|
|
|
 Re: تعالوا سريع شاهدوا حفيدي المعجزة بيرقص كيف (Re: abubakr)
|
الباشمهندس أبو بكر
أمال شنو الجماعة في ماليزيا آخر تحايا وترحيبات
وانت لسه قاعد لي بيجاي
كان القصد من الخبر أن نسلط عليك
العريريب يمسخ عليك إجازتك
لكن طلعت آوت المرة دي.
شيقوق
طبعا أخوك جديد في الشغلانة دي
لكن بعد كدا اصبر لي
أمانا ما جاك راجل.
| |
 
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: محمد أحمد الخضر)
|
| Quote: أمال شنو الجماعة في ماليزيا آخر تحايا وترحيبات |
ياود الخضر عند ناس الصحافة المعتاد ليس سبقا فانا اقضي اجازتي كل عام هناك لاسباب تختص يتواجد بنتي هناك ولذا فالسبق الصحفي كان لو قضيتو في مكان اخر..العرريب انا خابر ليهو انت بس اوعك من لدغتو لما يتمسكن ..دة ما مضمون ..
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: abubakr)
|
الباشمهندس أبو بكر
يعني عاوز تقول لي
إنك ما مأجز الآن في ماليزيا
وأنا بنفسي قريت بوست
قبل يومين أوثلاثةمن الأخوان
في ماليزيايرحبون بمقدمكم الميمون
واللا يمكن داسي الخبر من العريريب
خايف يشيل حسك؟؟!!
شيقوق
الباشمهندس نفى الخبر
شوف شغلك معاهو.
سنعمل بنصيحتك بخصوص وضع تعليقاتنابعد آخر موضوع
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: الطيب شيقوق)
|
| Quote: الفاضلابي ما تتحمس للعرريب كده وبعدين يخليك زي الخشب الطافي في العطبراوي احسنلك اول اسعال ود المنسي وود ابارو شن سووا فيهم عرريب السجم دة... اها اكان باريتو ياكا الحتاذن للنوافل ... |
الفاضلاب عملو ليها كبرى .. وبعدين ياابوبكر انا كان غرتوا على مانى شايل هم عشان ام اولادى من كجبار اديل كدى .. اخوها لمان عرس ونسابتو كانو ا كيزان جابوا فى العقد فرقة من الدفاع الشعبى .. والجماعة اصحاب العريس ناس كريستال بلح ساكت راجين العقد ينتهى عشان يصنقعوا .. لكن ناس الدفاع الشعبى كتروا الحكاية ..وكلما يشوفوا العريس مارى بيجنبهم .. يقوموا ليك تهليل.. لااله الا الله .. تكبير .. الله اكبر .. واحد صاحبو من جماعة كريستال البلح جاهو .. قال ليه .. اسمع يا جنابو.. ده عقد ولا غزوة احد..
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: الطيب شيقوق)
|
شيقوق ، ود حفيدك ده عندو زمن خطير ، سويسري بس ، لكن مسئول من الخير ، دحين الشافع دا من الدندر؟
يا شيقوق كان في واحد رائع لايغيب عن حفلات الزواج في الخرطوم اسمو علوبه ، عندو زمن زي ود حفيدك ده
ولوما الحفله لملمو كراسيها ما بيطلع ، في إحدى المرات خرج مبكرا بعد أول أغنيه ، بعض الإخوه سألوهو
وين ياعلوبه ، وين ماش مالك طالع ؟ فأجابهم : ياخ ده فنان أشتر حايلخبت ركبنا ساكت.
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: محمد المرتضى حامد)
|
هسع عليك يا المرتضى اشتر فنانكم ده ولا انت السويت الوليد ود حفيدي عديل .
| Quote: دحين الشافع دا من الدندر؟ |
يعني هي ربابة حيكون من وين يا المرتضى اخوى .
| Quote: ياخ ده فنان أشتر حايلخبت ركبنا ساكت. |
اتخيل بيكون كلامو صاح لانو في ناس ربنا اكرمهم ب Common sense ما عادي اى حاجة ما بتتناغم مع هذا السنس بيعرفوها .
