بغنائها على شكل رمية ثم مداخل.
    الطنبور على الكمبيوتر
    وعن تطوير آلة الطنبور أضاف:
    بالفعل تم إدخال العديد من التطويرات على آلة الطنبور حتى انها تعمل حاليا على الكومبيوتر وقمت بغناء أناشيد وطنية مع الفرقة الموسيقية للشرطة بهذا الشكل كما اصبح الطنبور يعمل ضمن الأوركسترا وأول من قام بذلك الفنان الكبير وردي فهو الوحيد الذي ادخل آلة الطنبور بطريقة صحيحة وسط الأوركسترا لانه ملحن وعازف للطنبور ويظهر ذلك واضحا في اغنية الفنان احمد فرح (ياحليلك يا بلدنا) والطنبور يعطيك كل ما لديه عندما يكون مع خبير يعزف ويلحن عليه جيدا مثل وردي فهو متمكن جدا على هذه الآلة وكل فنان له مدرسة خاصة به في فن الطنبور.
    توثيق فن الطنبور
    وحول العلاقة بين الربابة والطنبور وآلة السمسمية المصرية قال الفنان اليمني:
    انا اعرف آلة الربابة المصرية وهي نفس آلة (ام كيكي) السودانية بغرب السودان وهي تاريخيا آلة آشورية وعامة معروف ان مصر والسودان يمثلان حضارة واحدة هي حضارة وادي النيل ولذا ليس مستغربا ان نجد نفس الآلات الموسيقية هنا او هناك واما تغير النغمات فهو بفعل البشر وتبعا للمزاج الموسيقي وسوف احاول الاستماع إلى آلة السمسمية وعمل دراسات عليها في صالوني الأدبي فكل أسبوع نقوم بعمل صالون أدبي بمنزلي بالخرطوم لتوثيق غناء الطنبور وكل ما يختص بهذه الآلة ونضع هذه الوثائق بدار الوثائق السودانية من اجل تواصل الأجيال وحتى لا يندثر تراثنا ويوجد بالخرطوم أيضا نادي الطنبور ولا بد من تطويره ودراسة آلة الطنبور به أو بمعهد الموسيقى والمسرح والنادي الآن لدية فرقة من الشباب ويجيدون الغناء والرقص وبقليل من الإمكانات تستطيع عن طريقهم تعريف العالم بغناء الطنبور ومن الفنانات الشباب الفنانة حنان النيل فهي متمكنة جدا بالغناء على أنغام الطنبو
                   |Articles |News |مقالات |بيانات

26-05-2008, 03:58 PM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


Re: مرق المال بالعلب (Re: الطيب شيقوق)

    الراحل محمد أحمد عوض من رواد الاغنيه الشعبيه في السودان
    بالمناسبه الراحل صديق شخصي للوالد وله حكايات ونوادر معه
    خليني اصل البيت بدري وبجيب ليك زتونه الموضوع زي ما قالو المصريين
                   |Articles |News |مقالات |بيانات

26-05-2008, 04:02 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: مرق المال بالعلب (Re: ممدوح أبارو)

    Quote: خليني اصل البيت بدري وبجيب ليك زتونه الموضوع زي ما قالو المصريين


    في انتظارك

    بالعافية
                   |Articles |News |مقالات |بيانات

27-05-2008, 11:13 AM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


Re: مرق المال بالعلب (Re: الطيب شيقوق)

    Quote: في انتظارك

    بالعافية

    اها جيتك
    حدثني الوالد عن حقبه كانت فيها الاغنيه إطراب للنفس قبل الاخرين
    وليست تجارة كما يحدث الان عل حد قوله
    كانو شله عزابه يقطنون في بيت للإجار بمدينة كوستي
    شله من الجزارين 000
    محمد احمد عوض ومقبول أبارو والعجب ود النعمه وشرف كبوشيه
    كان محمد احمد عوض يعمل مع الجزار عباس حسن الشهير (بمركب علي الله )
    وكان يجلس علي تربيزه الجزاره ويدندن
    فيترك كل الجزارين والخضرجيه ترابيزهم ورواكيبهم ويلتفون حوله مرددين معه
    ما بين راقص للمتعه ومتزوق للفن في تناقم عجيب .
    كان ذلك في 1956 بالتحديد سنة الازهري كما يسميها أبي
    في مرة من المرات جاءت سيرة عريس بالقرب من القهوه التي يجلسون بها
    فتصدي لها العجب ود النعمه واخذ يعرض ويصوقر
    واجزم ان يشرب كل السائرين علي حسابه رجال ونساء فقال الفنان محمد احمد عوض وانا علي أغني ليكم بلاش
    فأخزتني الهاشميه وقلت حرم الضبيحه علي
    كانت أيام ليتها تعود

    علي لسان الوالد مقبول أبارو
                   |Articles |News |مقالات |بيانات

26-05-2008, 04:08 PM

Magdi Ahmed Elsheikh
<aMagdi Ahmed Elsheikh
تاريخ التسجيل: 11-03-2008
مجموع المشاركات: 7720

للتواصل معنا

FaceBook
تويتر Twitter
YouTube


Re: مرق المال بالعلب (Re: ممدوح أبارو)

    Quote: نقر حس الدليب للحلة شقه

    وبدأ الطنبور حنين بالحيل دقه

    وظهر نور الرتاين هاج وبق

    وزغاريد الفرح من جوه طقه

    وجاءت السمحة دي زادوها صفقة


    ود شيقوق....

    تعرف اهلنا ديل لو خلوهم علي سجيتهم لكنا الان في بحر اخر...

    كدي شوف الوصف ده كيف....

    بيخليك غصب عن عين اهلك تكون ذي الحاضر معاهو....

    وعليك الله انكت المستخبي....

    ونحن راجينك..
                   |Articles |News |مقالات |بيانات

26-05-2008, 04:30 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: مرق المال بالعلب (Re: Magdi Ahmed Elsheikh)

    ود الشيخ - الحكيم

    Quote: وعليك الله انكت المستخبي....

    ونحن راجينك..


    جاياك بلاوي ولا احسب انك تستطيع معي صبرا
                   |Articles |News |مقالات |بيانات

26-05-2008, 04:39 PM

نهي محسن أبوراس
<aنهي محسن أبوراس
تاريخ التسجيل: 02-04-2008
مجموع المشاركات: 488

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    حاجة جميلة وتدعو للفخر والحماسة في آن واحد..

    تسلم أخوي ويديك الف عافية
                   |Articles |News |مقالات |بيانات

26-05-2008, 04:47 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: نهي محسن أبوراس)

    نهى بت ابو راس

    تسلمى ربنا يخليك - فعلا غناء معبر وبالتاكيد يحرك اي وجدان بس الرطانة لا .

    انت بتمشى وين من بوستاتك ليك يومين مسجلة غياب ولا مع الصيدلية ؟

    طيب هاك يا نهى رقصة اهلك البطاحين انا عارفك بتحبي قدلتهم وتشنقتم وشهامتهم

                   |Articles |News |مقالات |بيانات

31-05-2008, 10:41 PM

نهي محسن أبوراس
<aنهي محسن أبوراس
تاريخ التسجيل: 02-04-2008
مجموع المشاركات: 488

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    أخي الجميل ودشيقوق
    Quote: انت بتمشى وين من بوستاتك ليك يومين مسجلة غياب ولا مع الصيدلية ؟


    موجودة والله لكن الجري والشغل والقراية مانعني من التواصل مع الناس بصورة مستمرة....

    لكن ماتقول ي...البوست بتاعك مبااااااالغة وجميل جدا جدا..
    وألف لف شكر علي هديتك الجميلة..فعلا بعجبني رقيص أهلنا البطاحين فيهو وزنة غريبة وتناسق عجيب مع الموسيقي..

    تسلم ويديك العافية
                   |Articles |News |مقالات |بيانات

31-05-2008, 10:53 PM

نهي محسن أبوراس
<aنهي محسن أبوراس
تاريخ التسجيل: 02-04-2008
مجموع المشاركات: 488

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    أخوي الجميل ودشيقوق
    Quote: انت بتمشى وين من بوستاتك ليك يومين مسجلة غياب ولا مع الصيدلية ؟

    والله الجري الشديد بين القراية والشغل مانعني من التواصل معاكم ..

    لكن ماتقول لي البوست ماشاءالله عليهو حاجة رائعة جدا جدا ..بمشاركاتك ومشاركات الزوار الأفاضل..أتمني من الباشمهندس بكري أبوبكر إنو يرفعوا فوق لانو بستحق كده..
    عيني بااااااردة عليك..

    وألف ألف شكر علي الهدية الراقية...فعلا بتعجبني قدلة أهلنا البطاحين لانو فيها تناسق غريب مع الموسيقي ...وأما موسيقاهم فهي عالم تاني وجمال لا متناهي..
    تسلم ياأخوي وفعلا فعلا مستمتعة جدا بهذا البوست
    ومتابعة معاكم
    مودتي
                   |Articles |News |مقالات |بيانات

13-06-2008, 06:26 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: نهي محسن أبوراس)

    الروعة
                   |Articles |News |مقالات |بيانات

26-05-2008, 05:15 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    العرريب ودشسقوق .. الشريطيين او الكلبيين دييل انا مسجلم وخاتيهم في اليوتيوب من زمن وانت اليوميين دييل وريحة الانتخابات خلتك تذكرم" لعل وعسي" ولكن الجماعة لسع مع الفحامي .. شوف ليك دائرة تانية ....
                   |Articles |News |مقالات |بيانات

26-05-2008, 05:30 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: abubakr)

    الرطاني

    Quote: العرريب ودشسقوق .. الشريطيين او الكلبيين دييل انا مسجلم وخاتيهم في اليوتيوب من زمن وانت اليوميين دييل وريحة الانتخابات خلتك تذكرم" لعل وعسي" ولكن الجماعة لسع مع الفحامي .. شوف ليك دائرة تانية ....



