رجـل مـطـلًـق..

مرحبا Guest
اخر زيارك لك: 04-27-2024, 03:44 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة رجاء العباسى(Raja)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-29-2007, 04:34 PM

عفاف أبو حريرة
<aعفاف أبو حريرة
تاريخ التسجيل: 12-28-2006
مجموع المشاركات: 1818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رجـل مـطـلًـق.. (Re: سلمي النصري)



    حال اللسان
    جعفر السقيد

    أنا ما كنت داير الاغتراب لكني مجبور ابتعدت
    حسيت متل غمز الحراب وفي أنه الصبر النكد
    أرجع وأقول إنتي السبب
    قلتيها لي ما بترضي بي عيشة وسط
    دايرها فوق عيشة رغد
    قاريهو في عيون الصغار طلباتم الما ليها حد
    حسيتو في عيناك سؤال احترت ما لاقيلو رد
    نظراتك الحادة النبال سيطان بتلهب في الجسد
    وانا كنت صابر زي بلال كان ردي ليها أحد أحد
    الكاتمو في جواي كتير من حرقتو الجوف اتهرد
    ما كنت قاصد أقولو ليك لكن لسان الحال سرد
    ما بنسى يوم ودعتكم وبي حسرة غادرت البلد
    ختيت على جرح الفؤاد فُرق البيات والولد
    ما اعتدت أفارق للصغار والوجعة فرق الفي المهد
    زفر القليب آهات حزان حسيتبو جواي ارتعدت
    كان انتي شوقك لي بحر كيفني انا المكتول كمد
    خليت لك الروح والقلب سافرت بي باقي الجسد
    عارفك حريصة على العيال فوقك بعد الله اعتمدت
    في الحارة تسوي لك رجال للمايلة والمحتاج سند
    اتغشن القالن وراي هلن لي نجمات السعد
    ما اتغربن وضاقن معاي مر عيشة الهم والنكد
    لو عني كررتي السؤال أنا بني وبين الفرحة سد
    سهّيت وغايتو علي حال يعلمو الفرد الصمد
    عزّابي في قاطوع صغير في ضيقو زي ود الأحد
    في السوق صباحات الله خير حايم وازازي بلا غرض
    الزي بيهو الليل يطول يتقلى فوق جمرو الوقد
    اتوقعى البجي ليك يقول فى الغربة محبوبك فقد
    ما كنتا داير اقولوا ليك
    البي ده ما بيغبالوا زول يحكيهو طرفى الما غمد
    سنتين افتش فى كفيل لى حالى فد زول مانشد
    في التالته رب العزه قال حامدنو حلال العقد
    مكتب ولا كان في الخيال في الفاره الدوار قعد
    عربية والراتب كبير رابطلى خرزه من الحسد
    بليتو عروق صبري المرير عزه ورفاهيه وسعد
    لكنى يا حظي التعيس تميتلى شهرين اترفد
    قالوا الوظيفة اتعممت ومحجوزة لى سيد البلد
    شوفى الضرائب فوقى كم كان جيت افكر في البلد
    وزى الكلام ده يزيدنى هم ويرفعلى افراز الغدد
    قوليها لا تهابي الحروف كان فى غيابي الشوق برد
    البي ده كلوا من الظروف والله مالى فيهو يد
    اليبقي في نفسو الحرير واخدنوا من فك الاسد
    بي ضحكة بي ابواب جحيم بي دمعة يتبلابا خد
    أن شان رضاك أرحل بعيد لى غربة لى دمعة وسهد
    وانا فيها ساهي البال شريد افكارى فيكم وفي البلد
    سامحينى لا تقابلي الظنون مازلنا بيناتنا الوعد
    والغربة من أجلك تهون وطعم العذاب يصبح شهد
    جوابك الظاهرو الوداد وكاتباهو بي دمع الحرد
    يجى ردوا فى نفس الميعاد نتلاقى في طايرة الأحد.
    __________________



    ***********************************************************

    ده الحال منذ الازل بين حواء وادم
    ***********************************************************

