|
|
 'إنت ليه ما بتمسك ايدي واحنا طالعين سوا؟'
|
Typical Sudanese ??
--------------------------------------------------------------------------------
--------------------------------------------------------------------------------
مجكسين
'إنت ليه ما بتمسك ايدي واحنا طالعين سوا؟'
'لأ طبعاً يا روحي... أفرضي زول من اهلك شافنا؟ ولا واحد من أهلي؟ على الاقل كِده بنقدر نزوغ من الزرزره, لكن إن شاء الله يا حبيبتي باكر آخدك وامسك إيدك قدام الدنيا كلها '.
..................................
مخطوبين
'إنت ليه ما بتمسك ايدي واحنا طالعين سوا؟'
'علشان ما داير زول يعلّق علينا ويقول الجماعة ما مصدقين انهم مخطوبين...
وبعدين
بصراحة كده أنا ما برضى أي زول يتكلم على حبيبتي...
..................................
متزوجين
'إنت ليه ما بتمسك ايدي واحنا طالعين سوا؟'
'يا حبيبتي إحنا ما مراهقين عشان نقعد نمسك إيدين بعض في الشارع وكده!!....
إحنا اتنين
متزوجين ومحترمين وعندنا بيتنا نسوّي فيهو اللي عاوزينه'..
..................................
متزوجين وعندهم عيال
'إنت ليه ما بتمسك ايدي واحنا طالعين سوا؟'
'يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!'
مُصيبة شنو الوقعنا فيها دي يا ربي؟؟؟
..................................
بعد 25 سنه من الكفاح المُسلـّح
'إنت ليه ما بتمسك ايدي واحنا طالعين سوا؟'
'إيد شنو دي اللي بمسكها هسه بعد العُمُر ده! إنتي دايره راجل بـِتـّك يقول علينا كبرنا وخرّفنا؟!
يا وليّه أكبَري عليك الله
|
|
 
|
|
|
|
|
|
|
 Re: 'إنت ليه ما بتمسك ايدي واحنا طالعين سوا؟' (Re: Halema2)
|
صحي ليه الراجل السوداني مابمسك يد مرتو في الشارع ؟
ليه بيمشي قدامها تلاتة كيلو لي قدام ؟
هسي في مصر ( الشغيغة) والله تلاقي الراجل مااااااااسك
يد مرتو زي العجب إشمعنا السودانية لا ياربي يدها مالها يعني ؟
غايتو جنس حقارة ياخ !!
ست البوست العسل ازيك ياغالية
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: ابو جهينة)
|
| Quote: 'إنت ليه ما بتمسك ايدي واحنا طالعين سوا؟' |
ياخي دي متفائله خلاص
هو لو مشي في الشارع بكون ماشي وراها او قدامها بكم متر كده
وفي نوع كده لما يكون طالع مشوار واحد مع زوجتو بقول ليها اسبقيني وانا بحصلك
والله سمعتها بأضاني البياكلها الدود دي
......
واحده قالت لزوجها انت بتمشي وراي عشان ما يشاغلوني ولا شنو ؟
قال ليها : لا .. عشان ما تتلفتي :D
سلامات حليمه
ولازال السؤال قائم برضو
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: نوفل عبد الرحيم حسن)
|
ازيك يا نوفل
وفي نوع كده لما يكون طالع مشوار واحد مع زوجتو بقول ليها اسبقيني وانا بحصلك
والله سمعتها بأضاني البياكلها الدود دي
عارف اسبقينى وانا بحصلك دى بتتقال كتير لكن افتكر الحكمه تكون لانه عاوز يعاين فى المرايه كويس وما دايرها تشوفو
والله اعلم
تحياتى
والسوال مدور لسه
حليمه
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Halema2)
|
انا ماسك مرتى فى شارع الخور ... بين الرابعة والسابعة فى الثورة ..... جات ماشة بى جنبنا ركشة ...
فى واحدة سغيلة كدا مرقت راسا من جوة الركشة .... يعنى فى الحقيقة هى مرقت كلها لمن قربت تقلب الركشة ...
وكوركت فينا ... "كدا غلط .... كدا عيب ..." ....
انا طبعاً - اثناء ما مااااسك قووووى - كورت فيها طوالى ...
"عيب وغلط انتى ..... وبتاع الركشة ..." ....
قلت للحنان ... "انا جاى من آخر الدنيا .... كان ما جكست فى شارع الخور .... اجكس وين؟" .....
.... المهم .......
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: تبارك شيخ الدين جبريل)
|
دى يا حليمة اسمها دغالة نسوان
و زرزرة ساكت .......
انتو الا يمسكو ايديكم؟
و لو مسكوها بكرة تجو تقولو ليه ما ماسكين "كرعينا"
و لو مسكو "الكرعين" تجو بالرقبة
و الخ ...........
غايتو الشفتو في المستشفي جنب عثمان ده الا يمسك الحجر الاسود
كان ترضو
تحت تحت كده: قصتنا صعبة , رجال و نسوان
ما تحكوها شدييييييد ...... بتعوقو ليكم زول
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: esam gabralla)
|
حليمة
| Quote: اشرح لينا اكتر يا دكتور |
الإفصاح عن المكنونات عند خلق الله بتكون مسك الأيادي .. كلمة حلوة ... كلمة إمتنان ..و لكن نحن من دون خلق الله .. : في الحب لازم نكون أحرص من أم قشعم و في الخطوبة أتقل من أم زينهم الصعيدية التي زغردتْ لبنتها التي قالت لخطيبها الذي أمسك يدها لتتفادى سيارة مسرعة بالشارع : سيب إيد البت جاك قطع إيدك ..
أما بت السنجك فقد قال لزوجها الذي أمسك بدها بحميمية ليلة الدخلة و هي تسحب يدها حتى إنكفأ على وجهه : سيب سابك البلا .. هاك ألِوا ( يعني هاك قم بلويها إن إستطعت ) ..
و هكذا يا حليمة .. تبقى الأيادي للسلام و تناول اللقيمات التي تقمن الصلب ( هذا إن بقي صلب يقيم الأود أو القعاد )
تسلمي
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: esam gabralla)
|
عصام اخوى
صباح الخير
والله كلامك ضحكنى بالذات
Quote: و لو مسكو "الكرعين" تجو بالرقبة
|
نحن لعلمك يعنى المسك دا عندنا البدايه وبعداك المساله بتمشى يعنى لوما مسكنى فى الشارع بقع والوقعه دى صعبه جدا , فهمت على
اما قصتنا البايظه دى والله نحن حننق فيها كدا لحدى ما تتصلح ما عندنا حل وانتوا لازم تنقوا معانا
Quote: غايتو الشفتو في المستشفي جنب عثمان ده الا يمسك الحجر الاسود
|
حرام والله ظلمت الراجل وموكد الدقن هى الظلمته, انا ما حادافع عنو لكن اسأل الكان معك ابوراس داك ولا تعال فى زيارتك الجايه وزورنا.