    يا خي اتسركن مع اخيك - انا عملت ليك هدية عند الملكة بت طلحة
                   |Articles |News |مقالات |بيانات

26-05-2008, 05:56 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    ابو الطيب شيقوق
    ازيك ود امى
    مشتاقين
    كنت قبل فترة كتبت عن اغانى الحماسة وهل يمكن ان تكون مستمرة فى حياتنا ؟
    عموما لك المقال وهو فى عمود كان اسمه (فياقة حريم فى جريدة الخرطوم)



    اسد الخلا
    الكلام عن اغانى الحماسة والنغمة الفيها من تحفيز على القتال وغيرها خلتنى اسال نفسى يا ربى متل وليداتنا الصغار ديل بنطربوا لجنس الغنا دا؟
    وما قصرت مشيت للعيال بنات واولاد وسالتهن ( هسى متل الغنا البغنى فيهو الوليد دا بتعرفوه ؟ ) تلاته من الخمسة هزوا لى راسن ، والله يا خالتى ستنا ما بنعرف حرف من الكلام البقول فيهو الزول البغنى دا ، واحدة قالت
    ـ ناس امى بحبوه مرات بشغلوا شرايط ونحنا بنسمعا معاهن لكين كلام زى الرطانه
    وكت قالوالى كلام زى الرطانه صنيت وقلت كدى النديهن فرقة يقولو البعرفوه ، تانى شغلت ليهن اغنية (اسد الخشش الضرية ) واحد منهم قال لى
    ـ يا خالتى ستنا الكلام دا يعنى شنو ؟ وفى اسد خشش واسد خلا واسد بيت ؟
    شكيت العوجة على الله ، دحين يعنى المغنواتى من الصباح يسوى فى الفوت وانتوا ما معاهو ؟ هسى المعنى يعنى اشرح الغنوة ولا نسمعا ؟ ولا اخليهن من الموضوع دا كلو كلو ؟
    قعدت اشرح فى الكلام حق الاغنية وكتين خلاس اتضايقو منى خليتن ، اجى يا بنات امى والناس يقولو التراث والخوف من (اندثار التراث ) وهو التراث زول مهموم بيهو مافى ديل وليداتنا يعنى متل الغنا حق الحماسة دا مع الجيل الجديد حقو راح (جيل نانسى عجرم ، وهيفاء وهبى ، وديفيد جريج ، وفيفتى سنت )
    عاد جيت راجعة بلحيل مكروبة والدنيا دى مسخانه على ، يعنى ديل ناس بعد كم سنه ما حيعرفو الحبوبة يعنى لانهم ما بقولو حبوبة بعد شوية ، وبعد شوية الكاشف حيكون محلو زى ما هسى حاصل اى واحد من الوليدات البغنو ،بالمناسبة مغنى شاب فى اذاعة من الاذاعات الكتار قال:
    ـ حاغنى اغنية من اغنيات الزميل عصام محمد نور
    وانقروا الغنوة كانت شنو (رحلةفى طيارة للكاشف) عاد الفضيحة مسكتنى ، طيب قلنا المغنى يغنى على هواه ، معد البرنامج وين ؟ مخرج البرنامج وين ؟ مدير الاذاعة ذاتو وين ؟ كيف غلطة زى تحصل ؟ مش لانو الكاشف فوق الناس ولا سيد الغنا ، لانو دا تاريخ وحق من حقوق الكاشف اننا نحترمو ، زايد انه المعلومة البتصل عبر الراديو بتلصق فى الذاكرة للابد
    ودا ان دلّ على شى بدل على انقطاع الموهبة ، يعنى فى الدنيا كلها الزول بظهر بغناهو لكين بظهر بغنا ناس تانيين هسى كاظم الساهر دا يوم واحد من ايام بدايتو ما سمعناهو غنى لناظم الغزالى الا فى حدود محددة ، وغيره من المغنيين البعتزو بيهن وليداتنا
    الواجعنى انو اى زول حفظ ليهو كلمتين من الغنا القديم ونقز لينا بيهو كانو الوريث الحقيقى ولا ضقلا يعتر ولا نقابة تنتر بقصد نقابة الفنانين ولا الحقوق الملكية عندها راى مخالف
    وبعد دا الكلام فيهو اخطاء فادحة ، سمع اضانى مغنية بتقول ( اسد الخشخاش الضرية ) وزول ما صلح الغلط دا ، يعنى دا فى الممنوع لو رجعنا كلمة ( الخشخاش لاصلها )، حكاية عجيبة
    المهم فى الكلام دا كلو ونهايتو وغايتو انحنا لابدن من اننا نراجع تراثنا من الاندثار ونسجل للناس البعرفو قيمتو قبل ما الوكت يروح ونبقى فى يا ريت ولو كان ، اقعدوا عافية وانشاء تراثنا القشة ما تعتر ليهو
                   |Articles |News |مقالات |بيانات

26-05-2008, 06:28 PM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: سلمى الشيخ سلامة)

    Quote: طيب هاك يا نهى رقصة اهلك البطاحين انا عارفك بتحبي قدلتهم وتشنقتم وشهامتهم

    أعرب ماتحته خط أسرع من صقر الجو المخوي
    رقيص شنو يازول عرضة وصوقرية
    أشد الخشش الضرية
    غنت ليك أم سماح
    ياالولدة التامة النجاح
    أنت الجلة وبارودا فاح
                   |Articles |News |مقالات |بيانات

26-05-2008, 06:32 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: سلمى الشيخ سلامة)

    الاخت الجميلة سلمى الشيخ


    Quote: اسد الخلا
    الكلام عن اغانى الحماسة والنغمة الفيها من تحفيز على القتال وغيرها خلتنى اسال نفسى يا ربى متل وليداتنا الصغار ديل بنطربوا لجنس الغنا دا؟
    وما قصرت مشيت للعيال بنات واولاد وسالتهن ( هسى متل الغنا البغنى فيهو الوليد دا بتعرفوه ؟ ) تلاته من الخمسة هزوا لى راسن ، والله يا خالتى ستنا ما بنعرف حرف من الكلام البقول فيهو الزول البغنى دا ، واحدة قالت
    ـ ناس امى بحبوه مرات بشغلوا شرايط ونحنا بنسمعا معاهن لكين كلام زى الرطانه
    وكت قالوالى كلام زى الرطانه صنيت وقلت كدى النديهن فرقة يقولو البعرفوه ، تانى شغلت ليهن اغنية (اسد الخشش الضرية ) واحد منهم قال لى
    ـ يا خالتى ستنا الكلام دا يعنى شنو ؟ وفى اسد خشش واسد خلا واسد بيت ؟
    شكيت العوجة على الله ، دحين يعنى المغنواتى من الصباح يسوى فى الفوت وانتوا ما معاهو ؟ هسى المعنى يعنى اشرح الغنوة ولا نسمعا ؟ ولا اخليهن من الموضوع دا كلو كلو ؟
    قعدت اشرح فى الكلام حق الاغنية وكتين خلاس اتضايقو منى خليتن ، اجى يا بنات امى والناس يقولو التراث والخوف من (اندثار التراث ) وهو التراث زول مهموم بيهو مافى ديل وليداتنا يعنى متل الغنا حق الحماسة دا مع الجيل الجديد حقو راح (جيل نانسى عجرم ، وهيفاء وهبى ، وديفيد جريج ، وفيفتى سنت )
    عاد جيت راجعة بلحيل مكروبة والدنيا دى مسخانه على ، يعنى ديل ناس بعد كم سنه ما حيعرفو الحبوبة يعنى لانهم ما بقولو حبوبة بعد شوية ، وبعد شوية الكاشف حيكون محلو زى ما هسى حاصل اى واحد من الوليدات البغنو ،بالمناسبة مغنى شاب فى اذاعة من الاذاعات الكتار قال:
    ـ حاغنى اغنية من اغنيات الزميل عصام محمد نور
    وانقروا الغنوة كانت شنو (رحلةفى طيارة للكاشف) عاد الفضيحة مسكتنى ، طيب قلنا المغنى يغنى على هواه ، معد البرنامج وين ؟ مخرج البرنامج وين ؟ مدير الاذاعة ذاتو وين ؟ كيف غلطة زى تحصل ؟ مش لانو الكاشف فوق الناس ولا سيد الغنا ، لانو دا تاريخ وحق من حقوق الكاشف اننا نحترمو ، زايد انه المعلومة البتصل عبر الراديو بتلصق فى الذاكرة للابد
    ودا ان دلّ على شى بدل على انقطاع الموهبة ، يعنى فى الدنيا كلها الزول بظهر بغناهو لكين بظهر بغنا ناس تانيين هسى كاظم الساهر دا يوم واحد من ايام بدايتو ما سمعناهو غنى لناظم الغزالى الا فى حدود محددة ، وغيره من المغنيين البعتزو بيهن وليداتنا
    الواجعنى انو اى زول حفظ ليهو كلمتين من الغنا القديم ونقز لينا بيهو كانو الوريث الحقيقى ولا ضقلا يعتر ولا نقابة تنتر بقصد نقابة الفنانين ولا الحقوق الملكية عندها راى مخالف
    وبعد دا الكلام فيهو اخطاء فادحة ، سمع اضانى مغنية بتقول ( اسد الخشخاش الضرية ) وزول ما صلح الغلط دا ، يعنى دا فى الممنوع لو رجعنا كلمة ( الخشخاش لاصلها )، حكاية عجيبة
    المهم فى الكلام دا كلو ونهايتو وغايتو انحنا لابدن من اننا نراجع تراثنا من الاندثار ونسجل للناس البعرفو قيمتو قبل ما الوكت يروح ونبقى فى يا ريت ولو كان ، اقعدوا عافية وانشاء تراثنا القشة ما تعتر ليهو

    سلمي انا عايز بس اقول حاجة عن اسلوبك في الكتابة :

    انا يا سلمى اختي بطبعي ملول ولا احتمل قراية كلام كتير يعني زى ما بقولوا اهلنا عيني خوافة . لكن مداخلتك دى خلتنى براى اقول لا لا يا اخونا العين خوافة والضراع اعمي خليني اتوكل اقرا الكلام ده .

    سبحان الله يا سلمى وكانك ماسكاني بخيت ومتابعك بمتعة ما عادية وكنت اتمنى الا اصل نهاية المقال .

    المقال يا سلمى اختى فيه الكثير من الحكم والعبر والاعتداد بموروث ثقافي و يقيني انه في طريقه للاندثار وهذا واضح من النماذج التي اشرت اليهاانت - جيلنا سلمى في طريقه للانقراض وكل زمن تخدمو رجاله فرجال المستقبل هم هولاء الحناكيش الذين تحكين عنهم فنحن نضحك عليهم وهم ضاحكون علينا فمن يا ترى يكون الحكم بين الجيلين ؟

    نحن يا سلمى القشة بتودينا مذبلة التاريخ رضينا ام ابينا

    لك عميق حبي

    شيقوق
                   |Articles |News |مقالات |بيانات

26-05-2008, 06:21 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    سلمي صحبي الجميل .. الرطاني ذاتووو الهوا انا ما فاهم الخشاش يعني شنو ؟؟ بعدين العرريب دة زولا بتاع حت ساااي وما عندو شغل بعوم الوزين ....دة العربي الانا بعرفو هو بيسقط فيهو ....
                   |Articles |News |مقالات |بيانات

26-05-2008, 07:41 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: abubakr)

    أينما وجد تراث بلادي فهو جميل......

    تقديري استاذ الطيب
                   |Articles |News |مقالات |بيانات

26-05-2008, 07:56 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: salma subhi)


    العزيز الاستاذ/ الطيب شيقوق

    شكرا جزيلا لهذا الابداع ودائما تسعدنا بمثل هذه الروائع ....وحقيقة الفنان الجمرى مبدع وخاصة اغنية بص الرصيرص دى عاجبانى شديد ... وطبعا رقيص الرقبة او عوم الوز ناس الحقيبة وقبلهم الطنابرة ذكروا كثير فى اغانيهم ونذكر منها الرمية المشهورة ...

