|
|
 Re: ترشيحي لمنصب رئيس الوزراء البريطاني!!! (Re: عاطف عبدون)
|
Quote: اولا بتفق معاك انو زلوط ما عندو علاقه بي حلمك دا
ولو زلوط زاتو سمع الخبر دا حيتنازل ليك عن اللقب
وحتكون احلام (شروف)
ولو داير رائي من غير زعل
لو الانتخابات بوردابيه هنا بس
ما بتنجح و(انور كنق) موجود |
الاخ المحترم عاطف عبدون..
تحياتي يا رجل...
اولا هذا ليس حلما وانما هو حقيقة كما ذكرت من قبل...
وحاجي اذكر الاسباب وعايز اعرف آرائكم اذا كانت ردودي وجيهة..
هل في اشياء ناقصة..؟؟؟...ما في امل...الخ.
بس انتو ما تحكموا حتي اكمل البوست...
الحقيقة قرات ردك قبل قليل في لاب توب خارج البيت واستفزاني
الجزء الادني جدا لكن ما قدرت ارد حينها.
بالنسبة لقولك انو انور كينج يفسد لي انتخابات سواء كانت اسفيرية
او علي ارض الواقع ده ما بيهمني كثيرا..
وانت بتقول كلامك ده لانك ما بتعرفني..
خليني اوضح ليك نقاط مهمة:
اولا: انا ما زول بغلط وبعتدي علي زول.
انت شفت بوست انور الشهير هو الذي بداه وانا نهيته.
انا كان عندي سفرية اجلتها مخصوص عشان زول داخل معاي في تحدي.
كان ممكن الغيها نهائي اذا اقتضي الامر. لكن الله ستر...
بالرغم من انو انا كنت محضر اشياء كثيرة جدا ومعلومات وايميلات جاتني
لكن قلت عفا الله عما سلف وفتحت معاهو صفحة جديدة.
لانو انا اصلا ما بغلط علي زول وزي لا احب زول يحقر بي لا احب ان احقر بزول...
وفي السودان لما اتصل الاخ العوض بانور وقال لي نتصافي كنت اول المرحبين
وكانه لم يكن شيئا بيننا ابدا...
شفت كيف؟؟؟
ثانيا: موضوع البوست بخص انتخابات وفعلا الواحد مفروض يكون دبلوماسي عشان
يكسب كل الناس (حتي خارج القطر) ..لكن اذا الموضوع موضوع تحدي او حقارة
لو اخلي بريطانيا واشرط الجواز البريطاني ما بسكت...
انت شفتني يوم خليت حقي في المنبر؟؟؟؟
انا فعلا انسان هادئ وما بحب المشاكل او خسران اي شخص..لكن لمن اقوم
للاسف ما بشوف القدامي او الوراي...
انظر للمنبر في الايام السابقة...لا تكتب موضوع في مشاكل او معاداة الا وتم سحبه.
يعني لو اصريت تتشاكل وتشتم...الخ ممكن ببساطة ياخذوا الباصوورد بتاعتك.
لكن انور لو غلط علي...لو اكرس حياتي لمحاربته ما بخليه....
بالنسبة للبوست الفتحه لي انور انا وريته انو ما عندي عداوة معاه وفقط
كنت اود الاستفسار وكلامي واضح..مع الاسف لم يجيب عليه وانما عايز يهدد.
حتي الان انا ما سمعت منو تاني عشان كده سكت...
وحتي انا اخبرت صاحب المنبر لو تاني شافني في مشكلة مع انور بدل يفصل
من طرف يشوف منو الغلطان وبعدين يرفد..
ده معناها انا ما حامشي افتش مشاكل مع انور...لكن لو جاتني المشاكل لغاية عندي
بعدين انت شوف التحدي حا ينتهي وين واحكم بينا..
انا زاتي لو خليت انور ..ربنا ما حا يخليه..
والله العظيم ما حصل زول ضراني او زعلني وما حصل ليهو حاجة..
ربنا بينتقم بدلي لانو اعلم بنواياي...وانت ما طالبني حليفة.
انا الناس البقابلهم (وجها لوجه) ما بخاف منهم...
خلي اخاف من زول مدسوس وراء كي بورد.
وبالرغم من انني اتمني ان اكون مظلوما بدلا من ظالم..
اكرر مرة اخري...انا لو تركت الزول المعتدي ربنا ما حا يخليه.
ووالله ما عشان انتخابات ولا بطيخ...لكن انا ما عندي عداوة مع انور
الا يبدا بالغلط...وبعدين يتحمل مسؤلية غلطه.
ارجوا ان تكون اجاباتي واضحة لك حتي لا تلتبس فيني مع شخص آخر.
مودتي الاكيدة...
ملحوظة:
شايفك ما مصدق موضوع الانتخابات دي..
انا ما قلت حافوز...لكن انت اسمع الكلام العندي وانصحني
اذا الموضوع يستاهل ام لا...
وطبعا رايك مقدر جدا طالما هو نصيحة من غير استخفاف...
بمعني آخر...اخذ كل زول حسب عقله..
|
|
 
|
|
|
|
|
| العنوان |
الكاتب |
Date |
| ترشيحي لمنصب رئيس الوزراء البريطاني!!! | ASHRAF MUSTAFA | 04-05-09, 02:31 PM |
 Re: ترشيحي لمنصب رئيس الوزراء البريطاني!!! | ASHRAF MUSTAFA | 04-05-09, 05:13 PM |
 Re: ترشيحي لمنصب رئيس الوزراء البريطاني!!! | عاطف عبدون | 04-05-09, 06:50 PM |
| Re: ترشيحي لمنصب رئيس الوزراء البريطاني!!! | ASHRAF MUSTAFA | 04-05-09, 09:37 PM |
| Re: ترشيحي لمنصب رئيس الوزراء البريطاني!!! | عاطف عبدون | 04-05-09, 10:47 PM |
| Re: ترشيحي لمنصب رئيس الوزراء البريطاني!!! | ASHRAF MUSTAFA | 04-06-09, 01:50 PM |
| Re: ترشيحي لمنصب رئيس الوزراء البريطاني!!! | ALZOLZATOO | 04-06-09, 03:31 PM |
| Re: ترشيحي لمنصب رئيس الوزراء البريطاني!!! | ismeil abbas | 04-06-09, 05:37 PM |
 Re: ترشيحي لمنصب رئيس الوزراء البريطاني!!! | ASHRAF MUSTAFA | 04-06-09, 06:33 PM |
| Re: ترشيحي لمنصب رئيس الوزراء البريطاني!!! | ismeil abbas | 04-06-09, 06:54 PM |
| Re: ترشيحي لمنصب رئيس الوزراء البريطاني!!! | ASHRAF MUSTAFA | 04-06-09, 07:12 PM |
|
| |
ASHRAF MUSTAFA
فيس بوك
تويتر
انستقرام
يوتيوب
بنتيريست