نرجع لموضوعنا
نحن حنزرزر وحنزرزر لحدى ما اليدين دى تتمسك
تحياتى
حليمه الماسكين يدها اليوم كلو
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: تبارك شيخ الدين جبريل)
|
حليمة
| Quote: اشرح لينا اكتر يا دكتور |
الإفصاح عن المكنونات عند خلق الله بتكون مسك الأيادي .. كلمة حلوة ... كلمة إمتنان ..و لكن نحن من دون خلق الله .. : في الحب لازم نكون أحرص من أم قشعم و في الخطوبة أتقل من أم زينهم الصعيدية التي زغردتْ لبنتها التي قالت لخطيبها الذي أمسك يدها لتتفادى سيارة مسرعة بالشارع : سيب إيد البت جاك قطع إيدك ..
أما بت السنجك فقد قال لزوجها الذي أمسك بدها بحميمية ليلة الدخلة و هي تسحب يدها حتى إنكفأ على وجهه : سيب سابك البلا .. هاك ألِوا ( يعني هاك قم بلويها إن إستطعت ) ..
و هكذا يا حليمة .. تبقى الأيادي للسلام و تناول اللقيمات التي تقمن الصلب ( هذا إن بقي صلب يقيم الأود أو القعاد )
تسلمي
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: ابو جهينة)
|
Quote: عارف اسبقينى وانا بحصلك دى بتتقال كتير لكن افتكر الحكمه تكون لانه عاوز يعاين فى المرايه كويس وما دايرها تشوفو
والله اعلم
|
كده انت فتحتي باب تاني ... لكن المره دي ما علينا .. علي النساء
أكتر حاجه بتطلع شياطين الزوج لما يقول لزوجتو اجهزي نحن طالعين قبل 5 ساعات
ويجي بعد 10 ساعات ويلقاها لسه ما طلعت ولا جاهزه تطلع .. وبعد دا تقيف 15 ساعه قدام المرايا
اخلاقي بتجي ( هنا ) لما تكون طالعه معاي واحده من اخواتي او زوجة اخوي
لكن ما معروف يمكن بعد العرس والهرش الكتير اخلاقنا تبقي رياضيه :D
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: نوفل عبد الرحيم حسن)
|
الموضوع ده برجعنا للنقطة بتاعت الافتخار بالزوجة يا حليمة.. تعرفي... اعتقد انه المشكلة ما بس show of afection تجاه الزوجة.. حتى تجاه الاخت.. قليلين البتلقيهم ماشين جنب اخواتهم... بكون محرج انه يتشاف معاها! غايته عقدكم عقد يا اخوانا...
في الاردن.. الصيف جميل جدا.. اول ما تجي الساعة اربعة، الجو ببقى رهيب... الخلق كلها بتطلع بغرض انهم يتمشوا.. (يعني موش ماشين مشوار).. وثااابت المرأة بتكون "متأبطه" يد زوجها.. والخطيبة يد خطبيها..
*في الاتجاه المعاكس.. ممكن الراجل (خاصة في بلد الغربة) تكون عنده رغبة يظهر محبته لزوجته in public.. لكن هي البتندّمه على اليوم الشافها فيه..
بنت الحسين
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: مريم بنت الحسين)
|
سلام مريوم الحبيبه
Quote: حتى تجاه الاخت.. قليلين البتلقيهم ماشين جنب اخواتهم... بكون محرج انه يتشاف معاها! غايته عقدكم عقد يا اخوانا...
|
الاحراج فى شنو نفسى افهم ’ ياخى ما الخلق دى كلها عندها اخوات وزوجات المشكله شنو انك تهتم بالجنبك دى وتسيب الناس ديل شويه
| Quote: ]الموضوع ده برجعنا للنقطة بتاعت الافتخار بالزوجة يا حليمة |
عليك نور يا مريم وزى ما قلتى هى نقطه واحده ونتمنى انها تتفهم ونقدر نمشى منها لقدام شويه عشان نحصل العالم الفاتنا داك
تحياتى وتشكرى
حليمه
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Halema2)
|
ست البوست .. إزيك، وعن إذنك في نادية عثمان دي ...
قالت:
Quote: هسي في مصر ( الشغيغة) والله تلاقي الراجل مااااااااسك
يد مرتو زي العجب إشمعنا السودانية لا ياربي يدها مالها يعني ؟ |
وحاتك المرة هي البتكون ماسكة .... ديل ياختي ما بيفرّطوا. وبالمناسبة دي، ليه دايما الراجل هو البيمسك؟ يعني هسة إنتي محتجة إنو الرجال ما بيمسكوا .. يعني عندك رغبة في فعل (المسك) ... طيب مالك .. محننة؟ ما تمسكي إيدو ياخ .. مش (حقّك). ودايماً النسوان السودانيات بيحتجوا إنوا الرجال ما بيكبوا ليهم الحنان وما بيقولوا (يا حبيبتي). قاعدين تسألوا نفسكم ليه ما بتقولوا يا حبيبي؟ والا نحن ما عندنا نفس يعني.
حقارة نسوان بس.
يالاّ تشاو .... أنا جاري قبل ما تجيني قذائف المفراكات.
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: waleed500)
|
.
.
والله ذكرتيني بي قصة
واحده سالت مسطول وقالت ليهو انتو ليه الواحد
في الخطوبه بكون كلامه طاعم ولما يعرس بكون كله قطامه
بي سرعه رد عليها : في واحد بعد مايقبض السمكه بشرك ليها (وش خبيث)
.
.
.
مدخل للخروج :
والله بالجد انا مايغيظني شي الا
الزول الخالي مرتو وراهو نص كيلو
وقال ماشي معاها مشوار واحد
ماله فيها هيم ؟
البصاص
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: أبو عبيدة البصاص)
|
ألأخت/حليمة2...............السلام عليكم.
التربية يا حليمة كان شفنا كان سوينا....
لكن نأتى للسلوك المكتسب.....نعم حاجة جميلة ان تظهر المودة والحب للشخص الذى تحبه بكل أنواع التعبير..
زهرة فى منسابة جميلة...
هدية ..
كلمة حلوة..
لمسة حنان معبرة..
الزواج المبنى على الحب ..لابد من ان تكون هناك عوامل تساعده للبقاء من كل فترة وفترة...
البوست حلو..وجميل ..ومفيد..
قبل شهر مقدم بنتى للمدرسة..بنتى عبير..وماسكها من يدها....تتخيلى مروا شباب وعلقوا ..يعنى شنو خايف عليها..وطبعآ انا سمعتهم وطنشتهم وهم مشو ما كان فى وقت تديهم حصة فى التعامل الراقى
ديل الشباب ما بالك الناس الكبار...
