|
|
 Re: كتير النوع ده شدييييد (Re: صلاح أبودية)
|
ابودية سلام ...
والله ما قصرت تب !
الراجل ممكووووووووووووووووووووووووووون من ابوعفنة
انا غايتو عرفته !!!!
ركبت معاه القطر ساعة ونصف الساعة......
كلامو كله دراب من ...ولي تحت !!
عامل فيها سياسي وبتاع حقوق انسان !! طيب العفانة العليهو شنو؟؟؟؟
| |
 
|
|
|
|
|
|
|
|
Re: كتير النوع ده شدييييد (Re: عماد شمت)
|
عماد شمّت !
سلامات ..
Quote:
كلامو كله دراب من ...ولي تحت !!
عامل فيها سياسي وبتاع حقوق انسان !! طيب العفانة العليهو شنو؟؟؟؟ |
دراب ساى والله ده يرمى الكلمة زى الجبل ..
يخلى الناس كلها تدضاير وبعدها يقول آآآ..
كأنو ما قال حاجة !!
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
| Quote: ورينى الزول ده أعمل فيهو شنو ؟ |
ما تعمل ليه اي حاجة. لانك لو كفتو ولاشلتو
مابخلي العفانات دي. لكن تحاول توعية المجتمع
بخطورة هذا النوع من البشر . فهي مشكلة فعليه في مجتمعنا
وخطيره بما يكفي لمحاربتها (خصوصا في مجتمع طيب وربما
ساذج كما نحن)
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
صلاح وناس الشعبية والضيوف سلام زى ز ولك ده انا كنت ضيفة على ناس بعزهم جدا وكنا ختين طشاتت غسيل انا وبنات البيت وبنغسل واخر ونسه وبعد زمن فجاء رفعتة عينى القا ليك ود خالهم بتوق لينا من شباك الديوان بتاع الرجال المقاصد محل الغسيل قلبى وجعنى وحسيت بى دمى بغلى فى عروقى قلت ليهم الزول دة بتاوق لينا اتصلحنا فى قعدتنا شلتة الموبايل وضربتة لزوجى وقلتة ليهو ادخل الدوان وقوم بلواجب طبعا صاحبك انقبض بلسابة واخد علقة ساخةلمن ادخلوا فيها كبار الاسره بس يااخوى لحدى هسع ضميرى مانبنى لانى ضيفه وخلقتة اشكال لحدى هسع الزول ده مابرفع عينو فى وشى يعنى بى طيبة سودانين بتاورنى تانيب الضمير
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
صلاح وناس الشعبية والضيوف سلام زى زولك دة انا قابلتوا وهاكم الحكاية كنت ضيفة على ناس بعزهم شديد وتانى يوم كان يوم غسيل الملابس اصريت يختو ليا طشت معهم وقعدنا داك ياالغسيل الما خمج واخر ونسه وماخدين راحتنا على الاخر اوصف مكان الغسيل تحت شجرة وراء قرفه على يمنها المتبخ مسافة على شملنا ديوان الرجال يفتح شباك غير مستعمل عشان ما يكشف حركة النسوان وبعد مرور زمن من الغسيل فترت الهمة وبدا الملل والفتر يدب فى مجلسنا وكحركة لاارادية رفعت عينى عن الطشت فوجتة ابن خلتهم كان بتجسس علينا من خلال الشباك الموارب فقلت للبنات ود خلتكم بعاين لينا فصلحنا من قعدتنا الاولى وشعرتة بقضب شديد لمن حسيت الدم بيقلى فى عروقى وماح اقدر اوصف الاحساس الجانى فضربتة فى الموبايل لزوجى كان قاعد مع اخو البنات فى الشارع بيحضرو فى ماطش بتاع دافورى فى قدام البيت قلت له تعال الديوان فلان بتاوق لينا اعمل الازم وصاحبك وجدهوا فى حالة تلبس واخد ليهوا علقة فشت مقستى وبردت بطنى وبقت مشكلة لحدى ماتدخل فيها الكبار لانو صاحبك كان متخفى خلف عبايت الدين والخمس صلوات فى المسجد واخو البنات منعوا يدخل البيت تانى بس اختك رغم تصرفى حسيت بتانيب ضمير يعنى طيبت سودانيين وكدة
| |
|
|
|
|
|
|
|
|
|
Re: كتير النوع ده شدييييد (Re: نجلاء سيد أحمد)
|
الأخ مبارك
تحياتى ..