    الله الله يا ناس الله
    ده الوز عوام يا ناس الله
    ودا الحاكم العام يا ناس الله
                   |Articles |News |مقالات |بيانات

26-05-2008, 08:12 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24912

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: Ahmed al Qurashi)

    ياعزيزنا شيقا ....سلامات
    ياخوى بعد سواقة امبارح داير تفتح لينا جبهة (لامواخذة) بجاى
    يعنى ما ننوم ولا شنو على اى حال الحديث حول الفنون الشعبية
    يطول ويطول و حتى اعود لك هاك التصبيرة دى وشوف
    اصحابى الرطانة برقصو الرقبة كيف ..كيتا ليك
    عمك كمال
                   |Articles |News |مقالات |بيانات

26-05-2008, 08:17 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24912

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: فيصل محمد خليل)


    هاك التصبيرة دى كمان
    عمك كمال
                   |Articles |News |مقالات |بيانات

26-05-2008, 08:29 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: فيصل محمد خليل)

    عمو كمااااااااااااااااااااااااااااال

    Quote: ياخوى بعد سواقة امبارح داير تفتح لينا جبهة (لامواخذة) بجاى
    يعنى ما ننوم ولا شنو على اى حال الحديث حول الفنون الشعبية
    يطول ويطول و حتى اعود لك هاك التصبيرة دى وشوف
    اصحابى الرطانة برقصو الرقبة كيف ..كيتا ليك
    عمك كمال


    الله ينصر ديييييييييييييييييييييييييييييييييييييييييييييييينك يا عم يا لذيذ والله ابداع يا عمو الله يحفظك ويخليييييييييييييييييييييييييييك

    شيقاااااااااااااااا
                   |Articles |News |مقالات |بيانات

26-05-2008, 08:38 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    عمو كمال

    تانييييييييييييييييييييي ربي ينصر دينك يا حلو والله امتعتنا بس عذبتني بالتلفوانات الليل كلو تضرب فيني مبسوطين برقص الرقبة وحياتك املأ تاني يا عمو .

    فيصل

    ليك اجر المناولة الجميلة
                   |Articles |News |مقالات |بيانات

26-05-2008, 08:52 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    بت طلحة

    Quote: أعرب ماتحته خط أسرع من صقر الجو المخوي
    رقيص شنو يازول عرضة وصوقرية
    أشد الخشش الضرية
    غنت ليك أم سماح
    ياالولدة التامة النجاح
    أنت الجلة وبارودا فاح


    شكيتك على الله انت المتابعة اى حرف - خليني يا الملكة لكل مقام مقال وهذا هو المقال الذي يناسب ناس البندر ناس نهي بت ابو راس .
                   |Articles |News |مقالات |بيانات

26-05-2008, 08:56 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الحكيم ود القرشي


    Quote: وطبعا رقيص الرقبة او عوم الوز ناس الحقيبة وقبلهم الطنابرة ذكروا كثير فى اغانيهم ونذكر منها الرمية المشهورة ...



    شكرا للمداخلة الرائعة وبالتاكيد اتبهدلت لتقاطع فن الحقيبة مع الغناء الشعبي داخل وجدانك المرهف .
    عليك الله تابع فيصل خليك شوف نزل ليك شنو .

    معزتي يا احمد
                   |Articles |News |مقالات |بيانات

26-05-2008, 09:06 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    العزيزة سلمى حسن عباس صبحي

    لك ايتها العزيزة خالص شكري وامتناني على المداخلة


    الرطانيييييييي
    Quote:
    سلمي صحبي الجميل .. الرطاني ذاتووو الهوا انا ما فاهم الخشاش يعني شنو ؟؟ بعدين العرريب دة زولا بتاع حت ساااي وما عندو شغل بعوم الوزين ....دة العربي الانا بعرفو هو بيسقط فيهو


    افو افو افو انا الكاتلني شنو يا الرطاني غير عوم الوزين
                   |Articles |News |مقالات |بيانات

26-05-2008, 09:16 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: على المداخلة



    فهمناها....

    فما كانت الأولى الا لإلقاء التحية والسلام

    ووعد بالعودة بكل جميل.....

    تقديري
                   |Articles |News |مقالات |بيانات

26-05-2008, 09:21 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: salma subhi)

    Quote: ووعد بالعودة بكل جميل.....


    يديك العافية ولكن جرحك من اغنية الرحيل ما زال ينزف يا سلمى
                   |Articles |News |مقالات |بيانات

26-05-2008, 09:31 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24912

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    عزيزى شيـقـا
    تعال بى جاى وشوف ناس الكويت برقصو رقبة كيف
    ناس مسقط كيف؟؟؟؟
    عمك كمال
                   |Articles |News |مقالات |بيانات

26-05-2008, 09:31 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: اغنية الرحيل

    خلاص ولا يهمك....حنوقفها هناك في البوست عشان خاطرك!
                   |Articles |News |مقالات |بيانات

26-05-2008, 09:35 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: salma subhi)

    تسلمي يا سلمى خلاص جاييكم
                   |Articles |News |مقالات |بيانات

26-05-2008, 09:41 PM

Osama Mohammed
<aOsama Mohammed
تاريخ التسجيل: 02-04-2008
مجموع المشاركات: 4163

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الأخ الطيب
    مساك الله بالخير

    أول مرة أسمع بالجمري كان في بوست اساسي بتاع أجمل أغنية سودانية...

    وأذكر أن بعضهم ذكر أن له أغنية تسمى (التلات بنات شغلن قلبي وخلن بص الرصيرص فات )
    وعندما ولجت لهذا البوست وجدته يحف بالجميل من الفن الشعبي الذي هو أصل الفن الحديث ....شكراً لك على هذه الإضافة

    ويا ريت واحد ينزل لينا أغنية (بص الوصيرص) .... عشان نحكم عليها ... معليش ما عندنا ستالايت وكدا...

    لم أذكر بأن الفنان الجمري متفرد من حيث اللونية ولهذا أُضيفه عن إعجاب لقائمة ( المفضلة ) عندي ....

    مودتي
    اخوك
    اسامة
                   |Articles |News |مقالات |بيانات

26-05-2008, 09:50 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: Osama Mohammed)

    الاخ الجميل اسامة

    Quote: أول مرة أسمع بالجمري كان في بوست اساسي بتاع أجمل أغنية سودانية...

    وأذكر أن بعضهم ذكر أن له أغنية تسمى (التلات بنات شغلن قلبي وخلن بص الرصيرص فات )
    وعندما ولجت لهذا البوست وجدته يحف بالجميل من الفن الشعبي الذي هو أصل الفن الحديث ....شكراً لك على هذه الإضافة

    ويا ريت واحد ينزل لينا أغنية (بص الوصيرص) .... عشان نحكم عليها ... معليش ما عندنا ستالايت وكدا...

    لم أذكر بأن الفنان الجمري متفرد من حيث اللونية ولهذا أُضيفه عن إعجاب لقائمة ( المفضلة ) عندي ....



    يعلم الله انك انسان ما عادي وذواق واوعدك بانزال اغنية الخلن بص الرصيرص فات ولعلمك الروصيرص وادلماذين وقنيص وباو وافد التوم والكرمك وقيسان وحتى الدندر هناااااااااااااااك كلها بلدى يا اسامة عشان كدا انا مغرم بكل الفن الهناك بما فيه الوازي
                   |Articles |News |مقالات |بيانات

26-05-2008, 10:12 PM

Osama Mohammed
<aOsama Mohammed
تاريخ التسجيل: 02-04-2008
مجموع المشاركات: 4163

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الأخ الطيب
    التحيات واصلة

    شكراً لما كتبته بحقي وأنا أقل منه بكثير .....

    لي إهتمام كبير بالفن الشعبي وبالآلات الشعبية .... حضرت قبل أيام حفل لفرقة أفريقية في إطار المهرجان الثقافي لمدينة برايتون .... وكان العازف الرئيس يعزف على آلة ( الكورا) من غرب افريقيا تحسرت .....أخي الطيب لأنني أعلم يقيناً بأن لنا آلات موسيقية شعبية يمكن ان تخلب لب ( الخواجات ) وتحوز على إعجابهم لأنهم يقدرون الفن وأنا الآن أحاول جاهداً أن أتقدم بطلب ل لجنة المهرجان بإدراج فرقة سودانية شعبية في مهرجان العام القادم .... لن أستطيع أن أوصف لك دهشة وصيحات الإعجاب التي أطلقها الجمهور عند نهاية الحفل .. وأيضاً زاد حلاوة الحفل تشريف مريام ماكبا وتغنيها بأشهر أغانيها .... كتبت عنها في المنتدى الإنجليزي يمكنك الرجوع لها هناك .... وكما قلت لك سأحاول بكل الطرق أن تضمن ولو فرقة موسيقية شعبية واحدة في العام القادم ... وياريت تكون كواتو أو واحدة من فرق النيل الأزرق ... ويرى الخواجات آلة الوازا لتكمتل دهشتهم .... للجمري ملكة الفنان المسرحي وهي موهبة تسحر الجمهور بتفاعل المغني مع أغانيه ..

    في إنتظار ( بص الروصيرص)


    ودي

    اخوك

    اسامة
                   |Articles |News |مقالات |بيانات

26-05-2008, 10:32 PM

ناهد بشير الطيب
<aناهد بشير الطيب
تاريخ التسجيل: 08-02-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الاخ الطيب

    السودان عامر بفنونه الشعبيه المميزة وبتراثه الغنى ....
    خالص التحايا لك ...
    وللفنان الجمرى
                   |Articles |News |مقالات |بيانات

27-05-2008, 04:20 AM

اسيا ربيع
<aاسيا ربيع
تاريخ التسجيل: 20-01-2008
مجموع المشاركات: 1551

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: ناهد بشير الطيب)


    الشاعر الراحل ود الرضى

    ود الرضي واحد من أولئك الذين حملوا النهضة الغنائية في البلاد ردحاً من الزمان ومن الذين تاثرت بهم المدارس الغنائية المعاصرة وسار على منوالهم الكثير من الشعراء....وقد كان أحد ثلاثة غمر انتاجهم مجالس الشعر والطرب قبل العشرينات...العبادي وأبوصلاح وودالرضي. ....
    ولد الشاعر الوقور محمد ودالرضي في حوالي العام 1884م كان والده من قبيلة العسيلات مقيماً بقرية (ام ضواًبان) ووالدته محسية الأصل من عائلة الشيخ أدريس ود الأرباب وكانت تقيم بقرية العيلفون حيث شب ود الرضي وترعرع..وفي التاسعة من عمره ذهب الي ام ضواً بان الي الخلوة ليتلقى الدروس ويحفظ الكتاب في هذه القرية التي لا تخبو فيها نار القرآن وكان يستمع الي أدب المدائح ويحفظ منه الكثير ويتغنى به في طرب وانتشاء وعندما كبر وبلغ سن الشباب اخذت نظرته للحياة تتبدل وكان يتنسم اخبار شعراء العاصمة ويسمع عن اسماء يوسف حسب الله(سلطان العاشقين) عثمان ابو جقود واحمد صالح المطبعجي وكان يصغي الي الأغاني الوارده من السافل على لسان محمد ودالفكي...وما ان جاء العام 1915م إلا وكان اسم ودالرضي من ألمع الشعراء الشباب المجددين..وإلتقى وقتها بالشاعر احمد حسين العمرابي الذي يحتل مكاناً مرموقاً بين زملائه الشعراء والفنانين وإصطحبه العمرابي الي دكانه بالسوق العربي فالتقى هناك مع بطران وأبوصلاح وحدباي وخليل فرح كما سامر سرور وكرومه والأمين برهان واعجب خليل فرح برميات الدوبيت من الشاعر ودالرضي ومنها :
    الطابق البوخه *قام نداه يهف *نام من الدوخه إيده عاقباه
    الجدله مملوخه *لي معالق الجوف *موسه مجلوفه ...
    .في العام 1918م هاجر من قريته الي منطقة (مكوار) للعمل بالخزان وكانت تجربه قاسيه بالنسبه اليه عان منها ما عان وكان يشتاق الي قريته واصحابه ورصفائه من الشعراء وكان يبكي ويتألم من ذلك وخلد ذلك بدره من درره الشعريه مازال يتغنى بها الزمان وأنشأ قصيدته العريقه : متى مزاري *أوفي نذاري *وأجفو هذا البلد المصيف ...مما عرف عن ود الرضي أنه كان شديد الوقار وقلب محب وروح شفافه وسابح وراء الخيال وعرف ايضاً بتعلقه بدينه والتمسك بآدابه والصلاة في مواعيدها وبتلاوة آيات القرآن وقد كان يقرأ سورة (يس) عند كل وضوء وقد كان العالم الورع الخليفه حسب الرسول يدعوه (تنبيه الغافلين). ...تزوج الشاعر ودالرضي وكان له عدد من الأبناء ولكن يشاء القدر ان لا يعيش أبناؤه جميعاً وان لا تعمر زوجته طويلاً فبقي حزيناً يبكي حظه العاثر وآماله الضائعات وكان يعتكف كثيراً في خلوته في قريته يجتر ماضي ذكرياته. ....والمعروف ان شاعرنا ودالرضي لم يزد على ثقافته الدينيه كثيرأً ولو أوتي مثل حظ الآخرين من الثقافة والإطلاع والنشأة في المدينه لكان ودالرضي شاعر الغناء الأول من دون منازع ومع ذلك فله من زاخر المعنى ومن روائع الوصف ومن صادق التعبير مالم يستطع بلوغه المثقفون من روائعه:
    *متى مزاري
    *ينوحن لي حماماتن
    *ليالي الخير جادن من المحبوب
    *نور جناني وقبلة حناني يا جواهر عقد القصيد
    *السلام يا روح البدن
    *الناحر فؤادي
    *أحرموني ولا تحرموني
    * سنة الإسلام السلام
    *من الأسكلا وحلا



