|
Re: منظمة الصحة: الإنفلونزا أصابت 4694 على مستوى العالم.. وقتلت 53 على الأقل!! (Re: Rihab Khalifa)
|
Quote: شكرا يا جني علي المقال المستغربه ليه هو عدم الاهتمام بالحاجه دي في محيطنا في الجامعه بانجلترا اصدرو لينا كميه من المعلومات و كلمونا عن كميه من الاحتياطات تخلي الواحد يخاف |
يا رحاب بخافوا الموسوسين زى ناس جنى! ما باقى الا اطلع اولادى من المدارس! ناس البورد حقننا ديل محجبين! لا انفلونزا خنازير لا كساد ولا زلازل ! هلال مريخ وعاصم البنا وحنان بلو بلو! هسة اخوك ملاوز من ناس العمرة والحج! طبعا لو اى واحد الله قدروا يقول ضوابط للحج والعمرة الله قال بى قولوا شى جهاد وشى تكفير وشى اهدار دم! وانفلونزا الخنازير معجزة قرآنية! طيب لو معجزة مفروض ما تصيب المسلمين! طبعا الناس حتجى الحج والعمرة من كل فج عميق وتتزاحم زى بصات الحاج يوسف وام بدة والكلاكلات والواحد يفتح للتانى خشمو ويكح ليهو فيهو يعنى لو خليت مناخيرك فى البيت ما فى طريقة وطبعا الحجاج كلهم متعجلين ويقوموا يشيلوا انفلونزا الخنازير دى يودوها لى بلادهم وبعداك تسمع وقرض الناس قرض! غايتو انا ما اوصيكم تعملوا لى نعى مجيه ما تكلفتونى ساكت! جنى
|
|
|
|
|
|