|
Re: سلامااات (Re: Shazaly Magzoub)
|
خدر ازيك
دعنى الان اقتحمك فانا مثلك قد اعيانى الانتظار ولكنه لن يكسرنا
البلد دى يا خدر بقت عجيبة خلاص صور البشير تملأ الشوارع شقيش ما تقبل
لافتاتهم التى تعيد انتاج الزيف والخداع تملأ الاماكن
الاطفال فهرس المدن يشمون السليسيون ويستمتعون به اشد متعة وكأنى بهم لا يريدون ان يفيقوا حتى لا يسمعوا نداء بطونهم الفارغة والذى يسبب لهم الازعاج والارق وبالمناسبة صباع السليسيون بى 1000ج وقد يستخدم خلال اربعة الى خمسة ايام والرغيفة بى 250ج والسطلى يذهب الجوع كما تذهب الحسنات السيئات
ففى رايك ايهما افضل انا شخصيا بت اتفق معهم فى هذه النظرية وعلى الاقل بالنسبة لهم فهذا يساهم وبشكل كبير فى تقليل زمن المعاناة والالم من خلال تقصير العمر الافتراضى للزول
الناس ما لاقية شغل خريجين عطالة يتحاشون سيرة الشغل والزواج وحساب الزمن يحسبون بيوت ستات العرقى ومروجى البنقو وبالمناسبة العرقى زاتو بقى
مانضيف وكلو مغشوش ما البلد راكباها موجة بتاعت غش وتذكرت الان نكتة ارويها لك اكيد بتكون بتفتش لى حاجة تضحكك .. فى زول صاحبنا اتشاكل مع ست
العرقى وقال ليها انتى بتمى العرقى دا اسبيرت وفى قمة انفعاله قال ليها بالطريقة دى انتى بتأكلى اولادك حرام ... والموضوع كان مضحكا للجميع ولكنه بالنسبة لى
قادنى لاكتشاف مهم وهو ان ستات العرقى اذا عملوا عرقى نضيف فبالتاكيد سيجنون المال الحلال !!!!! هكذا كان ابناء وطنى يتعلمون قبل المشروع الحضارى ..
عموما معليش لانو كسرت بيك حبة برا الشارع لكن نعمل شنو البلد كلها بقت شوارع سااااااااى المهم الباقى من الشباب والذى يبدو اكثر تقوى يحسب فى اوراق
الكوتشينة ونحنا يا خدر بنحسب فى التراكمات الكمية لاذمات نظام الجبهة الاسلامية دا
وبالمناسبة الواطة حااااااااااارة حتى فى الشتاء انا ما فاهم لية؟؟؟
وفى خضم كل هذا ياخدر تجد ان العمارات تستطيل بشكل سريع ومدهش لافظة اطفال البلد الى وسخ الرصيف والبلد بقت ملانة عربات والشوارع زحمة شديدة والعربات دىكلها طبعا بالاقساط
وميدان جاكسون يا سلاااااااااااااام دا انت اظنك ما حاضروا دى حتة عجيبة ياخ... ناس الجزيرة كلهم خلوا الزراعة وجو قعدوا فى جاكسون
تمشى هناك بتلقى زول خاتى ليهو عشرة مساويك وقاعد تسألوا الواحد بى كم بيقول ليك بى 100ج يعنى العشرة بى الف جنيه واقل تعريفة للمواصلات بى 600ج
بس ورينى دى بحسبوها كيف ؟؟؟؟؟؟؟؟؟ وواحد تانى فارش مناديل ورق والواحد بى 200ج وواحد فارش ما عارف شنو وتانى واحد وبعد دا كلو يجوا ناس
المحلية بالدفار يكشوهم ويودوهم لى مولانا عارف الحكم شنو ؟؟؟؟؟؟؟؟؟؟؟؟ غرامة متين الف جنيه وفى حالة عدم الدفع مصادرة البضاعة يعنى يا خدر اذا
بضاعتك قيمتها اعلى من الميتين الف دى وبعد داك اذا بعتها بتربح اكتر ممكن تدفع الغرامة وتشيل بضاعتك وطبعا اذا ما شيلتها وصادروها ح يمشوا يبيعوها
والعائد من نصيب المحلية والتى لا تصرف منه الا حق الجاز لدفار الكشة عشان يمشى تانى جاكسون ويجيب بضاعة جديدة بس فى حاجة عجيبة يا خدر وانا
محتار فيها الجماعة ديل لو مشيت اتفرجت فيهم ح تلقاهم عندهم قدرة غريبة على انتزاع الابتسام من فك هذه المعاناة خدر معليش انا ح اقطع كلامى لانو ماشى
المستشفى لزول عيان وبالمناسبة دى واحدة من الحاجات الكنت عايز احكيها ليك المرض يا خدر المرض بقى كلو مرض علاجو غاااااااااااالى يعنى ما ملاريا
والتهاب امراض عجيبة ومؤلمة ودايرة قروش كتيرة عشان الزول يتعالج كدى لامن اجى راجع ومعليش تانى ممكن الكلام يكون لغويا فيهو اخطاء بس انت عارف
لما الزول يكون ماسكاهو عبرة وعايز يتكلم وبس ما بركز مع طريقة الكلام
خدر حاجة اخيرة ليست الغربة وحدها المؤلمة .... الوطن اكثر ايلاما ياخى
ابقى عافية يا
زول يا كون
ويوما ما سيغنى اطفالنا بدل شم السليسيون
|
|
|
|
|
|
|
العنوان |
الكاتب |
Date |
سوف يأتي ! | خضر حسين خليل | 03-28-09, 09:53 AM |
Re: سوف يأتي ! | ibrahim kojan | 03-28-09, 10:01 AM |
Re: سوف يأتي ! | خضر حسين خليل | 03-28-09, 10:29 AM |
Re: سوف يأتي ! | awadharoun | 03-28-09, 11:15 AM |
Re: سوف يأتي ! | طارق جبريل | 03-28-09, 11:31 AM |
Re: سوف يأتي ! | خضر حسين خليل | 03-28-09, 11:51 AM |
Re: سوف يأتي ! | خضر حسين خليل | 03-28-09, 01:06 PM |
Re: سوف يأتي ! | خضر حسين خليل | 03-28-09, 12:52 PM |
Re: سوف يأتي ! | حسين محي الدين | 03-28-09, 02:54 PM |
Re: سوف يأتي ! | خضر حسين خليل | 03-28-09, 05:37 PM |
سلامااات | Ahmed Abdallah | 03-28-09, 03:07 PM |
Re: سلامااات | خضر حسين خليل | 03-28-09, 06:35 PM |
سلامااات | Ahmed Abdallah | 03-28-09, 03:07 PM |
Re: سلامااات | خضر حسين خليل | 03-28-09, 09:44 PM |
Re: سلامااات | ابوعسل السيد احمد | 03-28-09, 11:12 PM |
Re: سلامااات | الوليد محمد الامين | 03-29-09, 01:20 AM |
Re: سلامااات | خضر حسين خليل | 03-31-09, 07:42 PM |
Re: سلامااات | خضر حسين خليل | 03-29-09, 08:18 AM |
Re: سلامااات | هند محمد | 03-29-09, 08:33 AM |
Re: سلامااات | najma | 03-31-09, 07:56 PM |
Re: سلامااات | خضر حسين خليل | 04-02-09, 09:01 AM |
Re: سلامااات | خضر حسين خليل | 04-02-09, 08:40 AM |
Re: سلامااات | Shazaly Magzoub | 04-02-09, 09:29 AM |
Re: سلامااات | الارقم عبدالله طلب | 04-04-09, 11:06 AM |
Re: سلامااات | خضر حسين خليل | 04-11-09, 10:26 AM |
Re: سلامااات | خضر حسين خليل | 04-04-09, 09:55 PM |
Re: سلامااات | حبيب نورة | 04-04-09, 10:41 PM |
Re: سلامااات | الارقم عبدالله طلب | 04-05-09, 10:19 AM |
Re: سلامااات | الوليد محمد الامين | 04-05-09, 10:25 PM |
Re: سلامااات | الارقم عبدالله طلب | 04-06-09, 12:21 PM |
Re: سلامااات | خضر حسين خليل | 04-06-09, 12:29 PM |
Re: سلامااات | الارقم عبدالله طلب | 04-11-09, 10:18 AM |
Re: سلامااات | خضر حسين خليل | 04-11-09, 10:28 AM |
Re: سلامااات | شادية عبد المنعم | 04-11-09, 04:52 PM |
Re: سلامااات | abubakr | 04-11-09, 05:28 PM |
Re: سلامااات | خضر حسين خليل | 04-11-09, 08:00 PM |
Re: سلامااات | أيزابيلا | 04-11-09, 08:09 PM |
Re: سلامااات | خضر حسين خليل | 04-11-09, 10:28 PM |
Re: سلامااات | خضر حسين خليل | 04-11-09, 09:33 PM |
Re: سلامااات | ibrahim kojan | 04-12-09, 02:53 AM |
Re: سلامااات | الارقم عبدالله طلب | 04-12-09, 10:31 AM |
Re: سلامااات | خضر حسين خليل | 04-28-09, 12:00 PM |
|
|
|