    الراحل ود الرضى




    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

27-05-2008, 05:18 AM

Mirghani Ali AlAmin
<aMirghani Ali AlAmin
تاريخ التسجيل: 02-05-2002
مجموع المشاركات: 246

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: اسيا ربيع)

    البوست رائع ويحتاج إلى قراءة متأنية للتداخل فيه
    وإلى أن أعود لقراءته بتأني وددت في هذه العجالة
    أن أشكر الأستاذة الفنانة آسيا ربيع على إيرادها تلك المعلومات الوفيرة عن الشاعر الكبير ود الرضي
    وأن أصحح كلمة مما جاء في رمية ود الرضي :
    Quote: *لي معالق الجوف *موسه مجلوفه ...

    أرجو أن أنوه إلى أن الصحيح ( موسه مجلوخة )
    والجلخ في لغة الحدادة والحديد هو البرد أي ( السن )
    والمعنى بصريح العبارة وعاميتها ( موسه - مسنونة ) يعني حادة
    والشكر على البوست والشكر للمتداخلين خاصة الاستاذة سلمى الشيخ سلامة المسكونة بالفن والتراث وتمسكها بالإصالة التي تدل على كريم أصالتها
    وإذا مد الله في الأيام وأعطاني فسحة في الوقت ( لي عودة ) بإذن الله
                   |Articles |News |مقالات |بيانات

27-05-2008, 05:36 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: اسيا ربيع)

    الاخت الجميلة آسيا بت الربيع

    لله درك على هذا الابداع الرائع - مالك عايزة تغيري اتجاه البوست لاغاني الحقيبة امامك الاشارات الخضراء لتغيير مسارك لاننا نخشى ان نصطدم هنا( بتفهمي اشارات المرور كويس !!!) مع مبدع اخر تخصص في شعر الحقيبة وهو الاخ الدكتور احمد القرشي الذى كتب عن ود الرضى قائلا :

    Quote: ايضا سجل ود الرضى أغنية تيه يتاكى والتي صاغ كلماتها الشيخ محمد ود الرضي ولقد سجلها في نهاية الخمسينات الفنان مبارك حسن بركات وهى من اغانى المجاراة ولقد تغنى بها الحاج محمد احمد سرور أولا ولقد جارى بها ودالرضى الشاعر ابوصلاح في أغنيته المشهورة وصف الخنتيلة والتي سجلها على الاسطوانات الفنان عمر البنا وسجلها لاحقا للإذاعة الفنان عوض الجاك بلحن تقيل ثم تغنى بها الفنان عبدالكريم الكابلى وسجلها للإذاعة بالموسيقى بلحن قريب من لحن عوض الجاك .. وجاراهما أيضا الشاعر إبراهيم العبادى بأغنية الضاوى جبينه والتي سجلها على الاسطوانات الفنان عبدالعزيز مصطفى ثم سجلها للإذاعة أولاد شمبات في بداية الستينات وتغنى بها مؤخرا ثنائي العاصمة ...


    لك معزتي
                   |Articles |News |مقالات |بيانات

27-05-2008, 04:57 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: ناهد بشير الطيب)

    اخي الاستاذ اسامة

    صباحك نور

    Quote: لي إهتمام كبير بالفن الشعبي وبالآلات الشعبية .... حضرت قبل أيام حفل لفرقة أفريقية في إطار المهرجان الثقافي لمدينة برايتون .... وكان العازف الرئيس يعزف على آلة ( الكورا) من غرب افريقيا تحسرت .....أخي الطيب لأنني أعلم يقيناً بأن لنا آلات موسيقية شعبية يمكن ان تخلب لب ( الخواجات ) وتحوز على إعجابهم لأنهم يقدرون الفن وأنا الآن أحاول جاهداً أن أتقدم بطلب ل لجنة المهرجان بإدراج فرقة سودانية شعبية في مهرجان العام القادم .... لن أستطيع أن أوصف لك دهشة وصيحات الإعجاب التي أطلقها الجمهور عند نهاية الحفل .. وأيضاً زاد حلاوة الحفل تشريف مريام ماكبا وتغنيها بأشهر أغانيها .... كتبت عنها في المنتدى الإنجليزي يمكنك الرجوع لها هناك .... وكما قلت لك سأحاول بكل الطرق أن تضمن ولو فرقة موسيقية شعبية واحدة في العام القادم ... وياريت تكون كواتو أو واحدة من فرق النيل الأزرق ... ويرى الخواجات آلة الوازا لتكمتل دهشتهم .... للجمري ملكة الفنان المسرحي وهي موهبة تسحر الجمهور بتفاعل المغني مع أغانيه ..


    لقد انعم الله علينا - اخي اسامة - بوطن في مساحة مليون م تسكنة مجموعات متنوعة الثقافات واللغات والاعتقادات الدينية وبه خامة من الفنون المتنوعة التي يمكن ان يتشكل منها اى ابداع اجمل من الذى حضرته انت في مدينة بريتاون . صحيح اخي اسامة لدينا في جنوبنا وشمالنا وشرقنا وغربنا تشكيلة من الآلات الموسيقية المتنوعة والمتتبع للبرامج الجميلة التي يقدمها الاستاذ جراهام في تلفزيون السودان عن الزاندى والاتوكا والدينكا والنوير والشلك وغيرهم يجد ان لدينا ما يخلب لب اى بشر ويمكننا صناعة كم مبدع لا يقل قامة عن ماكبا .

    تعجبني اخي اسامة الاغاني والرقص الشعبي في غربنا الجريح واستمتع بالابداع الذى تقدمه الحاجة حواء الطقطاقة هذه المراة التي احسب انها اسطورة في دينيماكيتها المسريحية . استمتع وانا اتابع عرضة البطاحين ذات الايقاع الجميل والرائع وهنالك الكثير الذى يقال عن جنوب النيل الازرق وشرقنا الحبيب .

    الفن اخي اسامة صار صنعة تحتاج ان يصرف عليها وفي عالم اليوم لا يمكن صناعة اى ابداع ما لم يكن ثمة صرف حقيقي لتنميتها وتطويرها .

    ربنا يجمع شملنا ويرفع عنا كل هذه الابتلاءات .

    لك قواسيب محبتي


    Quote: في إنتظار ( بص الروصيرص)


    ما زال بحثى جاري عنها





    الاخت الجميلة ناهد بشير الطيب

    الله يحفظك ويخليك على مرورك

    Quote: السودان عامر بفنونه الشعبيه المميزة وبتراثه الغنى ....
    خالص التحايا لك ...
    وللفنان الجمرى



    صحيح ويا ريت اختى ناهد لو راجعت ما كتبه الاستاذ اسامة في نفس الموضوع اعلاه -

    لك منى وافر احترامي
                   |Articles |News |مقالات |بيانات

27-05-2008, 05:20 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    العرريب يبدو انك لو خليت حكاية المحامي والفحامي والانتخابات وواصلت في مثل هذه البوستات : الدندر والان روعة الجمري لنلت اصوات كل الدليقتس هنا واكتر من اوباما... عندما شاهدت الجمري قبل شهور قليلة في احد الفضائيات -وسجلت الفيديو اعلاه - اندهشت لكم الطرب والابداع لديه وطبعا اندهشت كذلك لجهلي به وكنت اظن انني الوحيد - اهو رطاني - لكن يبدو انني لست الوحيد ..اعلام الفضائيات السودانية الرسمية الذي يضيع الوقت والجهد والمال في تدويير Recycling البائس من الغناء يكسل عن ان يصل الي امثال الجمري وهم اكيد كثر في بلادنا المترامية الاطراف المتنوعة الثقافات والفنون ...

    واصل ياحتات
                   |Articles |News |مقالات |بيانات

27-05-2008, 05:41 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: abubakr)

    الاخ الاستاذ ميرغني على الامين

    Quote: البوست رائع ويحتاج إلى قراءة متأنية للتداخل فيه
    وإلى أن أعود لقراءته بتأني وددت في هذه العجالة
    أن أشكر الأستاذة الفنانة آسيا ربيع على إيرادها تلك المعلومات الوفيرة عن الشاعر الكبير ود الرضي
    وأن أصحح كلمة مما جاء في رمية ود الرضي :

    Quote: *لي معالق الجوف *موسه مجلوفه ...