    (هي)
    [size=6]معذرة لو معاك منى الكلام حـره ومعليـش الخطـاب كتباهـو مضطـرا
    حرام والله مننا إنت تتبرا خمسـة سنيـن تفـوت تجـى فيهـا فـد مـره
    وراك أنا كم شقيت وعشتا فى مره وتعبت من البطان الهم للعيـون غـره
    بيخاف الغرق الغاص وراء دره وقالوا أدب الصغار والعقـدة مـن خـدره
    حليلى أنا الزمن ضى خاطرى ما انفرا وخمسة سنين غياب ما بتحملن حره
    أنا الحاضنة العذاب وآمالى محتضره وإنت الفى النعيم ماخات حساب بكره
    مسكينة التقول فى الإغتراب ستره وتتناسى القروش فى يوم تكـون ضـره
    حليل زمنك وكت عايشنا بالأجره يـا ريـت لا عرفـت ولا مـرق بـره
    الكاتـمـا فــى جــواى كتـيـر متمـلـك الـجـوف والـعـصـب
    ماكنـتـا دايــره أقــول لـيـك لـكـن لـسـان الـحـال غـلـب
    مــا بنـسـي يــوم ودعتـنـا وسافـرتـا فــى غــرة رجــب
    خـلـيـت وراك الـدارحـزيـن يتـبـاكـى والـدمــع إنـسـكـب
    أعذرنـي والله العظيـم لــو مــا الـضـروره أنــا مــا كـتـب
    وأن خايفـه يكـون فـى بعـدك الضـاع هــو نـصـف المكتـسـب
    اليـومـه داك نــاس الـبـلـد حـيـونـى شايـقـيـة وعـــرب
    قالـو لـى مبـروك خيـر وجــاك يكـتـب سلامـتـو الإغـتـرب
    قالـو لـى دوب نـجـم السـعـد طـلاكـى مــن بـعـد إحتـجـب
    يــا دوبــو بـالـك يستـريـح وتنـسـي العـذابـات والـتـعـب
    فضلـت أحسـب فـى الشهـور قاعـدالـى فــوق نـيـران لـهـب
    صابـرة وحريصـة علـى العيـال لا يبقـول للريـح فــى المـهـب
    سديـتـا خانـتـك مــن مشـيـت قايمـابـو واجـبـى كــأم وأب
    والأســرة يضنيـهـا المسـيـر تتـهـاوى لــو مــا فيـهـا رب
    والله مــا بنـكـر جميـلـك بـرضـو ليـنـا ثـنــاك وجـــب
    موكـب هدايـاك مـا انقطـع كـان ستـرة فـى الـزمـن الصـعـب
    ماكلـيـن ولابسـيـن والنعـيـم كايلـنـا فــى يــوم مـانـضـب

    وعايشـيـن معيـشـة المترفـيـن طولـنـا والـطـبـع إتـخــرب
    حامـدنـوا كـــان قـلـتـا الأكـــل والله للـتـيـن والـعـنـب
    أمــا الجنـائـن شـيـلا كــاب وافـريـن فـواكــه والـعـنـب
    البـيـت مـفـروش بالـحـريـر ملـيـانـه إيـــدى بـالـدهـب
    لكـن خسـاره علـى محـل عـاش سيـدو خمسـة سنـيـن عــزب

    الشـئ المهـم ماقلـتـو لـيـك وليـهـو إنــت ماظنـيـت حـسـب
    كـبـرو الصغيرونـيـن خــلاص خايفـالـن الـطـبـع الـكـعـب
    وصلـوهـا مرحـلـة الخـطـر والأمـــن مـــازال مسـتـتـب
    وانــا كــت قـادراهـم زمــان لـكـن بـعـد كـبـرو إتغـلـب
    حصلـنـى قـبـل الـجـد يـفـوت دوبـنـهـم فـــوق الـعـتـب
    قبـال نحصـد الخيـر نـدم ومـا بيجـدى كــان لـمـت وعـتـب
    خايفالـم الطيـش فـى الـدروس ومـا برضـى لـو واحـد رســب
    خـوفـى المتعبـنـى الكـبـيـر بـعـديـن يـمـرقـو بـــلا أدب
    وريـتـك الحـاصـل عـلـى لافـيـهـو ثـــورة ولا غـضــب
    شـان الحديـث مــا يبـقـى نــى والـواحـة يكتنـفـا الـجـدب
    أنـا قلبـى مــازال لـسـه حــى ونجـمـو الملـهـج مـاغـرب
    باكـر كـلامـى تــردو لــى لا ابـقـى بـكـره أنــا السـبـب
    [/size]