تظلل الجزء المطلوب ..
وتعمل copy..
وتضغط كلمة رد!
وتضغط على كلمة إقتباس ..
بجيك مربع حوار تضغط reset ..
وتعمل paste
ثم OK
إن شاء الله أكون وضحت ليك بطريقة مبسطة !
| |
|
|
|
|
|
|
|
|
|
Re: عائلة الزواحف!!! (Re: صلاح أبودية)
|
العزيز صلاح و ضيوفه تحياتى.
فى الحقيقة تعد هذه القضية الإجتماعية الأخطر من نوعها على المجتمع السودانى (الإجتماعى, البسيط, المتناقض) فى معظم الأحيان.
أخى الكريم نحن أمام جيش جرار من الجاوسيس (أسوا أنواع الأعداء لأنهم يعملون التخريب من الداخل, يستغلون الثقة الزائدة و الطيبة غير المبررة فى مجتمعنا).
المواصفات التى ذكرت مضللة بعض الشئ.
كيف إذا كان هذا الشخص ( متعلم/ذكى/لبق/وجيه/ كتوم/جرئ/واثق/ و فوق مستوى الشبهات)؟؟؟ يعنى لا عبيط و لا سازج و لا بتاع صعوط !!!
الصورة التى فى ذهنك نموذج من مملكة الزواحف, حيث تزيد الخطورة بزيادة درجة النعومة و أعنى القرابة أو الصلة الإجتماعية.
* علينا فضح هولاء أولاً, لأنهم خطر على الجميع. ففى مجتمعنا القطيعى قد تجد نفسك فى موضع دفاع عن تصرفاتك أمام أقرب الناس.
* النساء و الأخوات هم خط الدفاع الأول. (الأخت التى أطلعت زوجها على ما حدث و تمت المعالجة الوقتية هى المثل الأعلى. و لكن لابد من إطلاع الغير ليحذروا).
*** إذا كانت (زوجتك/ أختك/ بنتك) بسيطة, طيبة, أو متساهلة ولا تتحدث بمثل هذه الخروقات!!
- فأنت على موعد مع المتاعب يوماً ما, أو على موعد مع الهزيمة دائماً.
أما الأخطر على الإطلاق !! فبعض الصديقات و القريبات.
| |
|
|
|
|
|
|
|
|
|
Re: عائلة الزواحف!!! (Re: Abuzar Omer)
|
أبوذر عمر !
لك التحية والشكر على المساهمة الفاعلة !
| Quote: ( متعلم/ذكى/لبق/وجيه/ كتوم/جرئ/واثق/ و فوق مستوى الشبهات)؟؟؟ |
نعم صدقت وهذا أخطر أنواع الزول العفن !
Quote: * علينا فضح هولاء أولاً, لأنهم خطر على الجميع. ففى مجتمعنا القطيعى قد تجد نفسك فى موضع دفاع عن تصرفاتك أمام أقرب الناس.
* النساء و الأخوات هم خط الدفاع الأول. (الأخت التى أطلعت زوجها على ما حدث و تمت المعالجة الوقتية هى المثل الأعلى. و لكن لابد من إطلاع الغير ليحذروا). |
هذه واحدة من المعالجات المطروحة والتى قد تجد بعض المشاكل من عدم التصديق ..
وذلك لما ذكرنا سابقا عن أن المذكور دائما ما يكون فوق الشبهات !!
Quote: إذا كانت (زوجتك/ أختك/ بنتك) بسيطة, طيبة, أو متساهلة ولا تتحدث بمثل هذه الخروقات!!
- فأنت على موعد مع المتاعب يوماً ما, أو على موعد مع الهزيمة دائماً.
|
للأسف يا أبوذر هذه المواصفات تنطبق على معظم نساء بلدى الطيب !!
وهذا ما يجعلهن ضحية لهذا القذر !