    أرجو أن أنوه إلى أن الصحيح ( موسه مجلوخة )
    والجلخ في لغة الحدادة والحديد هو البرد أي ( السن )
    والمعنى بصريح العبارة وعاميتها ( موسه - مسنونة ) يعني حادة
    والشكر على البوست والشكر للمتداخلين خاصة الاستاذة سلمى الشيخ سلامة المسكونة بالفن والتراث وتمسكها بالإصالة التي تدل على كريم أصالتها
    وإذا مد الله في الأيام وأعطاني فسحة في الوقت ( لي عودة ) بإذن


    شكرا ايها الحبيب وللاخت الفاضلة بت الربيع على هذه الاضاءات

    نتمنى ان تعود الينا لتتحفنا بالمزيد من الابداع

    لك عميق مودتي
                   |Articles |News |مقالات |بيانات

27-05-2008, 05:42 AM

هاشم أحمد خلف الله
<aهاشم أحمد خلف الله
تاريخ التسجيل: 16-01-2007
مجموع المشاركات: 6449

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: abubakr)

    الله عليك يا ودشيقوق ده الشغل ولا بلاش
    والله إستمتعت جنس متعة ما ممكن تتخيلا ابدا
    انا غايتو حاجز بكاني هنا ومرة مرة بجي اديك طلة
                   |Articles |News |مقالات |بيانات

27-05-2008, 05:39 AM

أبوذر بابكر

تاريخ التسجيل: 15-07-2005
مجموع المشاركات: 6236

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    أستاذنا الطيب شيقوق

    تحايا وتقدير

    لك ولأضيافك الطيبين جميعا

    لدى إهتمامات وعشق وشغف عظيم بأحوال الفنون الشعبية بكل ضروبها، والغناء والموسيقى من ضمنها

    وخلال تطوافى وبحثى المتواضع على وفى نتاج بعض الشعوب المتميزة فى هذا المجال، أكاد أجزم أنه لا يوجد بينها من يضاهى السودان ثراءا وتنوعا وغزارة بل وتفردا فى مجال الغناء والموسيقى الشعبية، والشعبية هنا أضعها مجازا وتسمية، ربما لشيوع الإسم ورسوخه لدى الناس

    لكننا، وكما هو الحال دوما عندنا نحن أهل السودان، لا نقيم أشيائنا ولا نقدرها التقدير الحق، وإذا كان الشئ بالشئ يذكر، فدونك ما لدينا من آثار حضارات ليس كمثلها شئ، لا تزال مطمورة تحت رمال النسيان، قبل رمال الطبيعة، ولو كانت عند غيرنا لأقاموا بها الدنيا

    وعودة للمبدع الجمرى

    فإضافة لإمتلائه وتشبعه حتى الثمالة بالموهبة الحقة والتمكن الأكيد أداءا وحضورا وصوتا، فهو يمتلك معرفة ودراية كاملة بتراث ونتاج منطقة جنوب النيل الأزرق، بلغاتها المختلفة وما إلى ذلك

    وهناك كنز آخر يربض فى دواخل هذا الإنسان الفنان، ربما لا يعرفه كثيرون، وهو أن الجمرى يغنى للمبدع العظيم "رمضان حسن" بشكل وطريقة تفوق درجة الإدهاش، وإن أغمض السامع عينيه، فهو حتما يستمع ويستمتع برمضان حسن

    أتى به "عوض بابكر" ذلك الكائن النادر حقا، وأخرج من لدنه "رمضان حسن" بصوته وعذوبته

    وليتك تستمع للجمرى وهو يشدو بروائع رمضان حسن، فتلك هى المتعة الحقة

    أقدم العذر للإستطالة، ثم أهديك وصحبك الحضور

    السلام والتقدير مجددا
                   |Articles |News |مقالات |بيانات

27-05-2008, 05:46 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: أبوذر بابكر)

    الاخ الرطاني

    Quote: العرريب يبدو انك لو خليت حكاية المحامي والفحامي والانتخابات وواصلت في مثل هذه البوستات : الدندر والان روعة الجمري لنلت اصوات كل الدليقتس هنا واكتر من اوباما... عندما شاهدت الجمري قبل شهور قليلة في احد الفضائيات -وسجلت الفيديو اعلاه - اندهشت لكم الطرب والابداع لديه وطبعا اندهشت كذلك لجهلي به وكنت اظن انني الوحيد - اهو رطاني - لكن يبدو انني لست الوحيد ..اعلام الفضائيات السودانية الرسمية الذي يضيع الوقت والجهد والمال في تدويير Recycling البائس من الغناء يكسل عن ان يصل الي امثال الجمري وهم اكيد كثر في بلادنا المترامية الاطراف المتنوعة الثقافات والفنون ...


    عليك الله في طلب خاص من اخينا اسامه متداخل اعلاه يطلب اغنية الجمر اسمها بص الرصيرص يا اخي شوفها لينا وفي انتظارك لتزويدنا بكل ما لديك عن هذا المبدع .

    لك قواسيب محبتي
                   |Articles |News |مقالات |بيانات

27-05-2008, 05:51 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    هاشم - اب احمد

    Quote: الله عليك يا ودشيقوق ده الشغل ولا بلاش
    والله إستمتعت جنس متعة ما ممكن تتخيلا ابدا
    انا غايتو حاجز بكاني هنا ومرة مرة بجي اديك طلة


    ربنا يمتعك بالصحة والعافية وانت مش تحجز بكانك انت بدوك المفتاح تسوق عدييييييييل يا مبدع يا جميل
                   |Articles |News |مقالات |بيانات

27-05-2008, 05:54 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الاخ الرائع ابو ذر

    تحياتي وشكرا على كلامك الجميل

    عفوا ساعود اليك للتعليق بعد قليل

    Quote: لدى إهتمامات وعشق وشغف عظيم بأحوال الفنون الشعبية بكل ضروبها، والغناء والموسيقى من ضمنها

    وخلال تطوافى وبحثى المتواضع على وفى نتاج بعض الشعوب المتميزة فى هذا المجال، أكاد أجزم أنه لا يوجد بينها من يضاهى السودان ثراءا وتنوعا وغزارة بل وتفردا فى مجال الغناء والموسيقى الشعبية، والشعبية هنا أضعها مجازا وتسمية، ربما لشيوع الإسم ورسوخه لدى الناس

    لكننا، وكما هو الحال دوما عندنا نحن أهل السودان، لا نقيم أشيائنا ولا نقدرها التقدير الحق، وإذا كان الشئ بالشئ يذكر، فدونك ما لدينا من آثار حضارات ليس كمثلها شئ، لا تزال مطمورة تحت رمال النسيان، قبل رمال الطبيعة، ولو كانت عند غيرنا لأقاموا بها الدنيا

    وعودة للمبدع الجمرى

    فإضافة لإمتلائه وتشبعه حتى الثمالة بالموهبة الحقة والتمكن الأكيد أداءا وحضورا وصوتا، فهو يمتلك معرفة ودراية كاملة بتراث ونتاج منطقة جنوب النيل الأزرق، بلغاتها المختلفة وما إلى ذلك

    وهناك كنز آخر يربض فى دواخل هذا الإنسان الفنان، ربما لا يعرفه كثيرون، وهو أن الجمرى يغنى للمبدع العظيم "رمضان حسن" بشكل وطريقة تفوق درجة الإدهاش، وإن أغمض السامع عينيه، فهو حتما يستمع ويستمتع برمضان حسن

    أتى به "عوض بابكر" ذلك الكائن النادر حقا، وأخرج من لدنه "رمضان حسن" بصوته وعذوبته

    وليتك تستمع للجمرى وهو يشدو بروائع رمضان حسن، فتلك هى المتعة الحقة

    أقدم العذر للإستطالة، ثم أهديك وصحبك الحضور


    الاخ ابو ذر بابكر

    التحية لك مرة اخرى

    عزيزي نحن شعب ربنا انعم علينا بوطن في مساحة مليون م تسكنة مجموعات متنوعة الثقافات واللغات والمعتقدات الدينية وبه خامة من الفنون المتنوعة التي يمكن ان يتشكل منها اى ابداع اجمل من الذى شاهدته لدى شعوب اخرى . صحيح اخي ابو ذر لدينا في جنوبنا وشمالنا وشرقنا وغربنا تشكيلة من الآلات الموسيقية المتنوعة والمتتبع للبرامج الجميلة التي يقدمها الاستاذ جراهام في تلفزيون السودان عن الزاندى والاتوكا والدينكا والنوير والشلك وغيرهم يجد ان لدينا ما يخلب لب اى بشر ويمكننا صناعة كم مبدع لا يقل قامة عن ماكبا .

    تعجبني اخي ابو ذر الاغاني والرقص الشعبي في غربنا الجريح واستمتع بالابداع الذى تقدمه الحاجة حواء الطقطاقة هذه المراة التي احسب انها اسطورة في دينيماكيتها المسرحية . استمتع وانا اتابع عرضة البطاحين ذات الايقاع الجميل والرائع وهنالك الكثير الذى يقال عن جنوب النيل الازرق وشرقنا الحبيب .

    الفن اخي ابو ذر صار صنعة تحتاج ان يصرف عليها وفي عالم اليوم لا يمكن صناعة اى ابداع ما لم يكن ثمة صرف حقيقي لتنميتها وتطويرها .

    ربنا يجمع شملنا ويرفع عنا كل هذه الابتلاءات .

    لك قواسيب محبتي

    اخوك

    شيقوق

    (عدل بواسطة الطيب شيقوق on 27-05-2008, 08:52 AM)

                   |Articles |News |مقالات |بيانات

27-05-2008, 07:01 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    استاذ الطيب
    يسعد صباحك
    الغناء الشعبي...الروعة...الجمال....الأصالة...هو بحق فن متفرّد
    ولنا وقفة مع أهل الغناء الشعبي والفنان بادي محمد الطيب
    Quote: ويروى أن سبب تسميته باسم (بادي) يعود لمناداة شيخه عليه لتلاوة القرآن بيد أن صوته كان جميلا ، وتلاوته جميلة ، فأطلق عليه حيران الخلوة اسم بادي ، وللإسم روايات أخري.
    وكانت له عبقرية الزمان والمكان في أغانيه فهو عندما يكون في حفلة في البادية فإنه كان يكثير من أغاني الحماسة وهو يحرك (الطار) الذي كان يذوِّبه لحناً وانيناً ، وعندما يكون في حفلة (خرطومية) فإنه يغني (يا قائد الأسطول، والمقدر لابد يكون وأنت حكمة ولاّ آية).
    عاش بسيطاً مخلصاً لوطنه وفنه، ومحافظاً على الراية التي حملها من الآباء المؤسسين لاغاني الحقيقة كرومة وسرور وبطران والكاشف والعبادي.
    ولعل روحه الشفافة تحلِّق في عليائها، وجسده مدفون في قرية (ود العباس) التي شهدت مراتع الطفولة، وذكريات الصبا يوم ان تفجرت عبقريته الغنائية في ساحاتها، فهاجر يغرِّد كالعصافير الخضراء في ليالي الشتاء الدافئة فيطرب كل الوطن من نمولي الى حلفا وام بادر وكردفان والسواقي في كسلا.


    وانّة المجروح

                   |Articles |News |مقالات |بيانات

27-05-2008, 07:06 AM

اسيا ربيع
<aاسيا ربيع
تاريخ التسجيل: 20-01-2008
مجموع المشاركات: 1551

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: مالك عايزة تغيري اتجاه البوست لاغاني الحقيبة امامك الاشارات الخضراء لتغيير مسارك لاننا نخشى ان نصطدم هنا


    ود شيقوق حبابك ,,

    هوى.. يا الطيب انت قايل لو ما ناس الحقيبة ديل كان حايكون فى (رقبة)؟؟

    وبرضو لو مارقبتنا دى ناس الحقيبة و الغناء الشعبي ديل كان جابو الكلام السميح ده ؟

    تعرف مره كان عندنا حلقة فى التلفزيون .. كان نفس موضوع البوست ده.. الفيديو ده فيهو رقصة كانت من ضمن الحلقة

    على شمالى الاستاذ الراحل الطيب محمد الطيب .. ثم الاستاذه سعديه الصلحي.. ثم الراحل المقيم دكتور حسبو سليمان .. ثم زميلتي المسرحيه

    عرفه حسن جوده...واخيرآ انا.. بالتوب البمبي شوف حالتى كيف..ههههههههههههههه طبعآ يا الطيب عايز تعرف الكلام ده سنة كم؟؟؟ .. خلاس جيب اضانك
    ..
    تحيه خاصه للاخ مرغنى على.
    وارجو المعزره لو طلعتا بره الموضوع .. اعزازى للجميع




    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

    شوف الرقبة الما خمج .. ده البجنين بوبى

                   |Articles |News |مقالات |بيانات

27-05-2008, 06:29 AM

امير عوض الجمري
<aامير عوض الجمري
تاريخ التسجيل: 25-04-2006
مجموع المشاركات: 2560

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: روعة الجمري

    ده حال اي جمري في اي حتة يا شقاشيقو كان في شندي وللا كردفان وللا مدني (الكلام على الاسم).