أنا غايتو زوجتى بمسكه..ومش زوجتى أى زول بحس إنو قريب ليهو بكون قريب ليهو بقدر الحب البينا...........
خالص مودتى..ومنك نستفيد...............
| Quote: صحي ليه الراجل السوداني مابمسك يد مرتو في الشارع |
أختنا وصديقتنا المشرفانا...............ناديه.......فعلآ سؤال جميل..ونحن مكبلين بالتقاليد وتراكمات التربية كثير ونحتاح للكثير..............
التقدير لك و لكل المتداخلين.....
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: خدر)
|
خدورى الدقش الورى
Quote: تدخل بوست تلقي روحكـ نبذوكـ لا ايدكـ ولا كراعكـ
اسه انت فلاحتكـ بقت فيني انا |
ووب على وسجمى انا ما نبذتك لكن صاحبك دا غاظنى شديد وفقدت اعصابى
تسلم انت يا البتمسك ام لقاء فى كل لحظه
تحياتى
حليمه الماسكين يدها جوا وبرا
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: عبد الناصر الخطيب)
|
سلام
اولا
البوست راقي ومعبر
ثاينا:
كسودانيين عندنا أشياء وممارسات بنتشبذ بيها لدرجة الغلط..
معقولة بس نحن كبشر نكون كاتمين مشاعرنا لدرجو التبلد والتجمد..
عندما كنت في ماليزيا وما بها من جالية كبيرة من السودانيين.. كان الكيثرين منا عندما يذهبون للمطار لاستقبال عروسة فلان الفلاني.. كانت تهمهم في المقام الآول اللحظات الأولى عند اللقاء.. تنحبث انفاس العريس وينسى كل مشاعره مكبلة بعيون زملائه.. فيكون السلام فاترا بلا قبل بلا أحضان,,
وكأن التي يستقبلها هي واحدة من مارفه العادية وليس له بها تلك العلاقة المصيرية..
مسك اليد هذا شئ بسيط جدا..
لماذا يخافه الناس؟
لماذا عاداتنا متخلفة لهذه الدرجة..
بل لماذا هي مزورة لهذه الدرجة؟؟
أقول مزورة لأن السوداني يمكن أن يمسك بيد زوجته عندما لا يكون هنالك سودانيا!!!
لماذا هذا الكذب؟
تحياتي
عبدالعزيز
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Abdlaziz Eisa)
|
.
.
.
| Quote: اجمل العشق ما نسكنه الخبايا |
كم نحن شعب رائع في تقديس خصوصياتنا
سالنا جدي لماذا لم يتزوج بعد وفاتها
وقد كان فتياً وصارماً
اجاب بلغة بيئته
هو الطلح ما ببدلوهو بي شجر تاني
قالها ومضى ..
وسالت الاحاسيس جداول
لذلك اخي Abdlaziz Eisa
ليست الانفعالات اللحظيهوالاحضان او امساك الايادي
لو حتى بالكلبشات يعكس فوران الاحاسيس واعتمال الدواخل
وهاك المقطع من الدوبيت ده
الليل زارني في الشفخانه مسن
جسيمي قالن لي مافي سخانه
نار الحمة كتمت لامن طلع دخانه
وهاك المقطع العامي الرائع ده
...وركزْتَ
شان البِتْ سُعاد
أصلى عارف جِنَّها فى زول بيرْكِز وينْسَتِر
لكنِّى عارِف إنَّها
لو كلو زول فى الحلة بالسُتْرَهْ إنجَلَد
يانى الآزاها وجِنَّها
برْضِى عارِف أظنَّهَا
دِيمهْ فى صَرَّ ة وشيهَا
يلفحْنى شوق نافِر لَبَد...
البصاص
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: تبارك شيخ الدين جبريل)
|
يا حليمه سلام ...
تعرفي المراه السودانيه دي اصعب امراه يمكن تتعامل معاها... خصوصا في المسائل الرومانسيه ... وده بيعود لطريقة التربيه والعلاقات بين المجتمع السوداني
احكي ليك قصه حقيقيه... مره كنت في مطار ابوظبي مستعجل جدا وجاري الشنطه وراي ... وبالقرب من الديوتي فري ... تقف امراتان سودانيتان وكنت بصدد تنبيهم عشان تفسح لي الطريق حتي لا يتعثرا في الشنطه... فقلت لواحده منهم عن -اذنك حبيبتي- وواصلت سيري... ولكن مالفت انتباهي هو انني سمعتها تقول: كيف يعني يقول لي يا حبيبتي!!!! انا حبيتو كيف يعني !!!! ماكان يقول لي زحي بس بلاش الحركات دي ...
* انا من ديك التوبه يا حبوبه... كل ما اشوف لي توب سوداني بتعامل بحذر شديد ...
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Elsanosi Badr)
|
اخوى السنوسى
| Quote: انا من ديك التوبه يا حبوبه... كل ما اشوف لي توب سوداني بتعامل بحذر شديد |
شكلك كدا ما متزوج سودانيه ولو دا صاح يا خسارة
المرأه السودانيه مرات كده بتكون سغيله لكن والله فى اغلب الاوقات احل مره فى العالم بس لو لقيت الراجل البفهمها ويقدرها
تحياتى
حليمه
| |
|
|
|
|
|
|
|
|
 Re: 'إنت ليه ما بتمسك ايدي واحنا طالعين سوا؟' (Re: عبد الناصر الخطيب)
|
الاخ عبد الناصر
ازيك وكيفنك
Quote: وما بتصور الحته ضعف في محتوانا الرومانسي او مشاعرنا جافة بالعكس
لكين نحنه كدة ولو عملنا غير كدة ما حنكون نحنه !!!
