توقف البص في محطة الطاحونه وهي المحطه الدائمه و الرئسيه التي ينزل فيها اغلب الركاب القدمين من سنار لانها تتوسط القريه نزل الطيب مسرعا تجاة بيت محمود ود مصطفي رئس الجنه الشعبيه ناس البيت سلام عم محمود كيف حالك ... مرحب حباب الطيب اتفضل .. لا والله شكرا عم محمود انا شويه تعبان بدور امشي اتبرد التبرد ومشي الحق الصلاه في الجامع انا جاي من سنار وفي الموقف جاء زول قال يدوك الجواب دا ... ونو الجواب حاج محمود ...الزول منو والله الطيب ما بعرفو بس زولا كده مجيه التقول عليه دكتور حاج محمود .. ان شاء الله يكون خير اقراء الجواب فيهو شنو السيد رئيس الجنه الشعبيه السلام عليكم نفيدكم علما بان لديني قافله صحيه تغطي الريف الشرقي لمحافظة سنار وسيكون لنا يوم في قريتكم لاجراء فحوصات وكشف علي الاطفال بصوره خاصه وللجميع بصوره عامه وستكون هناك ادويه علاجيه تصرف مجانا ستقيم القافله معكم عشر ساعات اتمني ان تجد القبول منكم عميد كلية الطب جامعة سنار خير لا والله دي محنه او ولدي لكن نشوف بت ود طه البنات ينضفنو للضيوف واها اللكل السياب ديل بياكلو سنو السياب (( يقصد به الزوار من الاطباء وطلاب الطب )) الله كريم عم محمود انا بجيب بع المغرب معي الجنا علوب ونشوف شن بنسوي اي سمح اا ولدي ما تتياخرو (( ما تتاخرو )) خلاص يالطيب يا ولدي نجهز بيت ود طة و نشوف مشكلة الاكل شن نسوي فوقو يا ولدي دحين بكره الجزاره بتضبح المهم او ولدي دبرو الاكل لضيوف وفي حوالي الثامنه صباحا حضرة حافله وعربه لاندكروزر نزل من الحافله عشرة اولاد وتسعه بنات وبي العربه الاخره خمسه اشخاص ايضا مرحب حبابكم اتفضلو انا عمكم محمود رئيس الجنه الشعبيه مرحب عم محمود انا دكتور علاء استاذ جامعي وطبيب وقائد القافله في الحقيقه عاوزين نعمل فحوصات وسط الاطفال في الفتره الصباحيه وبعد الظهر ستكون لدينا عياده مفتوحه يمكن للجميع للحضور الي مكان معين تحدود انتم خير يا الدكتور ديوان شيخ الحله مجهز كمان بدا الاهالي في احضار اطفالهم بعد ان شاع الخبر والعلاج مجاني خصوصا ان الجميع متواجدين والوقت الصيف وفي الصيف لا توجد اعمال فقط الجميع مقيلين تي مسترحين في البيوت بدا جولت الفحوصات منذ الساعه الثامنه صباحا تقريبا وفي تمام العاشره اعلن عن توقف العمل لتنوال وجبة الفطور المكون من مجموعة قداحه جمع قدح ومحتويات القدح عصيده من عيش الذره وعليها ملاح تقليه مخصوصا وبعض الهالي احضرو ايضا وجباتهم احتفالا واحتفاء بضيوف بعد خلص الجميع من الفطور تحدث الدكتور علاء بصوره خاصه مع الطيب يا الطيب انتو بتكلو شنو في القريه وكم وجبه في اليوم الطيب والله يا دكتور الشغل بتختلف من بيت لتاني الناس دي فيها ناس بتاكل الويكه والروب وفي ناس بتاكل بمويه بس وفي ناس ما عندهم الكسره المره والله يا الطيب انا متافجي ومتحسر من النتائج الظهرت نحن في العام 2000 ود بيعني اشياء كتيره جدا لو قلت الحصل شنو في الفحوصات التي اجريت دي حتستغرب يا الطيب انتو كم في القريه دي ؟؟ تقريبا يادكتور 4000 اربعه الف مواطن انت عارف يا الطيب نحن فحصنا علي 63 طفل من الصباح لحدي الان هل تعلم انو في 58 طفل كلهم مصابين بفقر دم حاد جدا وامراض اخري خطيره جدا انا نفسيا ما قادر استمر كيف يكون البلد منتظر اطفال مصابين بامراض زي دي يكونو هم المستقبل والمصيبه يا اطيب في ... للحديث بقيه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة