|
Re: بوست للدعاء للوالدين ( مرفق فيديو مؤثر جداً ) ............. (Re: عمران حسن صالح)
|
Quote: الكلام أهداء لوالدة الأخ طارق المكي ولي الحاجة زكية ولي كل الأمهات
ـــــــــــ بتمد الضو من بطن الليل ... بتخلي النيل طعموا السكر ماعونك يمة حضور الغيم جايب المطرة! شان فيكي الفال وحلم بكرة وفيكي السترة ! ماعون ساساق في الحلة ... ما بغرف ألا الزِّلة ! أتوكلي يمة علي الله ... أنشاء الله وليدك يتعلّي وما يتدلّي !
نفسي حنينك يبقي الغيمة .... يبقي مواسم فرحة جديدة يشحد منك ضل القمرة وضي الزهرة يطلب أيد النيل والنخلة... سبيطة و جدول ونشوة شجرة يشاغل فيها النيل بي حنينوا و يغمز عينوا ! يقول يا يمة المركب وينوا ؟؟! وين الضفة ؟ وين الموج الطاهر عفــة ؟ وينها غناوي الزمن الألفة؟! يا نعناع الزمن الطيب معاه قرنفل وحبة قِرفة !
نفسك طعموا الليل السكر وضحكة غيمة وقمراً يسطع شافلوا نجيمة نفسك شوق النيل لي مركب ... حنين أمواجوا و لهفة شيمة !
و أنتي هناك ... بطلب برضو عفوك ورضاك أريتني جناك ! ساعة قلية بُنّك بدري أريتني حداك بطلب ليك الحج والجنة ...لما الليل الحالك جنَّ وطارق..... يلقي الفال والحنة !! يانا ولادك ونحن قصادك من تبينا نحن بعادك بيه شقينا ..!
آآآه يا حسرة !!! بطراك في حلة مفروكة وقرنين شطة و طرقة كسرة ! وبراد شاي في نص الحوش نتونس بيه مع القمرة ! بطراك في طلة علي الجيران مرقة تربالي علي المسرة
بطراك في سجدة ومصلاية شايفك في سورة وفي آية شايفك في مقطع دوبيت شايفك في قدلة غناية لمة حيران فوق نار قرآن في لوح ومصاحف ودواية شايفك شاية و شايفك راية!!!
ـــــ ختاماً ربنا يديك الصحة والعافية واللا أقول ليك أسمحي لي أديكي الدعوة الحبيبو نورانية المستجابة ربنا ينجيكي و يغطيكي و يخليكي و يهنيكي و يضاريكي و يعليكي وما يدليكي ومحل ماك دايرة يوديكي |
من بوست حبيب نورة : أم !!!
|
|
|
|
|
|
|
العنوان |
الكاتب |
Date |
بوست للدعاء للوالدين ( مرفق فيديو مؤثر جداً ) ............. | عمران حسن صالح | 05-07-09, 04:09 PM |
Re: بوست للدعاء للوالدين ( مرفق فيديو مؤثر جداً ) ............. | عمران حسن صالح | 05-07-09, 04:13 PM |
Re: بوست للدعاء للوالدين ( مرفق فيديو مؤثر جداً ) ............. | عمران حسن صالح | 05-07-09, 06:38 PM |
Re: بوست للدعاء للوالدين ( مرفق فيديو مؤثر جداً ) ............. | عمار عبدالله عبدالرحمن | 05-07-09, 08:05 PM |
Re: بوست للدعاء للوالدين ( مرفق فيديو مؤثر جداً ) ............. | عمران حسن صالح | 05-08-09, 04:32 AM |
Re: بوست للدعاء للوالدين ( مرفق فيديو مؤثر جداً ) ............. | عمران حسن صالح | 05-10-09, 08:09 PM |
Re: بوست للدعاء للوالدين ( مرفق فيديو مؤثر جداً ) ............. | حبيب نورة | 05-10-09, 08:18 PM |
Re: بوست للدعاء للوالدين ( مرفق فيديو مؤثر جداً ) ............. | HAIDER ALZAIN | 05-11-09, 12:49 PM |
Re: بوست للدعاء للوالدين ( مرفق فيديو مؤثر جداً ) ............. | سامى عبد الوهاب مكى | 05-14-09, 12:22 PM |
Re: بوست للدعاء للوالدين ( مرفق فيديو مؤثر جداً ) ............. | الشيخ إبراهيم الشيخ | 05-14-09, 01:07 PM |
|
|
|