|
والله احبطتنى , نحن كدا كيف يعنى وليه نكون كدا
المساله طبعا تربيه زى بقول الكتيرين , لكن دا ما بقول انو تربيتنا كلها صاح , نحنشعب يجيد الحزن والمجامله ولا يعرف كيف يحب. والكلام دا متفقين فيهو ناس كتار
كدا انت مرة اعملها وشوف لو زول يضحك فيك, بس شوف انت وهى مرتاحين ولا لا
وانسى لى الناس ديل لحظه وشوف حترتاح كيف
تحياتى
حليمه
| |
|
|
|
|
|
|
|
|
 Re: 'إنت ليه ما بتمسك ايدي واحنا طالعين سوا؟' (Re: ismeil abbas)
|
الاخ اسماعيل عباس
تسلم تسلم يا اعظم رجل وزوج واب
| Quote: قبل شهر مقدم بنتى للمدرسة..بنتى عبير..وماسكها من يدها....تتخيلى مروا شباب وعلقوا ..يعنى شنو خايف عليها..وطبعآ انا سمعتهم وطنشتهم |
والله عبيره بختها ومحظوظه هى كونك ابوها واتمنى فى المستقبل تلقى رجل مثل ابوها يمسك يدها ويحبها بصدق
| Quote: أنا غايتو زوجتى بمسكه..ومش زوجتى أى زول بحس إنو قريب ليهو بكون قريب ليهو بقدر الحب البينا... |
كلامك دا بحسم كل الغلاط الفوق داك وزى ما قلت لو انت انسان جميل وحساس وبقدر من يمشى معك لما ترددت من مسك يده
يا سلام يا سلام دا جمال وشفافيه ما طبيعيه
ربنا يخليك لاولدك وزوجتك ويديك كل الصحه
تحياتى
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Halema2)
|
Halema2
| Quote: 'إنت ليه ما بتمسك ايدي واحنا طالعين سوا؟' |
قسماً بالله اكثر سؤال اصبح يسبب لي حرج .. كلما ما نجي و ام العيال نازلين طالعين مشوار
نلقى قدامنا مصريين او غيرهم من جنسيات متماسكين و بطريقه بايخه كأنهم بيغيظوا فينا
المراة تقوم تقول لي : انت ليه ما بتمسك يدي ذيهم .. اقوم اطنش مرات و مرات بقول ليها
ديل مواهيم ساكت .. و مرات بتعذر بالعيال .
السؤال ما زال يطاردني كالشبح و يصبح اول هاجس عند الخروج .
حاولت اجرب بس لقيت نفسي ما بطيق .
ارحمونا يا نسوان
توجد الف طريقة للتعبير عن الحب
الصمت ابلغها .
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: الصادق ضرار)
|
بوست دمه شربات ,, حلومر
نادية عثمان
| Quote: ليه بمشى قدامها ثلاثة كيلو? |
بقص الطريق عشان كان فى مصيبة تاخده هو الأول
نوفل
| Quote: واحدة قالت لزوجها انت بتمشى وراى عشان مايشاغلونى ولا شنو? |
عشان يتأكد انو عرس ليه قمر
تبارك
| Quote: انا ماسك مرتى فى شارع الخور ... بين الرابعة والسابعة فى الثورة |
هى ماكوركت فيك عشان انت ماسك يد زوجتك هى كوركت عشان انت عملت كدى فى شارع الخور ,, قصدها تقول ليك دى بعملوها فى شارع النيل
ابوجهينه ,, ليك وحشة
| Quote: أما بت السنجك فقد قال لزوجها الذي أمسك بدها بحميمية ليلة الدخلة و هي تسحب يدها حتى إنكفأ على وجهه : سيب سابك البلا .. هاك ألِوا ( يعني هاك قم بلويها إن إستطعت ) .. |
الجعلية عريسها جا يمسك ايدا فى ليلة الدخلة ,, نهرتو وقالت ليهو :
انا بنتك يافكى احمد ,, ياراجل انت بدور ليك عرس ولا بدور ليك كلاما تانى?
انا مرة مسكت ايد مرتى فى السوق العربى ,, الناس كانت عاوزة تعلن علينا الجهاد ,, ومن اليوم داك الخوفة الدخلت فينى ,, بقيت فى نيويورك مابعملها لانها ملانة سودانيين.
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: عبد الناصر الخطيب)
|
حليمه اختي تحياتي تاني ..| Quote: المرأه السودانيه مرات كده بتكون سغيله لكن والله فى اغلب الاوقات احل مره فى العالم بس لو لقيت الراجل البفهمها ويقدرها |
.معاك يا حليمه انو المراه السودانيه عندها خصوصيه...لكن اسمحي لي في الحتات الرومانسيه دي حصيلتها (صفر) ...ودي ملاحظه لامن تجي من السفر لا بتلاقيك في المطار ولا حتي في خشم البيت ... تلاقيها مدسيه جوه الاوضه وعامله فيها خوجلي عثمان (وشوش ضاحكه كتيره)....طبعا الحاجات دي بحكوها لي اصحابي...مثلا مرات بكون جاي في المطار بلاقيهم كلهم تلاتهم مستنين في المطار وبجو هاجمين علي ...باخدهم كلهم (ربطة جرجير) _مش اولادي_ ودي عندها اثر نفسي مبالغ فيهو ...عندي صاحبي (عاطف) قال بدفع نص عمرو عشان يلاقوهو في المطار ويمسكو يدينو...(وجه متضامن معاهو)
عارفه يا حليمه اختي ...المراه هي المفروض تمسك وتتابط كمان _مش زوجها وابو اولادها_
عندي صاحبي وزوجتو...مره ماشين معانا... مسك يد زوجتو.. اها اختنا بقت ترجف من فوق لتحت والعجب لامن شفنا سودانيين اها الزوله حتت ليك يدها طوالي ...واخدت ليها مترين من زوجها...واخونا برضو زح بعيد...
عبدالناصر ...تحيات
زي ما قلت الزواج هو قسمه ما بتعرف من اي بلد حتتزوج ( بعدما تكون اتكسرت واتكسرو فيك) وفي ذهنك مافي اختلاف في جنسياتهم ولاحتي جوازات سفرهم...وخصوصا لامن تكون متغرب وطالب...يعني زي انا مثلا ما بعرف كتير عن اخواتنا السودانيات الا علي نطاق الاسره او حكاوي الاصحاب (ديل حيقنعوك طبعا) ...وده طبعا نتيجه الخروج في فترة مبكره من العمر... اكيد ح تتزوج من الجامعه وبتلقي نفسك ماسك وممسوك (اتوماتيكلي) مش يمسكوك ويفكوك زي ما حصل مع صاحبي النفضو يدينهم منو داك ...