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: مجدي عبدالرحيم فضل)
|
| Quote: شيقا دي حالتها العولمة ما وصلتوا كان البريك والجاز أشتغل قرش ونص (مو كدي) |
ديل اطفالنا يا ابا قصي اغلبهم ضاعوا وضاعت معهم تلك المواهب
تخيل الود ده اكان وجد رعاية مش ممكن يجيب لينا ميدالية من ميداليات الصين دى
؟
اسعدنى وجودك يا الحبيب واسعدنى اكثر اعادة تنزيل اللقطة التي ادمنت مشهادتها وانا ضاحك لوحدى
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: الطيب شيقوق)
|
كتب شيقوق
فيسل هليل
حصل لبست عراقي وسروال طويل وشنقت الطاقية وعلبة البرنجي في جيبك؟
حصل باقي ليك سجارة واحدة ولميتها وقلت ما بتولعها وما بتبخبخ علا لمن تمشى الحفلة عشان السمحات يشوفنك بتبخبخ كيف؟
عراقي شنو يا سجم الرماد
انا كنت بمشي الحفلة لابس شارلستون و شاقي شعري ابراهيم عوض
و قميص ضيق لياقتو بوذ و البنسون في جيب القميص و مفتاح
العربية الولح بيهو بيدي وبقيف و وقفة رومانسية يا دنيا
مافيكي الا انا و عامل ما مهتم بالبنات لازوم اهميات يا حمام
و اعمل ليك حركات ديش كدا في التبشير الود يعني قندف وبتاع
تجي تقول لي برنجي و ابوقندول
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: ممدوح أبارو)
|
Quote: انا كنت بمشي الحفلة لابس شارلستون و شاقي شعري ابراهيم عوض
و قميص ضيق لياقتو بوذ و البنسون في جيب القميص و مفتاح
العربية الولح بيهو بيدي وبقيف و وقفة رومانسية يا دنيا
مافيكي الا انا و عامل ما مهتم بالبنات لازوم اهميات يا حمام
و اعمل ليك حركات ديش كدا في التبشير الود يعني قندف وبتاع |
الله يجازيك كتلتني بالضحك
خليني اسعالك تاني
ات دحين التقلة دى بتكسر فيك البنوت؟
اها لو جوك واحدين هلافيت حلفوا عليك تتدخل تهز في الحفلة بتقدر تفهمهم صادقين ولا قاصدين يقشروا بيك انت ذاتك؟
وهل بتكون انتقائي في الذين يستحقون ان تتدخل تهز معهم في العريس؟
وبعد تهز وتجي راجع بحلفوا عليك يقعدوك في الكرسي المكشوف للناس كلهم وريني يلا بتكون جالس كيف يعني هل بتخلف كراع في كراع ؟ ولو صادفت عينك واحدة بتعاين ليك كيف تتعامل معها بنظراتك ؟
ثم هل بتقتل الحفلة كلها ولا مرات بتزوغ ؟
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: الطيب شيقوق)
|
أبو بكر
من كل قلبي اتمنى لكم قضاء إجازة ممتعة مع ابنتنا العزيزة.
أبوبكر
فيصل
لاحظو مرتضى قال (ود حفيدو)
طبعا مرتضى عارف البير وغطاها
وما خفي أعظم!!
دي فوتوها كيف ؟؟
| Quote: انا كنت بمشي الحفلة لابس شارلستون و شاقي شعري ابراهيم عوض |
فيصل
عفارم عليك. ذكرتنا الأيام الحلوة
طبعا صاحبك العريريب ماشاف الشارلستون
أحسن ترسمو ليهو
أبو هيثم
شكرا على إعادة تنزيل الفيديو بشكل أوضح
خليك دائما معانا.
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: abubakr)
|
| Quote: محامي الغفلة دة بعراقي وسروال حتي يوم ما جا المطار مسافر لعمان لما شافو ناس المطار راكب مع العفش نزلوه وربطوه جنب لستك الطيارة الاسبير ... |
اى والله في صدقت طااااااااااب انا لما جيت المطار كنت بتفرج فيكم انتو المابتستحوا الواحد لابس الشارلستون ومسرح خنفس واتقول الواحد ولدوهو في قاعة المطار عارف ليك دروب المطار واحد واحد انحن بس بنعاين انتو بتسوا كيف ونتبعكم نمد ورقنا محل مديتو انتو لحدى نخفس معاكم جوة الطيارة بس نحن كنا بنقرأ سبحان الذى سخر لنا هذا وما كنا له مقرنين وانتو تدخنوا سااااااااااى وكانو عندكم عود في الطيارة .
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: محمد أحمد الخضر)
|
ياجماعة العرريب ما يسرح بيكم ساي لا شاف شارلستون ولا توم جونز ..محامي الغفلة دة بعراقي وسروال حتي يوم ما جا المطار مسافر لعمان لما شافو ناس المطار راكب مع العفش نزلوه وربطوه جنب لستك الطيارة الاسبير ...