    والله مشتاق ليك بالحييييييييييييييل .. والايام دي ياخوي مسقطكم مولللللللللعة مع فيصل.


    الجمري فنان راااائع ومبدع حقيقية وسيكون له شأن كبير في مستقبلنا القريب باذن الله.
                   |Articles |News |مقالات |بيانات

27-05-2008, 07:51 AM

الفاتح الجنيد
<aالفاتح الجنيد
تاريخ التسجيل: 19-08-2007
مجموع المشاركات: 1003

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: امير عوض الجمري)


    تعرف يا الشيقوق أنا أغانى الدلوكة بتكسر فينى ضلعة ...

    زمان أهلنا قالوا لينا البت الرقاصة هى البتهافتو عليها الخُطاب
    يعنى مقياس إختيار الزوجة كان بعتمد على إجادتها لرقيص الرقبة
    وما عداه فهو غير مهم
    والبت الرقاصة بتخلى الشباب يتنافسوا فى الجلد بالسوط والدمى تسيل للُركب
    وده دليل على مدى تغلغل الاحساس الفنى فيهم رغم طبيعة الحياة الجافة فى ذلك الزمن
                   |Articles |News |مقالات |بيانات

27-05-2008, 08:24 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الفاتح الجنيد)

    عزيزتي سلمى حسن عباس صبحي

    Quote: الغناء الشعبي...الروعة...الجمال....الأصالة...هو بحق فن متفرّد
    ولنا وقفة مع أهل الغناء الشعبي والفنان بادي محمد الطيب


    الله يخليك ويكفينا شر اغنية الرحيل الرحلتنا منكم يا سلمى


    معزتي
                   |Articles |News |مقالات |بيانات

27-05-2008, 08:34 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الاستاذة المسريحية الفذة بت الربيع


    Quote: هوى.. يا الطيب انت قايل لو ما ناس الحقيبة ديل كان حايكون فى (رقبة)؟؟


    ناس الحقيبة جابوا الرقبة وكتلوا رقاب هههههههههههههه يا آسيا اختي صاح؟

    Quote: وبرضو لو مارقبتنا دى ناس الحقيبة و الغناء الشعبي ديل كان جابو الكلام السميح ده ؟


    لالالالالالالا مش اى رقبة الا الرقبة القزاز خاتية العرق الشافا بالنيران حرق يا بت الربيع انت كيف هسع؟ والله يا اسيا هو مش الرقبة بس القدلة مع النمة ذاتها هي البتجيب ( الرقبة) !!!!!!!!!!!!!!!!


    Quote: تعرف مره كان عندنا حلقة فى التلفزيون .. كان نفس موضوع البوست ده.. الفيديو ده فيهو رقصة كانت من ضمن الحلقة

    على شمالى الاستاذ الراحل الطيب محمد الطيب .. ثم الاستاذه سعديه الصلحي.. ثم الراحل المقيم دكتور حسبو سليمان .. ثم زميلتي المسرحيه

    عرفه حسن جوده...واخيرآ انا.. بالتوب البمبي شوف حالتى كيف..ههههههههههههههه


    نزلي الفيديو اسيا خلينا نشوف


    Quote: طبعآ يا الطيب عايز تعرف الكلام ده سنة كم؟؟؟ .. خلاس جيب اضانك
    ..

    لا والله مازال ليلكم طفلا يحبو يا اسويا


    Quote: تحيه خاصه للاخ مرغنى على.
    وارجو المعزره لو طلعتا بره الموضوع .. اعزازى للجميع


    لا ابدا العكس ابدعت بت الربيع وامتعتينا والتحية عبرك للاخ ميرغني وكل مبدعي ومبدعات بلادي
                   |Articles |News |مقالات |بيانات

27-05-2008, 08:38 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    عزيزي امير الجمري

    كيفنك انت يا العسل

    Quote: ده حال اي جمري في اي حتة يا شقاشيقو كان في شندي وللا كردفان وللا مدني (الكلام على الاسم).


    والله مشتاق ليك بالحييييييييييييييل .. والايام دي ياخوي مسقطكم مولللللللللعة مع فيصل.


    الجمري فنان راااائع ومبدع حقيقية وسيكون له شأن كبير في مستقبلنا القريب باذن الله.


    الجمري يا الجمري صنعته بيئتنا في النيل الازرق ولو قدر له ان يكون جمري شندى او المتمة او الخرطوم او امدرمان لما كان جمرينا الفنان المبدع هذا . هيييييييييييييييع
                   |Articles |News |مقالات |بيانات

27-05-2008, 08:42 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الاخ الفاتح الجنيد

    كيفك يا شيخ العرب وضو القبيلة ومقنع الكاشفات


    Quote: تعرف يا الشيقوق أنا أغانى الدلوكة بتكسر فينى ضلعة ...

    زمان أهلنا قالوا لينا البت الرقاصة هى البتهافتو عليها الخُطاب
    يعنى مقياس إختيار الزوجة كان بعتمد على إجادتها لرقيص الرقبة
    وما عداه فهو غير مهم
    والبت الرقاصة بتخلى الشباب يتنافسوا فى الجلد بالسوط والدمى تسيل للُركب
    وده دليل على مدى تغلغل الاحساس الفنى فيهم رغم طبيعة الحياة الجافة فى ذلك الزمن


    انا يا الفاتح اخوى زوجتى الهسع ام عبد الله دى الله يخليها شفتها بترقص رقبة وحرم ما طولت ليها مشيت لابوى قلت ليهو انا البت دى اكان ما خطبتها لي هسع عييييييييييييييييك تاني ما بتشوفني .
                   |Articles |News |مقالات |بيانات

27-05-2008, 09:06 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    ما اروعك يا الجمري وانت تتميز بلونية غنائية فريدة
                   |Articles |News |مقالات |بيانات

27-05-2008, 09:23 AM

الفاتح الجنيد
<aالفاتح الجنيد
تاريخ التسجيل: 19-08-2007
مجموع المشاركات: 1003

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)


    بينى وبينك مقياس الجمال زمان كان كلوا منصب على
    قوام المرأة
    والدليل ان شعراءنا القدام دائما ما يركزون عليه
    ويشبهونه بفرع البان
    وعوم الوزين
    والجدى القام وانفدع
    والرقبة قزازة عصير
    وقدمك قدم الحمام ... وخلافه
    ورقيص الرقبة هو الذى يبرز هذه الصفات
    وبالتالى حفلات الاعراس كانت هى المجال الوحيد المناسب
    لعثور الرجل على زوجه
    ده اذا ما كان عندو قدح لازم يغطيه
    والا مش ؟؟؟

    الله يخلى ليك ام العيال
                   |Articles |News |مقالات |بيانات

27-05-2008, 09:28 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الفاتح الجنيد)

    ود الجنيد

    Quote: بينى وبينك مقياس الجمال زمان كان كلوا منصب على
    قوام المرأة
    والدليل ان شعراءنا القدام دائما ما يركزون عليه
    ويشبهونه بفرع البان
    وعوم الوزين
    والجدى القام وانفدع
    والرقبة قزازة عصير
    وقدمك قدم الحمام ... وخلافه
    ورقيص الرقبة هو الذى يبرز هذه الصفات
    وبالتالى حفلات الاعراس كانت هى المجال الوحيد المناسب
    لعثور الرجل على زوجه
    ده اذا ما كان عندو قدح لازم يغطيه
    والا مش ؟؟؟


    اتاريك موسوعة - والله كتر خيري الطلعت منك هذه الدرر واللآلي


    Quote: والجدى القام وانفدع


    الفاتح كدى اهمس لاخيك واشرح ليهو الجدى القام وانفدع دى .
                   |Articles |News |مقالات |بيانات

27-05-2008, 10:33 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: سلمي صحبي الجميل .. الرطاني ذاتووو الهوا انا ما فاهم الخشاش يعني شنو ؟؟ بعدين العرريب دة زولا بتاع حت ساااي وما عندو شغل بعوم الوزين ....دة العربي الانا بعرفو هو بيسقط فيهو ....


    انت ما بتنسى ؟ نمسك الخشب عديييييييييل كده
                   |Articles |News |مقالات |بيانات

27-05-2008, 11:01 AM

وضاحة
<aوضاحة
تاريخ التسجيل: 16-01-2005
مجموع المشاركات: 8989

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    شيقااااااااااااا

    يعنى نجدع التوب ونتفدع ونديها حت


    جيب العصاء وتعال والرهيفة تنقد


    وهااااااااااااااك شبال موقت
                   |Articles |News |مقالات |بيانات

27-05-2008, 12:16 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: وضاحة)

    وضاااااااااااااااااااحة


    Quote: وهااااااااااااااك شبال موقت


    اقدلى اى و ابشرييييييييييييييييييييييييييييي

    هيييييييييييييييع
                   |Articles |News |مقالات |بيانات

27-05-2008, 02:58 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    المبدع محمد احمد عوض

                   |Articles |News |مقالات |بيانات

27-05-2008, 03:19 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    البيئة التي تربى فيها مطربنا الجمري - مدينة الرصيرص

                   |Articles |News |مقالات |بيانات

27-05-2008, 04:35 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    مرق المال بالعلب
    هيييييييييييييييييييييع
    انا ابوك يالمافيشه
                   |Articles |News |مقالات |بيانات

27-05-2008, 06:09 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    بجيك يا بتاع الجمري انت
    بس اصبر لي وروق

    انت الجمري دا بخت البسفة تحت شلوفتو الفوق ولا دي خلقة
    غايتو بتخيلو سافي لما يغني
                   |Articles |News |مقالات |بيانات

27-05-2008, 06:17 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: خالد علي محجوب المنسي)

    المنسي هسع جاينا متاخر وكمان بتفاصح - عليك الرسول لم كلامك ده بجيب ليك الهواء اكان اندرع فيك واحد بشهيك العافية

    تعال بطيبك ونزل لينا الليمونا يا سجم الرماد
                   |Articles |News |مقالات |بيانات

27-05-2008, 06:30 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الاخت اسيا بت الربيع
    الاخت سلمى

    على ذكر الاخت اسيا الربيع للدكتور حسبو سليمان يحضرني موقف لن انساه طيلة حياتي :

    اذكر انا دخلت على لجنة المعاينة لوظيفتي الحالية . ومجرد جلوسي على الكرسي الساخن احضروا لي كباية شربات و طلبوا منى ان اشرب هذه الشربات وتذكرت واحدة من السوالف المتعلقة بكيفية التعيين للعمل في الدبلوماسية السودانية .

    عندما الح على اعضاء اللجنة لشراب الموية ذكرتهم باننى ساكون متمهل جدا في شراب مويتكم دى وقالوا لى ليش ؟ وحكيت ليهم موقف متعلق ببنت جميلة جدا جدا تقدمت للعمل في الدبلوماسية السودانية البنت كانت ناجحة بتقدير ممتاز في الامتحانين التحريري والشفوي ولكن لاكمال التعيين لابد ان تنجح في المعاينة التي كان عادة يجريها المرحوم حسبو سليمان اختصاصي الطب النفسي معها ليحدد ما اذا كان المتقدم صالح نفسيا للعمل الدبلوماسي ام لا . البنت الجميلة احيلت للدكتور حسبو وعرض ليها كوب من الشربات وبدا يسال فيها وقبل ان تجاوب السؤال تناولت الكوب جيييييييب شربته بشراهة ثم اقبلت على الدكتور حسبو ليسألها ولكن الدكتور حسبو فاجأها بسقوطها في الامتحان . البنت استغربت ليش يا دكتور وانت ذاتك ما سالتني . قال ليها يا بنتى انا وضعت امامك كوب من الشربات وقبل اسالك انت رحت جيييييييب شارباهو وهذا هو السبب في سقوطك لان الدبلوماسي يجب ان يكون دائما متمهلا في حديثه وشرابه واكله وليس ملهوفا بالطريقة التي شهدتها فيك يا بت اخوى .