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Elsanosi Badr)
|
الأخت حليمة والجميع.. تحياتي
في الحقيقة من أمس شفت بوستك دا لكن مع الزحمة ما قدرت أعلق وقتها.. ولأنك والكتيرين، خاصة من الأخوات هنا بتقولوا ليه السودانيين ما بعملوا كدة (زي باقي الشعوب).. أو بالأصح زي الشعوب البتعمل كدة لأنو مسك اليدين مش معروف عند كتير من الشعوب العربية.. بالمناسبة قبل أيام قريت خبر إنو ناس (الهيئة) في السعودية قبضوا على رجل وأستجوبوه بطريقة مهينة لأنهم شاهدوه يمسك بيد زوجته.. عموماً.. داير أقول إنو نحنا المفروض نمسك الحاجات كلها بشكل integral مش بالقطاعي زي دا.. مثلاً: أكيد في أوربا شفتي البنات الواحدة تلقيها جارية (على طول بطانها) عشان تحصل المواصلات.. ولا فرق بين العمرها عشرين سنة والفوق الخمسين.. لكن تتصوري ممكن سودانية، حتى في أوربا أو أمريكا ممكن تجري عشان تحصل البص أو القطار، حتى لو كان ماشية لأهم مواعيد في حياتها كلها؟.. لا أتصور.. السودانيات بشكل عام كل واحدة قاطعة ليها مشية من راسها.. بالإضافة لعوائق التوب والكعب العالي والدهب الكتير الخ.. أناـ وأستغفر الله من قولة أنا! ـ ولأني (متوّرك) من قبل ما أجي بلاد الأتراك،، ما كنت بمشي مع بت، أياً من كانت؛ أخت أو صديقة أو زميلة.. ودا يذكرني سؤال الأخت نادية عثمان بعاليه: ليه الواحد بكون ماشي تلاتة كيلو قدام زوجته.. والإجابة عندي ببساطة وبالتجربة: لأنو البنت بتمشي بسرعة تلاتة متر في الدقيقة والرجل بسرعة مية متر لنفس الدقيقة.. بينما(أشقاءنا) في الغرب تجدين الأزواج حتى لو ما ممسكين بيدين بعض لكن تلقيهم ماشين سوّووا الحجل بالرجل: ربْ ربْ ربْ كدة!.. يعني في النهاية المشكلة ما مشكلة مسك يدين بس، ولا مشكلة الراجل السوداني الذي يستحي من ذلك، أو حتى المرأة السودانية التي ترفض ذلك! لكنها.. وعلى فكرة لا أسميها مشكلة!.. قضية إختلاف مش ثقافي بس (أقصد العادات والتقاليد والموروثات الخ)، لكن إختلاف في حاجات كتيرة بينا وبين الشعوب الأخرى،، حتى بعض الشعوب القربية جغرافياً،، إختلاف في المناخ مثلا ودا برضك ممكن يؤثر في طريقة حياتنا وتعاملنا مع بعض.. (وحتى طريقة مشينا في الشارع!) الخ.. ولكي الشكر..
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Isa)
|
(تجري عشان تحصل البص أو القطار، حتى لو كان ماشية لأهم مواعيد في حياتها كلها؟.. لا أتصور.)
لوووووووووول والله انت فاهم السودانيات تماما .
انا غايتوا زوجي فتح لقصه انه يمسك يدي دي من زمن بعيد وبعد كل 100متر بتلفت عشان يشوفني انا وين وياشر لي بيدو اسرعي اسرعي والحركه بتغيطني شديد اها اقوم اتلكأ زياده اها مرات يجئ راجع اقوم أحاضره ليك انو انا شبحتي ما قدر شبحتوا وما بقدر علي ا لجري حق الخواجيات دا والنصيحه ليك يا الله انا بريد المشي البطئ والعجب لو كنت في محل فيه متاجر بسوي القيد حرن اتفرج في المعروضات .
أما عن لحوق القطارات بالذات قطارات الخواجات والله ابدا ما بقدر عليها خاصه لما يكون في تحويل قطارات .
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Isa)
|
الاخ عيسى
سلام
| Quote: تتصوري ممكن سودانية، حتى في أوربا أو أمريكا ممكن تجري عشان تحصل البص أو القطار، حتى لو كان ماشية لأهم مواعيد في حياتها كلها؟.. لا أتصور. |
انتى يا عيسى قاعد فى هولندا, صاح .. انا برضو ..انا وتانى 10 زى كدا بنجرى لبص والقطر عادى جدا وانا بسوق عجله من ماجيت ولمدة 40 دقيقه لشغلى, وعادى بمشى انا وصحبتى كسودانيات يعنى بيت سمايه او عرس بالعجلات ,
يعنى باختصار كدا الجرى دا حقنا .
فحقو ما تعمم يا اخوى لانو فى سودانيات فى النشاط فاتن الخواجيات بهناك
تحياتى
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Halema2)
|
تحايا حب ومحبة للحلوم
وعجبني البوست لحبي الشديد لتنمية المرأة السودانية عرفا تقليدا وجمالا فهي ذات الجمال والتفرد في كل شئ
وعجبني كلام هنا : وتعليق ذكي جدا لخص الأمر وفك الاشتباك وحول موضوع البوست الي إتهام الآخر
وحاتك المرة هي البتكون ماسكة .... ديل ياختي ما بيفرّطوا. وبالمناسبة دي، ليه دايما الراجل هو البيمسك؟ يعني هسة إنتي محتجة إنو الرجال ما بيمسكوا .. يعني عندك رغبة في فعل (المسك) ... طيب مالك .. محننة؟ ما تمسكي إيدو ياخ .. مش (حقّك). ودايماً النسوان السودانيات بيحتجوا إنوا الرجال ما بيكبوا ليهم الحنان وما بيقولوا (يا حبيبتي). قاعدين تسألوا نفسكم ليه ما بتقولوا يا حبيبي؟ والا نحن ما عندنا نفس يعني.
حقارة نسوان بس.
يالاّ تشاو .... أنا جاري قبل ما تجيني قذائف المفراكات
والكلام الحدد بالخط دا الاقصدوا هنا
وزي ما بقولوا ناس العربي : أصاب كبد الحقيقة
نحن نتاج تربية تكبت حق البت في التعبير والطبيعي انو المتزوجة هي ذات الصغيرة التي ملئ رأسها بعيب عيب عيب
معاكم في الحب والخطوبة عيب او ممنوع للمتمسك بدينه
بس المتزوج وحلالو بلالو شو العيب هنا
التعبير حق مكفول للأثنين وهو ذاتو بسال ليش ما بتقولي لي بحبك
وليش ما تستنيني في المطار او قدام الباب بقبلة خاطفة واحضان دافئة
ودي مشكلة التربية
يبقي الحل في تنمية مقدرات في التواصل والحب
ودي محتاجة تعلم من جديد
فالاثنين معا يمكن لهم التواصل ومراجعة السوالب للوصول الي السعادة
غايتو انا حسب تجربتي الليها سنة : بقول النبي فيك ما تمسك يدي قدام الناس :) :) :)
فقد وفقني الله الي زوج محب وحريص علي التعبير في كل زمان ومكان
وأكيد بكرة أحلي
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: sudania2000)
|
شكراً سودانية 2000 لأنك فهمتي قصدي
وقبل كده ......... لأنك رديتي على مداخلتي.
المداخلة كانت رد على نادية عثمان .. وبالطبع موجهة للمتداخلين وصاحبة البوست.