يا باشمهندس
العراقي والسروال وجيتو للمطار عرفناها
بس عوزين نعرف ربطوه جنب اللستك الاسبير ليه
أنا عارف ليه لكين أحسن تجي من بقك
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: محمد أحمد الخضر)
|
| Quote: إن كان شفتا الشارستون صحي وصفوا لينا |
باسم الله الرحمن الرحيم
الشالستونات تلاتة انواع تمثل تلات طبقات :
شالستون ابناء البرجوازيين : هذا النوع بيكون من الترلين وترزيتو معروفين في السوق العربي لا يخيطون الا لهذه الطبقة . وشالستونات هذه الطبقة (اى البرجوازية) ضيق عند الخصر ويروح نازل اسلوب زى عود العصارة لحدى ينزل تحت لياخذ شكل الجريدة البيعملوا التاجر عندما تاتية لسكر او ملح وما عندك ماعون .
جاييك للبقية جونى ضيوف كرهوني النت ذاتو .
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: abubakr)
|
باسم الله الرحمن الرحيم
Quote: الشالستونات تلاتة انواع تمثل تلات طبقات :
شالستون ابناء البرجوازيين : هذا النوع بيكون من الترلين وترزيتو معروفين في السوق العربي لا يخيطون الا لهذه الطبقة . وشالستونات هذه الطبقة (اى البرجوازية) ضيق عند الخصر ويروح نازل اسلوب زى عود العصارة لحدى ينزل تحت لياخذ شكل الجريدة البيعملوا التاجر عندما تاتية لسكر او ملح وما عندك ماعون .
جاييك للبقية جونى ضيوف كرهوني النت ذاتو . |
العربي الكيشه مشى ذاكر و جي
يا محمد احمد الخضر
و زول شفاف خلاص دا من النوع البشف من القاعد
جنبو بضبانته يعني حتى اسم الزول الشفه منو
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: الطيب شيقوق)
|
| Quote: أخوى شايف الرطانة ضايقوك طااااب فى الطواف اصرف ليهم من اللى فى الألبة (العلبة) اللى فى العلبة ده بيعرفوا أبوبكر وفيسل التاس ديل أنا شابف بحرهم تسّب وضايقك طاااب دحين كان درت لك شوال شوالين بتاعات تراب عشان تعلّى ترسك قول لى أخوك عوووك |
الفاضلابي
اصبر لي ناسك بدودر فيهم بالطوالة خليني اقنطرهم ليك وشوتهم ضفاري
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: الطيب شيقوق)
|
| Quote: اصبر اوصف ليكم حقكم انتو المشترنوا بالقريشات البيعصرنهن ليكم خالتكم وعماتكم وقتين تجوا راجعين المدرسة من الاجازة والبيكون فيهو خيوط منبرشة مع كفتو التحت وقميصكم معاهو تحرمنى منك . |
الفاضلابي
حبابك عشرة
أولا: انت دحين ماك من فاضلاب أم الطيور غرب أتبره
نفسك لذيذ ذيهم. يعني يا خوي عكادي عديل.
ثانيا: أنا ذي دا ما لبسته لضيق ذات اليد
لكن بيني وبينك كان يجنن!!؟؟
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: محمد أحمد الخضر)
|
نفسك لذيذ ذيهم. يعني يا خوي عكادي عديل.
ود الخضر الفاضلابي ده صاحبي اشتغلنا في المحاماة فترة عشرة سنوات في ولاية سنار ومن الرجال الندّر. وهو راجل فيهو الكرة والدرة ( الكرة والدرة ياالرطانة تشبيه بالبقرة النطوح وحلوب ) ديل مشكلة نطوح وحلوب ذاتها بيكونوا ما ناقشنها .
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: عبدالفتاح أبوشيمة)
|
Quote: الفاضلابي
حبابك عشرة
أولا: انت دحين ماك من فاضلاب أم الطيور غرب أتبره
نفسك لذيذ ذيهم. يعني يا خوي عكادي عديل.
ثانيا: أنا ذي دا ما لبسته لضيق ذات اليد
لكن بيني وبينك كان يجنن!!؟؟ |
ود الخدر عوافى
يانى من الفاضلاب وناس أم الطيور أبناء عمومة والنسب متداخل والعكد دى بالشرق يقطع سيرتها باقى زمن الجامعة واحدة منهم مديانى شاكوش كان مابقيت فاضلابى كنت لليلة نضمى كتر من سماحتها لكن الرطانية المعاى دى سدّت الفرقة , والدنيا أصلها من يوما مدردرانى ومن محنها معاى لمّتنى فى المسنوح ود شيقوق المغلّب الدنيا ده تزازى بينا نامن وصلتنا محل وصل ذو القرنين.