لك كل ودى !!
| |
|
|
|
|
|
|
|
|
|
Re: كتير النوع ده شدييييد (Re: نجلاء سيد أحمد)
|
| Quote: رفعت عينى عن الطشت فوجتة ابن خلتهم كان بتجسس علينا من خلال الشباك الموارب فقلت للبنات ود خلتكم بعاين لينا فصلحنا من قعدتنا الاولى وشعرتة بقضب شديد لمن حسيت الدم بيقلى فى عروقى وماح اقدر اوصف الاحساس الجانى فضربتة فى الموبايل لزوجى كان قاعد مع اخو البنات فى الشارع بيحضرو فى ماطش بتاع دافورى فى قدام البيت قلت له تعال الديوان فلان بتاوق لينا اعمل الازم وصاحبك وجدهوا فى حالة تلبس واخد ليهوا علقة فشت مقستى وبردت بطنى |
نجلاء سيد أحمد ..عفيت منك بت أمي ...
لو كان عندنا جرأتك ..امثال دا ماكانو بقو كتار ..
| Quote: بس اختك رغم تصرفى حسيت بتانيب ضمير يعنى طيبت سودانيين وكدة |
ما الطيبة دي زاتها ..الخالانا بنفش غبنا هنا أختي ..
وبوست ابودية بيحكو بيه برة كمان ..
الزول العفن دا ما يحس بالله ..انحنا بنحس بيه وبنخاف على شعوره ..ليه ما بيحس بينا ..
تحياتي ..
| |
|
|
|
|
|
|
|
|
|
Re: كتير النوع ده شدييييد (Re: Mohammed Ibrahim Othman)
|
Quote: ما الطيبة دي زاتها ..الخالانا بنفش غبنا هنا أختي ..
وبوست ابودية بيحكو بيه برة كمان ..
الزول العفن دا ما يحس بالله ..انحنا بنحس بيه وبنخاف على شعوره ..ليه ما بيحس بينا ..
|
ود إبراهيم !!
أعســابك ياخ ..
أو عليك بالشلاليت !
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
حكى لى واحد معانا فى المكتب ..
قال عندهم واحد عفن ..
لمن تكون فى مناسبة فى العائلة ..
يكون قانص لغاية ما تجى واحدة حلوة سايقة عربية ..
وطوالى عمك يقيف وراها ويقفلها عشان لمن تجى تطلع ..
يفتشو ليهو ويضربوا ليهو فى تلفونو ويدو نمرة تلفونو للمذكورة ..
وتقوم المذكورة تضرب ليهو : لو سمحت إنت قافلنى ..
عليك الله تعال طلع عربيتك !
عمك : آخر إعتزارات وكبكبة ..
وبعد داك يقوم يحفظ نمرة التلفون ..
أها ومن ديك وعيك تانى تكوس للتحلها منو !
| |
|
|
|
|
|
|
|
|
|
Re: كتير النوع ده شدييييد (Re: Ali Sirelkhatim)
|
الأخ : على سر الختم !
لك التحية والود !
طالع الماسنجر
| Quote: انا غايتو البوت بتاعى بتاع البوليس لى هسة قاعد وجاهزين للشلاليت بس قولوا لينا عوك..ولو الشلاليت ما فكت الفبينة بندور بلنجات ..{ |
والله الظاهر عليك فعلاً ديابى !
| |
|
|
|
|
|
|
|
|
|
Re: كتير النوع ده شدييييد (Re: فيصل عثمان الحسن)
|
الأخ : فيصل عثمان !
لك التحية والإحترام وخالص شكرى للمساهمة !
وأعرف ما تعانيه وما يعانيه الكثيرون من الزول العفن !
الزول العفن بتاع البوست ظاهرة !
وظاهرة مزعجة تفشت وتمددت فى البيوت السودانية !
قصدنا بالبوست لفت الأنظار لهؤلاء الطفيليين السخفاء
الذين يستغلون طيبة وسذاجة أهلنا الطيبين !Quote: رفعت هذا البوست وهذه المداخلة لأهش بها على الزول العفن بتاع حقوق الانسان , ولى فيها
مآرب أخرى . |
يبدو أنك تتحدث عن حادثة معينة لشخص معين !
مما يجعل البوست (شخصى)
وهذا يتنافى مع غرض البوست العام !
مع خالص إحترامى وتقديرى !
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
(يبدو أنك تتحدث عن حادثة معينة لشخص معين !
مما يجعل البوست (شخصى)
وهذا يتنافى مع غرض البوست العام !