مرت مرور الكرام، وأنا قلت يا ربي أكون كتبت مداخلتي بالغلط في بوست تاني؟
0
0
0
0
0
0
على قول تبارك:
المهم
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: sudania2000)
|
اختى الحبيبه سودانيه السودانيه
Quote: وعجبني البوست لحبي الشديد لتنمية المرأة السودانية عرفا تقليدا وجمالا فهي ذات الجمال والتفرد في كل شئ
|
يا سلام على حبك لبنات جنسك يا اصيله, تسلمى
Quote: ودي مشكلة التربية
يبقي الحل في تنمية مقدرات في التواصل والحب
ودي محتاجة تعلم من جديد |
عليك نور والتعلم الجديد بكون بمناقشة الحاجات كلها ابتدا بمسكة اليد ونحاول نتقبل الجديد ونبعد عن العقد والخوف من ما يقوله الاخرين علينا وموكد الموروث تقيل ما ممكن ننساه باخوى واخوك ويوم وليله
Quote: غايتو انا حسب تجربتي الليها سنة : بقول النبي فيك ما تمسك يدي قدام الناس :) :) :)
|
دايما هم فى السنه الاولى بمسكوا قوى وبعداك بفكوا بمزاج , لكن طبعا دى ما قاعدة وتجارب الناس مختلفه
تحياتى
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: عبد الناصر الخطيب)
|
سلام عبد الناصر
Quote: لما الناس بتتزوج بتتزوج لحاجات ما ظن منها جنسيتي شنو وجنسيته شنو؟؟؟؟؟؟؟؟؟؟؟
ولا شنو !!! فليه تختي العقد في المناشير وتعتبري زواج السوداني بغير السودانية خسارة
مع أنو ما حيختلف في شي ...
غير ألوان جوازات السفر ... |
انت فهمتنى غلط انا ابدا ما عندى راى فى زواج الاجانب لانو بيتنا نصه معرسيين اجانب , بس قصدت بخسارة انو ما دخل تجربه مع سودانيه وعرفها من قرب لانه قال السودانيات صعبات .
| Quote: غير كدة لا انا ولا هي مواطنين من الشعوب (الممسكة)وما عندها أى طموحات متعلقة بلامساك |
طلما ما انتو متفقين على عدم الامساك اذ مافى مشكله لكن ماتتضحكوا على الناس الحابين القصه دى , اتفقنا
تحياتى
حليمه
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: doma)
|
| Quote: انا غايتوا زوجي فتح لقصه انه يمسك يدي دي من زمن بعيد وبعد كل 100متر بتلفت عشان يشوفني انا وين وياشر لي بيدو اسرعي اسرعي والحركه بتغيطني شديد اها اقوم اتلكأ زياده اها مرات يجئ راجع اقوم أحاضره ليك انو انا شبحتي ما قدر شبحتوا وما بقدر علي ا لجري حق الخواجيات دا والنصيحه ليك يا الله انا بريد المشي البطئ والعجب لو كنت في محل فيه متاجر بسوي القيد حرن اتفرج في المعروضات . |
| Quote: بس ان شاء الله الخواجه حقي دا ما يسمع بيكن ولا يشوفكن يقوم يديني ورقتي اسه في يدي انا مفهامه انه السودانيات كلهن متلي لووووووول لاني والله لا بنط.....ز لا بتلز الا يسوقوني بالعربيه ويجيبوني بالعربيه . |
لوووول يا خالة دومة
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Halema2)
|
حليمة إنت بي صحِك ؟؟
إمسكوها كيف وهى المشوار كلو تلقيها بتصلِح في التوب الما بثبت فيها دا ؟؟
عارفة يا حليمة
مرة حدثتني نفسي ( الأمارة بالسوء ) أن أحدث إنقلاباً في مفهوم الزوج السوداني
وأنا راجع من العمل إشتريت بوكيه ورد ( زي الفل )
فتحت الباب بهدوء
وفاجأت السيدة ( بعلتنا ) بالورد وتحية كلها رومانسية
" كيف قيلتي يا حبي ؟؟ واحشاني مووووت "
نظرت إلى شذراً
كيف قيلت يا حبك ؟؟ وواحشاك موت ومعاهم بوكيه ورد ؟؟؟
إنت أكيد عملت مصيبة كبيرة خلاص و جاى تبلبص
________________
مالنا ومال الباب البيجيب الريح
| |
|
|
|
|
|
|
|
|
 Re: 'إنت ليه ما بتمسك ايدي واحنا طالعين سوا؟' (Re: عاطف عمر)
|
سلام يا عاطف
Quote: كيف قيلت يا حبك ؟؟ وواحشاك موت ومعاهم بوكيه ورد ؟؟؟
إنت أكيد عملت مصيبة كبيرة خلاص و جاى تبلبص
|
والله بعلتك دى احبطتنى شديد , بالجد عملت كدا
نيابة عن نساء ربطة الماسكين على الجمر نعتذر لسيادتكم ونقدم لكم بوكى ورد ابيض ونحكم عليها بعدم المسك طوال الصيف الجاى
تحياتى
حليمه
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: عاطف عمر)
|
صاحبة البوست
والمتداخلات
والمتداخلين..
...سؤال فى محله...
طبعاً الرجال السودانيين بمشو بعيد جداً فى تأويل مسكة اليد...
مسكة اليد عندهم ما هى تعبير عن موده ..وحب وحاجات زى كده..
ولا معناها الإعتزاز بالزول الماسكين يده ده!!.
ولا معناها المره دى ما زوجتى بس..بل حبيبتى..
مسكة اليد هى مقدمه لفعل عيب..ومحله أوض النوم بس...
وعندهم نظريه فى الموضوع ده..
الواحد لما يشوف جنسيات تانيه متماسكين...الراجل السودانى لسان حالو بيقول... السواى ما حداث
( كمان جابت ليها تهم...!!هاهاها)
بالمناسبه تاجوج البيقولو عليها بت رجال..طلقت ود عمها وراجلها ليه؟؟؟
تقولى لى مسكة يد!!!؟؟؟
....إقبال المحبطه أكثر منك
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: عبد الناصر الخطيب)
|
Quote:
لذلك اخي Abdlaziz Eisa
ليست الانفعالات اللحظيهوالاحضان او امساك الايادي
لو حتى بالكلبشات يعكس فوران الاحاسيس واعتمال الدواخل
وهاك المقطع من الدوبيت ده
البصاص |
العزيز أبوعبيدة البصاص
سلام
لا اختلف معك في وجود الحب بشتى الإنفعالات والصور..
نحن جل كلامنا موجه للخوف والوجل الذي يرتاب السوداني عندما يظهر له سوداني آخر وهو ممسك بيد زوجته..
فيها ايه يعني لو مسك يدها وحتى امام الناس!!