    معزتي
                   |Articles |News |مقالات |بيانات

27-05-2008, 07:05 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: المنسي هسع جاينا متاخر وكمان بتفاصح - عليك الرسول لم كلامك ده بجيب ليك الهواء اكان اندرع فيك واحد بشهيك العافية

    تعال بطيبك ونزل لينا الليمونا يا سجم الرماد

    ود شيقوق
    اولاً ما شفتا البوست دا لذا كان التأخر من زيارتك
    ثانيا مالك شبيت فيني عاجتك لاوية زي شيطان الكوش أنا ماقصدي شر الجمر يعجبني شديد وبسمع له ويشدني شديد طريقة أدائه المميز والجديد في الساحة
    حتى الفن والفنانين دخلو في بند تقسيم السلطة والثروة
    كان كدي هادا طرفنا كمان من الفن
    لكن وقت جابت ليها هواء
    ودعتك الله

    (عدل بواسطة خالد علي محجوب المنسي on 27-05-2008, 07:07 PM)

                   |Articles |News |مقالات |بيانات

27-05-2008, 07:05 PM

عثمان دغيس

تاريخ التسجيل: 14-01-2008
مجموع المشاركات: 1696

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    يا شيقا ..
    يا خي ده بوست موووووووووووووووت عديييييييييل كده ....!!
    يا ريت لو كان المنبر كلو خلف الله حمد والبعيو ومحمد أحمد عوض والبلابل و و و و و و و ..
    يا خي ده هو السودان زااااااتو الفاقدينو ..
    زيدنا من ( ذلك ) شوية وكتر الأشواق عليُ !!!
                   |Articles |News |مقالات |بيانات

27-05-2008, 07:16 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: عثمان دغيس)

    الاخ عثمان دغيس

    كيفك يا اخي وكتر خيرك وقبل التعليق الاسم ده لقيتو وين الاسم ده اسم بلدنا الاسم ده في الفاو والخياري ومدنى والدندر - والعيش ود دغيس ما اظنك بتعرفو
    انت ذاتك .
    Quote: يا خي ده بوست موووووووووووووووت عديييييييييل كده ....!!
    يا ريت لو كان المنبر كلو خلف الله حمد والبعيو ومحمد أحمد عوض والبلابل و و و و و و و ..
    يا خي ده هو السودان زااااااتو الفاقدينو ..
    زيدنا من ( ذلك ) شوية وكتر الأشواق عليُ !!!


    الله يخليك وسنواصل نزولا لرغباتكم تنزيل الروائع من الفن الشعبي الجميل

    تحياتي
                   |Articles |News |مقالات |بيانات

27-05-2008, 07:50 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: انا يا الفاتح اخوى زوجتى الهسع ام عبد الله دى الله يخليها شفتها بترقص رقبة وحرم ما طولت ليها مشيت لابوى قلت ليهو انا البت دى اكان ما خطبتها لي هسع عييييييييييييييييك تاني ما بتشوفني


    عفارم عليك..
    سامع يا الباش؟
                   |Articles |News |مقالات |بيانات

27-05-2008, 08:11 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: محمد المرتضى حامد)

    Quote: عفارم عليك..
    سامع يا الباش؟


    هسع بى سماحتك دى جاييني بكلمتين بس حرم ما بنرضاها منك تشيلن هسع قبل يجي الرطاني يخمهن ويعمل ليهن كت اند بيست وتجيب لينا كلام مجيه .
                   |Articles |News |مقالات |بيانات

27-05-2008, 08:32 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24912

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: محمد المرتضى حامد)

    ياشيقا...سلامات من عمك كمال

    اليلة جيتك بالدقاق ومعاى ال CHARGING
                   |Articles |News |مقالات |بيانات

27-05-2008, 08:48 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: فيصل محمد خليل)

    عمو كمال جننتنى انت مالك على يا زول بقوم بخلي البوست ده والله يا اخي انت بتجيب في شيرنوبل عديل

    وكان عايز تتمنى بس جيب لي رقيص الرقبة ده عشان اقع من فوق اكسر رقبتي وارتاح .

    دى يا فيصل منى هدية لعمو كمال

    (عدل بواسطة الطيب شيقوق on 27-05-2008, 08:52 PM)

                   |Articles |News |مقالات |بيانات

27-05-2008, 08:50 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: فيصل محمد خليل)

    ود شيقوق مازلت بفتش والوعد دين علي
    بس أقبل هذه مني يا شايل الحمول دُخرينا الطيب ودشيقوق


                   |Articles |News |مقالات |بيانات

27-05-2008, 09:03 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: خالد علي محجوب المنسي)

    منسي

    Quote: بس أقبل هذه مني يا شايل الحمول دُخرينا الطيب ودشيقوق


    ده حرم منك كفاية تاني اقدل ساااااااااااى مشنق وامشى على ضيوفك انا جاييك بلقيماتي
                   |Articles |News |مقالات |بيانات

27-05-2008, 09:29 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الرقص لا ينفصل عن البيئة التي ظهر فيها..ففي إفريقيا هنالك رقصات تشبه حركات الحيوانات أو تقلدها ونحن عندنا في كردفان رقصة المردوم عند البقارة حيث ان الرجال يضعون قرون البقر في رؤوسهم والكشاكيش على أرجلهم ..ويرقصون مع النساء مع ضرب أرجلهم بإيقاع قوى على الأرض ...وأظن انه كل ما كانت البيئة قاسية وصعبة كلما كان الرقص عنيفا وقويا ....أما رقص الرقبة البطئ فهو موجود في وسط السودان أما في شمال السودان عند الشايقية فهو أسرع قليلا وهذه الرقصة تشبه رقص الحمام بخفتها ورشاقتها لذلك سميت هذه الرقصة برقصة الحمامه واذكر أن الأستاذ الطيب محمد الطيب في السبعينات في برنامج تلفزيوني احضر هذا الحمام الذي رقص على إيقاع أغنية في التغزل بين المسارح والتي تغنى بها الفنان بادي محمد الطيب ....أما الرقص السريع فدخل السودان مع إيقاعات التم تم وأغانيه الهابطة التي حاربها شعراء الحقيبة في ذلك الوقت ..ولقد ظهرت اغانى التم تم في كوستى سنة 1935 وكانت تقوم بأداء هذه الاغانى نساء سيئات السمعة بمرافقة الدلوكة وأول من استحدث هذه الاغانى الأختين أم بشائر وأم جبائر من كوستى ....وقال الأستاذ الموسيقار إسماعيل عبدالمعين في برنامج تلفزيوني إن هذا الإيقاع دخل السودان من شمال إفريقيا وادخله الى العاصمة سائقى الشاحنات ومساعديهم ..
    والرقص هو تعبير حركي عن النشوة والطرب وفى بعض الأحيان يعبر الإنسان عن هذا الطرب دون إرادة منه حتى ولو كان بتحريك الرأس ..ولقد قال عبدالله بن جعفر بن أبى طالب إن كل كريم طروب...بعض الناس يمنعهم الحياء أو الوقار من التعبير الحركي ...والرقص هو تعبير عن الطرب حتى ولو كان في الذكر أو المديح ...والتعبير عن الفرح عند السودانيين دائما يكون بإبراز جانب الشجاعة والقوة والتحمل عندهم حتى لو أدى هذا التعبير إلى الأذى الجسدي مثل الضرب بالسوط أو جرح اليد بالسكين وإسالة الدماء على وجه الراقصة أو المغنية...وحكي لي احد اقاربى من بارا إن سبب الجرح الكبير والقديم الذي على يده إن هنالك مغنية تسمى النحل فهزّ فيها دون أن يعطيها فلوسا نسبة لحالته المادية فقالت له عندك شنو مع الرجال فاخذ سكينه وجرح يده جرحا عميقا وصبّ لها الدماء على جبهتها مكان وضع النقطة ( النقطة هي الفلوس التي توضع على جبهة المغنية )فما كان منها إلا أن أطلقت الزغاريد تباعا بينما اخذ هذا الرجل إلى المستشفى لخياطة الجرح والذي يوجد أثره في يده حتى الان...وحكي لي نفس الشخص أن الاسكافي ( الرجل الذي يخيط المراكيب ) كان يتبع السيرة التي تستمر ساعات فكلما فتق احدهم مركوبه نتيجة لضربه بالأرض حضر إليه لخياطته ليعود مرة أخرى لضرب رجله بالأرض طربا..يعنى في ذلك الوقت بيوت الأعراس كانت مكان عمل الإسكافية.... اما الجلابيب البيض فتكون قد تغير لونها من الشبال خاصة وان النساء فى ذلك الوقت يضعون الودك على الشعر.... و كان الرقص عرضا للقوة ويستعمل فيه في بعض الأحيان السيف أو العصا وتسمى الرقصة عند الرجال عرضا (فلان عرض في الحفلة ) أما رقص هذا الأيام فهو نتيجة للتلاقح الثقافي والانفتاح على المجتمعات الأخرى وخاصة الغربية فكان الجيركى والتوستى والجمايكا وغيرهما ...
                   |Articles |News |مقالات |بيانات

27-05-2008, 10:02 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24912

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: Ahmed al Qurashi)

    اها يا شيقا نحنا بقينا ناس نوم دحين
    هاك النوامة دى بس ما اجى بكرة والقاك كسرتة رقبتك
    كيمممممممو
                   |Articles |News |مقالات |بيانات

28-05-2008, 03:12 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: فيصل محمد خليل)

    ينصر دينك يا كيموووووووووووووو دا الشغل ولا بلاش
                   |Articles |News |مقالات |بيانات

28-05-2008, 06:42 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الاخ الدكتور احمد القرشي

    يا اخي لك خالص شكري و عميق امتناني على هذه المداخلة القيمة وبالتاكيد انت من الذين توطن في وجدانهم الفن الشعبي .

    الفن الشعبي اخي احمد بدأه السودانيون بالنفير والمعديات والمناسبات وفي زراعتهم كل تلك تتمحور حولها الفنون الشعبية.. ثم بعد هذه المرحلة انتقل لمرحلة اخرى وصار يتناوله الناس (بالدلوكة).

    ان الفن الشعبي السوداني هو وليد (النفير) (وحقيقة النفير في الوقت الحالي تلاشت ).. فالنفير هو القيمة التكافلية الكبرى فالمقداف عنده اغانيه.. والحصاد عنده اغنيات والعيد عنده اناشيده.. وهكذا.. من هنا ولدت بذرة الفن الشعبي.. بحركة الانسان داخل النفير.. وادخلت فيها الطمبور والدلوكته وغيرها من الادوات الشعبية الموسيقية .

    عموما الانسان دوماً بطبعه فنان ويولد فناناً ولكن المهم اكتشاف المجتمع لهذه المواهب هو الذي يعطيها البعد الجماهيري والانتشار..