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: فيصل محمد خليل)
|
| Quote: يانى من الفاضلاب وناس أم الطيور أبناء عمومة والنسب متداخل والعكد دى بالشرق يقطع سيرتها باقى زمن الجامعة واحدة منهم مديانى شاكوش كان مابقيت فاضلابى كنت لليلة نضمى كتر من سماحتها لكن الرطانية المعاى دى سدّت الفرقة , والدنيا أصلها من يوما مدردرانى ومن محنها معاى لمّتنى فى المسنوح ود شيقوق المغلّب الدنيا ده تزازى بينا نامن وصلتنا محل وصل ذو القرنين. |
الفاضلابي
شفت فراسة أخوك. يمين عرفتك من نضمك بس.
لن انس تلك الأيام الخوالي عندماكنافي الداخلية
بمدرسة عطبرة الثانويةالحكومية ونحن نستمع في الليالي المقمرة
إلى الدوبيت الذي كان يشدو به الأروتية عبر النهر في قرية أم الطيور
بأصواتهم العذبة مع سكون الليل وأنين السواقي.
متخيل المشهد طبعاً.
نوستالجيا، لكن لا بد منها أحيانا، مش ؟!
قلت لي كيف، العكادية قربت تجيب خبرك
لكن يا بخيت الحال أهو ربنا نجدك بالرطانيةالمعاك
وباين عليهابت حلال وكفاية انها لمتك في المسنوح الرائع ود شيقوق
لكما صادق الحب والمودة.
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: abubakr)
|
كتب محمد احمد الخضر
Quote: ونحن نستمع في الليالي المقمرة
إلى الدوبيت الذي كان يشدو به الأروتية عبر النهر في قرية أم الطيور
بأصواتهم العذبة مع سكون الليل وأنين السواقي.
متخيل المشهد طبعاً.
نوستالجيا، لكن لا بد منها أحيانا، مش ؟! |
بليغ يا محمد ود الخضر
فجاءة كدا دخلت في عالم تاني
وكأني اقرآ عرس الزين
فعلآ نوستالجيا
دمت
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: محمد أحمد الخضر)
|
| Quote: ودالخضر .. ات كمان عطبراوي .. بس لما كنت انا هناك في ذات المدرسة زمااااان (الستينات) ناس الفاضلابي وام الطيور كانو بيجو يالبنطون !! وما كانو بدوبو ... |
أبو بكر
أنا عطبراوي وأموت في عطبرة.
قريت فيها الأولية والوسطى والثانوي
ومعظم أهلنا الحنان هناك.
كدا قول لي يا باشمهندس بالصراحة
انت دفعة ياتو سنة في عطبرة الثانوية؟
تكونش دفعتي وأنا ماعارف؟؟
وانت الصادق في زمنا كانو ناس الفاضلابي يعدو البحر بالمراكب
مش كدا يا فاضلابي؟
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: abubakr)
|
| Quote: 1963 الي 1967 اربع سنوات الا كام شهر قضيتهم في وادي سيدنا في البدايى قبل ما اتنقل الي عطبرة |
يا باشمهندس أبو بكر
ما كنت عايزك تعترف بالسهولة دي
عشان ما ندي العريبي فرصة
على أي حال طالماألأمر كذلك
أخير أنا كمان اعترف
أنت جيت لعطبرة الثانوية بعدتخرجنا بثلاث سنوات
| |
|
|
|
|
|
|
|
|
|
Re: تعالوا سريع شاهدوا حفيدي المعجزة بيرقص كيف (Re: abubakr)
|
| Quote: ات ما عندك ضروس اها بتبلع ساااي |
خليني انا ات هسع في كولا لامبور؟
ونازل فندق خمسة نجوم ؟
بتفطر بشنو ؟
وتتغدى بشنو؟
وعندهم ADSL?
وبترجع متين؟
المهمة رسمية ولا ترفيهية سااااااااى يعني قدلة في ارض الله الواسعة ؟
اوع تكون عندك استثمارات هناك ؟
| |
|
|
|
|
|
|
| |
عبدالعزيز الفاضلابى
عبدالفتاح أبوشيمة
abubakr
الطيب شيقوق
محمد أحمد الخضر
محمد المرتضى حامد
فيصل محمد خليل
kamalabas
مجدي عبدالرحيم فضل
ممدوح أبارو
rosemen osman
ماجدة عوض خوجلى
هاشم أحمد خلف الله
اسامه خليفه
محمد فضل الله المكى
فيس بوك
تويتر
انستقرام
يوتيوب
بنتيريست