هذه المواقف يا أخي لا زالت فيها نظرة الدونية تجاه المرأة.. الأمر خطير ولا بد من التغيير
Quote: الليل زارني في الشفخانه مسن
جسيمي قالن لي مافي سخانه
نار الحمة كتمت لامن طلع دخانه
وهاك المقطع العامي الرائع ده
...وركزْتَ
شان البِتْ سُعاد
أصلى عارف جِنَّها فى زول بيرْكِز وينْسَتِر
لكنِّى عارِف إنَّها
لو كلو زول فى الحلة بالسُتْرَهْ إنجَلَد
يانى الآزاها وجِنَّها
برْضِى عارِف أظنَّهَا
دِيمهْ فى صَرَّ ة وشيهَا
يلفحْنى شوق نافِر لَبَد...
|
هذه مقاطع ابداعية معبرة عن الهوي والهيام المكبوت..
البوح بالحب في زمان مر كان من الموبقات..
الآن يا ريت نضع الشجاعة والفخر في جوانا طالما نحن بنحب بالصاح..
ليش الواحد بيفك يد زوجته بمجرد ان يقابل سوداني!!
تحياتي
عبدالعزيز
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: sudania2000)
|
جد كنا مستمتعين بمجرد القراءة
ومستفيدين من التجارب والدعوات في سبيل علاقات زوجية أكثر عاطفية ورومانسية
لكن مداخلتين كان لازم الرد عليهم..
أقبال:| Quote: طبعاً الرجال السودانيين بمشو بعيد جداً فى تأويل مسكة اليد |
طبعاً تعميمك (وإن كان من غير قصد) مخل جدا جدا
ويمشي بالبوست في اتجاه غير الذي يقصده الاخوة
فياريت لو ترجعي وتضعي كلمة ((بعض الرجال))
عبدالناصر:| Quote: أى ناس عندهم خصوصيتهم في ممارست حاجاتهم |
اختلف معك جملة وتفصيلاً ليس في الكود أعلاه ولكن في
كل ما تنادي به .. يعني نحنا مثلا كسودانيين تطبعنا
على إيقاعات موسيقية معينة وسلالم موسيقية بعينها
ولكن لا يمنع هذا من أن نتقبل ونستلذ بما عند الغير
بل ونجيد عزفه (هذا كضرب مثل )
ومن ناحية مسك اليد .. يا سيدي هي ليست عادة
ابتدعها شعب معين أو قبيلة بعينها وليست تقاليد
تخص دولة ولا تخص أخرى .. فهي تعتبر تعبير حسي
ومعنوي ومادي عن الحب، الود ، المودة ومحلها
القلب .. وليس معنى أن تم تجاهلها في تربيتنا
كشرقيين أنها لا تصلح لنا..
فدع صاحبة البوست تنادي وتنادي ونحن من خلفها
في سبيل تغيير مفاهيم حتى ولو على مستوى البورد
ويدك معانا انت كمان..
مش تكون عكسنا وتنادي بان ما اتربينا كده..
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Abdlaziz Eisa)
|
اخى عبد العزيز
سلام وتحايا
Quote: نحن جل كلامنا موجه للخوف والوجل الذي يرتاب السوداني عندما يظهر له سوداني آخر وهو ممسك بيد زوجته..
فيها ايه يعني لو مسك يدها وحتى امام الناس!!
هذه المواقف يا أخي لا زالت فيها نظرة الدونية تجاه المرأة.. الأمر خطير ولا بد من التغيير
|
شكرا كتير اوفيت
حليمه
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Abdlaziz Eisa)
|
.
.
.
Quote: هذه المواقف يا أخي لا زالت فيها نظرة الدونية تجاه المرأة..
الأمر خطير ولا بد من التغيير
|
المحترم Abdlaziz Eisa
النظرة الدونية دي ما واسعه شوية !!!
هل تذكر ان نادتك يوماً حبوبتك "الجده" بكلمة
( عشا البايتات )
أو ( دراج العاطلة )
او ( مقنع الكاشفات)
او
او اقسم احدهم امامك وقال انا أخوك يافاطمه
او حلف بالطلاق وبعيداً عن التأصيل الديني القسم لا يكون الا بعزيز
او
او
وكثير من المفردات في الثقافة السودانية التي تعكس العقل الجمعي
الذي يعلي من قدر المرأة ومكانتها ..
ومازلت أقول ليس في الامر جبن أو غيره تجاه إظهار العواطف لكن
كل مافي الامر ان الفعل وعواطفه بين السودانيين يكسوهما ( الحياء )
ذلك الذي ما كسا شي الا ذانه
وقال (ص) : ( اذا لم تستحي إفعل ماشئت )
وابقى قريب
البصاص
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: Halema2)
|
والله يا اقبال .... هبشتى الأوتار الحساسة كلها ...
| Quote: بالمناسبه تاجوج البيقولو عليها بت رجال..طلقت ود عمها وراجلها ليه؟؟؟ |
تاجوج بت على - كما اعتادت أمهاتنا بتعريفها - طلب منها زوجها وابن عمها المحلق أن ترقص أمامه عارية .... فى زمان كانت فيه ثقافة البجا تتحوّر من الطابع الأمومى للطابع الأبوى ... وتتفسّر فيه الأفعال عدّة تفاسير ... فى الزمن داك كانت النساء فى حالة دفاعية مستميتة لاستعادة الموقع الإجتماعى المعتاد بالنسبة لهن (والذى فقدنه تماماً ... لاحقاً) ... فكان تفسير "بت على" لطلبه أنه شيّأها ... وتعامل معها كموضوع جنسى وليس كإنسانة ... فطلّقته!
لقد كتبت مرّة عن صديقة لى ... عرفتها أثناء امتهانى قيادة التاكسى ... تعمل كراقصة تعرّى فى نادى ليلى .... وكنت سأورد مقارنة بين "ميستيرى" و "تاجوج بت على" فى ردود فعل هاتين المرأتين تجاه فكرة الرقص عاريةً أمام رجل .... ولكن حدثت قطيعة بينى وبين ذلك البوست ... الذى خصصت به "كمال على الزين" و "عماد بطران" ... فلم أكمل ما بدأت ...
نحن سودانيى المركز (أو الشمال المسيطر ثقافياً) لدينا مشكلة حقيقية مع الجنس ... قد لا تظهر للطرفين أو أحدهما اثناء ممارسة الجنس ..... ولكنها تظهر فى المجتمع ككل ... فى شكل أمراض اجتماعية .... وانحراف فى الشخصية سلوكياً ... مثل العجز عن التعبير عن المشاعر بسبب الخوف الإجتماعى المسمّى "خجل" .... ولو بمسكة!