    لك خالص الود

    (عدل بواسطة الطيب شيقوق on 28-05-2008, 06:46 AM)

                   |Articles |News |مقالات |بيانات

28-05-2008, 07:28 AM

عبده عبدا لحميد جاد الله

تاريخ التسجيل: 19-08-2006
مجموع المشاركات: 2194

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    ود شيقوق
    تحية طيبة
    شكراً على الفيديو الرائع
    يا زول خلاص دخلناه في الجراب عشان نسمعه كلما لقينا فرقه

    تحياتي يا غالي
                   |Articles |News |مقالات |بيانات

28-05-2008, 07:43 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: عبده عبدا لحميد جاد الله)

    الاستاذة اسيا بت الربيع

    صباحك

    Quote: تعرف مره كان عندنا حلقة فى التلفزيون .. كان نفس موضوع البوست ده.. الفيديو ده فيهو رقصة كانت من ضمن الحلقة

    على شمالى الاستاذ الراحل الطيب محمد الطيب .. ثم الاستاذه سعديه الصلحي.. ثم الراحل المقيم دكتور حسبو سليمان .. ثم زميلتي المسرحيه


    ورينا يا اسيا ايش علاقة الراحل المقيم الدكتور حسبو سليمان بتلك الجلسة لانكم كلكم مسرحيون ؟

    حسب علمي الدكتور حسبو سليمان هو جد الاستاذة سلمى عباس صبحى فياريت لو جات الاستاذة سلمى حكت لينا عن طبيعة هذه العلاقة وهل لديها بعض الطرائف عنه ؟


    مودتي
                   |Articles |News |مقالات |بيانات

28-05-2008, 09:20 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الاخ العزيز عبد عبد الحميد جاد الله

    يا اخي سبحان الله والله مشتاقين بالحيل وبقت طلاتك نادرة على المنبرة والحمد لله قلعناك برقيص الرقبة .

    لك عميق مودتي
                   |Articles |News |مقالات |بيانات

28-05-2008, 08:49 AM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    الطيب شيقوق تحية وسلامات

    شكراً على الإمتاع وحرّام ما تنبهنا وراجعلنك بالمهلة
                   |Articles |News |مقالات |بيانات

28-05-2008, 09:24 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: أبوبكر أبوالقاسم)

    قاسم

    كييييييييفك يا اخي تلفون ما برد ليش

    Quote: شكراً على الإمتاع وحرّام ما تنبهنا وراجعلنك بالمهلة



    الله يخليك
                   |Articles |News |مقالات |بيانات

28-05-2008, 09:45 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    بوست ود شيقوق وكلامه الجميل

    وصواني قهوة ود الابارو

    شئ ما يخلص

    بس يا ريت لو كانت الجبنة مليانة قهوة والعجوة معاها والقعدة في قهوة نشاط الدندر والدردشة علي الطبيعة .
                   |Articles |News |مقالات |بيانات

28-05-2008, 09:48 AM

عبد اللطيف السيدح
<aعبد اللطيف السيدح
تاريخ التسجيل: 11-03-2008
مجموع المشاركات: 5384

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: كان محمد احمد عوض يعمل مع الجزار عباس حسن الشهير (بمركب علي الله )



    ود ابارو كيف حالك عبرك احي صاحب البوست شيشوق


    والبوست دايرو روقة شوية لانه ملئ بالمعلومات المهمة وزحمة العمل لاتمكننا من التداخل الفوري

    ( توش كده) خلونا نمشي البيت بالليل ونكب العلوم سوي

    لكن المهم الشئ بالشئ يذكر فالرجل الذي كان معه الفنان والجزار محمد احمد عوض في ذلك الزمان

    في كوستي هو فعلا كما قلت عباس حسن المشهور بمركب علي الله وهو ابن اختي يعني والدته نفيسة بنت الحرم

    بنت عبد الله السيدح وانا والدي الامين عبد الله السيدح وهورجل قل ان يجود الزمان بمثله ولازال مكانه

    شاغرا في كوستي وكان يرحمه منزلة لكل الغاشي والماشي وحلال للمشاكل واخو اخوان وعشا بايتات ومقنع

    كاشفات عليه رحمة الله مات في حادث مروري وبكته كوستي كلها قبل ان يبكيه اهله الجعليون من شندي

    والحديبة ورفاعةو قبيلة الشريشاب وآل سراج النور.
                   |Articles |News |مقالات |بيانات

28-05-2008, 10:26 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: عبد اللطيف السيدح)

    الاخ عبد اللطيف

    Quote: خلونا نمشي البيت بالليل ونكب العلوم سوي


    في انتظارك لنسمع منك عن كوستي يا العشاء البايتات - كوستي يا اخي هى واحدة من محطات حياتي التي لا انساها ابدا عندما قضيت فيها اكثر من عام متدربا في مكتب عبد المحمود الحاج صالح المحامي . كوستي ايها العزيز بداية مشوار اغلب القانونيين فبها يجد المبتدئون تنوع القضايا وعمق الخبرة عند الاستاذ عراقي والمرحومين يحيي محمد ابراهيم وابراهيم الشيخ ومكي وغيرهم .

    ايام قضيتها فيها ولا انسان اعلامها منيب واحمد عبد القيوم وحتى عنبر كوستي .

    في انتظارك اخي عبد اللطيف لنسمع منك المزيد .

    لك ودى

    شيقوق
                   |Articles |News |مقالات |بيانات

28-05-2008, 10:35 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    استاذي حسن طه - ضو القبيلة وعشاء البايتات ومقنع الكاشفات

    Quote: بس يا ريت لو كانت الجبنة مليانة قهوة والعجوة معاها والقعدة في قهوة نشاط الدندر والدردشة علي الطبيعة .


    بطلاق تصادف اجازة معاى ما اخلك اطبقك واوديك للقعدة الجميلة دى وحنسقيك الاحلى من القهوة !!!!!
                   |Articles |News |مقالات |بيانات

28-05-2008, 11:01 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: حسب علمي الدكتور حسبو سليمان هو جد الاستاذة سلمى عباس صبحى فياريت لو جات الاستاذة سلمى حكت لينا عن طبيعة هذه العلاقة

    نعم يااستاذ الطيب د. حسبو سليمان هو جدي خال الوالدة رحمهما الله...

    تقديري

    (عدل بواسطة salma subhi on 28-05-2008, 11:32 AM)

                   |Articles |News |مقالات |بيانات

28-05-2008, 11:55 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: salma subhi)

    سلمى

    Quote: نعم يااستاذ الطيب د. حسبو سليمان هو جدي خال الوالدة رحمهما الله...


    رحم الله الوالدة يا سلمى و هل كان ثمة تواصل بينه وبينكم ولا كان شاغلنو المجانين من زياراتكم؟
                   |Articles |News |مقالات |بيانات

28-05-2008, 02:29 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    Quote: وهل كان ثمة تواصل بينه وبينكم ولا كان شاغلنو المجانين من زياراتكم؟

    د. حسبو كان انسان واصل دايماً يا استاذ الطيب ...ومعروف عنه ولعه بالفن والغناء الشعبي... رحل عنّا لكنه مقيم في قلوبنا بذكرياته الجميلة وبكلماته الطيبة التي لن أنساها ما حييت... رحمه الله رحمة واسعة....
    حاحكي ليك موقف حصل لي....دايماً بنمشي ليه في البيت لكن مرة اتصلت بيه رحمه الله وكنت قريبة من عيادته فقال لي مري علي في العيادة ومنها نمشي للبيت .... مشيت ليه ولقيت العيادة زحمة ...المهم كلمت الممرضة تكلموا اني موجودة برة...ولقيت لي كرسي فاضي قعدت فيه...سألني واحد قاعد جنبي، انت جاية لي منو؟ قلت ليه جايه ازور لي زول هنا و ما اديتو أي تفاصيل! تاني سألني: الزول ده عاقل ولا مجنون؟؟؟ قلت ليه عاقل!!
    طلع بعد شوية جدي حسبو سلّم من بعيد ودخل تاني!! قال لي : انت بتعرفي الزول ده....قلت ليه اي ده الدكتور..
    قال لي الدكتور ده غريب خلاص ، مرة سألناه عن الباب الفي الحيطة؟؟؟ مثّل لي فيها مجنون وقال...لمن تجيبوا المفتاح...نسألوا المفتاح وين راح؟؟؟ يقول لي أكلو التمساح ويقعد يغنّي لينا !!
    سكت ساكت وما رديت!! بعد شوية نادت الممرضة فلان الفلاني ...ما يقوم هو الزول ذاااااااااتوا يا استاذ الطيب !!قلت ليه هو انت بتتعالج هنا؟ قال لي أنا المجنون ذاااااااتوا!!
    طبعاً نططت عيوني!!! وفهمت الحاصل! تاني من الخلعة الدخلتني بالغلط ما مريت على جدي في العيادة!


    نواصل في موضوع الغناء الشعبي...

    (عدل بواسطة salma subhi on 28-05-2008, 02:33 PM)

                   |Articles |News |مقالات |بيانات

28-05-2008, 10:52 AM

وضاحة
<aوضاحة
تاريخ التسجيل: 16-01-2005
مجموع المشاركات: 8989

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: الطيب شيقوق)

    فيثل كتب

    Quote: هاك النوامة دى بس ما اجى بكرة والقاك كسرتة رقبتك





    ما تخاف كيمو

    شيقاااا دا ياهو الكاسرة من باكر

    ربنا يستر


    نزلوا لينا اغانى لرقيص العروس

                   |Articles |News |مقالات |بيانات

28-05-2008, 02:36 PM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: وضاحة)

    Quote: ود ابارو كيف حالك عبرك احي صاحب البوست شيشوق


    والبوست دايرو روقة شوية لانه ملئ بالمعلومات المهمة وزحمة العمل لاتمكننا من التداخل الفوري

    ( توش كده) خلونا نمشي البيت بالليل ونكب العلوم سوي

    لكن المهم الشئ بالشئ يذكر فالرجل الذي كان معه الفنان والجزار محمد احمد عوض في ذلك الزمان

    في كوستي هو فعلا كما قلت عباس حسن المشهور بمركب علي الله وهو ابن اختي يعني والدته نفيسة بنت الحرم

    بنت عبد الله السيدح وانا والدي الامين عبد الله السيدح وهورجل قل ان يجود الزمان بمثله ولازال مكانه

    شاغرا في كوستي وكان يرحمه منزلة لكل الغاشي والماشي وحلال للمشاكل واخو اخوان وعشا بايتات ومقنع

    كاشفات عليه رحمة الله مات في حادث مروري وبكته كوستي كلها قبل ان يبكيه اهله الجعليون من شندي

    والحديبة ورفاعةو قبيلة الشريشاب وآل سراج النور.


    نان انت قايلو ده شن ببقلي لي؟
    مو ودعمي لزم
    وانت زاتك خالي وحاج طه السيدح ابو محمود وجمال خالي برضك علا ما بنتعارف
    والله شرف مابعدو شرف العرفناك ولاقيناك ياخال
                   |Articles |News |مقالات |بيانات

28-05-2008, 02:50 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: روعة الجمري والغناء الشعبي المستصحب برقصة الرقبة ( عوم الوزين) (Re: ممدوح أبارو)

    Quote: نزلوا لينا اغانى لرقيص العروس


    جدا


    ابارو

    الحمد لله الجمعناكم بس اوع تكون متلبط ساى
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de