مع خالص إحترامى وتقديرى !)
الأخ صلاح تحياتى وتقديرى , آسف لقرصنة البوست ان بدأ لك ذلك
من أول مداخلة لى كان واضحا أننى أقصد شخص بعينه , وهناك أيضا
احدى الأخوات ذكرت واقعة بعينها وحددت كيف تصرفت هى حيال ذلك
الموقف , وتجربتى وتجربة تلك الأخت وآخرون هى ما لفتت الانتباه لظاهرة الزول
العفن , وبما أن البوست مفرد لمحاربة ظاهرة تأرق الجميع رأيت أن لا أفتح بوست
آخر يحارب نفس الظاهرة وانما السير فى البوست المفتوح , وان أزعجكم سلوكنا أتقدم
بالاعتذار مع وعدى بسحب المداخلات مع جزيل الشكر والتقدير على الاستضافة .
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
Quote: يكون قانص لغاية ما تجى واحدة حلوة سايقة عربية ..
وطوالى عمك يقيف وراها ويقفلها عشان لمن تجى تطلع ..
يفتشو ليهو ويضربوا ليهو فى تلفونو ويدو نمرة تلفونو للمذكورة .. |
ماشاء الله يا أبودية .. الراجل برضو إتطور وعمل ليه عربية .. فى زمنا شغلوا كان فى البصات الأهلية .. ولم تلم فيه بت قبايل ياكل كفيت من البص لحدى سوق الخضار .. العفن
جيت أسلم وأبلغ الأشواق
| |
|
|
|
|
|
|
|
|
|
Re: كتير النوع ده شدييييد (Re: رأفت ميلاد)
|
يا رأفت تحياتى !
وين إنت ياخ !
من دخلت على الحتة بتاعتك ديك ناس عزّام شالوا حالى !| Quote: الراجل برضو إتطور وعمل ليه عربية |
عربية بس يارأفت ..
عربية وموبايل كاميرا وهاك يا تصوير .. العفن !
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
يشهد الله يا صلاح لم أقصد حرف البوست , وأنت أحد الذين أكن لهم قدر
وافر من الاحترام , أولا لمريخيتك وثانيا لموضوعيتك فى النقاش , ويقينى
أن صاحب البوست هو صاحب حق أصيل فى ادارة بوسته وتوجيهه بالكيفية التى
يريدها , والتعدى على بوستات الآخرين هو بمثابة التعدى على حقوقهم وهذا ما لا
أرضاه , أكرر اعتذارى يا صديق .
وان شاء الله نلتقى فى السودان بعد زوال سبب هجرتنا القسرية
وزولى العفن وكيلك الله أنا كفيل به , وأصلا ما عندى شغلة غيره .
تحياتى لك وللأسرة الكريمة .
| |
|
|
|
|
|
|
|
|
|
Re: كتير النوع ده شدييييد (Re: فيصل عثمان الحسن)
|
| Quote: الراجل برضو إتطور وعمل ليه عربية |
عربيه وموبايل آخر صيحه وايه كده ماعرف؟؟؟
الزول العفن ماشه معاهو طحنيه بس!!!!!!
___________________________________________________________________________________
يا أبوديه العينه الفوق دي بقت كتيره إلا نتخارج نخلي ليه الساحه ولا رايك شنو؟؟
| |
|
|
|
|
|
|
|
|
|
Re: كتير النوع ده شدييييد (Re: السيد المسلمي)
|
السيد المسلمى !Quote: يا أبوديه العينه الفوق دي بقت كتيره إلا نتخارج نخلي ليه الساحه ولا رايك شنو؟؟
|
لكن يا المسلمى كده ما بتكون ريحتو !!
الزول العفن داير مكاجرة عشان ما ياخد راحتو..
ده لو أخد راحتو بالبوليس ما بطلع !
لك التحيات الطيبات
| |
|
|
|
|
|
|
| |
عماد شمت
صلاح أبودية
خالد حاكم
waleed dawash
مبارك محمد عثمان
نجلاء سيد أحمد
Abuzar Omer
Mohammed Ibrahim Othman
Ali Sirelkhatim
رأفت ميلاد
فيس بوك
تويتر
انستقرام
يوتيوب
بنتيريست