حتى فى عروبتنا المدّعاة ... نحن انتقائيين فى انتمائنا للوطن العربى ... فمصر ولبنان وسوريا وتونس والمغرب وما شابه ... ليست عربية بما يكفى .... والكويت والسعودية واليمن ... أعرب مما نريد .... وسندور دائرة الضلال هذه ... إلى أن تبدأ نتائج مواجهتنا لواقع التعدد وتهميش الغالب منه .... ومواجهتنا للقمع الفئوى للمرأة ... هذه الأنشطة التى نقوم بها اليوم من نشر للإستنارة ... وتفكيك تحليلى للظواهر ... وغيره من الأفعال التقدمية التى تسرى عبر مجتمع المركز المهيمن (وقد لا يعبّر الخطاب السياسى عنها تماماً) ... لابد أن تثمر عن تحسين للذهنية السودانية فى المركز تجاه الجنس ..... والهامش أقل من المركز فى حجم أزمات المفاهيم الإنسانية البسيطة والمباشرة ... كالجنس مثلاً ... رغم زيادة أزمات الهامش مع التنمية والفقر والخدمات ...
فالشلك مثلاً .... لديهم - كما قال عبدالناصر - طريقة محددة فى التعامل مع الأشياء ... كطريقة المشى فى الطريق ... وتبدأ بأن الجانب الذى يربط به الرجل ثوبه غير الجانب الذى تربط به المرأة ثوبها .... المرأة تمشى فى جنب معين من الطريق لو كانت وحدها .... وتمشى بجانب معين من الرجل فى معيّته ... والغرض من تحديد جانب الطريق وجانب ربط الثوب ألاّ ينكشفا على بعضهما بما أن الثوب مفتوح من الجانب الآخر ... مسك ولاّ ما مسك .... ما فرقت كتير ....
طالما عندنا الجنس عيب وقلة أدب وصعلقة وسفاهة وفحشاء ,,, وكل القيم السالبة الممكنة فى الدنيا .... والزواج لا يتعدى "الحلال" .... فما حيكون فى مسك قريب دا ...
وين الوله .... والغرام .... والبهجة ... والسرور ... والزينة .... والعديل .... والجديد .... والحلو ....
ولاّ عشان الكانن بسمّن الزواج بى المسميات دى قلّن .....
... المهم .....
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: تبارك شيخ الدين جبريل)
|
الأخت / حليمة
الموضوع يبدو ظريف ولكنه ايضا يستحق الوقوف والتأمل فيه
فهو يشكل نموذجا حيا لبعض تقاليدنا السودانية التي تكبل التعبير عن العواطف االإنسانيةالفطرية دون مبررواضح
يخيل لى احيانا ان المسالة ليست مجرد { ثقافة } خاصة ، بل جينات تسكننا حتى ولو بعدنا عن هذا الوطن العزيز عشرات السنيين وآلاف الأميال
فقط على سبيل العبدلله متزوج من سيدة مغاربية اكثر من عشرون سنة ويجمعني بها كل الحب والوئام والإحترام
وبالرغم من انني عشت معها خارج السودان تقريبا طيلة فترة زواجنا
الا انني اعاتب نفسى من حين لاخر بعد كل هذه السنين ..فلا اتذكر آخر مرة وضعت يدي على يدها ونحن نسير معا في الشارع بالرغم من انها تتوق الى هذه المشاعر وتتمنى ان اكررها كثيرا .
والادهى ..وهي المشكلة التي لم اجد لها تفسيرا بعد ..فاثناء سيرنا معا ..فجاة اجد نفسى على بعد { عدة كيلومترات منها على حد قول الأخت حليمة } فاسارع بالعودةلأصطف بقربها والسير معا ..واسائل نفسى مالذي جعلني دون شعورترك زوجتي على بعد خطوات خلفى ؟
ياربي هل نحن السودانيون لدينا { جينات } خاصة تجعلنا{ نقوم سداري } اثناء المشى مما نترك من يمشي معنا خلفنا ؟ أهي العجلة { وهي سمة سودانية خالصة } ؟ هل { الجينات الذكورية لدينا مرتفعة اكثر من الشعوب الأخرى } أم الخجل عن التعبير عن عواطفنا مهما كانت اشكالها ؟
هي اسئلة اطرحها على نفسى وعلى الجميع ..لعل نجد الإجابة من خلال هذا البوست الممتاز ..والشكر لحليمة وبقية المتدخلين
| |
|
|
|
|
|
|
|
|
|
Re: 'إنت ليه ما بتمسك ايدي واحنا طالعين سوا؟' (Re: omer abdelsalam)
|
الاخ عمر عبد السلام
تحايا وسلام
Quote: فقط على سبيل العبدلله متزوج من سيدة مغاربية اكثر من عشرون سنة ويجمعني بها كل الحب والوئام والإحترام
وبالرغم من انني عشت معها خارج السودان تقريبا طيلة فترة زواجنا
الا انني اعاتب نفسى من حين لاخر بعد كل هذه السنين ..فلا اتذكر آخر مرة وضعت يدي على يدها ونحن نسير معا في الشارع بالرغم من انها تتوق الى هذه المشاعر وتتمنى ان اكررها كثيرا |
ليه كدا اخى لماذا تحرمها وتحرم نفسك والمسالة ما مسالة جينات زى ما قلت القصه كلها الاخرين حيقولوا على شنو ودا جانب اجتماعى والجانب النفسى هو عدم تريتنا على تجديد المشاعر واظهاره , يعنى نحن كسودانيين وفى بيوتنا نادر ما يقبل الابن امه او الاب ابنته والسبب هو وضع الحواجز بين افراد الاسره و بننسى المشاعر والاحاسيس ونحن اكتر شعب حنين ورهيف ودمعتنا فى طرف عيونا ’ لكن اهتمامنا بالاخر وربط كل شئ بالعيب و العوارة واتقلى يا بت وياراجل ما تهتم بمرتك قدر دا بتلبسك خاتم فى صباعها وللام ما تسلمى على ولدك بتخربيهو وما ببقى راجل وماشابه ذلك من تفاسير وافكار خاطئه مرجعانه لورا ومضيعانا ساكت
تحياتى
حليمه
| |
|
|
|
|
|
|
| |
Halema2
Muna Khugali
ابو جهينة
نوفل عبد الرحيم حسن
تبارك شيخ الدين جبريل
مريم بنت الحسين
محمد أبوالعزائم أبوالريش
waleed500
أبو عبيدة البصاص
ismeil abbas
خدر
Abdlaziz Eisa
Tumadir
Elsanosi Badr
الصادق ضرار
smart_ana2001
عبدالعزيز الفاضلابى
عبداللطيف حسن علي
doma
حبيب نورة
عاطف عمر
Egbal Elmardi
صلاح ليون
omer abdelsalam
عمر الفاروق عبد الله الشيخ
فيس بوك
تويتر
انستقرام
يوتيوب
بنتيريست