    (عدل بواسطة عفاف أبو حريرة on 04-29-2007, 09:20 PM)
                  

العنوان الكاتب Date
رجـل مـطـلًـق.. Raja04-27-07, 07:41 PM
  Re: رجـل مـطـلًـق.. ASAAD IBRAHIM04-27-07, 08:17 PM
    Re: رجـل مـطـلًـق.. Raja04-27-07, 09:01 PM
      Re: رجـل مـطـلًـق.. ASAAD IBRAHIM04-27-07, 09:21 PM
        Re: رجـل مـطـلًـق.. Raja04-27-07, 09:57 PM
  Re: رجـل مـطـلًـق.. تماضر الخنساء حمزه04-27-07, 08:28 PM
    Re: رجـل مـطـلًـق.. Raja04-27-07, 09:04 PM
  Re: رجـل مـطـلًـق.. عاطف عمر04-27-07, 09:33 PM
    Re: رجـل مـطـلًـق.. بدر الدين الأمير04-27-07, 09:54 PM
      Re: رجـل مـطـلًـق.. Raja04-27-07, 10:15 PM
    Re: رجـل مـطـلًـق.. Raja04-27-07, 10:08 PM
  Re: رجـل مـطـلًـق.. Mahadi04-27-07, 09:50 PM
    Re: رجـل مـطـلًـق.. Raja04-27-07, 10:33 PM
  Re: رجـل مـطـلًـق.. essam&amal04-27-07, 10:21 PM
    Re: رجـل مـطـلًـق.. Raja04-27-07, 10:33 PM
  Re: رجـل مـطـلًـق.. سلمى الشيخ سلامة04-28-07, 01:28 AM
    Re: رجـل مـطـلًـق.. عبدالله شمس الدين مصطفى04-28-07, 02:30 AM
      Re: رجـل مـطـلًـق.. ابو جهينة04-28-07, 07:56 AM
        Re: رجـل مـطـلًـق.. Raja04-29-07, 01:32 AM
      Re: رجـل مـطـلًـق.. Raja04-28-07, 10:01 PM
    Re: رجـل مـطـلًـق.. Raja04-28-07, 05:12 PM
  Re: رجـل مـطـلًـق.. عاطف عمر04-28-07, 09:07 AM
    Re: رجـل مـطـلًـق.. Raja04-29-07, 07:44 PM
  Re: رجـل مـطـلًـق.. د.محمد حسن04-28-07, 11:41 AM
    Re: رجـل مـطـلًـق.. Noon304-28-07, 01:24 PM
      Re: رجـل مـطـلًـق.. Raja04-29-07, 10:49 PM
        Re: رجـل مـطـلًـق.. Raja04-30-07, 04:28 PM
    Re: رجـل مـطـلًـق.. شهاب الفاتح عثمان04-28-07, 01:41 PM
    Re: رجـل مـطـلًـق.. Raja04-29-07, 10:06 PM
  Re: رجـل مـطـلًـق.. سلمي النصري04-28-07, 01:41 PM
  Re: رجـل مـطـلًـق.. Raja04-28-07, 03:51 PM
    Re: رجـل مـطـلًـق.. غادة عبدالعزيز خالد04-28-07, 03:59 PM
      Re: رجـل مـطـلًـق.. منذر نقدالله04-29-07, 01:47 AM
        Re: رجـل مـطـلًـق.. EL fahal Abdelatif04-29-07, 07:43 AM
          Re: رجـل مـطـلًـق.. bent-elassied04-29-07, 09:59 AM
  Re: رجـل مـطـلًـق.. سلمي النصري04-29-07, 12:44 PM
    Re: رجـل مـطـلًـق.. عفاف أبو حريرة04-29-07, 04:34 PM
  Re: رجـل مـطـلًـق.. Raja04-29-07, 05:43 PM
  Re: رجـل مـطـلًـق.. walid taha04-29-07, 05:56 PM
  Re: رجـل مـطـلًـق.. Raja05-01-07, 06:29 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de